სებ-მა კიდევ ერთი ავტოლომბარდი დააჯარიმა

პროექტის ჯამური საინვესტიციო ღირებულება 91.5 მლნ. აშშ დოლარს შეადგენს, საიდანაც საქართველოს ბანკის დაფინანსება 66 მლნ. აშშ დოლარია.„მეტროპოლ ორთაჭალა“ თბილისის ისტორიულ უბანში, დიმიტრი გულიასა და ვახტანგ გორგასალის ქუჩებს შორის მდებარეობს და თანამედროვე საცხოვრებელ კომპლექსს წარმოადგენს, რომელიც ორ 29 სართულიან შენობას გააერთიანებს. პროექტი 12,197 კვ.მ მიწის ნაკვეთზე შენდება, ხოლო მისი საერთო სამშენებლო ფართობი 117,550 კვ.მ-ია. კომპლექსში ჯამში 800 საცხოვრებელი ბინა განთავსდება.პროექტი საცხოვრებელ სივრცეებთან ერთად მრავალფეროვან ინფრასტრუქტურასაც მოიცავს. მაცხოვრებლებისთვის მოეწყობა რეკრეაციული და გამწვანებული სივრცეები, საბავშვო და სპორტული მოედნები, პადელის მოედანი, ველო და სარბენი ბილიკები, მოსასვენებელი პავილიონები, ასევე სამდონიანი პარკინგი, საოფისე და კომერციული ფართები. კომპლექსში ხელმისაწვდომი იქნება 24/7 კონსიერჟის მომსახურება, დაცვა, საერთო სივრცეების მართვა და მოვლა, მებაღეობისა და დასუფთავების სერვისები.მშენებლობა 2025 წლის იანვარში დაიწყო და მისი დასრულება 2028 წლის ივნისისთვის იგეგმება.„მეტროპოლ ორთაჭალა ჩვენი ერთ-ერთი ყველაზე მასშტაბური პროექტია, რომელიც თანამედროვე ურბანულ გარემოს, ფუნქციურ ინფრასტრუქტურასა და გამორჩეულ მდებარეობას აერთიანებს. გვინდოდა შეგვექმნა სივრცე, რომელიც ქალაქის ცენტრთან სიახლოვეს კომფორტულ და სრულფასოვან საცხოვრებელ გარემოს შესთავაზებდა როგორც ოჯახებს, ისე ინვესტორებს. საქართველოს ბანკთან თანამშრომლობა კი შესაძლებლობას გვაძლევს, ეს პროექტი დაგეგმილი ხარისხითა და მასშტაბით განვახორციელოთ“, - აღნიშნავს დეველოპერული კომპანია „მეტროპოლის“გენერალური დირექტორი, გიორგი მხეიძე.„საქართველოს ბანკი განაგრძობს იმ ბიზნესების მხარდაჭერას, რომლებიც ქალაქის ურბანულ განვითარებასა და თანამედროვე საცხოვრებელი გარემოს შექმნას უწყობენ ხელს. მოხარული ვართ, რომ „მეტროპოლ ორთაჭალის“ პროექტის ფინანსური პარტნიორები ვართ და მის განხორციელებაში აქტიურად ვმონაწილეობთ. გვჯერა, რომ ჩვენი თანამშრომლობა მომავალშიც წარმატებით გაგრძელდება და ერთობლივად კიდევ არაერთ პროექტს განვახორციელებთ““, - აღნიშნავს ირაკლი კიკალიშვილი, საქართველოს ბანკის კორპორაციული გაყიდვების სექტორის უფროსი.ინფორმაციისთვის, კომპანია „მეტროპოლი“ 2022 წლიდან მომხმარებლებს საცხოვრებელ და საინვესტიციო უძრავი ქონების პროექტებს სთავაზობს. საქართველოს ბანკთან პარტნიორობის ფარგლებში კომპანიამ უკვე განახორციელა და ასევე მშენებლობის პროცესშია: „მეტროპოლ ლისი“, „მეტროპოლ შინდისი“, „მეტროპოლ ბაგები“ და „მეტროპოლ ორთაჭალა“. სამომავლოდ კი კომპანია ახალ პროექტებს ნუცუბიძეზე, ჭავჭავაძეზე, აბაშიძეზე, ჭოველიძესა და დიღომში გეგმავს.

1785248478

მოზიდული სახსრების 68% "ბრიჯ სესხების" რეფინანსირებისთვისაა.ემისიები ემპი დეველოპმენტის მე-4 და მე-5 განთავსებაა. ემისიები „საქართველოს ეკონომიკის განვითარების კორპორაციის“ კაპიტალის ბაზრის მხარდაჭერის პროგრამის ფარგლებშია.ემპი დეველოპმენტი 2012 წელს დაფუძნდა.01.01.2026 -ისთვის 50%-50%-ს შპს „ველაჯიო“ (საქართველო) და შპს „ჯი სთარი“ (ბულგარეთი) ინაწილებენემიტენტის მფლობელობაში არსებული საინვესტიციო ქონება:„მოხარული ვართ, რომ ემპი დეველოპმენტმა ადგილობრივ კაპიტალის ბაზარზე კიდევ 2 წარმატებული ემისია განახორციელა. G&T-ისთვუს წარმატებული კომპანიების ხელშეწყობა დაფინანსების ალტერნატიული წყაროების მოძიებაში მნიშვნელოვანია.გვჯერა, რომ მოზიდული რესურსი ემპი დეველოპმენტს, კომერციული უძრავი ქონების ბაზარზე პოზიციების უფრო გამყარების შესალებლობას მისცემს.ჩვენ კი არ ვჩერდებით და განვაგრძობთ კაპიტალის ბაზარზე ახალი ინსტრუმენტების დანერგვას", - G&T-ის გენერალურმა დირექტორმა გიორგი კუპრაშვილმა ასევე აღნიშნა, რომ წელს G&T-ის  მონაწილეობით, ჯამურმა ემისიემბმა 3 მილიარდ ლარს მიაღწია. ასევე Global Finance-ის შეფასებაზე. საინვესტიციო ბანკმა 2026-ის საუკეთესოს სტატუსი მოიპოვა.„მოხარულები ვართ, რომ წელს კიდევ ერთხელ, ჩვენი პარტნიორების მხარდაჭერით, წარმატებით განვახორციელეთ ობლიგაციების ემისია. გასული წლის ემისიისადმი ინვესტორების მაღალმა ინტერესმა და მისმა წარმატებამ შეგვაძლებინა, წელს ბაზრისთვის კიდევ უფრო მასშტაბური შეთავაზებით დავბრუნებულიყავით. შედეგად, მიმდინარე ჯამური 57 მილიონიანი პროსპექტის ფარგლებში 6.3 მლნ დოლარი და 5.3 მლნ ევროს ობლიგაციები გამოვუშვით. ემპი დეველოპმენტის გუნდის სახელით მადლობას ვუხდი გალტ ენდ თაგარტს, თიბისი კაპიტალს, და საქართველოს ეკონომიკის განვითარების კორპორაციას მხარდაჭერისთვის, რომლებმაც მნიშვნელოვანი წვლილი შეიტანეს ემისიის წარმატებით განხორციელებაში. ჩვენთვის განსაკუთრებით მნიშვნელოვანია, რომ ინვესტორების მხრიდან მიმდინარე ემისიის მიმართ ინტერესი მაღალია. ამასთან, სასიხარულოა, რომ ემისიაში მონაწილეობას იღებენ ჩვენი წინა გამოშვების ობლიგაციონერებიც, რაც კომპანიის მიმართ ნდობისა და ჩვენი განვითარების სტრატეგიისადმი დადებითი შეფასების კიდევ ერთი ნათელი დასტურია. ემპი დეველოპმენტი უკვე 14 წელია თანმიმდევრულად და სტაბილურად ვითარდება. გვჯერა, რომ სწორედ ეს თანმიმდევრულობა და მიღწეული შედეგები განაპირობებს ბაზრის მზარდ ნდობას ჩვენი კომპანიის მიმართ“, - განაცხადა ემპი დეველოპმენტის დირექტორმა, პაპუნა კაციტაძემ.„მინდა მივულოცო ემპი დეველოპმენტს 6.3 მილიონი აშშ დოლარისა და 5.3 მილიონი ევროს მოცულობის ობლიგაციების წარმატებით განთავსება. აღსანიშნავია, რომ კაპიტალის ბაზრის მხარდაჭერის სახელმწიფო პროგრამის ფარგლებში ეს ჩვენი რიგით მეორე წარმატებული თანამშრომლობაა. პროგრამით პირველად სარგებლობისას კომპანიამ სადებიუტო ობლიგაციები გამოუშვა, რაც ახალი ემიტენტების კაპიტალის ბაზარზე შემოსვლის კიდევ ერთი თვალსაჩინო მაგალითია. მოხარული ვარ, რომ კაპიტალის ბაზარი ქართული ბიზნესისთვის გრძელვადიანი განვითარების და ფინანსური რესურსების მოზიდვის ეფექტიანი ინსტრუმენტი ხდება და სულ უფრო მეტი ქართული კომპანია განიხილავს მას, როგორც ზრდის შესაძლებლობას. კორპორაცია მომავალშიც აქტიურად გააგრძელებს მსგავსი ინიციატივების მხარდაჭერას, რადგან კაპიტალის ბაზრის განვითარება ჩვენთვის ერთ-ერთი სტრატეგიული მიმართულებაა“, - განაცხადა ირაკლი გაბრიაძემ, საქართველოს ეკონომიკის განვითარების კორპორაციის დირექტორმა.„ემპი დეველოპმენტი“ კომერციული უძრავი ქონების მმართველი კომპანიაა, რომლის პორტფელი თბილისსა და საქართველოს რეგიონებში 18 სავაჭრო ობიექტს მოიცავს. 

1785242978

შეხვედრას ასევე ესწრებოდნენ სების ვიცე-პრეზიდენტი ეკატერინე გალდავა და საერთაშორისო ურთიერთობების დეპარტამენტის ხელმძღვანელი გიორგი ედილაშვილი.შეხვედრაზე მხარეებმა საქართველოს საგადახდო სისტემის განვითარების მიმართულებით მიმდინარე და დაგეგმილი პროექტები, მომხმარებელთა უფლებების დაცვის მექანიზმები, ფინანსური განათლების საკითხები და საქართველოს ეროვნულ ბანკსა და Visa-ს შორის თანამშრომლობის სამომავლო პერსპექტივები განიხილეს.ნათია თურნავამ სების გადახდის მომსახურებების საკომისიოებისა და კომერციული ბანკების სადეპოზიტო პროდუქტების საპროცენტო განაკვეთების შედარების პლატფორმის შექმნის პროცესში Visa-ს აქტიური მხარდაჭერისთვის მადლობა გადაუხადა. ეროვნული ბანკის ინიციატივით შექმნილი ახალი პლატფორმა, მომხმარებლებს შესაძლებლობას აძლევს ერთმანეთს შეადარონ სხვადასხვა გადახდის მომსახურების პროვაიდერის საკომისიოები და კომერციული ბანკების სადეპოზიტო პროდუქტების საპროცენტო განაკვეთები, რაც მათ ინფორმირებული ფინანსური გადაწყვეტილებების მიღებაში ეხმარება.მხარეებმა ასევე ისაუბრეს „თბილისის ფინანსური სამიტის“ შესახებ, რომელიც წელს თბილისში მეორედ 27-28 ოქტომბერს გაიმართება. Visa გასული წლის მსგავსად, წელსაც სამიტის აქტიური მხარდამჭერია.შეხვედრაზე განიხილეს მიმდინარე და დაგეგმილი ინიციატივები, რომლებიც ქვეყანაში ინოვაციური საგადახდო სერვისების ხელმისაწვდომობის გაზრდას შეუწყობს ხელს.სების პრეზიდენტის ნათია თურნავას თქმით, საქართველოს ეროვნული ბანკისთვის მნიშვნელოვანია კერძო სექტორთან და საერთაშორისო პარტნიორებთან მჭიდრო თანამშრომლობა, რათა მომხმარებლებს თანამედროვე, უსაფრთხო და ინოვაციური საგადახდო მომსახურებები შესთავაზონ.Visa საქართველოში 25 წელზე მეტია ოპერირებს და მნიშვნელოვან როლს ასრულებს ქვეყნის საგადახდო ეკოსისტემის განვითარებაში. 2026 წლის ივნისის მდგომარეობით, Visa-ს აქტიური ბარათების რაოდენობამ 1.9 მილიონს გადააჭარბა.(R)

1785234894

კონფერენციაში მონაწილეობდნენ ბიზნეს სექტორის წარმომადგენლები, ინვესტორები და სხვა დაინტერესებულები, სასაწყობე ბაზრის საინვესტიციო შესაძლებლობებით.გაიმართა წარმომადგენლობითი (Tbilisi Logistics Center, Nikora Management Group, Sharm Trading, JAY Warehouse და LSG Solutions) პანელური დისკუსია.საქართველოს სასაწყობე ბაზარზე დღემდე არ არსებობდა ერთიანი მონაცემები, რომელიც ერთ სივრცეში მოაქცევდა ინფორმაციას ფართის მოცულობაზე, ხარისხზე, ქირის დინამიკაზე, საკუთრების სტრუქტურასა და არსებულ საწყობებში გამოყენებულ ლოგისტიკურ მოდელებზე. ეს კი ართულებდა როგორც ბიზნეს გადაწყვეტილებებს, ისე პროექტების დაფინანსების შეფასებას. აღნიშნული კვლევა ამ საჭიროებებზე საპასუხოდ შეიქმნა.კვლევის მიხედვით, 2025 წელს თბილისში სასაწყობე ფართი 1.26 მლნ მ² იყო, მ.შ. > 80% დაბალი კლასის საწყობები. გაზრდილია ქირა 6.3 -მდე (1 მ²) ,2022 წლიდან 60%-ით.G&T-ისს პროგნოზით, 2027 წლის ბოლომდე მიწოდება 31%-ით გაიზრდება. დაგეგმილი პროექტების 85% სამგორსა და თბილისის შემოსასვლელებშია კონცენტრირებული. გაზრდილი მიწოდების ფონზე  ქირის სტაბილიზაციაა მოსალოდნელი.ბოლო წლებში გაზრდილმა ქირამ კომპანიების ნაწილს საკუთარი საწყობების მშენებლობისკენ უბიძგა. კვლევის შეფასებით, ეს ნაბიჯი A კლასის საწყობისთვის ფინანსურად მიზანშეწონილია მინიმუმ 7,000 კვ.მ სტაბილური და გრძელვადიანი მოთხოვნის შემთხვევაში. დაბალი კლასის შემთხვევაში ეს ნიშნული უფრო დაბალია. ამის ფონზე, საბითუმოდ მოვაჭრე სექტორთან ერთად, FMCG და ელექტრონიკის სექტორის კომპანიებიც გადადიან ცენტრალიზებულ სადისტრიბუციო მოდელებზე მიწოდების ჯაჭვის ეფექტურობის გასაზრდელად.მესამე მხარის ლოგისტიკის (3PL) წილი თბილისში ჯერ კიდევ მხოლოდ 8%-ია, თუმცა ზრდის პოტენციალი რეალურია - განსაკუთრებით ელ-კომერციის განვითარების, მცირე და საშუალო ბიზნესის მოთხოვნის ზრდისა და უცხოური კომპანიების ბაზარზე შემოსვლის კვალდაკვალ.„საქართველოს სასაწყობე ბაზარი ბოლო წლებში შეიცვალა, მაგრამ ამ ცვლილებების სრული სურათი ხელმისაწვდომი არ იყო. ეს კვლევა სწორედ ამ დანაკლისის შევსების მცდელობაა. საგულისხმოა, რომ რამდენიმე დღის წინ გალტ & თაგარტი გლობალურმა გამოცემა Euromoney-იმ კვლევების მიმართულებით ქვეყანაში საუკეთესოდ დაასახელა. მიგვაჩნია, რომ სწორედ ასეთი ხარისხის, სიღრმისეული კვლევები და ბაზრისთვის მნიშვნელოვანი ანალიტიკური ინფორმაციის გაზიარება არის ის, რამაც გალტ & თაგარტს საერთაშორისო აღიარება მოუტანა. ჩვენ მომავალშიც გავაგრძელებთ მუშაობას, რათა ბიზნესს, ინვესტორებსა და ბაზრის სხვა მონაწილეებს მივაწოდოთ სანდო, კომპეტენტური და პრაქტიკული ანალიზი, რომელიც მათ სტრატეგიული გადაწყვეტილებების მიღებაში დაეხმარება“, - განაცხადა გიორგი კუპრაშვილმა, გალტ & თაგარტის გენერალურმა დირექტორმა.კვლევაზე მეტი ინფორმაციისთვის ეწვიეთ გალტ & თაგარტის ვებგვერდს.(R)

1785232085

თამაშდება სამი მთავარი ფულადი პრიზი. პირველ ადგილზე გასული მომხმარებელი 80 000 ლარს, მეორე - 50 000 ლარს, ხოლო მესამე 20 000 ლარს მიიღებს. გარდა ამისა, კამპანიის განმავლობაში გათვალისწინებულია არაერთი დამატებითი საჩუქრებიც, მათ შორის PLUS ქულები, ფულადი პრიზები და სხვა.გათამაშებაში ჩასართავად მომხმარებელი კამპანიის პერიოდში ერთხელ მაინც უნდა შევიდეს საქართველოს ბანკის მობილბანკში. პირველივე შესვლისას ის საჩუქრად მიიღებს ერთ ბილეთს და ავტომატურად გახდება გათამაშების მონაწილე.გათამაშების ფინალში გამარჯვების შანსი დაგროვებული ბილეთების რაოდენობაზეა დამოკიდებული - რაც მეტი ბილეთი აქვს მომხმარებელს, მით უფრო იზრდება მისი გამარჯვების შანსი.როგორ გროვდება ბილეთები?კამპანიის ფარგლებში ბილეთების დაგროვება რამდენიმე გზით არის შესაძლებელი.ყველაზე მარტივი გზა მობილბანკში ყოველდღიური ოპერაციების შესრულებაა. ნებისმიერი გადახდა, გადარიცხვა მომხმარებელს აძლევს საჩუქრის ყუთს, რომლის გახსნის შემდეგ ის მიიღებს ფინალური გათამაშების ერთ გარანტირებულ ბილეთს. ზოგიერთ შემთხვევაში ყუთში, ბილეთთან ერთად, შეიძლება დახვდეს მომენტალური პრიზიც - PLUS ქულები ან გათამაშების 500 ბილეთი.ბილეთის მისაღებად აუცილებელია, მომხმარებელმა საჩუქრის ყუთი გახსნას.როგორ მივიღოთ მეტი ბილეთი?ბილეთების სწრაფად დაგროვების მეორე ეფექტური გზა სკივრია.სკივრის გასახსნელად საჭიროა 5 გასაღების შეგროვება, ხოლო თითოეული გასაღები მარტივი მისიის შესრულებით მიიღება. მისიებს შორისაა: კომუნალურის, ინტერნეტის ან ტელევიზიის გადასახადის გადახდა; მობილურის ბალანსის შევსება; ვალუტის კონვერტაცია; გადახდის ან გადარიცხვის შაბლონის შექმნა; ავტომატური გადახდის ან გადარიცხვის დავალების შექმნა; სხვა ბანკიდან თანხის გადმოტანა; თანხის მოთხოვნის ან თანხის გაყოფის ფუნქციის გამოყენება; ტრანზაქციების შესრულება შაბლონის ან ავტომატური დავალების გამოყენებით. სკივრის გახსნისას მომხმარებელი გარანტირებულად მიიღებს 50 ფინალური გათამაშების ბილეთს, ხოლო შემთხვევითობის პრინციპით შესაძლოა დამატებით მიიღოს ფულადი პრიზი - 2 000 ლარამდე ან 1000 ბილეთი.ფინალური გათამაშების ბილეთების დაგროვება შესაძლებელია საბარათე გადახდებითაც. კამპანიის პერიოდში Visa, Mastercard-ისა და American Express-ის სადებეტო ბარათით შესრულებული მინიმუმ 10-ლარიანი ერთჯერადი გადახდა მომხმარებელს დამატებით ერთ ბილეთს აძლევს. საბარათე ტრანზაქციებით შესაძლებელია დღეში 5 ბილეთის დაგროვება. გათამაშებაში ჩასართავად საჭიროა მობილბანკის განახლება და მასში შესვლა.ჩაერთე მობილბანკის გათამაშებაში, გაიგე მეტი.(R)

1785229776

საქართველოში შემოსავლების უთანასწორობის შეფასება და მისის პოტენციური გავლენა მონეტარული პოლიტიკის გადაცემის მექანიზმზე; მიმდინარე ანგარიშის ბალანსის ძირითადი ფაქტორები საქართველოში: დინამიკა და სტრუქტურული ცვლილებები; კრიპტოვალუტები და ფინანსური გლობალიზაციის გამოწვევები: ინდივიდის მონეტარული არჩევანის ტრანსფორმაცია; ტრადიციული ბანკინგიდან ციფრულ ეკოსისტემებამდე: სუპერ აპლიკაციების ფენომენი და ნებადართული საბანკო საქმიანობა; საკრედიტო დერივატივები და სექიურიტიზაცია: მრავალსახელიანი საკრედიტო ინსტრუმენტები. სამეცნიერო-ანალიტიკური ჟურნალი „მონეტარული ეკონომიკა“ წარმოადგენს აკადემიურ რესურსს მონეტარული პოლიტიკით, საბანკო და, ზოგადად, ფინანსური სექტორით, ფინანსური ტექნოლოგიებითა და კაპიტალის ბაზრების განვითარებით დაინტერესებული მკითხველისთვის, მათ შორის ახალგაზრდა მეცნიერებისა და მკვლევრებისთვის. ჟურნალი ქმნის პლატფორმას პროფესიული, სიღრმისეული და არგუმენტირებული დიალოგისთვის.ეროვნული ბანკის პირველი ანალიტიკური ჟურნალი - „ბანკი“ - დაახლოებით 25 წლის წინ დაარსდა. მოგვიანებით გამოიცემოდა ჟურნალი „ეკონომიკა და საბანკო საქმე“. ამჯერად ჟურნალი განახლებული ფორმატით გამოდის, ქართულ და ინგლისურ ენებზე, სახელწოდებით „მონეტარული ეკონომიკა“.ჟურნალის მომდევნო ნომრისთვის რედაქცია გარე ავტორებისგან სტატიებს მიიღებს ელექტრონულ მისამართზე - monetaryeconomics@nbg.gov.ge(R)

1785229489

ობლიგაციების ინვესტორები ფიზიკური პირები არიან.მოზიდული სახსრებით არსებული ობლიგაციების რეფინანსირდება  და სამომავლო პროექტები დაფინანსდება.განთავსების აგენტის ინფორმაციით,  აღნიშნული ტრანზაქციით კომპანიამ მნიშვნელოვნად გაიუმჯობესა დაფინანსების ხარჯები.„ვულოცავ „ემპი დეველოპმენტს“ მორიგ წარმატებულ ტრანზაქციას. კომპანია აქტიური ემიტენტია საქართველოს კაპიტალის ბაზარზე და მოცემული ემისიის გათვალისწინებით, განთავსებული აქვს $29 მილიონსა და €8 მლნ-ზე მეტი მოცულობის ობლიგაციები. მოხარული ვარ, რომ აქტიურად ვპარტნიორობთ და თანამშრომლობის ფარგლებში უკვე მე-4 და მე-5 ემისიები განვახორციელეთ. შედეგად, ერთობლივად ვაგრძელებთ ადგილობრივი სავალო კაპიტალის ბაზრის განვითარებას. მიმდინარე წელს თიბისი კაპიტალი უკვე ექვს კომპანიას დაეხმარა ფინანსური რესურსების მოზიდვაში. ჯამში, 10 ტრანზაქციის ფარგლებში ₾400 მლნ-ის კორპორაციული ობლიგაციები განვათავსეთ. შედეგად, ვინარჩუნებთ ლიდერის პოზიციას და ადგილობრივი კორპორაციული ობლიგაციების ბაზარზე 60%-იანი წილი გვიჭირავს“, - ოთარ შარიქაძე, თიბისი კაპიტალის დირექტორი.„მინდა მივულოცო „ემპი დეველოპმენტს“ $6.3 მილიონისა და €5.3 მლნ-ს მოცულობის ობლიგაციების წარმატებით განთავსება. აღსანიშნავია, რომ კაპიტალის ბაზრის მხარდაჭერის სახელმწიფო პროგრამის ფარგლებში ეს ჩვენი რიგით მეორე წარმატებული თანამშრომლობაა. პროგრამით პირველად სარგებლობისას კომპანიამ სადებიუტო ობლიგაციები გამოუშვა, რაც ახალი ემიტენტების კაპიტალის ბაზარზე შემოსვლის კიდევ ერთი თვალსაჩინო მაგალითია. მოხარული ვარ, რომ კაპიტალის ბაზარი ქართული ბიზნესისთვის გრძელვადიანი განვითარების და ფინანსური რესურსების მოზიდვის ეფექტიანი ინსტრუმენტი ხდება და სულ უფრო მეტი ქართული კომპანია განიხილავს მას, როგორც ზრდის შესაძლებლობას. კორპორაცია მომავალშიც აქტიურად გააგრძელებს მსგავსი ინიციატივების მხარდაჭერას, რადგან კაპიტალის ბაზრის განვითარება ჩვენთვის ერთ-ერთი სტრატეგიული მიმართულებაა“, - ირაკლი გაბრიაძე, საქართველოს ეკონომიკის განვითარების კორპორაციის დირექტორი.„მოხარულები ვართ, რომ ჩვენი პარტნიორების მხარდაჭერით, წელს კიდევ ერთხელ, წარმატებით განვახორციელეთ ობლიგაციების ემისია. „ემპი დეველოპმენტის“, როგორც აქტიური და წარმატებული ემიტენტის მიმართ ინვესტორების მაღალმა ნდობამ და კომპანიის მიერ წარმატებით განხორციელებულმა წინა ემისიებმა შესაძლებლობა მოგვცა, წელს ბაზარს კიდევ უფრო მასშტაბური შეთავაზებით დავბრუნებოდით. შედეგად, $57 მლნ-ის ობლიგაციების პროგრამის ფარგლებში, წარმატებით განვათავსეთ $6.3 მილიონისა და €5.3 მლნ-ს ობლიგაციები. „ემპი დეველოპმენტის“ გუნდის სახელით, მადლობას ვუხდი მხარდაჭერისთვის თიბისი კაპიტალს, გალტ ენდ თაგარტსა და საქართველოს ეკონომიკის განვითარების კორპორაციას - მათ მნიშვნელოვანი წვლილი შეიტანეს ემისიის წარმატებით განხორციელებაში. განსაკუთრებით მნიშვნელოვანია, რომ მიმდინარე ემისიის მიმართ ინვესტორების ინტერესი კვლავ მაღალია. ამასთან, სასიხარულოა, რომ არსებულმა ინვესტორებმაც გამოხატეს ახალ ემისიაში მონაწილეობის სურვილი, რაც კომპანიის მიმართ მაღალი ნდობისა და ჩვენი განვითარების სტრატეგიისადმი პოზიტიური შეფასების კიდევ ერთი დასტურია. „ემპი დეველოპმენტი“ უკვე 14 წელია თანმიმდევრულად და სტაბილურად ვითარდება. გვჯერა, რომ სწორედ ეს თანმიმდევრულობა და მიღწეული შედეგები განაპირობებს ბაზრის მზარდ ნდობას ჩვენი კომპანიის მიმართ“, - პაპუნა კაციტაძე, „ემპი დეველოპმენტის“ დირექტორი.

1785229084

ორივე ლიდერი ვაშინგტონში სენატორ ლინდსი გრემის სულისმოსახსენებელ ცერემონიაზე დასასწრებად იმყოფება.ვაშინგტონში ჩასვლისას ვოლოდიმირ ზელენსკიმ განაცხადა, რომ აშშ-ის პრეზიდენტთან და მის გუნდთან შეხვედრების მთავარი პრიორიტეტი ანტიბალისტიკური თავდაცვა და სტრატეგიული თანამშრომლობაა.Reuters-ის წყაროს ცნობით, კიევისთვის უმთავრეს საკითხს Patriot-ის სისტემებისთვის რაკეტების შესყიდვაზე თანხმობის მიღება წარმოადგენს.ამასთან, მხარეები განიხილავენ დრონების შეთანხმების დასრულებასა და უკრაინისთვის Patriot-ის გზაგადამჭრელების წარმოების ლიცენზიის მინიჭებას. თეთრი სახლის ოფიციალური პირის ცნობით, ტრამპი ზელენსკისთან რუსეთ-უკრაინის სამშვიდობო პროცესსაც განიხილავს, რის შემდეგაც უკრაინის პრეზიდენტი აშშ-ის სენატის ასივე წევრს შეხვდება.რაც შეეხება ისრაელის პრემიერ-მინისტრს, წყაროების ცნობით, ბენიამინ ნეთანიაჰუს მიზანია ტრამპისგან მხარდაჭერის მოპოვება 27 ოქტომბერს დაგეგმილი არჩევნების წინ. თეთრი სახლის წარმომადგენლის განცხადებით, მხარეები განიხილავენ ირანის კონფლიქტს, ისრაელ-ლიბანის დაძაბულობასა და „აბრაამის შეთანხმებების“ (Abraham Accords) გაფართოების პერსპექტივებს.ვიზიტი იმ ფონზე მიმდინარეობს, როდესაც პენტაგონის მიერ კონგრესისთვის გაგზავნილი წერილის თანახმად, ტრამპის ადმინისტრაცია უკრაინისთვის გამოყოფილი 400 მილიონი დოლარის დახმარების სრულად დახარჯვას 2029 ფისკალურ წლამდე არ გეგმავს, რის გამოც დემოკრატებმა და ზოგიერთმა რესპუბლიკელმა უწყება გააკრიტიკეს.

1785227711