Jan De Nul: ანაკლიის პორტის ფსკერის დაღრმავება წლის ბოლომდე დასრულდება

ეროვნული ბანკის პრეზიდენტის ნათია თურნავას განცხადებით, ინფლაციური წნეხი დიდწილად გარე ბაზრებიდან, კერძოდ, ნავთობისა და ნავთობპროდუქტების გაძვირებიდან მომდინარეობს.„თუ დავაკვირდებით აპრილის ინფლაციის მაჩვენებელს საქართველოში, დიდწილად სწორედ გარე ბაზრებიდან მომდინარე ეფექტები იყო, რამაც მნიშვნელოვანი კონტრიბუცია შეიტანა ინფლაციაში“, - განაცხადა თურნავამ.მისი თქმით, საქართველო, როგორც ნავთობპროდუქტების იმპორტიორი ქვეყანა, მოწყვლადია საერთაშორისო ფასების მერყეობის მიმართ, რასაც ახლო აღმოსავლეთში მიმდინარე კონფლიქტი კიდევ უფრო ამწვავებს.სების განმარტებით, განაკვეთის მცირედით გაზრდა პრევენციულ ხასიათს ატარებს და მიზნად ისახავს ინფლაციური მოლოდინების სტაბილიზაციას. აპრილში წლიურმა ინფლაციამ საქართველოში 5.9% შეადგინა, რაც მნიშვნელოვნად აღემატება მიზნობრივ 3%-იან მაჩვენებელს.ეროვნული ბანკი აცხადებს, რომ მზად არის გააგრძელოს გამკაცრებული მონეტარული პოლიტიკა მანამ, სანამ ინფლაციური შოკები არ ამოიწურება და ფასების დონე მიზნობრივ მაჩვენებელს არ დაუბრუნდება.მონეტარული პოლიტიკის კომიტეტის შემდეგი სხდომა 2026 წლის 17 ივნისს გაიმართება.

1778057471

საქსტატის მონაცემებით, მიმდინარე წლის პირველ კვარტალში ეკონომიკურმა ზრდამ 9.1% შეადგინა, მათ შორის, მარტში - 10.7%. თებერვლის მსგავსად, მარტის ეკონომიკური ზრდის წინასწარი შეფასებაც მოსალოდნელზე მაღალია.გარდა ამისა, როგორც განახლებაშია ნათქვამი, ახლო აღმოსავლეთის კონფლიქტის ესკალაციიდან ორი თვის თავზე, შეიძლება ითქვას, რომ სტუმარმასპინძლობის სექტორში ნეგატიური ეფექტი მნიშვნელოვანია, თუმცა სხვა მხრივ შედარებით შეზღუდული მასშტაბისაა. საპირისპირო მიმართულებით, პირველ რიგში, აღსანიშნავია, რომ გააქტიურებულია სასაქონლო პროდუქტების ექსპორტი, რაც, მათ შორის, გლობალურ ბაზრებზე ფასების ზრდას უკავშირდება. სავარაუდოა, რომ ეკონომიკური ზრდის მთავარ ფაქტორს, წინა წლებისგან განსხვავებით, ამჟამად სწორედ ექსპორტი წარმოადგენს, ვინაიდან უნაღდო დანახარჯების უახლესი ინდიკატორებით მნიშვნელოვანი აჩქარება არ ვლინდება. თიბისი კაპიტალი მიმდინარე ტენდენციების ფონზე ექსპორტის ზრდის პერსპექტივაზე მარტის პუბლიკაციაში მიუთითებდა, თუმცა ფაქტობრივი შემოდინებები მოსალოდნელზე მაღალია.„მკითხველისთვის ცნობილია, რომ საქართველოს ეკონომიკა გარკვეულწილად სტრუქტურული მდგრადობით ხასიათდება, რაც უფრო შესამჩნევია, მაგალითად, უზბეკეთის შემთხვევაში. ეს არ ნიშნავს, რომ ქვეყანა საგარეო შოკების მიმართ მგრძნობიარე არ არის, არამედ გულისხმობს საპირისპირო მიმართულებით მოქმედ ფაქტორებს, რომლებიც ბევრ - თუმცა არა ყველა - სცენარში ერთმანეთს დიდწილად აბალანსებს.კერძოდ, გლობალურად ნავთობის ფასის ზრდის ფონზე, მნიშვნელოვანია, რომ, მართალია, საქართველო ნავთობპროდუქტების წმინდა იმპორტიორია, თუმცა ქვეყანა ნავთობის მწარმოებლებისგან შედარებით მაღალ სავალუტო შემოდინებებსაც იღებს, რაც ამ კუთხით მოწყვლადობას დიდწილად აბალანსებს. გარდა ამისა, გასული წლის ნოემბრიდან მნიშვნელოვნად არის გაზრდილი ნავთობის რეექსპორტი, რომელიც მარტის მდგომარეობით მთლიანი ექსპორტის 16.5%-ს შეადგენდა, თუმცა ეს, სავარაუდოდ, დროებითი ფაქტორია.გარდა ამისა, აღსანიშნავია ისტორიულად ექსპორტისა და იმპორტის ფასების თანაფარდობის სტაბილურობა. ამ მხრივ, მარტში, ექსპორტის ფასების ინდექსი თვიურად 3%-ით გაიზარდა, რაც ძირითად საექსპორტო პროდუქტებზე - ნავთობზე, ოქროზე, სპილენძზე, ფერო-შენადნობებსა და სასუქებზე - ფასების გლობალურ ზრდას უკავშირდება. ამან სრულად დააკომპენსირა ნავთობის გაძვირების ფონზე იმპორტის ფასების 2.9%-იანი ზრდა. ამავდროულად, აღსანიშნავია, რომ ექსპორტისა და იმპორტის ფასების თანაფარდობის სტაბილურ დონეზე შენარჩუნება, საქართველოს შემთხვევაში, აშშ დოლარში გამოხატული სავაჭრო ბალანსის მაინც გაუარესებაზე მიუთითებს, რადგან იმპორტის მოცულობა ექსპორტისას მნიშვნელოვნად აღემატება. თუმცა, როგორც მონაცემებიდან ვლინდება, გაზრდილია ექსპორტის მოცულობაც, რის შედეგადაც პირველ კვარტალში სავაჭრო დეფიციტის მშპ-სთან შეფარდება, წინა წლებთან შედარებით, შემცირებულია.საერთო ჯამში, თიბისი კაპიტალის შეფასებით, მარტში ტურიზმიდან დანაკლისი, კონფლიქტის გარეშე ალტერნატიულ სცენართან შედარებით, დაახლოებით 75 მილიონ აშშ დოლარს აღწევს. საპირისპიროდ, ექსპორტის ზრდა, თებერვალთან შედარებით, დაახლოებით, 90 მილიონი აშშ დოლარითაა აჩქარებული. მსგავსი ტენდენციის შენარჩუნებაა სავარაუდო აპრილშიც, რისი მონაცემებიც მოგვიანებით გახდება ხელმისაწვდომი. აღსანიშნავია, რომ ფასების ნორმალიზება კვლავ საბაზო სცენარი რჩება, რაც ექსპორტიდან მიღებული შემოსავლების ნორმალიზებასაც გამოიწვევს, თუმცა ამ სცენარში პარალელურად მოსალოდნელია ტურიზმის აღდგენაც.ჯამურად, პროგნოზზე მოქმედი სამი ძირითადი ფაქტორი - უკრაინაში ომის მოკლე ვადაში დასრულების შემცირებული ალბათობა, ახლო აღმოსავლეთის კონფლიქტის გავლენა, და საქსტატის ეკონომიკური ზრდის მოსალოდნელზე მაღალი შეფასებები - უცვლელი რჩება, თუმცა ამ ფაქტორების ერთობლიობის ზეგავლენა მეტია.ზრდის მიმართულებით იცვლება ინფლაციის პროგნოზიც, წლის ბოლოს მდგომარეობით 5.6%-დან 6%-მდე, რაც ძირითადად ორ ფაქტორს უკავშირდება: ა) აპრილის 5.9%-იანი ინფლაცია ჩვენს პროგნოზზე მცირედით მაღალია და ბ) ნავთობის ფასები, აპრილის შუაში მოდერაციის შემდეგ, კვლავ მომატებულია.აღსანიშნავია, რომ აპრილში სეზონურად შესწორებულმა და გაწლიურებულმა ინფლაციამ 21% შეადგინა, რაც 2022 წლის შემდეგ ყველაზე მაღალი მაჩვენებელია. ეს, პირველ რიგში, ელექტროენერგიის ტარიფისა და საწვავის (ბენზინი, დიზელი) ფასების ზრდას უკავშირდება. ჯამურად ამ ფაქტორებმა წლიურ ინფლაციაში 1.4 პროცენტული პუნქტის (პპ) წვლილი შეიტანა. საპირისპიროდ, საბაზო ეფექტების ამოწურვასთან ერთად, მცირდება პურის ფასის კონტრიბუცია და, აპრილის მდგომარეობით, 0.5 პ.პ.-ს შეადგენს, მაშინ როცა თებერვალში 0.9 პ.პ.-ს აღწევდა.თიბისი კაპიტალის მოლოდინით, სებ მონეტარული პოლიტიკის განაკვეთს წლის განმავლობაში უცვლელად, 8%-ზე შეინარჩუნებს. რაც შეეხება ლარს, ვინაიდან მოსალოდნელია, რომ ინფლაციური ზეწოლა წლის განმავლობაში გაძლიერდება, მათ შორის კონფლიქტის შედარებით სწრაფად დასრულების სცენარშიც, ჩვენი შეფასებით, ეს ლარის მოკლევადიან პროგნოზზე გამყარების მიმართულებით იმოქმედებს. საპირისპიროდ, გასათვალისწინებელია წლიურ ჭრილში საგარეო ბალანსის მცირედი, თუმცა მაინც მოსალოდნელი გაუარესება. ამდენად, საბაზო სცენარით, წლის განმავლობაში ლარი, დაახლოებით, არსებულ ნიშნულთან ახლოს შენარჩუნდება“, – ნათქვამია თიბისი კაპიტალის მაკროეკონომიკურ განახლებაში.

1778055156

ახლო აღმოსავლეთში გამწვავებული გეოპოლიტიკური ვითარებისა და ჰორმუზის სრუტის გავლით ტრანსპორტირების მნიშვნელოვანი შეფერხებების გახანგრძლივებამ გლობალურად ინფლაციის მორიგი მიწოდების შოკი წარმოქმნა. საერთაშორისო ბაზრებზე ნედლეული ენერგორესურსების ფასების მკვეთრი ზრდა გლობალურად ინფლაციის ზრდაში უკვე აისახა. ამავდროულად, გეოპოლიტიკური მდგომარეობა საერთაშორისო ტრანსპორტირებას აფერხებს და მიწოდების ჯაჭვების რღვევის რისკებს აძლიერებს. ეს კი, თავის მხრივ, წარმოების ხარჯებს აძვირებს, რაც დამატებითი ინფლაციის წყარო შესაძლოა გახდეს. ზემოაღნიშნული ნავთობის ფასების გაძვირების პირდაპირი ეფექტი საქართველოს ბაზარზეც საწვავის ფასებში უკვე აისახა. აღნიშნული მიწოდების შოკების პირდაპირი და არაპირდაპირი ეფექტების ერთობლიობის შედეგად, აპრილში, მთლიანი ინფლაცია მიზნობრივი 3 პროცენტიანი დონიდან გადაიხარა და 5.9 პროცენტი შეადგინა. ამავდროულად, შედარებით ხისტი ფასების ინდიკატორები, რომლებიც უკეთ ასახავს გრძელვადიან ინფლაციურ პროცესებსა და ინფლაციურ მოლოდინებს, ბოლო პერიოდში დაჩქარდა, რამაც მეორე რაუნდის რისკები უფრო საყურადღებო გახადა. თუმცა დაჩქარების მიუხედავად, ინდიკატორები კვლავ მიზნობრივ მაჩვენებელთან ახლოს არის. კერძოდ, საბაზო ინფლაციამ (სურსათის, ენერგომატარებლებისა და თამბაქოს გამორიცხვით) აპრილში 3.2 პროცენტი, ხოლო მომსახურების ინფლაციამ 3.7 პროცენტი შეადგინა.მიუხედავად მწვავე გეოპოლიტიკური შოკებისა, საქართველოს ეკონომიკა ინარჩუნებს მდგრადობას და ეკონომიკური ზრდა კვლავ მაღალ დონეზე რჩება. წინასწარი მონაცემებით, 2026 წლის მარტში ეკონომიკური აქტივობის ზრდამ 10.7 პროცენტი, ხოლო პირველ კვარტალში 9.1 პროცენტი შეადგინა. ამასთანავე, ეკონომიკური ზრდის მნიშვნელოვანი მამოძრავებელი კვლავ მაღალპროდუქტიული სექტორებია, რაც მოთხოვნის მხრიდან მომდინარე ინფლაციურ წნეხს ნაწილობრივ აბალანსებს.სების განახლებული ცენტრალური სცენარი მოიაზრებს ახლო აღმოსავლეთში მიმდინარე ომის მეორე კვარტალში დასრულებას. თუმცა აღნიშნული დაშვება პირობითია და მაღალი გაურკვევლობით ხასიათდება. ამასთან, იმ შემთხვევაშიც კი, თუ გეოპოლიტიკური ვითარების დეესკალაცია აღნიშნულ პერიოდში მართლაც განხორციელდა, გლობალური მიწოდების სიმძლავრეების აღდგენის ხანგრძლივობა დამატებით გაურკვევლობასთან არის დაკავშირებული. შესაბამისად, ინფლაციაზე ზრდის მიმართულებით მოქმედი რისკები უფრო მეტად გამოკვეთილია. თუმცა, ასევე, ნარჩუნდება ცენტრალურ სცენართან შედარებით გეოპოლიტიკურის ვითარების უფრო სწრაფად დეესკალაციის შესაძლებლობაც. აქედან გამომდინარე, მონეტარული პოლიტიკის კომიტეტმა (მპკ) ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები.მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. მაღალინფლაციური სცენარი მოიაზრებს, გეოპოლიტიკური ვითარების უფრო მეტად გახანგრძლივებასა და გამწვავებას. ამის ფონზე, საერთაშორისო ბაზარზე სასაქონლო ფასები უფრო მეტად გაიზრდება და მიწოდების ჯაჭვების რღვევა ფართომაშტაბიანი გახდება. შედეგად საქართველოშიც მიწოდების მხრიდან მომდინარე ინფლაციური შოკი გაძლიერდება, რაც მეორე რიგის ეფექტებს გაამწვავებს და საბოლოოდ ინფლაცია ცენტრალურად სცენართან შედარებით მაღალი იქნება.მეორე მხრივ, მონეტარული პოლიტიკის კომიტეტის მიერ განხილული დაბალინფლაციური სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად ნორმალიზების შესაძლებლობას მოიაზრებს. ახლო აღმოსავლეთში მიმდინარე მწვავე გეოპოლიტიკური ვითარების სწრაფი დეესკალაციის პირობებში, საერთაშორისო სასაქონლო ბაზრებზე ფასებზე წნეხი შერბილდება. ამასთანავე, გლობალური მიწოდების ჯაჭვებში არსებული შეფერხებების რისკები მნიშვნელოვნად შემცირდება, რაც საერთაშორისო ტრანსპორტირების ხარჯების კლებაში აისახება და, საბოლოოდ, გლობალურ ინფლაციურ წნეხს შეარბილებს.მიმდინარე მაკროეკონომიკური ანალიზისა და არსებული რისკების განხილვის შედეგად, მპკ-მ ოპტიმალურად მიიჩნია პოლიტიკის განაკვეთის 0.25 პ.პ.-ით 8.25 პროცენტამდე ზრდა. აღნიშნული გადაწყვეტილება მიმართულია ინფლაციური მოლოდინების მიზნობრივ მაჩვენებელთან სტაბილურად შენარჩუნებისკენ. მონეტარული პოლიტიკის ზომიერი გამკაცრება, თავის მხრივ, ამცირებს მეორე რიგის ეფექტების რისკებს და მიზნად ისახავს, რომ, მიწოდების მხრიდან მოქმედი შოკის ამოწურვის შემდგომ, ინფლაცია მიზნობრივ სამპროცენტიან დონეს სწრაფად დაუბრუნდეს. სებ აქტიურად განაგრძობს დაკვირვებას მიმდინარე მოვლენებსა და მათი ადგილობრივ ბაზარზე გადმოცემის ინტენსივობაზე. იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები კიდევ უფრო გახანგრძლივდება და/ან მათი მასშტაბი მეორე რაუნდის ეფექტების რისკებს გააძლიერებს, მპკ მონეტარული პოლიტიკის განაკვეთის ზომიერ ზრდას გააგრძელებს. ხოლო მას შემდგომ, რაც ინფლაციური შოკი ამოიწურება, სებ ეტაპობრივად დაიწყებს პოლიტიკის ნორმალიზებას.მონეტარული პოლიტიკის კომიტეტის შემდეგი სხდომა 2026 წლის 17 ივნისს ჩატარდება.

1778055070

რესურსი მიმართული იქნება „კრისტალის“ შემდგომი განვითარებისა და გაფართოებისკენ, განსაკუთრებული აქცენტი გაკეთდება ქვეყნის მასშტაბით მოქმედ მიკრო, მცირე და საშუალო საწარმოებზე (MSME) და სოფლის მეურნეობის სექტორზე, მათ შორის რეგიონების ეკონომიკური გაძლიერების მიმართულებით.BlueOrchard წლების განმავლობაში წარმოადგენს „კრისტალის“ მნიშვნელოვან პარტნიორს და აქტიურ მონაწილეობას იღებს კომპანიის განვითარების პროცესში, მათ შორის, მისი მიკრობანკად ტრანსფორმაციის ეტაპზეც. როგორც „კრისტალის“ გენერალური დირექტორი, ილია რევია აღნიშნავს: „BlueOrchard-თან ჩვენი თანამშრომლობის გაგრძელება კიდევ ერთხელ ადასტურებს ნდობას ‘კრისტალის’ მისიისა და გრძელვადიანი ხედვის მიმართ. ეს დაფინანსება მოგვცემს შესაძლებლობას გავაფართოოთ დაკრედიტება როგორც არსებული, ისე ახალი კლიენტებისთვის, გავაძლიეროთ ჩვენი საბაზრო პოზიციები და ხელი შევუწყოთ  ჩვენი ქვეყნის მდგრად ეკონომიკურ განვითარებას.“კასპარს დელინს, ბლუორჩარდ-ის ორიჯინეიშენის ხელმძღვანელი კავკასიაში, აღმოსავლეთ ევროპაში, ცენტრალურ აზიასა და შუა აღმოსავლეთში, აღნიშნავს: “ეს ინვესტიცია ასახავს BlueOrchard-ის მუდმივ ერთგულებას საქართველოში ფინანსური ჩართულობის გაფართოების მიმართ. ჩვენ მოხარული ვართ, რომ კიდევ უფრო ვაძლიერებთ ჩვენს ხანგრძლივ პარტნიორობას მიკრობანკ Crystal-თან და ვეხმარებით MSME-ების და სოფლის მეურნეობის მეწარმეებისთვის შესაძლებლობების გაძლიერებას, განსაკუთრებით რეგიონებში, სადაც ფინანსებზე ხელმისაწვდომობა ეკონომიკური განვითარებისათვის კრიტიკულად მნიშვნელოვანია”BlueOrchard-ის შესახებBlueOrchard არის წამყვანი გლობალური გავლენაზე ორიენტირებული საინვესტიციო მმართველი კომპანია, რომელსაც 20 წელზე მეტი გამოცდილება აქვს განვითარებად ბაზრებზე ფინანსურ ინსტიტუტებთან პარტნიორობაში. კომპანია დაარსდა 2001 წელს გაეროს ინიციატივის ფარგლებში და წარმოადგენს გავლენაზე ორიენტირებული ინვესტირების პიონერს. ამავდროულად, იგი მართავს მსოფლიოში უდიდეს და უძველეს კომერციულ მიკროფინანსურ ფონდს.მაღალი ადგილობრივი ექსპერტიზითა და 100-ზე მეტ ქვეყანაში დაგროვილი გამოცდილებით, BlueOrchard უზრუნველყოფს მოქნილ და გრძელვადიან კაპიტალის გადაწყვეტილებებს იმ ფინანსური ინსტიტუტებისთვის, რომლებიც ემსახურებიან მიკრო, მცირე და საშუალო საწარმოებს, ასევე ახორციელებს პირდაპირ დაფინანსებას მაღალი სოციალური და ეკონომიკური გავლენის მქონე კომპანიებზე. დაფინანსების გარდა, კომპანია მჭიდროდ თანამშრომლობს პორტფელის კომპანიებთან მათი ეფექტიანობისა და ოპერაციული შედეგიანობის გასაუმჯობესებლად, რაც ხელს უწყობს თემებში პოზიტიური გავლენის გაღრმავებასა და მასშტაბირებას.Schroders-ის ჯგუფის წევრად, რომელიც 200 წელზე მეტი ისტორიის მქონე გლობალური აქტივების მმართველია, BlueOrchard აერთიანებს სპეციალიზებულ გავლენაზე ორიენტირებული ინვესტირების შესაძლებლობებს ინსტიტუციური დონის ინფრასტრუქტურასა და მმართველობის სტანდარტებთან.მიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 28-წლიანი გამოცდილებით და სანდო იმიჯით, 600 მილიონზე მეტი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. (R)

1778054266

პროექტის მიმდინარე სტატუსი და ძირითადი ტექნიკური მახასიათებლები: საზღვაო სამუშაოები: ნავსადგურის აკვატორიაში ზღვის ფსკერი 17.5 მეტრამდე დაღრმავდება. ტალღამტეხი: აშენდება 1 380 მეტრის სიგრძის ტალღამტეხი, რაც პორტის 95%-იან წლიურ ოპერირებადობას უზრუნველყოფს. მობილიზაცია: ადგილზე უკვე დამონტაჟებულია ბეტონის ქარხანა და მიმდინარეობს სპეციალური დამცავი ნაგებობების - „იქს-ბლოკების“ (X-blocks) წარმოება. ინფრასტრუქტურის განვითარება მულტიმოდალური სატრანსპორტო სისტემის ნაწილია. უახლოეს პერიოდში იგეგმება: პორტთან დამაკავშირებელი ავტომაგისტრალის მშენებლობა. 18-კილომეტრიანი სარკინიგზო ხაზის გაყვანა, რომელიც ინტეგრირებული იქნება საქართველოს რკინიგზის 10-წლიან განახლების გეგმაში. ეკონომიკის სამინისტროს მიერ გავრცელებულ პრესრელიზში ნათქვამია, რომ პროექტის სტრატეგიული მიზანია „შუა დერეფნის“ გამტარუნარიანობის გაზრდა და საქართველოს რეგიონულ ლოგისტიკურ ჰაბად ჩამოყალიბება. მშენებლობის პროცესში ჩართულია ევროპული ე.წ. „დიდი ოთხეულის“ წევრი კომპანია, რაც საერთაშორისო სტანდარტების დაცვის გარანტიაა.ეკონომიკის სამინისტროს განცხადებით, პროექტის ფარგლებში აქცენტი კეთდება ადგილობრივი მოსახლეობის დასაქმებაზე.მშენებლობის მიმდინარეობას ადგილზე გაეცნენ ეკონომიკისა და თავდაცვის სამინისტროების ხელმძღვანელი პირები, ასევე საქართველოს რკინიგზისა და ანაკლიის საზღვაო ნავსადგურის დირექტორები.

1778054146

The Guardian-ის ცნობით, ფაშინიანი, რომელიც მეზობელი საქართველოს ლიდერებისგან განსხვავებით, სულ უფრო ღიად გამოხატავს თავის გადაწყვეტილებას დადგეს ევროპის მხარეს, მომავალ თვეში ხელახალი არჩევისას სერიოზული გამოწვევის წინაშე დგას. სამი პრორუსული ან ნაციონალისტური პარტია ცდილობს დაასრულოს მისი რვაწლიანი მმართველობა; ისინი მას ადანაშაულებენ აზერბაიჯანის სასარგებლოდ ზედმეტი დათმობების გაკეთებაში მშვიდობის მოპოვების სანაცვლოდ.მოსალოდნელია, რომ ოპოზიცია მაკრონს სომხეთის შიდა პოლიტიკაში ჩარევისთვისაც დაესხას თავს. საფრანგეთის პრეზიდენტი ქვეყანაში სახელმწიფო ვიზიტით იმყოფებოდა, რომლის დროსაც იგი ცდილობდა ეჩვენებინა, რომ ევროპის არჩევა არ იყო მხოლოდ გეოპოლიტიკური თეორია, არამედ პრაქტიკული საწყისი წერტილი რიგითი სომხებისთვის.საფრანგეთში ევროპის მასშტაბით სომხური ემიგრანტული თემის ერთ-ერთი ყველაზე დიდი გაერთიანებაა და მაკრონი დიდი ხანია ერევნის ევროპული გზის მხარდამჭერია. სწორედ მისი წახალისებით შეიკრიბა ორშაბათს ერევანში 40-ზე მეტი ევროპელი ლიდერი „ევროპის პოლიტიკური გაერთიანების“ ეგიდით - ეს არის ორგანო, რომელიც აერთიანებს ევროკავშირის წევრ და არაწევრ ქვეყნებს. სამშაბათს დილით, სომხეთსა და ევროკავშირს შორის გამართულ პირველ სამიტზე, ბლოკმა ქვეყანას სავიზო და სავაჭრო ლიბერალიზაცია შესთავაზა.სამიტზე გამოსვლისას მაკრონმა განაცხადა: „ბევრი დიდი ხნის განმავლობაში ფიქრობდა, რომ სომხეთის ბედი მხოლოდ რუსეთის პატრონაჟის ქვეშ იყო შესაძლებელი“. თუმცა, მან დასძინა, რომ 2020 და 2023 წლებში აზერბაიჯანის შეტევების შემდეგ სადავო მთიანი ყარაბაღის ტერიტორიაზე სომხების მასობრივმა გადაადგილებამ, რომელშიც რუსეთი არ ჩაერია, აჩვენა, რომ მოსკოვის უსაფრთხოების დაპირება სიცრუე იყო.„ჩვენ დავინახეთ, რომ რუსეთმა მიატოვა სომხეთი, ჩვენ მივხვდით, რომ ყველაზე დიდი ოცნებები რეალობა არ არის“, - აღნიშნა მან.მან ასევე გამოთქვა იმედი, რომ ეს „სომხური მომენტი“, 6%-იანი ეკონომიკური ზრდით, მთელ რეგიონზე გავრცელდება.„ვისურვებდი, რომ სომხური მომენტი მთელი კავკასიის მომენტად იქცეს. მე ორი რწმენა მაქვს: პირველი, სამხრეთ კავკასია არ უნდა იყოს იმპერიების მეტოქეობის ასპარეზი და მეორე, რეგიონი შეიძლება გახდეს გზაჯვარედინი ევროპას, აზიასა და ახლო აღმოსავლეთს შორის.ამისათვის საჭიროა საზღვრების გახსნა. იმედი მაქვს, რომ ჩვენი მეზობლები გამოიჩენენ ისეთსავე სიმამაცეს, როგორიც თქვენ და გაჰყვებიან მშვიდობის, დემოკრატიისა და კეთილდღეობის გზას. საზღვრები სრულად უნდა გაიხსნას, მათ შორის აზერბაიჯანთან და თურქეთთან, და მათ ასევე უნდა იმუშაონ ყოველგვარი შეზღუდვების გარეშე საქართველოსთან“.ამასთან, მაკრონმა მოუწოდა დამოუკიდებელ სახელმწიფოებს ალიანსისკენ, რათა დაცული იყოს კანონის უზენაესობა. მან განაცხადა, რომ ხანგრძლივი მშვიდობა ვერ იქნება თავსმოხვეული უძლიერესის მიერ ან დაფუძნებული ორმაგ სტანდარტებზე და 1945 წელს დადგენილი წესრიგის უპატივცემულობაზე.ერევნის ქუჩებში სეირნობისას მაკრონი ხალხის მხარდაჭერით სარგებლობდა. შარლ აზნავურის სიმღერის, „La Bohème“-ის მისეული შესრულება სახელმწიფო ვახშამზე, სადაც ფაშინიანი დრამზე უკრავდა, სოციალურ ქსელებში ვირუსულად გავრცელდა.

1778052618

სასამართლოს გადაწყვეტილებით, სახელმწიფოს გადაეცემა მოშკოვიჩის სახელზე რეგისტრირებული „რუსაგრო“-ს 469 მილიონი აქცია, ასევე მისი მეუღლის, ნატალია ბიკოვსკაიას, დისშვილის სერგეი ტრიბუნსკისა და მისი მეუღლის, ლუიზა პლოშჩანსკაიას, კომპანიის ყოფილი გენერალური დირექტორის მაქსიმ ბასოვის (დაახლოებით 73 მილიონი აქცია) და კომპანია „პკფ პროფიტ“-ის (24 მილიონი აქცია) სახელზე გაფორმებული ფასიანი ქაღალდები. შედეგად, კომპანია სახელმწიფოს კონტროლქვეშ გადავიდა.გარდა ამისა, სახელმწიფოს შემოსავალში ჩაირიცხა მოშკოვიჩის საცხოვრებელში ჩატარებული ჩხრეკისას ამოღებული და მის საბანკო ანგარიშებზე არსებული თანხები: 10,5 მილიარდ რუბლზე მეტი, 1,8 მილიონი აშშ დოლარი, 1,6 მილიონი ევრო და 200 მილიონ იუანზე მეტი. ასევე გადაეცა ბასოვის კუთვნილი 87 მილიონი რუბლი და კომპანია „ფინანსური რესურსი“-ს ანგარიშებზე არსებული 3,7 მილიარდი რუბლი. სახელმწიფოს საკუთრებაში გადავიდა მოშკოვიჩის 100%-იანი წილი შპს „ფინანსური რესურსი“-ში და მისი წილები სხვა კომპანიებშიც.ამასთან, სასამართლომ არ დააკმაყოფილა პროკურატურის მოთხოვნა ნატალია ბიკოვსკაიას კუთვნილი საცხოვრებელი სახლის (მოსკოვის ოლქის ოდინცოვოს რაიონის სოფელ ტაგანკოვოში) და მოსკოვის ხამოვნიკის რაიონში მდებარე ბინის სახელმწიფოსთვის გადაცემის შესახებ.ერთი დღით ადრე ხამოვნიკის სასამართლომ პროკურატურის სარჩელის ფარგლებში, რომელიც თაღლითობის ბრალდებას ეხება, მოშკოვიჩისა და ბასოვის, ასევე მათთან დაკავშირებული პირების ქონებაზე უზრუნველყოფითი ყადაღა დაადო. იმავე დღეს გახდა ცნობილი, რომ სარჩელი არსებითად 5 მაისს განიხილებოდა. ადვოკატებმა განაცხადეს, რომ სასამართლომ დაარღვია მხარეთა თანასწორობისა და დაცვის უფლების პრინციპი, რადგან სარჩელის 105-ზე მეტი ტომის მასალების გასაცნობად მათ ერთ დღეზე ნაკლები ვადა მიეცათ.რუსეთის გენპროკურატურის შეფასებით, „რუსაგრო“-ს ღირებულება 550 მილიარდ რუბლზე მეტია. ერთ-ერთი წამყვანი რუსული აგროჰოლდინგის საერთო მოგება 74 მილიარდ რუბლს აღემატება, ხოლო წლიური შემოსავალი თითქმის 400 მილიარდ რუბლად ფასდება.მოშკოვიჩის დაკავების შესახებ ინფორმაცია 26 მარტს გავრცელდა. „რუსაგრო“-ს რამდენიმე ოფისში ჩხრეკა ჩატარდა. მომდევნო დღეს ის წინასწარი პატიმრობის იზოლატორში გადაიყვანეს, სადაც 25 მაისამდე დარჩება. მის გარდა დაკავებულია კიდევ რამდენიმე პირი, მათ შორის მაქსიმ ბასოვი. მოშკოვიჩის ქონება 2,9 მილიარდ დოლარად არის შეფასებული. იგი რამდენიმე წლის განმავლობაში იყო ბელგოროდის ოლქის დუმის დეპუტატი და ბელგოროდის ოლქიდან ფედერაციის საბჭოს წევრი. 2022 წლიდან იგი ევროკავშირის პერსონალური სანქციების ქვეშ იმყოფება.

1778052302

მას დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი, სამართალმცოდნეობის სპეციალობით. აქვს საჯარო უწყებებში მუშაობის მრავალწლიანი გამოცდილება. კერძოდ, 2025-2026 წლებში, მუშაობდა სახელმწიფო უსაფრთხოების სამსახურის გენერალური ინსპექციის ხელმძღვანელის თანამდებობაზე. 2025 წელს, იყო შინაგან საქმეთა სამინისტროს გენერალური ინსპექციის დისციპლინური დევნის სამმართველოს უფროსი.მიხეილ მაღლაკელიძემ საბაჟო დეპარტამენტის ახალ ხელმძღვანელს თანამდებობაზე დანიშვნა მიულოცა და მომავალ საქმიანობაში წარმატებები უსურვა.შეხვედრას ესწრებოდნენ საბაჟო დეპარტამენტის უფროსის პირველი მოადგილე ოთარ რიკაძე, მოადგილეები - ირაკლი თევდორაძე, დავით მდინარაძე, მერაბ არახამია, ელგუჯა ბერანძე, კიაზო ახალაია და სხვადასხვა სტრუქტურული ერთეულის ხელმძღვანელები.

1778051241