მ/ო სექტორი 3 700 კადრს ასაქმებს - რეიტინგი

Businesscourse.ge-ზე კურსები ხელმისაწვდომია ნებისმიერ დროს და ნებისმიერი ადგილიდან, რაც მომხმარებლებს საშუალებას აძლევს, ისწავლონ მათთვის სასურველ ტემპში.პლატფორმა ამ ეტაპზე 70-მდე კურსს აერთიანებს და მოიცავს ბიზნესსაქმიანობის თითქმის ყველა მნიშვნელოვან მიმართულებას — ბიზნესგეგმის შედგენას, გაყიდვებს, მარკეტინგს, ბუღალტერიას, ადამიანური რესურსების მართვასა თუ ფინანსურ ანალიზს.Businesscourse.ge-ზე ხელმისაწვდომია ახალი კურსებიც, რომლებიც თანამედროვე ბიზნესის საჭიროებებზეა მორგებული, მათ შორის — „მონაცემებზე დაფუძნებული გადაწყვეტილებები“, „მზის ენერგიის გამოყენება“, „პროდუქტის განვითარება“ და „ბიზნეს პროფაილინგი“.პლატფორმის ერთ-ერთი მნიშვნელოვანი უპირატესობაა ის, რომ ტრენინგებსა და მასტერკლასებს სფეროს წამყვანი ადგილობრივი ექსპერტები უძღვებიან.„ჩვენი მიზანია, მცირე და საშუალო ბიზნესის წარმომადგენლებს, თუ ბიზნესის დაწყებით დაინტერესებულ ნებისმიერ ადამიანს შევთავაზოთ მათ საჭიროებებზე მორგებული, ქართულ ენაზე ხელმისაწვდომი საგანმანათლებლო რესურსი. სწორედ ამიტომ ვავითარებთ პლატფორმას, სადაც სხვადასხვა სფეროს ექსპერტები ამუშავებენ პრაქტიკულ კურიკულუმებს და მომხმარებლებს შესაძლებლობას აძლევენ, მიიღონ ცოდნა მათთვის მოსახერხებელ დროსა და ფორმატში“, — აღნიშნავენ საქართველოს ბანკში.გასულ წელს პლატფორმაზე 100,000-ზე მეტი დარეგისტრირდა.Businesscourse.ge საქართველოს ბანკის Business 360° ეკოსისტემის ნაწილია, რომელიც აერთიანებს საგანმანათლებლო პროექტებს, ვორკშოპებსა და პრაქტიკულ რესურსებს ბიზნესის განვითარების ყველა ეტაპისთვის და მიზნად ისახავს ქვეყანაში მეწარმეობის გაძლიერებას.

1777908505

ვორკშოპს მარიამ ახვლედიანი, QuickShipper-ის თანადამფუძნებელი და აღმასრულებელი დირექტორი და თათია ნარჩემაშვილი, ecommerce360-ის აღმასრულებელი დირექტორი გაუძღვებიან.ღონისძიების ფარგლებში მონაწილეები გაეცნობიან, თუ როგორ იქცა ელექტრონული კომერცია თანამედროვე ბიზნესის განუყოფელ ნაწილად და რატომ გადადის გაყიდვების მნიშვნელოვანი ნაწილი ონლაინ სივრცეში. განსაკუთრებული ყურადღება დაეთმობა მომხმარებლის ქცევის ანალიზს და მონაცემებზე დაფუძნებულ გადაწყვეტილებებს, რომლებიც პირდაპირ გავლენას ახდენს გაყიდვების ზრდაზე.ვორკშოპი ასევე შეეხება მომხმარებლის გამოცდილების მნიშვნელობას - როგორ განაპირობებს ნდობა და გამარტივებული პროცესები მომხმარებლის გადაწყვეტილებას და რა როლი აქვს მიწოდების სერვისს მომხმარებლის ლოიალობის ჩამოყალიბებაში. გარდა ამისა, შეხვედრაზე განიხილება ბრენდირებული კომუნიკაციის მნიშვნელობა და მიდგომები, რომლებიც კომპანიებს გრძელვადიანი ურთიერთობების ჩამოყალიბებაში ეხმარება.ღონისძიების დეტალები: თარიღი: 6 მაისი დრო: 17:00 საათი ხანგრძლივობა: 2 საათი ლოკაცია: საქართველოს ბანკის 4B სივრცე, ალექსანდრე ყაზბეგის N15 ვორკშოპი წარმოადგენს ბიზნეს 360˚-ის პლატფორმის ნაწილს - ერთიან ეკოსისტემას, რომელიც აერთიანებს საგანმანათლებლო პროექტებს, ვორკშოპებსა და პრაქტიკულ რესურსებს ბიზნესის განვითარების ყველა ეტაპისთვის.(R)

1777900208

აზიის განვითარების ბანკის წლიური შეხვედრის ფარგლებში, ფინანსთა მინისტრმა შეხვედრები გამართა ბანკის პრეზიდენტთან და ხელმძღვანელ პირებთან. მხარეებმა განიხილეს საქართველოში არსებული ეკონომიკური მდგომარეობა, მაღალი ეკონომიკური ზრდის შედეგები და ბანკის მიერ ქვეყანაში მიმდინარე პროექტები.ლაშა ხუციშვილმა ხაზი გაუსვა ADB-ის, როგორც ერთ-ერთი წამყვანი დონორი საფინანსო ინსტიტუტის როლს: ინვესტიციების ჯამური მოცულობა: ბანკს საქართველოში 6 მილიარდ დოლარამდე ინვესტიცია აქვს განხორციელებული. მიმდინარე პორტფელი: არსებული პროექტების ღირებულება 2 მილიარდ დოლარს აჭარბებს. „შუა დერეფანი“: ბანკის პრეზიდენტმა ხაზი გაუსვა საქართველოს ცენტრალურ როლს შუა დერეფნის განვითარების პროცესში. შეხვედრაზე ADB-მა კიდევ ერთხელ დაადასტურა მზაობა, გააგრძელოს ინვესტიციების მხარდაჭერა ინფრასტრუქტურის მიმართულებით, რათა კიდევ უფრო გამოიკვეთოს საქართველოს სტრატეგიული ფუნქცია რეგიონში.

1777899002

ამ ფონზე ელექტრომობილის საშუალო ფასი შემცირდა. 2025 წელს ის 15500 დოლარი იყო, 2024 წელს კი 17500 დოლარი. 12%-იანი სხვაობა გლობალური ბაზრის ცვლილებას ასახავს: მეორადი ელექტრომობილების ფასები მთელ მსოფლიოში ეცემა. ეს ტენდენცია საქართველოს ბაზარზეც ჩანს.იმპორტის სტრუქტურა ამ საქმეში ამერიკის შეერთებული შტატების მკაფიო უპირატესობას გვიჩვენებს, რაც მთლიანი იმპორტის 70%-ზე მეტია. ამ სხვაობაში მეორადი ავტომობილების მაღალი წილი თამაშობს მთავარ როლს – ამერიკული აუქციონის ბაზარი ამ კატეგორიით გამოირჩევა.ჩინეთი მეორე ადგილზეა. აქედან იმპორტირებული ელექტრომობილები ძირითადად ახალია, ამიტომ ფასი ამერიკულ ბაზართან შედარებით მაღალია.საუკეთესო მანქანები იაპონიიდან, ფასის თვალსაზრისით, ყველაზე ხელმისაწვდომ ვარიანტს ქმნის. მათი ღირებულება, სხვა ქვეყნის ავტომობილებთან შედარებით, ყველაზე დაბალ მაჩვენებელზეა, რასაც მეორადი ავტომობილების სიჭარბე განმარტავს.2025 წლის 11 თვეში საქართველოდან რეექსპორტზე 1399 ელექტრომობილი გავიდა, მათი ჯამური ღირებულება კი 33.7 მილიონი დოლარია. ეს 58%-ით მეტია წინა წლის ანალოგიურ პერიოდთან შედარებით.ძირითადი მიმართულებებია ყაზახეთი (438 ავტომობილი, 10 მილიონი დოლარი), ყირგიზეთი (366 ავტომობილი, 10.4 მილიონი დოლარი) და სომხეთი (244 ავტომობილი, 7 მილიონი დოლარი).ამ ბაზრის ცვლილებების ფონზე “ქარმარკი”, საუკეთესო ავტო იმპორტიორი კომპანია თბილისში, 2005 წლიდან ოპერირებს. ამ პერიოდში კომპანიამ ამერიკიდან, იაპონიიდან, გერმანიიდან და ჩინეთიდან 20 000-ზე მეტი ავტომობილი ჩამოიყვანა.მომხმარებელი ყველა ნაბიჯს – ავტომობილის ისტორიის გადამოწმებიდან განბაჟებამდე, სწორედ “ქარმარკთან” ერთად გადის.ელექტრო მანქანების ჩამოყვანა Carmark-ის მიმართულებებს შორის ბოლო პერიოდში ყველაზე მზარდია. სტატისტიკა ამ ტენდენციას ადასტურებს. კომპანია ამ სეგმენტის მომხმარებელს ეხმარება იმის გარკვევაში, თუ რომელი ბაზარია ოპტიმალური კონკრეტული ბიუჯეტისა და მოთხოვნისთვის, როგორ გამოიყურება ტრანსპორტირებისა და განბაჟების საბოლოო ხარჯი, რა განსხვავებაა ახალ და მეორად მოდელებს შორის და .შ.კომპანიას ფილიალები საქართველოს გარდა სომხეთში, აზერბაიჯანსა და უკრაინაში აქვს, რაც “ქარმარკის” გამოცდილებასა და მის მიმართ მომხმარებლის ნდობას უსვამს ხაზს. 

1777896124

ინიციატივის ფარგლებში კი საქართველოს ბანკის თანამშრომლები 150-ზე მეტ სკოლას სტუმრობენ და V–XII კლასის მოსწავლეებისთვის ფინანსური განათლების საკითხებზე სახალისო და ინტერაქციულ გაკვეთილებს ატარებენ.პროექტის მიზანია, დაეხმაროს ახალგაზრდებს, მიიღონ ეფექტური ფინანსური გადაწყვეტილებები, დასვან სწორი კითხვები და გამოიმუშაონ გონივრული ფინანსური ჩვევები.ერთ-ერთი ასეთი შეხვედრა ზუგდიდის №2 საჯარო სკოლაში გაიმართა, რომელსაც საქართველოს ბანკის თანამშრომლები ესტუმრნენ და მე-10 კლასის მოსწავლეებთან ბიუჯეტირებაზე, დაზოგვასა და ინვესტირებაზე ისაუბრეს.„მჯერა, რომ ფინანსური წიგნიერება თანამედროვე სამყაროში ერთ-ერთი ფუნდამენტური უნარია, რომელიც ადრეული ასაკიდან უნდა ვითარდებოდეს. სწორედ ამიტომ გადავწყვიტე პროექტში ჩართვა - მინდოდა, ჩემი ცოდნა და გამოცდილება მოსწავლეებისთვის მარტივ და გასაგებ ენაზე გამეზიარებინა. განსაკუთრებით დასამახსოვრებელი იყო მათი მაღალი ინტერესი და ჩართულობა - ისინი სვამდნენ პრაქტიკულ კითხვებს დაზოგვაზე, ინფლაციასა და ფინანსურ დამოუკიდებლობაზე. ვფიქრობ, ეს ცოდნა მათ დაეხმარება, მომავალში უფრო გააზრებული გადაწყვეტილებები მიიღონ და ფინანსური მედეგობა ჩამოაყალიბონ”, - აღნიშნავს შორენა ვახანია, სერვის ცენტრის მმართველის მოადგილე.შეხვედრა ინტერაქციულ ფორმატში წარიმართა, მოსწავლეები აქტიურად ერთვებოდნენ პროცესში, სვამდნენ კითხვებს და ინტერესს იჩენდნენ ფინანსური თემების მიმართ. შორენას შეფასებით, მიღებული ცოდნა მათ მომავალში დაეხმარება უფრო გააზრებული ფინანსური გადაწყვეტილებების მიღებაში და დამოუკიდებლობისკენ ნაბიჯების გადადგმაში.ინიციატივა ფულის გლობალური კვირეულის ნაწილია, რომელიც სებ-ის ინიცირებული პროგრამის „მოიწვიე ფინედუ კლასში“ ფარგლებში ხორციელდება.(R)

1777895922

აღნიშნული დაჯილდოებაზე Global Finance ავლენს ორგანიზაციებს, რომლებიც ფინანსურ სექტორში ქმნიან ახალ სტანდარტებს, ავითარებენ ინოვაციურ ინსტრუმენტებს და ტექნოლოგიების საშუალებით სამომხმარებლო გამოცდილებასა და ბიზნესპროცესებს აუმჯობესებენ.საქართველოს ბანკის ინიციატივა კი წარმოადგენს ორგანიზაციის მასშტაბით დანერგილი გენერაციული ხელოვნური ინტელექტის ეკოსისტემას, რომელიც სხვადასხვა მიმართულებით გამოიყენება — ოპერაციული ეფექტიანობის გასაზრდელად, პროცესების გასამარტივებლად, თანამშრომლების შესაძლებლობების გასაძლიერებლად და მომხმარებლისთვის უფრო სწრაფი, პერსონალიზებული სერვისების შესაქმნელად.“გვიხარია, რომ საქართველოს ბანკმა ხელოვნური ინტელექტის მიმართულებით კიდევ ერთი მნიშვნელოვანი საერთაშორისო აღიარება მოიპოვა. ჩვენთვის ინოვაცია მხოლოდ ახალი ტექნოლოგიის დანერგვა არ არის — ეს არის რეალური ღირებულების შექმნა მომხმარებლებისთვის, თანამშრომლებისთვის და ბიზნესისთვის. ჩვენი გუნდი ამ მიღწევაზე არ ჩერდება და განვაგრძობთ უახლესი ტექნოლოგიური ინიციატივების განხორციელებას“, - განაცხადა საქართველოს ბანკის მონაცემთა ანალიტიკის დეპარტამენტის ხელმძღვანელმა, მიხეილ ნადარეიშვილმა.Global Finance უკვე მეცამეტედ ატარებს Innovators Awards დაჯილდოების პროგრამას. გამარჯვებულები Global Finance-ის სარედაქციო საბჭომ, დარგის ექსპერტ ჟურნალისტებთან თანამშრომლობით შეარჩია.აღსანიშნავია, რომ საქართველოს ბანკი ამავე დაჯილდოებაზე მსოფლიოში საუკეთესო ფინანსური ინოვაციების ლაბებს შორის დასახელდა.(R)

1777892442

კერძოდ, Lion Finance Group-ის (BGEO LN) აქციები დაიხურა 108.50 ბრიტანულ ფუნტ სტერლინგში (GBP), -1.72% წინა კვირასთან შედარებით და +11.86% გასულ თვესთან შედარებით. ვაჭრობის მოცულობამ 169 ათას აქციაზე მეტი შეადგინა, GBP 104.90 - 111.40 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 61 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 47.66 ბრიტანულ ფუნტ სტერლინგში (GBP), -2.14% წინა კვირასთან შედარებით და +10.45% გასულ თვესთან შედარებით. ვაჭრობის მოცულობამ 142 ათას აქციაზე მეტი შეადგინა, GBP 46.70 - 49.80 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 52 ათასი აქცია შეადგინა.Georgia Capital-ის (CGEO LN) აქციები დაიხურა 38.75 ბრიტანულ ფუნტ სტერლინგში (GBP), -4.67% წინა კვირასთან შედარებით და +1.57% გასულ თვესთან შედარებით. ვაჭრობის მოცულობამ 188 ათას აქციაზე მეტი შეადგინა, GBP 38.15 - 41.05 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 58 ათასი აქცია შეადგინა.

1777886687

ამის შესახებ POLITICO-ს სამმა ევროპელმა პოლიტიკოსმა განუცხადა, რომლებიც უშუალოდ ფლობენ ინფორმაციას მიმდინარე დისკუსიების შესახებ. მიუხედავად იმისა, რომ რუსეთის ომმა უკრაინაში აჩვენა მოსკოვის ძალის ლიმიტები, რუსეთის პრეზიდენტი დიდი ხანია მიანიშნებს ახალი ტერიტორიების მიტაცების სურვილზე.„რაღაც შეიძლება ძალიან მალე მოხდეს - ახლა რუსეთის შესაძლებლობების ფანჯარაა“, - განაცხადა მიკა აალტოლამ, ფინელმა მემარჯვენე-ცენტრისტმა ევროპარლამენტარმა და საგარეო საქმეთა კომიტეტის წევრმა. „აშშ გადის ევროპიდან, ტრანსატლანტიკური ურთიერთობები დანგრეულია, ხოლო ევროკავშირი ჯერ კიდევ არ არის სრულად მზად პასუხისმგებლობის საკუთარ თავზე ასაღებად“.მიუხედავად იმისა, რომ თავდაცვის ოფიციალური პირები და პოლიტიკის შემქმნელები არ გამორიცხავენ პუტინის მიერ NATO-ს წევრ ქვეყანაში სახმელეთო შეტევის დაწყებას, ისინი ამას ნაკლებად სავარაუდოდ მიიჩნევენ იმის გათვალისწინებით, თუ რამდენად გამოფიტულია რუსეთი უკრაინასთან ომში. ამას ადასტურებს NATO-ს ერთი უფროსი დიპლომატი და ევროპის თავდაცვის სამი მაღალჩინოსანი, რომლებმაც ანონიმურობის პირობით ისაუბრეს.ამის ნაცვლად, გაცილებით სავარაუდოა, რომ მან განახორციელოს რაღაც უფრო მიზანმიმართული ან ისეთი შეჭრა, რომელიც გაურკვევლობას შექმნის და NATO-ში განხეთქილებას დათესავს იმის თაობაზე, აღწევს თუ არა ეს ქმედება მე-5 მუხლის (კოლექტიური თავდაცვის შესახებ) ამოქმედების ზღვარს, ამბობს აალტოლა.მე-5 მუხლი აცხადებს, რომ მოკავშირეებმა ერთ მათგანზე შეიარაღებული თავდასხმა უნდა განიხილონ, როგორც „თავდასხმა ყველაზე“, თუმცა ტრამპმა NATO-ს „ქაღალდის ვეფხვი“ უწოდა. ის თანამდებობას 2029 წლის იანვარში დატოვებს. პუტინმა შესაძლოა „ჰორიზონტალური ესკალაცია მოახდინოს სხვა მეზობლის წინააღმდეგ, რათა თავი აარიდოს უკრაინასთან დამამცირებელ მოლაპარაკებებს“, - განუცხადა POLITICO-ს ლიეტუვის ყოფილმა საგარეო საქმეთა მინისტრმა გაბრიელიუს ლანდსბერგისმა, რომელიც ასევე აფრთხილებს დასავლეთს პუტინის „შესაძლებლობების ფანჯრის“ შესახებ.მიუხედავად იმისა, რომ 2022 წელს უკრაინაში რუსეთის სრულმასშტაბიანი შეჭრის შემდეგ ევროპის თავდაცვის ხარჯები მკვეთრად გაიზარდა, ევროკავშირის თავდაცვის მზადყოფნის „საგზაო რუკის“ მიხედვით, ამის სრული ეფექტის მიღწევას წლები დასჭირდება. ბლოკს სურს, რომ 2030 წლისთვის მზად იყოს „თავისი მოწინააღმდეგეების სარწმუნო შეკავებისა და ნებისმიერ აგრესიაზე რეაგირებისთვის“.„ეს შეიძლება იყოს მცირე ფსიქოლოგიური რამ, რაც შეგვაშინებს, თუ პუტინი იგრძნობს, რომ ამგვარი ესკალაცია დაგვასუსტებს, დაგვაფრთხობს და უკრაინის მხარდაჭერას შეგვიმცირებს“, - თქვა ვილე ნიინისტომ, ევროპარლამენტის ევროკავშირი-რუსეთის საპარლამენტო თანამშრომლობის კომიტეტის დელეგაციის ხელმძღვანელმა და ფინეთის ყოფილმა მინისტრმა (ფინეთს რუსეთთან 1,340-კილომეტრიანი საზღვარი აქვს). „რუსეთი არ არის ყოვლისშემძლე, მაგრამ სასოწარკვეთა ასევე სახიფათოა“.რას გააკეთებს ტრამპი შემდეგ?პოლონეთის პრემიერ-მინისტრმა დონალდ ტუსკმა შაბათს განაცხადა, რომ „ტრანსატლანტიკური თანამეგობრობისთვის ყველაზე დიდი საფრთხე ჩვენი ალიანსის მიმდინარე დაშლაა“.POLITICO იტყობინება, თუ პუტინი აკვირდება ტრამპის ერთგულებას NATO-ს მიმართ, მაშინ მისი შიდა პოლიტიკური გამოწვევებიც ფაქტორი იქნება. თუ რესპუბლიკელებს ნოემბრის შუალედურ არჩევნებში ცუდი შედეგები ექნებათ, ტრამპმა შესაძლოა სცადოს თავისი ამომრჩევლის დაბრუნება NATO-სა და ევროპაზე (თავის მთავარ სამიზნეებზე) უფრო ძლიერი ზეწოლით და უკრაინის მხარდაჭერიდან კიდევ უფრო მეტად დისტანცირებით 2028 წლის საპრეზიდენტო არჩევნების წინ, ამბობს ევროპის თავდაცვის ერთ-ერთი მაღალჩინოსანი.პარასკევს აშშ-მა გამოაცხადა, რომ გერმანიიდან 5 000 სამხედროს გაიყვანს. ტრამპი მსგავსი ნაბიჯით დაემუქრა იტალიასა და ესპანეთსაც.„შიდა პოლიტიკური კლიმატის გამო, არსებობს NATO-ს მიმართ აშშ-ის პოზიციის კიდევ უფრო გაუარესების რისკი“, - განაცხადა მაღალჩინოსანმა. ამ საფრთხის თავიდან ასაცილებლად, ევროკავშირმა „დიდი და ერთობლივი ინვესტიციები“ უნდა განახორციელოს, რათა მზად იყოს თავის დასაცავად.მიუხედავად იმისა, რომ რუსეთი დასუსტებულია - უკრაინა არღვევს მის თავდაცვას, არტყამს მის ტერიტორიებს სიღრმეში, სამხედრო მსხვერპლი იზრდება და კიევი ტერიტორიებს იბრუნებს - ეს პუტინს ამ მომენტში ევროპისთვის კიდევ უფრო სახიფათოს ხდის, ამბობს აალტოლა. „კონფლიქტის სხვა თეატრებზე გადატანამ რუსეთს შესაძლოა სათამაშო კარტი მისცეს... ომი მათ რესურსებს ფიტავს, ამიტომ ისინი გამოსავალს ეძებენ“, - ამბობს ის. ეს გამოსავალი კი „არა სამშვიდობო მოლაპარაკებები, არამედ კონფლიქტის გაფართოებაა“.აალტოლას თქმით, პუტინს ბევრი „რბილი სამიზნე“ აქვს ასარჩევად და თავდასხმამ შესაძლოა „მრავალი სხვადასხვა ფორმა მიიღოს“. ნაკლებად სავარაუდოა, რომ კრემლმა ისეთი აშკარა რამ გააკეთოს, როგორიცაა შეჭრა იქ, სადაც ნატო ძლიერია (მაგალითად, პოლონეთის საზღვარზე). „ეს შეიძლება იყოს დრონების ოპერაცია, ოპერაცია ბალტიის ზღვაზე... ეს შეიძლება იყოს რაღაც არქტიკაში, პატარა კუნძულების წინააღმდეგ. მათ ჰყავთ „ჩრდილოვანი ფლოტი“, რომელიც უკვე ნაწილობრივ მილიტარიზებულია“, - ამბობს აალტოლა. „დრონებით თავდასხმას არ სჭირდება ჯარები და საზღვრის გადაკვეთა“.ამგვარი ოპერაციით პუტინი შეეცდება ზეწოლა მოახდინოს უკრაინის ევროპელ მოკავშირეებზე და ამავდროულად თავი აარიდოს აშშ-ის მხრიდან პოტენციურ რეაგირებას.„თუ საზღვარზე თავდასხმა არ მოხდება, აშშ-მა შესაძლოა თქვას, რომ ეს სტრატეგიულად არც ისე მნიშვნელოვანია. მათი რესურსები ირანთან ომშია გადანაწილებული, ამიტომ შესაძლოა მათ ევროპას რუსეთთან მოლაპარაკებები ურჩიონ. რუსეთი სწორედ ამის მიღწევას შეეცდება“.POLITICO წერს, ევროპა არ არის ერთსულოვანი რუსული საფრთხის სიმწვავის შეფასებაში. არსებობს გარკვეული დაძაბულობა ისეთი ქვეყნების პოლიტიკოსებს შორის, როგორიცაა ფინეთი და ლიეტუვა, რომლებიც განგაშს ტეხენ და ამბობენ, რომ ირანის ომის გამო აშშ-ის იარაღის მიწოდების შეფერხების ფონზე ევროპამ სასწრაფოდ უნდა გააძლიეროს თავდაცვა, და ესტონეთსა თუ თავად NATO-ს უფრო ფრთხილ მიდგომას შორის. ოფიციალური პირები იქ ამბობენ, რომ ნებისმიერი ალარმიზმი (განგაში) პუტინის ინტერესებში შედის. თუმცა, საფრთხის დაკნინება ევროპას უსაფრთხოების ცრუ განცდაში ამყოფებს, ამბობს აალტოლა. ეს კი „ყველაზე ცუდი რამაა, რაც შეიძლება დემოკრატიულ ქვეყნებში მოხდეს. ჩვენ გვჭირდება რესურსების გამოყოფა, ხოლო თუ უსაფრთხოების ცრუ განცდა იქნება, მაშინ რესურსები თავდაცვაზე აღარ მიიმართება“.უკრაინის პრეზიდენტმა ვოლოდიმირ ზელენსკიმ ტელეინტერვიუში მიანიშნა, რომ რუსეთი შესაძლოა ემზადებოდეს ნაბიჯის გადასადგმელად, „მაგალითად, ბალტიისპირეთის ერთ-ერთი ქვეყნის წინააღმდეგ“. კიევის მაღალჩინოსნები ამბობენ, რომ ეს ქვეყნები სამიზნეები არიან უკრაინის მხარდაჭერის გამო.„რუსები აგზავნიან სიგნალს“, - რადგან მათ ბალტიისპირეთის ქვეყნები დაადანაშაულეს იმაში, რომ უკრაინულ დრონებს საკუთარი საჰაერო სივრცის გამოყენების უფლებას აძლევენ, განუცხადა ჟურნალისტებს უკრაინის საგარეო საქმეთა მინისტრმა ანდრიი სიბიჰამ.ბალტიისპირელი პოლიტიკოსები ცდილობენ ამ საფრთხის დაკნინებას. NATO-ს ოფიციალური პირებიც სკეპტიკურად არიან განწყობილნი.„რუსეთი ძალიან დაკავებულია უკრაინაში“, - განუცხადა POLITICO-ს ესტონეთის პრეზიდენტმა ალარ კარისმა. „არ მგონია, მას ჰქონდეს საკმარისი რესურსი, რომ ბალტიისპირეთთანაც სცადოს ომის გაჩაღება“.ამ არგუმენტს იზიარებენ ნატოს მაღალჩინოსანი დიპლომატი და ევროპის თავდაცვის სამი მაღალჩინოსანი. „მიმაჩნია, რომ ეს ძალიან ნაკლებად სავარაუდოა“, - თქვა NATO-ს დიპლომატმა. პუტინის „თვითმკვლელობის ტენდენციას აქვს თავისი საზღვრები - განსაკუთრებით მაშინ, როცა არ არსებობს აშკარა და მყისიერი სარგებელი“.„ნათელია, რომ რუსეთი საკუთარ თავს დასავლეთთან გრძელვადიან დაპირისპირებაში ხედავს“, - თქვა ევროპის თავდაცვის მეორე მაღალჩინოსანმა. – „თუმცა, ჩვენ ვინარჩუნებთ შეფასებას, რომ უკრაინაში რუსეთის ჩართულობის გამო, NATO-სთვის მოკლევადიანი სამხედრო საფრთხე არ არსებობს. ეს არ ნიშნავს, რომ სიფხიზლე უნდა მოვადუნოთ, რადგან რუსეთმა შესაძლოა არასწორად შეაფასოს ჩვენი ერთიანობა და სიმტკიცე“.„ომი ორ ფრონტზე“ პუტინისთვის „ძალიან, ძალიან სარისკო სტრატეგიაა“, - დასძინა მესამე მაღალჩინოსანმა, განსაკუთრებით მაშინ, როდესაც ევროპა „ძლიერად პროგრესირებს“ საკუთარი თავდაცვის მშენებლობაში.თუმცა, როგორც კარისმა აღიარა, ევროპა ვერაფერს გამორიცხავს.„არასოდეს იცი. არავინ ელოდა ომს უკრაინაში“, - თქვა ესტონეთის პრეზიდენტმა. „ჩვენ ფხიზლად ვართ. ჩვენ მზად ვართ. თვალებს გახელილს ვტოვებთ“.

1777886051