ულტრათანამედროვე საავტომობილო კომპლექსი თბილისის შემოვლითი გზის 36-ე კილომეტრზე მდებარე  42 000 მ2 ფართობზეა განლაგებული. მრავალფუნქციური სერვისცენტრი დღეს რეგიონში კომერციული ტრანსპორტის მომსახურების უმსხვილესი ცენტრია, რომლის ჯამური საინვესტიციო მოცულობა 100 მილიონ ლარს აჭარბებს.გეზის ფილიალი გამორჩეულია როგორც თავისი მასშტაბებით, ისე უნიკალური კონცეფციით. ის პირველია რეგიონში, რომელმაც სატვირთო და კომერციულ ავტოტრანსპორტს ორგანიზებულ და კომფორტულ გარემოში სერვისის სრული სპექტრი შესთავაზა. სერვისცენტრი მულტიბრენდულია და მზადაა სხვადასხვა მწარმოებლის ტექნიკის მისაღებად. ფილიალის კიდევ ერთი უპირატესობა მისი სტრატეგიული ადგილმდებარეობაა. ცენტრი განთავსებულია ინდუსტრიულ ზონაში, უმნიშვნელოვანეს სატრანსპორტო გზაჯვარედინზე, რომელიც დატვირთულია სატვირთო ნაკადებით თურქეთის, აზერბაიჯანის, ცენტრალური აზიისა თუ ევროკავშირის ქვეყნების მიმართულებებზე. შედეგად, ეს ტრანზიტული ნაკადი სწორედ ამ ფილიალში იყრის თავს და იქმნება სერვისის მძლავრი რეგიონული ჰაბი.ირაკლი კობახიძე, საქართველოს პრემიერ-მინისტრი: „ეს არის ძალიან მასშტაბური პროექტი, რომელშიც დაახლოებით 100 მილიონი ლარის ინვესტიციაა განხორციელებული და ის ჩვენი ქვეყნის ეკონომიკურ პოტენციალს მნიშვნელოვნად აძლიერებს. თბილისის შემოვლით გზაზე შექმნილი ეს უნიკალური პლატფორმა თავისი სტანდარტებით სცილდება შიდასახელმწიფოებრივ ჩარჩოებს. ეს არის ამიერკავკასიაში პირველი მულტიბრენდული და მრავალფუნქციური სივრცე, რომელიც სერვისის სრულ სპექტრს ერთ ადგილზე აერთიანებს. გვიხარია, რომ ბიზნესი დღეს თავად აწესებს განვითარების ახალ, უმაღლეს თამასას და ამ კუთხით „თეგეტა ჰოლდინგი“ ნამდვილად გამორჩეულია. დასაფასებელია კომპანიის მიდგომა გარემოს დაცვისა და შრომის უსაფრთხოებისადმი. სახიფათო ნარჩენების მართვის თანამედროვე, უსაფრთხო სტანდარტები აჩვენებს, რომ ჩვენი ლოგისტიკური დერეფანი არამხოლოდ სწრაფი და ეფექტური, არამედ ცივილიზებული და მდგრადიც არის. სახელმწიფოსთვის მსგავსი ინიციატივების მხარდაჭერა პრიორიტეტია, რადგან მდგრადი სატრანზიტო დერეფანი წარმოუდგენელია განვითარებული თანამედროვე სერვისების გარეშე“.მთავრობის მეთაურმა აღნიშნა, რომ მსგავსი რეგიონული მასშტაბის პროექტი კიდევ უფრო ამყარებს საქართველოს პოზიციას გლობალურ ეკონომიკურ რუკაზე. მან „თეგეტა ჰოლდინგის“ დამფუძნებელ თემურ კოხოძეს, „თეგეტა ჰოლდინგის“ ხელმძღვანელობასა და თანამშრომლებს პროექტის წარმატებით განხორციელებისთვის მადლობა გადაუხადა.თემურ კოხოძე, „თეგეტა ჰოლდინგის“ დამფუძნებელი: „ოცდაათი წლის წინ ერთი მაღაზიით დაწყებული ისტორია დღეს უკვე რეგიონული მასშტაბის პროექტებით გრძელდება. გეზის ფილიალი ამის ერთ-ერთი ყველაზე ნათელი მაგალითია, 42 000 კვადრატულ მეტრზე განთავსებული, 100 მილიონ ლარზე მეტი ინვესტიციით შექმნილი მაღალტექნოლოგიური ჰაბი, რომელიც თავისი შესაძლებლობებით სცილდება მხოლოდ საქართველოს ბაზარს და კავკასიისა და ცენტრალური აზიის რეგიონს ემსახურება.ჩვენთვის ეს პროექტი მხოლოდ თანამედროვე ინფრასტრუქტურა ან ახალი სერვისცენტრი არ არის. ეს არის ინვესტიცია საქართველოს ეკონომიკის მომავალში,  ცოდნაში, ადამიანებში, ტექნოლოგიებსა და ქვეყნის სატრანზიტო პოტენციალში. გეზის ფილიალი აჩვენებს, რომ ქართულ ბიზნესს შეუძლია არა მხოლოდ საერთაშორისო სტანდარტების დანერგვა, არამედ რეგიონში ახალი ხედვის შექმნაც.დღეს „თეგეტა“ აერთიანებს 300-ზე მეტ საერთაშორისო ბრენდს, 3000-მდე თანამშრომელსა და ინფრასტრუქტურას, რომელსაც უკვე მთელი რეგიონი უყურებს. ჩვენი ხედვა კავკასიას სცდება, ამ ეტაპზე, ჩვენი ფოკუსი ცენტრალური აზიისკენაა მიმართული და გავაგრძელებთ ზრდას, ინვესტირებასა და საქართველოს, როგორც ძლიერი რეგიონული ეკონომიკური და სატრანზიტო ცენტრის, განვითარებაში მონაწილეობას“.ღონისძიების ფარგლებში სტუმრებმა გეზის ფილიალიც დაათვალიერეს. ინფორმაცია „თეგეტა მოტორსის“ გეზის ფილიალის შესახებულტრათანამედროვე საავტომობილო კომპლექსს გერმანული MAN-ის მიერ უმაღლესი „A“ კატეგორია აქვს მინიჭებული და თანამედროვე დანადგარებითა და ინსტრუმენტებით არის აღჭურვილი. ამჟამად ფილიალში 40-მდე სამუშაო სივრცე სრულადაა ამოქმედებული. კომპლექსის პირველ ბლოკში განთავსებულია MAN-ის ოფიციალური შოურუმი და მულტიბრენდული საავტომობილო სერვისი, სადაც მომხმარებელს ერთ სივრცეში შეუძლია მიიღოს სამუხრუჭე სისტემის, გამონაბოლქვისა და მაშუქების დიაგნოსტირება, სავალი ნაწილის შემოწმება-შეკეთება, ძრავის დიაგნოსტიკა და ელექტროსისტემების აღდგენა როგორც მსუბუქი კომერციული, ისე მძიმე სატვირთო ტრანსპორტისთვის.ფილიალის მეორე ბლოკი ეთმობა დიზელის საწვავ სისტემებს, ძალურ გადაცემას, სამაცივრო აგრეგატებს, ვულკანიზაციასა და სამღებრო-სათუნუქე სერვისებს. ამ სივრცეში განთავსებულია სამღებრო-სათუნუქე უბანი, რომლის ანალოგიც რეგიონის არცერთ ქვეყანას არ აქვს. 22-მეტრიან სამღებროში ყველაზე დიდი გაბარიტების ავტომანქანის შეღებვა ერთიანად არის შესაძლებელი. აგრეთვე, მომხმარებელს შესაძლებლობა ეძლევა, ავტომობილის ჩარჩო და ძალური კონსტრუქცია ქარხნული პარამეტრების შესაბამისად აღადგინოს, ფრანგული წამყვანი ბრენდის CELETTE-ს უახლესი, ე.წ. რობოტის, კომპლექტის საშუალებით. პარალელურად, უკვე სრული დატვირთვით მუშაობს სამაცივრე სისტემების სერვისი Thermo King, სადაც სამუშაოებს გადამზადებული და გამოცდილი მექანიკოსები ასრულებენ.თანამედროვე ტექნოლოგიებთან ერთად, „თეგეტასთვის“ უმნიშვნელოვანესია გარემოსდაცვითი კომპონენტი და შრომის უსაფრთხოება. ყველა სამუშაო სივრცე აღჭურვილია იტალიური წარმოების ამწეებითა და გერმანული Balzer-ის სერვისის ორმოებით. სწორედ აქ დაინერგა რეგიონისთვის უნიკალური სერვისი, რომელიც სახიფათო ნარჩენებისგან დასვრილი აგრეგატების უსაფრთხო რეცხვას გულისხმობს სპეციალური ხსნარებით.გეზის ფილიალში დანერგილი ბიზნესპროცესები სრულად მომხმარებელზეა მორგებული. სატრანსპორტო საშუალების მფლობელს პერსონალური სერვისის მრჩეველი ემსახურება, რომელიც ყველა საჭირო საკითხს მართავს, განაცხადის გახსნიდან ანგარიშსწორებამდე. მეტი კომფორტისათვის სერვისის მისაღებად წინასწარ ჩაწერაცაა შესაძლებელი როგორც ონლაინ, ისე სატელეფონო ზარით. ფილიალის ტერიტორიაზე მოქმედებს „თეგეტა ლაუნჯი“ და „საირმე ბეიქერის“ კომფორტული სივრცე.(R)

1784286161

გამოკითხული კომპანიები ხელოვნურ ინტელექტს ყველაზე ხშირად მარკეტინგის და კონტენტის შექმნის მიზნით იყენებენ. შემდეგ თანაბარი წილით მოდის ფინანსებისა და რისკების მართვა და მომხმარებელთა მხარდაჭერის სერვისი.სექტორების მიხედვით, მარკეტინგისა და კონტენტის შექმნისთვის ხელოვნური ინტელექტის გამოყენება ყველაზე მეტად ვაჭრობის (26%) და მომსახურების (23%) სექტორებშია გავრცელებული. ფინანსებისა და რისკების მართვის მიმართულებით ხელოვნურ ინტელექტს ყველაზე ხშირად მშენებლობის სექტორი იყენებს (25%), ხოლო მომხმარებელთა მხარდაჭერისთვის - მომსახურების სექტორი (26%).რაც შეეხება ხელოვნური ინტელექტის გადაწყვეტილებებს, გამოკითხული კომპანიების 50% იყენებს მზა, გლობალურ პლატფორმებს, 26% - შიდა რესურსებით დატრენინგებულ საკუთარ AI მოდელებს, ხოლო 24% - სპეციალიზებულ პროგრამულ უზრუნველყოფას.გამოკითხულმა კომპანიებმა ასევე, შეაფასეს ხელოვნური ინტელექტის (AI) გავლენა მათ საქმიანობაზე. რესპონდენტთა უმრავლესობისთვის მთავარ პოზიტიურ შედეგს დროის დაზოგვა და პროცესების დაჩქარებაა წარმოადგენს (79%). გამოკითხულთა 11%-ის აზრით, AI-ს დანერგვამ ადამიანური შეცდომები შეამცირა, ხოლო 5%-ის შეფასებით – მომსახურებისა და/ან პროდუქტის ხარისხი გააუმჯობესა.აღსანიშნავია, რომ საქართველოში ხელოვნური ინტელექტის დანერგვის უმთავრეს შემაფერხებელ ფაქტორად სპეციალისტების დეფიციტი (30%) სახელდება. მას მოჰყვება ქართული ენის მხარდაჭერის ნაკლებობა ტექნოლოგიებში და მონაცემების სიმცირე ან გაუმართავი სტრუქტურა.მიუხედავად ბარიერებისა, სამომავლო პერსპექტივა პოზიტიურია, კომპანიების 65% მომდევნო 1-2 წელიწადში საინვესტიციო ბიუჯეტის გაზრდას გეგმავს, 16% შეინარჩუნებს მას არსებულ ნიშნულზე, ხოლო მხოლოდ 18% არ გეგმავს ბიუჯეტის გამოყოფას.

1784280432

მომხმარებლის განცხადების საფუძველზე ჩატარებული შესწავლის შედეგად გაირკვა, რომ მოვაჭრემ პროდუქცია მომხმარებელს შეთანხმებულ ვადაში არ მიაწოდა, ხოლო შეკვეთის გაუქმების შემდეგ თანხის დაბრუნებაზე უარი განაცხადა.GCCA-ის შეფასებით, აღნიშნული ქმედება არღვევს „მომხმარებლის უფლებების დაცვის შესახებ" საქართველოს კანონის მოთხოვნებს, ეწინააღმდეგება სამართლიანი ვაჭრობის პრინციპებს და არსებითად აზიანებს მომხმარებელთა ჯგუფის ინტერესებს.სააგენტოს გადაწყვეტილებით, კანონდარღვევის აღმოფხვრის მიზნით, მოვაჭრეს დაევალა - 1 თვის ვადაში მომხმარებელთა დარღვეული უფლებები აღადგინოს და სავაჭრო პოლიტიკა კანონის მოთხოვნებთან შესაბამისობაში მოიყვანოს.კანონის თანახმად, სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრე შეიძლება დაჯარიმდეს წინა ფინანსური წლის წლიური ბრუნვის არაუმეტეს 2%-ის ოდენობით.12 თვის განმავლობაში მოვაჭრის მიერ დარღვევის გამეორება დაკისრებული ჯარიმის გაორმაგებას გამოიწვევს.

1784277834

ინტერვიუში ხოსე ენრიკე ბოფილმა განმარტა, რომ საქართველოს ბაზარზე Aqualia-ს შემოსვლის შემდეგ წყალმომარაგების ინფრასტრუქტურის განვითარებაში ჩადებული კაპიტალი მკვეთრად გაიზარდა, თუმცა ნებისმიერი საინვესტიციო პროექტი თანმიმდევრულ და გონივრულ მიდგომას მოითხოვს.„წყალმომარაგების გაუმჯობესებისთვის ინვესტიციები გადამწყვეტია. დღეს იმაზე ხუთჯერ მეტ ინვესტიციას ვახორციელებთ „ჯივიპიში", ვიდრე 2022 წლამდე იხარჯებოდა და სამომავლოდ კიდევ უფრო მეტის დაბანდებას ვგეგმავთ. თუმცა, გასათვალისწინებელია, რომ ერთიანად განხორციელებული მასშტაბური ინვესტიციები დიდ გავლენას ახდენს ტარიფზე. იმისთვის, რომ თავიდან ავიცილოთ მომხმარებლისთვის დამატებითი ფინანსური ტვირთი, საინვესტიციო ტემპი უნდა იყოს პროგრესული და ეტაპობრივი", - აღნიშნა ბოფილმა.Aqualia-ს რეგიონულმა დირექტორმა ხაზი გაუსვა, რომ ოთხწლიანი ინტენსიური მუშაობის შედეგად ქსელის დაზიანების სიხშირე და წყალმომარაგების შეზღუდვის რაოდენობა საგრძნობლად შემცირდა, რასაც მომხმარებელი ყოველდღიურობაში უკვე გრძნობს. მისი თქმით, სწორედ ადგილობრივ პროფესიონალებთან ერთად მიღწეული პროგრესის დამსახურებაა „ჯივიპის" გაწევრიანება კომუნალური კომპანიების პრესტიჟულ გლობალურ კავშირშიც - Leading Utilities of the World (LUOW), რაც კიდევ ერთხელ ადასტურებს, რომ ჯივიპის საოპერაციო მაჩვენებლები უკვე საერთაშორისო სტანდარტებს უტოლდება.„მიუხედავად იმისა, რომ ესპანური კაპიტალის მქონე კომპანია ვართ, „ჯივიპის" გუნდის უმრავლესობას ქართველი პროფესიონალები შეადგენენ. რეალურად, ჩვენ ქართული კომპანია ვართ და გვაქვს უდიდესი პასუხისმგებლობა, საკუთარი წვლილი შევიტანოთ ქვეყნის წინსვლაში. ჩვენი უმთავრესი მისია ამ ქვეყნისა და მისი თითოეული მცხოვრებლისთვის ხელშესახები, რეალური სარგებლის მოტანაა", - განაცხადა ხოსე ენრიკე ბოფილმა. (R)

1784206065

სააგენტოს თავმჯდომარის ბრძანების შესაბამისად, კონკურენტული გარემოს შეფასების მიზნით, სამედიცინო მომსახურების ბაზრის მონიტორინგი მიმდინარეობს, რომლის ფარგლებშიც, საქმისთვის მნიშვნელოვანი გარემოებების დასადგენად, სააგენტომ კომპანიისგან ინფორმაცია გამოითხოვა. ეკონომიკურმა აგენტმა სააგენტოს მოთხოვნილი ინფორმაცია კანონმდებლობით დადგენილ ვადაში არ წარუდგინა და უწყებასთან არ ითანამშრომლა. მოგვიანებით, კომპანიამ სააგენტოს განმეორებითი მოთხოვნაც უგულებელყო.კანონმდებლობის თანახმად, სააგენტო უფლებამოსილია, მიმდინარე ადმინისტრაციული წარმოების ფარგლებში ეკონომიკური აგენტისგან გამოითხოვოს საჭირო, მათ შორის კონფიდენციალური ინფორმაცია და განსაზღვროს მისი მიწოდების გონივრული ვადა. სააგენტოს მიერ მოთხოვნილი ინფორმაციის ან დოკუმენტაციის განსაზღვრულ ვადაში მიუწოდებლობის, აგრეთვე სააგენტოსთვის არასწორი ან არასრული ინფორმაციის მიწოდების შემთხვევაში, იურიდიული პირი 3 000, ხოლო ფიზიკური პირი 1 000 ლარით ჯარიმდება. ჯარიმის დაკისრება პირს მოთხოვნილი ინფორმაციის სააგენტოში წარდგენის ვალდებულებისგან არ ათავისუფლებს.ამასთან, სააგენტოს მიერ ხელახლა განსაზღვრულ ვადაში ინფორმაციის მიუწოდებლობის შემთხვევაში, იურიდიულ პირს დამატებით 5 000 ლარის, ხოლო ფიზიკურ პირს - 3 000 ლარის ოდენობის ჯარიმა ეკისრება.

1784187865

წყალმომარაგების სექტორის უმსხვილესი ინვესტორის, Aqualia-ს რეგიონული დირექტორი, ბოლო დროს საქართველოში გამართულ დარგობრივ დისკუსიებს პოზიტიურად აფასებს და მიიჩნევს, რომ ქვეყანას უზარმაზარი ეკონომიკური პოტენციალი აქვს. მისი თქმით, Aqualia-ს საქართველოში სტაბილური ბიზნესგარემო დახვდა, რაც კომპანიის საქმიანობის წარმატებასა და როგორც ჯორჯიან უოთერ ენდ ფაუერის, ისე მთლიანად GGU ჯგუფის საერთაშორისო აღიარებებშიც აისახა. ამ მხრივ, მან განსაკუთრებით გამოყო „ჯივიპის" გაწევრიანება კომუნალური კომპანიების პრესტიჟულ გლობალურ კავშირში - Leading Utilities of the World (LUOW).ბოფილის განმარტებით, ეს აღიარება კომპანიამ საერთო პროდუქტიულობის, წყალმომარაგების ქსელების ეფექტური ოპერირებისა და მდგრადი ფინანსური რესურსების შექმნის კატეგორიებში მოიპოვა, რაც საოპერაციო გაუმჯობესების უმაღლეს სტანდარტზე მიუთითებს.ხოსე ენრიკე ბოფილმა ინტერვიუში ისაუბრა 2026 წლის ივნისში, ავტორიტეტული სააგენტოების, Fitch-ისა და S&P Global-ის მიერ GGU ჯგუფის საკრედიტო რეიტინგების ამაღლებაზე. მისი შეფასებით, ეს აღიარება პირდაპირ კავშირშია ქვეყნის ეკონომიკურ მდგომარეობასთან. ამასთანავე, მან განსაკუთრებული ყურადღება დაუთმო საქართველოში არსებულ სატარიფო რეგულირების სისტემას და ხაზგასმით აღნიშნა, რომ ქართულ მეთოდოლოგიას ხშირად აზიარებს საერთაშორისო კონფერენციებზე, როგორც კერძო სექტორისა და მომხმარებლის ინტერესების დაბალანსების საუკეთესო მაგალითს.„საქართველოს ენერგეტიკისა და წყალმომარაგების მარეგულირებელი ეროვნული კომისია შესანიშნავად მუშაობს. ჩვენ მათთან მჭიდროდ ვთანამშრომლობთ, რათა შევიმუშაოთ ისეთი სატარიფო სტრუქტურა, რომელიც უზრუნველყოფს როგორც წყალმომარაგების სისტემის განვითარებისთვის საჭირო და აუცილებელ საინვესტიციო ნაკადებს, ისე ხელმისაწვდომ ფასს მოსახლეობისთვის".ბოფილის თქმით, Aqualia მუდმივად მზად არის მჭიდროდ ითანამშრომლოს ხელისუფლებასთან, მარეგულირებელსა და მუნიციპალიტეტებთან, რათა საკუთარი გლობალური გამოცდილება ქვეყნის სხვადასხვა რეგიონში წყალმომარაგების სექტორის განსავითარებლად მიმართოს.(R)

1784128440

„მცირე მარნის“ სტატუსის შეკვეცა და 375 000 ლარი ბიზნესის ჯიბიდანგარემოს დაცვისა და სოფლის მეურნეობის სამინისტროს მიერ მომზადებული საკანონმდებლო ინიციატივა რამდენიმე ფუნდამენტურ რეფორმას ითვალისწინებს, რაც პირდაპირ ავიწროებს მცირე მეწარმეობის საზღვრებს. ახალი წესით, იცვლება „მცირე ზომის მარნის“ დეფინიცია და მისი წლიური წარმადობის მაქსიმალური ზღვარი 40 000 ლიტრიდან 25 000 ლიტრამდე მცირდება.ამასთანავე, თუ აქამდე სავალდებულო ორგანოლეპტიკურ (სენსორულ) შემოწმებას მხოლოდ საექსპორტო პროდუქცია გადიოდა, ახალი რეგულაციით, როგორც საექსპორტოდ, ისე ადგილობრივ სამომხმარებლო ბაზარზე რეალიზაციისთვის განკუთვნილი ყველა კატეგორიის ღვინო სავალდებულო დეგუსტაციას დაექვემდებარება.სააგენტოს მონაცემებით, შიდა ბაზარზე მოქმედი 900-მდე აქტიური კომპანიისგან სარეალიზაციოდ განკუთვნილი დაახლოებით 5 000 ლოტირებული პროდუქცია სწორედ ამ სავალდებულო ფილტრში გატარდება. თითოეული ლოტის შემოწმება კერძო სექტორს 75 ლარი უჯდება, რაც ჯამურად ბიზნესის ჯიბიდან 375 000 ლარის ამოღებას ნიშნავს.სახელმწიფო აპარატი ამ ნაბიჯს განმარტავს და აცხადებს, რომ ეს დამატებითი ფინანსური რესურსი მევენახეობა-მეღვინეობის განვითარების პროგრამებს მოხმარდება. თუმცა, ეკონომიკური კანონზომიერება სხვაა: ნებისმიერი დამატებითი მოსაკრებელი საბოლოოდ პროდუქტის თვითღირებულებაზე აისახება და ამ ტვირთის გადახდა ისევ მომხმარებელს მოუწევს.ამ ფონზე ჩნდება კითხვა შერჩევითი მიდგომის თაობაზეც: ორგანოლეპტიკური შემოწმების ვალდებულება არ გავრცელდება მხოლოდ „ბუნებრივ ღვინოზე“ (რომელიც კანონში ტერმინ „სახლის ღვინოს“ ანაცვლებს და ითვალისწინებს წარმოებას ქიმიური სინთეზური საშუალებების გარეშე). რატომ ტოვებს სახელმწიფო ამ კატეგორიას კონტროლის მიღმა, მაშინ როცა სხვა ყველასთვის ფილტრს ამკაცრებს?ამ კითხვით GBC-მ კომპანია „ღვინუკას“ დამფუძნებელ ზუკა მაისაშვილს მიმართა. იგი ამ გამონაკლისს ბუნებრივი ღვინის სპეციფიკით ხსნის და მიიჩნევს, რომ ეს დიდ სურათს არ ცვლის: „იმდენად ცოტა ბუნებრივი ღვინო იწარმოება ქვეყანაში იმ რაოდენობასთან შედარებით, რაც არის ინდუსტრიული ღვინო, რომ მისი კონტროლი ქვეყნიდან გასული ღვინის ხარისხზე გავლენას ვერ ახდენს დიდ სურათში. ბუნებრივ ღვინოზე როცა ვსაუბრობთ, იქ მანიპულაციები და მეღვინის ჩარევა ნაკლებია. შესაძლებელია დაშვებები იყოს და რაღაც ნაკლოვანებები გააჩნდეს ღვინოს, რაც ინდუსტრიული და მეცნიერული მიმართულებით დაუშვებელია, მაგრამ ბუნებრივი ღვინის მოყვარულებისთვის და ამ დარგის მეღვინეებისთვის ჩვეულებრივად დასაშვებია. ალბათ, ეს სხვაობა ამან გამოიწვია“.ბიუროკრატიული ოპტიმიზმი და რეალური რესურსების დეფიციტიყველაზე მეტ კითხვას დარგში მაინც ის ლოგისტიკური სქემა აჩენს, რომლითაც სახელმწიფო აპარატი გაზრდილი ნაკადების მართვას გეგმავს. სააგენტო ოფიციალურ პასუხში ირწმუნება, რომ ადგილობრივი ბაზრისთვის 5 000 ახალი ლოტის დამატების პირობებში, სადეგუსტაციო კომისია მუშაობას ყოველგვარი დამატებითი ადამიანური თუ ფინანსური რესურსის მობილიზების გარეშე გააგრძელებს.არსებული სისტემა ეყრდნობა 70-კაციან პროფესიულ ბაზას, საიდანაც ყოველდღიურად, როტაციის პრინციპით, მხოლოდ 5 დეგუსტატორი მუშაობს. სახელმწიფო დარწმუნებულია, რომ ეს მოდელი სრულად აიცილებს თავიდან კომისიის წევრების გადაწვასა და რიგებს, თუმცა პრაქტიკოსები შიშობენ, რომ ადმინისტრაციული რესურსის გარეშე დატოვებული ბიუროკრატია პროცესებს გააჭიანურებს, რაც საბოლოოდ საცალო ქსელებში პროდუქციის მიწოდებას შეაფერხებს.კომისიის ობიექტურობის დასაცავად სააგენტოს მთავარ არგუმენტად ინტერესთა კონფლიქტის პრევენცია და ანონიმურობა მოჰყავს. წესის მიხედვით, მოქმედი მეღვინეები საკუთარი კომპანიის პროდუქციის შეფასებას არ ესწრებიან. ანონიმურობის დაცულობის ნაწილში კომპანია „ღვინუკას“ დამფუძნებელი, ზუკა მაისაშვილი, მეტ-ნაკლებად ოპტიმისტურად არის განწყობილი და მიუთითებს, რომ კომისიის მუშაობის სპეციფიკა სუბიექტურობის რისკებს მინიმუმამდე ამცირებს: „სადეგუსტაციო კომისიაზე, როგორც წესი, არც ერთი და არც ორი ღვინის დეგუსტაცია არ ხდება, აქ ხდება 30, 40, 50 ნიმუშის შეფასება დღის მანძილზე. თან ეს ბოთლები შეფუთულია და მხოლოდ წელსა და ჯიშს ამბობენ. აქედან გამომდინარე, საკმაოდ რთული იქნება დადგენა, თუ ვისი ღვინოა, თუ იმ იშვიათ და ენდემურ ჯიშებს არ ვგულისხმობთ, რომლებიც შეიძლება მხოლოდ რამდენიმე მეღვინეს ან მცირე მარანს გააჩნდეს მთელი ქვეყნის მასშტაბით. პრაქტიკულად მგონია, რომ ანონიმურობა 95% შემთხვევაში დაცული იქნება“.მიუხედავად ამისა, თავად მწარმოებლები ადასტურებენ, რომ სენსორული შეფასება თავისი ბუნებით მაინც შეიცავს სუბიექტურობის ელემენტებს და სახელმწიფო ფილტრი ზოგჯერ რეალურ სურათს აცდენილია: „მთავარია, ღვინოს არ ჰქონდეს მიკრობიოლოგიური დაავადება, ანუ ზადი. ამის შემდგომ შეფასებები არომატზე, ფერზე, გემოზე მეტ-ნაკლებად სუბიექტურია. ჩვენ გვქონია პრაქტიკაში, რომ საკმაოდ კარგი ღვინოები, რომლებითაც შემდეგ საერთაშორისო გამოფენებზეც წავსულვართ, ადგილობრივ ბაზარზე სადეგუსტაციო კომისიებს პირველ ჯერზე დაუწუნიათ, თუმცა მომდევნო დეგუსტაციაზე უკვე ძალიან მაღალი შეფასება მიგვიღია. აქედან გამომდინარე, ეს ჩვეულებრივი პრაქტიკაა“, - აღნიშნავს ზუკა მაისაშვილი.ხელოვნურად დაწეული თამასა და გაურკვეველი მომავალიკრიტიკის საგანია თავად შეფასების კრიტერიუმებიც. სააგენტო ხაზს უსვამს, რომ ადგილობრივი ბაზრის კონტროლისთვის საერთაშორისოდ აღიარებულ გერმანულ 5-ქულიან მოდელს იყენებს, თუმცა გამსვლელ ნიშნულად კრიტიკულად დაბალ - 1.5 ქულას აწესებს.თუკი 5-ქულიანი სისტემიდან მხოლოდ 1.5 ქულაა საკმარისი იმისათვის, რომ ღვინო მაღაზიის დახლზე მოხვდეს, ჩნდება ლოგიკური კითხვა: რეალურად ხარისხის სტანდარტის ამაღლებაზეა ორიენტირებულია ეს ფილტრი, თუ უბრალოდ აშკარად დაავადებული პროდუქციის გაფილტვრაზე? და თუკი ბარიერი ასე დაბალია, რატომ უჯდება ბიზნესს ამ ფორმალური ნიშნულის გადალახვა ყოველწლიურად 375 000 ლარი?ზუკა მაისაშვილი განმარტავს, რომ სააგენტოს მიერ დაწესებული მინიმალური ზღვარი მკვეთრად ჩამოუვარდება იმ კრიტერიუმებს, რომლებსაც კერძო სექტორი თავად აწესებს: „თუ გავითვალისწინებთ, რომ ადგილობრივ ბაზარზე არსებობენ მაღაზიები და რესტორნები, რომლებსაც საკუთარი კომისია გააჩნიათ და იქ სადეგუსტაციო შეფასება გაცილებით მკაცრად ხდება (ხშირად 5-დან 2.5 ან 3 ქულაა მოთხოვნა), მათ ფონზე სააგენტოს 1.5 ქულა ნამდვილად მინიმალურია. პრაქტიკულად ეს ნიშნავს, რომ თუ ღვინოს რაიმე მიკრობიოლოგიური დაავადება არ გააჩნია, ის ამ ქულას ნებისმიერ შემთხვევაში დააკმაყოფილებს“.კანონის ეფექტურობას კიდევ უფრო სკეპტიკურად უყურებს ღვინის ეროვნული სააგენტოს ყოფილი ხელმძღვანელი გიორგი სამანიშვილი. მისი შეფასებით, სავალდებულო ორგანოლეპტიკური შემოწმება ბაზარზე რეალურ ხარისხს ვერ უზრუნველყოფს: „შეფასების სისტემას მე საერთოდ არ დავუკავშირებდი იმას, რომ ადგილობრივ ბაზარზე იყოს ხარისხიანი ღვინო. ეს არის სერტიფიცირების სისტემა, რომელიც ერთი პატარა აგურია ამ სისტემაში, თუმცა ის არანაირი გარანტია არ არის. ორგანოლეპტიკური შემოწმება არის ისეთივე ანალიზი, როგორიც ლაბორატორიული, ოღონდ მას ცოცხალი ადამიანები ატარებენ“.ამასთანავე, ახალი წესით მწარმოებლებს ეძლევათ უფლება, დაწუნებული ნიმუში კომისიაზე განმეორებით, სულ სამჯერ გაიტანონ, საბოლოო ვერდიქტი კი სამივე შეფასების საშუალო არითმეტიკულით გამოითვალოს. დარგის ნაწილი ამ მექანიზმს მიიჩნევს ბიუროკრატიულ დათმობად, რომელიც პროცესს ხელოვნურად აჭიანურებს და ბაზარზე არასტაბილური ხარისხის პროდუქციის მოხვედრის რისკს მაინც ტოვებს.ფინანსური დარტყმა: მილიონობით ლარი ნიშანდებიდანამ საკანონმდებლო რეფორმის ყველაზე მასშტაბურ ნაწილს სავალდებულო ნიშანდების (სპეციალური QR-კოდების) სისტემის შემოღება წარმოადგენს, რომელიც გარემოს დაცვისა და სოფლის მეურნეობის მინისტრის მიერ დადგენილი წესით უნდა განხორციელდეს. სამინისტროს განმარტებით ბარათში აღნიშნულია, რომ თითოეულ ბოთლზე უნიკალური სახელმწიფო ნიშნის დატანა უზრუნველყოფს პროდუქტის ხარისხისადმი მაღალ სანდოობას.თუმცა, ამ „სანდოობის“ მიღმა კონკრეტული ციფრები დგას: უწყების გათვლებით, ალკოჰოლიანი სასმლის ნიშანდების სავარაუდო ღირებულება ერთ ბოთლზე 10 თეთრი იქნება. თუ გავითვალისწინებთ წინა წლების რეალიზაციის საშუალო მაჩვენებელს – წლიურად 140-დან 150 მილიონამდე ბოთლს - ეს რეგულაცია სსიპ ღვინის ეროვნული სააგენტოს შემოსავლებს კოლოსალური თანხით, დაახლოებით 14 000 000 – 15 000 000 ლარით გაზრდის.ზუკა მაისაშვილი მიიჩნევს, რომ მცირე მწარმოებლებისთვის ეს გადასახადი ფინანსურად კატასტროფული არ არის, თუმცა ბიუროკრატიულ თავსატეხს ნამდვილად აჩენს: „წარმოიდგინეთ, ყველაზე მცირე, 1 000-ბოთლიანი მეღვინეობაც კი მაქსიმუმ გადაიხდის 100 ლარს. აქედან გამომდინარე, ეს არ მგონია იყოს რაიმე მძიმე ფინანსური ტვირთი. ეს უბრალოდ არის დამატებითი ბიუროკრატია, რომელიც მცირე მარნებისთვის შესაძლოა იყოს რაიმე თავსატეხი ან პროცესის უფრო გართულება მოჰყვეს ამ ამბავს.საერთოდ, ღვინის ხარისხის გაუმჯობესება ეს დიდი პროცესია, რომელიც იწყება ნიადაგიდან. ჰაერიდან ფასი ვერ გაუმჯობესდება, მით უფრო როცა სამყაროში ამხელა კონკურენციაა. თუმცა, ისეთი ტიპის რეგულაციები, რომლებიც რეალურად ხარისხზეა ორიენტირებული, ვფიქრობ, დარგზე დადებითად აისახება“.სრულიად საპირისპირო და ბევრად კრიტიკული პოზიცია აქვს სააგენტოს ყოფილ ხელმძღვანელს, გიორგი სამანიშვილს, რომელიც ამ გადაწყვეტილებას დარგისთვის უსარგებლო და უკიდურესად საზიანო ნაბიჯად აფასებს:„ნიშანდების წესთან დაკავშირებით, დარგს იმედი გვაქვს, რომ ეს წესი არ ამუშავდება და რაღაც შეიცვლება - ან მთავრობაში, ან გადაწყვეტილების მიღების ნაწილში, იმიტომ, რომ ალბათ ეს არის ყველაზე არასერიოზული გადაწყვეტილება, რაც ამ ბოლოს მინახავს. ეს გადაწყვეტილება დარგს დაუჯდება ძალიან ძვირი, თუმცა არანაირი შედეგი არ ექნება“.ხარისხის დაცვა თუ ახალი ადმინისტრაციული ლაბირინთი?მთავარი კითხვა კი კვლავ პასუხგაუცემელი რჩება: რამდენად შეძლებს დამატებითი ადამიანური და მატერიალური რესურსების გარეშე დატოვებული სახელმწიფო აპარატი ამ მასშტაბის კონტროლის ეფექტიანად განხორციელებას ისე, რომ ქართული ღვინის წარმოება ხელოვნურ ჩიხში არ შეიყვანოს?ღვინო ცოცხალი ორგანიზმია. მას ესმის მზრუნველობა, მაგრამ ვერ იტანს ბორკილებს. ისევე, როგორც ქვევრის მუცელში, სადაც ყურძნის წვენი ყოველგვარი ხელოვნური ჩარევის გარეშე, სრულ სიბნელესა და თავისუფლებაში გარდაიქმნება დიდებულ სასმელად, ნამდვილი მეღვინეობაც ხომ ნდობაზე დგას და არა მკაცრ შაბლონებზე. სანამ ბიუროკრატიული მანქანა ახალ-ახალი ბარიერების აგებითაა დაკავებული, ქართული ვაზი კვლავაც დუმილში, მიწის სიღრმიდან ეძებს გზას სინათლისკენ, რათა მან თავისი სათქმელი ბოლომდე თქვას.ხარისხის დაცვა აუცილებელია, თუმცა ის არ უნდა გახდეს უღელი მათთვის, ვინც ამ რვაათასწლოვან საიდუმლოს საკუთარი ხელებით უფრთხილდება და აგრძელებს. ბოლოს და ბოლოს, ისტორიას მხოლოდ ის ბოთლები რჩება, რომლებშიც, თიხის სურნელთან ერთად, თავისუფლების გემოც იგრძნობა.

1784104608

აღნიშნულ მატებას კომპანია ქვეყანაში ეკონომიკური აქტივობის და ახალ აბონენტთა რაოდენობის ზრდას უკავშირებს.კერძოდ, თელასის აბონენტთა რაოდენობა 2026 წლის ივნისის მდგომარეობით, 2025 წლის ამავე პერიოდთან შედარებით, 4.5%-ით (35.5 ათასი აბონენტით) გაიზარდა და 833.4 ათასი აბონენტი შეადგინა, საიდანაც 746.6 ათასი - ფიზიკური პირია, ხოლო 86.8 ათასი – იურიდიული პირი.ამავე პერიოდში კომპანიის ელექტროგადამცემი ხაზების საერთო სიგრძემ 7,810 კმ შეადგინა, რაც 7%-ით (510 კმ-ით) აღემატება 2025 წლის ექვსი თვის მაჩვენებელს. კომპანიის ელექტროგადამცემი ხაზების საერთო სიგრძე ქსელის განვითარების, რეკონსტრუქციის და მოდერნიზების სამუშაოების ჩატარების შედეგად გაიზარდა.

1784022454

ღონისძიებამ ერთ სივრცეში გააერთიანა ხელისუფლების, ბიზნესსექტორისა და მარეგულირებელი ორგანოს პირველი პირები. პანელურ დისკუსიაში მთავრობის ადმინისტრაციის უფროსთან ლევან ჟორჟოლიანთან და სემეკის თავმჯდომარესთან დავით ნარმანიასთან ერთად აქტიურად მონაწილეობდნენ Aqualia-ს რეგიონული დირექტორი ხოსე ენრიკე ბოფილი, GGU ჯგუფისა და GWP-ის გენერალური დირექტორი ხოსე მიგელ სანტოსი, თბილისის ვიცე-მერი გიორგი ტყემალაძე, რუსთავის მერი ნინო ლაცაბიძე, თბილისის საკრებულოს თავმჯდომარე ზურაბ აბაშიძე და საქართველოს გაერთიანებული წყალმომარაგების კომპანიის დირექტორი ბესიკ ჯიქურაული.დისკუსიის ფარგლებში მონაწილეებმა დეტალურად განიხილეს წყლის რესურსების ეფექტიანი მართვის მექანიზმები, თანამედროვე ურბანული განვითარების გამოწვევები, მდგრადი განვითარების მიზნები და ქვეყნისთვის სტრატეგიულად მნიშვნელოვანი სატარიფო პოლიტიკა. განსაკუთრებული ყურადღება დაეთმო GWP-ის მიმდინარე საოპერაციო შედეგებსა და იმ მასშტაბურ ინვესტიციებს, რომლებსაც Aqualia, როგორც სტრატეგიული პარტნიორი და ინვესტორი, ქვეყნის წყალმომარაგების ინფრასტრუქტურის განვითარებისა და მომსახურების ხარისხის ევროპულ სტანდარტებთან შესაბამისობის უზრუნველსაყოფად ახორციელებს.„მოხარული ვარ ფორუმში მონაწილეობით.  Aqualia 2022 წლიდან საქართველოს ეკონომიკის განვითარებაში აქტიურად არის ჩართული და მიგვაჩნია, რომ მსგავსი ღონისძიებები ხელს უწყობს საზოგადოების ინფორმირებას წყალმომარაგების სფეროში არსებულ საკითხებზე.  დღეს უკვე შეგვიძლია ვისაუბროთ კომპანიის საქმიანობის პოზიტიურ შედეგებზე თბილისში, რუსთავსა და ქალაქ მცხეთაში. პროგრესი თვალსაჩინოა ქვეყნის სხვა რეგიონებშიც, სადაც მთავრობა ინფრასტრუქტურული პროექტებისა და ინვესტიციების მიმართულებით აქტიურად მუშაობს. მსგავსი დისკუსიები გვეხმარება მუდმივად ვიცოდეთ ქვეყნის პრიორიტეტები და მკაფიოდ დავინახოთ, რა მიმართულებით უნდა განვითარდეს წყალმომარაგების სექტორი" - ხოსე ენრიკე ბოფილი, Aqualia-ს რეგიონული დირექტორიფორუმმა კიდევ ერთხელ დაადასტურა, რომ Aqualia-სა და „ჯივიპის" ერთობლივი სტრატეგიული გეგმები პირდაპირ პასუხობს ქვეყანაში დარგის მდგრადი განვითარების ხედვებს და მიზნად ისახავს წყალმომარაგების ინფრასტრუქტურის სრულ მოდერნიზაციას საერთაშორისო სტანდარტების შესაბამისად.(R)

1783948609

საერთაშორისო სააგენტოების მიერ GGU ჯგუფის რეიტინგის საქართველოს სუვერენულ ნიშნულთან გათანაბრება ქვეყნისთვისაც მნიშვნელოვანი მოვლენაა. აღნიშნული აღიარება გლობალურ ბაზრებზე პირდაპირ ასახავს ქართული საინვესტიციო გარემოს სიმყარეს, აძლიერებს საქართველოს მაკროეკონომიკურ იმიჯს და მკაფიო სიგნალია უცხოელი ინვესტორებისთვის, რომ ქვეყნის სტრატეგიული ინფრასტრუქტურა უმაღლესი საერთაშორისო სტანდარტებით ვითარდება.GGU ჯგუფი წარმოადგენს ევროპული წყალმომარაგების გიგანტის, ესპანური FCC Aqualia-ს შვილობილ კომპანიას საქართველოში, რომელიც თავის მხრივ ფლობს და ოპერირებას უწევს თბილისის, რუსთავისა და მცხეთის წყალმომარაგების კომპანიას შპს „ჯორჯიან უოთერ ენდ ფაუერს" (GWP) და მსხვილ ენერგეტიკულ ობიექტებს.GGU ჯგუფის მიმართ საერთაშორისო სარეიტინგო სააგენტოების უმაღლესი სანდოობისა და ფინანსური მედეგობის დადასტურება მნიშვნელოვანი ნაბიჯია, რომელიც პირდაპირ ასახავს კომპანიის მყარ ფინანსურ დისციპლინას, ეფექტურ საოპერაციო მაჩვენებლებსა და კომუნალური სექტორის მდგრად განვითარებას. საერთაშორისო სააგენტოების მიერ რეიტინგის ერთდროული გაუმჯობესება ადასტურებს, რომ ჯგუფის სტრატეგიული მიმართულებები მაღალი საერთაშორისო სტანდარტების შესაბამისად ვითარდება.საერთაშორისო სააგენტოების დასკვნით, GGU ჯგუფის საინვესტიციო პოლიტიკის ძირითად მიმართულებად კვლავ GWP-ის წყალმომარაგების და წყალარინების ინფრასტრუქტურის ხელშესახები განახლება და განვითარება რჩება. კომპანიამ უკვე აჩვენა წყლის დანაკარგების კლებისა და ენერგოეფექტურობის ზრდის მყარი დინამიკა. GGU ჯგუფის მიერ მომდევნო სატარიფო პერიოდის ფარგლებში დაგეგმილი საინვესტიციო სტრატეგია მიმართულია თბილისის, მცხეთისა და რუსთავის წყალმომარაგების სისტემების მოდერნიზაციაზე, წყლის დანაკარგების კიდევ უფრო შემცირებაზე, სატუმბი სადგურების ენერგოეფექტურობის ამაღლებასა და გამრიცხველიანების პროცესის გაგრძელებაზე.Fitch Ratings-ისა და S&P Global Ratings-ის მიერ მინიჭებული გაუმჯობესებული რეიტინგი FCC Aqualia-ს შვილობილ კომპანიას - GGU ჯგუფს, კიდევ უფრო მეტ შესაძლებლობას აძლევს, წარმატებით განაგრძოს თანამშრომლობა საერთაშორისო ფინანსურ ინსტიტუტებთან და მოიზიდოს გრძელვადიანი საინვესტიციო რესურსი GWP-ის მასშტაბური პროექტების განსახორციელებლად.GWP-ის მფლობელი კომპანია GGU ჯგუფი აგრძელებს აქტიურ ინვესტირებას დარგის ინსტიტუციონალურ და ტექნოლოგიურ განვითარებაში, რაც მიზნად ისახავს მომსახურების ხარისხის უწყვეტ გაუმჯობესებას, საოპერაციო გამჭვირვალობის ზრდასა და თითოეული აბონენტისთვის საიმედო მომსახურების მიწოდებას.(R)

1783685481