ADB-მა რეგიონის ქვეყნების ეკონომიკური ზრდის პროგნოზები შეამცირა, საქართველოსთვის მაჩვენებელი უცვლელია

ფესტივალის სტუმრებს ტერიტორიაზე დახვდებათ გასართობი ზონები და ისინი მთელი დღის განმავლობაში მრავალფეროვან აქტივობებში ჩართვას შეძლებენ. ღონისძიებაზე წარმოდგენილი იქნება „თეგეტა მოტორსის“ პარტნიორი საერთაშორისო ბრენდების - Bridgestone,  Michelin, Petronas, Shell, Motul, Varta, ATE და Champion  - სპეციალური სივრცეები, სადაც სტუმრები, კომპანიების პროდუქციის გაცნობა-შეძენასთან ერთად, სხვადასხვა ინტერაქციულ გამოცდილებას მიიღებენ.თორნიკე ჩახვაშვილი, „თეგეტა რითეილის“ მთავარი ოფიცერი: „Tegeta Fest-ის იდეა ავტოსპორტის ირგვლივ სრულიად ახალი გამოცდილების შექმნაა. გვინდოდა, ჩემპიონატის მორიგი ეტაპი მხოლოდ რბოლა არ ყოფილიყო და სტუმრებს შესაძლებლობა ჰქონოდათ, მთელი დღე ინტერაქციულ, გასართობ და ტექნოლოგიურ გარემოში გაეტარებინათ. ჩვენი პარტნიორი ბრენდების ჩართულობით ფესტივალი აერთიანებს იმას, რაც ავტოინდუსტრიას ყველაზე მეტად ახასიათებს - ინოვაციას, ხარისხსა და ემოციას.ავტოსპორტის მხარდაჭერა „თეგეტა მოტორსისთვის“ ერთჯერადი ინიციატივა არ არის. წლების განმავლობაში კომპანია აქტიურად მონაწილეობს ქართული ავტო- და მოტოსპორტის განვითარებაში და მხარს უჭერს ისეთ ღონისძიებებს, რომლებიც სპორტის პოპულარიზაციას, ახალი თაობის ჩართულობასა და საავტომობილო კულტურის განვითარებას უწყობს ხელს“.ფესტივალის კონცეფცია რეალური ავტორბოლის პიტ-სტოპის იდეას ეფუძნება - იმ რამდენიმე წამს, როდესაც ტექნოლოგია, სისწრაფე და გუნდური მუშაობა გამარჯვებას განსაზღვრავს. ამ გამოცდილებას სხვადასხვა აქტივობა  გააცოცხლებს, რათა სტუმრებმა ავტოსპორტის ემოციები არა მხოლოდ ტრიბუნიდან, არამედ უშუალოდ თავადაც შეიგრძნონ.ღონისძიების ფარგლებში სტუმრები შეძლებენ, ჩაერთონ მრავალფეროვან აქტივობებში: შეამოწმონ რეაქციის სისწრაფე, გამოცადონ პროფესიონალური რბოლის სიმულატორი, შეადარონ სარბოლო და სამოქალაქო ავტომობილების სამუხრუჭე სისტემების შესაძლებლობები და სხვა ინტერაქციული გამოცდილება მიიღონ. დასწრება თავისუფალია.სპეციალურად ბავშვებისთვის მოეწყობა  სივრცე, სადაც ისინი პატარა მრბოლელებად იქცევიან - ბალანს-ბაიკებითა და პულტიანი სარბოლო ავტომობილებით გაერთობიან, ასევე სხვა სახალისო აქტივობებში ჩაერთვებიან.სტუმრებს ფესტივალის ტერიტორიაზე დახვდებათ კვებისა და სასმელების ზონა, დასასვენებელი სივრცეები და VIP-ტერასა, საიდანაც ავტორბოლის კომფორტულად ყურება იქნება შესაძლებელი.ავტოსპორტის მხარდაჭერა „თეგეტა მოტორსისთვის“ მნიშვნელოვანი მიმართულებაა. კომპანია უკვე წლებია, ხელს უწყობს როგორც პროფესიონალური შეჯიბრებების განვითარებას, ისე ისეთი ღონისძიებების ორგანიზებას, რომლებიც საავტომობილო კულტურის პოპულარიზაციასა და საზოგადოების ჩართულობის ზრდას ემსახურება. ამ ხედვის გაგრძელებაა ფესტივალიც, რომლის მიზანი ავტოსპორტის მოყვარულთათვის ახალი სივრცის შექმნა და ღონისძიების ყოველწლიურ ტრადიციად ჩამოყალიბებაა.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1783586976

შეხვედრისას მხარეებმა განიხილეს საქართველოს სტაბილური მაკროეკონომიკური გარემო და წარმატებული მონეტარული პოლიტიკა, ასევე იმსჯელეს კაპიტალის ბაზრის განვითარების, ინვესტორებისთვის საქართველოს საინვესტიციო გარემოს წარმოჩენისა და ერთობლივი პროექტების განხორციელების პერსპექტივებზე, მათ შორის საქართველოს ეროვნულ ბანკსა და ლონდონის საფონდო ბირჟას შორის თანამშრომლობის გაღრმავების შესაძლებლობებზე.ეკატერინე მიქაბაძემ ხაზგასმით აღნიშნა, რომ საქართველოს ეროვნული ბანკი აქტიურად უწყობს ხელს ფინანსური ბაზრების განვითარებას, გამჭვირვალობისა და საუკეთესო საერთაშორისო პრაქტიკის დანერგვას, რაც ქვეყნის კაპიტალის ბაზრის შემდგომი გაძლიერებისა და უცხოური ინვესტიციების მოზიდვის მნიშვნელოვანი წინაპირობაა.შეხვედრაზე ასევე აღინიშნა, რომ ქართული კომპანიები წარმატებით არიან წარმოდგენილნი ლონდონის საფონდო ბირჟაზე, რაც ქვეყნის ფინანსური სექტორის განვითარებისა და საერთაშორისო ფინანსურ ბაზრებზე ინტეგრაციის მნიშვნელოვანი დასტურია. განსაკუთრებით ხაზი გაესვა საქართველოს ბანკის მიერ FTSE 100 ინდექსში გაწევრიანებას, რაც საქართველოს კერძო სექტორისთვის მნიშვნელოვანი საერთაშორისო აღიარებაა.მხარეებმა მომავალში თანამშრომლობის კონკრეტული მიმართულებების განსაზღვრისა და ერთობლივი ინიციატივების განხორციელებისთვის მზადყოფნა გამოთქვეს.შეხვედრას ასევე ესწრებოდნენ სების სხვადასხვა მიმართულების ხელმძღვანელები. 

1783585181

ღონისძიების მიზანი პარტნიორებისთვის თიბისი კაპიტალის უახლესი მაკროეკონომიკური და სექტორული შეფასებების გაზიარება იყო. როგორც საინვესტიციო ბანკი და ეკონომიკური მრჩეველი, თიბისი კაპიტალი რეგულარულად ამზადებს კვლევებსა და ანალიტიკურ მიმოხილვებს, რომლებიც ბიზნესს, ინვესტორებს, საერთაშორისო პარტნიორებსა და გადაწყვეტილების მიმღებ პირებს ეკონომიკური გარემოს შეფასებასა და ინფორმირებული გადაწყვეტილებების მიღებაში ეხმარება.პრეზენტაციის ფარგლებში განხილული ძირითადი თემები იყო მსოფლიო ეკონომიკის განვითარების ტენდენციები და მათი გავლენა გლობალურ ბაზრებზე, საქართველოს ეკონომიკის მიმდინარე მდგომარეობა და განვითარების პერსპექტივები, ასევე საცხოვრებელი უძრავი ქონების, ტურიზმისა და ლოგისტიკის სექტორებში არსებული ტენდენციები და განვითარების პერსპექტივები. შეხვედრაზე განსაკუთრებული ყურადღება დაეთმო იმ გლობალურ და ადგილობრივ ფაქტორებს, რომლებიც გავლენას ახდენს ეკონომიკურ აქტივობასა და საინვესტიციო გარემოზე.თიბისი კაპიტალი საქართველოს წამყვანი საინვესტიციო ბანკია, რომელიც კორპორატიულ, ინსტიტუციურ და საერთაშორისო პარტნიორებს საინვესტიციო ბანკინგის, საბროკერო, კვლევით და საკონსულტაციო მომსახურებას სთავაზობს. კომპანიის მაკროეკონომიკური, სექტორული და კაპიტალის ბაზრის კვლევები წარმოადგენს მნიშვნელოვან ანალიტიკურ საფუძველს ბიზნესისთვის, ინვესტორებისა და საერთაშორისო პარტნიორებისთვის ეკონომიკური გარემოს შეფასებისა და სტრატეგიული გადაწყვეტილებების მისაღებად.(R)

1783584856

აღნიშნული განთავსებით დასრულდა საქართველოს კაპიტალის ბაზრების ისტორიაში ყველაზე მსხვილი მწვანე ობლიგაციების პროგრამა, რომლის ჯამური მოცულობა $82 მლნ-ს შეადგენს. პროგრამის ფარგლებში კომპანიამ სექტორში პირველმა მოიპოვა შენობების საერთაშორისო EDGE Advanced სერტიფიკატი. სერტიფიკატი მიენიჭა როგორც გლდანისა და საბურთალოს სითი მოლებს, ასევე საბურთალოს ბიზნეს ცენტრს, სითი თაუერსს.მოცემული ემისია აი ჯი დეველოფმენტ ჯორჯიას რიგით მერვე ობლიგაციების განთავსებაა ბოლო ხუთი წლის განმავლობაში, რაც მას საქართველოს კაპიტალის ბაზრის ერთ-ერთ ყველაზე აქტიურ და გამოცდილ ემიტენტად აქცევს. აღსანიშნავია, რომ ტრანზაქციაში 150-ზე მეტმა ფიზიკურმა და იურიდიულმა ინვესტორმა მიიღო მონაწილეობა, რაც ბაზრის მხრიდან მაღალ ინტერესსა და კომპანიის მიმართ არსებულ ნდობაზე მიუთითებს.“მადლობას ვუხდით აი ჯი დეველოფმენტ ჯორჯიას მრავალწლიანი ნდობისა და წარმატებული თანამშრომლობისთვის. ჩვენთვის განსაკუთრებით მნიშვნელოვანია, რომ სწორედ გალტ & თაგარტის ექსკლუზიური მხარდაჭერით წარმატებით დასრულდა საქართველოს კაპიტალის ბაზრის ისტორიაში ყველაზე მსხვილი მწვანე ობლიგაციების პროგრამა. ჩვენი დახმარებით ემიტენტმა ბაზარს შესთავაზა კიდევ ერთი ინოვაციური პროდუქტი - პირველი EDGE Advanced სერტიფიკატი და პირველი მწვანე ობლიგაცია უძრავი ქონების სექტორის მოთამაშისგან საქართველოს კაპიტალის ბაზრებზე. ეს მნიშვნელოვანი პრეცედენტია როგორც მდგრადი ფინანსების განვითარების, ისე ადგილობრივი კაპიტალის ბაზრის გაძლიერების მიმართულებით. მოხარული ვართ, რომ კომპანიასთან ერთობლივი, ნაყოფიერი მუშაობის შედეგად, შევძელით ამ მასშტაბური ტრანზაქციის წარმატებით განხორციელება და გვჯერა, რომ მომავალში აი ჯი დეველოფმენტ ჯორჯიასთან თანამშრომლობის ფარგლებში ბაზარს კიდევ არაერთ მსგავს, ინოვაციური გარიგებას და პროდუქტს შევთავაზებთ”, - განაცხადა გიორგი კუპრაშვილმა, გალტ & თაგარტის გენერალურმა დირექტორმა.„82 მილიონი აშშ დოლარის მწვანე ობლიგაციების პროგრამის წარმატებით დასრულება აი ჯი დეველოფმენტ ჯორჯიასთვის მნიშვნელოვანი ეტაპია. ეს არის შედეგი იმ სტრატეგიული ხედვისა და თანმიმდევრული მუშაობისა, რომელსაც კომპანია წლების განმავლობაში ახორციელებს როგორც კაპიტალის ბაზრის შესაძლებლობების ეფექტიანად გამოყენების, ისე მდგრადი განვითარების პრინციპების საკუთარ საქმიანობაში ინტეგრირების მიმართულებით.ჩვენთვის განსაკუთრებით მნიშვნელოვანია, რომ ამ პროგრამის ფარგლებში აი ჯი დეველოფმენტ ჯორჯია გახდა პირველი კომპანია საქართველოში კომერციული უძრავი ქონების სექტორში, რომელმაც საერთაშორისო EDGE Advanced სერტიფიკატი მოიპოვა. ეს მიღწევა მხოლოდ აღიარება არ არის. ის ადასტურებს, რომ მაღალი ხარისხის კომერციული პროექტების განვითარება შესაძლებელია ენერგოეფექტურობის, გარემოსდაცვითი პასუხისმგებლობისა და საერთაშორისო სტანდარტების სრულად გათვალისწინებით.მდგრადი განვითარება არ არის მხოლოდ ცალკეული ინიციატივა. ეს არის ჩვენი გრძელვადიანი სტრატეგიის მნიშვნელოვანი ნაწილი. მწვანე ობლიგაციების პროგრამა სწორედ ამ ხედვის გაგრძელებაა. მისი მიზანი იყო არა მხოლოდ ფინანსური რესურსის მოზიდვა, არამედ ისეთი პროექტების მხარდაჭერა, რომლებიც ქმნის გრძელვადიან ღირებულებას ჩვენი ინვესტორებისთვის, მომხმარებლებისთვის და ყველა იმ მხარისთვის, რომელიც ჩვენი საქმიანობის შედეგით სარგებლობს.ამ წარმატებაში განსაკუთრებული როლი შეასრულა გალტ & თაგარტმა, როგორც პროგრამის ექსკლუზიურმა პარტნიორმა. მათი პროფესიონალიზმი, ჩართულობა და პროცესისადმი მაღალი პასუხისმგებლობით მიდგომა ამ ტრანზაქციის წარმატების ერთ-ერთი მნიშვნელოვანი საფუძველი იყო. მრავალწლიანი თანამშრომლობა და ნდობაზე დაფუძნებული პარტნიორობა კიდევ ერთხელ აჩვენებს, თუ რამდენად მნიშვნელოვანია ძლიერი პროფესიული ურთიერთობები მსგავსი მასშტაბის პროექტების განხორციელებისას.დარწმუნებული ვართ, რომ ეს ტრანზაქცია კიდევ ერთი მნიშვნელოვანი ნაბიჯია აი ჯი დეველოფმენტ ჯორჯიას განვითარების გზაზე და ამავე დროს მნიშვნელოვანი წვლილია საქართველოში მდგრადი ფინანსებისა და კაპიტალის ბაზრის შესაძლებლობების შემდგომ გაძლიერებაში”, - განაცხადა ლევან მესხელმა, აი ჯი დეველოფმენტ ჯორჯიას გენერალურმა დირექტორმა.აი ჯი დეველოფმენტ ჯორჯია საქართველოში სავაჭრო და ბიზნეს ცენტრების მიმართულებით ერთ-ერთი უმსხვილესი და მრავალწლიანი გამოცდილების მქონე კომპანიაა. მისი პორტფელი აერთიანებს ორ წამყვან სავაჭრო ცენტრს – სითი მოლი საბურთალოსა და სითი მოლი გლდანს, ასევე ბიზნეს ცენტრ სითი თაუერს. კომპანიის სავაჭრო მოლები წლებია 100%-იანი დატვირთვით ფუნქციონირებს.(R)

1783582457

K-Beauty ბოლო წლებში მსოფლიო კანის მოვლის ინდუსტრიის ერთ-ერთ ყველაზე გავლენიან მიმართულებად ჩამოყალიბდა. ამ ფილოსოფიის მთავარი პრინციპი არა სწრაფი ვიზუალური შედეგი, არამედ კანის ჯანმრთელობაზე დაფუძნებული, თანმიმდევრული ყოველდღიური მოვლაა.სწორედ ამ მიდგომას იზიარებს Manyo, რომლის კონცეფციაც ეფუძნება იდეას, რომ ლამაზი კანი ჯანმრთელი კანიდან იწყება. ბრენდი ქმნის ფორმულებს, რომლებიც აერთიანებს ბუნებრივი წარმოშობის ინგრედიენტებს, ფერმენტირებულ აქტიურ კომპონენტებსა და თანამედროვე დერმატოლოგიური კვლევების შედეგებს. პროდუქციის მთავარი მიზანია კანის ბუნებრივი ბარიერის გაძლიერება, მიკრობიომის მხარდაჭერა, ინტენსიური დატენიანება და კანის ბუნებრივი ბზინვარების შენარჩუნება.ბრენდის ერთ-ერთი ყველაზე ცნობილი ხაზი Pure Cleansing Oil - ღრმა გამწმენდი ზეთი, მსოფლიოში ერთ-ერთ ყველაზე მოთხოვნად კორეულ გამწმენდ პროდუქტად მიიჩნევა. გარდა ამისა, ქართველი მომხმარებლებისთვის ხელმისაწვდომია Bifida Biome-ის ხაზი, რომელიც კანის ბარიერის აღდგენასა და მგრძნობიარე კანის მოვლაზეა ორიენტირებული, Galactomy - კანის ტონის გათანაბრებისა და ბუნებრივი ბზინვარებისთვის, ხოლო Glutathione - პიგმენტური ლაქებისა და არათანაბარი ტონის მოვლისთვის.Manyo-ს სლოგანი - Everyday Magic for Your Skin (ყოველდღიური მაგია შენი კანისთვის), გამოხატავს ბრენდის ფილოსოფიას, რომლის მიხედვითაც ჯანსაღი, ძლიერი და ბუნებრივად ბზინვარე კანი ყოველდღიური, სწორად შერჩეული მოვლის შედეგია. „PSP ქართველი მომხმარებლისთვის ჩამოყალიბდა მსოფლიოს მოთხოვნადი ბრენდების ერთიან სივრცედ. ამისთვის, მუდმივად ვაფართოებთ კანის მოვლის ბრენდების პორტფელს, მათ შორის K-Beauty. Manyo-ს დამატება ამ მიმართულებით მნიშვნელოვანია, რადგან მისი ფილოსოფია სრულად ემთხვევა თანამედროვე კანის მოვლის ტენდენციებს - ჯანმრთელი კანი, ეფექტური ინგრედიენტები და გრძელვადიანი შედეგი, ვფიქრობთ, ჩვენი მომხმარებლისთვის განსაკუთრებით საინტერესო იქნება. უახლოეს მომავალში, კიდევ არაერთ საინტერესო ბრენდსა და სიახლეს შევთავაზებთ ქართველ მომხმარებელს”, - აცხადებენ PSP-ში. (R)

1783581462

დახვეწილი ცეცხლსასროლი იარაღი, თანმხლებ ტყვიებთან და საწმენდ ნაკრებთან ერთად ევროკომისიის პრეზიდენტ ურსულა ფონ დერ ლაიენსა და ევროპის საბჭოს პრეზიდენტ ანტონიო კოშტას, ოთხშაბათს, მასპინძელმა, თურქეთის პრეზიდენტმა რეჯეფ თაიფ ერდოღანმა გადასცა, რაც ევროკავშირის ორმა ოფიციალურმა პირმა POLITICO-ს დაუდასტურა.ევროპული საბჭოს წარმომადგენელმა დასძინა, რომ კოშტას უსაფრთხოების სამსახურმა იარაღი შესამოწმებლად უკვე ჩაიბარა. „ჩვენ მივყვებით ბელგიურ პროცედურებს მის ბელგიაში ჩასატანად, რის შემდეგაც მას შევინახავთ საბჭოს გენერალური სამდივნოს მიერ დადგენილი უსაფრთხოების მოთხოვნების შესაბამისად“, - განაცხადა მან. ფონ დერ ლაიენის გუნდს POLITICO-სთვის დაუყოვნებლივ არ უპასუხია შეკითხვაზე, თუ რის გაკეთებას აპირებს პრეზიდენტი ნაჩუქარ იარაღთან დაკავშირებით.თუმცა, როგორც ერთ-ერთმა ოფიციალურმა პირმა აღნიშნა, ეს უმაღლესი კლასის საცერემონიო პისტოლეტები, სავარაუდოდ, ეწინააღმდეგება საჩუქრების ღირებულებაზე დაწესებულ მკაცრ შეზღუდვებს, რის გამოც ნაკლებად სავარაუდოა, რომ ადრესატებმა ისინი პირად საკუთრებაში დაიტოვონ.სხვა ევროპელმა ლიდერებმა, მათ შორის დიდი ბრიტანეთის თანამდებობიდან მიმავალმა პრემიერ-მინისტრმა კირ სტარმერმა და ნიდერლანდების პრემიერ-მინისტრმა რობ იეტენმა, საჯაროდ განაცხადეს, რომ ისინი ნაჩუქარ პისტოლეტებს თურქეთში დატოვებენ გაუვნებელყოფისთვის, სანამ მათ სამშობლოში ჩაიტანდნენ.

1783581030

სამხედრო კამპანიის ხანგრძლივობა და მასშტაბები მთლიანად თეირანის მომდევნო ნაბიჯებზეა დამოკიდებული, რადგან დაპირისპირება, რომელიც თავდაპირველად ირანის ბირთვული და სარაკეტო პოტენციალის განადგურებას ისახავდა მიზნად, ახლა მსოფლიოს უმნიშვნელოვანესი ენერგეტიკული დერეფნისთვის ბრძოლაში გადაიზარდა.პრეზიდენტმა დონალდ ტრამპმა განაცხადა, რომ ურთიერთგაგების მემორანდუმით გათვალისწინებული 60-დღიანი ზავი „დასრულებულია“. ეს გადაწყვეტილება მოჰყვა ირანის მიერ კომერციულ გემებზე განხორციელებულ თავდასხმებს, რასაც მხარეებს შორის ცეცხლის გაცვლა მოჰყვა.აშშ-მა საპასუხოდ დარტყმების მეორე ტალღა წამოიწყო ჰორმუზის სრუტის ზონაში და ბოლო თვეების განმავლობაში პირველად, ირანის ტერიტორიაზე არსებულ ინფრასტრუქტურულ ობიექტებზე მიიტანა იერიში. ირანმა კი საპასუხო დარტყმები ქუვეითსა და ბაჰრეინში მდებარე ამერიკულ სამხედრო ბაზებზე განახორციელა.მოგვიანებით ტრამპმა მიანიშნა, რომ თეირანმა დიალოგის სურვილი გამოთქვა: „ირანის ოფიციალურმა პირებმა ცოტა ხნის წინ დარეკეს და გარიგების დადება სურთ, თუმცა არ ვიცი, არიან თუ არა ისინი ამის ღირსნი ან შეასრულებენ თუ არა პირობას. სიმართლე გითხრათ, ისინი ცოტა გიჟები არიან“.თეირანი ამერიკულ მხარეს „ბულინგსა და პირობების დარღვევაში“ ადანაშაულებს. ირანის მთავარმა მომლაპარაკებელმა მოჰამად ბაღერ ღალიბაფმა განაცხადა, რომ სრუტე მხოლოდ ირანის პირობებით გაიხსნება და არა ამერიკული მუქარით.ურთიერთგაგების მემორანდუმის მიხედვით, ირანს გემების უსაფრთხო გატარება ევალებოდა, თუმცა თეირანმა ვაშინგტონი წესების დარღვევაში დაადანაშაულა, რადგან აშშ-მა გემები მათი ნებართვის გარეშე, ომანის სანაპიროსთან ახლოს, სამხრეთ დერეფნით გაატარა.ამასთანავე, როგორც Axios წერს, კულისებიდან ჟონავს ინფორმაცია, რომ ესკალაცია ირანის ხელმძღვანელობაში არსებულმა შიდა განხეთქილებამაც გამოიწვია. რადიკალური ფრთა მიიჩნევს, რომ ზავმა ქვეყანას ეკონომიკური სარგებელი არ მოუტანა: აშშ-ის სანქციების გამონაკლისების მიუხედავად, ბანკები ტრანზაქციებს არ ატარებდნენ, რის გამოც ირანმა ნავთობის გაყიდვა ვერ შეძლო. ირანის გაყინული აქტივები არ განბლოკილა, რადგან თეირანს ბირთვული შეთანხმებით ნაკისრი ვალდებულებები არ შეუსრულებია. თეთრ სახლში მიიჩნევენ, რომ სამხედრო ესკალაციისთვის მეტი სივრცე აქვთ, რადგან ბოლო კვირებში ასობით ტანკერმა ყურის დატოვება უსაფრთხოდ მოახერხა. შესაბამისად, ვაშინგტონში ნაკლებად შიშობენ, რომ ახალი შეტაკებები ნავთობის მსოფლიო ფასების მკვეთრ ნახტომს გამოიწვევს.აშშ-ის ვიცე-პრეზიდენტმა ჯეი დი ვენსმა მკაფიოდ დააფიქსირა ამერიკული მხარის პოზიცია და აღნიშნა, რომ ჰორმუზის სრუტე ნებისმიერ ფასად ღია დარჩება: „თუ ისინი სრუტის ჩაკეტვას შეეცდებიან, ამერიკელი სამხედროებისგან მკაცრ პასუხს მიიღებენ. მათ შეუძლიათ ან დაემორჩილონ წესებს, ან მიიღონ ზუსტად ის, რაც გასულ ღამეს დაემართათ. ეს ასე გაგრძელდება მანამ, სანამ სროლას არ შეწყვეტენ“.

1783579410

თიბისისთვის მნიშვნელოვანია, რომ ხარისხიანი განათლება ყველასთვის თანაბრად ხელმისაწვდომი იყოს. სწორედ ამიტომ, ონლაინ ფორმატი ყველა მსურველს შესაძლებლობას აძლევს, საცხოვრებელი ადგილის მიუხედავად, სრულიად უფასოდ მიიღონ ცოდნა და განივითარონ კარიერისთვის აუცილებელი კომპეტენციები.რამდენიმე წლის განმავლობაში თიბისი კამპუსმა დაამტკიცა, რომ ონლაინ განათლება ეფექტიანი, მოქნილი და შედეგზე ორიენტირებული მოდელია, ამას იცის ადასტურებს რომ მონაწილეთა 57% საქართველოს სხვადასხვა რეგიონიდანაა. დღეს კამპუსს 1000-მდე მონაწილე ჰყავს, ხოლო ბოლო ნაკადი 112-მა სტუდენტმა წარმატებით დაასრულა. პროგრამა მონაწილეებს აძლევს შესაძლებლობას, ისწავლონ თავიანთ ინტერესებზე მორგებული გრაფიკით, იმუშაონ რეალურ ბიზნეს და ტექნოლოგიურ ამოცანებზე და ცოდნა პრაქტიკაში გამოცადონ.თიბისი კამპუსში მსურველები სწავლობენ თანამედროვე და მოთხოვნად მიმართულებებს, როგორიცაა: მარკეტინგი, პროდუქტის მენეჯმენტი, ბიზნეს ანალიზი და პროექტების მართვა.კამპუსი თიბისის ონლაინ განათლების ეკოსისტემის ნაწილია, რომელიც ასევე აერთიანებს ტექსკოლას, IT აკადემიას, ტექ ოლიმპიადების ჰაბსა და სხვა საგანმანათლებლო ინიციატივებს. თითოეული პროგრამა სხვადასხვა ასაკობრივი ჯგუფისა და გამოცდილების მქონე ადამიანების განვითარებას ემსახურება და ტექნოლოგიური განათლების უწყვეტ გზას ქმნის.პროგრამის პარტნიორია კოლაბი. მისი ჩართულობით სასწავლო პროცესი მაქსიმალურად პრაქტიკულ გამოცდილებაზეა დაფუძნებული. მონაწილეები ინდუსტრიის პროფესიონალების მენტორობით მუშაობენ რეალურ პროექტებზე, ავითარებენ ანალიტიკურ, გუნდური მუშაობისა და პრობლემების გადაჭრის უნარებს, რაც მათ პროფესიულ განვითარებასა და დასაქმების შესაძლებლობებს მნიშვნელოვნად ზრდის.თიბისი კამპუსის ახალ ნაკადზე რეგისტრაცია სექტემბერში დაიწყება. პროგრამა კიდევ ერთხელ მისცემს ახალგაზრდებს შესაძლებლობას, სრულიად უფასოდ მიიღონ თანამედროვე განათლება, პრაქტიკული გამოცდილება და საკუთარი კარიერის განვითარებისთვის მნიშვნელოვანი ცოდნა.(R)

1783577380