თიბისი x ილია თოფურია

გამოფენაზე წარმოდგენილი იქნება 60-ზე მეტი გამომცემლობა და წიგნის მაღაზია. შესაბამისად, სამი დღის განმავლობაში, დამთვალიერებლებს შესაძლებლობა ექნებათ: გაეცნონ უახლეს ლიტერატურულ ნაშრომებს შეხვდნენ ცნობილ ავტორებს მიიღონ ექსკლუზიური შეთავაზებები და ფასდაკლებები დაესწრონ დისკუსიებსა და საინტერესო შეხვედრებს ეწვიე თბილისის წიგნის დღეების ფესტივალს ExpoGeorgia-ს მე-11 პავილიონში, აღმოაჩინე ახალი ლიტერატურული თავგადასავლები და განათლების გზაზე არ გაჩერდე.სპეციალურად ამ დღეს, საქართველოს ბანკის მომხმარებლებს ბანკის ექსკლუზიური შეთავაზებები  დახვდებათ.ინფორმაციისთვის, თბილისის წიგნის დღეები აერთიანებს გამომცემლებს, წიგნისა და აქსესუარების მაღაზიებს, ბიბლიოთეკებს, კულტურისა და განათლების ცენტრებს. ღონისძიება ქმნის სივრცეს, სადაც ლიტერატურა, კულტურა და ადამიანები ერთიანდებიან.ღონისძიებაზე მეტი დეტალის გასაგებად შეგიძლიათ ეწვიოთ ბმულსსაქართველოს ბანკის ერთ-ერთი პრიორიტეტი ახალგაზრდებისთვის ფორმალურ და არაფორმალურ განათლებაზე ხელმისაწვდომობის გაზრდაა. ამ კუთხით ბანკი 40-ზე მეტ პროექტს ახორციელებს და უჭერს მხარს. მათ შორისაა, საქართველოს ბანკის ინოვაციური ბიბლიოთეკები, რომლებიც საქართველოს მასშტაბით 11 რეგიონის 24 სკოლაში ფუნქციონირებს და 18 000-ზე მეტი ახალგაზრდისთვის ქმნის განათლების შესაძლებლობას. ამასთან, საქართველოს ბანკი ერთ წელზე მეტია სტიპენდიების პროგრამას ახორციელებს, რომლის ფარგლებშიც 22 პარტნიორ უნივერსიტეტში სტუდენტებს აძლევს შესაძლებლობას, მიიღონ სწავლის სრული ან ნაწილობრივი დაფინანსება. უკვე გამოვლინდა საქართველოს ბანკის 160-ზე მეტი სტიპენდიატი და მათი რაოდენობა იზრდება. საქართველოს ბანკის მიერ Fulbright-ის, CHEVENING-ისა და ნიკა გუჯეჯიანის სახელობის სასტიპენდიო პროგრამის ფარგლებში კი უკვე 60 ახალგაზრდა გაემგზავრა დიდ ბრიტანეთში, აშშ-სა და გერმანიაში სასწავლებლად.საქართველოს ბანკის CSR პროექტების შესახებ დეტალური ინფორმაციის მისაღებად შეგიძლიათ ეწვიოთ ვებგვერდს: csr.bog.ge

1760694302

2018–2023 წლებში ის ხელმძღვანელობდა საზღვაო ტრანსპორტის სააგენტოს, 2023–2025 წლებში - ანაკლიის ღრმაწყლოვანი პორტის სამეთვალყურეო საბჭოს, ხოლო 2025 წლიდან დღემდე ეკავა შპს საქართველოს აეროპორტების გაერთიანების სამეთვალყურეო საბჭოს თავმჯდომარის თანამდებობა. ამავე წელს თამარ იოსელიანი დაინიშნა უმაღლესი საგანმანათლებლო დაწესებულებების ავტორიზაციის საბჭოს თავმჯდომარედ.თამარ იოსელიანი მიღებული აქვს სამართლის ბაკალავრის ხარისხი ქართულ-ამერიკულ უნივერსიტეტში.2015 წელს ის გაეროსა და ნიპონის ფონდის სტიპენდიატის სტატუსით სწავლობდა დიდ ბრიტანეთში, საუთჰემპტონის უნივერსიტეტში, გაიარა სტაჟირება გაეროს შტაბ-ბინაში (ნიუ-იორკი). წარმატებით აქვს გავლილი Ocean Governance Programme (Yeosu Academy, სამხრეთ კორეა) და Advanced Maritime Leaders Programme (სინგაპური).2007–2009 წლებში დაამთავრა ლონდონის ეკონომიკისა და პოლიტიკური მეცნიერებების სკოლის (LSE) პროგრამა, რომელიც მოიცავდა კორპორაციულ სამართალს, მმართველობას, საერთაშორისო და კომერციულ სამართალს, კონკურენციის პოლიტიკასა და ინტელექტუალური საკუთრების სამართალს.თამარ იოსელიანმა ამ პოსტზე გურამ გურამიშვილი შეცვალა, რომელიც მინისტრის მოადგილის პოზიციას 2021 წლის მარტიდან იკავებდა.

1760691393

გამოძიებით დადგინდა, რომ ბრალდებულები მუშაობდნენ ქალაქ ფოთში მდებარე ერთ-ერთი ტექნიკური ინსპექტირების ცენტრის ინსპექტორის თანამდებობაზე და ტექნიკური რეგლამენტის მოთხოვნების შესაბამისად, ევალებოდათ სატრანსპორტო საშუალებების ტესტირების ჩატარება.ჩატარებული გამოძიებით ასევე დგინდება, რომ ბრალდებულებმა, პირადი მატერიალური სარგებლის მიღების მიზნით, მათთან დანაშაულებრივ კავშირში მყოფ პირთან ერთად, ტექნიკურად გაუმართავ სატრანსპორტო საშუალებებზე გასცეს ტექნიკური ინსპექტირების დადებითად გავლის ანგარიშები, რის სანაცვლოდაც, ოფიციალურად დაწესებული გადასახადის გარდა, მოქალაქისაგან უკანონოდ მოითხოვეს და აიღეს ფულადი თანხა.დადგენილია, რომ ტექინსპექტირების ცენტრში, გაუმართავ სატრანსპორტო საშუალებებზე, სისტემატურად ხდებოდა ტექნიკური ინსპექტირების დადებითად გავლის ყალბი ანგარიშების გაცემა, რასთან დაკავშირებითაც ტარდება შესაბამისი საგამოძიებო მოქმედებები.გამოძიება მიმდინარეობს საქართველოს სისხლის სამართლის კოდექსის 221-ე მუხლის მე-3 და 362-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 2-დან 4 წლამდე ვადით.

1760689154

იდენტიფიცირებული მონაცემების მიხედვით - 8344 შემთხვევა, წილის მოცულობის გათვალისწინებით ან/და ტრანზაქციებში მონაწილე პირთა ერთობლივი წლიური შემოსავლების შესახებ მიღებულ ინფორმაციაზე დაყრდნობით, წინასწარი შეტყობინების ვალდებულების წარმოშობისთვის აუცილებელ კრიტერიუმებს არ აკმაყოფილებდა. 9 შემთხვევიდან 6 კონკურენციის კანონმდებლობით განსაზღვრულ გამონაკლისებში მოექცა, რამაც შესაბამისი პირები სააგენტოსთვის წინასწარი შეტყობინების წარდგენის ვალდებულებისგან გაათავისუფლა, ხოლო რაც შეეხება 3 შემთხვევას, სააგენტოს შეფასებით, სავარაუდოდ, ადგილი ჰქონდა კონცენტრაციის თაობაზე სააგენტოსთვის წინასწარი შეტყობინების ვალდებულებას, რომელიც მხარეთა მიერ არ შესრულებულა. შესაბამისად, აღნიშნული პირების მიმართ სააგენტომ საქმის წარმოება დაიწყო.სავალდებულო შეტყობინებას დაქვემდებარებული კონცენტრაციის GCCA-ის გვერდის ავლით, მის მიერ შესაბამისი გადაწყვეტილების მიღებამდე ან უარყოფითი დასკვნის მიუხედავად განხორციელების შემთხვევაში, შეტყობინების წარდგენის ვალდებულების მქონე პირები ჯარიმდებიან.GCCA-სთვის წინასწარ სავალდებულო წერილობით შეტყობინებას ექვემდებარება კონცენტრაცია, თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, შეტყობინების წარმოდგენის ვალდებულების წარმოშობის წინა ფინანსური წლის მდგომარეობით 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მილიონ ლარზე მეტია. კონცენტრაციის შესახებ შეტყობინების განხილვის საფასურია 5000 ლარი.GCCA-ის მიერ 2025 წელს 18 872 კონცენტრაცია გადამოწმდა. საანგარიშო პერიოდში, 15  კონცენტრაციაზე გაიცა თანხმობა, 1 შეტყობინების შესწავლა კი მიმდინარე რეჟიმშია.

1760689051

„ჩვენ ვითხოვთ, რომ ეს ქონება იყოს დაყადაღებული და დაბრუნებული ტექნიკური უნივერსიტეტისთვის. ასევე ვთხოულობთ, რომ ის მიუღებელი მოგება, რომელიც უნივერსიტეტმა მრავალი წლის განმავლობაში, არ მიიღო, იყოს გამოკვლეული და დაუბრუნდეს უნივერსიტეტს, ახალგაზრდებს და პროფესორ-მასწავლებლებს. ზიანი უნდა დადგინდეს, პროკურატურამ ამაზე უნდა ჩაატაროს ექსპერტიზა და ექსპერტიზამ უნდა დაადგინოს რა ზიანზეა საუბარი. ეს ქონება რომ არ გასხვისდეს და მესამე პირზე არ გადაფორმდეს, ჩვენ სასწრაფოდ დაყადაღებას ვითხოვთ“, - განაცხადა დავით გურგენიძემ.პარასკევს, აღნიშნულ საკითხზე ჟურნალისტებთან ირაკლი კობახიძემაც გააკეთა კომენტარი და თქვა, რომ "საქართველოს ტექნიკური უნივერსიტეტის კონკრეტული ინფრასტრუქტურა გადაეცა ერთ ლარად პრეზიდენტის ოჯახის წევრს, რაც არის ღია თავხედობა ყველაფერს რომ თავი დავანებოთ. საინტერესო იქნება ამ საკითხის შესწავლა, დანარჩენი დაველოდოთ შესაბამისი უწყებების პასუხს".„საქართველოს უნივერსიტეტი“ ბოლო პერიოდია ხელისუფლებისა და პროსახელისუფლებო მედიის თავდასხმის ობიექტია. მას ადანაშაულებენ „ანტისახელმწიფოებრივ ტრენინგების“ ორგანიზებაში, თუმცა, შესაბამისი მტკიცებულებები საზოგადოებისთვის ამ დროისთვის არ არის ცნობილი. მიმდინარე წლის 30 სექტემბრის დეკლარაციის თანახმად, საქართველოს უნივერსიტეტის 50% ეკუთვნის მანანა სანაძეს, 37.5% - გიული ალასანიას და 12.5% - ნიკოლას ტიმურ ალასანიას.

1760688980

აღნიშნული შეფასება ცალსახად შეურაცხმყოფელი, უსაფუძვლო და დისკრედიტაციისკენ მიმართულია როგორც საქართველოს საარჩევნო ადმინისტრაციისთვის, ასევე იმ საერთაშორისო დამკვირვებლებისთვის, რომლებიც არჩევნებს ცესკოს ოფიციალური მოწვევით აკვირდებოდნენ, საქართველოს კანონმდებლობით დადგენილი წესების და საერთაშორისო პრაქტიკის სრული დაცვით.საქართველოს ცენტრალური საარჩევნო კომისია აცხადებს, რომ:√ ყველა უცხოელი დამკვირვებელი, ვინც იმყოფებოდა საქართველოში 2025 წლის ადგილობრივ არჩევნებზე, დარეგისტრირდა საარჩევნო კანონმდებლობით განსაზღვრული მოთხოვნების შესაბამისად;√ მათი მოწვევა და საქართველოში ყოფნა ეფუძნებოდა საერთაშორისო სტანდარტებსა და წლების განმავლობაში ჩამოყალიბებულ კარგ პრაქტიკას, რომელიც გულისხმობს პროფესიულ თანამშრომლობასა და გამოცდილების გაზიარებას;√ აღნიშნული პირები არ ასრულებდნენ პოლიტიკური ან ლობისტური ხასიათის საქმიანობებს და მათი მონაწილეობა მთლიანად მიზნად ისახავდა საარჩევნო პროცესის პროფესიულ შეფასებას, ასეთის სურვილის შემთხვევაში.შესაბამისად, EPDE-ს მიერ მათ მიმართ გამოყენებული ტერმინი „ფეიქ დამკვირვებელი“ წარმოადგენს ობიექტურობის პრინციპის უხეშ დარღვევას, ზიანს აყენებს როგორც საქართველოს საარჩევნო ადმინისტრაციის რეპუტაციას, ისე იმ ქვეყნების შესაბამისი ინსტიტუტების ავტორიტეტს, რომელთა წარმომადგენლებიც აღნიშნულ პროცესში მონაწილეობდნენ.ცესკო მოუწოდებს EPDE-ს საჯაროდ განმარტოს, რა წყაროებზე და მტკიცებულებებზე დაყრდნობით გაავრცელა აღნიშნული შეფასებები.საზოგადოებას შევახსენებთ, რომ კარგი  საერთაშორისო გამოცდილება და პრაქტიკა არ მოითხოვს დამკვირვებლად რეგისტრაციისას ამა თუ იმ პირის პროფესიის, განათლების, საქმიანობისა თუ საარჩევნო გამოცდილების შესწავლას ან/და არ განსაზღვრავს სპეციალურ პროფესიულ მოთხოვნებს ან კვალიფიკაციას. მიუხედავად ამისა, ზოგიერთი დაინტერესებული პირის მიერ, ეს საკითხი სხვადასხვა დამკვირვებლებთან მიმართებაში მანიპულაციურად იქნა წარმოჩენილი. კატეგორიულად ვაცხადებთ, რომ როგორც სხვადასხვა ქვეყნის საარჩევნო ადმინისტრაციების, ისე სხვა ორგანიზაციების წარმომადგენლები 2025 წლის 4 ოქტომბრის არჩევნებისთვის საერთაშორისო დამკვირვებლებად დარეგისტრირდნენ კანონმდებლობით განსაზღვრული მოთხოვნების შესაბამისად.ამავდროულად, საინტერესოა რატომ მოიხსენიებს EPDE კონსტიტუციური ორგანოების - საარჩევნო ადმინისტრაციების და ვენდორი კომპანიის ოფიციალურ წარმომადგენლებს ფეიქ დამკვირვებლებად, როცა მათ არცერთ განცხადებაში გარდა პროცედურული და ტექნიკური შეფასებისა, არანაირი პოლიტიკური მოსაზრებები, ან თუნდაც მინიშნება არ ყოფილა. უფრო მეტიც, ორგანიზაციის დასკვნაში მოხსენიებული პირების ნაწილს სადამკვირვებლო მისიის ფარგლებში არანაირი განცხადება არ გაუკეთებია. გამოდის, რომ ეს პირები „ფეიქ დამკვირვებლებად“ მხოლოდ და მხოლოდ იმის გამო მოიხსენიეს, რომ როგორც საერთაშორისო დამკვირვებლები ქვეყანაში იმყოფებოდნენ და აკვირდებოდნენ არჩევნებს. ამას გარდა, გაუგებარია, ქვეყანაში ვიზიტით მყოფი 20-ზე მეტი ქვეყნის საარჩევნო ადმინისტრაციის 40-მდე დელეგატიდან, მხოლოდ რამდენიმეზე რა ნიშნით და რა მტკიცებულებებზე დაყრდნობით გამახვილდა ყურადღება.ამასთან,, მნიშვნელოვანია აღინიშნოს, რომ 4 ოქტომბრის არჩევნებს აკვირდებოდნენ სხვადასხვა ქვეყნის საკანონმდებლო ორგანოების თუ სხვა ინსტიტუციების და ორგანიზაციების წარმომადგენლები. თითოეული მათგანი კანონმდებლობით დადგენილ ფარგლებში ახორციელებდა სადამკვირვებლო საქმიანობას და ამ ფორმატში რაიმე ტიპის შეფასებისა თუ განცხადების გაკეთებაც მათივე უფლება იყო. შესაბამისად, გაკეთებული განცხადებების გამო, დადებითი იყო ეს თუ კრიტიკული,  მათი „ფეიქ დამკვირვებლებად“ მოხსენიება იმდენად უსაფუძვლოა, რომ  ეს პირდაპირ შეიძლება ჩაითვალოს უშუალოდ ამ პირების და ზოგადად საარჩევნო პროცესის დისკრედიტაციის მცდელობად, ისევე როგორც ამ პირებზე ზეწოლის მოხდენის მცდელობად.საარჩევნო ადმინისტრაცია მიიჩნევს, რომ ყოველივე ზემოაღნიშნული არის საქართველოში 4 ოქტომბერს წარმატებით ჩატარებული არჩევნების გადაფარვისა და ადგილობრივ თუ საერთაშორისო დონეზე მისი დისკრედიტაციის მცდელობა, რაც კატეგორიულად მიუღებელი და შემაშფოთებელია. მით უფრო იმ ორგანიზაციისგან, რომელიც საერთოდ არ იყო რეგისტრირებული აღნიშნულ არჩევნებზე დამკვირვებლად.ამასთანავე, აღსანიშნავია, რომ EPDE-ს ერთ-ერთ წევრ ორგანიზაციას წარმოადგენს ISFED, ორგანიზაცია, რომელმაც 2020 წლის არჩევნების პარალელური დათვლის (PVT) შედეგები საზოგადოებას მანიპულაციურად წარუდგინა. სწორედ ამ ფაქტის შედეგად გათავისუფლდა ISFED-ის მაშინდელი ხელმძღვანელი, რომელიც დღეს, არსებული ინფორმაციის მიხედვით, საქმიანობს EPDE-ში. მიუხედავად აღნიშნული პრეცედენტისა, კვლავაც დაფიქსირდა პარალელური დათვლის შედეგების სანდოობის პრობლემები 2024 წლის არჩევნების დროსაც. ამჯერად ინფორმაცია ისე გავრცელდა, რომ მონაცემები ემთხვეოდა ცესკოს ოფიციალურ შედეგებს, თუმცა თავად შედეგები არ გამოქვეყნებულა. აღნიშნული გარემოებები ბუნებრივია კითხვებს აჩენს EPDE-ს ობიექტურობასა და მიუკერძოებლობაზე. (R)

1760686095

სებ-ის ინტერაქტიული სტატისტიკით, სექტემბრის მდგომარეობით, წლიური ზრდა 22.7%-ია (01.09.2024 - + 29.4%Y.Y).თუმცა, ბანკების პორტფელში სამომხმარებლო სესხების წილი გაზრდილია, 22.4%-მდე (01.09.2024 – 19.3%) და 1 სექტემბრისთვის 13.4 მლრდ ლარს შეადგენს (01.09.2024 – 11,1 მლრდ; 01.09.2023 – 8.5 მლრდ)ფიზიკური პირებისთვის გაცემული სამომხმარებლო სესხების 81.7%  სისტემური 2  ბანკზე მოდის  (BOG & TBC).საქართველოს ბანკის ინფორმაციით, საცალო სამომხმარებლო სესხის მინიმალური განაკვეთი 9%-ია (ეფექტური 20.2%). თიბისის ინფორმაციით,  სამომხმარებლოს სესხი 12.25%-დან (ეფექტური 18%) გაიცემა. სტანდარტულად სამომხმარებლო არაუზრუნველყოფილი სესხი 4 -წლამდე ვადით გაიცემა.სებ-ის სტატისტიკით. საბაზრო საშუალო შეწონილი განაკვეთი 18.9%-ია. გასულ წელთან შედარებით შემცირებულია (01.09.2024 -19.05% )

1760621731

პროგრამა 8 თვე გრძელდება და მოიცავს ტრენინგებს, მენტორობას, რეალურ პროექტებზე მუშაობას და როტაციას სხვადასხვა დეპარტამენტში. ლიდერატორებს შესაძლებლობა აქვთ საკუთარი თვალით ნახონ, თუ როგორ მუშაობს ბანკის სტრუქტურა და როგორ იქმნება პროდუქტები, რომლებიც მილიონზე მეტი მომხმარებლის ყოველდღიურობას ამარტივებს.აღსანიშნავია, რომ პროგრამის დასრულების შემდეგ მონაწილეთა უმეტესობა საქართველოს ბანკში სრულ განაკვეთზე აგრძელებს მუშაობას. ისინი უკვე კარგად იცნობენ ორგანიზაციის კულტურას, პროცესებსა და გუნდს - რაც მათ აძლევს საშუალებას, სწრაფად ადაპტირდნენ და პროფესიულადაც განვითარდნენ.სწორედ ამ საკითხზე სასაუბროდ, დავუკავშირდით საქართველოს ბანკის ტალანტების მართვის სამსახურის უფროსს, ელენე ქათამაძეს, რომელიც „ლიდერატორის“ პროგრამის შესახებ გვესაუბრა.„ლიდერატორი“ გაცილებით მეტია, ვიდრე სტანდარტული სტაჟირება. ის ქმნის სრულფასოვან სამუშაო ეკოსისტემას, სადაც მონაწილეები პროფესიულ გამოცდილებას იღებენ, იზრდებიან და ვითარდებიან მენტორების, ტრენერებისა და სამუშაო გუნდის მუდმივი მხარდაჭერით. სწორედ ამ სინერგიამ გახადა პროექტი ერთ-ერთი ყველაზე პოპულარული სტუდენტური ინიციატივა საქართველოში“, - ამბობს ელენე.2017 წლიდან პროგრამაში მონაწილეობა 500-მდე ახალგაზრდამ მიიღო, რომელთა 80%-მა კარიერული განვითარება საქართველოს ბანკში განაგრძო."პროგრამის დასრულების შემდეგ, ლიდერატორების დიდი ნაწილი სრულ განაკვეთზე აგრძელებს მუშაობას და განაგრძობს კარიერულ გზას უკვე კარგად ნაცნობ ორგანიზაციულ გარემოში. ისინი იცნობენ ბანკის სტრუქტურას, პროცესებს, ადამიანებსა და კულტურას — და სწორედ ამ საფუძველზე ახერხებენ ძალიან სწრაფ პროფესიულ წინსვლას. ბევრი მათგანი დღეს პროდუქტის მენეჯერია, ქმნის ტექნოლოგიურ გადაწყვეტილებებს, ზოგი ფინანსურ მიმართულებას უძღვება, ზოგი კი უკვე დეპარტამენტის ხელმძღვანელია. ჩემთვის ყველაზე შთამაგონებელია, როცა გუშინდელი სტაჟიორი დღეს უკვე ახალი თაობის ლიდერატორების მენტორია. მათი კარიერული წინსვლა ნათლად ადასტურებს, რომ „ლიდერატორი" არა მხოლოდ სტაჟირება, არამედ კარიერული ზრდის რეალური შესაძლებლობაა", - აღნიშნავს ელენე.წელს პროგრამის მიმართ ინტერესი რეკორდულად გაიზარდა, 2 300-ზე მეტმა სტუდენტმა შეავსო 3 500-მდე განაცხადი, რაც ერთ-ერთი ყველაზე მაღალი მაჩვენებელია პროგრამის ისტორიაში. მრავალსაფეხურიანი შერჩევის პროცესის შედეგად წელს 48 ლიდერატორი შეირჩა.”განაცხადების ზრდა ნათლად აჩვენებს, რომ პროგრამა მუდმივად ვითარდება, რეალურად პასუხობს სტუდენტების საჭიროებებს და რჩება მათთვის ერთ-ერთ ყველაზე მოთხოვნად და სასურველ შესაძლებლობად”, - აღნიშნავს ის.წლევანდელი პროგრამა აერთიანებს 12 ქვეპროგრამას და ფარავს საქართველოს ბანკისა და შვილობილი საინვესტიციო კომპანიის, Galt & Taggart-ის, დაახლოებით 35 განსხვავებულ მიმართულებას, მათ შორის: ტექნოლოგიები და მონაცემთა ანალიტიკა ბანკინგი და ფინანსები რისკების მართვა და შიდა აუდიტი ბიზნესის განვითარება და მომხმარებლის გამოცდილება ადამიანური კაპიტალის მართვა და სხვა პროგრამაზე შერჩევის პროცესი მრავალეტაპიანია და მოიცავს ანალიტიკური და ლოგიკური უნარების ტესტირებას, პროფესიულ ტესტირებას, ინდივიდუალური დავალების შესრულებასა და გასაუბრებას.“შერჩევის სტრუქტურა მორგებულია თითოეული პროგრამის სპეციფიკას, რადგან სხვადასხვა მიმართულებას განსხვავებული კომპეტენციები და მიდგომები ესაჭიროება. კანდიდატებს არ მოეთხოვებათ სამუშაო გამოცდილება, ბევრი მათგანისთვის ლიდერატორი პირველი პროფესიული პლატფორმაა. მთავარი კრიტერიუმებია მოტივაცია, ინტერესი, ღია კომუნიკაცია, ცნობისმოყვარეობა და განვითარების სურვილი“, - განმარტავს ელენე.პროგრამის მეშვეობით ყოველ წელს მრავალფეროვანი, მოტივირებული და ნიჭიერი ახალგაზრდების აღმოჩენა ხდება.„ლიდერატორი“ ყოველ წელს გვაკავშირებს მრავალფეროვან, მოტივირებულ და ნიჭიერ ახალგაზრდებთან. უნდა აღინიშნოს, რომ თითოეული კანდიდატი თავისებურად გამორჩეული და საინტერესოა, თუმცა შერჩეულ მონაწილეებს აერთიანებთ უნარი, გამოავლინონ თავი რეალურ სამუშაო გარემოში, იმ პირობებში, სადაც ერთდროულად სჭირდებათ სწავლა, ჩართულობა და პასუხისმგებლობის აღება. ისინი გამოირჩევიან მოტივაციით, ინიციატივით, მაღალი ჩართულობით, უკუკავშირის მიმღებლობით, სწავლისადმი ღიაობით და განვითარებისკენ მუდმივი სწრაფვით. სწორედ ეს თვისებები ქმნის მყარ საფუძველს, რომ ლიდერატორები მოკლე დროში ეფექტიანად ინტეგრირდნენ, სწრაფად განვითარდნენ და მიაღწიონ წარმატებას“, - აღნიშნა ელენემ.ელენეს თქმით, ლიდერატორის პროგრამა მუდმივად ვითარდება და მისი მიზანი არა მხოლოდ ახალგაზრდების პროფესიული დასაქმებაა, არამედ იმის უზრუნველყოფა, რომ მათი პირველი სამუშაო გამოცდილება გახდეს გამორჩეულად შთამაგონებელი და განვითარებაზე ორიენტირებული.„ჩვენი მიზანია, რომ ახალგაზრდებმა კარიერის პირველი ნაბიჯები საუკეთესო გამოცდილებით გადადგან — და სწორედ ამიტომ ვცდილობთ, რომ ყოველ წელს პროგრამა ახალი ხედვებითა და შესაძლებლობებით გამდიდრდეს", - ამატებს ელენე ქათამაძე.„ლიდერატორი“ საქართველოს ბანკის ერთ-ერთი ყველაზე წარმატებული სტუდენტური ინიციატივაა, რომელიც წლების განმავლობაში ასობით ახალგაზრდას დაეხმარა კარიერის დაწყებაში და მათ შორის უკვე მრავალი წარმატებული პროფესიონალია. პროგრამა მომავალშიც გააგრძელებს ახალი თაობის აღმოჩენასა და მათთვის რეალური შესაძლებლობების შექმნას.

1760619826