ნავთობისა და გაზის კორპორაციას მილსადენის ტენდერი გაზრდილი ფასით აუქციონზე ხელმეორედ გამოაქვს

შეხვედრის მთავარი თემა საარჩევნო ელექტრონული ტექნოლოგიები, მისი უპირატესობები და ადმინისტრაციის წარმატებული პრაქტიკა იყო. გიორგი შარაბიძემ იმ გამოცდილებასა და გზაზე ისაუბრა, რომელიც საარჩევნო ადმინისტრაციამ ელექტრონული ტექნოლოგიების დანერგვის პროცესში გაიარა. მან ახალგაზრდებს ასევე მიაწოდა ინფორმაცია დეზინფორმაციასა და მასთან ბრძოლის სტრატეგიაზე, საარჩევნო ადმინისტრაციის მიერ დაგეგმილ სიახლეებსა და საგანმანათლებლო პროექტებზე.საარჩევნო პროცესში ამომრჩევლის როლისა და უფლებების, ასევე არჩევნებში ახალგაზრდების აქტიური ჩართულობის მნიშვნელობის შესახებ მონაწილეებს ყვარლის საოლქო საარჩევნო კომისიის თავმჯდომარე მარიამ შეყელაძე ესაუბრა. მან ახალგაზრდებს საარჩევნო ელექტრონული ტექნოლოგიებიც გააცნო. შეხვედრის მონაწილე ახალგაზრდებმა პრაქტიკაში თავად გამოცადეს საარჩევნო ელექტრონული ტექნოლოგიები და გაეცნენ მათი მუშაობის პრინციპებს.ახალგაზრდები ასევე გაეცნენ საარჩევნო ადმინისტრაციის ჟურნალს „არჩევნები 360˚". აღნიშნული გამოცემა მკითხველს აქტუალურ საარჩევნო თემებზე მრავალმხრივ და ამომწურავ ინფორმაციას სთავაზობს.შეხვედრის დასკვნითი ნაწილი დისკუსიას დაეთმო. ახალგაზრდებმა ცესკოს თავმჯდომარის მოადგილისგან მათთვის საინტერესო ყველა კითხვაზე პასუხი მოისმინეს.შეხვედრა 2026 წლის საზაფხულო ბანაკების პროექტის ფარგლებში გაიმართა. საზაფხულო ბანაკების პროექტის ფარგლებში საარჩევნო ადმინისტრაციის ხელმძღვანელი პირები და წარმომადგენლები ახალგაზრდებთან საინფორმაციო შეხვედრებს ქვეყნის სხვადასხვა რეგიონში გამართავენ.(R)

1787567291

პროგრამის მხარდამჭერია საქართველოს ბანკი. ინიციატივა გაეროს განვითარების პროგრამის (UNDP) და შვედეთის მთავრობის ხელშეწყობით ხორციელდება.თბილისის ნაკადის ფარგლებში, მონაწილეებისთვის ინტენსიური ვორკშოპები 15-17 სექტემბერს გაიმართება. პროგრამის მონაწილეები მიიღებენ როგორც ბიზნესის მართვისთვის საჭირო თეორიულ ცოდნას, ისე პრაქტიკულ გამოცდილებას და შესაძლებლობას, საკუთარი ბიზნესიდეები ექსპერტების დახმარებით განავითარონ.პროგრამა ოთხ ძირითად მიმართულებას აერთიანებს: ცოდნას, მხარდაჭერას, გამოცდილებასა და თანამშრომლობას. მონაწილეები ჩაერთვებიან პირისპირ სწავლების პროცესში, სადაც წამყვანი ექსპერტები ბიზნესის მართვასთან დაკავშირებულ ცოდნას გაუზიარებენ.გარდა საგანმანათლებლო კომპონენტისა, მონაწილეებს ექნებათ ჯგუფური და ინდივიდუალური მხარდაჭერის მიღების შესაძლებლობა, მათ შორის - პრაქტიკული რჩევები ბიზნესგანაცხადის მომზადებისა და პიროვნული უნარების განვითარებისთვის. პროგრამა ასევე ითვალისწინებს მხარდაჭერას გრანტის მიღების შემთხვევაში, პროექტის განხორციელების ეტაპზე.პროგრამა ასევე ქმნის შესაძლებლობას, მონაწილეებმა გაიფართოონ პროფესიული ქსელი, შეიძინონ ახალი კონტაქტები, ერთმანეთს გაუზიარონ გამოცდილება და შეხვდნენ წარმატებული ბიზნესების ლიდერებს.თბილისის ნაკადში მონაწილეობის მსურველებისთვის რეგისტრაცია ხელმისაწვდომია პროგრამის ვებგვერდზე.(R)

1787566920

აღნიშნულ პერიოდში ვიზიტორების საშუალო თვიური რაოდენობა შემცირდა 0.1%-ით, ხოლო მათ მიერ განხორციელებული ვიზიტების რაოდენობა 1.1%-ით მეტია წინა წლის ანალოგიური პერიოდის მაჩვენებელზე.2Q26-ში საქართველოს რეზიდენტი ვიზიტორების მიერ საქართველოს ტერიტორიაზე განხორციელებული ტურისტული ტიპის ვიზიტების საშუალო თვიური რაოდენობა 683.4 ათასით განისაზღვრა, რაც 1.3%-ით ნაკლებია წინა წლის ანალოგიური პერიოდის მაჩვენებელზე.ვიზიტორების უმრავლესობა, 36.1%, 51-70 წლამდე ასაკობრივ კატეგორიას მიეკუთვნებოდა, ქალების რაოდენობა კი ვიზიტორების ჯამური რაოდენობის 56%-ს შეადგენდა.საქსტატის გამოკვლევის შედეგების მიხედვით, ვიზიტორების 38.2% თბილისის მაცხოვრებელია, 16.3% მოდის იმერეთის, რაჭა-ლეჩხუმისა და ქვემო სვანეთის რეგიონზე, ხოლო დანარჩენი რეგიონები შედარებით დაბალი წილებით არის წარმოდგენილი.2Q26-ში ვიზიტების უმრავლესობა (52.6%) განხორციელდა მეგობრების/ნათესავების მონახულების მიზნით.საანგარიშო პერიოდში ყველაზე მეტი ვიზიტი განხორციელდა იმერეთის რეგიონსა (საშუალოდ 377.4 ათასი ვიზიტი თვეში) და თბილისში (საშუალოდ 377.4 ათასი ვიზიტი თვეში).2Q26-ში განხორციელებული ვიზიტებისას გაწეული საშუალო თვიური ხარჯების მოცულობა განისაზღვრა ₾300.7 მლნ-ით, რაც 7.2%-ით მეტია გასული წლის ანალოგიური პერიოდის მაჩვენებელზე. ამასთან, ერთ ვიზიტზე გაწეული საშუალო ხარჯი გაიზარდა 6%-ით და 177 ლარს გაუტოლდა

1787557379

2Q25-თან შედარებით სოფლის მეურნეობის პროდუქციის ერთეულის ღირებულების ინდექსი გაიზარდა 5.8%-ით.ინდექსის ზრდა, ძირითადად, გამოწვეული იყო ცოცხალი ცხოველების და ცხოველური წარმოშობის პროდუქტების ღირებულების 15.5%-იანი მატებით, რაც 8.58 პ.პ.-ით აისახა მთლიანი ინდექსის ცვლილებაზე.ამავე პერიოდში მრავალწლოვანი კულტურების ღირებულება 1.3%-ით გაიზარდა, ხოლო ერთწლოვანი კულტურების ღირებულება 12.1%-ით შემცირდა, რამაც, შესაბამისად, 0.36 და -3.09 პ.პ.შეიტანა ჯამური ინდექსის ცვლილებაში.

1787556199

აღნიშნული პროექტი საქართველოს განათლების, მეცნიერებისა და ახალგაზრდობის სამინისტროს მხარდაჭერით, ახალგაზრდობის სააგენტოს ორგანიზებითა და საქართველოს ეროვნულ ბანკთან თანამშრომლობით განხორციელდა.საქართველოს ეროვნული ბანკის ერთ-ერთი პრიორიტეტი ახალგაზრდებში ფინანსური და ეკონომიკური ცნობიერების ამაღლების ხელშეწყობაა. ამ მიმართულებით, სებ-ი ახალგაზრდებს სხვადასხვა საგანმანათლებლო აქტივობასა და ინიციატივას სთავაზობს. ვიზიტის ფარგლებში, ახალგაზრდებს სპეციალური ტური ფულის მუზეუმის კურატორმა, როლანდ სპანდერაშვილმა ჩაუტარა. მან მონაწილეებს მუზეუმის ისტორია, უნიკალური ექსპონატები და ქართული ფულის მიმოქცევის მნიშვნელოვანი ეტაპები გააცნო.აღსანიშნავია, რომ ეროვნული ბანკის ფულის მუზეუმი ერთადერთია საქართველოში, რომელიც ხელს უწყობს ფულის როგორც სახელმწიფოებრიობის აუცილებელი ატრიბუტის და ხელოვნების ნიმუშის პოპულარიზაციას, ასევე წარმოაჩენს მისი განვითარების დონეს საქართველოს ისტორიაში.ამასთან, შეხვედრის ფარგლებში გაიმართა მოკლემეტრაჟიანი სამეცნიერო-პოპულარული დოკუმენტური ფილმის - „ქართული ფულის თავგადასავალი - 30 ამბავი" ჩვენება. აღნიშნული მედიაპროექტი საქართველოს ეროვნული ბანკისა და კავკასიის საერთაშორისო უნივერსიტეტის თანამშრომლობით შეიქმნა და ეროვნული ვალუტის - ლარის შემოღებიდან 30 წლის იუბილესა და ქართული ფულის 26 საუკუნოვან ისტორიას მიეძღვნა.ღონისძიების დასასრულს ახალგაზრდული ბანაკის მონაწილეებს ეროვნული ბანკის ბრენდირებული საჩუქრები გადაეცათ.(R)

1787555388

ბრიტანეთის მთავრობის გადაწყვეტილებით, ევროპულ თავდაცვით კომპანია MBDA-ს უფლება ეძლევა, გასაიდუმლოება მოუხსნას ინფორმაციას Storm Shadow/Scalp-ის ტიპის ფრთოსანი რაკეტების ბრიტანულ კომპონენტებზე, რაც უკრაინულ მხარეს აღნიშნული შეიარაღების საკუთარი ანალოგის შექმნის საშუალებას მისცემს. გარდა ამისა, ლონდონი პარიზს უკრაინის ტერიტორიაზე შორ მანძილზე მოქმედი რაკეტების საამწყობრო ხაზების გამართვაში დაეხმარება.უკრაინულ ძალებს ამერიკული Patriot-ის სისტემების რაკეტები ამოეწურათ, რის გამოც პრეზიდენტი ვოლოდიმირ ზელენსკი მოკავშირეებისგან დამატებითი გადამჭერების შესყიდვას ცდილობს. საფრანგეთთან მიღწეულია შეთანხმება მიმდინარე წელს სულ მცირე ერთი საჰაერო თავდაცვის სისტემის მიწოდებაზე, ხოლო გერმანიასთან - 600-მდე რაკეტაზე 2027-2028 წლებში.ლონდონის მიერ უკრაინული თავდაცვითი ინდუსტრიის მხარდაჭერას მოსკოვის მკვეთრი რეაქცია მოჰყვა. კრემლმა ლონდონიდან ელჩი გაიხმო და ახალი წარმომადგენელი არ დაუნიშნავს, რაც ბრიტანეთთან დიპლომატიური ურთიერთობების დონის დე ფაქტო შემცირებას ნიშნავს.ვიზიტი იმ ფონზე მიმდინარეობს, როდესაც პრეზიდენტ ზელენსკის ყოფილმა თავდაცვის მინისტრმა, მიხაილო ფედოროვმა არჩევნების ჩატარებისკენ მოუწოდა. ზელენსკის განცხადებით, საომარი მოქმედებების დროს არჩევნების დაგეგმვა ქვეყნის გახლეჩვისა და დაშლის სერიოზულ რისკებს შეიცავს.მიუხედავად იმისა, რომ უკრაინის მიერ Storm Shadow-ს ანალოგების მასობრივ წარმოებას შესაძლოა წლები დასჭირდეს, ბრიტანეთის ეს ნაბიჯი ხაზს უსვამს დასავლელი მოკავშირეების გრძელვადიან სტრატეგიას — გახადონ უკრაინის თავდაცვის სექტორი თვითკმარი.

1787554806

გენერალური პროკურორის მოადგილის, ამირან გულუაშვილის განცხადებით, გამოძიებასთან თანამშრომლობის სურვილით უწყებას 12 აგვისტოს მიმართა თავდაცვის ყოფილი მინისტრის ნათესავმა, კორუფციისთვის მსჯავრდადებულმა ვასილ მხეიძემ, რის შემდეგაც გამოძიებასთან ითანამშრომლა და ჩვენება მისცა პატიმრობაში მყოფმა თავდაცვის ყოფილმა მინისტრმა, ჯუანშერ ბურჭულაძემაც.გამოძიების ვერსიით, 2022 წლის ბოლოს თავდაცვის სამინისტროსთვის სამედიცინო აპარატურის საიდუმლო შესყიდვებისას შეიქმნა არაკონკურენტული გარემო. შედეგად, 11.5 მილიონი ლარის რეალური ღირებულების აპარატურა სახელმწიფომ 18.5 მილიონ ლარად შეიძინა, რამაც ბიუჯეტს თითქმის 7 მილიონი ლარის ზიანი მიაყენა.სანაცვლოდ, შესყიდვებში მონაწილე ბიზნესმენმა ვასილ მხეიძეს ქრთამის სახით 1.9 მილიონი ლარი გადასცა. აქედან 400 000 ლარი მხეიძემ დაიტოვა, ხოლო 1.5 მილიონი ლარი ჯუანშერ ბურჭულაძეს გადასცა. ბურჭულაძემ მიღებული თანხიდან 750 000 ლარი თავად დაიტოვა, ხოლო მეორე ნახევარი, 750 000 ლარი, რამდენიმე ეტაპად, „ქეშად“ გადასცა იმჟამინდელ პრემიერ-მინისტრ ირაკლი ღარიბაშვილს მფარველობისა და გარანტიების სანაცვლოდ.აღნიშნული ბრალდება მოჰყვა ირაკლი ღარიბაშვილის მიერ 17-20 აგვისტოს საპატიმროდან გავრცელებულ სკანდალურ განცხადებებს.ექსპრემიერი აცხადებდა, რომ მამუკა მდინარაძისგან მიიღო წერილი ახალი კორუფციული ბრალის აღიარების მოთხოვნით და ყოფილ თანაგუნდელებსა და ბიძინა ივანიშვილს მისი და მისი ოჯახის განადგურების მცდელობაში ადანაშაულებდა. თავის მხრივ, მამუკა მდინარაძე ბრალდებებს უარყოფს და მიმდინარე პროცესებს კორუფციასთან „ქართული ოცნების“ უკომპრომისო ბრძოლით ხსნის.პროკურატურის ცნობით, ვინაიდან ირაკლი ღარიბაშვილი უკვე იხდის სასჯელს სხვა სისხლის სამართლის საქმეზე, უწყება სასამართლოს მხოლოდ წინასასამართლო სხდომის დანიშვნის შუამდგომლობით მიმართავს.

1787554800

გამოცემის ცნობით, ივლისიდან მოყოლებული უკრაინულმა ძალებმა ინტენსიური იერიშები მიიტანეს რუსეთის ნავთობისა და გაზის ობიექტებზე, ასევე ონლაინ-ვაჭრობის გიგანტის, Wildberries-ის საწყობებზე.უკრაინის პრეზიდენტის, ვოლოდიმირ ზელენსკის განმარტებით, აღნიშნული ლოგისტიკური ქსელები ლეგიტიმური სამიზნეა, რადგან აგრესორი მათ სანქცირებული კომპონენტების შეძენისა და არმიის მომარაგებისთვის იყენებს.სამიზნეების ცვლილებასთან ერთად, რუსეთის ტერიტორიაზე იზრდება მშვიდობიან მოსახლეობაში მსხვერპლის მაჩვენებელიც.გაეროს მონაცემებით, თუ 2025 წელს რუსეთის სიღრმეში განხორციელებულ დარტყმებს 253 სამოქალაქო პირი ემსხვერპლა, 2026 წლის მხოლოდ ივლისის თვეში ეს მაჩვენებელი 79 დაღუპულამდე და 601 დაშავებულამდე გაიზარდა.ექსპერტები და ანალიტიკოსები აღნიშნავენ, რომ უკრაინის მხრიდან მშვიდობიან მოსახლეობაში მსხვერპლი თანმდევი ზიანია (collateral damage) და არა განზრახ მიზანი, განსხვავებით რუსეთისგან, რომელიც სისტემატურად უტევს უკრაინის საცხოვრებელ კვარტალებსა და ენერგოინფრასტრუქტურას.POLITICO-ს შეფასებით, ტაქტიკის ცვლილება შესაძლებელი გახდა უკრაინის მიერ საკუთარი შორ მანძილზე მოქმედი დრონების წარმოების მკვეთრი ზრდით.ამასთან, აშშ-ის სამხედრო დახმარების შემცირებამ შეამცირა ვაშინგტონის პოლიტიკური ბერკეტებიც კიევის სამხედრო გადაწყვეტილებებზე. თუმცა, დასავლელი დიპლომატების ნაწილი შიშობს, რომ სამოქალაქო ობიექტებთან ახლოს იერიშების ინტენსივობის ზრდამ შესაძლოა რუსეთის მოსახლეობაში წინააღმდეგობის გაწევის სურვილი გაძლიეროს ან დასავლეთის მხარდაჭერის დონეზე მოახდინოს გავლენა.

1787551200