ლონდონის ბირჟაზე ქართული კომპანიების აქციები მწვანე ზონაში დაბრუნდა

1 ივნისს ჩათვლით, sCoolApp-ის მომხმარებლები Wendy’s-სა და Subway-ში 50%-იან ქეშბექს მიიღებენ. (თითოეულ ობიექტში დაბრუნებული თანხის მაქსიმალური ოდენობა 20 ლარია).ასევე 1 ივნისს, Miniso-ს 50%-იანი, მთაწმინდა პარკის 30%-იანი (მაქსიმუმ 50 ლარის) და Meama-ს 50%-იანი ქეშბექი დაგხვდებათ (მაქსიმუმ 20 ლარის).ინფორმაციისთვის, შეთავაზებებით სარგებლობისთვის აუცილებელია მათი წინასწარ გააქტიურება sCoolApp-ში.გარდა ამისა, 1 ივნისს მოსწავლეები 30% - იანი ქეშბექს მიიღებენ შემდეგ ობიექტებში: ჯეკი ჩანი მაგნოლია ფილმ ლაბ პენდანტი ფლეიმ ფუდი ჯემინი ბურგერს დუდლს პანუოცო უმაი ექსტრა მითი ფენქეიქი განჯინაში კი 20% ქეშბექით ისარგებლებთ. 30 ივნისის ჩათვლით ჯემინი ბურგერსსა და დუდლსში მომხმარებლები 30%-იანი ქეშბექით ისარგებლებენ, ხოლო 24 ივნისის ჩათვლით არჩევანში 20%-იანი ქეშბექი იმოქმედებს.sCoolApp-ში მოსწავლეებს ასევე დახვდებათ Cellfie-ის, კას ლენდ პარკის, ლატვილის და სხვა ობიექტების შეთავაზებები.გარდა ამისა, 1 ივნისს East Point-ში მოსწავლეებისთვის სპეციალური ღონისძიება გაიმართება.ასე, რომ არ გამოგრჩეთ sCoolApp-ის შეთავაზებები.თუ სკოლის მოსწავლე ხარ - გადმოწერე sCoolApp მარტივად,ხოლო თუ თქვენს შვილს ჯერ კიდევ არ აქვს აპლიკაცია, გაუაქტიურეთ ამ ბმულზე.(R)

1780308314

ინოვაციური ვებპლატფორმა ახალგაზრდებში ფინანსური ცნობიერებისა და პრაქტიკული უნარების განვითარებას ისახავს მიზნად და აერთიანებს ერთი მხრივ, ფეხბურთის სტრატეგიას, დინამიკას და მეორე მხრივ, ფინანსური ცოდნის მიღებასა და მის პრაქტიკაში გამოყენებას.ღონისძიების სტუმრებს სიტყვით მიმართეს საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ და Visa-ს რეგიონულმა მენეჯერმა კავკასიასა და მოლდოვაში დიანა კიღურაძემ.პრეზენტაციას ეროვნული ბანკის, კომერციული, საჯარო და არასაჯარო სფეროს წარმომადგენლები, ასევე „ფინედუს“ კონკურსში გამარჯვებული მასწავლებლები და მოსწავლეები ესწრებოდნენ. ღონისძიების ყველაზე საინტერესო და სახალისო ნაწილი  თამაშის  პრაქტიკაში გამოცდას დაეთმო. მოსწავლეები ფეხბურთის წესებისა და თამაშის  სტრატეგიების გარდა, ერთმანეთს ფინანსური განათლების საკითხების ცოდნაშიც შეეჯიბრნენ.„ტრადიციული სწავლების მეთოდების პარალელურად, თამაშზე დაფუძნებული მიდგომები საშუალებას გვაძლევს, რთული ფინანსური კონცეფციები მარტივად აღსაქმელი გავხადოთ. „ფინანსური ფეხბურთი“ სწორედ ასეთი ინსტრუმენტია - ის აერთიანებს სპორტის დინამიკას და ფინანსური ცოდნის პრაქტიკულ გამოყენებას. ეს არის მაგალითი იმისა, თუ როგორ შეიძლება განათლების მიღების პროცესი უფრო ცოცხალი, საინტერესო და სახალისო გახდეს“, - განაცხადა საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ.საქართველოს ეროვნულ ბანკთან თანამშრომლობით შექმნილი „ფინანსური ფეხბურთი“ Visa-ს საგანმანათლებლო ინიციატივის ნაწილია და მისი მიზანია ახალგაზრდებისთვის ფინანსური საკითხების მარტივი, ინტერაქციული და სახალისო ფორმით მიწოდება. თამაში მონაწილეებს სხვადასხვა ფინანსური სცენარის მართვასა და გადაწყვეტილებების მიღებაში ავითარებს, რაც მათ ყოველდღიურ ცხოვრებაში ფინანსური უნარების გაძლიერებას უწყობს ხელს.

1780307846

გამოფენა ფერეიდნელი ქართველების ისტორიასა და კოლექტიურ მეხსიერებას ეძღვნება – თემს, რომელიც ოთხ საუკუნეზე მეტია საქართველოს ფარგლებს გარეთ, ირანის ისპაანის პროვინციაში აგრძელებს საკუთარი იდენტობის, კულტურისა და ქართული ენის შენარჩუნებას.გამოფენის სახელწოდება ერთი სიმბოლური ისტორიიდან იღებს სათავეს. ფერეიდანში მოგზაურობისას ნათელა გრიგალაშვილმა ადგილობრივისგან მოისმინა მისი დედის სიტყვები: „საით მიფრინავ, ღრუბელო? ვინ იცის, იქნებ საქართველოს მთებს გადაუფრინო?!“ – მონატრებისა და სამშობლოსთან უხილავი კავშირის ეს განცდა გამოფენის მთავარ ემოციურ ხაზად იქცა.პროექტის კონცეპტუალური საფუძველი უკავშირდება ლადო აღნიაშვილის 1894 წლის ჩანაწერებს. აღნიაშვილი პირველი ქართველი იყო, რომელმაც ირანში „დაკარგული“ ქართველების მოსაძებნად იმოგზაურა და მათი ყოფა აღწერა. ნათელა გრიგალაშვილის ფოტოსერია სწორედ ამ ისტორიული მოგზაურობის თანამედროვე ინტერპრეტაციას წარმოადგენს – კულტურული მეხსიერების, იდენტობისა და დროის მიღმა გაგრძელებული კავშირის კვლევას.გამოფენაზე წარმოდგენილი ნამუშევრები ასახავს ფერეიდანს, როგორც უნიკალურ კულტურულ სივრცეს, სადაც ყოველდღიური ცხოვრება სამშობლოს მუდმივ მონატრებასთანაა გადაჯაჭვული. ფოტოსერია ქმნის დიალოგს საუკუნის წინ აღწერილ და დღევანდელ ფერეიდანს შორის, წარსულსა და აწმყოს შორის, რომელიც ერთდროულად ისტორიულიცაა და პირადიც.ოცდაათ წელზე მეტია, ნათელა გრიგალაშვილი დოკუმენტური ფოტოგრაფიის სფეროში მუშაობს. მისი შემოქმედების მთავარი თემებია საქართველოს რეგიონების ყოველდღიური ცხოვრება, იზოლირებული თემების სოციალურ-კულტურული იდენტობა, კოლექტიური მეხსიერება და თანამედროვეობის გავლენა ტრადიციულ გარემოზე. ფოტოგრაფი ცნობილია გრძელვადიანი პროექტებით, რომლებიც ადგილობრივ თემებთან მჭიდრო ურთიერთობისა და ნდობის საფუძველზე იქმნება, რაც მის ნამუშევრებს განსაკუთრებულ სიღრმესა და ინტიმურობას ანიჭებს.კურატორი: მირიამ გრიგალაშვილიგამოფენის გახსნა: 6 ივნისის, 17:00 სთმისამართი: თიბისი კონცეპტის მულტიფუნქციური სივრცის გალერეა, მარჯანიშვილის 7(R)

1780306142

შეთანხმება ეფუძნება ეროვნული ბანკის ფინანსური განათლების ეროვნული სტრატეგიის ძირითად პრინციპებს და ითვალისწინებს ფინანსური განათლების პროექტებისა და აქტივობების განხორციელებას.„ფინანსური განათლების ამაღლება საქართველოს ეროვნული ბანკის ერთ-ერთი მნიშვნელოვანი პრიორიტეტია. კერძო სექტორთან თანამშრომლობა გვაძლევს შესაძლებლობას, ფინანსური განათლების პროგრამები უფრო ფართო აუდიტორიამდე მივიტანოთ და საზოგადოებაში პასუხისმგებლიანი ფინანსური ქცევის კულტურის გაძლიერებას შევუწყოთ ხელი“, - განაცხადა საქართველოს ეროვნული ბანკის პირველმა ვიცე-პრეზიდენტმა, ეკატერინე მიქაბაძემ.„ციფრული ფინანსების სწრაფი განვითარების ფონზე ფინანსური განათლების მნიშვნელობა მომავალი თაობებისათვის სულ უფრო იზრდება. ჩვენთვის საამაყოა სქართველოს ეროვნულ ბანკთან პარტნიორობა. ერთობლივი ძალისხმევით შეგვიძლია ახალგაზრდები მოვამზადოთ გააზრებული ფინანსური გადაწყვეტილებების მისაღებად. „პეივ ბანკი“ კვლავაც აქტიურად გააგრძელებს საქართველოს ფინანსური განათლების მხარდაჭერას“, - აღნიშნა „პეივ ბანკის“ აღმასრულებელმა დირექტორმა და თანადამფუძნებელმა სალიმ დჰანანიმ.

1780306107

ანგარიშის მიხედვით, აპრილში ხელფასის მიმღებთა საერთო რაოდენობამ 1,012,141 პირი შეადგინა, რაც 2.1%-ით აღემატება 2025 წლის აპრილის, ხოლო 0.6%-ით - 2026 წლის მარტის მაჩვენებელს. ბაზარზე კვლავ ფიქსირდება მაღალანაზღაურებადი პოზიციების წილის ზრდა დაბალშემოსავლიანი ჯგუფის შემცირების ხარჯზე.სახელფასო დინამიკა: მაღალი შემოსავლების ზრდა მაღალი ანაზღაურება: 2,400 ლარის ან მეტი თვიური ხელფასის მქონე პირთა წილმა ბაზარზე 36.7% შეადგინა. ეს მაჩვენებელი 3.7 პ.პ.-ით აღემატება გასული წლის აპრილის, ხოლო 1 პ.პ.-ით მიმდინარე წლის მარტის მონაცემებს. უმაღლესი სეგმენტი: 9,600 ლარზე მეტი ხელფასის მიმღებთა წილი 3.4%-მდე გაიზარდა (ზრდა მარტთან შედარებით 0.1 პ.პ., ხოლო წინა წელთან შედარებით 0.3 პ.პ.). დაბალი ანაზღაურება: 600 ლარამდე თვიური ხელფასის მქონე პირთა წილი 11.1%-მდე შემცირდა, რაც 1.5 პ.პ.-ით ნაკლებია 2025 წლის აპრილთან შედარებით. ვაკანსიების კლება jobs.ge-ზემიუხედავად დასაქმებულთა რაოდენობის ზრდისა, აპრილში შრომის ბაზარზე აქტივობის კლება დაფიქსირდა. პლატფორმა jobs.ge-ზე გამოქვეყნებული ვაკანსიების რაოდენობა 6,234-მდე შემცირდა, რაც მარტთან შედარებით 8.1%-იანი, ხოლო წინა წლის აპრილთან შედარებით 5.2%-იანი კლებაა. თვიური დინამიკა: მარტთან შედარებით ვაკანსიების ყველაზე მკვეთრი კლება ლოგისტიკის, ტრანსპორტისა და დისტრიბუციის სექტორში (-12.1%) დაფიქსირდა, ხოლო ყველაზე მცირე შემცირება - IT და პროგრამირების მიმართულებით (-6.4%). წლიური დინამიკა: 2025 წლის აპრილთან შედარებით, ვაკანსიები ყველაზე მეტად შემცირდა IT და პროგრამირების სფეროში (-17.0%). ერთადერთი მთავარი სექტორი, რომელმაც წლიური ზრდა აჩვენა, გაყიდვები და შესყიდვები იყო (+5.7%). სამთვიანი ტრენდი: 2026 წლის თებერვალი-აპრილის პერიოდში სულ გამოქვეყნდა 19,403 ვაკანსია (5.8%-ით მეტი 2025 წლის შესაბამის პერიოდზე). ამ ზრდაში ყველაზე დიდი წვლილი შეიტანა გაყიდვებისა და შესყიდვების სექტორმა (5,017 ვაკანსია, +12.8%). მას მოსდევს ადმინისტრაცია/მენეჯმენტი (4,443 ვაკანსია, +5.6%) და ფინანსები/სტატისტიკა (4,194 ვაკანსია, +11.7%). ბევერიჯის მრუდი: შრომის ბაზრის ეფექტიანობის შესუსტებაPMCG-ის ანალიზი, რომელიც სეზონურად დაკორექტირებულ ბევერიჯის მრუდს (Beveridge Curve) ეყრდნობა, აჩვენებს, რომ 2026 წლის პირველ კვარტალში შრომის ბაზრის ეფექტიანობა შემცირდა 2025 წლის მეოთხე კვარტალთან შედარებით.მრუდის გარეთა მიმართულებით გადაადგილება მიუთითებს, რომ გაუარესდა სამუშაოს მაძიებელთა და არსებული თავისუფალი ვაკანსიების ერთმანეთთან შესაბამისობის (matching) პროცესი. აღნიშნული ტენდენცია განპირობებული იყო უმუშევრობის დონის ზრდით იმ ფონზე, როდესაც ვაკანსიების მაჩვენებელი მეტ-ნაკლებად უცვლელი დარჩა. PMCG აღნიშნავს, რომ მსგავსი დროებითი გაუარესება ბაზარზე 2023 წლის პირველ კვარტალშიც დაფიქსირდა.

1780304879

გემების გაცილების პროცესი იმ ფონზე მიმდინარეობს, როდესაც ირანთან კონფლიქტის დასასრულებლად წარმოებული მოლაპარაკებები ჩიხშია შესული, რის გამოც სტრატეგიულ საწყლოსნო დერეფანში ნაოსნობა კვლავ მაღალი რისკის ქვეშაა.სამხედრო ოფიციალურმა პირმა, რომელმაც ვინაობის გამჟღავნება ოპერატიული უსაფრთხოების მოტივით არ ისურვა, The New York Times-სთან საუბარში აღნიშნა, რომ დაფიქსირებულ შემთხვევებში გემების უმეტესობას გამორთული ჰქონდათ ტრანსპონდერები (ავტომატური საიდენტიფიკაციო სისტემები), რათა თავიდან აეცილებინათ ირანული მხარის მიერ მათი აღმოჩენა.უსაფრთხოების რისკები და ალტერნატიული მარშრუტიპენტაგონი უარს ამბობს დააზუსტოს გემების ტიპები ან ზუსტი მარშრუტები, თუმცა ანალიტიკოსების შეფასებით, აშშ-ის ძალების მიერ კოორდინირებული გზა ომანის სანაპირო ზოლთან უფრო ახლოს გადის. ოფიციალური პირების განცხადებით, ირანის ნებართვის გარეშე მისი სანაპიროს სიახლოვეს გამავალი გემები თითქმის 100%-იანი ალბათობით დგანან ირანული დრონებისა და რაკეტების თავდასხმის საფრთხის წინაშე.„მიუხედავად იმისა, რომ აშშ-ის ძალები სამხედრო ბადრაგირებას (ესკორტს) არ ახორციელებენ, ჩვენ ვაგრძელებთ კომუნიკაციასა და კოორდინაციას იმ კომერციულ გემებთან, რომელთაც სურთ უსაფრთხოდ გაიარონ ჰორმუზის სრუტე“, - ციტირებს გამოცემა ცენტრალური სარდლობის პრესსპიკერის კაპიტან ტიმ ჰოკინსის განცხადებას.მედიის ცნობით, მიუხედავად იმისა, რომ სამხედრო დახმარების შესახებ საზღვაო წრეებში ცნობილია, ვაშინგტონი ამას საჯაროდ ფართოდ არ აფიშირებს, რათა თავად ეს გემები არ გახდნენ ირანის სამიზნე ამერიკულ ძალებთან თანამშრომლობის გამო.ეკონომიკური გავლენა და გლობალური ენერგობაზარიირანთან მიმდინარე კონფლიქტმა გლობალურ ბაზრებზე ენერგორესურსების მიწოდების მკვეთრი შემცირება გამოიწვია. ომამდე ჰორმუზის სრუტის გავლით მსოფლიო ნავთობის 20% და ბუნებრივი აირის მნიშვნელოვანი წილი გადაიზიდებოდა. მიმდინარე წლის თებერვალში ირანზე აშშ-ის და ისრაელის იერიშებამდე, სრუტეს დღეში 100-ზე მეტი გემი კვეთდა, შესაბამისად, დღეში საშუალოდ 3 გემის გაცილება ნაოსნობის სრულ აღდგენას ვერ უზრუნველყოფს.თუმცა, ანალიტიკოსების შეფასებით, აშშ-ის მიერ შეთავაზებული ალტერნატივა მნიშვნელოვანი შეღავათია იმ გემთმფლობელებისთვის, რომელთა ეკიპაჟებიც კვირების განმავლობაში იყვნენ გაჭედილი სპარსეთის ყურეში, და რომელთაც არ სურთ ირანისთვის ბაჟის გადახდა ან მისგან ნებართვის მიღება.გასულ კვირას გავრცელებული ინფორმაციით, აშშ და ირანი ახლოს იყვნენ შეთანხმებასთან, რომელიც სრუტის გახსნას ითვალისწინებდა, თუმცა ოფიციალური პირების განცხადებით, პრეზიდენტმა დონალდ ტრამპმა ჩარჩო ხელშეკრულების პირობები გაამკაცრა.მაისის დასაწყისში ტრამპმა გამოაცხადა ფართომასშტაბიანი სამხედრო მისია „პროექტი თავისუფლება“, რომელიც მალევე შეწყდა - ნაწილობრივ საუდის არაბეთის მხრიდან წამოსული წინააღმდეგობის გამო.ამავდროულად, აპრილის შუა რიცხვებიდან აშშ ომანის ყურეში ახორციელებს ბლოკადას იმ გემების წინააღმდეგ, რომლებიც ირანის პორტებს სტუმრობდნენ. CENTCOM-ის მონაცემებით, მიმართულება უკვე შეეცვალა 116 გემს, რამაც თითქმის სრულად პარალიზება გაუკეთა ირანის ნავთობის ექსპორტს.მიუხედავად ამისა, თეირანი რეგიონში დიდ გავლენას ინარჩუნებს. საზღვაო მონაცემების კომპანია Kpler-ის სტატისტიკით, 1 მარტიდან 19 მაისამდე დაფიქსირებული 895 გადაკვეთიდან ნახევარზე მეტი კვლავ ირანის მარშრუტით განხორციელდა, რაც იმაზე მიანიშნებს, რომ ბევრი გემთმფლობელი ნაოსნობას უშუალოდ თეირანთან ათანხმებს.

1780297855

ვიდეო პოდკასტის კონცეფცია ავტორის პირადი ცნობისმოყვარეობიდან იღებს სათავეს, სწრაფი პასუხების მიღმა არსებული კითხვებისა და კონტექსტის კვლევიდან. პროექტი ეხება თემებს, რომლებიც საჯარო დისკუსიებში ხშირად ზედმეტად მარტივდება, მაშინ როცა რეალურად სიღრმისეულ ანალიზსა და ნიუანსურ მიდგომას მოითხოვს. მისი მთავარი მიზანია აჩვენოს, რას ამბობს თანამედროვე მეცნიერება, როგორ ყალიბდება დასკვნები და რატომ არის ჭეშმარიტება იშვიათად შავ-თეთრი.„არის ერთი ნიუანსის“ YouTube პოდკასტის ახალი სეზონის პირველ ეპიზოდში განვიხილავთ რა გავლენა აქვს სოციალური ქსელების ხშირ მოხმარებას მოზარდებზე და ბავშვებზე. ნიკო ნერგაძე საუბრობს ყველა მშობლისთვის მნიშვნელოვან საკითხზე - უნდა შევუზღუდოთ თუ არა პატარა თაობას სოც. მედიაზე წვდომა. ამ და დღეისთვის სხვა აქტუალურ თემების განხილვას უყურეთ თიბისის Youtube-ზე, ასევე მოუსმინეთ Spotify-ზე და SoundCloud-ზე.თიბისისთვის მნიშვნელოვანია ისეთი საგანმანათლებლო პლატფორმების მხარდაჭერა, რომლებიც საზოგადოების ინტერესს, კრიტიკულ აზროვნებასა და კვლევით კულტურას აძლიერებს.(R)

1780296367

მთავრობის პრეს–სამსახურის ცნობით, შეხვედრაზე ხაზი გაესვა ქვეყნებს შორის არსებული სტრატეგიული პარტნიორობის მაღალ დონეს და თავდაცვის სფეროში თანამშრომლობას.ყურადღება გამახვილდა რეგიონში მშვიდობისა და სტაბილურობის მნიშვნელობაზე.შეხვედრას საქართველოს ვიცე-პრემიერი, თავდაცვის მინისტრი ირაკლი ჩიქოვანი დაესწრო.

1780294485