მაგთის Mesh Wi-Fi

ჰაბის ახალი სასერტიფიკატო კურსები განკუთვნილია 7-12 კლასის მოსწავლეებისათვის, რომლებსაც ინფორმაციული ტექნოლოგიების მიმართულებით ცოდნის გაღრმავება და პროგრამირების საფუძვლების შესწავლა სურთ. კურსები დაეხმარება მოზარდებს განივითარონ ალგორითმული, ლოგიკური და ანალიტიკური აზროვნება, გააძლიერონ ფუნდამენტური უნარები და ტექნოლოგიების მიმართ ინტერესი.ჰაბის ფარგლებში, ახალი თაობისთვის, 2026 წლის ბოლომდე სულ სამი მიმართულებით გამოცხადდება სასერტიფიკატო კურსები. მათ შორის პირველია "დაპროგრამების საფუძვლები (C++)", რომელზეც რეგისტრაცია დაიწყო და 16 სექტემბრის ჩათვლით გაგრძელდება.წლის ბოლომდე კი მოზარდებს ასევე შეეძლებათ დარეგისტრირდნენ: დაპროგრამების საფუძვლების (Python) და „მონაცემთა სტრუქტურებისა და ალგორითმების თეორიული საფუძვლების“ კურსებზე. გადადი ბმულზე და გაიგე მეტი დეტალი.“კურსების მონაწილეები შეძლებენ დაეუფლონ დაპროგრამების და ალგორითმების თეორიის საფუძვლებს, რაც მომავალში მათ საშუალებას მისცემს მიიღონ უფრო ღრმა ცოდნა ორივე მიმართულებით. მოსწავლეებს შესაძლებლობა ექნებათ ჩაერთონ ეროვნულ ოლიმპიადებში, მონაწილეობა მიიღონ ტექ ოლიმპიადების ჰაბის მიერ ორგანიზებულ ეროვნულ ნაკრებთა შესარჩევ პროცესში, გაიარონ სიღრმისეული ინტენსიური გადამზადება და შემდგომში საკუთარი ძალები საერთაშორისო ასპარეზზე გამოცადონ”, - გიორგი მანდარია ტექ ოლიმპიადების ჰაბის ხელმძღვანელი.თიბისის მხარდაჭერით ჰაბის საქმიანობა ხელს უწყობს საქართველოში ტექნოლოგიური განათლების ეკოსისტემის გაძლიერებას და მომავალი თაობის პროგრამისტების, ინჟინრებისა და ინოვატორების განვითარებას.(R)

1789025774

დალასში, რესპუბლიკელების შუალედურ ყრილობაზე სიტყვით გამოსვლისას ტრამპმა განაცხადა, რომ „ტრამპის დივიდენდი“ მხოლოდ აშშ-ის მოქალაქეებზე გაიცემა და მისი დახარჯვა ქვეყნის შიგნით იქნება სავალდებულო.„მე გავცემ $5,000-იან დივიდენდს ამერიკის შეერთებული შტატების თითოეულ სრულწლოვან მოქალაქეზე, ზუსტად ისე, როგორც წარმატებული კომპანია ურიგებს ნაღდ ფულს თავის აქციონერებს“, - განაცხადა ტრამპმა.აშშ-ის აღწერის ბიუროს მონაცემებით, ქვეყანაში დაახლოებით 240 მილიონი სრულწლოვანი მოქალაქეა, რაც იმას ნიშნავს, რომ პროგრამის ჯამური ღირებულება $1.2 ტრილიონს გადააჭარბებს.ეკონომისტების შეფასებით, მსგავსი მასშტაბის სტიმულირება, სავარაუდოდ, კიდევ უფრო გააძვირებს ინფლაციას სამომხმარებლო დანახარჯების ზრდის ფონზე, ფასები ისედაც მაღალ ნიშნულზეა ირანში მიმდინარე კონფლიქტის გამო. გარდა ამისა, დამატებითი საბიუჯეტო შემოსავლების გარეშე, ინიციატივა გაზრდის აშშ-ის მთავრობის გრძელვადიან სესხის აღების დანახარჯებს.დაფინანსების კონკრეტული წყაროები ჯერჯერობით უცნობია, თუმცა პრეზიდენტის თქმით, ეს შესაძლებელი გახდა ქვეყნის „უზარმაზარი ეკონომიკური წარმატების“ წყალობით.მიუხედავად ამისა, რესპუბლიკური პარტიის წარმომადგენლები ინიციატივას სკეპტიკურად შეხვდნენ. ტექსასელმა კონგრესმენმა ჩიპ როიმ განაცხადა, რომ აუცილებელია დეტალურად განისაზღვროს, თუ საიდან მოხდება $1 ტრილიონზე მეტის მობილიზება.ანალიტიკოსების შეფასებით, პირდაპირი ფინანსური წახალისების დაპირება უკავშირდება პრეზიდენტის რეიტინგის ვარდნასა და ირანის ომის მიმართ საზოგადოებრივი მხარდაჭერის შემცირებას, რის გამოც თეთრი სახლი შუალედური არჩევნების წინ ამომრჩეველთა მობილიზებას ცდილობს.

1789024599

ყოველწლიურად, ამ დღეს Tester’s Day აერთიანებს პროგრამული უზრუნველყოფის ტესტირების პროფესიონალებს, ტექნოლოგიური ინდუსტრიის წარმომადგენლებსა და QA სფეროს ლიდერებს და ტესტირების სფეროს განვითარებას, ცოდნის გაზიარებასა და ტექნოლოგიური საზოგადოების გაძლიერებას ემსახურება.წლევანდელი ღონისძიების მთავარი თემები ტექნოლოგიური ინდუსტრიის ყველაზე აქტუალურ საკითხებს მოიცავდა. ადგილობრივ და საერთაშორისო ექსპერტებთან ერთად, აუდიტორიას საკუთარი გამოცდილება თიბისის სპიკერებმაც გაუზიარეს.ცოტნე აბურჯანია - ხარისხის ინჟინერი:“ტესტერის დღეზე სპიკერის როლში უკვე მეორედ ვმონაწილეობ. ამჯერად, წარვადგინე თემა - AI-Enabled Quality Engineering და აუდიტორიას გავუზიარე თიბისის გამოცდილება ამ მიმართულებით. გვინდა, ამ ღონისძიების საშუალებით გავავრცელოთ საუკეთესო პრაქტიკები და დავეხმაროთ IT ენთუზიასტებს, სპეციალისტებსა თუ დამწყებებს სიახლეების შესწავლაში.”ნიკა ჟორდანია - ხარისხის ინჟინერი:“მოხარული ვარ, რომ აუდიტორიას გავუზიარე ჩემი პრაქტიკული გამოცდილება ტესტირების ავტომატიზაციის არქიტექტურისა და თანამედროვე საინჟინრო მიდგომების შესახებ. ჩემი თემა იყო - „Next-Gen Test Automation: From Code Generation to AI-Driven Architecture“, სადაც ვისაუბრე თუ როგორ შეიძლება კოდის ავტომატური გენერაცია გახდეს არა უბრალოდ დროის დაზოგვის ინსტრუმენტი, არამედ საფუძველი AI-სთან უფრო ეფექტური მუშაობისთვის.ჩემთვის ეს ღონისძიება არის შესაძლებლობა, გავცვალო გამოცდილება სხვა პროფესიონალებთან, მოვისმინო ახალი იდეები და გავიგო, როგორ უყურებენ სხვადასხვა სფეროს წარმომადგენლები AI-ის განვითარებასა და მის გავლენას საინჟინრო პროცესებზე.”წელს, Tester’s Day-ს ფარგლებში, ჩატარდა Testing Cup 2026-ის ჰაკათონი, რომლის გამარჯვებული გუნდიც დასკვნით ღონისძიებაზე გამოვლინდა. გუნდი „Avengers“ - რომელიც თიბისის ხარისხის ინჟინრებითაა დაკომპლექტებული - ნინო ნოზაძე, ირაკლი ბულისკერია, მარიამ ნებიერიძე, ცოტნე აბურჯანია, ნიკა ჟორდანია. გამარჯვებული გუნდის ერთი წარმომადგენელი კი, World’s Best Tester-ის ჰაკათონზე იასპარეზებს.თიბისი, როგორც რეგიონის წამყვანი ტექნოლოგიური კომპანია, ტექნოლოგიური ეკოსისტემის განვითარებას საკუთარი პასუხისმგებლობის მნიშვნელოვან ნაწილად მიიჩნევს. კომპანია აქტიურად უჭერს მხარს ტექ საზოგადოებას - ქმნის ცოდნისა და გამოცდილების გაზიარების შესაძლებლობებს, ხელს უწყობს ახალი იდეებისა და ინოვაციების განვითარებას და აერთიანებს სფეროს პროფესიონალებსა და ახალ თაობას. ამ მხარდაჭერის მიზანია, არამხოლოდ ტექნოლოგიური ინდუსტრიის გაძლიერება, არამედ ისეთი გარემოს შექმნა, სადაც ადამიანებს შეუძლიათ ისწავლონ და საკუთარი იდეები რეალურ შესაძლებლობებად აქციონ. (R)

1789024361

მემორანდუმს ხელი მოაწერეს საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ და AFSA-ს აღმასრულებელმა დირექტორმა ევგენია ბოგდანოვამ.მემორანდუმის მიზანია ფინანსური მომსახურების გარკვეულ სფეროებში ასტანის საერთაშორისო ფინანსურ ცენტრსა (AIFC) და საქართველოს ფასიანი ქაღალდების ბაზრებს შორის ორმხრივი წვდომის ხელშეწყობა. შეთანხმება ქმნის უფრო მჭიდრო თანამშრომლობის ჩარჩოს და ხელს შეუწყობს ქვეყნებს შორის ფინანსური მომსახურებების მიწოდების გამარტივებას.მემორანდუმის ფარგლებში, AFSA და საქართველოს ეროვნული ბანკი ბაზრის მონაწილეებისთვის ორმხრივი წვდომის პრაქტიკული მექანიზმების შექმნაზე იმუშავებენ. ამასთან, სრულად იქნება გათვალისწინებული თითოეული იურისდიქციის შესაბამისი სამართლებრივი და მარეგულირებელი მოთხოვნები.ახალი ჩარჩო ასევე ითვალისწინებს ორ მარეგულირებელ ორგანოს შორის საზედამხედველო თანამშრომლობისა და ინფორმაციის გაცვლის გაძლიერებას, რაც ხელს შეუწყობს ტრანსსასაზღვრო ბაზრებზე წვდომის გაფართოებას შესაბამისი საზედამხედველო მექანიზმების პირობებში.„მემორანდუმის მიზანია ორ ქვეყანას შორის ფინანსურ მომსახურებებზე ურთიერთწვდომის ხელშეწყობა და მარეგულირებელი და საზედამხედველო თანამშრომლობის გაძლიერება. ეს, თავის მხრივ, ხელს შეუწყობს ორივე იურისდიქციის ფინანსური ინსტიტუტებისა და ბაზრის მონაწილეებისთვის შესაძლებლობების გაფართოებას და ქვეყნებს შორის ინვესტიციების ზრდას. ჩვენს ბაზრებს შორის თანამშრომლობის გაღრმავება კი ფართო რეგიონში ფასიანი ქაღალდების ბაზრის მდგრადი განვითარების წინაპირობაა“, - განაცხადა საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ.„რეგიონული ფინანსური ინტეგრაცია რეალურ მნიშვნელობას მაშინ იძენს, როდესაც მარეგულირებელი თანამშრომლობა ბაზრის მონაწილეებისთვის პრაქტიკულ შესაძლებლობებად გარდაიქმნება. საქართველოს ეროვნულ ბანკთან გაფორმებული ეს შეთანხმება აღნიშნული მიმართულებით გადადგმული მნიშვნელოვანი ნაბიჯია. მიზნად ვისახავთ ფინანსური ინსტიტუტებისა და ინვესტორებისთვის ახალი შესაძლებლობების შექმნას და საფუძვლის ჩაყრას იმისთვის, რომ ცენტრალური აზია და სამხრეთ კავკასია საერთაშორისო კაპიტალისთვის უფრო მეტად ურთიერთდაკავშირებულ და მიმზიდველ საინვესტიციო სივრცედ ჩამოყალიბდეს“, - აღნიშნა AFSA-ს აღმასრულებელმა დირექტორმა ევგენია ბოგდანოვამ.შეთანხმება ეფუძნება AFSA-სა და საქართველოს ეროვნულ ბანკს შორის მრავალწლიან თანამშრომლობას. მხარეებმა ურთიერთგაგების მემორანდუმი პირველად 2018 წელს გააფორმეს, რომელმაც მარეგულირებელი თანამშრომლობისა და ინფორმაციის გაცვლის ჩარჩო შექმნა.ახალი მემორანდუმი აღნიშნული თანამშრომლობის განვითარების შემდგომ ეტაპს წარმოადგენს და ზოგადი მარეგულირებელი თანამშრომლობიდან AIFC-სა და საქართველოს ფასიანი ქაღალდების ბაზრებს შორის კავშირების განმტკიცებაზე ორიენტირებულ პრაქტიკულ მექანიზმებზე გადასვლას ითვალისწინებს.მემორანდუმის ხელმოწერის ცერემონია ასტანის ფინანსური დღეების ფარგლებში გამართულ მაღალი დონის ღონისძიებაზე - „ფრაგმენტაციიდან ინტეგრაციამდე: რეგიონული თანამშრომლობა უფრო ძლიერი ფინანსური ბაზრებისთვის“, - შედგა.ღონისძიების ფარგლებში გამართულ მრგვალი მაგიდის დისკუსიაში ცენტრალური აზიის, კავკასიისა და სხვა პარტნიორი იურისდიქციების ფინანსური მარეგულირებელი ორგანოებისა და საერთაშორისო ორგანიზაციების მაღალი რანგის წარმომადგენლებმა მარეგულირებელი თანამშრომლობის, ბაზრების ტრანსსასაზღვრო დაკავშირებადობისა და ფინანსური ინტეგრაციის პრაქტიკული მიდგომები განიხილეს.

1789022171

პროექტის დასაფინანსებლად აზიის განვითარების ბანკისგან (ADB) 350 $მლნ-ზე მეტი ოდენობის ფინანსური რესურსია მოზიდული.„დღეს ხელი მოეწერა მნიშვნელოვანი პროექტის განხორციელებას, რომელიც აღმოსავლეთ-დასავლეთის ჩქაროსნული მაგისტრალის ერთ-ერთი მნიშვნელოვანი, პრაქტიკულად, ბოლო ნაწილია. პროექტი მნიშვნელოვანია როგორც თავისი საინჟინრო გადაწყვეტით, ასევე ინვესტიციის მოცულობით“, - განაცხადა ფინანსთა მინისტრმა ლაშა ხუციშვილმა.ხელშეკრულების გაფორმებამდე, საერთაშორისო ტენდერში გამარჯვებული ჩინური კომპანიის, China Railway Tunnel Group Co., Ltd-ის (CRTG) წარმომადგენლებს ინფრასტრუქტურის მინისტრი რევაზ სოხაძე, ფინანსთა მინისტრი ლაშა ხუციშვილი და საავტომობილო გზების დეპარტამენტის თავმჯდომარე ლევან დარახველიძე შეხვდნენ.ფინანსთა მინისტრის თქმით, საქართველოს მთავრობა აქტიურად აგრძელებს თანამშრომლობას საერთაშორისო საფინანსო ინსტიტუტებთან საგზაო, მუნიციპალური, წყლისა და რეგიონული ინფრასტრუქტურული პროექტების დაფინანსების მიმართულებით.

1788958730

პროექტი ჯამში 12.5 მილიონი ლარის ინვესტიციას მოიცავს, რომლის ფარგლებშიც სრულად განახლდება წყალმომარაგების ინფრასტრუქტურა და ახლით შეიცვლება 5 კილომეტრზე მეტი სიგრძის წყლისა და წყალარინების ქსელები.რუსთაველის გამზირზე წყალმომარაგების ქსელების რეაბილიტაციის მესამე ეტაპის დასრულების შემდეგ ექსპლუატაციაში შევა 3,6 კილომეტრი სიგრძის წყალმომარაგების და 1,3 კილომეტრი სიგრძის წყალარინების ქსელები, ამასთან, უკვე მოწყობილია 9 სახანძრო ჰიდრანტი, 71 ერთეული ჩამკეტ მარეგულირებელი ურდული და საკვანძო ჭები.  ახალ ქსელზე გადაერთების სამუშაოები დღეს, 9 სექტემბერს, მთელი დღის განმავლობაში ინტენსიურ რეჟიმში  შესრულდება.რუსთაველის გამზირზე წყალმომარაგების სისტემის მასშტაბური სარეაბილიტაციო პროექტი საერთაშორისო კომპანია Aqualia-ს მაღალი სტანდარტების შესაბამისად ხორციელდება, რაც უზრუნველყოფს განახლებული ქსელების ხანგრძლივ, მდგრადობასა და ეფექტიან ფუნქციონირებას. პროექტის დასრულების შემდეგ ექსპლუატაციაში შევა თანამედროვე სტანდარტების შესაბამისი ინფრასტრუქტურა, რაც მნიშვნელოვნად გააუმჯობესებს წყალმომარაგებისა და წყალარინების სისტემის საიმედოობას.(R)

1788956965

Testers' Day 2026-მა ერთ სივრცეში გააერთიანა ყველა, ვინც გლობალური და ადგილობრივი ტექნოლოგიების მომავალს ქმნის. ღონისძიება ტრადიციულად აერთიანებს QA ინჟინრებს და ტექ-ლიდერებს. წლევანდელი კონფერენციის ერთ-ერთი მთავარი სიახლე Safety by Design (SbD) პრინციპების წარდგენა გახლდათ.„ლიბერთი, ბაზისბანკ ჯგუფის წევრი, წელსაც შეუერთდა Testers' International Day-სა და Testing Cup-ს, როგორც ღონისძიების სტრატეგიული პარტნიორი. ჩვენთვის მნიშვნელოვანია იმ პროფესიული გარემოს მხარდაჭერა, რომელიც საქართველოში ტექნოლოგიური სფეროს განვითარებასა და ცოდნის გაზიარებას უწყობს ხელს. ლიბერთის ტექნოლოგიურ გუნდში დღეს დაახლოებით 60 ტესტერი მუშაობს და სწორედ ამიტომ განსაკუთრებულ მნიშვნელობას ვანიჭებთ როგორც ჩვენი თანამშრომლების პროფესიულ განვითარებას, ისე QA პროფესიული community-ის გაძლიერებას. მსგავსი ინიციატივები ხელს უწყობს ცოდნისა და გამოცდილების გაცვლას და  თანამედროვე ტექნოლოგიური სტანდარტების დამკვიდრებას. ამასთანავე, აძლიერებს ბანკის, როგორც ტექნოლოგიური მიმართულებით მსხვილი დამსაქმებლის პოზიციონირებას", - ავთანდილ ყავრელიშვილი, ლიბერთის IT დირექტორის მოადგილე.ბაზისბანკ ჯგუფის შესახებ:2026 წლის აპრილში ბაზისბანკმა ლიბერთის აქციების 95.99% შეიძინა. ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. იგი ქვეყნის მასშტაბით ყველაზე ფართო ქსელით არის წარმოდგენილი: 500-მდე მომსახურების ცენტრით და 700-მდე ბანკომატით საქართველოს ყველა რეგიონსა და მუნიციპალიტეტში.2026 წლის პირველი ნახევრის მონაცემებით, ბაზისბანკ ჯგუფის აქტივები 12 მლრდ ლარს შეადგენს, მთლიანი საკრედიტო პორტფელი 7.9 მლრდ ლარია, ხოლო დეპოზიტების პორტფელი 9 მლრდ ლარი. ჯგუფის 2026 წლის 6 თვის წმინდა მოგებამ 127 მილიონი ლარი შეადგინა.(R)

1788952173

ხელოვნური ინტელექტი სპეციალური კამერების მეშვეობით თვალყურს ადევნებს საოპერაციოებში მიმდინარე პროცესებს და ეხმარება პერსონალს შეფერხებების, დროში აცდენებისა და იმ ხარვეზების გამოვლენაში, რაც საავადმყოფოებს საოპერაციო ბლოკების სრული დატვირთვით გამოყენებაში ხელს უშლის.NHS-ის მონაცემებით, სისტემას შეუძლია პროცედურის ხანგრძლივობა 6 კვირით ადრე იწინასწარმეტყველოს, გამოავლინოს აუთვისებელი ან გადატვირთული განრიგი და შესთავაზოს ოპტიმალური ცვლილებები. გარდა ამისა, სისტემა პერსონალს აფრთხილებს, შეიყვანონ შემდეგი პაციენტი საოპერაციოს დასუფთავებისა და მომზადებისთანავე.დეველოპერების ინფორმაციით, ორ NHS-ის ტრასტში ჩატარებულმა წინასწარმა ტესტირებამ ჩატარებული ოპერაციების რაოდენობის 8.2%-იანი ზრდა აჩვენა, რაც თითო საოპერაციოზე თვეში საშუალოდ 7 დამატებით პროცედურას ნიშნავს. 13 საოპერაციოს მქონე ჰოსპიტლის მასშტაბით ეს წლიურად დაახლოებით 1,000 დამატებით ოპერაციას უთანაბრდება.„ჩვენ ტექნოლოგიური რევოლუციის ზღვარზე ვართ. უნდა გამოვიყენოთ ხელოვნური ინტელექტის შესაძლებლობები, რათა დავეხმაროთ NHS-ს პაციენტთა მოვლის პროცესების გარდაქმნაში, ხოლო ადგილობრივ საავადმყოფოებს - პროდუქტიულობის ამაღლებაში“, - განუცხადა The Telegraph-ს NHS England-ის თავმჯდომარემ, დოქტორმა პენი დაშმა.ტექნოლოგია ბრიტანულმა კომპანია Proximie-მ შეიმუშავა. პროექტის ფარგლებში cloud-ინფრასტრუქტურას Amazon Web Services (AWS) უზრუნველყოფს, ხოლო საკონსულტაციო გიგანტი Deloitte საავადმყოფოებს მიღებული მონაცემების ყოველდღიურ მართვაში ინტეგრირებაში დაეხმარება.პაციენტთა პერსონალური მონაცემების დასაცავად, სისტემა ვიზუალურ მასალას უშუალოდ საოპერაციოშივე გარდაქმნის: გამოსახულებაზე სახეები იბურება, რის შემდეგაც AI მხოლოდ ანონიმიზებულ მონაცემებს (აღჭურვილობა, პერსონალის მოძრაობა და ოპერაციის ეტაპები) ამუშავებს.დღეისათვის ინგლისში NHS-ის მოლოდინის სია 7 მილიონ პაციენტს აჭარბებს. ჯანდაცვის სექტორის ლიდერები ვარაუდობენ, რომ AI ტექნოლოგიების დანერგვით შესაძლებელი გახდება არსებული რესურსების მაქსიმალური ოპტიმიზაცია და პაციენტთა ნაკადის მომსახურება დამატებითი ფინანსური თუ ინფრასტრუქტურული დანახარჯების გარეშე.

1788949248