Barclay-ში საქართველოს ბაზარი საერთაშორისო ინვესტირებისთვის მიმზიდველად მიაჩნიათ

რეზოლუციის პროექტის - „საქართველოში არჩევნების მთლიანობისა და ფუნდამენტური თავისუფლებების დაცვა“ - მთავარი სპონსორი ამერიკელი კონგრესმენი ჯო უილსონია.ქართული დელეგაციის არგუმენტები: „ფაქტების განზრახ დამახინჯება“შესაბამისი განცხადება საქართველოს პარლამენტის საგარეო ურთიერთობათა კომიტეტის თავმჯდომარემ და დელეგაციის ხელმძღვანელმა, ნიკოლოზ სამხარაძემ კენჭისყრის დაწყებამდე, პროცედურული შენიშვნის ფორმატში გააკეთა. მმართველი გუნდის დეპუტატმა მკაცრად გააკრიტიკა დოკუმენტის საბოლოო ვერსია და აღნიშნა, რომ ის საფრთხეს უქმნის ქვეყნის ინტერესებს.„მსურს, კენჭისყრის პროცედურებთან დაკავშირებით პროცედურული შენიშვნა გავაკეთო და საქართველოს დელეგაციის სახელით შემდეგი განცხადება წარმოვადგინო. იმის გამო, რომ დეკლარაციის შესწორებული ვერსიის ცალკეული ნაწილები განზრახ ამახინჯებს საქართველოში არსებულ პოლიტიკურ რეალობას, უხეშად არასწორად წარმოაჩენს და აყალბებს ფაქტებს, სრულად უგულებელყოფს სახელმწიფო ინსტიტუტებზე განხორციელებულ ძალადობრივ თავდასხმებს და თვითნებურად განმარტავს როგორც საარჩევნო სადამკვირვებლო მისიების, ისე „მოსკოვის მექანიზმის“ ანგარიშებს, რითაც საფრთხეს უქმნის საქართველოს ეროვნულ ინტერესებს, ჩვენი დელეგაცია, პროტესტის ნიშნად, კენჭისყრის პროცესში მონაწილეობას არ მიიღებს“, - განაცხადა ნიკოლოზ სამხარაძემ.მან ასევე დაამატა, რომ ორმაგად სამწუხაროა მსგავსი გადაწყვეტილების მიღება საერთაშორისო სამართლის დედაქალაქში - ჰააგაში. სამხარაძემ ასამბლეის სამდივნოს ოფიციალურად სთხოვა, რომ ქართული მხარის პროტესტი და პოზიცია სათანადოდ ასახულიყო სხდომის ოქმში, პარალელურად კი მადლობა გადაუხადა ნიდერლანდების პარლამენტს მასპინძლობისა და ორგანიზებისთვის.ასამბლეის პრეზიდენტის პასუხი: „ცარიელი ადგილების დატოვება ყველაზე ცუდი ვარიანტია“ნიკოლოზ სამხარაძის განცხადებას და დარბაზის დატოვებას დაუყოვნებლივ გამოეხმაურა ეუთოს საპარლამენტო ასამბლეის პრეზიდენტი პერე ჟოან პონსი. მან ღიად გააკრიტიკა ბოიკოტის ტაქტიკა და პარალელი გაავლო საქართველოს შიდაპოლიტიკურ ისტორიასთან, სადაც ოპოზიციური პარტიები პარლამენტს ხშირად უცხადებდნენ ბოიკოტს.„დიდი მადლობა, ნიკოლოზ. როგორც მოგეხსენებათ, თქვენს ქვეყანაშიც კი ცარიელი ადგილების დატოვება კარგი გადაწყვეტილება არ იყო, თქვენ აქ ზუსტად იმავეს აკეთებთ. ვფიქრობ, პარლამენტში ცარიელი ადგილების დატოვება ყოველთვის ყველაზე ცუდი ვარიანტია, რადგან დემოკრატია, უპირველეს ყოვლისა, კონფლიქტის მოგვარების ერთობლივი მცდელობაა“, - მიმართა ასამბლეის პრეზიდენტმა საქართველოს დელეგაციის ხელმძღვანელს.მიუხედავად ქართული მხარის პროტესტისა, ასამბლეამ კენჭისყრის პროცედურა დაასრულა და „ჰააგის დეკლარაცია“, მასში შესული რეზოლუციით, ოფიციალურად მიიღო. ეუთოს საპარლამენტო ასამბლეის 33-ე ყოველწლიური სესია, რომელიც 4 ივლისს დაიწყო, ამ გადაწყვეტილებით დასრულდა.

1783504529

საერთაშორისო კონფერენცია „საქართველოს ფინანსური ბაზრის განვითარების პერსპექტივა - ინდექსები და ბირჟაზე ვაჭრობადი საინვესტიციო ფონდები" საქართველოს სახელმწიფო ობლიგაციების ინდექსების პრაქტიკულ გამოყენებასა და ინდექსზე დაფუძნებული საინვესტიციო პროდუქტების განვითარების პერსპექტივებს მიეძღვნა.„მინდა მივულოცო საქართველოს ეროვნულ ბანკს ისეთი მნიშვნელოვანი ნაბიჯი, როგორიცაა საქართველოში ICE ინდექსების გამოქვეყნება და მასში ქართული ფასიანი ქაღალდების ბაზრის ინტეგრაცია. როგორც ადგილობრივი, ისე საერთაშორისო აქტივების მმართველები, აქტიურად ვართ ჩართულები ადგილობრივ ბაზარზე. ჩვენ მივესალმებით და ინტერესით ველოდებით ეროვნული ბანკის ნებისმიერ ახალ ინიციატივას, რაც ბაზრის ლიკვიდობას კიდევ უფრო გაზრდის და მეტ უცხოელ ინვესტორს მოიზიდავს", - აღნიშნა ადრიან პეტრეანუმ.სების მიერ ორგანიზებული ორდღიანი საერთაშორისო კონფერენცია მიეძღვნა 2026 წლის თებერვალში მიღწეულ მნიშვნელოვან პროექტს, როდესაც, პირველად ისტორიაში, საქართველოს ეროვნული ბანკის ხელშეწყობით, გამოქვეყნდა საქართველოს სახელმწიფო ობლიგაციების შვიდი ინდექსი. ინდექსები შეიმუშავა Intercontinental Exchange-მა (ICE) და ხელმისაწვდომი გახდა როგორც Bloomberg-ის (Bloomberg IND), ისე ICE-ის ინდექსების პორტალის (indices.ice.com) მეშვეობით. 

1783502030

სასაზღვრო-საკარანტინო კონტროლის პროცედურების განხორციელებისას, საქართველოს ფიტოსანიტარიულ მოთხოვნებთან შეუსაბამობა კერძოდ, მცენარეებზე ცოცხალი მავნე ორგანიზმები და მათ მიერ გამოწვეული დაზიანებები გამოვლინდა.საქართველოს მთავრობის 2019 წლის 20 სექტემბრის №463 დადგენილების შესაბამისად, აღნიშნული საქონელი ექსპორტიორ ქვეყანაში გაბრუნებას დაექვემდებარა.

1783498447

ღონისძიება მიეძღვნა საქართველოს სახელმწიფო ობლიგაციების ინდექსების პრაქტიკულ გამოყენებასა და ინდექსზე დაფუძნებული საინვესტიციო პროდუქტების განვითარების პერსპექტივებს.კონფერენცია ეყრდნობა 2026 წლის თებერვალში მიღწეულ მნიშვნელოვან პროექტს, როდესაც, პირველად ისტორიაში, საქართველოს ეროვნული ბანკის ხელშეწყობით, გამოქვეყნდა საქართველოს სახელმწიფო ობლიგაციების შვიდი ინდექსი. ინდექსები შეიმუშავა Intercontinental Exchange-მა (ICE) და ხელმისაწვდომი გახდა როგორც Bloomberg-ის (Bloomberg IND), ისე ICE-ის ინდექსების პორტალის (indices.ice.com) მეშვეობით.კონფერენცია საქართველოს ეროვნული ბანკის პირველმა ვიცე-პრეზიდენტმა, ეკატერინე მიქაბაძემ გახსნა. მისასალმებელ სიტყვაში მან კაპიტალის ბაზრების განვითარების, საბაზრო ინდექსების პრაქტიკული მნიშვნელობისა და მათი საინვესტიციო პროდუქტებად გარდაქმნის როლზე ისაუბრა.მისი თქმით, ინდექსების გამოქვეყნება მნიშვნელოვანი ნაბიჯია საქართველოს ფინანსური ბაზრის განვითარების გზაზე.„ბოლო წლების განმავლობაში საქართველომ მნიშვნელოვან პროგრესს მიაღწია და დღეს ჩვენ გვაქვს კარგად განვითარებული სახელმწიფო ფასიანი ქაღალდების ბაზარი, ძლიერი საბაზრო ინფრასტრუქტურა, DVP (მიწოდება ანგარიშსწორების სანაცვლოდ) ანგარიშსწორების სისტემა და დანერგილი გვაქვს საინვესტიციო ფონდებისა და აქტივების მმართველების თანამედროვე ჩარჩო. დაგროვებითი საპენსიო სისტემა სულ უფრო მნიშვნელოვანი გრძელვადიანი ინვესტორი ხდება ადგილობრივ ეკონომიკაში.„ICE საქართველოს სახელმწიფო ობლიგაციების ინდექსები“ ამ სტრუქტურას მნიშვნელოვან ფუნდამენტურ ელემენტს სძენს. ისინი წარმოადგენენ გლობალურად აღიარებულ ბენჩმარკს - სამიზნე მაჩვენებელს და სრულად ფარავენ 10 წლამდე ვადიანობის ლარის სუვერენულ მრუდს. ICE-ის ინდექსების გამოყენებით შესაძლებელი ხდება სახაზინო ობლიგაციებში განხორციელებული შემოსავლიანობისა და რისკის მიმართ პორტფელების მართვა,  საინვესტიციო მანდატების შემუშავება და საბოლოოდ საქართველოს სახელმწიფო ობლიგაციების ბაზართან დაკავშირებული ინდექსირებული საინვესიტიციო პროდუქტების განვითარება“, - აღნიშნა ეკატერინე მიქაბაძემ.ღონისძიების ფარგლებში საქართველოს ეროვნული ბანკის ფინანსური ბაზრების დეპარტამენტისა და ფასიანი ქაღალდების ბაზრის ზედამხედველობის დეპარტამენტის წარმომადგენლებმა წარადგინეს მოხსენებები საქართველოს განვითარების სტრატეგიულ ხედვასა და საინვესტიციო ფონდების მარეგულირებელ და საგადასახადო გარემოს შესახებ.პანელური დისკუსიების მონაწილეებმა განიხილეს საქართველოში ინდექსებზე დაფუძნებული საინვესტიციო ფონდების შექმნის პრაქტიკული ნაბიჯები, ETF-ების განვითარების საერთაშორისო გამოცდილება, ასევე საინვესტიციო ბაზრის ეკოსისტემის გაძლიერებისა და შესაბამისი ინფრასტრუქტურის განვითარების საკითხები.კონფერენციას ესწრებოდნენ Intercontinental Exchange-ის (ICE) წარმომადგენლები, აგრეთვე ადგილობრივი და საერთაშორისო ფინანსური ინსტიტუტების, საინვესტიციო ფონდების მმართველი კომპანიების, საბანკო სექტორისა და აქტივების მართვის სფეროს წარმომადგენლები.კონფერენცია მეორე დღეს ადგილობრივი ფინანსური ბაზრების მონაწილეებსა და ICE-ის წარმომადგენლებს შორის ორმხრივი შეხვედრების ფორმატში გაგრძელდა.

1783498346

თურქეთში ჩასვლიდან რამდენიმე საათში ტრამპმა ალიანსის წინააღმდეგ არაერთი ძველი პრეტენზია გააცოცხლა. მან განაცხადა, რომ ის, რაც უკრაინაში ხდება, ვაშინგტონზე გავლენას არ ახდენს, და კვლავ გაიმეორა თავისი მტკიცება, რომ გრენლანდია შეერთებული შტატების კონტროლის ქვეშ უნდა გადავიდეს.აშშ-ის პრეზიდენტის მკაცრმა ტონმა ჩრდილი მიაყენა NATO-ს წევრების მიერ გაწეულ ძალისხმევას. სამიტის ფარგლებში მოკავშირეებმა მილიარდობით დოლარის ღირებულების იარაღის ახალი გარიგებები გამოაცხადეს და სამხედრო ხარჯების გაზრდის გეგმები წარადგინეს. „ბეშთეფეს“ საპრეზიდენტო კომპლექსში შეკრებილი დიპლომატები უკმაყოფილებას ვერ მალავდნენ იმის გამო, რომ პოზიტიური მოლოდინები ასე სწრაფად გაქარწყლდა.„ჩვენ ყველანი ვაკეთებთ ზუსტად იმას, რასაც ამერიკელები ითხოვდნენ და რაც ჩვენივე უსაფრთხოებისთვისაა საჭირო. თუმცა, დილას, რომელიც თავდაცვის ახალ ასიგნებებს მიეძღვნა, ახლა ჩრდილს აყენებს პრეზიდენტის წუწუნი გრენლანდიაზე“, - ციტირებს POLITICO NATO-ს ერთ-ერთ ანონიმურ დიპლომატს.მოკავშირეებისთვის სიურპრიზი აღმოჩნდა ტრამპის ასეთი პოზიცია, რადგან სამიტის წინ მისივე თანაშემწეები აცხადებდნენ, რომ აშშ კონსტრუქციულ ორ დღეს ელოდა. ამასთან დაკავშირებით დემოკრატმა სენატორმა კრის კუნსმა აღნიშნა, რომ პრეზიდენტი ხშირად საკუთარი ადმინისტრაციის საწინააღმდეგო დღის წესრიგს ქმნის.ალიანსის შიგნით არსებობს შეშფოთება, რომ ტრამპის ნეგატიური განწყობა სამიტის მომდევნო დღესაც გაგრძელდება, როდესაც დღის წესრიგში უმნიშვნელოვანესი საკითხები დგას: ევროპიდან ამერიკული ჯარების შესაძლო გაყვანის გეგმები, უკრაინის პრეზიდენტ ვოლოდიმირ ზელენსკისთან შეხვედრა და ტრამპის დასკვნითი პრესკონფერენცია.დანიის პრემიერ-მინისტრმა მეტე ფრედერიკსენმა უკვე გააკეთა საპასუხო განცხადება გრენლანდიის საკითხზე და ხაზგასმით აღნიშნულია, რომ დანიის სამეფოს პოზიცია უცვლელია - ტერიტორიის გადაცემა არ მოხდება, თუმცა კოპენჰაგენი მზადაა აშშ-სთან არქტიკაში თანამშრომლობა გააფართოოს.ანალიტიკოსები და ყოფილი მაღალჩინოსნები აღნიშნავენ, რომ ტრამპის მსგავსი ქცევა უკვე გათვალისწინებულია და მოკავშირეები შეეცდებიან დაძაბულობის არიდებას, რათა პროცესმა მშვიდად ჩაიაროს. ამასთან, ზოგიერთი მონაწილე, მათ შორის ლიეტუვის პარლამენტის წევრი გიედრიმას იეგლინსკასი, ყურადღებას პოზიტიურ მხარეზე ამახვილებს და აღნიშნავს, რომ ტრამპის უბრალო ყოფნაც კი ანკარაში მხარდაჭერის ძლიერი სიგნალია.POLITICO-ს მიერ მოპოვებული ინფორმაციით, სამიტის ერთობლივი დეკლარაციის სამუშაო პროექტი მხოლოდ 6 პუნქტისგან შედგება. დოკუმენტში ტრამპმა და სხვა ლიდერებმა კიდევ ერთხელ დაადასტურეს ერთგულება NATO-ს მე-5 მუხლის (ურთიერთთავდაცვის პაქტის) მიმართ, შეთანხმდნენ, რომ რუსეთი ალიანსისთვის გრძელვადიან საფრთხეს წარმოადგენს და აღნიშნეს, რომ ირანს არასოდეს უნდა მიეცეს ბირთვული იარაღის შექმნის შესაძლებლობა.

1783494984

გამოცემის ინფორმაციით, ხელშეკრულებები მოიცავს საჰაერო თავდაცვის სისტემების, უპილოტო საფრენი აპარატების შესყიდვას, ასევე შეიარაღებისა და სამხედრო ტექნიკის სფეროში ერთობლივ პროექტებს.ნატოს გენერალურმა მდივანმა მარკ რუტემ მანამდე განაცხადა, რომ ალიანსის 20 ქვეყანა Drone Edge-ის ინიციატივაში ჩაერთვება, რომლის ფარგლებში მომდევნო ხუთი წლის განმავლობაში უპილოტო სისტემებისა და მათთან ბრძოლის საშუალებების განვითარებაში 40 მილიარდი დოლარის ინვესტირება იგეგმება.მისივე თქმით, ანკარაში ნატოს სამიტის ფარგლებში ათობით მილიარდი დოლარის ღირებულების თავდაცვითი კონტრაქტები გაფორმდება.ნატოს ორდღიან სამიტში ალიანსის 32 წევრი ქვეყნის ლიდერები მონაწილეობენ. დღეს ორგანიზაციის წევრი სახელმწიფოებისა და მთავრობების მეთაურების პლენარული სხდომა გაიმართება.

1783494325

რეზოლუციის პროექტის თანახმად, ასამბლეა ღრმა შეშფოთებას გამოხატავს საქართველოში 2024 წლის საპარლამენტო არჩევნების ჩატარებასთან დაკავშირებით და ხაზს უსვამს ეუთო/ოდირის ანგარიშებში დაფიქსირებულ მნიშვნელოვან დარღვევებს. დოკუმენტში ასევე საუბარია 2025 წლის ოქტომბრის ადგილობრივი არჩევნების დროს გამოვლენილ ხმებით მანიპულირების, ამომრჩეველთა მოსყიდვის, „კარუსელებისა“ და ოპოზიციონერი დამკვირვებლებისთვის ხელის შეშლის ნიშნებზე.ასამბლეა გმობს ქვეყანაში შემზღუდავი საკანონმდებლო აქტების მიღებას, კერძოდ, „უცხოური გავლენის გამჭვირვალობის შესახებ“ კანონს, „შეკრებებისა და მანიფესტაციების შესახებ“ კანონში შეტანილ ცვლილებებსა და „ადმინისტრაციულ სამართალდარღვევათა კოდექსს“, რომლებიც მკვეთრად ზღუდავს მედიის, გამოხატვისა და შეკრების თავისუფლებებს.დოკუმენტში აღნიშნულია, რომ ადმინისტრაციული რესურსების სისტემატური გამოყენება და ინსტიტუციური ძალაუფლების კონსოლიდაცია არათანაბარ გარემოს ქმნის, არყევს საზოგადოების ნდობას და აჩენს დე ფაქტო ერთპარტიულ მმართველობას.ასამბლეა გმობს პოლიტიკური ოპოზიციის წევრების, მედიის წარმომადგენლებისა და მშვიდობიანი დემონსტრანტების თვითნებურ დაკავებებსა და შევიწროებას და აცხადებს, რომ აღებული ვალდებულებებიდან გადახვევა პირდაპირ საფრთხეს უქმნის საქართველოს ევროატლანტიკურ ინტეგრაციას.არსებული ვითარებიდან გამომდინარე, ეუთოს საპარლამენტო ასამბლეა საქართველოს ხელისუფლებას მოუწოდებს, დაუყოვნებლივ გაათავისუფლოს ყველა ის პოლიტიკური პატიმარი, რომლებიც იდენტიფიცირებულია უფლებადამცველი ჯგუფების მიერ, და გააუქმოს ფუნდამენტური თავისუფლებების შემზღუდავი კანონმდებლობა.ამასთან, მოთხოვნილია ყოვლისმომცველი და გამჭვირვალე გამოძიების დაწყება 2024 და 2025 წლების არჩევნების დროს დაფიქსირებულ დარღვევებზე, სასამართლო სისტემისა და ცესკოს დამოუკიდებლობის აღდგენა ვენეციის კომისიასთან კონსულტაციებით და სამოქალაქო სექტორისთვის უსაფრთხო გარემოს უზრუნველყოფა.ამავდროულად, ასამბლეა მოუწოდებს საერთაშორისო თანამეგობრობას, უარი თქვას საქართველოში ჩატარებული ნებისმიერი იმ არჩევნების შედეგების აღიარებაზე, რომლებიც სანდო საერთაშორისო და ადგილობრივი სადამკვირვებლო მისიების მიერ არ იქნება შეფასებული, როგორც თავისუფალი და სამართლიანი. ეუთოს საპარლამენტო ასამბლეის 33-ე ყოველწლიური სესია ჰააგაში 4 ივლისს დაიწყო და დღეს სრულდება.

1783493890

შეთავაზებით სარგებლობა მარტივია - მომხმარებელმა მომსახურების საფასური ლიბერთის ტერმინალზე, ლიბერთის სოციალური ბარათით უნდა განახორციელოს.ახალი შეთავაზება „ევექსის“ მიერ წარმოდგენილ თანამედროვე ლაბორატორიების ქსელს – „ევექსი ლაბს“ უკავშირდება, რომელიც ლაბორატორიულ სერვისებზე ხელმისაწვდომობის გაზრდას ისახავს მიზნად. ბრენდის კონცეფცია – „უფრო ახლოს“ – ეფუძნება იდეას, რომ ხარისხიანი ლაბორატორიული მომსახურება ადამიანებისთვის იყოს უფრო მარტივი, სწრაფი და კომფორტული.“ევექსი ლაბის” პირველი ხუთი ლაბორატორია უკვე ფუნქციონირებს თბილისის სხვადასხვა უბანში, ხოლო წლის ბოლომდე კომპანია კიდევ 15 ფილიალის გახსნას გეგმავს. განვითარების შემდეგ ეტაპზე კი „ევექსი ლაბის“ ქსელი ეტაპობრივად საქართველოს სხვა რეგიონებსაც მოიცავს.ლიბერთი პარტნიორებთან თანამშრომლობით აგრძელებს ისეთი ინიციატივების განხორციელებას, რომლებიც სოციალური ბარათის მომხმარებლებისთვის ხარისხიან სამედიცინო მომსახურებას კიდევ უფრო ხელმისაწვდომს ხდის.“ევექსი ლაბის“ შესახებ“ევექსი ლაბი” თანამედროვე ლაბორატორიების ქსელს აერთიანებს და მიზნად ისახავს ლაბორატორიულ სერვისებზე ხელმისაწვდომობის გაზრდას, რათა ხარისხიანი სერვისი ადამიანებისთვის უფრო ახლოს, მარტივი, სწრაფი და კომფორტული გახდეს.დეტალური ინფორმაცია: https://evex.ge/ka/evexilabლიბერთი ბანკის შესახებ2026 წლის აპრილში, ლიბერთი ბანკის აქციების 95.99% ბაზისბანკმა შეიძინა.ლიბერთი ბანკი საქართველოში ერთ-ერთი უმსხვილესი ფინანსური ინსტიტუტია და ემსახურება 1.7 მილიონზე მეტ ფიზიკურ პირს და 60,000-ზე მეტ მცირე და საშუალო ბიზნესს.ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 700-მდე ბანკომატით, ყველა რეგიონსა და მუნიციპალიტეტში. დასაქმებულ თანამშრომელთა რაოდენობა 5,600-ს აღემატება. ბანკის აქტივები 5.8 მლრდ ლარს შეადგენს, მთლიანი საკრედიტო პორტფელი 4.2 მლრდ ლარია, ხოლო დეპოზიტების პორტფელი 4.17 მლრდ ლარი.  ბანკის 2025 წლის წმინდა მოგება 128 მილიონი ლარია. (R)

1783491179