ხუციშვილი კატარის ელჩს შეხვდა - ფინანსთა მინისტრმა AIIB-ის ყოველწლიურ შეხვედრაზე ოფიციალური მოწვევა მიიღო

მისი შეფასებით, საერთაშორისო ბაზრებზე მიმდინარე პროცესები საქართველოს ეკონომიკასაც გადმოეცემა და აგვისტოში წლიურმა ინფლაციამ 5.6% შეადგინა. ინფლაციის მიზნობრივი 3%-იანი მაჩვენებლიდან გადახრას, ძირითადად, მიწოდების მხრიდან მოქმედი შოკები, მათ შორის ენერგორესურსების ფასების ზრდა განაპირობებს.„მნიშვნელოვანია ის, რომ მიწოდების შოკმა არ გაზარდოს ინფლაციური მოლოდინები. ამ მხრივ, ერთ-ერთი მნიშვნელოვანი ინდიკატორი - საბაზო ინფლაცია - აგვისტოს მდგომარეობით 3.6% იყო, რაც მიუთითებს იმაზე, რომ ეს გავლენა ჯერ კიდევ ზომიერი რჩება", - აღნიშნა თამთა სოფრომაძემ.ეროვნული ბანკის შეფასებით, ინფლაციის მიმდინარე დინამიკა ცენტრალური პროგნოზის შესაბამისია. არსებული სცენარის მიხედვით, 2026 წელს საშუალო წლიური ინფლაცია 5.2%-ის ფარგლებში იქნება, ხოლო საშუალოვადიან პერიოდში ინფლაცია ეტაპობრივად დაუბრუნდება 3%-იან მიზნობრივ მაჩვენებელს.ამასთან, ეკონომიკური აქტივობა კვლავ მაღალ დონეზე ნარჩუნდება. წინასწარი მონაცემებით, 2026 წლის ივლისში ეკონომიკურმა ზრდამ 8%, ხოლო წლის პირველ შვიდ თვეში საშუალოდ 7.9% შეადგინა.„მონეტარული პოლიტიკის კომიტეტმა მიზანშეწონილად მიიჩნია ზომიერად გამკაცრებული მონეტარული პოლიტიკის შენარჩუნება, რომლის მიზანიც არის, რომ მას შემდეგ, რაც საგარეო ფაქტორების გავლენა ამოიწურება, ინფლაცია სწრაფად დაუბრუნდეს 3%-იან მიზნობრივ მაჩვენებელს", - აღნიშნა თამთა სოფრომაძემ.ეროვნული ბანკის ინფორმაციით, მარეგულირებელი აქტიურად გააგრძელებს მიმდინარე მოვლენებისა და მათი ადგილობრივ ეკონომიკაზე გადმოცემის ინტენსივობის მონიტორინგს. გახანგრძლივებული მიწოდების შოკის შედეგად ინფლაციურ მოლოდინებზე ზეწოლის გაძლიერების შემთხვევაში, მონეტარული პოლიტიკის განაკვეთის ზომიერი ზრდა შესაძლოა გაგრძელდეს, ხოლო ინფლაციური შოკის ამოწურვის შემდეგ სებ-ი ეტაპობრივად დაიწყებს პოლიტიკის ნორმალიზებას.საქართველოს ეროვნულმა ბანკმა მონეტარული პოლიტიკის განაკვეთის უცვლელად, 8.25%-ზე შენარჩუნების გადაწყვეტილება მონეტარული პოლიტიკის კომიტეტის 9 სექტემბრის სხდომაზე მიიღო.მონეტარული პოლიტიკის კომიტეტის შემდეგი სხდომა 2026 წლის 21 ოქტომბერს არის ჩანიშნული.

1788947136

ღონისძიებაზე მონაწილეებმა სარკინიგზო სფეროში მოქმედი საერთაშორისო სამართლებრივი დოკუმენტების იმპლემენტაციაზე, ახალი ტექნოლოგიების დანერგვასა და სახელმწიფო მარეგულირებელ უწყებებსა და სარკინიგზო კომპანიებს შორის თანამშრომლობის გაძლიერებაზე იმსჯელეს.განსაკუთრებული ყურადღება დაეთმო საერთაშორისო სარკინიგზო გადაზიდვების მონაწილეებს შორის ელექტრონული მონაცემების ურთიერთგაცვლისა და ამ ტიპის გადაზიდვების შემდგომ დიჯიტალიზაციის, საბაჟო და სასაზღვრო კონტროლის ეფექტიანობის გაზრდისა და შესაბამისი პროცედურების გამარტივების საკითხებს.დელეგაციის წევრებმა საერთაშორისო სარკინიგზო გადაზიდვებისას საბაჟო პროცედურების განხორციელების მიმართულებით, ერთმანეთს გამოცდილება გაუზიარეს და საბაჟო და სასაზღვრო კონტროლის პროცესში ახალი ტექნოლოგიების დანერგვისა და გამოყენების შესაძლებლობები განიხილეს.ღონისძიებაში UN ESCAP-ისა და OSJD-ის წევრი 18 სახელმწიფოს 80-ზე მეტი წარმომადგენელი, მათ შორის სახელმწიფო უწყებების, სარკინიგზო კომპანიებისა და შესაბამისი ორგანიზაციების წარმომადგენლები მონაწილეობდნენ. შეხვედრა რკინიგზების თანამშრომლობის ორგანიზაციისა (OSJD) და გაეროს აზიისა და წყნარი ოკეანის ეკონომიკური და სოციალური კომისიის (UN ESCAP) ეგიდით გაიმართა.

1788942591

2026 წლის აგვისტოში წლიურმა ინფლაციამ 5.6 პროცენტი შეადგინა. ინფლაციის მიზნობრივი 3 პროცენტიანი მაჩვენებლიდან გადახრას კვლავ მეტწილად მიწოდების მხრიდან მოქმედი შოკები განაპირობებს, რომელთა შორის მნიშვნელოვანი წვლილი ენერგორესურსების ფასების ზრდას უკავშირდება. ახლო აღმოსავლეთში გეოპოლიტიკური დაძაბულობის ხელახალი გამწვავება ენერგორესურსების მიწოდებასთან დაკავშირებულ გაურკვევლობასა და საერთაშორისო ფასების მერყეობას ზრდის. ამავდროულად, საერთაშორისო სასურსათო ბაზრებიდან მომდინარე ინფლაციური წნეხიც გაძლიერდა. ენერგორესურსების ფასების ზრდა, სამომხმარებლო ფასებზე პირდაპირი გავლენის გარდა, წარმოებისა და ტრანსპორტირების დანახარჯებს ზრდის და ამ არხით სხვა საქონლისა და მომსახურების ფასებზეც აისახება. შესაბამისად, ინფლაციური ტენდენციების შეფასებისას მნიშვნელოვანია როგორც მიწოდების შოკის ხანგრძლივობა, ისე მისი ფასების სხვა კომპონენტებზე გავრცელებისა და ინფლაციურ მოლოდინებზე გავლენის მასშტაბი. ამ თვალსაზრისით, საყურადღებოა ინფლაციის შედარებით ხისტი კომპონენტების დინამიკა. ინფლაციის შედარებით ხისტი მაჩვენებლები მთლიან ინფლაციაზე დაბალ დონეზე ნარჩუნდება. აგვისტოში საბაზო ინფლაციამ 3.6 პროცენტი, ხოლო მომსახურების ინფლაციამ 4.4 პროცენტი შეადგინა. აღნიშნული დინამიკა მიუთითებს, რომ მიწოდების შოკის მიუხედავად, მისი გავლენა ინფლაციურ მოლოდინებზე ჯერ კიდევ ზომიერი რჩება. თუმცა, შოკის გახანგრძლივების პირობებში, იზრდება მისი მოლოდინებზე გადაცემის რისკი, რის გამოც მეორე რაუნდის ეფექტები კვლავ საყურადღებო ფაქტორია. ეროვნული ბანკის შეფასებით, ინფლაციის მიმდინარე დინამიკა ცენტრალური პროგნოზის შესაბამისია. აღნიშნული სცენარის მიხედვით, სხვა თანაბარ პირობებში, 2026 წელს საშუალო წლიური ინფლაცია 5.2 პროცენტის ფარგლებში იქნება, ხოლო საშუალოვადიან პერიოდში ეტაპობრივად დაუბრუნდება 3 პროცენტიან მიზნობრივ მაჩვენებელს.ეკონომიკური აქტივობა კვლავ მაღალ დონეზე ნარჩუნდება. წინასწარი მონაცემებით, 2026 წლის ივლისში ეკონომიკურმა ზრდამ 8.0 პროცენტი, ხოლო წლის პირველ შვიდ თვეში საშუალოდ 7.9 პროცენტი შეადგინა. ეკონომიკურ ზრდაში მნიშვნელოვანი წვლილი კვლავ მაღალპროდუქტიულ სექტორებს შეაქვთ, რაც ძლიერი ერთობლივი მოთხოვნიდან მომდინარე ინფლაციურ წნეხს ნაწილობრივ აბალანსებს.გეოპოლიტიკური მოვლენების შემდგომ განვითარებასა და ეკონომიკაზე მათი გავლენის მასშტაბთან დაკავშირებული გაურკვევლობა კვლავ მაღალია. შესაბამისად, მონეტარული პოლიტიკის კომიტეტმა ცენტრალურ სცენართან ერთად მაღალინფლაციური და დაბალინფლაციური რისკის სცენარები განიხილა.მაღალინფლაციური რისკის სცენარის რეალიზების შემთხვევაში, ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. აღნიშნული სცენარი ითვალისწინებს, რომ გამწვავებული გეოპოლიტიკური ვითარების ცენტრალურ სცენართან შედარებით უფრო ხანგრძლივად შენარჩუნება, გაუარესებული კლიმატური პირობებით გამოწვეულ საერთაშორისო სასურსათო ფასების ზრდასთან ერთად, ინფლაციურ მოლოდინებზე აისახება და მეორე რაუნდის ეფექტებს გააძლიერებს. შედეგად, ინფლაცია ცენტრალურ სცენართან შედარებით უფრო მაღალი და ფართომასშტაბიანი იქნება, რაც მონეტარული პოლიტიკის გამკაცრებას მოითხოვს.მეორე მხრივ, მონეტარული პოლიტიკის კომიტეტის მიერ განხილული დაბალინფლაციური სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად ნორმალიზების შესაძლებლობას მოიაზრებს. ბოლო წლებში ეკონომიკაში მიმდინარე სტრუქტურული ცვლილებების შედეგად იზრდება შედარებით მაღალპროდუქტიული და ნაკლებად იმპორტინტენსიური სექტორების წვლილი, რაც, ერთი მხრივ, ქვეყნის წარმოების პოტენციალს ზრდის, ხოლო, მეორე მხრივ, საგარეო პოზიციას აუმჯობესებს. იმ შემთხვევაში, თუ აღნიშნული ფუნდამენტური ცვლილებები საშუალოვადიან პერიოდშიც გაგრძელდება, გაზრდილი წარმოების პოტენციალი მოთხოვნის მხრიდან მომდინარე ინფლაციას შეარბილებს. ამასთან, გაუმჯობესებული საგარეო პოზიცია და დაბალი სუვერენული რისკის პრემია გაცვლითი კურსის ფუნდამენტურ გამყარებას შეუწყობს ხელს, რაც დამატებით დისინფლაციურ გავლენას მოახდენს. შედეგად, მთლიანი ინფლაცია ცენტრალურ სცენართან შედარებით უფრო სწრაფად დაუახლოვდება მიზნობრივ მაჩვენებელს.მიმდინარე მაკროეკონომიკური ვითარებისა და არსებული რისკების გათვალისწინებით, მპკ-მ მონეტარული პოლიტიკის განაკვეთი უცვლელად შეინარჩუნა. ზომიერად მკაცრი მონეტარული პოლიტიკის მიზანია ინფლაციური მოლოდინებისა და მეორე რაუნდის ეფექტების რისკების მინიმიზირება, რათა მიწოდების შოკის ამოწურვის შემდეგ ინფლაცია მიზნობრივ 3 პროცენტს სწრაფად დაუბრუნდეს. სებ აქტიურად განაგრძობს დაკვირვებას მიმდინარე მოვლენებსა და მათი ადგილობრივ ბაზარზე გადმოცემის ინტენსივობაზე. იმ შემთხვევაში, თუ გახანგრძლივებული მიწოდების შოკის შედეგად ინფლაციურ მოლოდინებში ზრდის ტენდენცია გამოიკვეთა, რაც მეორე რაუნდის ეფექტებსაც გააძლიერებს, მპკ მონეტარული პოლიტიკის განაკვეთის ზომიერ ზრდას გააგრძელებს. ხოლო მას შემდგომ, რაც ინფლაციური შოკი ამოიწურება, სებ ეტაპობრივად დაიწყებს პოლიტიკის ნორმალიზებას.მონეტარული პოლიტიკის კომიტეტის შემდეგი სხდომა 2026 წლის 21 ოქტომბერს გაიმართება.

1788941603

ამ შესაძლებლობის ერთ-ერთი ყველაზე ნათელი მაგალითი თიბისი IT აკადემიაა - უფასო ტექნოლოგიური განათლების პროგრამა, რომელიც მონაწილეებს თეორიულ ცოდნასთან ერთად პრაქტიკული გამოცდილების მიღებაში ეხმარება. კურსების განმავლობაში მონაწილეები რეალურ სამუშაო გარემოსთან მიახლოებულ ამოცანებზე მუშაობენ, მიღებულ ცოდნას პრაქტიკაში იყენებენ და ტექნოლოგიურ სფეროში კარიერის დასაწყებად საჭირო უნარებს ავითარებენ.გაიცანით თიბისი IT აკადემიის კურსდამთავრებული ლაშა არველაძე - ფოთიდან, რომელიც IT აკადემიის დასრულების შემდეგ თიბისიში დასაქმდა და დღეს მობაილბანკის თამაშზე „საგანძურის მარათონი“ მუშაობს.„სამწუხაროა რომ დღეს ბევრი ახალგაზრდა ტოვებს ფოთს განათლების და გამოცდილების მისაღებად, რაც ვფიქრობ რომ ჩემი ქალაქის მთავარი პრობლემაა. სამომავლოდ მეც ვგეგმავ ისეთი კურსები შევქმნა, რომლებიც ახალგაზრდებს დატოვებს ფოთში, რასაც დღეს IT აკადემია აკეთებს. IT აკადემიაში სახლიდან გაუსვლელად ცოდნისა და გამოცდილების მიღება შეგიძლია. ვფიქრობ, ფოთი არის სწორი ადგილი, სადაც შეგიძლია შენი შესაძლებლობები მაქსიმალურად გამოიყენო. მეც ასე მოვიქეცი, როდესაც IT აკადემიაში ჩავირიცხე და დღეს საქართველოს ერთ-ერთი უმსხვილესი კომპანიის თანამშრომელი ვარ“ - ლაშა არველაძე.თიბისი IT აკადემია 2019 წლიდან მოქმედებს და მის პროგრამებში უკვე 5 000-ზე მეტმა ადამიანმა მიიღო მონაწილეობა. კურსდამთავრებულთაგან დაახლოებით 500 ადამიანი თიბისისა და პარტნიორი კომპანიების ტექნოლოგიურ გუნდებში დასაქმდა.IT აკადემიასთან ერთად, თიბისის უფასო ონლაინ განათლების ეკოსისტემა აერთიანებს თიბისი ტექსკოლას, თიბისი კამპუსსა და სხვა ინიციატივებს, რომლებიც ხარისხიან განათლებაზე წვდომას გეოგრაფიული და ფინანსური ბარიერებისგან ათავისუფლებს.თიბისის ონლაინ განათლების პროგრამები - სწორი ადგილია განათლებისთვის.(R)

1788936806

სწორედ ამ მიზნით, საქართველოს ბანკის და კომაროვის STEM სკოლაში შემოდგომის სემესტრზე მიღება დაიწყო და 30 სექტემბრამდე გაგრძელდება. რეგისტრაციისთვის ეწვიეთ ვებგვერდს და შეავსეთ განაცხადი.STEM სკოლაში სწავლა VII-XI კლასის მოსწავლეებს შეუძლიათ. გაკვეთილები ონლაინ ტარდება, სწავლის პროცესს კომაროვის სპეციალისტები უძღვებიან. გაკვეთილებზე ონლაინ დასწრება ახალგაზრდებს აძლევს შესაძლებლობას, სასწავლო პროცესში საქართველოს ნებისმიერი კუთხიდან ჩაერთონ და მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით.საქართველოს ბანკი ყოველწლიურად 90 მოსწავლეს სწავლას უფინანსებს - უმაღლესი ქულის მქონე 60 ახალგაზრდა სწავლის 100%-იან დაფინანსებას, 30 კი - 50%-იან გრანტს იღებს.ინფორმაციისთვის, უკვე 2000-ზე მეტმა მოსწავლემ გაიარა STEM სკოლის კურსი, რომელთაგან 500-ზე მეტი საქართველოს ბანკის სტიპენდიატია.საქართველოს ბანკის მიერ შექმნილი საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.საქართველოს ბანკი - განათლების მთავარი მხარდამჭერი.(R)

1788936595

რა ხდება მაშინ, როცა უკან იხედები და საკუთარ ახალგაზრდა, ეჭვებით სავსე ვერსიას უსწორებ თვალს? საქართველოს ბანკის ტრადიციულ რუბრიკაში, წერილი 19 წლის თავს, ამჯერად ვიდეოგრაფ ნიკა ლებანიძის გამოცდილებას გიზიარებთ. მისი მთავარი გზავნილი თითქოს მარტივია, მაგრამ ამ სიმარტივეშია ზუსტად მთელი მნიშვნელობა დამალული:როდესაც კამერის ობიექტივიდან იყურები, ზუსტად უნდა იცოდე, რა უნდა მოაქციო ფოკუსში და რა დატოვო მის მიღმა. თუმცა, ცხოვრებაში, განსაკუთრებით კი 19 წლის ასაკში, მთავარი მიზნის პოვნა და მასზე ფოკუსირება ბევრად რთულია.რაც გამოგდის, ის გააკეთე და გააკეთე საუკეთესოდ!ამ სურვილის ასასრულებლად კი საქართველოს ბანკი შენი მხარდამჭერია.წლების წინ პროფესიული არჩევანი ხშირად მკაცრ ჩარჩოებში იყო მოქცეული. თუმცა, როგორც ნიკა აღნიშნავს, თანამედროვე სამყაროში წარსული დოგმები დიდად აღარ მუშაობს. 19 წლის თავისთვის მისი ერთ-ერთი მთავარი რჩევა სწორედ კარიერულ თავისუფლებას ეხება.საკუთარ 19 წლის თავს ვეტყოდი, რომ მომავალში აღარ არსებობს ერთი სწორი გზა. მნიშვნელოვანია არა რას აკეთებ, არამედ როგორ აკეთებ. ვინც არ უნდა იყო, შენი საქმის პროფესიონალი უნდა იყო. ამიტომ, იმ საქმეს მოკიდე ხელი, რომელიც ყველაზე მეტად მოგწონს: რაც გამოგდის, ის გააკეთე საუკეთესოდ.ეჭვების გასაფანტად და შედეგის მისაღწევად მხოლოდ ნიჭი ან სურვილი არ კმარა. ნიკას თქმით, ერთი უნარი, რომელმაც მის ცხოვრებაში ბევრი რამ შეცვალა, დაუღალავი შრომაა.მთავარია მიზანი და შრომა, სულ მოძრაობაში უნდა იყო. თუნდაც რაღაც არ გამოგივიდეს, კეთება მაინც უნდა გააგრძელო.რაც შეეხება შეცდომებს, ნიკას აზრით, განვითარება მათ გარეშე შეუძლებელია: მთავარია, სწორად გადავამუშავოთ ყოველი წარუმატებლობა და რაღაც ახალი ვისწავლოთ გამოცდილებისგან.ამბობენ, ბრძენი სხვის შეცდომაზე სწავლობსო, თუმცა ისიც ძალიან კარგია, როცა საკუთარ შეცდომაზე სწავლობ და ერთხელ დაშვებულს აღარ იმეორებ. ხანდახან შეიძლება გამეორება მაინც მოგიწიოს, ეგეც არაუშავს, მთავარია, წინა გამოცდილება ყოველთვის გაითვალისწინო.დღეს, როცა ინფორმაციაზე წვდომა ასეთი მარტივია, ნებისმიერი ინტერესის დაკმაყოფილება და ახალი უნარების ათვისება შეგვიძლია და როგორც არასდროს, განათლება ის მთავარი საყრდენია, რომელიც ცხოვრებისეულ ხედვას გვიყალიბებს და გვიცავს ინფორმაციის მორევში ჩაკარგვისგან. კითხვაზე, თუ რას ეტყოდა 19 წლის თავს სწავლაზე, ნიკას პასუხი ასეთია:რაც არ უნდა წარმატებული იყოს ადამიანი, თავის ახალგაზრდა ვერსიას ალბათ ყველა ეტყოდა, რომ მეტი ისწავლოს. მეც მაგას ვეტყოდი. ისწავლე ყველაფერი, რაც შეგიძლია! რაც მეტს სწავლობ, მით მეტი ფუნდამენტი გაქვს, რომ ცხოვრებაში საკუთარი თავი იპოვო, გამოხატო და რეალიზება შეძლო.რაც მეტს სწავლობ, შენი პერსპექტივაც მით უფრო ფართოვდება. შესაძლოა, ცხოვრებაში ფესვის ამოყვანა ან რთული განტოლების ამოხსნა არასდროს დაგჭირდეს, მაგრამ ცოდნა მოგცემს ინტერპრეტაციის საშუალებას თავად გადაწყვიტო, რა გამოიყენო და რა არა.რაც უფრო მეტ ინფორმაციას ვაგროვებთ და რაც უფრო მეტს ვშრომობთ საყვარელი საქმისთვის, მით უფრო ფართოვდება ჩვენი შესაძლებლობების საზღვრები.იარეთ წინ და განათლების გზაზე არ გაჩერდეთ(R)

1788936507

აღნიშნული ჯილდო ბანკის მიერ ბიზნესებისთვის საერთაშორისო ვაჭრობის მიმართულებით შექმნილ შესაძლებლობებსა და ინოვაციურ მიდგომებს უსვამს ხაზს.ვაჭრობის დაფინანსება ბიზნესებისთვის მნიშვნელოვანი ფინანსური ინსტრუმენტია, რომელიც საერთაშორისო სავაჭრო ოპერაციებთან დაკავშირებული რისკების მართვას, ლიკვიდობის უზრუნველყოფასა და პარტნიორებთან სანდოობის გაძლიერებას უწყობს ხელს. განსაკუთრებით მნიშვნელოვანია მისი როლი იმ კომპანიებისთვის, რომლებიც იმპორტისა და ექსპორტის ოპერაციებს ახორციელებენ ან საერთაშორისო ბაზრებზე საქმიანობის გაფართოებას გეგმავენ.„ციფრული ბანკინგი ფინანსური სექტორის ერთ-ერთ მთავარ მიმართულებად რჩება. ხელოვნური ინტელექტის, ავტომატიზაციისა და მონაცემთა ანალიტიკის განვითარებასთან ერთად, მომხმარებლების მოლოდინებიც იზრდება - მათ სურთ უფრო სწრაფი, პერსონალიზებული და შეუფერხებელი ციფრული გამოცდილების მიღება. ამასთან, ბანკებისთვის სულ უფრო მნიშვნელოვანია უსაფრთხოების, მდგრადობისა და რეგულაციებთან შესაბამისობის გაძლიერება. Global Finance-ის 2026 წლის მსოფლიოს საუკეთესო ციფრული ბანკების დაჯილდოება იმ ფინანსურ ინსტიტუტებს გამოარჩევს, რომლებიც ციფრულ საბანკო მომსახურებაში ახალ სტანდარტებს ქმნიან“, - განაცხადა Global Finance-ის დამფუძნებელმა და რედაქტორმა ჯოზეფ ჯიარაპუტომ.„მოხარული ვართ, რომ Global Finance-ისგან ვაჭრობის დაფინანსების სერვისების მიმართულებით ეს მნიშვნელოვანი საერთაშორისო აღიარება მივიღეთ. აღნიშნული ჯილდო კიდევ ერთხელ უსვამს ხაზს საქართველოს ბანკის მიდგომებს და იმ შესაძლებლობებს, რომლებსაც პარტნიორ ბიზნესებს საერთაშორისო ვაჭრობის მიმართულებით ვთავაზობთ. ჩვენ კი აქ არ ვჩერდებით და ვაგრძელებთ ვაჭრობის დაფინანსების პროდუქტების განვითარებასა და გაციფრულებას, რათა საერთაშორისო სავაჭრო ოპერაციები ბიზნესებისთვის კიდევ უფრო მარტივი, სწრაფი და მოქნილი გავხადოთ“, - განაცხადა საქართველოს ბანკის გლობალური საბანკო ბიზნეს მიმართულების ხელმძღვანელმა, ელენე ცხადაიამინფორმაციისთვის, Global Finance-ის მსოფლიოს საუკეთესო ციფრული ბანკების დაჯილდოება ფინანსურ ინსტიტუტებს ციფრული სტრატეგიის, ინოვაციების, პროდუქტებისა და მომხმარებლებისთვის შექმნილი შესაძლებლობების მიხედვით აფასებს. საქართველოს ბანკმა 2026 წლის დაჯილდოებაზე ჯამში 33 ჯილდო მოიპოვა, მათ შორის როგორც საქართველოში,  ისე ცენტრალური და აღმოსავლეთ ევროპის რეგიონში.(R)

1788877740

CIPS-ის პირდაპირი წევრობა მნიშვნელოვნად გააძლიერებს ბაზისბანკის პოზიციებს ჩინეთსა და გლობალურ ფინანსურ ბაზრებთან ინტეგრაციის მიმართულებით. აღნიშნული უზრუნველყოფს RMB-ში ტრანზაქციების სწრაფ, უსაფრთხო და ეფექტიან განხორციელებას, რაც დამატებით იმპულსს მისცემს საქართველო–ჩინეთს შორის სავაჭრო და საინვესტიციო ურთიერთობების გაღრმავებას.ამასთანავე, CIPS-ის სისტემაში საკლირინგო მხარდაჭერისა და ოპერაციული ეფექტიანობის უზრუნველყოფის მიზნით, ბაზისბანკმა ურთიერთთანამშრომლობის მემორანდუმი გააფორმა ერთ-ერთ უმსხვილეს ფინანსურ ინსტიტუტთან - Agricultural Bank of China-სთან.ბაზისბანკი განაგრძობს საერთაშორისო საბანკო ინფრასტრუქტურის გაძლიერებას და საკუთარი მომხმარებლებისთვის თანამედროვე, ეფექტიანი და კონკურენტუნარიანი საერთაშორისო გადარიცხვების შეთავაზებას.„CIPS-ის პირდაპირი წევრობის სტატუსის მიღება და ერთ-ერთ უმსხვილეს საერთაშორისო ბანკთან პარტნიორობის დაწყება ჩვენთვის მნიშვნელოვანი სტრატეგიული ეტაპია და კიდევ ერთხელ ადასტურებს, რომ ბაზისბანკი აქტიურად ვითარდება გლობალური საბანკო სტანდარტების შესაბამისად. აღნიშნული თანამშრომლობა მნიშვნელოვნად გაამარტივებს RMB-ში ტრანზაქციების პროცესს და ახალ შესაძლებლობებს გაუხსნის საერთაშორისო ვაჭრობით დაინტერესებულ ჩვენს მომხმარებლებსა და ბიზნესპარტნიორებს.” - აღნიშნავს ბაზისბანკის ფინანსური დირექტორი, ლია ასლანიკაშვილი.ბაზისბანკ ჯგუფის შესახებ2026 წლის აპრილში ბაზისბანკმა ლიბერთის აქციების 95.99% შეიძინა. ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. იგი ქვეყნის მასშტაბით ყველაზე ფართო ქსელით არის წარმოდგენილი: 500-მდე მომსახურების ცენტრით და 700-მდე ბანკომატით საქართველოს ყველა რეგიონსა და მუნიციპალიტეტში.2026 წლის 7 თვის ფინანსური მონაცემებით, ბაზისბანკ ჯგუფის აქტივები 12.1 მლრდ ლარს შეადგენს, მთლიანი საკრედიტო პორტფელი 7.9 მლრდ ლარია, ხოლო დეპოზიტების პორტფელი 9.1 მლრდ ლარი. ჯგუფის 2026 წლის 7 თვის წმინდა მოგებამ 128 მილიონი ლარი შეადგინა.(R)

1788877260