Sotheby’s-მა ვან გოგის, სეზანისა და დეგას ნამუშევრების კოლექცია მიიღო

თალიბანის მიერ მიღებული 160-ზე მეტი დეკრეტი პირდაპირ მიმართულია ქალთა უფლებების შეზღუდვისკენ. აკრძალულია საშუალო და უმაღლესი განათლება, შეზღუდულია დასაქმება, გადაადგილება, ჩაცმულობა, საჯარო სივრცეში აზრის გამოთქმა და გადაწყვეტილებების მიღება. გაეროს ქალთა ორგანიზაციის (U.N. Women) განცხადებით, თანამედროვე ეპოქაში არცერთ სხვა ქვეყანას მოსახლეობის ნახევრის უფლებები კანონისა და პოლიტიკის დონეზე ამ მასშტაბით არ გაუუქმებია. ეს შეზღუდვები კიდევ უფრო ამძიმებს ქვეყანაში არსებულ ჰუმანიტარულ და ეკონომიკურ კრიზისს.გაეროს მიერ ჩატარებული კვლევის ფარგლებში, რომელშიც სოფლად და ქალაქად მცხოვრები 5 000-მდე ავღანელი მონაწილეობდა, გამოიკვეთა მზარდი ფსიქოლოგიური და სოციალური კრიზისი. გამოკითხული ქალების 65% აცხადებს, რომ მათი ცხოვრება 2021 წლის აგვისტომდე არსებულ მოლოდინებთან შედარებით გაუარესდა (მამაკაცებში ეს მაჩვენებელი 55%-ია). თუ მამაკაცები უკმაყოფილების მთავარ მიზეზად ეკონომიკური შესაძლებლობების ნაკლებობას ასახელებენ, ქალებისთვის მთავარ დარტყმას განათლებისა და დასაქმების უფლების ჩამორთმევა წარმოადგენს, რაც პირდაპირ აისახება მათ ფინანსურ მდგომარეობასა და ფსიქიკურ ჯანმრთელობაზე.კვლევამ ასევე აჩვენა ქალთა უკიდურესი სოციალური იზოლაცია: გამოკითხული ქალების 90% აღნიშნავს, რომ სახლის დატოვებისთვის ოჯახის მამაკაცი წევრის ნებართვა სჭირდება, ხოლო 50%-ზე მეტი გარეთ თვეში მხოლოდ ერთხელ ან ორჯერ გადის (მაშინ, როცა გამოკითხული მამაკაცების 95%-ზე მეტი სახლს ყოველდღიურად ტოვებს). გარდა ამისა, ქალთა 40% აცხადებს, რომ გაიზარდა საზოგადოებრივი წნეხი ახლობლებისა და მეზობლების მხრიდან, რადგან არსებობს შიში, რომ არასათანადო ჩაცმულობის, ლაპარაკის ან ქცევის გამო თალიბანის წარმომადგენლებთან დაასმენენ.ადამიანის უფლებათა დაცვის ექსპერტების, მათ შორის ბელკის აჰმადის შეფასებით, თალიბანმა პატრიარქალური ნორმები სამართლებრივ ვალდებულებებად აქცია და ოჯახები საკუთარი იდეოლოგიის აღმსრულებლებად გადააქცია. ავღანეთი რჩება ერთადერთ ქვეყნად მსოფლიოში, სადაც გოგონებისთვის დაწყებითი საფეხურის მიღმა განათლების მიღება ოფიციალურად აკრძალულია. UNESCO-ს განცხადებით, განათლების გარეშე დარჩენილი ახალი თაობა ქვეყნის მომავალს სერიოზულ საფრთხეს უქმნის. ექსპერტების თქმით, ყველაზე დიდ საფრთხეს წარმოადგენს არა მხოლოდ 20 მილიონი ქალისა და გოგონას საზოგადოებიდან წაშლა, არამედ ის, რომ მსოფლიო თანდათან ეგუება ამ რეალობას.

1786691500

გამოძიებით დადგინდა, რომ ბრალდებულები, შემდგომი რეალიზაციისა და მატერიალური სარგებლის უკანონოდ მიღების მიზნით, ქალაქ თბილისში, კონსპირაციის წესების დაცვით სხვადასხვა ტერიტორიაზე, მათ შორის მათ სარგებლობაში არსებულ ავტოფარეხში, უკანონოდ ინახავდნენ ჯამში 40 600 კოლოფ „Platinum“-ის, „Manchester“-ის, „Winston“-ის და „Kent“-ის დასახელების უაქციზო სიგარეტს, რომლის საერთო საბაზრო ღირებულება 235 000 ლარს აღემატება.საქმეზე მიმდინარეობს გამოძიება საქართველოს სისხლის სამართლის კოდექსის მე-200 მუხლის მე-2 და მე-3 ნაწილებით, რაც სასჯელის სახით ითვალისწინებს თავისუფლების აღკვეთას 6-დან 8 წლამდე ვადით.საგამოძიებო სამსახური აგრძელებს ინტენსიურ მუშაობას დანაშაულებრივ სქემაში შესაძლო ჩართული სხვა პირების დადგენა-მხილების მიზნით.

1786690794

ვაშინგტონში ელჩის შეცვლის აუცილებლობა მას შემდეგ დადგა, რაც 3 აგვისტოს ყოფილი ელჩი ოლგა სტეფანიშინა შესაძლო მითვისების ბრალდებების ფონზე თანამდებობიდან გადააყენეს. ზელენსკიმ სამთავრობო ცვლილებები დააჩქარა და ელჩის პოსტი პრემიერ-მინისტრ იულია სვირიდენკოს შესთავაზა, თუმცა მან შეთავაზებაზე უარი თქვა, რამაც საკადრო გეგმები არია. ზელენსკიმ მოგვიანებით დაადასტურა, რომ ამ პოზიციაზე ვიცე-პრემიერის, მინისტრის ან პრემიერ-მინისტრის რანგის ფიგურას ეძებდა.კანდიდატების სიფრთხილეს ტრამპის ადმინისტრაციის არაპროგნოზირებადი პოლიტიკა და შიდაპოლიტიკური ფაქტორები განაპირობებს. უკრაინელი ოპოზიციონერი დეპუტატის, ივანას თქმით, გავლენიანი ფიგურები შიშობენ, რომ ეფექტური მუშაობისთვის საჭირო პირობები არ ექნებათ, განსაკუთრებით პრეზიდენტთან პირდაპირი წვდომისა და სრული ნდობის გარეშე.საკადრო კრიზისი ემთხვევა პრეზიდენტ ზელენსკის რეიტინგის ვარდნასა და მთავრობაში განხორციელებულ ტურბულენტურ ცვლილებებს. Socis-ის კვლევის თანახმად, უკრაინელთა 55%-ზე მეტი მიიჩნევს, რომ ქვეყანა არასწორი მიმართულებით ვითარდება. თავდაცვის ყოფილ მინისტრ მიხაილო ფედოროვის გადაყენებას საზოგადოებრივი უკმაყოფილება მოჰყვა, ხოლო სვირიდენკოს გათავისუფლების მიზეზები პარლამენტარებისთვის გაურკვეველი დარჩა.ელჩის ვაკანსია კიევისთვის განსაკუთრებით კრიტიკულ დროს გაჩნდა. ვაშინგტონი უკრაინის სამხედრო მხარდაჭერის მთავარ წყაროდ რჩება, ხოლო ტრამპის ადმინისტრაცია პერიოდულად ცვლის პოზიციას შეიარაღების მიწოდებასა და სამშვიდობო მოლაპარაკებების პერსპექტივებზე. უკრაინას სასწრაფოდ სჭირდება საჰაერო თავდაცვის სისტემები (Patriot) და სამხედრო დახმარების გაგრძელება, რადგან მიწოდებული რაკეტების მოცულობა მნიშვნელოვნად შემცირდა.დიპლომატიური წარმომადგენლის გარეშე დარჩენა ზრდის რისკებს იარაღის მიწოდების, დაზვერვის გაზიარებისა და შესაძლო სამშვიდობო მოლაპარაკებების პროცესში. ზოგიერთი უკრაინელი კანდიდატისა და დეპუტატის ვარაუდით, ზელენსკიმ შესაძლოა ელჩის დანიშვნა აშშ-ის შუალედური არჩევნების დასრულებამდე გადადოს, რათა უკეთ შეაფასოს ვაშინგტონის ახალი პოლიტიკური ლანდშაფტი.

1786688996

დროზდენკოს ინფორმაციით, 14 აგვისტოს ღამით ლენინგრადის ოლქის თავზე რუსეთის საჰაერო თავდაცვის სისტემებმა 54 უპილოტო საფრენი აპარატი ჩამოაგდეს. პორტში დაზიანების შედეგად ხანძარი გაჩნდა და ადგილზე მისი ლიკვიდაციის სამუშაოები დაიწყო.დრონების თავდასხმა ასევე დაფიქსირდა მოსკოვის მიმართულებით. მოსკოვის მერის სერგეი სობიანინის განცხადებით, ქალაქისა და რეგიონის მიმართულებით 12 უპილოტო ჩამოაგდეს.უსტ-ლუგაზე ეს წლის განმავლობაში მინიმუმ მეექვსე დრონული თავდასხმაა. პორტს მანამდე 22, 25, 29 და 31 მარტს, ასევე 6 ივლისს დაესხნენ თავს. წინა თავდასხმების შემდეგ პორტში ნავთობისა და ნავთობპროდუქტების დატვირთვა რამდენჯერმე დროებით შეჩერდა.უსტ-ლუგა რუსეთის უდიდესი პორტია ბალტიის ზღვაზე და სიდიდით მეორე პორტი ქვეყანაში, ნოვოროსიისკის შემდეგ. მისი საწვავის ტერმინალებიდან ექსპორტზე გადის ნავთობი, ნაფტა, მაზუთი და საავიაციო საწვავი.2025 წელს, Reuters-ის მონაცემებით, უსტ-ლუგის გავლით ნავთობის ექსპორტი დაახლოებით 700 ათას ბარელს დღეში შეადგენდა, ხოლო ნავთობპროდუქტების ექსპორტმა ჯამში 32.8 მილიონი ტონა შეადგინა.ბალტიის ზღვის რუსულ პორტებს შორის უსტ-ლუგა ნავთობის საექსპორტო სიმძლავრით მხოლოდ პრიმორსკს ჩამორჩება, საიდანაც ყოველდღიურად დაახლოებით 1 მილიონი ბარელი ნავთობი გადის.

1786685759

კამპანიაში ჩართვა მარტივია: მშობელმა შვილი sCoolApp-ში მობილბანკიდან უნდა დაარეგისტრიროს, რის შემდეგაც შვილმა აპლიკაციაში ავტორიზაცია უნდა გაიაროს. წარმატებული რეგისტრაციისა და ავტორიზაციის შემდეგ მშობელი საჩუქრის შესახებ შესაბამის შეტყობინებას მიიღებს. დამატებით, 50-ე, 100-ე, 500-ე და 1000-ე მომხმარებლებს კი რიგითობის შესაბამისი პრიზი ავტომატურად გადაეცემათ.საჩუქრის მიღების შესახებ ინფორმაციას მშობელი SMS-ით ან მობილბანკის შეტყობინების სახით, ხოლო sCoolApp-ის გასააქტიურებლად საჭირო მონაცემებს ბავშვი SMS-ის საშუალებით მიიღებს.აღსანიშნავია, რომ შეთავაზება ვრცელდება თითოეულ წარმატებულ რეგისტრაციაზე. შესაბამისად, თუ მშობელს რამდენიმე შვილი ჰყავს, მას შესაძლებლობა აქვს, საჩუქარი თითოეული ბავშვის რეგისტრაციისთვის ცალ-ცალკე მიიღოს.როგორ ჩაერთოთ კამპანიაში● დაარეგისტრირეთ შვილი sCoolApp-ში მობილბანკიდან;● დარწმუნდით, რომ შვილმა აპლიკაციაში ავტორიზაცია გაიარა;● დაელოდეთ საჩუქრის შესახებ SMS-ს ან მობილბანკის შეტყობინებას.ინფორმაციისთვის, sCoolApp სპეციალურად მოსწავლეებისთვის შექმნილი აპლიკაციაა, რომლებსაც უამრავი საინტერესო შეთავაზება და ფუნქციონალი მოყვება. აპლიკაციას უკვე 185,000-მდე მოსწავლე იყენებს. გადმოწერეთ sCoolApp ან გაიგეთ მეტი აპლიკაციის შესახებ.კამპანიის შესახებ მეტი ინფორმაციისთვის კი ეწვიეთ ბმულს. 

1786630800

პროექტი საზღვარგარეთ მცხოვრები ქართველი ბავშვებისთვის ქართული ენის ყოველდღიურ გარემოში ინტეგრირებას და სამშობლოსთან კავშირის შენარჩუნებას ემსახურება.პროექტის ფარგლებში შექმნილი იავნანას ვერსიები ქართული ენის სწავლას ბავშვისთვის ნაცნობ და ბუნებრივ გარემოს - ძილის წინ მოსმენილ მუსიკას  უკავშირებს. ჩანაწერებში მარტივი სიტყვები და ფრაზები თავდაპირველად ბავშვისთვის ნაცნობ ენაზე და შემდეგ კი ქართულად ჟღერს, რაც ქართულ სიტყვებს მისთვის უკვე ნაცნობ მნიშვნელობებთან და ყოველდღიურ კონტექსტთან აკავშირებს.„იავნანა – ქართული ენის პირველი გაკვეთილი“ ამ ეტაპზე ინგლისურ, იტალიურ და ბერძნულ ენებზე შეიქმნა. სამივე ვერსიის მოსმენა უკვე შესაძლებელია YouTube-ზე:ქართულ - ინგლისური ვერსიაქართულ - იტალიური ვერსიაქართულ - ბერძნული ვერსიაინფორმაციისთვის, საქართველოს ბანკი საზღვარგარეთ მცხოვრები ქართველებს აქტიურად უჭერს მხარს და მათთვის სამშობლოსთან, ქართულ ენასა და კულტურასთან კავშირის შენარჩუნებისთვის არაერთ შესაძლებლობას ქმნის. სწორედ ამ ხედვას ეფუძნება პროექტი „იავნანა - ქართული ენის პირველი გაკვეთილი“, რომელზეც ბანკთან ერთად კრეატიულმა სააგენტო „სუპერმარკეტმა“ და Heima Production-მა იმუშავეს.ზოგჯერ ქართულ ენასთან კავშირი ერთი იავნანას მოსმენით იწყება.

1786628306

უსაფრთხოების უზრუნველყოფის მიზნით, შესაბამის სახელმწიფო უწყებებთან კოორდინირებული მუშაობის შედეგად, აღნიშნულ საბაჟო გამშვები პუნქტის თანამშრომლები, ასევე ადგილზე მყოფი შინაგან საქმეთა სამინისტროს საპატრულო პოლიციის და სასაზღვრო პოლიციის ყველა წარმომადგენელი, სხვადასხვა კომპანიის თანამშრომლები, სატვირთო/მსუბუქი ავტომობილები, მათი მძღოლები და მგზავრები გადაყვანილი არიან დაცულ/უსაფრთხო ტერიტორიაზე.აქვე განვმარტავთ, რომ ,,ყაზბეგის" საბაჟო გამშვებ პუნქტზე შეჩერებულია ყველა სახის საბაჟო კონტროლის პროცედურები. საქართველოს საბაჟო საზღვარზე საქონლის შემოტანა-გატანა, აგრეთვე აღნიშნული საბაჟო გამშვები პუნქტის გავლით სახელმწიფო საზღვრის გადამკვეთ ფიზიკურ პირთა მიმართ საბაჟო კონტროლის პროცედურები ვერ განხორციელდება.საფრთხის შემცველი ფაქტორების შემცირების შემთხვევაში, საბაჟო გამშვები პუნქტი „ყაზბეგი" ჩვეულ რეჟიმში, სრული დატვირთვით გააგრძელებს მუშაობას. შესაბამისად, მგზავრებისა და ტვირთების გატარება შეუფერხებლად განხორციელდება.

1786625941

12 აგვისტოს ქუთაისის საოლქო საარჩევნო კომისიამ ქალაქის ცენტრში შეკრებილ ახალგაზრდებს საარჩევნო ტექნოლოგიები წარუდგინა და მსურველებს კიდევ ერთხელ საშუალება ჰქონდათ თავად გამოეცადათ თუ როგორ მუშაობს საარჩევნო ელექტრონული აპარატები. ამასთან, ახალგაზრდები გაეცნენ ჟურნალ „არჩევნები 360°“-ის პირველი გამოცემას, რომელიც ელექტრონულ არჩევნებს ეძღვნება. ჟურნალი ამომრჩევლებს საარჩევნო თემებზე მრავალმხრივ ინფორმაციას სთავაზობს და მიზნად ისახავს საარჩევნო პროცესებში ჩართული მხარეებისა და ფართო საზოგადოების სრულყოფილ ინფორმირებას. ამასთან, საოლქო საარჩევნო კომისიის წევრებმა და თავმჯდომარე ლარინა ლალიაშვილმა ღონისძიების მონაწილეებს პირადად მიაწოდეს ინფორმაცია ადმინისტრაციაში მიმდინარე სიახლეების შესახებ. საარჩევნო ადმინისტრაციისთვის განსაკუთრებით მნიშვნელოვანია საარჩევნო პროცესში ახალგაზრდობის აქტიური ჩართულობა და იყენებს ყველა საშუალებას რათა უზრუნველყოს მათი ინფორმირება საარჩევნო საკითხებთან მიმართებაში. სწორედ ამ მიზნით საარჩევნო ადმინისტრაცია ახორციელებს არაერთ პროექტს. ამასთან აქტიურად ერთვება სხვა სტრუქტურებთან თანამშრომლობით გამართულ სოციალურ და საგანმანათლებლო პროექტებში. ახალგაზრდობის საერთაშორისო დღეს ორგანიზება ქუთაისის მუნიციპალიტეტის მერიამ განათლების, მეცნიერებისა და ახალგაზრდობის სამინისტროს სსიპ ახალგაზრდობის სააგენტოსთან პარტნიორობით გაუწია. ამასთან, ღონისძიების ფარგლებში ახალგაზრდულმა ორგანიზაციებმა, საგანმანათლებლო დაწესებულებებმა, სახელმწიფო და საერთაშორისო ორგანიზაციებმა, ინოვაციურმა სტარტაპერებმა მასშტაბური გამოფენა მოაწყვეს. დღის განმავლობაში მოქალაქეებს შესაძლებლობა ჰქონდათ სპეციალურად მოწყობილ საინფორმაციო სივრცეებში გაცნობოდნენ სიახლეებს განათლების, ინოვაციების და კულტურის სფეროებში. თითოეულმა ორგანიზაციამ ინტერაქციულ სივრცეებში ახალგაზრდებს გააცნო თავისი საქმიანობები, მიმდინარე პროექტები და მათთვის ხელმისაწვდომი შესაძლებლობები. საქართველოს საარჩევნო ადმინისტრაცია მუდმივად ერთვება სოციალურ აქტივობებში, რითაც ხელს უწყობს მოქალაქეების და განსაკუთრებით კი ახალგაზრდების ცნობიერების ამაღლებას საარჩევნო პროცესებთან მიმართებაში.

1786625468