საფინანსო სექტორმა 2025 წელს ₾13.8 მლრდ-ის შემოსავალი მიიღო – საქსტატი

ლონდონში ვიზიტად მყოფმა ზელენსკიმ აღნიშნა, რომ 100 მილი/საათში (160 კმ/სთ) მეტი სიჩქარით გადაადგილებისას Starlink-ის გათიშვამ მწყობრიდან გამოიყვანა უკრაინული დრონების უმეტესობა და შეასუსტა საჰაერო თავდაცვის სისტემები. უკრაინის პრეზიდენტის თქმით, ეს გადაწყვეტილება ფრონტზე დამატებით მსხვერპლსა და ადამიანების დაღუპვას გამოიწვევს.ილონ მასკის განმარტებით, შეზღუდვის გადაწყვეტილება მას არ მიუღია. სამხედრო ქსელ Starshield-ს აშშ-ის მთავრობა და სამხედრო უწყება აკონტროლებს, შესაბამისად, გამოყენებაზე ნებისმიერ ლიმიტს ვაშინგტონი და უშუალოდ პრეზიდენტი ტრამპი დააწესებენ.ვიზიტის ფარგლებში ზელენსკი ბრიტანეთის პრემიერ-მინისტრ ენდი ბერნემსა და მეფე ჩარლზ III-ს შეხვდა. ბერნემმა დაადასტურა, რომ ლონდონის მხარდაჭერა უკრაინისადმი უცვლელი რჩება, დააჩქარებს სამხედრო დახმარების მიწოდებას და ჩერნობილის ატომური ელექტროსადგურის დამცავი საფარის სარეაბილიტაციოდ 17 მილიონ ფუნტს გამოყოფს.

1792053393

ამ ეტაპზე რეგისტრაცია რამდენიმე სასტიპენდიო პროგრამაზე მიმდინარეობს, მათ შორისაა:საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებს 23 პარტნიორ უნივერსიტეტში სწავლის სრული ან ნაწილობრივი დაფინანსების მიღების შესაძლებლობას აძლევს. პროგრამა ახალგაზრდებს სწავლის გაგრძელებისა და აკადემიური მიზნების მიღწევაში ეხმარება.პროგრამაზე რეგისტრაცია დაიწყო. დეტალური ინფორმაციისა და განაცხადის პირობების გასაცნობად ეწვიეთ საქართველოს ბანკის სტიპენდიების გვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებისთვისაა განკუთვნილი. პროგრამის ფარგლებში, ოთხ პარტნიორ უნივერსიტეტში სტუდენტებს სწავლის სრული ან ნაწილობრივი დაფინანსების მიღება შეუძლიათ.პროგრამაზე რეგისტრაცია უკვე დაიწყო. დეტალური ინფორმაციისთვის ეწვიეთ სტიპენდიის გვერდს.AI სტიპენდია გოგოებისთვისხელოვნური ინტელექტის მიმართულებით ცოდნის მიღებისა და ახალი პროფესიული შესაძლებლობების აღმოჩენის მიზნით, საქართველოს ბანკი პარტნიორ ორგანიზაციებთან და აკადემიებთან ერთად გოგოებისთვის სპეციალურ AI სასტიპენდიო პროგრამას ახორციელებს.პროგრამაზე რეგისტრაცია დაიწყო. მონაწილეობის პირობებისა და განაცხადის შესავსებად ეწვიეთ AI სტიპენდიის გვერდს.სტიპენდია პროფესიულ აკადემიებში - ახალი უნარებისა და შესაძლებლობებისთვისიმ ადამიანებისთვის, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, ახალი პროფესიები 20-მდე პარტნიორ აკადემიაში სრული დაფინანსებით შეისწავლონ. პროგრამაში მონაწილეობის მსურველთათვის რეგისტრაცია მალე დაიწყება. დეტალური ინფორმაციისთვის ეწვიეთ პროგრამის გვერდს.საქართველოს ბანკის სტიპენდია მოსწავლეებისთვის პროფესიულ აკადემიებში - შეისწავლეთ თქვენთვის საინტერესო მიმართულება უფასოდპროფესიულ აკადემიებში, სასტიპენდიო პროგრამის ფარგლებში, საქართველოს ბანკი სკოლის მოსწავლეებსაც აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ბანკის პარტნიორ აკადემიებში და მიიღონ სწავლის საფასურის 100%-იანი დაფინანსება. მიმართულებები მოიცავს ვებპროგრამირებას, გრაფიკულ და UI/UX დიზაინს, IT პროექტების მართვას, პროგრამირების საფუძვლებს, ხელოვნურ ინტელექტსა და სხვა საინტერესო სფეროებს. დეტალური ინფორმაციისა და განაცხადის შესავსებად ეწვიეთ ვებგვერდს.ეს საქართველოს ბანკის საგანმანათლებლო ინიციატივების მხოლოდ ნაწილია. მიმდინარე პროგრამებისა და მათი პირობების შესახებ დეტალური ინფორმაციის მისაღებად შეგიძლიათ ეწვიეთ ვებგვერდს:  ganateleba.bog.ge(R)

1792048192

სამუშაო შეხვედრაზე მერაბ გამყრელიძემ კახეთის რეგიონში დანაშაულთან ბრძოლის მიმართულებით განხორციელებული საქმიანობისა და პრევენციული ღონისძიებების შესახებ ინფორმაცია მოისმინა.საგამოძიებო სამსახურის უფროსმა აღნიშნა, რომ ქვეყნის ეკონომიკური ინტერესების დაცვის მიზნით, აუცილებელია საფინანსო-ეკონომიკური დანაშაულის წინააღმდეგ ბრძოლის მიმართულებით ეფექტიანი ღონისძიებების გატარება. მან განსაკუთრებული ყურადღება გაამახვილა რეგიონში დანაშაულის პრევენციის, გამოვლენისა და გამოძიების პროცესში მაღალი პროფესიული პასუხისმგებლობისა და ეფექტიანი მუშაობის მნიშვნელობაზე.მერაბ გამყრელიძემ თანამშრომლებს გაწეული საქმიანობისთვის მადლობა გადაუხადა და მათ შესაბამისი დავალებები მისცა.შეხვედრის დასრულების შემდეგ, საგამოძიებო სამსახურის უფროსმა კახეთის რეგიონული სტრუქტურული დანაყოფის შენობა და სამუშაო სივრცეები დაათვალიერა.მერაბ გამყრელიძე რეგიონულ სტრუქტურულ დანაყოფებში სამუშაო შეხვედრებს მომავალშიც განაგრძობს.(R)

1792047457

დისკუსიის ფარგლებში მონაწილეებმა რეგიონის ეკონომიკებზე გლობალური მოვლენების გავლენა, მათთან დაკავშირებული გამოწვევები და ახალი შესაძლებლობები განიხილეს. განსაკუთრებული ყურადღება დაეთმო გეოპოლიტიკური დაძაბულობის, ენერგეტიკულ ბაზრებსა და საჰაერო ტრანსპორტის სექტორში არსებული შეფერხებების გავლენას ინფლაციაზე, ეკონომიკურ აქტივობასა და საგარეო სექტორზე.ეკატერინე მიქაბაძემ საქართველოს გამოცდილებაზე საუბრისას აღნიშნა, რომ ბოლო პერიოდში გლობალური შოკების გავლენა ქვეყანაში ძირითადად ინფლაციის არხით გამოიკვეთა. მისი თქმით, ეროვნული ბანკის მთავარ ამოცანად ინფლაციური მოლოდინების სტაბილურ დონეზე შენარჩუნება და იმის შეფასება რჩება, რამდენად შეიძლება პირველადი ეფექტები საბაზო და მომსახურების ინფლაციაზე აისახოს.„აღნიშნული გამოწვევების საპასუხოდ, საქართველოს ეროვნული ბანკი მკაცრ მონეტარულ პოლიტიკას ინარჩუნებს და ყურადღებით აკვირდება გლობალური შოკების გავლენას ინფლაციურ პროცესებზე. ამასთან, მონეტარული პოლიტიკის შემდგომი გადაწყვეტილებები ინფლაციის დინამიკისა და ინფლაციურ მოლოდინებზე შესაძლო გავლენის შეფასების საფუძველზე მიიღება“, - აღნიშნა ეკატერინე მიქაბაძემ.საქართველოს საგარეო პოზიციის გაძლიერებაზე საუბრისას, ყურადღება გამახვილდა მიმდინარე ანგარიშის დეფიციტის შემცირებასა და საერთაშორისო რეზერვების ზრდაზე. ეკატერინე მიქაბაძემ გამოსვლისას ხაზი გაუსვა, რომ 2026 წლის სექტემბერში საქართველოს საერთაშორისო რეზერვებმა რეკორდულ დონეს - დაახლოებით 8.1 მილიარდ აშშ დოლარს მიაღწია, რაც ქვეყნის საგარეო ბუფერებს აძლიერებს და საგარეო შოკების მიმართ მოწყვლადობას ამცირებს.სებ-ის პირველმა ვიცე-პრეზიდენტმა ხაზი გაუსვა საქართველოს ეკონომიკის მდგრადობას და აღნიშნა, რომ ბოლო წლებში განხორციელებულმა სტრუქტურულმა ცვლილებებმა, საწარმოო შესაძლებლობების გაფართოებამ და ექსპორტზე ორიენტირებული, მაღალი პროდუქტიულობის სექტორების განვითარებამ ეკონომიკის მდგრადობა გააძლიერა. ამასთან, მომსახურების ექსპორტის დივერსიფიკაცია სექტორებისა და გეოგრაფიული ბაზრების მიხედვით გლობალური შოკების გავლენის შერბილებას უწყობს ხელს.„საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში კავკასიისა და ცენტრალური აზიის მრგვალი მაგიდის ფარგლებში განხილულმა საკითხებმა კიდევ ერთხელ გამოკვეთა ეკონომიკის დივერსიფიკაციის, მაკროეკონომიკური სტაბილურობის შენარჩუნებისა და ძლიერი საგარეო ბუფერების მნიშვნელობა გლობალური გაურკვევლობის პირობებში“, - განაცხადა ეკატერინე მიქაბაძემ.(R) 

1791976680

 შაჰინ მამედოვმა შეცვალა როვშან ალაჰვერდიევი, რომლის გათავისუფლების გადაწყვეტილება აქციონერებმა რიგგარეშე კრებაზე მიიღეს. მამედოვი 2018 წლიდან ბანკის სამეთვალყურეო საბჭოს წევრია. საბჭოს ასევე შეუერთდა პარვინ აჰადზადე, საბანკო და საფინანსო სექტორში 20 წელზე მეტი გამოცდილებით.მანამდე, აგვისტოში, ცვლილებები დირექტორთა საბჭოს შევიდა. პაშა ბანკის დირექტორთა საბჭოს თავმჯდომარისა და გენერალური დირექტორის პოზიცია პუნჰან ნარიმანოვმა დაიკავა. ბანკი, აზერბაიჯანული კაპიტალით, 13 წელია ბაზარზეა. ბოლო 3 წელია კორპორაციულ სეგმენტზე ფოკუსირდა. აქვს 'B/B' რეიტინგი, სტაბილური პერსპექტივით

1791904140

შეხვედრის ფარგლებში საქართველოს ეროვნულ ბანკსა და არაბთა გაერთიანებული საამიროების ცენტრალურ ბანკს შორის ურთიერთგაგების მემორანდუმი გაფორმდა. მემორანდუმს ხელი მოაწერეს საქართველოს ეროვნული ბანკის პრეზიდენტმა ნათია თურნავამ და არაბთა გაერთიანებული საამიროების ცენტრალური ბანკის პრეზიდენტმა ხალიდ მოჰამედ ბალამამ.მემორანდუმი მიზნად ისახავს ორ ცენტრალურ ბანკს შორის ფინანსური და საზედამხედველო თანამშრომლობის გაძლიერებას, ცენტრალური ბანკინგის სფეროში ინფორმაციისა და ექსპერტიზის გაცვლას და ორივე ქვეყნის საბანკო და ფინანსური სექტორების განვითარებისა და ფინანსური სტაბილურობის მხარდაჭერას.მემორანდუმი ასევე ითვალისწინებს ფინანსური ტექნოლოგიების მიმართულებით ინოვაციების ხელშეწყობას, ცოდნისა და გამოცდილების გაზიარებას, შესაძლებლობების განვითარებასა და ერთობლივი კვლევების განხორციელებას.ნათია თურნავამ არაბ კოლეგას საქართველოს ფინანსური და საბანკო სექტორის მიღწევები, სექტორის მდგრადობისა და ლიკვიდობის ჯანსაღი მაჩვენებლები გააცნო. მან ასევე ისაუბრა ეროვნული ბანკის მიერ საგადახდო ინფრასტრუქტურის მოდერნიზაციის მიმართულებით გადადგმულ ნაბიჯებზე, მათ შორის, დროის რეალურ რეჟიმში ანგარიშსწორების (RTGS) სისტემის მასშტაბურ განახლებასა და მყისიერი გადახდების სისტემის (IPS) განვითარებაზე.საქართველოს ეროვნული ბანკის პრეზიდენტის განცხადებით, მემორანდუმი ხელს შეუწყობს ცენტრალური ბანკების თანამშრომლობის გაღრმავებასა და ფინანსური სექტორის განვითარების მიმართულებით საუკეთესო პრაქტიკის გაზიარებას.„ეს მემორანდუმი ქმნის საფუძველს არაბთა გაერთიანებული საამიროების ცენტრალურ ბანკთან თანამშრომლობის გაძლიერებისა და ცენტრალური ბანკინგის, ზედამხედველობისა და ფინანსური ტექნოლოგიების მიმართულებით ექსპერტიზის გაცვლისთვის. ჩვენ განსაკუთრებულ მნიშვნელობას ვანიჭებთ იმ შესაძლებლობებს, რომლებსაც იგი გვთავაზობს შესაძლებლობების განვითარებისა და საგადახდო სისტემებისა და ფინანსური სერვისების განვითარების კუთხით საუკეთესო პრაქტიკის გაზიარებისთვის, რაც ხელს შეუწყობს ტრანსსასაზღვრო ტრანზაქციების გამარტივებასა და ორივე ქვეყნის საბანკო და ფინანსური სექტორების განვითარებას“, - აღნიშნა ნათია თურნავამ.არაბთა გაერთიანებული საამიროების ცენტრალური ბანკის პრეზიდენტმა ხალიდ მოჰამედ ბალამამ აღნიშნა, რომ მემორანდუმი ორ ცენტრალურ ბანკს შორის თანამშრომლობის ახალ შესაძლებლობებს ქმნის.შეხვედრას ასევე ესწრებოდა სებ-ის პირველი ვიცე პრეზიდენტი ეკატერინე მიქაბაძე.საერთაშორისო სავალუტო ფონდისა და მსოფლიო ბანკის წლიური შეხვედრები საერთაშორისო საფინანსო ინსტიტუტების, ცენტრალური ბანკებისა და ფინანსური სექტორის წარმომადგენლებს აერთიანებს. შეხვედრების ფარგლებში განიხილება გლობალური ეკონომიკური ტენდენციები, ფინანსური სტაბილურობის საკითხები და საერთაშორისო თანამშრომლობის გაძლიერების შესაძლებლობები.(R)

1791899677

პროექტის ფარგლებში შეიცვლება 1.6 კმ სიგრძის წყალმომარაგებისა და წყალარინების მაგისტრალური და გამანაწილებელი ქსელები. ასევე, მოეწყობა სახანძრო ჰიდრანტები, დამონტაჟდება ჩამკეტ-მარეგულირებელი ურდულები და განახლდება შესაბამისი საკვანძო ინფრასტრუქტურა.მიმდინარე სამუშაოებს დღეს ადგილზე გაეცნენ თბილისის საკრებულოს თავმჯდომარე ზურაბ აბაშიძე და ჯორჯიან უოთერ ენდ ფაუერის ტექნიკური და საოპერაციო მიმართულების დირექტორი გიგა ნადირაძე.„ალექსანდრე ჭავჭავაძის ქუჩის რეაბილიტაციის ფარგლებში ჯორჯიან უოთერ ენდ ფაუერი წყალმომარაგებისა და წყალარინების ინფრასტრუქტურას სრულად განაახლებს. პროექტი ითვალისწინებს როგორც წყალმომარაგების, ისე წყალარინების მილსადენების სრულად შეცვლას. განახლდება ინდივიდუალური განშტოებებიც, დამატებით დამონტაჟდება ახალი ჩამკეტ-მარეგულირებელი ურდულები და მოეწყობა სამი სახანძრო ჰიდრანტი. სამუშაოები აქტიურ ფაზაშია და მათი დასრულება ერთი თვის განმავლობაში იგეგმება. პროექტის ჯამური საინვესტიციო ღირებულება 1.5 მილიონ ლარს შეადგენს", - გიგა ნადირაძე ჯორჯიან უოთერ ენდ ფაუერის ტექნიკური და საოპერაციო მიმართულების დირექტორი.„დღეს დედაქალაქში საკმაოდ მასშტაბური პროექტები ხორციელდება. მიმდინარეობს რუსთაველის გამზირის რეაბილიტაცია, პარალელურად კი მთაწმინდის რაიონის გამგეობა ჩართულია ჭავჭავაძის ქუჩის სრულად განახლების პროცესში. დღეს ჯივიპის წარმომადგენლებთან ერთად ადგილზე გავეცანით არსებულ ვითარებას და დავგეგმეთ, როგორ დავაჩქაროთ სამუშაოები, რათა რუსთაველის გამზირისა და ჭავჭავაძის ქუჩის რეაბილიტაციის პროცესები თანხვედრაში მოვიდეს. ჩვენი მიზანია, მოსახლეობამ უახლოეს პერიოდში ისარგებლოს სრულად განახლებული ქუჩებით მთაწმინდის რაიონში", - ზურაბ აბაშიძე, თბილისის საკრებულოს თავმჯდომარე.(R)

1791897888

შეხვედრაზე მხარეებმა საქართველოში არსებული მაკროეკონომიკური მდგომარეობა, ეკონომიკური ზრდის დინამიკა და ქვეყნის საგარეო პოზიციის გაუმჯობესება განიხილეს. ყურადღება გამახვილდა ინფლაციურ პროცესებზე, საქართველოს ეროვნული ბანკის მონეტარულ პოლიტიკასა და საერთაშორისო რეზერვების ზრდაზე.აღინიშნა, რომ საქართველოს ეკონომიკა მდგრადობას ინარჩუნებს. 2026 წლის პირველ რვა თვეში რეალური მშპ-ის საშუალო ზრდამ 7.6% შეადგინა, ხოლო საერთაშორისო რეზერვებმა ისტორიულ მაქსიმუმს - 8.17 მილიარდ აშშ დოლარს მიაღწია. მხარეებმა ასევე ისაუბრეს ქვეყნის საგარეო სექტორის დივერსიფიკაციაზე, ექსპორტის ზრდასა და საფინანსო სისტემის მდგრადობაზე.საუბარი შეეხო გლობალურ ეკონომიკურ გამოწვევებსა და ახლო აღმოსავლეთში მიმდინარე გეოპოლიტიკური ვითარების გავლენას ინფლაციაზე, სასაქონლო ფასებსა და მაკროეკონომიკურ პროგნოზებზე. ამ კონტექსტში ხაზი გაესვა ინფლაციური რისკების მართვისა და ფასების სტაბილურობის შენარჩუნების მნიშვნელობას.შეხვედრის მონაწილეებმა ასევე განიხილეს საქართველოს ეკონომიკის მდგრადობის განმტკიცების, მაკროეკონომიკური სტაბილურობის შენარჩუნებისა და ქვეყნის საგარეო შოკების მიმართ მედეგობის საკითხები.თავის მხრივ, სავალუტო ფონდის აღმასრულებელმა დირექტორმა ხაზი გაუსვა, რომ საქართველო წარმატებით ინარჩუნებს ჯანსაღ მაკროეკონომიკურ მაჩვენებლებს და ძლიერ ბუფერებს.შეხვედრას ესწრებოდნენ სებ-ის ვიცე-პრეზიდენტები ეკატერინე მიქაბაძე, ეკატერინე გალდავა და ნინო ჯელაძე, ასევე ფინანსთა მინისტრის მოადგილე ეკატერინე გუნცაძე.(R)

1791895999