მშენებლობის ღირებულების ინდექსი თითქმის 5%–ით გაიზარდა

ოჯახი, როგორც მთავარი ღირებულება ადამიანის ცხოვრებაში, უდიდეს როლს ასრულებს პიროვნულ განვითარებაში და ამის დასტურია მთელი ეს სპექტაკლიც.მოქმედება ოქროყანაში, ერთ ქართულ ოჯახში ხდება, სადაც ოჯახის წევრები გარკვეული პერიოდის შემდეგ, ერთი მიზნით იკრიბებიან – დაკარგული მამის გამო, რომელიც სცენაზე საერთოდ არ ჩანს, მაგრამ თითქოს მამოძრავებელი ღერძია მთლიანი სპექტაკლის.ღალატი, ტყუილი, ეზოიზმი, გაუცხოება, მარტოობის შიში, ბავშვობის ტრავმები, ნარკოდამოკიდებულება, ინცესტი. ეს იმ პრობლემათა მცირე ჩამონათვალია, რაც ამ ნაწარმოებშია თავმოყრილი. ოჯახი გვიყვება კომპლექსურ ამბავს დედაშვილობაზე, ცოლქმრობაზე, მეგობრობაზე, მორალზე და უბრალოდ ადამიანურ ურთიერთობებზე. პიესის ერთ-ერთი მთავარი ძაბვაა ჭიდილი სიმართლესა და სიცრუეს შორის, ოჯახი ტყუილებზეა აშენებული, რაც საბოლოოდ მისი ნგრევის მიზეზი ხდება. რეჟისორს ზემოხსენებული ისე ოსტატურად აქვს გადმოცემული, რომ მაყურებელში სხვადასხვა ტიპის ემოციას იწვევს. ტრაგიკომედია მაყურებელს აღრეულ შეგრძნებებს უტოვებს, დრამატულ სცენას მომენტალურად კომიკური ანაცვლებს და პირიქით, რაც მაყურებელს კონკრეტულ სტერეოტიპულ შეხედულებას არ უტოვებს ამა თუ იმ ფაქტისა თუ მსახიობის მიმართ, არამედ, გვაძლევს საშუალებას, გავაანალიზოთ ესა თუ ის მოქმედება და შევიქმნათ ჩვენი, საკუთარი, სუბიექტური დამოკიდებულება.სცენარს რომ მივუბრუნდეთ, მალევე ირკვევა, რომ ოჯახის მამა გარდაცვლილია, ოჯახის წევრებს კი გარკვეული დროის გატარება უწევთ იმ ჯოჯოხეთურ ყოფაში, რასაც ისინი თავის დროზე გაექცნენ. ავადმყოფი, დაქვრივებული დედა სამი რადიკალურად განსხვავებული ქალიშვილით, დედას პირის ღრუს კიბოს დიაგნოზი აქვს და ნარკოდამოკიდებულია, მას მხოლოდ ერთი ქალიშვილი შემორჩა გვერდით, რომელიც უვლის, მაგრამ თავისი დების მსგავსად ირკვევა, რომ მასაც გადაწყვეტილი აქვს სახლიდან წასვლა. გაუცხოების თემა დებს შორის საკმაოდ შესამჩნევია, ისინი მუდმივ ბრძოლებში, ჩხუბში არიან როგორც ერთმანეთთან, ასევე დედასთან.დედის როლში გენიალური მსახიობი  ნინელი ჭანკვეტაძეა, ჯუნას პერსონაჟით, რომელიც გასაოცარი სამსახიობო ოსტატობით აღაფრთოვანებს მაყურებელს. სპექტაკლში გამოკვეთილია ქალის როლი და მისი მნიშვნელობა ოჯახში, რაც ერთ-ერთი მთავარი მიზეზია ოჯახის ნგრევის. როგორც უკვე აღვნიშნეთ, ჯუნა ნარკოდამოკიდებული, დეპრესიული ქალია, რომელსაც მისივე დედისგან იგივე გამოცდილება აქვს, რა მიდგომებსაც ის თავის შვილებთან ურთიერთობაში იყენებს. დიდი ალბათობით, რეჟისორს იმის თქმა სურს, რომ ყოველი მოძალადე ყოფილი მსხვერპლია. ჯუნას პერსონაჟი აღნიშნავს იმას, თუ როგორ სიმკაცრესა და უსიყვარულობაში იზრდებოდა.  ოჯახური ნეგატიური გამოცდილება დაუსრულებელი ციკლია, რომელიც წრეზე ტრიალებს და მომავალ თაობებს საკუთარი გამოცდილების ნიადაგზე ანადგურებს. აქვე აღსანიშნავია ჯუნას უფროსი ქალიშვილის მარიამის თავისივე შვილთან ურთიერთობაც, რომელიც თითქოს იმავე სცენარს იმეორებს.რა არის ოჯახური ბედნიერება? სიყვარული, მორალი, ეთიკა ? ემსგავსება თუ არა ადამიანი ცხოველს ინსტინქტურ დონეზე. სცენარში შემთხვევითი არაფერია და ყველა დეტალს თავისი დატვირთვა აქვს. სპექტაკლის დასაწყისში ერთ-ერთი მსახიობი სავარძელში ჩამჯდარი ტელევიზორში ველურ ბუნებას, ცხოველებს უყურებს, რაც შეიძლება ამ სპექტაკლის გმირებთანაც გავაიგივოთ.აღსანიშნავია ოჯახური სადილობის სცენა, სადაც დედა თავის შვილებს თავს ესხმის. ეს სცენა გარკვეულწილად წარმოადგენს სიმართლის გამჟღავნების რიტუალს, ოჯახური ტრადიციები ვერ ცვლის არსებულ სურათს, მაშინ როცა სიმართლე დიდი ხნის მკვდარია.სპექტაკლს არაჩვეულებრივი მუსიკა „მაგნოლია“ სდევს ლაიტმოტივად, რომელიც თითქოს შემთხვევითი არაა და სცენარს განსაკუთრებულად დრამატულს ხდის.თუ რა საიდუმლოებებს ინახავს თითოეული პერსონაჟი ამ ნაწარმოებში, რეჟისორი თითქოს ბოლომდე არ „ხსნის კარტებს“ და გვიტოვებს ფიქრის საშუალებას, თავად გამოვიტანოთ დასკვნები. სიბრალული, ზიზღი, ემპათია, ანტიპათია – ამ ემოციათა კორიანტელი თავს ატყდება მაყურებელს მთელი სპექტაკლის განმავლობაში.სიმბოლოების მნიშვნელობას თუ მივუბრუნდებით, აგვისტოს თვეც შემთხვევითი არაა, ის წელიწადის ყველაზე ცხელი თვეა თავისი დაძაბულობებისა და დაგროვილი ემოციების აფეთქების. სცენარი აგვისტოში, დაუნდობელ სიცხეში ვითარდება, რაც დიდწილად პერსონაჟების შინაგან დუღილს ასახავს. სახლი ცოცხალი ორგანიზმია, სადაც სიყვარული და სიძულვილი თანაარსებობაშია, საბოლოოდ კი ყველა გარბის, სახლი თითქოს შთანთქავს თავის ბინადრებს და ასე მთავრდება სპექტაკლი.დრამა გვიჩვენებს, თუ როგორ გადაეცემა ტკივილი თაობიდან თაობას მემკვიდრეობით, როგორც საშვილიშვილო წყევლა. სიძულვილის ძალა საოცარი პროფესიონალიზმითაა გადმოცემული. პიესაში ყველა ის ყოფითი პრობლემაა თავმოყრილი, რაც, როგორც ქართულ, ისე არაქართულ საზოგადოებებს ეხება და მნახველს დიდ ინტერესსა და კითხვის ნიშანს უტოვებს ფარდის დაშვების შემდეგ.ავტორი: ანნა კარდენახიშვილისაქართველოს უნივერსიტეტის სოციალურ მეცნიერებათა სკოლის სტუდენტიპრაქტიკანტი

1762417815

გარდა ამისა, Global Finance-მა საქართველოს ბანკი ზედიზედ მეორედ, მსოფლიოს საუკეთესო ციფრულ ბანკად აღიარა.ინფორმაციისთვის, Global Finance-ის ჯილდოს მონაწილეები იყვნენ მსოფლიოს ისეთი წამყვანი ბანკები, როგორიცაა: Relovut, Bank of America, BBVA, DBS,Citi და სხვა.მონაწილეები გლობალური საკონსულტაციო, ტექნოლოგიური და აუთსორსინგის ლიდერი კომპანიის, Infosys-ის ჟიურიმ შეაფასა. საბოლოო გამარჯვებულები კი ციფრული მომხმარებლების მოზიდვისა და მომსახურების სტრატეგიის სიძლიერის,  ციფრული შეთავაზებების მრავალფეროვნების, ონლაინ მომხმარებელთა ბაზის ზრდის და სხვა კრიტერიუმების საფუძველზე, Global Finance-ის რედაქტორებმა გამოავლინეს.აღსანიშნავია, რომ მსოფლიოს საუკეთესო ციფრული ბანკების 2025 წლის დაჯილდოების პირველ რაუნდში საქართველოს ბანკმა 34 ნომინაციაში გაიმარჯვა.Global Finance გავლენიანი ბრიტანული გამოცემაა, რომელიც 1987 წლიდან არსებობს და მკითხველები მსოფლიოს 200-მდე ქვეყნიდან ჰყავს. გამოცემა რეგულარულად გამოარჩევს საუკეთესო ბანკებსა და ფინანსური სერვისების სხვა მიმწოდებლებს, როგორც გლობალურად, ისე რეგიონულ და ქვეყნის დონეზე. დაჯილდოება, რომელიც უკვე 26-ედ გაიმართა, მსოფლიო ფინანსური ინდუსტრიისთვის სანდო წყაროდ იქცა.

1762415493

შიდა ფაქტორების მხრივ, საკრედიტო დაბანდება მაღალია, თუმცა ზრდის ტემპი შედარებით იკლებს და, სექტემბრის მდგომარეობით, 13.4%-ს შეადგენს. წლიური ინფლაციის მატების პარალელურად, 8.2%-მდე შემცირებულია რეალური დაკრედიტების ზრდის ტემპიც. ამავდროულად, ნაერთი ბიუჯეტის სეზონურად შესწორებული კუმულატიური დეფიციტი სექტემბრის მდგომარეობით მშპ-ის 0.5% იყო, რაც ფისკალურ კონსოლიდაციაზე მიუთითებს. შედარებისთვის, 2022-2024 წლებში დეფიციტი საშუალოდ 2.3%-ს შეადგენდა. კვლავ შემცირდა მთავრობის ვალი, რომელმაც მშპ-ის 35.2%-ს მიაღწია. მათ შორის, საგარეო ვალზე მშპ-ის 24.1% მოდიოდა.ამასთან, უახლესი ინდიკატორების თანახმად, სექტემბერში წლიურ ჭრილში მცირედი შენელების შემდეგ, ჯამური უნაღდო დანახარჯები ოქტომბერში კვლავ გაიზარდა, ხოლო მიგრანტების ხარჯვა მეტწილად უცვლელ დონეზეა.საგარეო ფაქტორების კუთხით, ფულადი გზავნილების წლიური ზრდის ტემპი სექტემბერში 13.7%-მდე აჩქარდა. გზავნილების ძირითადი წყარო კვლავ ევროკავშირი და ამერიკის შეერთებული შტატებია, რომლებზეც ჯამური გადმორიცხვების 66% მოდის. ტურიზმიდან შემოსავლების ზრდამ მესამე კვარტალში წლიურად 6.6% შეადგინა, ხოლო ცხრა თვეში - 5.1%. აღსანიშნავია, რომ ტურიზმის მხრივ გააქტიურდა ნაკლებად ტრადიციული ბაზრები, რაც, სავარაუდოდ, ტურისტების მზარდ რაოდენობას უკავშირდება ისეთი ქვეყნებიდან როგორებიცაა ჩინეთი, ინდოეთი და უზბეკეთი. საპირისპიროდ, ტრადიციული ბაზრების ტენდენციები ერთმანეთისგან განსხვავებულია. კერძოდ, ტურიზმიდან შემოსავლები გაზრდილია ევროკავშირიდან, აზერბაიჯანიდან და, განსაკუთრებით, ისრაელიდან, ხოლო დანარჩენი ქვეყნების შემთხვევაში დიდწილად უცვლელია, გარდა რუსეთისა, საიდანაც კლება ფიქსირდება ვიზიტორების გაზრდილი რიცხვის მიუხედავად. გაუმჯობესების ტენდენცია ნარჩუნდება თიბისის არხებში არარეზიდენტების დანახარჯების კუთხითაც, თუმცა ოქტომბერში წლიური ზრდის მცირედი შენელებაც შეინიშნებოდა.რაც შეეხება საქონლით საგარეო ვაჭრობას, თიბისი კაპიტალი წერს, რომ ექსპორტი სექტემბერში წლიურად 14.2%-ით გაიზარდა, იმპორტი კი თითქმის უცვლელი იყო (-0.3%). მიმდინარე წლის ცხრა თვეში ექსპორტი 7.7%-ით გაიზარდა, ხოლო იმპორტი - 4.3%-ით. ავტომობილების რე-ექსპორტმა ექსპორტის ჯამურ ზრდაში 5 პროცენტული პუნქტის - სხვაგვარად, 65%-ის - წვლილი შეიტანა. ამავდროულად, ავტომობილების კონტრიბუცია ექსპორტის ზრდაში ბოლო რამდენიმე თვის განმავლობაში უარყოფითია, რის საპირწონედაც გაზრდილია ადგილობრივი ექსპორტის ისეთი კატეგორიები, როგორებიცაა ძვირფასი მეტალების მადნები, ცოცხალი ცხოველები, თხილეული, ფერო-შენადნობები, ღვინო და სხვა. იმპორტის მხრივ, სწორედ ავტომობილების იმპორტის თითქმის 31%-იანი შემცირება იყო სექტემბერში ჯამური მაჩვენებლის შესუსტების მთავარი მიზეზი, მაშინ, როდესაც სხვა კატეგორიებში მეტწილად გაუმჯობესება დაფიქსირდა. უფრო მსხვილი კატეგორიების კუთხით, მიმდინარე წელს, განსაკუთრებით პირველ ნახევარში, იმპორტის შესუსტების მთავარი მიზეზი საინვესტიციო იმპორტის შემცირებაა, სამომხმარებლო და შუალედური პროდუქციის იმპორტი კი, მართალია, შესუსტდა, თუმცა მაინც მზარდია. შედეგად, 9 თვეში საქონლით ვაჭრობის დეფიციტი მშპ-ის 28.7%-მდე შემცირდა, რაც ბოლო ათი წლის განმავლობაში ყველაზე დაბალი მაჩვენებელია."ვაჭრობის პირობები - ექსპორტისა და იმპორტის ფასების თანაფარდობა - სექტემბერში მცირედით გაიზარდა, ოქროზე საერთაშორისო ფასის ზრდის შედეგად. თიბისი კაპიტალი უახლოეს მომავალში მკითხველს შესთავაზებს ანალიზს ოქროს ფასის ბოლოდროინდელი დინამიკის თაობაზე, რაც, ლარი/დოლარი/ევროს ჩარჩოს ფარგლებში, სტრატეგიული ბიზნეს-გადაწყვეტილების მიღებისას პრაქტიკულ რეკომენდაციებსაც მოიცავს. მიუხედავად იმისა, რომ 2020 წლის შემდეგ ვაჭრობის პირობების მერყეობა შედარებით მომატებულია, გრძელვადიანი ტენდენცია სტაბილურობაზე მიუთითებს. მაკროეკონომიკური გარემოს კუთხით, აღნიშნული სტაბილურობა მოწყვლადობის შემცირების კუთხით ერთ-ერთი მნიშვნელოვანი ფაქტორია, რადგან ვაჭრობის პირობების გაუარესება რეალური შემოსავლის დანაკარგებს იწვევს, ხოლო სავაჭრო ბალანსის არხით გაცვლით კურსსა და ინფლაციას გადაეცემა. ამავდროულად, აღსანიშნავია, რომ ვაჭრობის პირობების სტაბილურ დონეზე შენარჩუნება, საქართველოს შემთხვევაში, აშშ დოლარში გამოხატული სავაჭრო ბალანსის მაინც გაუარესებაზე მიუთითებს, რადგან იმპორტის მოცულობა ექსპორტისას მნიშვნელოვნად აღემატება. მეორე მხრივ, მიუხედავად იმისა, რომ საქართველო ნავთობპროდუქტების წმინდა იმპორტიორია, ქვეყანა ნავთობის მწარმოებლებისგან შედარებით მაღალ სავალუტო შემოდინებებსაც იღებს, რაც ნავთობის ფასის ზრდის მიმართ მოწყვლადობას დიდწილად აბალანსებს. ჯამურად, ვაჭრობის პირობები, რასაკვირველია, საგარეო ბალანსის კუთხით მხოლოდ ერთ-ერთი მაჩვენებელია და სავალუტო შემოდინებებზე მრავალი სხვადასხვა ფაქტორი ახდენს გავლენას.ერთობლივად, წმინდა სავალუტო შემოდინებების ჩვენი ყოველთვიური საზომი, რომელიც საქონლით ვაჭრობას, ტურიზმიდან შემოსავლებსა და ფულად გზავნილებს მოიცავს, სექტემბერში, აგვისტოს მნიშვნელოვანი ზრდის შემდგომ, მცირედით შენელდა, თუმცა კვლავ ძლიერია. ამდენად, თიბისი კაპიტალის შეფასებით, რეინვესტიციის გარეშე მიმდინარე ანგარიშის მეორე კვარტლის პროფიციტი, სავარაუდოდ, მესამე კვარტალშიც შენარჩუნდება.თიბისი კაპიტალის მკითხველისთვის ცნობილია, რომ წმინდა სავალუტო შემოდინებები 2025 წელს ლარის მხარდამჭერ ერთ-ერთ ძირითად ფაქტორს წარმოადგენს. სხვა ფაქტორების კუთხით, სექტემბერში დეპოზიტების ლარიზაციაში  კვლავ შერეული სურათი ვლინდებოდა. კერძოდ, ლარიზაცია, რომელიც წლის დასაწყისიდან გააქტიურებული იყო და ლარის მხარდამჭერ ერთ-ერთ წამყვან ფაქტორს წარმოადგენდა, ივლისის შემდეგ სტაბილურ დონეზე ნარჩუნდებოდა, გარკვეული მერყეობებით. თუმცა, უახლესი მონაცემებით, ოქტომბრის მეორე ნახევრიდან ტენდენცია კვლავ შეიცვალა და დეპოზიტების ლარიზაციის ტემპი შესამჩნევად გაიზარდა.ლარიზაციის შენელებასთან ერთად, სექტემბერში შემცირდა სებ-ის სავალუტო ინტერვენციებიც და 100 მილიონი აშშ დოლარი შეადგინა, ჩვენი მოლოდინების შესაბამისად, მეტწილად თვის პირველი ნახევრის ხარჯზე. ამავდროულად, თიბისი კაპიტალის შეფასებით, ოქტომბრის მეორე ნახევრიდან ლარიზაციის გააქტიურება ინტერვენციების კვლავ აჩქარებაშიც აისახა და სებ-მა, დაახლოებით, 150 მილიონი აშშ დოლარი შეისყიდა. შესაბამისად, მარტი-ოქტომბრის პერიოდში ჯამურმა შესყიდვებმა, დაახლოებით, 1.8 მილიარდ აშშ დოლარს მიაღწია. მთლიანი სავალუტო რეზერვები სექტემბერის მდგომარეობით 5.4 მილიარდი აშშ დოლარი იყო, რაც წინა თვესთან შედარებით 224 მილიონი აშშ დოლარით მეტია.ჯამურად, თიბისი კაპიტალის მოკლევადიანი წონასწორობის მოდელის თანახმად, აშშ დოლარი/ლარის წონასწორული ნიშნული, სექტემბრის მდგომარეობით, 2.63-ს შეადგენდა, რაც ამჟამად ლარის მცირედით ზედმეტ გაუფასურებაზე მიუთითებს. მსგავსი დასკვნის გაკეთების საშუალებას იძლევა რეალური ეფექტური გაცვლითი კურსის გრძელვადიანი ტენდენციის შეფასებაც. აღნიშნული ფაქტორებისა და სებ-ის მიმდინარე პოლიტიკის გათვალისწინებით, თიბისი კაპიტალის უცვლელი პროგნოზით, ლარი წლის განმავლობაში, დაახლოებით, არსებული დონის ფარგლებში შენარჩუნდება.სხვა მაჩვენებლების მხრივ, სექტემბერსა და ოქტომბერში კვლავ გაიზარდა წლიური ინფლაცია და, შესაბამისად, 4.8%-სა და 5.2%-ს მიაღწია. მიმდინარე წელს ინფლაციის დინამიკა პროგნოზებთან მჭიდრო თანხვედრაშია. ამასთან, სეზონურად შესწორებული და გაწლიურებული თვიური ინფლაცია, უკვე მეოთხე თვეა, მიზნობრივ მაჩვენებელთან ახლოსაა. აღნიშნულისა და გასული წლის საბაზო ეფექტების გათვალისწინებით, თიბისი კაპიტალის პროგნოზით, დარჩენილ ორ თვეში წლიური ინფლაცია შენელდება და წლის ბოლოსთვის, დაახლოებით, 4.5%-ს მიაღწევს.ინფლაციაზე მოქმედი ფაქტორებიდან, აღსანიშნავია, რომ სექტემბერში კიდევ ერთხელ შემცირდა ინტერნეტის გადასახდელი (თვიურად 15.6%-ით). ამავდროულად, ოქტომბერში, მარტი-აპრილის შემდეგ, კვლავ გაძვირდა პური, რამაც ჯამურ ინფლაციაში კონტრიბუცია 0.8 პროცენტულ პუნქტამდე გაზარდა. 2025 წელს ინფლაციის აჩქარება ადგილობრივ და შერეულ პროდუქტებზე მზარდი ფასებითაა განპირობებული, რაშიც, თავის მხრივ, საკვების ფასები გამოირჩევა, როგორც შიდა (ნაკლები მოსავალი), ასევე საგარეო (სურსათის ფასების გლობალური ზრდა) ფაქტორების შედეგად. აგრეთვე, ყურადსაღებია, რომ იმპორტული პროდუქტების დეფლაცია საწვავზე ფასების კლების შედეგია, რის გარეშეც იმპორტული ინფლაცია მცირედით, მაგრამ მაინც დადებითი იქნებოდა. როგორც ადრეც აღინიშნა, მოცემული წყაროდან ინფლაციური ზეწოლის დამატებით მნიშვნელოვანი გაძლიერების შემთხვევაში, რაც სადღეისოდ საბაზო სცენარი არაა, ჩვენი აზრით, ლარის გამყარების ალბათობა მოიმატებს", - ვკითხულობთ თიბისი კაპიტალის მიმოხილვაში.

1762414326

კომპანიის ჯგუფები, რთულ ტექნიკურ სამუშაოებს ხვალ, 7 ნოემბერს დილის 10:00 საათიდან დაიწყებენ და ინტენსიურ, უწყვეტ რეჟიმში შეასრულებენ.გარდა გვირაბში მიმდინარე სამუშაოებისა, კომპანია პარალელურად განახორციელებს სამუშაოებს წყალმომარაგების გამანაწილებელ ქსელზე - დამონტაჟდება ჩამკეტ მარეგულირებელი ურდულები, რაც მნიშვნელოვნად გააუმჯობესებს ქსელის მართვის შესაძლებლობებსა და წყალმომარაგების სტაბილურობას.აღნიშნულთან დაკავშირებით, სამუშაოების მიმდინარეობის პერიოდში აუცილებელია მაგისტრალური ქსელის წყლისგან დაცლა, რის გამოც ხვალ, 7 ნოემბრის დილის 10:00 საათიდან 8 ნოემბრის საღამოს 22:00 საათამდე წყალმომარაგება შეეზღუდება:ჩუღურეთის რაიონში:  სამშვილდის, მარუაშვილის, აფხაზეთის, სამურზაყანოს, 9 ძმის, ცაიშის, აბაშის, ხონის, სენაკის, ლანჩხუთის, ტაშირის, ლაილაშის, სალხინოს, ქვალონის, ატოცის, ნორიოს, ლარეხის, დავითაშვილის, ბაგრატიონის, სააკაძის, ბოდავის, ხუდადოვის, მახათის, ჭალადიდის, გედევანიშვილის, ივერთუბნის, აგიაშვილის, ჯორჯაძის, ბარაკონის, მიზანდარის, კვარაცხელიას, პაპავების, ხერხეულიძეების, ეშბას, ასხინის, ართვინის, არაგვისპირელის, სიღნაღის, კანდელაკის, ხორნაულის, გაბუნიას, ყუბანეიშვილის, ბეთაშვილის, ადამიას, თამარაშენის, ტყეკულტურის, მანგლისის, ყანჩელის, ხაჩატურიანის, ქარსელაძის, ენუქიძის, მამულაშვილის, მანიჟაშვილის, ლოლაძის, არგვეთას, თეკლათის და მიმდებარე ქუჩებს.ისნის რაიონში: ევროპისა და ქეთევან დედოფლის მოედანებს, ღვინის და მეტეხის აღმართებს, მხატვრების, ვაზისუბნის, სამრეწველოსა და სამგორის დასახლებებს, გაბრიელ სალოსის გამზირ,ს, მოსკოვისა და ქეთევან დედოფლის გამზირების ნაწილს,  ვარკეთილის IV მიკრორაიონის III კვარტალს. ფშავის, მუჯირიშვილის, კიკეთის, კაიშაურის,, საინგილოს, სამრეკლოს, მესხიშვილის, ახვლედიანის, ლომოურის, ხიდისთავის, ავლაბრის, იორის, არმაზის, ალაზნის, დუშეთის, ფაღავას, ლაგოდეხის, წერეთლის, ცისკრის, გურჯაანის, ფოსტის, წინანდლის, , აწყურის, უშაკოვის, ყვარელის, ონიანის, მიქელაძის, მესხეთის, მათიაშვილის, ამირეჯიბის, ანდღულაძის, კაკაბეთის, ჩოჩუას, ტატიშვილის, ხარაბაძის, უზნაძის, ბუცხრიკიძის, კვაჭანტირაძის, დავითაიას, მუსხელიშვილის, პატარიძის, ვაზის,  მშველიძის, სულაქველიძის, იზაშვილის, მთავარანგელოზის, წურწუმიას, ფერიცვალების, თელავის,  ბაქრაძის, ხომერიკის, რაზიკაშვილის, ლაღიძის, ზურაბაშვილის,  მამისაშვილის, ნიჟარაძის, კაჭარავას, ანჯაფარიძის, მეტეხის, ჩეხოვის, ჯორბენაძის, ურბნისის, მუკუზანის, 300 არაგველის, იალბუზის, ბოდბის, ლეხ კაჩინსკის, კაკულიას,  ნადარეიშვილს, ლობჟანიძის, შირაქის, დოდაშვილის, ნიორაძის, სოფრომაძის, მახარაშვილის, დიდგორის, წულაძის, გეთიას, აბუსერიძე-ტბელის, სამგორისა და მიმდებარე  ქუჩებს.ნაძალადევის რაიონში: ავშნის დასახლებას, გეგუთის, სვირის, კიშინოვის, ზეკარის, ასურეთის, კურსების, მირზაანის, ლისაშვილის, წერონისის, თოდრიას, ჟღენტის, ბახმაროს, გომარეთის, რაჭის, ლოტკინის  მთის, სამღერეთის, ზაქარაიას,  ხერთვისის,  ცქიტიშვილი, ნაქალაქევის,  ბეჟანიშვილის,  ქართლის, დაისის, ღრმაღელის, ილურიძის, ჯავის, ლომთათიძის, ბეშენოვას, ვანათის, ახალ მოწამეთა, იოსელიანის, სუვოროვის, თიანეთის, მუხრანის, გლინკას, გარეჯელის, ლიახვის, გუდამაყარის,  ქვიშხეთის, შენგელაიას, ხუდადოვის,  ბენდელიანის, კახიანის, წაღვერის, სტურუას, ასკურავას, კელაპტრიშვილის, მესხის, ქებურიას, ურიდიას,  უიარაღოს, ზიგზაგის, გავაზაურის, ტოროშელიძის, ნიკო მარის, ხევსურეთის, სვანეთის,, ჭიჭინაძის, ორბეთის, ქსოვრელის, ქართლელიშვილის, უცნობ გმირთა და მიმდებარე ქუჩებს; სანზონის, ჯანელიძის, წიკლაურისა და  გობრონიძის ქუჩების ნაწილს.ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის. სამუშაოების მიმდინარეობის პერიოდში, წყალმომარაგების სრულად აღდგენამდე, კომპანია მოსახლეობას სასმელ წყალს ცისტერნებით მიაწვდის.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge (R)

1762411268

ბანკი უკვე მე-9 წელია ლიდერატორის პროგრამას ახორციელებს, რომლის ფარგლებშიც, მე-3, მე-4 კურსის სტუდენტებსა და ახალ კურსდამთავრებულებს შესაძლებლობას აძლევს, უკეთ გაეცნონ მათთვის საინტერესო მიმართულებების მუშაობის სპეციფიკას.პროგრამა 8 თვე გრძელდება და მოიცავს ტრენინგებს, მენტორობას, რეალურ პროექტებზე მუშაობას და როტაციას სხვადასხვა დეპარტამენტში. ლიდერატორებს შესაძლებლობა აქვთ საკუთარი თვალით ნახონ, თუ როგორ მუშაობს ბანკის სტრუქტურა და როგორ იქმნება პროდუქტები, რომლებიც 1 750 000 - ზე მეტი მომხმარებლის ყოველდღიურობას ამარტივებს.პროგრამის დასრულების შემდეგ მონაწილეთა უმეტესობა საქართველოს ბანკში სრულ განაკვეთზე განაგრძობს მუშაობას. ისინი უკვე კარგად იცნობენ ორგანიზაციის კულტურას, პროცესებსა და გუნდს - რაც მათ აძლევს საშუალებას, სწრაფად ადაპტირდნენ და პროფესიულადაც განვითარდნენ.ლიდერატორის  პროგრამით 500-მდე სტუდენტმა პროფესიული გზა უკვე დაიწყო.

1762354374

მობილბანკში მიმდინარეობს მასშტაბური გათამაშება, რომელიც მომხმარებლებს ბილეთების დაგროვების და თანხის მოგების შესაძლებლობას აძლევს,  650 000 ლარიანი საპრიზო ფონდიდან.გათამაშება უკვე ახალ ეტაპზე გადავიდა — მომხმარებლებს შეუძლიათ მოიწვიონ მეგობრები და მომენტალურად 50 ბილეთი მიიღონ.მოწვევა ეგზავნება იმ მეგობარს, რომელსაც ჯერ არ აქვს მობილბანკი ან 30 დღეა არ გამოუყენებია აპლიკაცია.ადრესატი SMS-ის სახით მიიღებს ბმულს, სადაც ინფორმაციის შევსების შემდეგ, მობილბანკში შესვლას და ბილეთების დაგროვებას შეძლებს.

1762348332

უნდა აღინიშნოს, რომ მთელი წლის განმავლობაში ვერცერთმა დაინტერესებულმა მხარემ, რომელიც არჩევნების ვითომდა გაყალბებაზე საუბრობდა, ვერ შეძლო მტკიცებულების წარმოდგენა, მათ შორის ვერც პროკურატურისა და სასამართლოსთვის.მათგან განსხვავებით საარჩევნო ადმინისტრაციამ, სწორედ ფაქტებზე, მტკიცებულებებზე, ავტორიტეტული ამერიკული ორგანიზაციის მიერ ჩატარებული შესაბამისობის აუდიტის შედეგებზე დაყრდნობით არაერთხელ გასცა პასუხი გავრცელებულ ბრალდებებს, საზოგადოებას მიაწოდა ზუსტი, გადამოწმებული და ობიექტური ინფორმაცია და არაერთხელ დაადასტურა, რომ არჩევნები კანონმდებლობისა და საერთაშორისო სტანდარტების  დაცვით ჩატარდა. აქვე შეგახსენებთ, ეუთო/ოდირის საბოლოო შეფასებაშიც აღნიშნულია, რომ კენჭისყრის დღე ზოგადად კარგად იყო ორგანიზებული პროცედურული თვალსაზრისით და მოწესრიგებულად მიმდინარეობდა.ის, რომ ზოგიერთი ადგილობრივი სადამკვირვებლო ორგანიზაციისა თუ პოლიტიკურად მიკერძოებული პირის ხმაურიანი განცხადებები არჩევნების გაყალბების შესახებ უსაფუძვლო იყო და მხოლოდ და მხოლოდ არჩევნების დისკრედიტაციას ისახავდა მიზნად, დღეს უკვე დაადასტურა ევროკომისიის ანგარიშმაც. როგორც საზოგადოებისთვის ცნობილია, ევროკომისიამ გამოაქვეყნა ევროკავშირის გაფართოების შესახებ ანგარიში, რომელშიც სხვა საკითხებთან ერთად ასევე საუბარია გასული წლის არჩევნებზეც, თუმცა ამ ანგარიშში ზემოაღნიშნული ბრალდებები არჩევნების ადმინისტრირებასთან დაკავშირებით ნახსენები არ არის.ახლა გვინდა ვკითხოთ მათ, ვინც ცდილობდა საზოგადოება დაერწმუნებინა, რომ - ხმის მიცემა შვიდჯერ ან ასჯერ შეიძლებოდა, აპარატებში არსებულ სიებში გაორებები იყო, ამომრჩევლის ხმის ფარულობა ირღვეოდა, შემაჯამებელი ოქმები გადაწერილი იყო, საზღვარგარეთ უბნები სპეციალურად არ შეიქმნა, მარკერები კი გამოცვლილი და სხვა მრავალი, რატომ არ მოხვდა ეს არც ევროკომისიის და არც ეუთო/ოდირის ანგარიშში? პასუხი ცხადი და ნათელია, იმიტომ რომ არცერთი ზემოხსენებული არ შეესაბამებოდა რეალობას და მხოლოდ და მხოლოდ რეალობის შეგნებულად დამახინჯების მცდელობას,  არასწორი აღქმების ჩამოყალიბებას, არჩევნებისადმი ნდობის შემცირებას და საარჩევნო ადმინისტრაციის დისკრედიტაციას ისახავს მიზნად.აქვე აღვნიშნავთ, რომ პოლიტიკურად მოტივირებული ჩართული მხარეების მიერ გაკეთებული, სწორედ ასეთი, მანიპულაციური განცხადებები არახალია არა მხოლოდ არჩევნებთან, არამედ სხვადასხვა საკითხთან დაკავშირებითაც. ეს კი მოქალაქეების არასწორი ინფორმირების და გარკვეული აღქმების შექმნას უწყობს ხელს.საარჩევნო ადმინისტრაცია მოუწოდებს ჩართულ მხარეებს ახლა მაინც აღიარონ რეალობა და დაუბრუნდნენ საარჩევნო პროცესების შეფასების მიუკერძოებლობის სტანდარტს. ჩვენ კი, ჩვენი მხრივ, კვლავ დავრჩებით ერთგულნი ჩვენი გაცხადებული მიზნისა, რომ ქვეყნის ამომრჩეველი დეტალურად და სწორად იყოს ინფორმირებული საარჩევნო პროცესებთან დაკავშირებულ საკითხებთან მიმართებაში.(R)

1762348178

რეფინანსირების განაკვეთის 8%-ზე დატოვების მპკ-ის ოთხშაბათის გადაწყვეტილებაზე, სებ-ის  ვიცე-პრეზიდენტმა ეკატერინე მიქაბაძემ განაცხადა, რომ მკაცრი პოლიტიკა ნარჩუნდება. განახლებული ცენტრალური სცენარით 2025 წელს ინფლაცია  4%-ის ფარგლებშია მოსალოდნელი, 2026 -ში 3.5%-მდე შემცირდება.მიზნობრივ 3%-იან დონესთან შედარებით  ინფლაციის მაღალი ზრდა -5.2%, მისი თქმით განპირობებულია სურსათის ინფლაციით. სურსათის ფასი ინფლაციური მოლოდინების ზრდის რისკს საყურადღებოდ ტოვებს. ამის გამორიცხვით და ასევე ხისტი ფასების საზომი სხვა მაჩვენებლების მიხედვით, ინფლაცია მიზნობრივზე ქვემოთ ნარჩუნდება (მომსახურების ინფლაცია -2.5%,  საფასო ინფლაცია 2.4%-ია). აღინიშნა, რომ იმპორტირებული პროდუქტის ინფლაცია დაბალია - 0%.მისი თქმით, მპკ-ის შემდგომი  17 დეკემბრის გადაწყვეტილება უკვე დაეფუძნება მომავალ მონაცემებზე. რისკების რეალიზების შედეგებს. თუ გაძვირების ეფექტების გავლენა გახანგრძლივდა, კომიტეტი განაკვეთს მოსალოდნელზე უფრო ხანგრძლივად შეინარჩუნებს, ან უფრო გაზრდის.

1762347425