აზერბაიჯანი და ევროკავშირი უსაფრთხოების საკითხებს ბაქოში განიხილავენ

სხდომის ერთ-ერთ მთავარ გადაწყვეტილებად შესაძლოა იქცეს TRACECA-ს ერთიანი სატრანზიტო ნებართვის შესახებ შეთანხმების ხელმოწერა, რომელზეც მუშაობა რამდენიმე წლის განმავლობაში მიმდინარეობდა.TRACECA-ს მუდმივი სამდივნოს გენერალურმა მდივანმა ასეთ ასავბაევმა განაცხადა, რომ შეთანხმება ქაღალდის დოკუმენტბრუნვიდან ელექტრონულ ფორმატზე გადასვლას და წევრ ქვეყნებს შორის გადაზიდვების გამარტივებას უზრუნველყოფს.მისი თქმით, აღნიშნული შეთანხმება წარმოადგენს მრავალმხრივი საბაზისო შეთანხმების ერთ-ერთი ფუნდამენტური მიზნის, სატრანზიტო დერეფანში ტვირთების თავისუფალი და შეუფერხებელი გადაადგილების უზრუნველყოფის ლოგიკურ გაგრძელებას. ერთიანი ელექტრონული ნებართვა ჩაანაცვლებს რამდენიმე ქაღალდის დოკუმენტს, რაც გადამზიდავებისთვის დროისა და ფინანსური დანახარჯების შემცირებას შეუწყობს ხელს.ასავბაევის ინფორმაციით, წევრი ქვეყნები ასევე აგრძელებენ მუშაობას TRACECA-ს საერთაშორისო სატრანსპორტო დერეფნის განვითარების სტრატეგიაზე 2027–2034 წლებისთვის. დოკუმენტმა უნდა განსაზღვროს დერეფნის მოდერნიზაციისა და შემდგომი განვითარების გრძელვადიანი პრიორიტეტები, ასევე მისი განხორციელების სამოქმედო გეგმა.სხდომაზე განსაკუთრებული ყურადღება დაეთმო სატრანსპორტო პროცესების გაციფრულება და ელექტრონული დოკუმენტების დანერგვას. TRACECA-ში მიიჩნევენ, რომ ციფრულ ფორმატზე გადასვლა გაზრდის გადაზიდვების გამჭვირვალობას და დააჩქარებს ქვეყნებს შორის კოორდინაციას.გენერალური მდივნის თქმით, ელექტრონული ზედნადების CIM/SMGS დანერგვის საპილოტე პროექტის ფარგლებში უკვე განხორციელდა ხუთი ეტაპის ტესტირება აზერბაიჯანის, საქართველოს, ყაზახეთის, თურქეთის, უკრაინისა და მოლდოვის რკინიგზის ოპერატორების მონაწილეობით. მიღებული შედეგები, მისი შეფასებით, ადასტურებს პროექტის პრაქტიკულ ეფექტიანობას და ციფრულ ტრანსფორმაციაში მონაწილე ქვეყნების ერთობლივი მუშაობის შედეგიანობას.TRACECA წარმოადგენს საერთაშორისო თანამშრომლობის პროგრამას, რომელიც მიზნად ისახავს სატრანსპორტო დერეფნის „ევროპა – კავკასია – აზია“ განვითარებას და ფუნქციონირებს მთავრობათაშორისი კომისიის ფორმატში.

1778831892

დაგეგმილ რეფორმასთან დაკავშირებით, პრემიერ-მინისტრი ირაკლი კობახიძე და ინფრასტრუქტურის მინისტრი რევაზ სოხაძე სამშენებლო კომპანიებისა და კომერციული ბანკების წარმომადგენლებს შეხვდნენ. სამუშაო შეხვედრას ასევე ესწრებოდნენ შესყიდვების სააგენტოს, მთავრობის ადმინისტრაციისა და სამხარაულის ექსპერტიზის ბიუროს ხელმძღვანელები.მთავრობის გადაწყვეტილებით, ცვლილებები შევა №55 დადგენილებით დამტკიცებულ ტექნიკურ რეგლამენტსა და „სახელმწიფო შესყიდვების შესახებ“ საქართველოს კანონში. რეფორმის ფარგლებში იზრდება ზედნადები და გაუთვალისწინებელი ხარჯების ლიმიტი, განახლდება სამშენებლო მასალებისა და მანქანა-მექანიზმების საბაზრო ფასები და ამოქმედდება ფასების ნაწილობრივი კორექტირების (ინდექსაციის) წესი.„რეფორმა მიზნად ისახავს სამშენებლო სექტორის გაძლიერებას, სახელმწიფო პროექტების ფინანსური მდგრადობის ზრდასა და სახელმწიფო შესყიდვების სისტემაში პასუხისმგებლობისა და გამჭვირვალობის უფრო მაღალი სტანდარტების დამკვიდრებას“, - ნათქვამია მთავრობის ოფიციალურ განცხადებაში.მცირე და საშუალო ბიზნესის მხარდაჭერის მიზნით, ახალი წესებით შესაძლებელი გახდება სახელმწიფო ტენდერებში პრეტენდენტისა და მისი ქვეკონტრაქტორის გამოცდილების გაერთიანება, რაც კომპანიებს მსხვილ პროექტებში მონაწილეობას გაუმარტივებს.პარალელურად, სახელმწიფო ამკაცრებს კონტროლის მექანიზმებს: იზღუდება არარეალისტურად დაბალი ფასებით ტენდერებში მონაწილეობა (დემპინგი), ხოლო ე.წ. „შავი სიის“ მექანიზმი ფართოვდება. შედეგად, ფინანსურ ან კორუფციულ დანაშაულებთან დაკავშირებული პირების კომპანიები სახელმწიფო ტენდერებიდან დისკვალიფიცირებული იქნებიან.მთავრობა აღნიშნულ საკანონმდებლო პაკეტს ბოლო პერიოდის ერთ-ერთ ყველაზე მნიშვნელოვან სისტემურ რეფორმად აფასებს, რომელმაც ინფრასტრუქტურული პროექტების დროული და ხარისხიანი შესრულება უნდა უზრუნველყოს.

1778831371

ჩინეთის ლიდერის გვერდით, ოქროსფერი ხალიჩით გაწყობილ მდიდრულ შეხვედრების ოთახში მჯდომმა ტრამპმა განაცხადა, რომ მან ორივე ქვეყნისთვის „ფანტასტიკური“ სავაჭრო გარიგებები უზრუნველყო და პროგრესს მიაღწია ძალისხმევაში, რათა სის დახმარება მოეპოვებინა ჰორმუზის სრუტის ხელახლა გახსნაში, თუმცა დეტალები არ დაუკონკრეტებია. „ეს იყო წარმოუდგენელი ვიზიტი, - თქვა მან. – ვფიქრობ, აქედან ბევრი კარგი რამ გამოვიდა“.POLITICO წერს, რომ ტრამპმა ჩინეთის კომუნისტური პარტიის შტაბ-ბინა და მისი ბაღები დაათვალიერა, რის შემდეგაც ჟურნალისტებს შეხვდა. ის ცდილობდა, ამ ვიზიტსა და ორ ქვეყანას შორის ურთიერთობებზე ძალიან ოპტიმისტურად ელაპარაკა. ეს ოპტიმიზმი განსაკუთრებით მნიშვნელოვანი იყო სექტემბერში დაგეგმილი შეხვედრის წინ, როდესაც სი ძინპინი აშშ-ს ეწვევა და მოლაპარაკებები გაგრძელდება.„ჩვენ მოვაგვარეთ უამრავი პრობლემა, რასაც სხვა ადამიანები ვერ შეძლებდნენ და ეს ურთიერთობა ძალიან ძლიერია“, - განუცხადა მან ჟურნალისტებს.ჩინეთმა, რომელიც როგორც ირანის მოკავშირე, ისე მისი ნავთობის მსხვილი მყიდველია, საგარეო საქმეთა სამინისტროს მიერ გავრცელებულ განცხადებაში მოუწოდა მხარეებს ჰორმუზის სრუტის გახსნისა და აშშ-ისა და ისრაელის მიერ 28 თებერვალს დაწყებული ომის დიპლომატიური გზით მოგვარებისკენ.„მნიშვნელოვანია ნაოსნობის ხაზების რაც შეიძლება სწრაფად გახსნა, რათა ვუპასუხოთ საერთაშორისო თანამეგობრობის მოწოდებას და ერთობლივად შევინარჩუნოთ გლობალური მიწოდების ჯაჭვების სტაბილურობა და შეუფერხებლობა“, - ნათქვამია განცხადებაში.ტრამპმა ჟურნალისტებს განუცხადა, რომ ის და სი ძინპინი ირანთან დაკავშირებით „ძალიან მსგავსად ფიქრობენ“.ხუთშაბათს, სი ძინპინთან შეხვედრის შემდეგ, Fox News-თან ინტერვიუში ტრამპმა თქვა, რომ ჩინეთის ლიდერს „სურს იხილოს შეთანხმება“ აშშ-სა და ირანს შორის და მან დახმარებაც კი შესთავაზა ამის მისაღწევად, თუმცა საგარეო საქმეთა სამინისტროს განცხადებაში მსგავს შეთავაზებაზე არაფერი იყო ნათქვამი.ტრამპი, კაბინეტის ოფიციალური პირებისა და ბიზნესლიდერების დელეგაციასთან ერთად, ჩინეთის დატოვებას პარასკევს გეგმავდა.

1778829633

ამჯერად, გამოფენა-გაყიდვის მესამე ღონისძიება 15-17 მაისს გაიმართება.პროექტის მიზანია მეწარმე ქალების მხარდაჭერა, მათი საქმიანობის პოპულარიზაცია და ფართო აუდიტორიისთვის ადგილობრივი პროდუქციის გაცნობა. ინიციატივის ფარგლებში, „ბაზარი ორბელიანი“ ერთი წლის განმავლობაში, ყოველ თვე, სამი დღის განმავლობაში - პარასკევიდან კვირის ჩათვლით - საკუთარ სივრცეს მეწარმე ქალებს უთმობს, სადაც ისინი მომხმარებლებს მრავალფეროვან ხელნაკეთ თუ ადგილობრივ პროდუქციას წარუდგენენ.საქართველოს ბანკის მხარდაჭერით, 15-17 მაისს მომხმარებლებს სპეციალური შეთავაზებით სარგებლობაც შეეძლებათ - 14 მონაწილე მეწარმესთან საქართველოს ბანკის ბარათით გადახდისას მომხმარებელი მიიღებს 30%-იან ქეშბექს, მაქსიმუმ 50 ლარის ოდენობით.სპეციალური შეთავაზებით სარგებლობა შესაძლებელია შემდეგი მეწარმეების პროდუქციაზე: ციციკო  ჯეინის თოჯინები  N S Craft - ნანას ხელობა  Yummy  მარიბასი  MiAmore  Petra • პეტრა  La Arté  ქალაქობანა  MakaDanu  Lucy's Toys  ენჯი / N.G. Art Accessories  teddy.withfriends  ტანგრამი  საქართველოს ბანკი მომავალშიც გააგრძელებს ისეთი ინიციატივების მხარდაჭერას, რომლებიც მეწარმე ქალების განვითარებას, ეკონომიკურ გაძლიერებასა და მათი საქმიანობის პოპულარიზაციას უწყობს ხელს.(R)

1778769300

ინიციატივის მიზანია ქართულ დიასპორასთან კავშირის გაღრმავება, ემიგრანტებისთვის მნიშვნელოვანი კულტურული გამოცდილებების შექმნა და ქართული კულტურის პოპულარიზაცია საერთაშორისო აუდიტორიაში.თანამშრომლობის ფარგლებში დაგეგმილია არაერთი კულტურული ღონისძიება, მათ შორის კონცერტები, ელექტრონული მუსიკის ფესტივალი, თეატრალური გასტროლები, კლასიკური მუსიკის საღამოები, ასევე საოპერო და სხვა კულტურული ღონისძიებები.კულტურული ღონისძიებების სერია ივნისიდან - სამეფო უბნის თეატრის გასტროლით დაიწყება და ის სხვადასხვა ასაკისა და ინტერესის მქონე აუდიტორიას მრავალფეროვან კულტურულ გამოცდილებას შესთავაზებს.„საქართველოს ბანკისთვის ემიგრანტების მხარდაჭერა და ქართული კულტურის პოპულარიზაცია მნიშვნელოვანი სტრატეგიული მიმართულებაა. Emolas Corporation-თან პარტნიორობა ამ ხედვის ბუნებრივი გაგრძელებაა და გვაძლევს შესაძლებლობას შევქმნათ ისეთი კულტურული გამოცდილებები, რომლებიც, ერთი მხრივ, გააძლიერებს კავშირს ემიგრანტებთან, ხოლო მეორე მხრივ, ხელს შეუწყობს ქართული კულტურის საერთაშორისო დონეზე პოპულარიზაციას და მისი ფართო აუდიტორიისთვის გაცნობას.  აღსანიშნავია, რომ Emolas Corporation-თან თანამშრომლობა ჩვენთვის ახალი არ არის, იანვარში კარნეგი ჰოლის ისტორიულ სცენაზე ქართული ნაციონალური ბალეტი სუხიშვილების წარმატებული კონცერტიც ამ პარტნიორობის ფარგლებში გაიმართა. სწორედ ამ გამოცდილებამ შექმნა საფუძველი თანამშრომლობის ახალ ეტაპზე გადასვლისთვის, რომელიც მრავალფეროვან კულტურულ პროექტებს მოიცავს. პირველ ეტაპზე დაგეგმილია სამეფო უბნის თეატრის გასტროლი სპექტაკლით „მოახლეები“, ხოლო წლის განმავლობაში არაერთი კულტურული ღონისძიება გაიმართება”, - განაცხადა საქართველოს ბანკის ფიზიკური პირების მარკეტინგის გუნდის უფროსმა, თამარ ნოზაძემ„საქართველოს ბანკთან პარტნიორობა ჩვენთვის ძალიან მნიშვნელოვანი ნაბიჯია. ეს თანამშრომლობა გვაძლევს შესაძლებლობას, გავაძლიეროთ კულტურული ინიციატივები აშშ-ში და ქართველ დიასპორას შევთავაზოთ მრავალფეროვანი და ხარისხიანი კულტურული გამოცდილებები. ამავდროულად, ვხედავთ მნიშვნელოვან პოტენციალს და გვჯერა, რომ ეს პროექტები ხელს შეუწყობს ქართული კულტურის საერთაშორისო პოპულარიზაციას“, - ამბობს სალომე ლილუაშვილი, Emolas Corporation-ის დამფუძნებელი.არ გამოგრჩეთ საქართველოს ბანკის და Emolas Corporation-ის პარტნიორობის ფარგლებში დაგეგმილი ღონისძიებები ამერიკაში და თვალი ადევნეთ სიახლეებს ამ ბმულზე: https://bankofgeorgia.ge/ka/emigrants/main  

1778763775

საკადრო ცვლილება მას შემდეგ განხორციელდა, რაც SOCAR-მა API Holding-ისგან Italiana Petroli-ის აქციების 99.82%-იანი წილის შეძენის პროცესი დაასრულა. იტალიური ნავთობკომპანიის განცხადებით, დავითაშვილი IP-ის ოპერაციებს უშუალოდ იტალიაში უხელმძღვანელებს.მისი საქმიანობის მთავარი პრიორიტეტები ბიზნესის უწყვეტობის უზრუნველყოფა, ადგილობრივ ენერგეტიკულ ბაზარზე კომპანიის პოზიციების გაძლიერება და SOCAR ჯგუფში Italiana Petroli-ის ფართომასშტაბიანი ინტეგრაციის ზედამხედველობა იქნება.ლევან დავითაშვილი საქართველოს ეკონომიკისა და მდგრადი განვითარების მინისტრის პოსტს 2022-2025 წლებში იკავებდა, ხოლო 2025 წლიდან საქმიანობა SOCAR-ის პრეზიდენტის მრჩევლის პოზიციაზე განაგრძო.

1778762594

ფოთის საჭადრაკო კლუბი დღეს მნიშვნელოვანი საგანმანათლებლო და სპორტული ცენტრია რეგიონში, სადაც სხვადასხვა ასაკის ბავშვები და ახალგაზრდები სწავლობენ როგორც ჭადრაკის თეორიას, ასევე პრაქტიკულ თამაშს.პარტნიორობის ფარგლებში იგეგმება ტურნირების მხარდაჭერა, წარმატებული მოჭადრაკეების წახალისება, თანამედროვე ინფრასტრუქტურის განვითარება და სხვადასხვა აქტივობის განხორციელება, რომელიც ახალგაზრდებს შეუწყობს ხელს აღმოაჩინონ ახალი შესაძლებლობები.აღსანიშნავია, რომ ფოთის საჭადრაკო კლუბში აღიზარდნენ წარმატებული მოჭადრაკეები, რომლებიც მსოფლიოსა და ევროპის ახალგაზრდული ჩემპიონატების პრიზიორები, საერთაშორისო ოსტატის ნორმის შემსრულებლები და საქართველოს ჩემპიონატების გამარჯვებულები გახდნენ და რომლებიც საერთაშორისო ტურნირებზე საქართველოს სახელით ასპარეზობენ.„დღეს ჩვენი მთავარი მიზანია, ფოთის საჭადრაკო კლუბმა კიდევ უფრო თანამედროვე, მრავალფეროვანი და ახალგაზრდებზე მორგებული გარემო შექმნას. სწორედ ამიტომ, საქართველოს ბანკთან პარტნიორობა ჩვენთვის განსაკუთრებულად მნიშვნელოვანია, რადგან ის გვაძლევს შესაძლებლობას, გავაძლიეროთ სასწავლო პროცესი, განვავითაროთ ინფრასტრუქტურა და ბავშვებსა და ახალგაზრდებს შევთავაზოთ მეტი შესაძლებლობა საკუთარი პოტენციალის გამოსავლენად. განსაკუთრებით მნიშვნელოვანია მსგავსი მხარდაჭერა რეგიონული კლუბებისთვის, რადგან ის არა მხოლოდ სასწავლო გარემოს აუმჯობესებს, არამედ ახალ თაობას დამატებით მოტივაციასა და განვითარების სტიმულს აძლევს. პარტნიორობის ფარგლებში გაგრძელდება და კიდევ უფრო მეტად აქტიურად გაიმართება როგორც საერთაშორისო, ასევე სხვადასხვა შიდა ტურნირი და ახალგაზრდული აქტივობა, რაც ხელს შეუწყობს ფოთში ჭადრაკის კიდევ უფრო პოპულარიზაციასა და განვითარებას“, - აღნიშნავს დათო კოდუა, ფოთის საჭადრაკო კლუბის დირექტორი.„საქართველოს ბანკისთვის ერთ-ერთი მთავარი პრიორიტეტი განათლებისა და საგანმანათლებლო ინიციატივების მხარდაჭერაა, რათა ახალგაზრდებს მისცეს შესაძლებლობა, სრულად გამოავლინონ და აითვისონ საკუთარი პოტენციალი. სწორედ ამიტომ, დავიწყეთ სტრატეგიული პარტნიორობა ფოთის საჭადრაკო კლუბთან, რომელიც  მიზნად ისახავს ჭადრაკის სფეროს, როგორც ინტელექტუალური განვითარების ინსტრუმენტის ხელშეწყობას, სასწავლო პროცესის გაძლიერებას და მოსწავლეებისთვის ხარისხიანი საგანმანათლებლო-სპორტული გარემოს შექმნას, რაც გრძელვადიან პერსპექტივაში რეგიონში ძლიერი საგანმანათლებლო და სპორტული ცენტრის ჩამოყალიბების საფუძველი გახდება. თანამშრომლობის ფარგლებში არაერთი საინტერესო ინიციატივის განხორციელება იგეგმება”, - აღნიშნავს ანი ლომთაძე, საქართველოს ბანკის კორპორატიული სოციალური პასუხისმგებლობის (CSR) მიმართულების ხელმძღვანელი.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაცია ხელმისაწვდომია ვებგვერდზე.(R)

1778761153

სტივენსს თითქმის 30-წლიანი გამოცდილება აქვს ფინანსური ინსტიტუტების სექტორში კორპორაციული ფინანსების მიმართულებით. მას მაღალი პოზიციები ეკავა, მათ შორის, UBS Investment Bank-ში, Deloitte Corporate Finance-სა და Keefe, Bruyette & Woods-ში, სადაც EMEA რეგიონში ბანკებსა და სხვა ფინანსურ მომსახურების კომპანიებს უწევდა კონსულტაციას სხვადასხვა სტრატეგიულ და კაპიტალის ბაზრებთან დაკავშირებულ ტრანზაქციებზე.ჯგუფის ცნობით, მას დიდი ხნის განმავლობაში ჰქონდა ახლო ურთიერთობა TBC ბანკთან, მათ შორის, 2014 წელს TBC Bank-ის პირველ საჯარო შეთავაზებაზე (IPO) ერთობლივი გლობალური კოორდინატორის როლში.TBC-ის ცნობით, ჯგუფის მოქმედი ფინანსური დირექტორი გიორგი მეგრელიშვილი, თანამდებობას 1 აგვისტოდან დატოვებს.TBC Bank-ის ფინანსური დირექტორის პოზიციაზე მეგრელიშვილის შემცვლელს კომპანია მოგვიანებით დაასახელებს.“მივესალმებით გაის, როგორც ჩვენი ჯგუფის ახალ ფინანსურ დირექტორს, ჯგუფის განვითარების მნიშვნელოვან ეტაპზე. მისი ღრმა გამოცდილება ფინანსურ ინსტიტუტებსა და კაპიტალის ბაზრებში, ჩვენი ბიზნესის სიღრმისეული ცოდნასთან ერთად, მნიშვნელოვანი იქნება ჩვენი სტრატეგიის განხორციელებისა და შემდგომი ზრდის შესაძლებლობების განვითარების პროცესში. ასევე მსურს მადლობა გადავუხადო გიორგის ჯგუფში შეტანილი წვლილისთვის და მომავალ საქმიანობაში წარმატებები ვუსურვო“, - აცხადებს ვახტანგ ბუცხრიკიძე, TBC PLC-ის CEO.მეგრელიშვილს მადლობას ჯგუფის სამეთვალყურეო საბჭოს თავმჯდომარე არნე ბარგრენიც უხდის და სტივენსის მოსვლით, მენეჯმენტის გუნდის გაძლიერებისა და საბჭოს პრიორიტეტების შესრულების გაუმჯობესების იმედი აქვს.შეგახსენებთ, მეგრელიშვილი ჯგუფს 2020 წელს შეუერთდა, ჯერ მაისში CFO-ს მოადგილედ, იმავე წლის ოქტომბრიდან კი CFO-დ გადაინაცვლა. თიბისიში მისვლამდე, ამსტერდამის Natwest Markets N.V.-ის კაპიტალის რისკისა და სტრესის ტესტირების სამსახურს ხელმძღვანელობდა.

1778757372