შემოსავლების სამსახური: სადგურის მოედანზე ხანძრით დაზარალებულებს განადგურებული საქონელი ჩამოეწერებათ

როგორც მან აღნიშნა, პარტნიორების მხრიდან ხაზი გაესვა საქართველოს მიერ მიღწეულ მაკროეკონომიკურ სტაბილურობას.„აღნიშნულ მხარდაჭერას აქვს თავისი მიზეზი. ჩვენი პარტნიორების მხრიდან გამოყოფილი იყო რამდენიმე ფაქტორი, კერძოდ - მაღალი ეკონომიკური ზრდა, რომელიც საქართველოში ფიქსირდება ბოლო 4 წლის განმავლობაში (დაახლოებით, 9.5% ყოველწლიურად), ასევე, აღდგენილი მაკროეკონომიკური პარამეტრები, რომელსაც ქვეყანამ რამდენიმე წელიწადში მიაღწია, რითაც ის გამორჩეულია, არა მხოლოდ რეგიონში, არამედ მსოფლიოში. უსაფრთხო დონეზეა საბიუჯეტო დეფიციტი 2.4%-ის ფარგლებში, ვალის მოცულობა მშპ-სთან მიმართებით არის 36%-ის ფარგლებში, ასევეა ინფლაციის მაჩვენებელი, მიმდინარე ანგარიშის დეფიციტი. ქვეყანამ მიაღწია მაკროეკონომიკურ სტაბილურობას და დღევანდელი ამოცანაა ამ მიღწევის შენარჩუნება", - აღნიშნა ლაშა ხუციშვილმა.ხუციშვილმა „ღამის კურიერის" ეთერში იმაზეც ისაუბრა, რომ 2025 წლის ბიუჯეტის პირველი კვარტალის მონაცემებზე და აღნიშნა, რომ იანვარ-მარტის ბიუჯეტი შესრულებულია 102%-იანი გადაჭარბებით.„კიდევ ერთხელ განვმარტავთ, რომ არანაირი პრობლემა ბიუჯეტის შესრულებას არ აქვს. ჩვენ ბოლო 4 წლის განმავლობაში ვისმენთ, რომ არსებობს „დაანონსებული საბიუჯეტო კრიზისი", თუმცა საქართველოს ბიუჯეტი ყოველთვის სრულდება მნიშვნელოვანი გადაჭარბებით. საქართველოში ფიქსირდება მაღალი ეკონომიკური ზრდა. დღეს არსებული მონაცემებით, საშუალო 9.3%-ია. ფინანსთა სამინისტროს მიერ მიმდინარე წლის ბიუჯეტი დაგეგმილია კონსერვატიულად - 6%-იან  ეკონომიკურ ზრდაზე და არსებული ტენდენციით, ბიუჯეტის შესრულებას არანაირი პრობლემა არ აქვს. ბიუჯეტი სრულდება გადაჭარბებით და იმის საფუძველი, რომ წლის მეორე ნახევარში არსებითად განსხვავებული ეკონომიკური ფაქტორები იქნება, ნამდვილად არ არსებობს", - აღნიშნა ფინანსთა მინისტრმა.

1746090978

საქართველოს ბანკის ინოვაციური ბიბლიოთეკა უკვე ქვეყნის მასშტაბით 11 რეგიონის 25 სკოლაში ფუნქციონირებს და 18 000-ზე მეტი მოსწავლისთვის ქმნის ახალი აღმოჩენებისა და შემეცნების სივრცეს.საქართველოს ბანკის იდეათეკები აღჭურვილია მრავალფეროვანი ბიბლიოთეკით, ზოგადი და სასკოლო საგანმანათლებლო რესურსით, კომპიუტერებით, პროექტორით და STEM კუთხით, სადაც ახალგაზრდებს აქვთ შესაძლებლობა, გაეცნონ საბუნებისმეტყველო მეცნიერებების საფუძვლებს, ჩაატარონ მარტივი, სახალისო ექსპერიმენტები და თეორიული ცოდნა პრაქტიკულ გამოცდილებად აქციონ, რაც დაეხმარება მათ, გადადგან პირველი ნაბიჯები დიდი აღმოჩენების სივრცეში.იდეათეკების პროექტი ბანკის ინიციატივით და პარტნიორების მხარდაჭერით, 2019 წლიდან ხორციელდება. ძლევიჯვარის საჯარო სკოლაში საქართველოს ბანკის მულტიფუნქციური ბიბლიოთეკა ქართული წიგნის ინსტიტუტთან თანამშრომლობით და „საბა ქონსთრაქშენთან“ პარტნიორობით გაიხსნა.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge

1746088929

„დონალდ ტრამპის მიერ გამოძალვითი შეთანხმების ხელმოწერით, მაშინ როდესაც უკრაინა აგრძელებს რუსეთის უკანონო აგრესიისგან თავდაცვას, იმედი მაქვს, რომ ადმინისტრაცია ახლა შეძლებს ყურადღება გაამახვილოს ნამდვილ დაბრკოლებაზე: ვლადიმერ პუტინზე“, – განაცხადა მიქსმა.მისივე თქმით, უკრაინის პრეზიდენტმა, ვოლოდიმირ ზელენსკიმ არაერთხელ გამოავლინა მზადყოფნა მდგრადი მშვიდობის მისაღწევად მოლაპარაკებებისთვის.„ახლა დროა ტრამპმა მოახდინოს ზეწოლა პუტინზე. იქ, სადაც ეს საჭიროა“, – განაცხადა მიქსმა და იქვე აღნიშნა, რომ ტრამპმა უნდა ითანამშრომლოს კონგრესთან, რათა ზეწოლა მოახდინოს პუტინზე და მკაფიოდ განაცხადოს, რომ რუსეთი თუ არ იქნება მზად რეალური დათმობებისთვის და სამშვიდობო პროცესში მონაწილეობისთვის, აშშ პარტნიორებთან და მოკავშირეებთან ერთად მიიღებს სერიოზულ ზომებს.30 აპრილს ამერიკის შეერთებულმა შტატებმა და უკრაინამ ხელი მოაწერეს მიწაიშვიათი ლითონების შეთანხმებას და საინვესტიციო ფონდის შექმნაზე შეთანხმდნენ. ამის შესახებ აშშ-ის სახაზინო დეპარტამენტი და უკრაინის პირველი ვიცე-პრემიერი იულია სვირიდენკო აცხადებს. „30 აპრილს ამერიკის შეერთებულმა შტატებმა და უკრაინამ ხელი მოაწერეს შეთანხმებას, რომელიც ითვალისწინებს საინვესტიციო ფონდის შექმნას. პრეზიდენტ ტრამპის დაუღალავი ძალისხმევის წყალობით, რომელიც მიმართულია ხანგრძლივი მშვიდობის უზრუნველსაყოფად, მოხარული ვარ, განვაცხადო დღევანდელი ისტორიული ეკონომიკური პარტნიორობის შეთანხმების ხელმოწერის შესახებ ამერიკის შეერთებულ შტატებსა და უკრაინას შორის, რომელიც აფუძნებს საინვესტიციო ფონდს. როგორც პრეზიდენტმა განაცხადა, ამერიკის შეერთებული შტატები ვალდებულებას იღებს, ხელი შეუწყოს ამ სასტიკი და უაზრო ომის დასრულებას.ეს შეთანხმება მკაფიოდ მიანიშნებს რუსეთს, რომ ტრამპის ადმინისტრაცია ვალდებულებას იღებს, მშვიდობის პროცესი დაფუძნებული იყოს თავისუფალ, სუვერენულ და აყვავებულ უკრაინაზე გრძელვადიან პერიოდში. პრეზიდენტმა ტრამპმა გადაწყვიტა ეს პარტნიორობა ამერიკელ ხალხსა და უკრაინელ ხალხს შორის, რათა ნაჩვენები იყოს ორივე მხარის ვალდებულება უკრაინაში ხანგრძლივი მშვიდობისა და კეთილდღეობის მიმართ“, – აღნიშნა აშშ-ის სახაზინო დეპარტამენტის ხელმძღვანელმა, სკოტ ბესენტმა.აშშ-ის სახაზინო დეპარტამენტის განცხადებაში აღნიშნულია, რომ როგორც ამერიკის შეერთებული შტატები, ისე უკრაინის მთავრობა მოუთმენლად ელოდება ამ ისტორიული ეკონომიკური პარტნიორობის სწრაფად ამოქმედებას, როგორც უკრაინის, ისე ამერიკელი ხალხისთვის.თავის მხრივ, უკრაინის პირველმა ვიცე-პრემიერმა, იულია სვირიდენკომ დაადასტურა შეერთებულ შტატებთან სასარგებლო წიაღისეულის შესახებ შეთანხმების ხელმოწერა.„აშშ-ის სახაზინო დეპარტამენტის ხელმძღვანელთან, სკოტ ბესანტთან ერთად ხელი მოვაწერე შეთანხმებას აშშ-უკრაინის საინვესტიციო ფონდის შექმნის შესახებ“, – წერს სვირიდენკო.ამასთან, სვირიდენკოს თქმით, შეთანხმება შეესაბამება უკრაინის კონსტიტუციას და არ ცვლის უკრაინის ევროინტეგრაციის კურსს.„ასევე ეს იქნება სიგნალი საერთაშორისო მოთამაშეებისთვის, რომ ჩვენს სახელმწიფოსთან გრძელვადიანი თანამშრომლობა საიმედოა“, – აღნიშნა სვირიდენკომ.ინფორმაციისთვის, ახლა შეთანხმება უნდა რატიფიცირდეს უმაღლესი რადას მიერ.

1746087828

ამჯერად საარჩევნო ადმინისტრაციაზე თავდასხმის საბაბი ცესკოს გადაწყვეტილება გახდა, რომლის თანახმადაც განხორციელდა სხვადასხვა საარჩევნო დოკუმენტაციის დიზაინის მოდიფიცირება, მათ შორის ხმის მთვლელი აპარატის ბიულეტენისთვის განკუთვნილი ჭრილისთვის საფარის დამატება. გარკვეული პირები ცდილობენ აღნიშნულის ინტერპრეტირებას 26 ოქტომბრის არჩევნებზე თითქოსდა არსებული დარღვევების აღიარებად.ხაზგასმით გვინდა აღვნიშნოთ, რომ ეს გადაწყვეტილება არ ნიშნავს ფარულობის დარღვევებზე უსაფუძვლო ბრალდებების აღიარებას. განკარგულებით საარჩევნო ადმინისტრაციამ პრევენციული გადაწყვეტილება მიიღო პოლიტიკური დღის წესრიგით ნაკარნახევი სპეკულაციების თავიდან ასაცილებლად.საზოგადოებისთვის გვსურს განვმარტოთ, რომ გასულ არჩევნებზე დაფიქსირდა ზოგიერთი ჩართული მხარის მიერ საარჩევნო პროცედურებზე დაკვირვების, ფოტოვიდეოგადაღებისა და ამომრჩეველთა პერსონალური მონაცემების დამუშავების კანონის დარღვევით განხორციელების არაერთი ფაქტი, რამაც ხელი შეუწყო  ხმის ფარულობის საკითხის სპეკულაციურად წამოჭრას.სწორედ ამ ფაქტების შესწავლის შემდეგ ადმინისტრაციამ, როგორც საარჩევნო პროცესზე პასუხისმგებელმა ინსტიტუციამ, მიიღო სამართლებრივი აქტები მომავალში მსგავსი ტიპის სპეკულაციების და ქმედებების პრევენციის მიზნით. თუმცა, დაინტერესებულმა მხარეებმა სცადეს, დადგენილება, რომლითაც დაზუსტდა კენჭისყრის დღის პროცედურები, დაკვირვების პროცესის შეზღუდვად წარმოეჩინათ, ხოლო განკარგულება, რომელიც ხმის მთვლელი აპარატის ბიულეტენისთვის განკუთვნილ ჭრილზე საფარის დამაგრებას უზრუნველყოფს - ფარულობის დარღვევის აღიარებად.არსებული გამოცდილების გათვალისწინებით, ბუნებრივია გვქონდა მოლოდინი, რომ აღნიშნული საკითხები დაინტერესებული მხარეების მიერ კვლავ გამოყენებული იქნებოდა სპეკულაციებისთვის, საარჩევნო ადმინისტრაციის დისკრედიტაციისა და საზოგადოებაში არასწორი აღქმების შესაქმნელად. საარჩევნო ადმინისტრაციაზე თავდასხმის სქემა უკვე კარგად ნაცნობია - საკითხს სოციალურ ქსელში წამოჭრის დაინტერესებული პირი, შემდგომ კი თემის განვრცობა ხდება ზოგიერთი მიკერძოებული არასამთავრობო ორგანიზაციისა და პოლიტიკური პარტიის წარმომადგენლების მიერ საარჩევნო ადმინისტრაციის, და ზოგადად, საარჩევნო პროცესის დისკრედიტაციისთვის. შემდგომში, ეს ყველაფერი მიეწოდება საერთაშორისო პარტნიორებს, როგორც არჩევნებში ჩართული მხარეების ერთიანი მოსაზრება, რის შემდგომაც დაინტერესებული მხარეები ცდილობენ მანიპულაციურად იმოქმედონ როგორც ამომრჩევლებზე, ისე საერთაშორისო პარტნიორებზე.საარჩევნო ადმინისტრაციის პრიორიტეტი საარჩევნო პროცესის გაუმჯობესებაზე ზრუნვა და ყოველი მომდევნო არჩევნების კიდევ უფრო ორგანიზებულად, მაღალი საერთაშორისო სტანდარტით ჩატარებაა, თუნდაც ეს ორგანიზაციის  დისკრედიტაციის საბაბი გახდეს.არჩევნების მოდერნიზება უწყვეტი და თანმიმდევრული პროცესია, რომელიც ეტაპობრივად იხვეწება. საზოგადოებას გვინდა შევახსენოთ, რომ 26 ოქტომბრის არჩევნებამდე ელექტრონული ტექნოლოგიების გამოყენებით ჩატარდა 8 საპილოტე არჩევნები და თითოეულის შემდგომ პერიოდს თან სდევდა რიგი პროცედურების დახვეწა.  ასე მოხდა 26 ოქტომბრის შემდეგაც. სწორედ საარჩევნო პროცესის შესწავლა/გაანალიზების შემდეგ მიიღო საარჩევნო ადმინისტრაციამ ზემოაღნიშნული გადაწყვეტილებები, რომელიც 4 ოქტომბრის არჩევნების კიდევ უფრო უკეთეს გარემოში ჩატარებას უზრუნველყოფს.საზოგადოებისთვის ცნობილია პროკურატურის შუალედური დასკვნა, რომლის თანახმადაც არ დადასტურდა არცერთი ბრალდება, რომელსაც 26 ოქტომბრის არჩევნებთან დაკავშირებით დაინტერესებული მხარეები ავრცელებდნენ. პროკურატურაში ვერცერთი მტკიცებულება ვერ წარადგინეს და ახლა საკუთარი უსაფუძვლო ბრალდებების დადასტურებას ცესკოს გადაწყვეტილებების სპეკულაციური ინტერპრეტირებით ცდილობენ.  როგორც ჩანს, დაინტერესებული მხარეების მიზანი არა საარჩევნო პროცესის გაუმჯობესება, არამედ სპეკულაციისთვის რაც შეიძლება მეტი სივრცის არსებობაა.საარჩევნო ადმინისტრაცია კვლავ რჩება გაცხადებული პოლიტიკის ერთგული - არ დატოვოს უპასუხოდ არცერთი მანიპულაციური თუ ცრუ ინფორმაცია, რომელმაც შეიძლება ამომრჩეველი ან/და საერთაშორისო პარტნიორები შეიყვანოს შეცდომაში და უზრუნველყოფს საარჩევნო პროცესთან დაკავშირებით სწორი ინფორმაციის მიწოდებას საზოგადოებისთვის, ხოლო ყველა იდენტიფიცირებულ თუ პოტენციურ რისკთან დაკავშირებით, რომელიც შესაძლოა ტოვებდეს სპეკულაციების სივრცეს, ცესკო მიიღებს შესაბამის პრევენციულ გადაწყვეტილებას.(R)

1746083341

„უცხოეთის აგენტების რეგისტრაციის აქტის” ბუნდოვანი და ფართო ნორმები ქართულ ოცნებას შესაძლებლობას აძლევს იგი თვითნებურად, დევნის ინსტრუმენტად გამოიყენოს. მიუხედავად იმისა, რომ კეთილსინდისიერი განმარტების შემთხვევაში, კანონი სამოქალაქო საზოგადოების ორგანიზაციებზე არ უნდა გავრცელდეს, „ქართული ოცნების” რიტორიკა და კანონის განმარტებითი ბარათი ცხადყოფს, რომ მმართველი პარტია მიზნად ისახავს იგი ბოროტად გამოიყენოს და სამოქალაქო ჩართულობის წინააღმდეგ იარაღად აქციოს.„ქართული ოცნება” ხშირად აღნიშნავს, რომ საქართველოში მიღებული კანონი ამერიკული FARA-ს თარგმანია, თუმცა, ამერიკული FARA, გამოიყენება ლობისტურ საქმიანობასთან მიმართებით და არ ვრცელდება ისეთ სამოქალაქო საზოგადოების ორგანიზაციებზე, რომლებიც დაფინანსებას უცხოური წყაროებიდან იღებენ და აქტიურად არიან ჩართული სხვადასხვა საკითხზე ადვოკატირებაში.ამასთან, ქართულმა ოცნებამ „გრანტების შესახებ“ კანონში, შეიტანა ცვლილებები, რომლის რომლის მიხედვითაც იკრძალება მთავრობის თანხმობის გარეშე უცხოური გრანტის მიღება, რაც დამატებით მექანიზმს წარმოადგენს სამოქალაქო საზოგადოების ორგანიზაციების წინააღმდეგ”, – აღნიშნავს საია.ორგანიზაციის განცხადებით, კომუნიკაცია ყურადღებას ამახვილებს, რომ აღნიშნული საკანონმდებლო ინიციატივების მიღება ხდება ადამიანის უფლებების უმძიმესი კრიზისის ფონზე.ამასთან, ორგანიზაციის ცნობით, კომუნიკაციაში ხაზგასმულია, რომ სახელმწიფო ინსტიტუტები, რომლებიც კანონების განმარტებასა და აღსრულებაზე არიან პასუხისმგებელი, მოკლებული არიან დამოუკიდებლობას და პოლიტიკურ ნეიტრალიტეტს და მიტაცებულები არიან მმართველი პარტიის მიერ.კომუნიკაცია ადრესატებს მოუწოდებს, მხარი დაუჭირონ ქართულ მედიას და სამოქალაქო საზოგადოებას.კომუნიკაციის ადრესატები არიან: ევროპის საბჭოს ადამიანის უფლებების კომისარი გაეროს ადამიანის უფლებათა კომიტეტი გაეროს წამების წინააღმდეგ კომიტეტი გაეროს ეკონომიკურ, სოციალურ და კულტურულ უფლებების კომიტეტი გაეროს შეზღუდული შესაძლებლობის მქონე პირთა უფლებების კომიტეტი გაეროს ბავშვის უფლებათა კომიტეტი გაეროს ქალთა მიმართ დისკრიმინაციის აღმოფხვრის კომიტეტი გაეროს სპეციალური მომხსენებელი წამებისა და სხვა სასტიკი, არაჰუმანური ან დამამცირებელი მოპყრობის საკითხზე გაეროს სპეციალური მომხსენებელი მშვიდობიანი შეკრებისა და გაერთიანების თავისუფლების საკითხზე გაეროს სპეციალური მომხსენებელი გამოხატვის თავისუფლების საკითხზე გაეროს სპეციალური მომხსენებელი ადამიანის უფლებების დამცველთა საკითხზე გაეროს სპეციალური მომხსენებელი მოსამართლეთა და ადვოკატთა დამოუკიდებლობის საკითხზე გაეროს სპეციალური მომხსენებელი თვითნებური დასჯის საკითხზე გაეროს სპეციალური მომხსენებელი პირადი ცხოვრების დაცვის საკითხებზე ეუთოს სამდივნო 

1746082330

პროექტი შვეიცარიის განვითარებისა და თანამშრომლობის სააგენტოს (SDC) მიერაა დაფინანსებული.ურთიერთთანამშრომლობის მიზანი საქართველოს სხვადასხვა რეგიონში მცირე და საშუალო ბიზნესის გაძლიერება, მათთვის დამატებითი რესურსების მობილიზება და საგანმანათლებლო თუ სხვა სერვისების გაზიარებაა. თანამშრომლობა ითვალისწინებს:1. ESG პროდუქტებისა და პროცესების განვითარებას - ამ მიზნით, მხარეები ეფექტური სერვისების შემუშავებაში მიიღებენ მონაწილეობას;2. არაფინანსური სერვისების განვითარებას - ურთიერთთანამშრომლობით, ჩამოყალიბდება საკონსულტაციო, საგანმანათლებლო და სხვა ისეთი სერვისები, რომლებიც მეწარმეებს ბიზნესის განვითარებაში დაუჭერს მხარს და დამატებითი ფინანსური რესურსების მოზიდვის გზებზე მიაწვდის ინფორმაციას. მათ შორის, პარტნიორობა ბიზნეს სესხების აპლიკაციის ხარისხის გაუმჯობესებასაც ისახავს მიზნად.„საქართველოს ბანკისთვის მცირე და საშუალო ბიზნესის მხარდაჭერა ერთ-ერთი უცვლელი პრიორიტეტია. მოხარული ვართ, რომ ვაგრძელებთ თანამშრომლობას „რეგიონებში მცირე და საშუალო საწარმოების განვითარების პროექტთან“ (RSMEDP). გასულ წლებში ჩვენ ერთად რეგიონული ბიზნესებისთვის, მათ შორის, აგრო თუ სტუმარმასპინძლობის სექტორში მომუშავე მეწარმეებისთვის, არაერთი შესაძლებლობა შევქმენით, გავუზიარეთ მათ განვითარებისთვის საჭირო ინფორმაცია და რესურსები. მიგვაჩნია, რომ ეკონომიკის მდგრადი განვითარება რეგიონული, მცირე და საშუალო ზომის ბიზნესის გაძლიერების გარეშე შეუძლებელია, სწორედ ამიტომ, ჩვენ არ ვჩერდებით და ვცდილობთ, რეგიონული ბიზნესების გაფართოებასა და გაძლიერებაში ჩვენი წვლილი შევიტანოთ“, - აცხადებს თორნიკე კუპრაშვილი, ბანკის მცირე და საშუალო ბიზნესის მიმართულების ხელმძღვანელი.„მოხარულები ვართ, რომ ვაგრძელებთ საქართველოს ბანკთან თანამშრომლობას. დაგეგმილი აქტივობების ფარგლებში რეგიონებში მცირე და საშუალო საწარმოებისთვის პროდუქტების და სერვისების ეფექტურად მიწოდების მიზნით პროექტი ითანამშრომლებს ბანკის არასაბანკო პროდუქტების განვითარებისა და ESG და მდგრადობის დეპარტამენტებთან. საბანკო პროდუქტების ხელმისაწვდომობა მნიშვნელოვანია საწარმოების ეფექტური ფუნქციონირებისა და ეკონომიკური ზრდისთვის. გვჯერა, რომ ჩვენი პარტნიორობა ხელს შეუწყობს მდგრად ეკონომიკურ განვითარებას და გაზრდის რეგიონებში მცხოვრები მოსახლეობის შემოსავლებსა და დასაქმებას“, - აღნიშნა რიჩარდ როუზმა, “რეგიონებში მცირე და საშუალო საწარმოების განვითარების პროექტის“ ხელმძღვანელმა.

1746081170

ლევან წულაძის მიერ შექმნილი დამოუკიდებელი თეატრალური სივრცე მაისში სცენას აცოცხლებს ძლიერი ისტორიებით, თამამი შესრულებებით და იმ ემოციებით, რომლებიც სპექტაკლის შემდეგაც გრძელდება.თეატრის გენერალური სპონსორია თიბისი კონცეპტი და Visa.თიბისი კონცეპტის Visa ბარათის მფლობელებისთვის მეოთხე რიგის ბილეთებზე მოქმედებს 15%-იანი ფასდაკლება. ბილეთების შესაძენად ეწვიეთ ბმულს.დირიჟორი | 1, 11 და 21 მაისი, 20251946 წელს ნიუნბერგში, ბერლინის სახელმწიფო ორკესტრის მთავარ დირიჟორს - ფურტვენგლერს ასამართლებენ. დებორა არნოლდი ცნობილი გერმანელი დირიჟორის, დოქტორ ფურტვენგლერის წარსულის გამოძიებას ცდილობს. დაკითხვის ოთახი განსხვავებული იდეოლოგიების ბრძოლის ველად იქცევა: შეიძლება თუ არა, გამიჯნო ხელოვნება და პოლიტიკა? იცხოვრო და იმუშაო მშვიდად, მას შემდეგ რაც ეშმაკს ჩამოართვი ხელი? შეუძლია მუსიკას ადამიანის სულის გათავისუფლება? რონალდ ჰარვუდის ეს დამატყვევებელი პიესა ამ და ბევრ სხვა მნიშვნელოვან შეკითხვას სვამს, თუმცა პასუხის მოსმენა მარტივი არ იქნება.ცხვირი | 4, 23 და 30 მაისი, 2025თქვენი სახელი? სტატუსი? გავლენა? და თუ ერთ დილას აღმოაჩენთ, რომ ეს ყველაფერი სხვას გადაეცა - თქვენ ვინ იქნებით? იღვიძებ და ცხვირი აღარ გაქვს. მაგრამ ყველაზე შემაშფოთებელი ის კი არ არის, რომ ის გაქრა – არამედ ის, რომ ის უკვე სხვაგანაა. შენთვის განკუთვნილ ადგილას. შენს სამუშაო მაგიდასთან. შენს ტანსაცმელში. მას შენი სახელი ჰქვია, მას შენი გავლენა აქვს და შენზე მეტად სცემენ პატივს. რა რჩება ადამიანისგან, როცა მას საკუთარი ცხვირი აღარ ეკუთვნის? რა რჩება პიროვნებისგან, როცა მისი როლი და თანამდებობა უფრო მნიშვნელოვანია, ვიდრე ის თავად?ღამის ქალაქის ჩირაღდნები: ბენზინგასამართი სადგური | 3, 8, 10, 22, 25 და 28 მაისი, 2025როდესაც ცხოვრება უმართავი სისწრაფით მიგვაქანებს, ხშირად გვავიწყდება ის, რაც ყველაზე მნიშვნელოვანია. სპექტაკლი გვიამბობს ექვსი ადამიანის ისტორიას, რომლებიც ბედისწერის წყალობით „ბენზინგასამართ სადგურზე“ აღმოჩნდებიან და იძულებულნი არიან ყოველდღიური გიჟური რიტმის ფონზე სულ რამდენიმე საათით შეისვენონ. ამ ხანმოკლე პაუზაში მათ ეძლევათ შანსი, თავიდან დაინახონ ერთმანეთი1921-1924 | 9, 17 და 18 მაისი, 2025სპექტაკლში მოქმედება საქართველოს დამოუკიდებლობის ბოლო დღეების და ბოლშევიკური რეპრესიების ფონზე ვითარდება. საქართველოს გასაბჭოებამ თაობებს წაართვა მომავალი, ოცნება, მთლიანად ცხოვრება და დიდი ხნით გამოუვალ, ტრაგიკულ მდგომარეობაში გამოკეტა.TooTsie - 14, 15 და 31 მაისი, 2025სპექტაკლის იდეა ამავე სახელწოდების ფილმიდან მოდის, თუმცა მთავარი აქცენტი მსახიობის პროფესიისადმი სიყვარულზე და თავგანწირვაზეა. ეს არის ამბავი მსახიობის უამრავი ფიქრის, ტკივილის, გრძნობების და იმ მთავარი მისიის შესახებ, რომელიც საკუთარ თავს თავადვე განუსაზღვრა და ამ მისიის შესასრულებლად ყოველ დღე იბრძვის.

1746079662

კერძოდ, დოკუმენტის ტექსტში არის მოწოდება ევროკავშირის წევრი ქვეყნებისა და პარტნიორების მიმართ, რომ კოორდინირებულად შემოიღონ პირადი სანქციები ბიძინა ივანიშვილის, მისი ოჯახის წევრების, კომპანიებისა და ახლო წრის წინააღმდეგ, ასევე, გაყინონ ივანიშვილის ყველა აქტივი ევროკავშირის ტერიტორიაზე.ამასთან, EPP მოუწოდებს ევროპულ საბჭოს გადადგას შესაბამისი ნაბიჯები „ქართუ ბანკის“ SWIFT და Visa/MasterCard სისტემებიდან გათიშვის მიზნით და ასევე დააწესოს სანქციები იმ ბიზნესებზე, რომლებიც მხარს უჭერენ მას.დოკუმენტში EPP მიესალმება ევროკავშირის საბჭოს გადაწყვეტილებას, შეაჩეროს უვიზო მოგზაურობა ქართველი დიპლომატებისთვისა და ოფიციალური პირებისთვის, როგორც პირველ ნაბიჯს - და ხაზს უსვამს, რომ „ქართული ოცნება” სრულიად პასუხისმგებელია საქართველოს მოქალაქეებისთვის უვიზო რეჟიმის შესაძლო შეჩერებასთან დაკავშირებულ შედეგებზე - თუ დემოკრატიულ მმართველობასა და თავისუფლებებზე შესაბამისი პირობები და თავისუფლებები არ იქნება დაკმაყოფილებული.ცნობისთვის, მემარჯვენე-ცენტრისტული გაერთიანება „ევროპის სახალხო პარტია“ (EPP) ევროპის პარლამენტის უდიდესი და ყველაზე ძველი ჯგუფია. მისი წევრია „ნაციონალური მოძრაობა“.

1746076200