თიბისი ბანკის არხებით არარეზიდენტების უნაღდო დანახარჯები 26%-ით გაიზარდა

საქმის შესწავლის შედეგად დადგინდა, რომ მოვაჭრე მომსახურების გაუქმების შემთხვევაში, მომხმარებლებისთვის თანხის დაბრუნებას არაგონივრული ვადით აგვიანებდა. გარდა ამისა, დარღვევა გამოიკვეთა ხელშეკრულებით შეთანხმებული მომსახურების მიწოდების ნაწილშიც. კერძოდ, წინასწარ შეთავაზებული და მომხმარებელთა მიერ გაცნობილი კვების მომსახურების პირობები არსებითად განსხვავდებოდა ფაქტობრივად მიწოდებული მომსახურებისგან. სააგენტოს შეფასებით, მომსახურების შესაბამისობა გულისხმობს როგორც წინასწარ შეთავაზებული პირობების დაცვას, ისე მომსახურების სათანადო ხარისხის უზრუნველყოფას. GCCA-ის გადაწყვეტილებით, კანონდარღვევის აღმოფხვრის მიზნით, შპს „ფუდ გალერი ჯორჯიას" დაევალა, ერთი თვის ვადაში აღადგინოს მომხმარებელთა დარღვეული უფლებები და სავაჭრო პოლიტიკა კანონის მოთხოვნებს შეუსაბამოს. კანონმდებლობის შესაბამისად, სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს შეიძლება დაეკისროს ჯარიმა წინა ფინანსური წლის წლიური ბრუნვის არაუმეტეს 2%-ის ოდენობით. 12 თვის განმავლობაში განმეორებითი დარღვევა დაკისრებული ჯარიმის გაორმაგებას გამოიწვევს.

1786697346

თალიბანის მიერ მიღებული 160-ზე მეტი დეკრეტი პირდაპირ მიმართულია ქალთა უფლებების შეზღუდვისკენ. აკრძალულია საშუალო და უმაღლესი განათლება, შეზღუდულია დასაქმება, გადაადგილება, ჩაცმულობა, საჯარო სივრცეში აზრის გამოთქმა და გადაწყვეტილებების მიღება. გაეროს ქალთა ორგანიზაციის (U.N. Women) განცხადებით, თანამედროვე ეპოქაში არცერთ სხვა ქვეყანას მოსახლეობის ნახევრის უფლებები კანონისა და პოლიტიკის დონეზე ამ მასშტაბით არ გაუუქმებია. ეს შეზღუდვები კიდევ უფრო ამძიმებს ქვეყანაში არსებულ ჰუმანიტარულ და ეკონომიკურ კრიზისს.გაეროს მიერ ჩატარებული კვლევის ფარგლებში, რომელშიც სოფლად და ქალაქად მცხოვრები 5 000-მდე ავღანელი მონაწილეობდა, გამოიკვეთა მზარდი ფსიქოლოგიური და სოციალური კრიზისი. გამოკითხული ქალების 65% აცხადებს, რომ მათი ცხოვრება 2021 წლის აგვისტომდე არსებულ მოლოდინებთან შედარებით გაუარესდა (მამაკაცებში ეს მაჩვენებელი 55%-ია). თუ მამაკაცები უკმაყოფილების მთავარ მიზეზად ეკონომიკური შესაძლებლობების ნაკლებობას ასახელებენ, ქალებისთვის მთავარ დარტყმას განათლებისა და დასაქმების უფლების ჩამორთმევა წარმოადგენს, რაც პირდაპირ აისახება მათ ფინანსურ მდგომარეობასა და ფსიქიკურ ჯანმრთელობაზე.კვლევამ ასევე აჩვენა ქალთა უკიდურესი სოციალური იზოლაცია: გამოკითხული ქალების 90% აღნიშნავს, რომ სახლის დატოვებისთვის ოჯახის მამაკაცი წევრის ნებართვა სჭირდება, ხოლო 50%-ზე მეტი გარეთ თვეში მხოლოდ ერთხელ ან ორჯერ გადის (მაშინ, როცა გამოკითხული მამაკაცების 95%-ზე მეტი სახლს ყოველდღიურად ტოვებს). გარდა ამისა, ქალთა 40% აცხადებს, რომ გაიზარდა საზოგადოებრივი წნეხი ახლობლებისა და მეზობლების მხრიდან, რადგან არსებობს შიში, რომ არასათანადო ჩაცმულობის, ლაპარაკის ან ქცევის გამო თალიბანის წარმომადგენლებთან დაასმენენ.ადამიანის უფლებათა დაცვის ექსპერტების, მათ შორის ბელკის აჰმადის შეფასებით, თალიბანმა პატრიარქალური ნორმები სამართლებრივ ვალდებულებებად აქცია და ოჯახები საკუთარი იდეოლოგიის აღმსრულებლებად გადააქცია. ავღანეთი რჩება ერთადერთ ქვეყნად მსოფლიოში, სადაც გოგონებისთვის დაწყებითი საფეხურის მიღმა განათლების მიღება ოფიციალურად აკრძალულია. UNESCO-ს განცხადებით, განათლების გარეშე დარჩენილი ახალი თაობა ქვეყნის მომავალს სერიოზულ საფრთხეს უქმნის. ექსპერტების თქმით, ყველაზე დიდ საფრთხეს წარმოადგენს არა მხოლოდ 20 მილიონი ქალისა და გოგონას საზოგადოებიდან წაშლა, არამედ ის, რომ მსოფლიო თანდათან ეგუება ამ რეალობას.

1786691500

გამოძიებით დადგინდა, რომ ბრალდებულები, შემდგომი რეალიზაციისა და მატერიალური სარგებლის უკანონოდ მიღების მიზნით, ქალაქ თბილისში, კონსპირაციის წესების დაცვით სხვადასხვა ტერიტორიაზე, მათ შორის მათ სარგებლობაში არსებულ ავტოფარეხში, უკანონოდ ინახავდნენ ჯამში 40 600 კოლოფ „Platinum“-ის, „Manchester“-ის, „Winston“-ის და „Kent“-ის დასახელების უაქციზო სიგარეტს, რომლის საერთო საბაზრო ღირებულება 235 000 ლარს აღემატება.საქმეზე მიმდინარეობს გამოძიება საქართველოს სისხლის სამართლის კოდექსის მე-200 მუხლის მე-2 და მე-3 ნაწილებით, რაც სასჯელის სახით ითვალისწინებს თავისუფლების აღკვეთას 6-დან 8 წლამდე ვადით.საგამოძიებო სამსახური აგრძელებს ინტენსიურ მუშაობას დანაშაულებრივ სქემაში შესაძლო ჩართული სხვა პირების დადგენა-მხილების მიზნით.

1786690794

ნამუშევრებს აუქციონზე ნელი არიეტა დე ბლაკიესა და კარლოს პედრო ბლაკიეს შვილები გამოიტანენ. ისინი იმ კოლექციონერების მემკვიდრეები არიან, რომლებიც იმპრესიონიზმისა და პოსტიმპრესიონიზმის პერიოდის ნამუშევრებს აგროვებდნენ.1995 წელს The New York Times-მა ნელი არიეტა დე ბლაკიე არგენტინაში „ხელოვნების ნიმუშების უდიდესი კერძო კოლექციის“ მფლობელად დაასახელა. Artnet-ის ინფორმაციით, ის არგენტინის უმსხვილესი შაქრის მწარმოებელი კომპანია Ledesma-ს მემკვიდრე იყო. ქალი 2020 წელს გარდაიცვალა, მისი მეუღლე კი – 2023 წელს.Artnet-ის ცნობით, კოლექციაში შესაძლოა შევიდეს ვინსენტ ვან გოგის 1890 წელს შესრულებული ნამუშევარი Châtaignier en fleurs roses et blanches („აყვავებული წაბლის ხე ვარდისფერი და თეთრი ყვავილებით“). გამოცემასთან საუბრისას ერთ-ერთმა წამყვანმა ხელოვნების კონსულტანტმა განაცხადა, რომ ხელსაყრელ შემთხვევაში ნახატი შესაძლოა $150-200 მილიონად გაიყიდოს.ნელი არიეტა დე ბლაკიესა და მისი მეუღლის კოლექციაში ასევე იყო პოლ სეზანის „არლეკინი“, რომელიც მხატვრის მიერ 1888-1890 წლებში შექმნილი ნამუშევრების სერიას მიეკუთვნება. გამოცემის შეფასებით, მისმა ფასმა შესაძლოა $120 მილიონს გადააჭარბოს.აუქციონზე შესაძლოა ასევე მოხვდეს Avant la Course („სტარტამდე“) – ედგარ დეგას მიერ 1893 წელს შესრულებული ნამუშევარი, რომელიც დოღს ეძღვნება. კოლექციაში ასევე შედის კამილ პისაროსა და პიერ-ოგიუსტ რენუარის ნამუშევრები.მანამდე ბლაკიეების ოჯახის მემკვიდრეობასთან მუშაობდა აუქციონის სახლი Christie’s-იც. მაგალითად, დეკემბერში Christie’s ოჯახის $15-20 მილიონად შეფასებულ ვერცხლის ჭურჭლის კოლექციას გაიტანს აუქციონზე.კოლექციის ნაწილის გარშემო სკანდალიც იყო. 2023 წელს არგენტინის საბაჟომ ბლაკიეების ოჯახი დააჯარიმა დაახლოებით ათეული ხელოვნების ნიმუშის, მათ შორის ვან გოგის, დეგას, რენუარის, მონეს, გოგენისა და სეზანის ნამუშევრების, ლუქსემბურგში გატანის წესების დარღვევისთვის. ნამუშევრების საერთო ღირებულება $350 მილიონზე მეტი იყო.ივლისში ხელისუფლებამ ჯარიმა გააუქმა, რამაც კოლექციის გაყიდვის შესაძლებლობა გახსნა.

1786690492

ვაშინგტონში ელჩის შეცვლის აუცილებლობა მას შემდეგ დადგა, რაც 3 აგვისტოს ყოფილი ელჩი ოლგა სტეფანიშინა შესაძლო მითვისების ბრალდებების ფონზე თანამდებობიდან გადააყენეს. ზელენსკიმ სამთავრობო ცვლილებები დააჩქარა და ელჩის პოსტი პრემიერ-მინისტრ იულია სვირიდენკოს შესთავაზა, თუმცა მან შეთავაზებაზე უარი თქვა, რამაც საკადრო გეგმები არია. ზელენსკიმ მოგვიანებით დაადასტურა, რომ ამ პოზიციაზე ვიცე-პრემიერის, მინისტრის ან პრემიერ-მინისტრის რანგის ფიგურას ეძებდა.კანდიდატების სიფრთხილეს ტრამპის ადმინისტრაციის არაპროგნოზირებადი პოლიტიკა და შიდაპოლიტიკური ფაქტორები განაპირობებს. უკრაინელი ოპოზიციონერი დეპუტატის, ივანას თქმით, გავლენიანი ფიგურები შიშობენ, რომ ეფექტური მუშაობისთვის საჭირო პირობები არ ექნებათ, განსაკუთრებით პრეზიდენტთან პირდაპირი წვდომისა და სრული ნდობის გარეშე.საკადრო კრიზისი ემთხვევა პრეზიდენტ ზელენსკის რეიტინგის ვარდნასა და მთავრობაში განხორციელებულ ტურბულენტურ ცვლილებებს. Socis-ის კვლევის თანახმად, უკრაინელთა 55%-ზე მეტი მიიჩნევს, რომ ქვეყანა არასწორი მიმართულებით ვითარდება. თავდაცვის ყოფილ მინისტრ მიხაილო ფედოროვის გადაყენებას საზოგადოებრივი უკმაყოფილება მოჰყვა, ხოლო სვირიდენკოს გათავისუფლების მიზეზები პარლამენტარებისთვის გაურკვეველი დარჩა.ელჩის ვაკანსია კიევისთვის განსაკუთრებით კრიტიკულ დროს გაჩნდა. ვაშინგტონი უკრაინის სამხედრო მხარდაჭერის მთავარ წყაროდ რჩება, ხოლო ტრამპის ადმინისტრაცია პერიოდულად ცვლის პოზიციას შეიარაღების მიწოდებასა და სამშვიდობო მოლაპარაკებების პერსპექტივებზე. უკრაინას სასწრაფოდ სჭირდება საჰაერო თავდაცვის სისტემები (Patriot) და სამხედრო დახმარების გაგრძელება, რადგან მიწოდებული რაკეტების მოცულობა მნიშვნელოვნად შემცირდა.დიპლომატიური წარმომადგენლის გარეშე დარჩენა ზრდის რისკებს იარაღის მიწოდების, დაზვერვის გაზიარებისა და შესაძლო სამშვიდობო მოლაპარაკებების პროცესში. ზოგიერთი უკრაინელი კანდიდატისა და დეპუტატის ვარაუდით, ზელენსკიმ შესაძლოა ელჩის დანიშვნა აშშ-ის შუალედური არჩევნების დასრულებამდე გადადოს, რათა უკეთ შეაფასოს ვაშინგტონის ახალი პოლიტიკური ლანდშაფტი.

1786688996

დროზდენკოს ინფორმაციით, 14 აგვისტოს ღამით ლენინგრადის ოლქის თავზე რუსეთის საჰაერო თავდაცვის სისტემებმა 54 უპილოტო საფრენი აპარატი ჩამოაგდეს. პორტში დაზიანების შედეგად ხანძარი გაჩნდა და ადგილზე მისი ლიკვიდაციის სამუშაოები დაიწყო.დრონების თავდასხმა ასევე დაფიქსირდა მოსკოვის მიმართულებით. მოსკოვის მერის სერგეი სობიანინის განცხადებით, ქალაქისა და რეგიონის მიმართულებით 12 უპილოტო ჩამოაგდეს.უსტ-ლუგაზე ეს წლის განმავლობაში მინიმუმ მეექვსე დრონული თავდასხმაა. პორტს მანამდე 22, 25, 29 და 31 მარტს, ასევე 6 ივლისს დაესხნენ თავს. წინა თავდასხმების შემდეგ პორტში ნავთობისა და ნავთობპროდუქტების დატვირთვა რამდენჯერმე დროებით შეჩერდა.უსტ-ლუგა რუსეთის უდიდესი პორტია ბალტიის ზღვაზე და სიდიდით მეორე პორტი ქვეყანაში, ნოვოროსიისკის შემდეგ. მისი საწვავის ტერმინალებიდან ექსპორტზე გადის ნავთობი, ნაფტა, მაზუთი და საავიაციო საწვავი.2025 წელს, Reuters-ის მონაცემებით, უსტ-ლუგის გავლით ნავთობის ექსპორტი დაახლოებით 700 ათას ბარელს დღეში შეადგენდა, ხოლო ნავთობპროდუქტების ექსპორტმა ჯამში 32.8 მილიონი ტონა შეადგინა.ბალტიის ზღვის რუსულ პორტებს შორის უსტ-ლუგა ნავთობის საექსპორტო სიმძლავრით მხოლოდ პრიმორსკს ჩამორჩება, საიდანაც ყოველდღიურად დაახლოებით 1 მილიონი ბარელი ნავთობი გადის.

1786685759

კამპანიაში ჩართვა მარტივია: მშობელმა შვილი sCoolApp-ში მობილბანკიდან უნდა დაარეგისტრიროს, რის შემდეგაც შვილმა აპლიკაციაში ავტორიზაცია უნდა გაიაროს. წარმატებული რეგისტრაციისა და ავტორიზაციის შემდეგ მშობელი საჩუქრის შესახებ შესაბამის შეტყობინებას მიიღებს. დამატებით, 50-ე, 100-ე, 500-ე და 1000-ე მომხმარებლებს კი რიგითობის შესაბამისი პრიზი ავტომატურად გადაეცემათ.საჩუქრის მიღების შესახებ ინფორმაციას მშობელი SMS-ით ან მობილბანკის შეტყობინების სახით, ხოლო sCoolApp-ის გასააქტიურებლად საჭირო მონაცემებს ბავშვი SMS-ის საშუალებით მიიღებს.აღსანიშნავია, რომ შეთავაზება ვრცელდება თითოეულ წარმატებულ რეგისტრაციაზე. შესაბამისად, თუ მშობელს რამდენიმე შვილი ჰყავს, მას შესაძლებლობა აქვს, საჩუქარი თითოეული ბავშვის რეგისტრაციისთვის ცალ-ცალკე მიიღოს.როგორ ჩაერთოთ კამპანიაში● დაარეგისტრირეთ შვილი sCoolApp-ში მობილბანკიდან;● დარწმუნდით, რომ შვილმა აპლიკაციაში ავტორიზაცია გაიარა;● დაელოდეთ საჩუქრის შესახებ SMS-ს ან მობილბანკის შეტყობინებას.ინფორმაციისთვის, sCoolApp სპეციალურად მოსწავლეებისთვის შექმნილი აპლიკაციაა, რომლებსაც უამრავი საინტერესო შეთავაზება და ფუნქციონალი მოყვება. აპლიკაციას უკვე 185,000-მდე მოსწავლე იყენებს. გადმოწერეთ sCoolApp ან გაიგეთ მეტი აპლიკაციის შესახებ.კამპანიის შესახებ მეტი ინფორმაციისთვის კი ეწვიეთ ბმულს. 

1786630800

პროექტი საზღვარგარეთ მცხოვრები ქართველი ბავშვებისთვის ქართული ენის ყოველდღიურ გარემოში ინტეგრირებას და სამშობლოსთან კავშირის შენარჩუნებას ემსახურება.პროექტის ფარგლებში შექმნილი იავნანას ვერსიები ქართული ენის სწავლას ბავშვისთვის ნაცნობ და ბუნებრივ გარემოს - ძილის წინ მოსმენილ მუსიკას  უკავშირებს. ჩანაწერებში მარტივი სიტყვები და ფრაზები თავდაპირველად ბავშვისთვის ნაცნობ ენაზე და შემდეგ კი ქართულად ჟღერს, რაც ქართულ სიტყვებს მისთვის უკვე ნაცნობ მნიშვნელობებთან და ყოველდღიურ კონტექსტთან აკავშირებს.„იავნანა – ქართული ენის პირველი გაკვეთილი“ ამ ეტაპზე ინგლისურ, იტალიურ და ბერძნულ ენებზე შეიქმნა. სამივე ვერსიის მოსმენა უკვე შესაძლებელია YouTube-ზე:ქართულ - ინგლისური ვერსიაქართულ - იტალიური ვერსიაქართულ - ბერძნული ვერსიაინფორმაციისთვის, საქართველოს ბანკი საზღვარგარეთ მცხოვრები ქართველებს აქტიურად უჭერს მხარს და მათთვის სამშობლოსთან, ქართულ ენასა და კულტურასთან კავშირის შენარჩუნებისთვის არაერთ შესაძლებლობას ქმნის. სწორედ ამ ხედვას ეფუძნება პროექტი „იავნანა - ქართული ენის პირველი გაკვეთილი“, რომელზეც ბანკთან ერთად კრეატიულმა სააგენტო „სუპერმარკეტმა“ და Heima Production-მა იმუშავეს.ზოგჯერ ქართულ ენასთან კავშირი ერთი იავნანას მოსმენით იწყება.

1786628306