თბილისი რეგიონის ცენტრალური ბანკების პრეზიდენტებს მასპინძლობს

აღნიშნული ჯილდო წარმოადგენს, ADB-ის მიერ საქართველოში ვაჭრობისა და მიწოდების ჯაჭვის დაფინანსების პროგრამის ფარგლებში, პარტნიორი ბანკის აქტიური და წარმატებული თანამშრომლობის აღიარებას. შეფასების კრიტერიუმი ეფუძნება ADB-ის TSCFP-ის ფარგლებში ბანკის მიერ განხორციელებული ტრანზაქციების ოდენობასა და მოცულობას.„ლიდერი პარტნიორი ბანკის“ ჯილდოს მიღება ადასტურებს ბაზისბანკის მდგრად პოზიციებს საერთაშორისო ვაჭრობის ხელშეწყობის კუთხით, ბანკის მაღალ სანდოობას საერთაშორისო ფინანსურ ინსტიტუტებს შორის და მის მნიშვნელოვან წვლილს ქვეყნის ეკონომიკურ განვითარებაში.„ბაზისბანკის აღიარება საქართველოში ლიდერ პარტნიორ ბანკად, ასახავს ჩვენი თანამშრომლობის სიმტკიცესა და სტაბილურობას ვაჭრობისა და მიწოდების ჯაჭვის დაფინანსების პროგრამის ფარგლებში. ბაზისბანკი აქტიური და სანდო პარტნიორია საქართველოში მოქმედი ბიზნესებისთვის სავაჭრო დაფინანსების მიწოდების მიმართულებით. იგი მხარს უჭერს ბაზარზე არსებული ხარვეზების აღმოფხვრასა და ადგილობრივი კომპანიების დაკავშირებას საერთაშორისო ბაზრებთან. ვულოცავთ ბაზისბანკს ამ მიღწევას და ვიმედოვნებთ ჩვენი პარტნიორობის შემდგომ გაფართოებას მომავალ წლებში მდგრადი სავაჭრო ზრდის მხარდასაჭერად“, - სტივენ ბეკი, აზიის განვითარების ბანკის „ვაჭრობისა და მიწოდების ჯაჭვის დაფინანსების პროგრამის“ ხელმძღვანელი.„ჩვენთვის დიდი პატივია აზიის განვითარების ბანკისგან „საქართველოში ლიდერი პარტნიორი ბანკის“ ჯილდოს მიღება. ეს აღიარება ასახავს იმ ხელშესახებ პროგრესს, რომელსაც ბაზისბანკმა საკუთარი სტრატეგიის განხორციელების პროცესში მიაღწია - სავაჭრო დაფინანსების შესაძლებლობების გაფართოებისა და საერთაშორისო ვაჭრობაში ჩართული კლიენტების მხარდაჭერის გაძლიერების მიმართულებით. ADB-სთან ჩვენი მრავალწლიანი პარტნიორობა საშუალებას გვაძლევს, ქართულ ბიზნესს საერთაშორისო სტანდარტების შესაბამისი ფინანსური ინსტრუმენტები შევთავაზოთ და ხელი შევუწყოთ ადგილობრივი ბიზნესების საქმიანობის წარმართვის გამარტივებას საერთაშორისო ბაზრებზე. მადლობას ვუხდით ADB-ს ამ ნაყოფიერი პარტნიორობისთვის და კვლავაც განვაგრძობთ ჩვენი შესაძლებლობების გაფართოებას, რათა უკეთ ვემსახუროთ კლიენტებს და წვლილი შევიტანოთ საქართველოს ეკონომიკურ ზრდაში“, - ბაზისბანკის გენერალური დირექტორი, დავით ცაავა.ADB-ს ვაჭრობისა და მიწოდების ჯაჭვის დაფინანსების პროგრამა ყოველწლიურად აჯილდოებს პარტნიორ ბანკებს, რომელთაც ვაჭრობის დაფინანსების კუთხით მნიშვნელოვანი წვლილი შეაქვთ რეგიონული და საერთაშორისო ეკონომიკური განვითარების პროცესში.ბაზისბანკ ჯგუფის შესახებ2026 წლის აპრილში ბაზისბანკმა ლიბერთის აქციების 95.99% შეიძინა. ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით და 700-მდე ბანკომატით საქართველოს ყველა რეგიონსა და მუნიციპალიტეტში.2026 წლის 7 თვის ფინანსური მონაცემებით, ბაზისბანკ ჯგუფის აქტივები 12.1 მლრდ ლარს შეადგენს, მთლიანი საკრედიტო პორტფელი 7.9 მლრდ ლარია, ხოლო დეპოზიტების პორტფელი 9.1 მლრდ ლარი. ჯგუფის 2026 წლის 7 თვის წმინდა მოგებამ 128 მილიონი ლარი შეადგინა.(R)

1789716805

2Q26-ში, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია (16.6%), საბითუმო და საცალო ვაჭრობა; ავტომობილების და მოტოციკლების რემონტი (8%), ტრანსპორტი და დასაწყობება (19.8%), ხელოვნება, გართობა და დასვენება (17.4%), დამამუშავებელი მრეწველობა (7.3%), ჯანდაცვა და სოციალური მომსახურების საქმიანობები (15%).კლების მიმართულებით მნიშვნელოვანი წვლილი შეიტანა შემდეგმა დარგებმა: მშენებლობა (-4.8%) და სოფლის, სატყეო და თევზის მეურნეობა (-3.5%).მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა საბითუმო და საცალო ვაჭრობა; ავტომობილების და მოტოციკლების რემონტი (14.9%) და უძრავ ქონებასთან დაკავშირებული საქმიანობები (9.1%). შემდეგ პოზიციებს იკავებს დამამუშავებელი მრეწველობა (8.9%), ინფორმაცია და კომუნიკაცია (7.6%), სახელმწიფო მმართველობა და თავდაცვა; სავალდებულო სოციალური უსაფრთხოება (6.5%), მშენებლობა (6.5%), სოფლის, სატყეო და თევზის მეურნეობა (6.4%), განათლება (6.4%) და ტრანსპორტი და დასაწყობება (6.3%).  დაზუსტებული მონაცემები გამოქვეყნდება 2026 წლის 13 ნოემბერს.

1789716109

ახალი ფუნქციონალი მომხმარებელს „ყველაფერი ან არაფერი“ პრინციპისგან ათავისუფლებს და მიღებული თანხის მართვის სრულ კონტროლს მობაილბანკიდან აძლევს.გზავნილის მიღებისას მომხმარებელს აღარ უწევს მთლიანი თანხის კონვერტაცია. მაგალითად, თუ მან 500$ მიიღო, შეუძლია მხოლოდ 100$ გადაიყვანოს ლარში; დარჩენილი თანხა კი, უცხოური ვალუტის ანგარიშზე შეინახოს. ამასთან, თანხის კონვერტაცია შესაძლებელია მობაილბანკში, საუკეთესო კურსით, 24/7-ზე - ზუსტად მაშინ და იმ ოდენობით, როცა და რამდენიც დაგჭირდება.გზავნილის ნაწილობრივი კონვერტაცია განსაკუთრებით მნიშვნელოვანია მათთვის, ვინც რეგულარულად იღებს ფინანსურ მხარდაჭერას საზღვარგარეთიდან; ასევე, არარეზიდენტებისა და ფრილანსერებისთვის, რომლებიც შემოსავალს უცხოურ ვალუტაში იღებენ. მობაილბანკში ეს ახალი შესაძლებლობა მათ ყოველდღიური ხარჯებისა და დანაზოგების უფრო მოქნილად განაწილებაში დაეხმარება.მართე გზავნილი შენი წესებით - სწორედ, ეს არის მობაილბანკის ახალი ფუნქციონალის მთავარი იდეა. მომხმარებელი თავად წყვეტს, რამდენი თანხა სჭირდება ახლა, რამდენის შენარჩუნება სურს უცხოურ ვალუტაში და როდის მოახდენს დარჩენილი თანხის კონვერტაციას.თიბისისთვის ტექნოლოგიური ინოვაცია მხოლოდ ახალი ფუნქციონალის შექმნას არ ნიშნავს - მისი მიზანი ადამიანებისთვის ყოველდღიური ფინანსური პროცესების გამარტივება და მათ საჭიროებებზე მორგებული გადაწყვეტილებების შეთავაზებაა. სწორედ ამიტომ, მობაილბანკი მუდმივად ვითარდება და მომხმარებლებს ახალ, პრაქტიკულ და ინოვაციურ შესაძლებლობებს სთავაზობს, რომლებიც ფინანსების მართვას კიდევ უფრო მარტივს, მოქნილსა და კომფორტულს ხდის. (R)

1789715571

პოლონეთის პარლამენტში გამოსვლისას ტუსკმა აღნიშნა, რომ NATO-ს, უკრაინისა და პოლონეთის დაზვერვის მონაცემებზე დაყრდნობით, მომავალი შემოდგომა-ზამთრის პერიოდში „ყველაზე სავარაუდო სცენარი“ რუსეთის მხრიდან აგრესიის გაძლიერებაა, როგორც უკრაინის, ისე მისი მოკავშირეების, განსაკუთრებით პოლონეთის წინააღმდეგ.პოლონეთის პრემიერის შეფასებით, კრემლის სტრატეგიული მიზანი „NATO-ს ერთიანობის დასუსტება“ და წევრი ქვეყნების იმაში დარწმუნებაა, რომ ალიანსის მე-5 მუხლი კოლექტიური თავდაცვის შესახებ უფრო თეორიული ცნებაა, ვიდრე პრაქტიკულად მომუშავე მექანიზმი. რუსული ჰიბრიდული თავდასხმები, ჯაშუშობა და საჰაერო სივრცის დარღვევები სწორედ იმ ზღვარს ამოწმებს, თუ რა ჩაითვლება პირდაპირ შეიარაღებულ თავდასხმად.„არსებობს რეალური რისკი იმისა, რომ დრონები ან სხვა ტიპის რაკეტები აღმოსავლეთ ფლანგზე მდებარე NATO-ს ერთ ან რამდენიმე ქვეყნის ტერიტორიაზე შეიჭრას და ზიანი მიაყენოს. ოფიციალური ნარატივი კი იქნება ის, რომ ეს იყო უბედური შემთხვევა და არავის აქვს საფუძველი, NATO-ს მხრიდან რაიმე სახის საპასუხო რეაგირება განიხილოს“, - განაცხადა ტუსკმა.მან ასევე ყურადღება გაამახვილა დასავლეთში არსებულ პოლიტიკურ განწყობებზეც და აღნიშნა, რომ ევროპასა თუ შეერთებულ შტატებში ყველა პოლიტიკოსი არ არის მზად მე-5 მუხლით გათვალისწინებული ვალდებულებების დაუყოვნებლივ შესასრულებლად. ტუსკის თქმით, ზოგიერთი პოლიტიკური ჯგუფი „უბრალოდ მიზეზს ელოდება“, რათა კონფლიქტის შემთხვევაში პოლონეთის ან ბალტიისპირეთის ქვეყნების დაცვაზე უარი თქვას.ამასთან, პოლონეთის პრემიერ-მინისტრმა ხაზგასმით აღნიშნა, რომ მომავალი თვეები უკრაინისთვის „ტრაგიკულად კრიტიკული“ იქნება. მოსალოდნელია, რომ რუსეთი გააძლიერებს მაღალი ინტენსივობის იერიშებს უკრაინის მსხვილ ქალაქებზე, საწყობებზე, რკინიგზის ინფრასტრუქტურასა და თავდაცვისთვის კრიტიკულად მნიშვნელოვან ლოგისტიკურ ობიექტებზე.ბოლო პერიოდში მსგავსი თავდასხმები განსაკუთრებით ინტენსიური გახდა დასავლეთ უკრაინაში, პოლონეთის საზღვართან ახლოს, სადაც რუსეთმა რეაქტიული დრონების გამოყენება გაზარდა.

1789712728

25 სექტემბერს საქართველოს ეროვნული ნაკრები უეფას ერთა ლიგის B დივიზიონის საშინაო მატჩში ჩრდილოეთ ირლანდიას დაუპირისპირდება. თუმცა, არსებული შეზღუდვების გამო, ჩვენი ფეხბურთელები ამჯერად ცარიელი ტრიბუნების წინაშე ითამაშებენ.სწორედ აქედან დაიბადა კამპანიის იდეაც: თუ გულშემატკივარი სტადიონზე ვერ მივა, მაშინ თავად ქალაქი იქცევა საგულშემატკივრო ტრიბუნად. თუ სტადიონი ჩუმადაა, ხმაურობს ქალაქი!საქართველოს ბანკის, საქართველოს ფეხბურთის ფედერაციისა და ნაკრების გულშემატკივრების ერთობლივი ძალისხმევით, მატჩის დღეს თბილისში, დინამოს მიმდებარედ. სპეციალური გულშემატკივართა ზონები მოეწყობა. ასე ფეხბურთის მთავარი ემოცია, ჟინი და ქომაგობა მხოლოდ დინამო არენაზე კი არა, თბილისის ქუჩებზეც გავრცელდება.გულშემატკივართა ზონები მოეწყობა ცაბაძის კუთხეში, თამარ მეფის ხიდთან, დინამო არენასთან და საქართველოს ეროვნული სიმფონიური ორკესტრის აუდიტორიასთან, სადაც გულშემატკივრები შეძლებენ, თამაშზე ხმაურით შეაცილონ ნაკრები და შეახსენონ, რომ ქომაგობა სტადიონის კართან არ იწყება და არც მთავრდება, რომ ქომაგობას შეზღუდვები ვერ აჩერებს.„გულშემატკივარი ეროვნული ნაკრების ძალის მნიშვნელოვანი ნაწილია. ამჯერად ტრიბუნებზე ვერ ვიქნებით, მაგრამ ეს ჩვენს ქომაგობას ვერ შეაჩერებს. პირიქით, გვაძლევს შესაძლებლობას, ფეხბურთის ემოცია მთელი ქალაქის მასშტაბით გავაერთიანოთ. გვინდა, ჩვენმა ფეხბურთელებმა იგრძნონ, რომ ისინი მარტო არ არიან და რომ მათი გულშემატკივრობა არ ჩერდება. 25 სექტემბერს თბილისი  გულშემატკივართა  ტრიბუნა იქნება  და ერთმანეთის გვერდით დგომით გავამხნევებთ ნაკრებს. ერთად ვაჩვენოთ, რამდენი ძალა აქვს ქართულ ქომაგობას“, - აცხადებენ კამპანიის ორგანიზატორები.მოდით, ერთად გავავსოთ ქალაქი ფეხბურთის ემოციით, ხმაურით და ჩვენს ნაკრებს ჩვენი მხარდაჭერა გავაგონოთ, რადგან არცერთი მიზეზის გამო „ქომაგობა არ ჩერდება".(R)

1789652520

ცესკოს თავმჯდომარემ დღევანდელ შეხვედრაზე საარჩევნო ადმინისტრაციის მიმდინარე საქმიანობის, მათ შორის  ახალგაზრდებთან შეხვედრებისა და რეგიონებში  საგანმანათლებლო აქტივობების შესახებაც ისაუბრა. მისი თქმით, სხვადასხვა უწყებებთან თანამშრომლობით განხორციელებული პროექტების ფარგლებში გამართულ შეხვედრებში საერთო ჯამში 5000 -ზე მეტი ახალგაზრდა მონაწილეობდა.გიორგი კალანდარიშვილმა ყურადღება გაამახვილა დეზინფორმაციის გავლენაზე საზოგადოებასა და საარჩევნო პროცესზე, მან შეხვედრის მონაწილეებს გააცნო დეზინფორმაციასთან ბრძოლის მიმართულებით საარჩევნო ადმინისტრაციის სტრატეგია და ისაუბრა ცესკოს ახალი ვებგვერდის, disinfo.cec.gov.ge-ს, შესახებ, რომელიც საერთაშორისო გამოცდილების გათვალისწინებით შეიქმნა.შეხვედრის მონაწილეებს ცესკოს თავმჯდომარემ საარჩევნო ადმინისტრაციის ჟურნალი „არჩევნები 360 გრადუსით“ წარუდგინა და აღნიშნა, რომ გამოცემა მკითხველს სთავაზობს ობიექტურ, მიუკერძოებელ და პროფესიონალურად მომზადებულ კონტენტს ქართულ და ინგლისურ ენებზე, რომელიც ხელმისაწვდომია როგორც ბეჭდურ, ისე ციფრულ ფორმატში. ჟურნალი უკვე ითარგმნა ეთნიკური უმცირესობების ენებზე და უახლოეს მომავალში გამოიცემა.საერთაშორისო ორგანიზაციებისა და საქართველოში აკრედიტებული დიპლომატიური მისიების წარმომადგენლებთან შეხვედრა დღეს ცესკოში გაიმართა. შეხვედრას ასევე ესწრებოდნენ ცესკოს თავმჯდომარის მოადგილე გიორგი შარაბიძე, ცესკოს აპარატის/იურიდიული დეპარტამენტის უფროსი გიორგი სანტურიანი, სტრატეგიული კომუნიკაციების დეპარტამენტის უფროსი ქეთევან დანგაძე, საარჩევნო პროცესების მართვის დეპარტამენტის უფროსი ეკა ცაბაშვილი და საერთაშორისო ურთიერთობების და პროტოკოლის განყოფილების უფროსი თამარ კაპანაძე.(R)

1789649519

Trump Tower Tbilisi-ის ოფიციალური პრეზენტაცია 15 სექტემბერს გაიმართა. ინვესტორებმა პროექტი ადგილობრივ და საერთაშორისო პარტნიორებს, საქართველოს მთავრობისა და ბიზნესის წარმომადგენლებს გააცნეს.Trump Tower Tbilisi კავკასიის რეგიონში პირველია, რომელიც Trump-ის ბრენდის ქვეშ ხორციელდება. 62-სართულიანი Trump Tower თბილისში ყველაზე მაღალი შენობა იქნება და მისი სიმაღლე 280 მეტრს მიაღწევს. კონცეფციაზე მსოფლიოს უმსხვილესმა არქიტექტურულმა სტუდიამ, Gensler-მა იმუშავა.Trump Tower Tbilisi მასშტაბური პროექტის, Downtown Tbilisi-ს, ნაწილი და მთავარი სიმბოლოა. პროექტი თბილისის ცენტრალურ პარკთან მდებარეობს და მისი ჯამური ინვესტიცია $2 მილიარდს აღემატება. Downtown Tbilisi რეგიონში პირველი პრემიუმ უბანი იქნება, რომელიც ლუქს კლასის საცხოვრებელ სახლებსა და რეზიდენციებს, მაღალი კლასის სასტუმროს, პრემიუმ სავაჭრო და საოფისე სივრცეებს, რესტორნებს, გასართობ ობიექტებსა და ბიზნესცენტრს გააერთიანებს.„ვამაყობ, რომ თიბისის მხარდაჭერით, საქართველოს ისტორიაში ერთ-ერთ უმსხვილესი დეველოპერული პროექტი ხორციელდება. პროექტის ინვესტორების მთავარი ფინანსური პარტნიორი სწორედ ჩვენ ვართ - წლებია მათთან ერთად ვახორციელებთ მასშტაბურ პროექტებს და ვაძლიერებთ ეკონომიკას თბილისსა და რეგიონებში.Downtown Tbilisi-ის ფარგლებში ქვეყანაში Trump-ის ბრენდი შემოდის - ეს მნიშვნელოვანი ნაბიჯია მაღალი კლასის უძრავი ქონების ბაზრის განვითარებისთვის. ასეთი პროექტები ხელს უწყობს, რომ საქართველო კიდევ ერთხელ მოექცეს საერთაშორისო ინვესტორების ყურადღების ცენტრში.დღეს სამშენებლო და უძრავ ქონებასთან დაკავშირებული საქმიანობები საქართველოს ეკონომიკის 18%-ს ქმნის. თიბისისთვის კი მნიშვნელოვანია ისეთი პროექტების მხარდაჭერა, რომლებიც თანამედროვე სტანდარტებს ამკვიდრებს და ეკონომიკურ ზრდას უწყობს ხელს. სწორედ ამიტომ წლებია, ჩვენს პარტნიორებთან ერთად, ვმუშაობთ სექტორის განვითარებაზე და 42%-იანი წილით უძრავი ქონების სექტორის წამყვანი დამფინანსებელი ვართ”, - მერი ჩაჩანიძე, თიბისის კორპორატიული საბანკო ბიზნესის მართვის დირექტორი.“Trump Tower Tbilisi არ არის მხოლოდ კიდევ ერთი პროექტი - ეს არის მნიშვნელოვანი ნახტომი საქართველოს დეველოპერული სექტორის განვითარებაში. ჩვენ გადავწყვიტეთ, დროს გავუსწროთ და The Trump Organization-თან და ჩვენს პარტნიორებთან ერთად ქართული ბაზარი განვითარების ახალ ეტაპზე გადავიყვანოთ. ეს იქნება დაახლოებით 2 მილიარდი აშშ დოლარის ღირებულების Downtown Tbilisi-ის პირველი თაუერი და პროექტი, რომელიც თბილისს მსოფლიოს წამყვანი ქალაქების გვერდით დააყენებს“, - ილია წულაია, “არქი ჯგუფის” თანადამფუძნებელი და სამეთვალყურეო საბჭოს თავმჯდომარე.(R)

1789645982

მისი თქმით, ცვლილებები შესყიდვების თანამედროვე მიდგომებს პასუხობს და მცირე და საშუალო ბიზნესს მსხვილ კომპანიებთან კონკურენციის შესაძლებლობას აძლევს.დუმბაძის განმარტებით, ელექტრონული კატალოგი წინადადების წარდგენის ელექტრონული ფორმაა, რომლის გამოყენებაც, მათ შორის, პრეისკურანტით შესყიდვებისას იქნება შესაძლებელი.ჩარჩო შეთანხმების ფარგლებში კი, მისი თქმით, შესყიდვის გამოცხადება შესაძლებელია 3-4 წლით ან უფრო ხანგრძლივი პერიოდით და გამარჯვებულად ერთზე მეტი კომპანიის გამოვლენაც იქნება შესაძლებელი.განსაკუთრებით მნიშვნელოვან ცვლილებად დუმბაძე ქვეკონტრაქტორის გამოცდილების დაჯამების შესაძლებლობას მიიჩნევს. მისი განმარტებით, 1-ელი სექტემბრიდან კომპანიას შეუძლია, შესყიდვის მოთხოვნის დასაკმაყოფილებლად საკუთარი და ქვეკონტრაქტორი კომპანიის გამოცდილება გააერთიანოს.„თუ შემსყიდველი ორგანიზაცია ითხოვდა გამოცდილებას, ვთქვათ, 5 მლნ ლარის, ეს ყველაფერი უნდა დაეკმაყოფილებინა ინდივიდუალურად ერთ კომპანიას. დღეს უკვე კომპანიას შეუძლია, მოიყვანოს პარტნიორი ქვეკონტრაქტორი კომპანია და თქვას, რომ 2 მლნ ლარს აკმაყოფილებს თვითონ და 3 მლნ ლარს მისი ქვეკონტრაქტორი“, – განაცხადა დუმბაძემ.მისი თქმით, ეს შესაძლებლობა განსაკუთრებით მნიშვნელოვანია სამშენებლო სექტორისთვის და იმ მცირე და საშუალო კომპანიებისთვის, რომლებსაც დამოუკიდებლად არ აქვთ შესყიდვის პირობებით მოთხოვნილი გამოცდილება.

1789643594