ნათია თურნავა აშშ-ში სსფ-სა და მსოფლიო ბანკის საგაზაფხულო შეხვედრებში მიიღებს მონაწილეობას

"ეს მნიშვნელოვანი ეტაპია როგორც „სტარბაქსის" გლობალური ქსელის გაფართოების, ასევე Alshaya Group-ის ევრაზიის რეგიონში ოპერირების გაძლიერების თვალსაზრისით. პროექტი ხელს შეუწყობს ადგილობრივი დასაქმების ზრდასა და ქვეყნის ეკონომიკურ და სოციალურ განვითარებას", - წერია სააგენტოს მიერ გავრცელებულ პრესრელიზში.აღსანიშნავია, რომ "სტარბაქსის" შემოსვლა სააგენტოს "აწარმოე საქართველოში", საქართველოს საგარეო საქმეთა სამინისტროს, ქუვეითში საქართველოს საელჩოსა და საქართველოში თურქეთის საელჩოს მხარდაჭერით განხორციელდა.„ვამაყობთ, რომ „სტარბაქსს“ წარვუდგენთ ყავის ქართველ მოყვარულებს. ბრენდის საქართველოში შემოსვლას დიდი მოლოდინი ახლდა, რაც სრულად ეხმიანება ქვეყნის განვითარებულ კაფე-კულტურასა და ახალგაზრდა, დინამიკურ სამომხმარებლო გარემოს. ჩვენი მიზანია, რაც შეიძლება მეტმა ადამიანმა გამოცადოს „სტარბაქსის“ მაღალი ხარისხი და გამორჩეული სტუმართმოყვარეობა, ამავდროულად კი ხელი შევუწყოთ ადგილობრივი მომწოდებლების განვითარებასა და დასაქმების ახალი შესაძლებლობების გაჩენას საქართველოში“, - აცხადებს სალეჰ ალშაია, „სტარბაქსის" პრეზიდენტი Alshaya Group-ში.„მსოფლიოს 90-ზე მეტ ქვეყანაში ოპერირების შემდეგ, Alshaya Group-თან პარტნიორობით, ახლა უკვე შეგვიძლია ჩვენი უნიკალური ყავის გამოცდილება შევთავაზოთ ახალ მომხმარებლებს საქართველოში. ეს ნაბიჯი გვაძლევს შესაძლებლობას, წვლილი შევიტანოთ რეგიონში მზარდ ყავის კულტურაში, შევქმნათ ახალი კავშირები და განვახორციელოთ ინვესტიცია იმ საზოგადოებებში, რომელთაც ვემსახურებით“, - განაცხადა "სტარბაქსის" პრეზიდენტმა ევროპაში, ახლო აღმოსავლეთსა და აფრიკაში, დუნკან მუარმა.„რამდენიმეწლიანი აქტიური მუშაობის შედეგად, ქუვეითში საქართველოს საელჩოს ჩართულობითა და დახმარებით, წარმატებით დავასრულეთ მოლაპარაკებები Alshaya Group-თან და „სტარბაქს“-ის ბრენდი უკვე ოფიციალურად შემოდის ქართულ ბაზარზე. ეს იყო ხანგრძლივი და ინტენსიური პროცესი - საქართველოში არაერთხელ ჩამოვიდა კომპანიის მაღალი რანგის დელეგაცია, სააგენტოსთან მჭიდრო კოორდინაციით მიმდინარეობდა ბაზრის სიღრმისეული შესწავლა, ლოკაციების დათვალიერება და პოტენციურ პარტნიორთან შეხვედრები. დღეს უკვე გვაქვს კონკრეტული შედეგი - მსოფლიოში ერთ-ერთი ყველაზე ცნობილი ბრენდის შემოსვლა ჩვენს ქვეყანაში, რაც შექმნის ახალ სამუშაო ადგილებს, გააუმჯობესებს სერვისების ხარისხს და კიდევ უფრო გააძლიერებს საქართველოს საინვესტიციო მიმზიდველობას", - განაცხადა სააგენტოს „აწარმოე საქართველოში“ დირექტორმა მიხეილ ხიდურელმა.Alshaya Group ევრაზიაში „სტარბაქსის" 800-ზე მეტ ობიექტს მართავს თურქეთში, ყაზახეთში, აზერბაიჯანსა და ახლო აღმოსავლეთის ქვეყნებში, ხოლო მთლიანობაში კომპანიის პორტფელში 13 ბაზარზე წარმოდგენილი „სტარბაქსის" 2,000 მაღაზიაა.„სტარბაქსი“ 1971 წლიდან ოპერირებს და წარმოადგენს სპეციალიზებული ყავის ერთ-ერთ წამყვან მომწოდებელს მსოფლიოში. დღეს კომპანიის ქსელი 40,000-ზე მეტ ობიექტს მოიცავს."სტარბაქსის" გახსნა მარტში იგეგმებოდა, თუმცა გასულ კვირას მედიისთვის ცნობილი გახდა, რომ მისი გახსნა გაურკვეველი ვადით გადაიდო.

1776328343

„კანონში შესული ცვლილებების მიხედვით, პირველი მაისის შემდგომ პერიოდში კომერციული მიზნებისთვის ვენახის გაშენება შესაძლებელი იქნება მხოლოდ ღვინის ეროვნული სააგენტოს წინასწარი თანხმობის საფუძველზე. წინააღმდეგ შემთხვევაში, პირი, რომელიც ვენახს თვითნებურად გააშენებს, ვერ შეძლებს მიღებული ყურძნის ან წარმოებული ღვინის კომერციულ რეალიზაციას.აღნიშნული რეგულაცია ვრცელდება მხოლოდ იმ პირებზე, რომლებიც ვენახის გაშენებას სამეწარმეო საქმიანობისთვის გეგმავენ და არ ეხება მათ, ვინც ვენახს პირადი მოხმარებისთვის აშენებს.ღვინის ეროვნული სააგენტოს მიერ ვენახის გაშენებაზე თანხმობა უფასოდ გაიცემა.ცვლილებები წარმოადგენს ღვინის ხარისხის გაუმჯობესებისკენ მიმართული რეფორმის ნაწილს და მიზნად ისახავს ვენახების გაშენების პროცესის რეგულირებას. ვენახის ყველა პარამეტრი უნდა აკმაყოფილებდეს დადგენილ სტანდარტებს, რაც ხელს შეუწყობს ხარისხიანი მოსავლის მიღებასა და მაღალი ხარისხის ღვინის წარმოებას.აღსანიშნავია, რომ მიმდინარე წლის პირველ მაისამდე შემუშავდება შესაბამისი ნორმატიული აქტი, რომელიც განსაზღვრავს ვენახის გაშენებაზე თანხმობის მისაღებად საჭირო დოკუმენტაციასა და პროცედურებს“, – ნათქვამია ღვინის ეროვნული სააგენტოს ინფორმაციაში.

1776327595

გამოცემის ცნობით, რომელიც ინფორმირებულ წყაროებს ეყრდნობა, მასკის გუნდმა უკვე მიმართა ისეთ კომპანიებს, როგორიცაა Applied Materials, Tokyo Electron და Lam Research. ასევე, მხარდაჭერისთვის მიმართეს ჩიპების წარმოების სფეროში მათ პარტნიორს - Samsung Electronics Co-ს.Bloomberg-ის თანახმად, ბოლო რამდენიმე კვირის განმავლობაში, მასკის გუნდი აქტიურად აგროვებდა ინფორმაციას ჩიპების წარმოებისთვის საჭირო სპეციფიკური აღჭურვილობის ღირებულებისა და მოწოდების ვადების შესახებ. პროექტის მიზანია, სილიკონის ფირფიტების წარმოება 2029 წლისთვის დაიწყოს, რის შემდეგაც დაგეგმილია სიმძლავრეების გაზრდა.ანგარიშის მიხედვით, მასკის წარმომადგენლები ითხოვენ ფასების სწრაფ შეფასებას, თუმცა თავად პროდუქტების შესახებ მინიმალურ ინფორმაციას გასცემენ. როგორც ირკვევა, მასკს სურს, რომ პროცესები „სინათლის სიჩქარით“ წარიმართოს.ილონ მასკმა Terafab-ის პროექტი მარტში დააანონსა. გასულ კვირას კი კომპანია Intel-მა განაცხადა, რომ შეუერთდება ამ პროექტს იმ პროცესორების დასამზადებლად, რომლებიც მილიარდერის რობოტექნიკისა და მონაცემთა ცენტრების ამბიციებს დააკმაყოფილებს.პროექტი განხორციელდება ტეხასის შტატში, ოსტინში, ტრავისის ოლქის აღმოსავლეთ ნაწილში მდებარე Tesla-ს კამპუსში.

1776327410

ამისათვის, ოთხ წელზე მეტია, კომაროვთან თანამშრომლობით ახორციელებს STEM სკოლის პროექტს, რომლის ფარგლებშიც შესაძლებლობას აძლევს მოსწავლეებს, მიიღონ ხარისხიანი განათლება STEM - ზუსტი და საბუნებისმეტყველო მეცნიერებების მიმართულებით.საქართველოს ბანკისა და კომაროვის STEM სკოლა 2000-ზე მეტ მოსწავლეს აერთიანებს, მათგან 35% კი გოგოები არიან.ამასთან, განათლების კიდევ უფრო მეტი შესაძლებლობის შესაქმნელად საქართველოს ბანკი ყოველწლიურად საკუთარ სტიპენდიატებს ავლენს. საუკეთესო შედეგის მქონე 60 მოსწავლეს ბანკი სწავლას სრულად, 30-ს კი ნაწილობრივ უფინანსებს. STEM სკოლაში საქართველოს ბანკის სტიპენდიატთა რაოდენობა 300-ს აჭარბებს.ამასთან, ხელოვნური ინტელექტით დაინტერესებული გოგოებისთვის საქართველოს ბანკი, Mastercard-თან და გაეროს ქალთა ორგანიზაციასთან (UN Women) თანამშრომლობით ერთობლივ პროექტს - AI სტიპენდია გოგოებისთვის ახორციელებს.ინიციატივის ფარგლებში, სტიპენდიატები იღებენ 100%-იან დაფინანსებას საქართველოს ბანკის პარტნიორ პროფესიულ აკადემიებში, ხელოვნური ინტელექტის და მასთან დაკავშირებული პროექტების მართვის სხვადასხვა კურსებზე. პროექტის შესახებ დეტალური ინფორმაციის მისაღებად ეწვიეთ ვებგვერდს.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა. საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge 

1776325321

ბანკების გამძლეობა განსაკუთრებული დაკვირვების საგანი მას შემდეგ გახდა, რაც აშშ-ის, ისრაელისა და ირანის კონფლიქტმა ფინანსური ბაზრები შეარყია. გასულ თვეში ევროპის ცენტრალურმა ბანკმა (ECB) გააფრთხილა ბაზრის მონაწილეები, რომ ისინი სათანადოდ ვერ აფასებდნენ გეოპოლიტიკური რისკებიდან მომავალ ნეგატიური გავლენას, რაც ცენტრალური ბანკებისთვის ნომერ პირველ საფიქრალად იქცა. ECB-მ წელს პრიორიტეტად სწორედ გეოპოლიტიკური მედეგობის გაძლიერება დაისახა და უმსხვილეს ბანკებს „სტრეს-ტესტებს“ ჩაუტარებს.მიშომ, რომელმაც ევროპის საბანკო ზედამხედველობის სადავეები ხუთშაბათს გადაიბარა, პრესბრიფინგზე განაცხადა, რომ ბანკებს კაპიტალისა და ლიკვიდობის საკმარისი ბუფერები აქვთ გეოპოლიტიკურ რისკებთან გასამკლავებლად.„ჩვენ ვიცით, რომ მომავალი გამოწვევები აღარ დაემსგავსება იმას, რაც წარსულში გამოგვივლია, ამიტომ მზადყოფნაა საჭირო“, - დასძინა მან.Reuters-ის ცნობით, რეგულატორებისთვის მზარდი შეშფოთების საგანია კიბერუსაფრთხოება, განსაკუთრებით ხელოვნური ინტელექტის ახალი მოდელის, Anthropic-ის Mythos-ის გამოჩენის ფონზე. ექსპერტების ვარაუდით, მას კომპლექსური კიბერშეტევების განხორციელება და საბანკო ინდუსტრიის პარალიზება შეუძლია. გასულ კვირას აშშ-ის ხელისუფლებამ ამ საკითხზე ბანკების ხელმძღვანელებთან საგანგებო შეხვედრა გამართა, ევროპის ცენტრალური ბანკი კი აპირებს ბანკებისგან ამ საფრთხის მიმართ მზადყოფნის ანგარიში მოითხოვოს.„რისკების მართვის ყოველ სხდომაზე ჩვენ დეტალურად განვიხილავთ კიბერსაფრთხეებს. ეს საკითხი ჩვენი ყურადღების ეპიცენტრშია“, - აღნიშნა მიშომ.ევროკავშირი ამჟამად აქტიურად ცდილობს შეამციროს ფინანსური სექტორის დამოკიდებულება ტექნოლოგიების გარე პროვაიდერებზე, რათა თავიდან აიცილოს პოტენციური კრიზისები.რაც შეეხება კერძო დაკრედიტებას, მიშოს განმარტებით, ის ამ ეტაპზე ევროპული ბანკებისთვის სისტემურ საფრთხეს არ წარმოადგენს, მიუხედავად იმისა, რომ ამ გაუმჭვირვალე სექტორში არსებულმა დაბალმა სტანდარტებმა ბოლო თვეებში ბაზრები ააფორიაქა.

1776324574

მოლდოვა ამ ფონდისთვის ფინანსების ევროკავშირიდან მოზიდვას გეგმავს. ყოველწლიურად დაახლოებით 500 მილიონი ევროა საჭირო.ამასთან, კიშინიოვში უკიდურესად იმედგაცრუებული არიან ევროკავშირის წევრი ზოგიერთი ქვეყნის ლიდერის განცხადებების გამო, რომ გაერთიანება უახლოეს წლებში არ აპირებს გაფართოებას უკრაინისა და მოლდოვის ხარჯზე.ახლა კიშინიოვში „არარეალურად“ მიაჩნიათ ევროკავშირში 2028–2030 წლებში გაწევრიანება. ექსპერტების აზრით, ახლა მოლდოვამ შესაძლოა აქტუალური გახადოს რუმინეთთან გაერთიანების საკითხი, რათა ამ გზით შეაღწიოს ევროკავშირში. ამ იდეას დნესტრისპირეთი და გაგაუზია უარყოფენ. სოციოლოგიური გამოკითხვის შედეგების თანახმად, მოლდოვის მოსახლეობის ნახევარზე მეტს არ სურს რუმინეთთან გაერთიანება.მანამდე მოლდოვამ დსთ–დან გასვლის პროცედურები დაიწყო და ქვეყანა თანამეგობრობას 2027 წელს ოფიციალურად დატოვებს.

1776323391

ევროკავშირის ლიდერების მომავალი კვირის სამიტი უნდა ყოფილიყო შანსი, რათა პასუხი გაეცათ კონტინენტის ეკონომიკური სნეულებისთვის, თუმცა, ამის ნაცვლად, ის კიდევ ერთ „ხანძრის ჩაქრობის“ მისიად იქცევა. როგორც POLITICO წერს, ირანის ომი ზოგიერთ გრძელვადიან საკითხს გვერდით აჩოჩებს.შეხვედრა, რომელიც 23-24 აპრილს კვიპროსზე გაიმართება, დიდწილად ევროკავშირის 1.8 ტრილიონი ევროს ოდენობის შვიდწლიან ბიუჯეტში (რომელიც 2028 წლისთვის უნდა ამოქმედდეს) პროგრესის მისაღწევად იყო მოწვეული. ამ საკითხზე დისკუსია კვლავ შედგება, თუმცა მას შეავიწროებს ახლო აღმოსავლეთის კრიზისზე რეაგირების აუცილებლობა, რამაც, ბევრის შიშით, შესაძლოა გლობალური რეცესია გამოიწვიოს.„სახელმწიფოთა და მთავრობათა მეთაურები მართებულად იქცევიან, როდესაც დიდ დროს უთმობენ მოულოდნელ გეოპოლიტიკურ კრიზისებს, რომლებიც ბოლო კვირების განმავლობაში წარმოიშვა“, - განაცხადა ზიგფრიდ მურეშანმა, ბიუჯეტის საკითხებში წამყვანმა კანონმდებელმა მემარჯვენე-ცენტრისტული „ევროპის სახალხო პარტიიდან“, რომელსაც ევროკომისიის პრეზიდენტი ურსულა ფონ დერ ლაიენი და ლიდერების უმრავლესობაც მიეკუთვნება. „თუმცა, მჯერა, რომ როგორც კავშირმა, მთელი ჩვენი პოლიტიკური დრო მხოლოდ ერთ თემას არ უნდა დავუთმოთ და არ უნდა უგულებელვყოთ სხვა საკითხები, რომლებიც მნიშვნელოვანია, თუმცა, შესაძლოა, არა აუცილებლად გადაუდებელი“.ლიდერებმა მოუწოდეს ბრიუსელს, დაიცვას მომხმარებლები და ინდუსტრია ენერგომატარებლებზე გაზრდილი ფასებისგან, რაც ჰორმუზის სრუტეში ირანის მიერ საზღვაო მიმოსვლის ექვსკვირიანმა ბლოკადამ გამოიწვია. ნავთობისა და გაზის ტანკერები ამ სტრატეგიულ სანაოსნო გზაზეა ჩარჩენილი, რომელიც ყატარისა და საუდის არაბეთის მსგავს მსხვილ ექსპორტიორებს გლობალურ ბაზართან აკავშირებს. ფინეთის პრეზიდენტმა, ალექსანდრ სტუბმა გასულ თვეში POLITICO-სთან საუბრისას აღნიშნა, რომ არსებობს საფრთხე, ამ კონფლიქტმა „თვითნებურად გამოწვეული გლობალური რეცესია“ დააინიციროს.თუმცა, ლიდერები რამდენიმე სხვადასხვა პრობლემასთან ერთდროულად გამკლავებას ცდილობენ რაც რთული აღმოჩნდა. მურეშანის თქმით, მთავრობებმა ბიუჯეტზე მნიშვნელოვან პროგრესს წლის ბოლომდე უნდა მიაღწიონ. მან გააფრთხილა ისინი, რომ „საბჭოს მიერ პროცესის გაჭიანურება ნიშნავს, რომ 2028 წლის 1-ელი იანვრისთვის არაფერი იქნება მზად“, რაც დაგეგმილ გადახდებს შეაფერხებს.გარდა ამისა, ყურადღების მიღმა დარჩა წინადადებები ევროკავშირის ეკონომიკური კონკურენტუნარიანობის გაძლიერების შესახებ მწვავე სავაჭრო კონკურენციის ფონზე. ამას წევრი ქვეყნების დედაქალაქები ეკონომიკური ზრდის შენელების საპასუხოდ ითხოვდნენ, თუმცა ინიციატივა მაინც შეფერხდა, მიუხედავად იმისა, რომ ევროკომისიამ სამუშაოს დიდი ნაწილი უკვე გასწია შემდეგი ნაბიჯების „საგზაო რუკის“ წარსადგენად.„საგზაო რუკა ტექნიკურად მზად არის, მაგრამ დედაქალაქები არ ითხოვენ მასზე საუბარს - მათ სურთ საუბარი ათას სხვა რამეზე, როგორიცაა ენერგეტიკა და უსაფრთხოება“, - განაცხადა ევროკავშირის ერთ-ერთმა მაღალჩინოსანმა, რომელიც ჩართული იყო გეგმების შემუშავებაში და რომელსაც ანონიმურობის უფლება მიეცა ღიად საუბრისთვის. „მაგიდაზე 10 თემაა და ჩვენ არ გვაქვს დრო ყველაზე სასაუბროდ“.„რთული“ გეოპოლიტიკაPOLITICO-ს ინფორმაციით, გასული წლის განმავლობაში კონკურენტუნარიანობის საკითხმა ევროპული საბჭოს დღის წესრიგში უფრო მაღალ პოზიციებზე აინაცვლა იმ ლიდერების გამო, რომლებიც შეშფოთებულნი არიან, რომ ევროკავშირი ჩამორჩება აშშ-სა და ჩინეთს, სადაც ინდუსტრიისთვის ენერგიის ფასები რამდენჯერმე დაბალია. ეს ასევე იყო თებერვლის სამიტის ფოკუსი, სადაც მათ კომისიისგან შეთანხმებული მოქმედება მოითხოვეს. თუმცა, ეს აღარ არის მათი პრიორიტეტი. „კონტექსტის გათვალისწინებით, ნათელია, რომ დღის წესრიგის დიდი ნაწილი ახლო აღმოსავლეთში არსებულ ვითარებას დაეთმობა“, - დაადასტურა ევროკავშირის მეორე მაღალჩინოსანმა და დასძინა, რომ ბრიუსელი მუშაობს კვიპროსთან, რომელიც მასპინძლობს შეხვედრას ევროკავშირის საბჭოს როტაციული თავმჯდომარეობის ფარგლებში, რათა უზრუნველყოფილი იყოს საკმარისი დრო როგორც გეოპოლიტიკური საფიქრალისთვის, ისე ბიუჯეტისთვის (ცნობილი როგორც მრავალწლიანი ფინანსური ჩარჩო - MFF).ორდღიან სამიტზე მიწვევის წერილში, ევროპული საბჭოს პრეზიდენტმა, ანტონიუ კოშტამ დღის წესრიგში არსებულ ურთიერთგამომრიცხავ საკითხებზე გაამახვილა ყურადღება: „ჩვენ განვიხილავთ რთულ გეოპოლიტიკურ გარემოსა და ევროპის საპასუხო ნაბიჯებს; ამავდროულად, პოლიტიკურ სახელმძღვანელო მითითებებს შევიმუშავებთ მრავალწლიან ფინანსურ ჩარჩოზე (MFF) მუშაობისთვის, რათა წლის ბოლომდე შეთანხმების მისაღწევად ნიადაგი მომზადდეს“.სხვა მნიშვნელოვან კითხვებს ბლოკის წინაშე ლოდინი მოუწევს. ქვეყნები ზეწოლის ქვეშ არიან, რომ ხელი მოაწერონ უკრაინისთვის 90 მილიარდი ევროს ოდენობის სესხს, რაზეც ლიდერები დეკემბერში შეთანხმდნენ. სესხი ბლოკირებულია უნგრეთის პრემიერ-მინისტრ ვიქტორ ორბანის მიერ კიევთან დაზიანებული რუსული ნავთობსადენის გამო დავის ფარგლებში. ფორმალურად, ამას ლიდერებისგან ხელახალი დამტკიცება არ სჭირდება.ორბანმა გასულ უქმეებზე საპარლამენტო არჩევნები პეტერ მაგიართან წააგო, რომელმაც მიანიშნა, რომ ვეტოს მოხსნის - თუმცა გადაწყვეტა ნაკლებად სავარაუდოა მანამ, სანამ ის მომავალ თვეში თანამდებობას არ დაიკავებს.ავტოგრაფიანი ფოტოებიოთხშაბათს POLITICO-მ გაავრცელა ინფორმაცია, რომ უნგრეთის მიმავალი პრემიერ-მინისტრი სამიტს არ დაესწრება.ეს ნიშნავს, რომ ის გამოტოვებს ტრადიციას, რომლის მიხედვითაც თანამდებობიდან მიმავალი ლიდერები კოლეგებისგან სიმბოლურ საჩუქრებს, ავტოგრაფიან ფოტოებსა და ვიდეომილოცვებს იღებენ. თუმცა, მისი დასწრება მაინც საკმაოდ უხერხული იქნებოდა იმის ფონზე, რომ ბოლო შეხვედრისას, მარტში, კოშტამ ორბანის ქცევა „მიუღებლად“ შეაფასა."ირლანდია, რომელიც ივლისში ევროკავშირის საბჭოს თავმჯდომარეობას კვიპროსისგან გადაიბარებს, შეეცდება წლის ბოლომდე ბიუჯეტზე შეთანხმების მიღწევა როგორმე დააჩქაროს", - წერს POLITICO.

1776322297

აღნიშნული ტრანზაქცია მნიშვნელოვან ეტაპს წარმოადგენს საქართველოს საბანკო სექტორის განვითარებაში და ქმნის ახალ შესაძლებლობებს ბაზარზე. ორი წარმატებული ფინანსური ინსტიტუტის ერთობა, რომელთაც აქვთ ერთმანეთის შემავსებელი ძლიერი მხარეები, მნიშვნელოვნად შეუწყობს ხელს კონკურენციის გაძლიერებას და მომხმარებლებისთვის მრავალფეროვანი ფინანსური პროდუქტებისა და სერვისების შეთავაზებას.“აღნიშნული ტრანზაქცია უმნიშვნელოვანესი ეტაპია ორი წარმატებული ბანკის ისტორიაში. ბაზისბანკის მიერ ლიბერთი ბანკის შეძენა არის უნიკალური შესაძლებლობა ადამიანური და ტექნოლოგიური რესურსების სინერგიით შევქმნათ მძლავრი უნივერსალური ფინანსური პლატფორმა, რომელიც თანაბრად ძლიერია, როგორც ბიზნესის მხარდაჭერით, ისე საცალო მიმართულებით.ამ გარიგებით, ვაძლიერებთ კონკურენციას ბაზარზე, რაც პოზიტიურად აისახება მომხმარებელთა ინტერესებზე. დამატებითი რესურსები კი, მეტი ბიზნესის დაფინანსების შესაძლებლობაა, რაც ქვეყნის ეკონომიკურ განვითარებას შეუწყობს ხელს“, - აცხადებს ბაზისბანკის გენერალური დირექტორი, დავით ცაავა.ბექა გოგიჩაიშვილი, ლიბერთი ბანკის გენერალური დირექტორი, აღნიშნავს - „ჩემთვის დიდი პატივი იყო ლიბერთის გუნდის ხელმძღვანელობა იმ პერიოდში, როდესაც ბანკმა მნიშვნელოვანი ტრანსფორმაცია და ზრდა განიცადა. მადლიერი ვარ თითოეული თანამშრომლის პროფესიონალიზმისა და ერთგულებისთვის, რაც ბანკის წარმატების მთავარი საფუძველია. დარწმუნებული ვარ, რომ ეს ტრანზაქცია შექმნის ახალ შესაძლებლობებს ბანკისთვის, მისი მომხმარებლებისა და გუნდისთვის, რაც საბოლოო ჯამში გააძლიერებს საბანკო სისტემას და ჩვენი ქვეყნის ეკონომიკას“.ბიზნეს პროცესების უწყვეტობისა და ორი ფინანსური ინსტიტუტის კოორდინირებულად მართვის უზრუნველსაყოფად, ბაზისბანკის გენერალური დირექტორი, დავით ცაავა, ასევე დაიკავებს ლიბერთი ბანკის გენერალური დირექტორის პოზიციას.მიმდინარე ეტაპზე ორივე ბანკი ჩვეულ რეჟიმში, დამოუკიდებლად აგრძელებს საქმიანობას. ბაზისბანკის მომხმარებლები მომსახურებას მიიღებენ ბაზისბანკში, ხოლო ლიბერთი ბანკის მომხმარებლები - ლიბერთი ბანკში.მომხმარებლებისთვის ყველა სერვისი, პროდუქტი და არხი მუშაობს შეუფერხებლად და მომსახურება გრძელდება ჩვეულ რეჟიმში.ბაზისბანკის შესახებბაზისბანკი ერთ-ერთი უმსხვილესი ფინანსური ინსტიტუტია საქართველოში, რომელიც კორპორატიულ, მცირე და საშუალო ბიზნესის და საცალო მომხმარებლებისთვის საბანკო, სალიზინგო და სადაზღვევო მომსახურების შეთავაზებით ქმნის ეკოსისტემას, რომელიც მომხმარებლის წარმატებასა და გრძელვადიან ნდობაზეა ფოკუსირებული.2025 წლის ფინანსური შედეგებით, ბანკის მთლიანი აქტივები 4.9 მლრდ ლარს შეადგენს. მთლიანი საკრედიტო პორტფელი 3.3 მლრდ ლარია, ხოლო დეპოზიტების პორტფელი 3.5 მლრდ ლარი. ბანკის 2025 წლის წმინდა მოგება 122.4 მილიონი ლარია.ლიბერთი ბანკის შესახებლიბერთი ბანკი საქართველოში ერთ-ერთი უმსხვილესი ფინანსური ინსტიტუტია და ემსახურება 1.7 მილიონზე მეტ ფიზიკურ პირს და 60,000-ზე მეტ მცირე და საშუალო ბიზნესს.ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 700-მდე ბანკომატით, ყველა რეგიონსა და მუნიციპალიტეტში. დასაქმებულ თანამშრომელთა რაოდენობა 5,600-ს აღემატება. ბანკის აქტივები 5.8 მლრდ ლარს შეადგენს, მთლიანი საკრედიტო პორტფელი 4.2 მლრდ ლარია, ხოლო დეპოზიტების პორტფელი 4.17 მლრდ ლარი. ბანკის 2025 წლის წმინდა მოგება 128 მილიონი ლარია. 

1776313140