თბილისიდან შანხაიში პირდაპირი ფრენები იწყება

„საქართველოს ბანკისთვის მნიშვნელოვანია, საზღვარგარეთ მცხოვრებ ჩვენს მოქალაქეებს არა მხოლოდ საბანკო სერვისებითა და პროდუქტებით დავუჭიროთ მხარი, არამედ ისეთი ინიციატივები შევქმნათ, რომლებიც მათთვის რეალურ ღირებულებას ქმნის. ვიცით, რამდენად მნიშვნელოვანია მშობლებისთვის, შვილებმა ქართულ ენასთან და კულტურასთან კავშირი შეინარჩუნონ, განსაკუთრებით მაშინ, როდესაც ისინი საზღვარგარეთ იზრდებიან. სწორედ ამიტომ შევქმენით ახალი საგანმანათლებლო პროექტი იავნანა - ქართული ენის პირველი გაკვეთილი. გვჯერა, რომ სამშობლოსთან კავშირი ხშირად სწორედ ასეთი პატარა, ყოველდღიური გამოცდილებებით მყარდება“, - ამბობს თამარ ნოზაძე, საქართველოს ბანკის ფიზიკური პირების მარკეტინგის გუნდის უფროსი.პროექტი ეფუძნება ადრეული ასაკის ბავშვების ენის ათვისების პრინციპებს. კვლევების მიხედვით, ბავშვები ახალ ენას ყველაზე ეფექტურად რიტმის, განმეორებისა და ემოციური კონტექსტის საშუალებით სწავლობენ, ხოლო იავნანა ერთ-ერთი პირველი მუსიკალური ნაწარმოებია, რომელსაც ბავშვი ადრეულ ასაკში ყოველდღიურად მრავალჯერ ისმენს.„პროექტზე მუშაობისას ერთი მარტივი კითხვა გვქონდა - როგორ შეიძლება ბავშვმა ქართული ენა ისე ისწავლოს, რომ ეს მისთვის გაკვეთილი კი არა, ყოველდღიურობის ნაწილი იყოს? სწორედ მაშინ მივხვდით, რომ ყველაზე ხშირად განმეორებადი ხმა ბავშვის ცხოვრებაში იავნანაა. სწორედ ამ კონტექსტმა მოგვცა შესაძლებლობა, იავნანა ბავშვის პირველი ქართული ენის გაკვეთილად გვექცია”, - ამბობს კრეატიული სააგენტო სუპერმარკეტის თანადამფუძნებელი  ეკა ყიფიანი.სწორედ ამ პრინციპზე დაყრდნობით, პედაგოგებთან, მწერლებთან, თარჯიმნებთან და კომპოზიტორებთან თანამშრომლობით, შეიქმნა ერთსაათიანი ორენოვანი მუსიკალური ჩანაწერები, რომლებიც ქართულ ენას ბავშვისთვის უკვე ნაცნობ ენებთან აერთიანებს. იავნანას ახალი ვერსია ოთხ ძირითად თემას მოიცავს: ოჯახს, სხეულს, ბუნებასა და ცხოველებს - იმ სიტყვებსა და ცნებებს, რომლებსაც ბავშვები ყველაზე ადრეულ ასაკში ეცნობიან.თითოეულ კომპოზიციაში ბავშვი ჯერ მისთვის ნაცნობ ენაზე ისმენს მარტივ სიტყვებსა და წინადადებებს, შემდეგ კი იმავე მნიშვნელობას ქართულად. ასე ახალი სიტყვები იზოლირებულად კი არ ისწავლება, არამედ უკვე ნაცნობ მნიშვნელობასა და კონტექსტს უკავშირდება, რაც მათ ბუნებრივად დამახსოვრებას უწყობს ხელს.„პროექტზე მუშაობისას ჩვენი მთავარი ამოცანა იყო, იავნანას სიმშვიდე და ემოციური ხასიათი სრულად შეგვენარჩუნებინა. ამიტომ ახალი სიტყვები და ფრაზები მელოდიაში ისე ჩავაქსოვეთ, რომ იავნანა ყოფილიყო ის, რასაც მშობლები ყოველ საღამოს შვილებს ჩაურთავდნენ. გვინდოდა, ბავშვებისთვის ეს ყოფილიყო არა სასწავლო ჩანაწერი, არამედ თბილი, დამამშვიდებელი იავნანა, რომელსაც თან ბუნებრივად მოჰყვება ქართული სიტყვების დამახსოვრება”, - აღნიშნავს Heima Production-ის თანადამფუძნებელი და მუსიკის ავტორი მებო ნუცუბიძე.იავნანა ამ ეტაპზე ინგლისურ, იტალიურ და ბერძნულ ენებზე შეიქმნა - იმ ქვეყნების გათვალისწინებით, სადაც ქართველი ოჯახები განსაკუთრებით მრავალრიცხოვანია.აღსანიშნავია, რომ პროექტი ერთჯერადი კამპანია არ არის. იავნანა - ქართული ენის პირველი გაკვეთილი მუსიკალურ პლატფორმებზე (Youtube, Spotify, Soundcloud) ეტაპობრივად განთავსდება და მისი მოსმენა ბავშვებს ყოველდღიურად, ძილის წინ შეეძლებათ. ასე ქართული ენა ბავშვის ყოველდღიური გარემოს ბუნებრივ ნაწილად იქცევა მაშინაც კი, როდესაც ის სამშობლოდან შორს იზრდება.ზოგჯერ სამშობლოსთან კავშირის შენარჩუნება სწორედ ერთი იავნანათი იწყება. (R)

1784015961

უსინათლო მომხმარებლებისთვის ფიზიკურ სივრცეებში, ციფრულ სერვისებსა და საბანკო ინფორმაციაზე წვდომის პროცესში არსებული ბარიერები ხშირად ზღუდავდა ფინანსურ მომსახურებაზე დამოუკიდებელ წვდომას. საქართველოს ბანკისთვის ხელმისაწვდომობა მხოლოდ ტექნიკური ადაპტაცია არ არის. ის მომხმარებლის უფლებების პატივისცემის, თანასწორი შესაძლებლობებისა და ინკლუზიური განვითარების განუყოფელი ნაწილია.“ფინანსური ინკლუზია მხოლოდ ფინანსურ სერვისებზე წვდომას არ ნიშნავს. ის ნიშნავს შესაძლებლობას, ადამიანმა დამოუკიდებლად მართოს საკუთარი ფინანსები, მიიღოს გადაწყვეტილებები და სრულფასოვნად ჩაერთოს ეკონომიკურ ცხოვრებაში.სწორედ ამ ხედვით შევქმენით გარემო, სადაც უსინათლო და მცირემხედველ მომხმარებლებს შეუძლიათ საბანკო მომსახურებით დამოუკიდებლად, უსაფრთხოდ და ღირსეულად ისარგებლონ. ჩვენთვის ეს გაცილებით მეტია, ვიდრე სერვისების ადაპტაცია. ეს არის იმ ბარიერების მოხსნა, რომლებიც ადამიანებს დამოუკიდებლობას და თანასწორ შესაძლებლობებს უზღუდავდა.გვჯერა, რომ ფინანსური სერვისები ადამიანებს შესაძლებლობებს უნდა უხსნიდეს და არა დამატებით ბარიერებს უქმნიდეს. სწორედ ამიტომ ვაგრძელებთ ისეთი გარემოს შექმნას, სადაც თითოეულ მომხმარებელს შეუძლია საკუთარი ფინანსური ცხოვრება დამოუკიდებლად მართოს“, – განაცხადა ანა ოსაძემ, საქართველოს ბანკის ESG და მდგრადობის მიმართულების ხელმძღვანელმა.დღეისათვის საქართველოს ყველა რეგიონსა და თბილისის თითოეულ რაიონში მომხმარებლებისთვის ხელმისაწვდომია მინიმუმ ერთი სრულად ადაპტირებული ფილიალი, რაც უსინათლო და მცირემხედველი ადამიანებისთვის საბანკო მომსახურებაზე დამოუკიდებელ და თანაბარ წვდომას უზრუნველყოფს.იმისთვის, რომ მომხმარებლებმა მომსახურება დამოუკიდებლად და კონფიდენციალურ გარემოში მიიღონ, სრულად ადაპტირებულ ფილიალებში მოწყობილია კერძო შეხვედრების ოთახები. ამ სივრცეებში უსინათლო და მცირემხედველ მომხმარებლებს შეუძლიათ ტექსტის ხმოვანი წაკითხვის პროგრამის გამოყენებით გაეცნონ საბანკო პროდუქტებისა და ხელშეკრულებების პირობებს და დამოუკიდებლად მიიღონ ინფორმირებული გადაწყვეტილება. ტაქტილური ბილიკები და სპეციალურად ადაპტირებული ფილიალები კი მათ უსაფრთხო და დამოუკიდებელ გადაადგილებას უწყობს ხელს.საქართველოს ბანკმა საბანკო მომსახურების ხელმისაწვდომობა გააფართოვა არა მხოლოდ ფილიალებში, არამედ თვითმომსახურების სერვისებშიც. 2025 წლის 31 დეკემბრის მდგომარეობით, უსინათლო პირებისთვის 300 ბანკომატია ადაპტირებული. შემუშავებულია აუდიო ინსტრუქციები, ეკრანის ავტომატური დაბლარვის ფუნქცია და კონფიდენციალურობაზე ორიენტირებული  დიზაინი.განხორციელებული ცვლილებების შედეგად, მომხმარებლებს შეუძლიათ დამოუკიდებლად აწარმოონ საბანკო ოპერაციები და შეინარჩუნონ საკუთარი ფინანსების მართვის სრული კონტროლი.„საქართველოს ბანკის მიზანია, შექმნას ფინანსური გარემო, სადაც ნებისმიერ ადამიანს ექნება თანაბარი შესაძლებლობა, ისარგებლოს საბანკო მომსახურებით და მონაწილეობა მიიღოს ეკონომიკურ ცხოვრებაში“,- განაცხადა ანა ლომთაძემ, საქართველოს ბანკის CSR მიმართულების ხელმძღვანელმა.ინფორმაციისთვის, ინკლუზიური საბანკო მომსახურება ნიშნავს: მომხმარებლების შესაძლებლობას, დამოუკიდებლად მართონ საკუთარი ფინანსები; მიიღონ ინფორმირებული ფინანსური გადაწყვეტილებები; ჰქონდეთ საბანკო სერვისებზე თანაბარი წვდომა; მიიღონ სრულფასოვანი მონაწილეობა საზოგადოების ეკონომიკურ ცხოვრებაში. „ჩვენთვის წარმატება არ იზომება მხოლოდ იმით, რამდენად ბევრი ადამიანი სარგებლობს ჩვენი სერვისებით, არამედ იმითაც, რამდენად შეუძლია თითოეულ მომხმარებელს ამ სერვისებით დამოუკიდებლად, ღირსეულად და თანაბარ პირობებში სარგებლობა. გვჯერა, რომ რეალური ინკლუზია იწყება მაშინ, როდესაც ბარიერები აღარ განსაზღვრავს ადამიანის შესაძლებლობებს“, – განაცხადა ანა ოსაძემ.(R)

1784013090

ტექსკოლის მიზანია ახალ თაობას შესძინოს ტექნოლოგიური უნარები, განუვითაროს კრიტიკული აზროვნება, ინოვაციური ხედვა და მომავლის პროფესიებისთვის საჭირო კომპეტენციები. ტექსკოლის გაკვეთილები, 9-12 კლასის მოსწავლეებისთვის, ონლაინ შეხვედრების ფორმატში ტარდება, რაც პროგრამას საქართველოს ნებისმიერ წერტილში მცხოვრები უფროსკლასელისთვის ხელმისაწვდომს ხდის.თიბისი ონლაინ მოდელის სწავლებით შლის გეოგრაფიულ და ფინანსურ ბარიერებს და ხარისხიან ტექნოლოგიურ განათლებას ხელმისაწვდომს ხდის იმ მოსწავლეებისთვის, რომლებსაც მსგავსი შესაძლებლობა სხვა შემთხვევაში ნაკლებად ექნებოდათ.ტექსკოლის პროგრამა პრაქტიკულ სწავლებაზეა დაფუძნებული. თიბისისა და მისი პარტნიორ „ჯეოლაბის“ გამოცდილი ლექტორების ხელმძღვანელობით მონაწილეები სწავლობენ ვებპროგრამირებას, ვებგვერდებისა და მობილური აპლიკაციების შექმნას, UI/UX და გრაფიკულ დიზაინს, სოციალური მედიის მარკეტინგსა და სხვა მოთხოვნად ტექნოლოგიურ მიმართულებებს. მიღებულ ცოდნას ისინი რეალურ პროექტებზე მუშაობით ამყარებენ.განსაკუთრებით აღსანიშნავია „თიბისი ტექსკოლის ელჩების“ პროგრამა, სადაც ტექსკოლის კურსდამთავრებულები საქართველოს სხვადასხვა რეგიონში, თავად გახდნენ ცოდნის გამავრცელებლები. ტექსკოლის ელჩები თანატოლებისთვის რთული ტექნოლოგიური საკითხების პრეზენტაციის ტექნიკებისა და ხელოვნური ინტელექტის გამოყენებით, მარტივ და გასაგებ ფორმატში აზიარებენ. „თიბისი ტექსკოლის ელჩები“, რომელსაც თიბისი ჯეოლაბთან და ბაქსვუდითან თანამშრომლობით ახორციელებს, თანატოლთა სწავლების საერთაშორისო მოდელებზეა დაფუძნებული და რეგიონებში ტექნოლოგიური ინიციატივების გაძლიერებას ისახავს მიზნად.თიბისი, ტექსკოლის პროგრამებს, მუდმივად ავითარებს, რათა ის ტექნოლოგიური სამყაროს სწრაფ ცვლილებებსა და ახალი თაობის ინტერესებს პასუხობდეს. სწორედ ამიტომ, ტექსკოლის ახალი ნაკადის მიღება სექტემბრიდან განახლდება და მოსწავლეებს კიდევ უფრო მრავალფეროვან სასწავლო შესაძლებლობებს შესთავაზებს.მთავარია გჯეროდეს საკუთარი შესაძლებლობების, იდეების და იმის, რომ სწორედ შენ შეგიძლია შექმნა მომავლის ტექნოლოგიები.(R)

1784011347

ფოთის ორგანიზებული საჭადრაკო ცხოვრება 1948 წლიდან იწყება, როდესაც ქალაქში პირველი საჭადრაკო კლუბი გაიხსნა, სადაც ახალგაზრდებს ამ ინტელექტუალური სპორტის სიღრმისეულად შესწავლის შესაძლებლობა მიეცათ.მას შემდეგ თითქმის 80 წელი გავიდა, თუმცა ჭადრაკისადმი განსაკუთრებული დამოკიდებულება ქალაქში დღემდე გრძელდება და თაობიდან თაობას გადაეცემა.მოდით, ერთად გადავავლოთ თვალი ფოთის საჭადრაკო ისტორიას.ქალაქი დიდი საჭადრაკო ისტორიითწლების განმავლობაში ფოთი არაერთი მნიშვნელოვანი საჭადრაკო მოვლენის მასპინძელი ყოფილა. სწორედ აქ ჩატარდა საქართველოს ღია პირველობა, რომელშიც მსოფლიო ექსჩემპიონი მიხეილ ტალიც მონაწილეობდა. მსოფლიო ჩემპიონის რანგში ქალაქს ნონა გაფრინდაშვილიც სტუმრობდა.ფოთის საჭადრაკო ისტორიასთან განსაკუთრებით მჭიდროდ არის დაკავშირებული ნანა ალექსანდრიას სახელი.ფოთში დაბადებულმა ლეგენდარულმა ქართველმა მოჭადრაკემ ჭადრაკის თამაში ოთხი წლის ასაკში დაიწყო. 20 წლისთვის ის უკვე სამგზის ჩემპიონი იყო, მოგვიანებით კი ორჯერ იბრძოლა ქალთა მსოფლიო ჩემპიონის ტიტულისთვის. ექვს საჭადრაკო ოლიმპიადაზე ნანა ალექსანდრიამ გუნდთან ერთად ექვსი ოქროს მედალი მოიპოვა და ქართული ქალთა ჭადრაკის ერთ-ერთი გამორჩეული წარმომადგენელი გახდა.1987 წლიდან ფოთის საჭადრაკო კლუბი სწორედ ნანა ალექსანდრიას სახელს ატარებს.ტრადიცია, რომელიც ახალ თაობებში გრძელდებაფოთის თითქმის 80-წლიანი საჭადრაკო ისტორია მხოლოდ წარსულში მიღწეული წარმატებების შესახებ არ გვიყვება. დღესაც ქალაქში ახალი თაობის მოჭადრაკეები იზრდებიან, სწავლობენ თამაშს, მონაწილეობენ ტურნირებში და საკუთარ შესაძლებლობებს ავითარებენ.ჭადრაკი კი მათ გაცილებით მეტს ასწავლის, ვიდრე ფიგურების სწორად გადაადგილებაა -  სტრატეგიულ აზროვნებას, გადაწყვეტილებების მიღებას, მოთმინებასა და რამდენიმე სვლით წინ ხედვას.სწორედ ამ მრავალწლიანი ტრადიციისა და ძლიერი საჭადრაკო კულტურის გამო, ფოთს საქართველოს საჭადრაკო რუკაზე განსაკუთრებულ ადგილს იკავებს.მხარდაჭერა ქართული ჭადრაკის მომავლისთვისსაქართველოს ბანკი, როგორც განათლების მთავარი მხარდამჭერი, ფოთის საჭადრაკო კლუბის მთავარი მხარდამჭერია. პარტნიორობის მიზანი ახალგაზრდა მოჭადრაკეებისთვის განვითარების შესაძლებლობების შექმნა და ქალაქის მრავალწლიანი საჭადრაკო ტრადიციის გაგრძელების ხელშეწყობაა.ამასთან, საქართველოს ბანკი ფოთის ჭადრაკის ფესტივალის ფარგლებში ქართველ მოჭადრაკეებსაც უჭერს მხარს და ეხმარება მათ, საკუთარი შესაძლებლობები კიდევ უფრო ფართო ასპარეზზე წარმოაჩინონ.ფოთში ჭადრაკის ისტორია კვლავ გრძელდება  ახალი თაობებით და ახალი შესაძლებლობებით.და, ალბათ, სწორედ ამიტომ შეიძლება ფოთს ჭადრაკის ქალაქი ვუწოდოთ - ქალაქი, სადაც თითქმის 80 წელია, ყოველი ახალი თაობა საკუთარ სვლას აკეთებს. (R)

1783956240

ივლისში მომხმარებლებს შესაძლებლობა აქვთ, მობილბანკში თვის შეთავაზებებიდან სასურველი აირჩიონ და Penti-ში, Sani Optics-ში, Lunatic-ში ან Ampelo-ში გადახდისას 20%-ის PLUS ქულები დაიბრუნონ (ჯამურად მაქსიმუმ 100 ლარის PLUS ქულა).შეთავაზებით სარგებლობისთვის აუცილებელია სასურველი შეთავაზების წინასწარ გააქტიურება საქართველოს ბანკის მობილბანკის შეთავაზებების სივრციდან. თვის განმავლობაში მომხმარებლებს შესაძლებლობა აქვთ მხოლოდ ერთი შეთავაზებით ისარგებლონ.გარდა ამისა, საქართველოს ბანკი მომხმარებლებს მეტი PLUS ქულის დაგროვების შესაძლებლობას სხვა პარტნიორ ობიექტებშიც სთავაზობს: TRE.GE - 31 აგვისტოს ჩათვლით, ოფიციალური სატრანსპორტო ბილეთების შეძენისას PLUS და Mastercard ბარათის მფლობელები 5-ჯერ მეტ PLUS ქულას დააგროვებენ. შეთავაზება ვრცელდება საქართველოს რკინიგზის, OMNIBUS-ის, City Bus-ისა და Georgian Bus-ის ბილეთებზე სუპერმარკეტი „ზღაპარი“ - 23 სექტემბრის ჩათვლით, PLUS და Mastercard ბარათით გადახდისას მომხმარებლები 5-ჯერ მეტ PLUS ქულას დააგროვებენ. შეთავაზება ვრცელდება ყველა ფილიალში. Nazilbe – 31 აგვისტოს ჩათვლით, PLUS ბარათით გადახდისას მომხმარებლები 5-ჯერ მეტ PLUS ქულას დააგროვებენ. შეთავაზება ვრცელდება ყველა ფიზიკურ ფილიალში. შეთავაზებებით სარგებლობისთვის და მეტი PLUS ქულის დასაგროვებლად აუცილებელია გადახდის განხორციელება საქართველოს ბანკის ტერმინალზე.ასე რომ, ისარგებლეთ თქვენთვის სასურველი შეთავაზებით და დააგროვეთ კიდევ უფრო მეტი PLUS ქულა ყოველდღიურ გადახდებზე.(R)

1783949451

ღონისძიებამ ერთ სივრცეში გააერთიანა ხელისუფლების, ბიზნესსექტორისა და მარეგულირებელი ორგანოს პირველი პირები. პანელურ დისკუსიაში მთავრობის ადმინისტრაციის უფროსთან ლევან ჟორჟოლიანთან და სემეკის თავმჯდომარესთან დავით ნარმანიასთან ერთად აქტიურად მონაწილეობდნენ Aqualia-ს რეგიონული დირექტორი ხოსე ენრიკე ბოფილი, GGU ჯგუფისა და GWP-ის გენერალური დირექტორი ხოსე მიგელ სანტოსი, თბილისის ვიცე-მერი გიორგი ტყემალაძე, რუსთავის მერი ნინო ლაცაბიძე, თბილისის საკრებულოს თავმჯდომარე ზურაბ აბაშიძე და საქართველოს გაერთიანებული წყალმომარაგების კომპანიის დირექტორი ბესიკ ჯიქურაული.დისკუსიის ფარგლებში მონაწილეებმა დეტალურად განიხილეს წყლის რესურსების ეფექტიანი მართვის მექანიზმები, თანამედროვე ურბანული განვითარების გამოწვევები, მდგრადი განვითარების მიზნები და ქვეყნისთვის სტრატეგიულად მნიშვნელოვანი სატარიფო პოლიტიკა. განსაკუთრებული ყურადღება დაეთმო GWP-ის მიმდინარე საოპერაციო შედეგებსა და იმ მასშტაბურ ინვესტიციებს, რომლებსაც Aqualia, როგორც სტრატეგიული პარტნიორი და ინვესტორი, ქვეყნის წყალმომარაგების ინფრასტრუქტურის განვითარებისა და მომსახურების ხარისხის ევროპულ სტანდარტებთან შესაბამისობის უზრუნველსაყოფად ახორციელებს.„მოხარული ვარ ფორუმში მონაწილეობით.  Aqualia 2022 წლიდან საქართველოს ეკონომიკის განვითარებაში აქტიურად არის ჩართული და მიგვაჩნია, რომ მსგავსი ღონისძიებები ხელს უწყობს საზოგადოების ინფორმირებას წყალმომარაგების სფეროში არსებულ საკითხებზე.  დღეს უკვე შეგვიძლია ვისაუბროთ კომპანიის საქმიანობის პოზიტიურ შედეგებზე თბილისში, რუსთავსა და ქალაქ მცხეთაში. პროგრესი თვალსაჩინოა ქვეყნის სხვა რეგიონებშიც, სადაც მთავრობა ინფრასტრუქტურული პროექტებისა და ინვესტიციების მიმართულებით აქტიურად მუშაობს. მსგავსი დისკუსიები გვეხმარება მუდმივად ვიცოდეთ ქვეყნის პრიორიტეტები და მკაფიოდ დავინახოთ, რა მიმართულებით უნდა განვითარდეს წყალმომარაგების სექტორი" - ხოსე ენრიკე ბოფილი, Aqualia-ს რეგიონული დირექტორიფორუმმა კიდევ ერთხელ დაადასტურა, რომ Aqualia-სა და „ჯივიპის" ერთობლივი სტრატეგიული გეგმები პირდაპირ პასუხობს ქვეყანაში დარგის მდგრადი განვითარების ხედვებს და მიზნად ისახავს წყალმომარაგების ინფრასტრუქტურის სრულ მოდერნიზაციას საერთაშორისო სტანდარტების შესაბამისად.(R)

1783948609

ინიციატივის მთავარი მიზანი მცირე ბიზნესებს შორის თანამშრომლობის გაძლიერება, მათი ცნობადობის ზრდა და გაყიდვების ხელშეწყობაა. ამავდროულად, მომხმარებლებს ეძლევათ შესაძლებლობა, აღმოაჩინონ ახალი ადგილები, საინტერესო ბრენდები და პარტნიორი ბიზნესებისგან სპეციალური შეთავაზებებით ისარგებლონ.პროექტის მექანიზმი მარტივია: კამპანიაში ჩართულ ობიექტებში მომხმარებელი შეხვდება ბანერს, რომელზეც წარმოდგენილია ჯაჭვში ჩართული სხვა ბიზნესის შესახებ ინფორმაცია, ფასდაკლების ვაუჩერთან ერთად.ბიზნესების ნაწილი რომლებიც კამპანიაში ჩაერთევება უკვე ცნობილია, ესენია:  Lunatic, Dodonut, Ganjina, City hikers, JPG, mob.burgers, Wine square, Maua.concept, Sio. დაელოდეთ და თვალი ადევნეთ კამპანიაში ჩართული ბიზნესების ვინაობას.(R)

1783947710

ივნისის ტრენინგები შემდეგ თემებსა და საკითხებს დაეთმო: საგადასახადო დაბეგვრის შეღავათიანი რეჟიმები -  ტრენინგზე განხილული იყო, თუ რა შეღავათიანი საგადასახადო სტატუსი შეიძლება მიიღოს მეწარმემ საქართველოს კანონმდებლობის მიხედვით და რა სახის შეღავათები არსებობს დღეს საქართველოში ბიზნესის ხელშეწყობისთვის. აგრორისკები ფინანსებში - შეხვედრა იმ ფერმერებისთვის იყო განკუთვნილი, რომლებისთვისაც აგრორისკის ფინანსური შეფასება მნიშვნელოვანია. სესიის ფარგლებში, მსმენელები გაეცნენ სხვადასხვა ტექნიკას იმის შესახებ, თუ როგორ უნდა მიიღონ სწორი გადაწყვეტილებები რისკის დაზღვევის სისტემების დანერგვისას. საგადასახადო სიახლეები - ტრენერმა, დავით პაპიაშვილმა განიხილა საქართველოში მოქმედი გადასახადების გადახდის ვალდებულებების წარმოშობის ძირითადი პრინციპები და მათი გამოანგარიშების პრაქტიკული მაგალითები. სასტუმროს სტრატეგიული მართვის პრინციპები მფლობელებისთვის - სესია განკუთვნილი იყო სასტუმროების მფლობელებისთვის, რომ უკეთესად გაანალიზონ  საკუთარი სასტუმროს შედეგები, უხილავი დანაკარგები, რისკები და  დასვან სწორი სტრატეგიული კითხვები. ფინანსების მართვის ტრადიციული და თანამედროვე მიდგომები CEO-ებისთვის - ტრენინგი განკუთვნილი იყო დირექტორების, დამფუძნებლებისა და ბიზნესის ხელმძღვანელი პირებისთვის. სესიაზე, ტრენერმა, გიორგი ჩუგოშვილმა აუდიტორიას სასარგებლო რჩევები გაუზიარა ბიზნესის ეფექტურად მართვისთვის. თიბისის ბიზნეს განათლების პროგრამის ფარგლებში, ივლისის ტრენინგებზე რეგისტრაცია დაწყებულია. სესიებზე დასწრება თიბისის ბიზნეს მომხმარებლებს  წინასწარი რეგისტრაციით შეუძლიათ, ბმულზე: https://tbcbank.ge/ka/business/education, სადაც კურსების შესახებ დეტალური ინფორმაციის მიღებაცაა შესაძლებელი. ტრენინგებზე დასწრება თავისუფალია და ის ბიზნეს განათლების ხელმისაწვდომობასთან ერთად, ბიზნესების წარმომადგენლებისთვის უახლესი და სასარგებლო ინფორმაციის გაზიარებას ისახავს მიზნად.(R)

1783946568