ევროკავშირი ყირგიზეთს დემონსტრაციულად დასჯის

მიუხედავად ამისა, ბაზარზე ჭარბი მიწოდების რისკები კვლავ შენარჩუნდა, წლის დასაწყისში, ქვეყანაში არსებულმა შიდა პოლიტიკურმა არასტაბილურობამ მყიდველთა ნაწილს შესყიდვის გადავადებისკენ უბიძგა, რამაც მოთხოვნა მნიშვნელოვნად შეასუსტა. თუმცა, ამ პერიოდში დაგროვილი მოთხოვნა წლის მეორე ნახევარში რეალიზდა.საინვესტიციო კომპანია წერს, რომ შედეგად, გაყიდვები 2025 წელს, 2023-24 წლებთან შედარებით, გაიზარდა, თუმცა კვლავ ჩამორჩებოდა 2022 წლის რეკორდულ მაჩვენებელს. მიწოდების მხარეს დაფიქსირებული მცირედი კლების მიუხედავად, გაცემული ნებართვების მოცულობა კვლავ მნიშვნელოვნად აჭარბებს 2015-22 წლების ნიშნულს.2025 წელს, გაზრდილმა კონკურენციამ ფასის ზრდის ტემპის შენელება გამოიწვია და დეველოპერებს შიდა განვადების სქემების მაქსიმალურად დახვეწისკენ უბიძგა. 2026 წელს, გალტ & თაგარტის ანალიტიკოსების მოლოდინით, მოთხოვნა 2025 წლის დონესთან ახლოს შენარჩუნდება, რასაც ხელს შეუწყობს ფუნდამენტური ფაქტორები - ურბანიზაცია, ოჯახის საშუალო ზომის შემცირება და ქირის მაღალი ამონაგები. გალტ&თაგარტის მოლოდინით, უძრავი ქონების ფასებზე ერთნიშნა ზრდა გაგრძელდება და მეტწილად დამოკიდებული იქნება მიწოდების მხარეს ცვლილებებზე. დაგეგმილი მსხვილი პროექტების გაყიდვების დაწყებამ და გაცემული ნებართების მოცულობის მაღალ დონეზე შენარჩუნებამ შესაძლოა ბაზარზე ჭარბი მიწოდების რისკები გაზარდოს და ფასის ზრდა გაართულოს.მოთხოვნა2025 წელს, საჯარო რეესტრის მონაცემებით, გაყიდული ბინების რაოდენობამ 42,388 შეადგინა, რაც გასულ წელთან შედარებით 4.3–პროცენტიანი ზრდაა. მეორად ბაზარზე გაყიდვები დეკემბერში წლიურად 12.3%-ით გაიზარდა (+3.5% წ/წ 2025 წელს). პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, დეკემბერში წლიურად 5.4%-ით გაიზარდა (+5.2% წ/წ 2025 წელს). გალტ&თაგარტის მიერ ჩატარებული დეველოპერების გამოკითხვის მიხედვით, რომელიც პირველადი ბაზრის ტენდენციებს რეალურ დროში ასახავს, 2025 წლის დეკემბერში გაყიდვები წლიურად გაორმაგდა. ამის მიზეზად საინვესტიციო კომპანია დაბალი ბაზის ეფექტს ასახელებს, 2024 წლის დეკემბერში, როცა ქვეყანაში შიდა პოლიტიკური არასტაბილურობა დაიწყო. ჯამურად, 2025 წელს პირველად ბაზარზე გაყიდული ბინების რაოდენობა წლიურად 27.3%-ით გაიზარდა.მიწოდება2025 წელს, გაცემული ნებართვების მოცულობა წლიურად 4.2%-ით 1.7 მლნ კვ.მ-მდე შემცირდა, რაც მეოთხე კვარტალში ნებართვების მკვეთრი კლებითაა განპირობებული. მიუხედავად კლებისა, ნებართვების მოცულობა კვლავ მაღალ დონეზე შენარჩუნდა და 32%-ით გადააჭარბა 2015-22 წლის საშუალო მაჩვენებელს.ფასები2025 წელს ფასები გაიზარდა როგორც პირველად, ასევე მეორად ბაზრებზე. 2025 წლის 9 თვის განმავლობაში პირველად ბაზარზე ფასის ზრდის ტემპი დაბალი იყო (0.2% თვიურად), თუმცა, მოთხოვნის აღდგენისა და გაცემული ნებართვების შემცირების ფონზე, 2025 წლის მეოთხე კვარტალში ზრდა დაჩქარდა თვიურ 0.7%-მდე. შესაბამისად, პირველად ბაზარზე საშუალო ფასი წლიურად 4%-ით გაიზარდა, რაც ზრდის ტემპის დასტაბილურების ნიშანია 2024 (+11.6% წ/წ) და 2023 (+20.2% წ/წ) წლებთან შედარებით.2025 წლის დეკემბერში მეორად ბაზარზე (2013 წლის შემდეგ გაცემული ნებართვებით აშენებული ახალი შენობების) საშუალო ფასი წლიურად 7.9%-ით გაიზარდა.ქირა2025 წელს, ქირის ფასი კვ.მ-ზე $9-10 დოლარის ფარგლებში შენარჩუნდა, რაც 2024 წლის შემდეგ სტაბილურობის ახალი დიაპაზონია. 2025 წლის დეკემბერში, თბილისში საშუალო ზომის ბინის (50-60 კვ.მ) ქირის ფასმა 9.8 აშშ დოლარი შეადგინა კვ.მ-ზე, ქირის ამონაგებმა კი - 8.6%.

1770114414

მისივე თქმით, მსოფლიო ბანკის ბიზნესისთვის მზაობის რეიტინგში საქართველო 101 ქვეყნიდან საუკეთესო ოთხეულშია 2025 წლის მონაცემებით კორეასთან, სინგაპურთან და ესტონეთთან ერთად.„ასევე, ეფექტურობისა და დავების ოპერატიული გადაწყვეტის მხრივ, მეორე ადგილზე ვართ მსოფლიოში, ხოლო ბიზნესის ადგილმდებარეობის მხრივ - მეოთხე. Fraser Institute-ის მსოფლიოს ეკონომიკური თავისუფლების 2025 წლის ინდექსით, მსოფლიოს 165 ქვეყნიდან 25-ე ადგილზე ვართ. დანაშაულის მსოფლიო სტატისტიკის 2025 წლის ინდექსში NUMBEO საქართველოს ყველაზე უსაფრთხო ქვეყნების ოცეულში ასახელებს. ეს ყველაფერი ხელსაყრელ გარემოს ქმნის ინვესტიციებისთვის, ბიზნესის ზრდისა და საერთო ეკონომიკური სტაბილურობისთვის“,- აღნიშნა პრემიერმა.ირაკლი კობახიძის თქმით, საქართველო, რომელიც აკავშირებს კონტინენტებს და წარმოადგენს კავკასიის, კასპიის ზღვის რეგიონისა და ცენტრალური აზიის შვიდი ზღვაზე გასასვლელის არმქონე ქვეყნისთვის სატრანსპორტო და დამაკავშირებელი მთავარი ცენტრის როლს, მოუწოდებს მთავრობებს, ინვესტორებს და ბიზნესლიდერებს, ითანამშრომლონ მდგრადი მიწოდების ჯაჭვების შექმნაში - ისეთების, რომლებიც შეამცირებენ რისკებს, გააფართოებენ შესაძლებლობებს და ფრაგმენტაციას დაძლევენ კავშირების შექმნით.„არსებობს დერეფანი, სადაც ტვირთი, მონაცემები, ენერგია და კაპიტალი პროგნოზირებად რეჟიმში მოძრაობს კონტინენტებზე - სადაც ინფრასტრუქტურა უზრუნველყოფილია თანამშრომლობით და არაა პოლიტიკით შეზღუდული და სადაც მშვიდობა არა მხოლოდ პრინციპია, არამედ გააზრებული ეკონომიკური სტრატეგიაც. ამ ფრაგმენტირებულ სამყაროში კეთილდღეობა გამყოფი კედლებიდან კი არა, ხიდებიდან იქმნება. დღეს, უფრო მეტად, ვიდრე ოდესმე, ერების სიმდიდრე ამ ხიდების მშენებლებზეა დამოკიდებული. საქართველო მზადაა, ერთ-ერთი ასეთი ხიდი თავად იყოს“, - განაცხადა პრემიერ-მინისტრმა.კობახიძემ ყურადღება გაამახვილა ანაკლიის ღრმაწყლოვანი პორტის პროექტზეც.„ვავითარებთ ანაკლიის ღრმაწყლოვანი პორტის პროექტს - სტრატეგიული მნიშვნელობის ინფრასტრუქტურას, რომელიც შექმნილია დიდი კონტეინერმზიდი გემების მისაღებად და შავი ზღვის პორტების სიმძლავრეების გასაზრდელად. ანაკლია არა მხოლოდ პორტია; ის პლატფორმაა ტრანზიტის მაჩვენებლების ზრდის, გლობალური გადაზიდვის ხაზების მოზიდვისა და შავი ზღვის, როგორც ევროპასა და აზიას შორის კონკურენტუნარიანი კარიბჭის როლის გასაძლიერებლად.გვჯერა, რომ ვაჭრობის ხელშეწყობა ისეთივე მნიშვნელოვანია, როგორც ფიზიკური ინფრასტრუქტურა, ამიტომ საქართველო დიდ ყურადღებას აქცევს ეფექტურ სასაზღვრო პროცედურებს, პროგნოზირებად ტრანზიტს და საერთაშორისო გადაზიდვების გამარტივებას.ამბიციური ინფრასტრუქტურული პროექტები, ეფექტურ მარეგულირებელ ჩარჩოსთან და რეგიონულ თანამშრომლობასთან ერთად, ქმნის ინტეგრირებულ ეკოსისტემას, რომელიც არა მოკლევადიანი სარგებლის, არამედ გრძელვადიანი მდგრადობისთვის არსებობს“, - განაცხადა კობახიძემ.

1770110106

ამჯერად, საქართველოს ბანკის ორგანიზებით, 10 თებერვალს ვორკშოპი „გაყიდვები გაზრდილი კონკურენციის პირობებში“ გაიმართება, რომელსაც ნანა აბურჯანიძე, ბიზნესსაკონსულტაციო კომპანია სოლუშენერის დამფუძნებელი და დირექტორი გაუძღვება.ვორქშოპის მიზანია, დაეხმაროს მეწარმე ქალებს თანამედროვე ბაზრისთვის შესაფერისი, პრაქტიკული მიდგომების დანერგვაში, რაც გაყიდვების ზრდასა და მომხმარებელთან ეფექტიან კომუნიკაციას შეუწყობს ხელს.შეხვედრის ფარგლებში განხილული იქნება: გაყიდვების მთავარი გამოწვევები და დილემები დღეს, როგორც ლოკალურ, ისე გლობალურ ბაზარზე როგორ შეიცვალა გაყიდვების თეორიები, სტრატეგიები და ტაქტიკები ბოლო წლებში როგორ გაიზარდა მოთხოვნები გაყიდვების გუნდის კომპეტენციებსა და პროფესიულ უნარებზე რა როლი აქვს სწორ და მიზნობრივ კომუნიკაციას გაყიდვების პროცესში როგორ ტრანსფორმირდა B2C და B2B მომხმარებლის ქცევა ვორკშოპი ჩატარდება ინტერაქციულ ფორმატში, ლოკალური და გლობალური ბრენდების პრაქტიკული მაგალითების განხილვითა და სხვადასხვა ინდუსტრიის გამოცდილების გაზიარებით. მონაწილეებს შესაძლებლობა ექნებათ, ჩაერთონ დისკუსიაში, დასვან კითხვები საკუთარი ბიზნესის კონტექსტიდან და მიიღონ ახალი იდეები არსებული გამოწვევების გადასაჭრელად.ღონისძიება 10 თებერვალს, 17:00 საათზე, საქართველოს ბანკის 4B ფილიალში, ალექსანდრე ყაზბეგის ქ. N15-ში გაიმართება.ღონისძიებაზე დასასწრებად გაიარეთ რეგისტრაცია საქართველოს ბანკის ვებგვერდზე.საქართველოს ბანკი, პლატფორმა ბიზნეს 360˚-ის ფარგლებში, აგრძელებს ბიზნესების მხარდაჭერას და ქმნის მრავალფეროვან კურსებს, ვორკშოპებს, კვლევებსა და სხვა საგანმანათლებლო რესურსებს.(R) 

1770104194

ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 2.9%-ით, რაც თვის ინფლაციაზე 0.96 პ.პ.-ით აისახა. ფასები მომატებულია ქვეჯგუფებზე: ბოსტნეული და ბაღჩეული (12.5%), ხილი და ყურძენი (5.9%), რძე, ყველი და კვერცხი (3.5%), შაქარი, ჯემი და სხვა ტკბილეული (2.8%), ყავა, ჩაი და კაკაო (2.6%), თევზეული (1.8%), ზეთი და ცხიმი (1.5%), ხორცი და ხორცის პროდუქტები (1.4%), პური და პურპროდუქტები (0.2%). ამასთან, ფასები შემცირდა მინერალურ და წყაროს წყალზე, უალკოჰოლო სასმელებსა და ნატურალური წვენებზე (-0.5%);ჯანმრთელობის დაცვა: ჯგუფში ფასები მომატებულია 2.4%-ით, რაც ჯამურ ინფლაციაზე 0.2 პ.პ.-ით აისახა. ფასები მომატებულია ქვეჯგუფებზე: სამედიცინო პროდუქცია, აპარატურა და მოწყობილობა (4.5%), ამბულატორიული სამედიცინო მომსახურება (0.1%);სხვადასხვა საქონელი და მომსახურება: ჯგუფში ფასები გაიზარდა 2.9%-ით, რაც 0.15 პ.პ.-ით აისახა მთლიან ინდექსზე. ფასები მომატებულია ქვეჯგუფებზე: დაზღვევა (8.5%), პირადი ნივთები, სხვა კატეგორიებში ჩაურთველი (3.5%), საფინანსო მომსახურება (2.6%), პირადი ჰიგიენა (2.3%);ტანსაცმელი და ფეხსაცმელი: ჯგუფში ფასები შემცირდა 4.3%-ით, რაც თვის ინფლაციაზე -0.2 პ.პ.-ით აისახა. ფასები შემცირებულია როგორც ტანსაცმლის (-4.8%), ისე ფეხსაცმლის (-3.4%) ქვეჯგუფებზე.წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 10.6%-ით, რაც წლიურ ინფლაციაზე 3.55 პ.პ.-ით აისახა. ფასები მომატებულია ქვეჯგუფებზე: თევზეული (20.5%), ხილი და ყურძენი (16.9%), პური და პურპროდუქტები (14.3%), შაქარი, ჯემი და სხვა ტკბილეული (10.2%), ხორცი და ხორცის პროდუქტები (9.7 პროცენტი), ყავა, ჩაი და კაკაო (9.4%), ბოსტნეული და ბაღჩეული (8.8%), ზეთი და ცხიმი (8.7%), რძე, ყველი და კვერცხი (8.6%), მინერალური და წყაროს წყალი, უალკოჰოლო სასმელები და ნატურალური წვენები (6.8 პროცენტი);ჯანმრთელობის დაცვა: ჯგუფში ფასები მომატებულია 8.3%-ით, რაც წლიურ ინფლაციაზე 0.68 პ.პ.-ით აისახა. ფასები მომატებულია ქვეჯგუფებზე: საავადმყოფოების მომსახურება (9%), სამედიცინო პროდუქცია, აპარატურა და მოწყობილობა (8.3%), ამბულატორიული სამედიცინო მომსახურება (7.7%);სხვადასხვა საქონელი და მომსახურება: ჯგუფში ფასები გაიზარდა 7.4%-ით, რაც 0.35 პ.პ.-ით აისახა მთლიან ინდექსზე. ფასები, ძირითადად, მომატებულია ქვეჯგუფებზე: პირადი ნივთები, სხვა კატეგორიებში ჩაურთველი (37.9%), დაზღვევა (8.5%), პირადი ჰიგიენა (4.2%);სასტუმროები, კაფეები და რესტორნები: ჯგუფში ფასები გაზრდილია 8.1%-ით, რაც წლიურ ინფლაციაზე 0.26 პ.პ.-ით აისახა. ფასები გაიზარდა როგორც ღამის გასათევით მომსახურებაზე (10.2%), ისე საზოგადოებრივ კვებაზე (7.8 პროცენტი);ალკოჰოლური სასმელები, თამბაქოს ჯგუფში: ფასები გაიზარდა 3.5%-ით, რაც 0.23 პ.პ.-ით აისახა მთლიან ინდექსზე. მოცემულ პერიოდში ფასები, ძირითადად, გაზრდილია თამბაქოს ნაწარმზე (6.6%).

1770103492

TCRC-ის შეფასებით, საქართველო-რუსეთის დაპირისპირების პოლიტიკურ ასპექტებს თუ დროებით გვერდზე გადავდებთ და წინა პლანზე აფხაზეთის რკინიგზით სატრანზიტო გადაზიდვების სავარაუდო გახსნის ეკონომიკურ მდგენელს წამოვწევთ, მივალთ დასკვნამდე, რომ დროებით ოკუპირებული აფხაზეთის ეკონომიკა „ჩიხური“ რკინიგზის არსებობის ვითარებაში ყველაზე მეტად ზარალდება."რუსეთისთვის ოკუპირებული აფხაზეთის რკინიგზის გახსნა მნიშვნელოვანია რამდენიმე მოსაზრებიდან გამომდინარე. პირველი - რუსეთი მაქსიმალურად ცდილობს აფხაზეთის ეკონომიკის საკვანძო მიმართულებები ნაბიჯ-ნაბიჯ გადაიყვანოს დოტაციურიდან რენტაბელურ რეჟიმზე. ამისთვის, პირველ რიგში, აუცილებელია დროებით ოკუპირებული აფხაზეთის რკინიგზა გახდეს მომგებიანი, ხოლო მომგებიანი მხოლოდ იმ შემთხვევაში იქნება, თუ იგი შეიძენს სატრანზიტო ფუნქციას, რადგანაც რუსეთზე დამოკიდებული სატვირთო გადაზიდვების სიმცირის გამო აფხაზეთის რკინიგზა მხოლოდ წამგებიანია.რუსეთისთვის „ფიქტიური“ აღიარების გარდა, მნიშვნელოვანია შექმნას დროებით ოკუპირებული აფხაზეთის ეკონომიკის ძირითადი დარგების ფუნქციონირებისთვის მყარი საფუძვლები, რითაც თვალნათლივ წარმოაჩენს მის როლს აფხაზეთის აღორძინებაში.მეორე - რუსეთისთვის სასიცოცხლოდ აუცილებელია ინდოეთთან და ირანთან საქონელბრუნვის გაზრდა. სადღეისოდ რუსეთი აქტიურად ავითარებს „ჩრდილოეთ–სამხრეთ“ სატრანსპორტო დერეფანს, რომელიც ირან –აზერბაიჯან – რუსეთის გავლით უკავშირდება რუსეთის „ცენტრალურ“ რეგიონებს.დროებით ოკუპირებული აფხაზეთის რკინიგზის ამოქმედების შემთხვევაში კი რუსეთს დამატებით ექმნება პერსპექტივა, დივერსიფიცირებული მარშრუტით, ინდოეთისა და ირანის ტვირთნაკადი მიმართოს რუსეთის „დასავლეთით“ განლაგებული რეგიონებისკენ.სწორედ ამ თვალსაზრისით რუსეთმა შეიძინა არარენტაბელური სომხეთის რკინიგზა და ირიბად ყოველთვის ამჟღავნებს მზადყოფნას დაეუფლოს საქართველოს რკინიგზასაც. აფხაზეთის რკინიგზის გარანტირებულად განკარგვის პირობებში „სატრანსპორტო მარყუჟის“ შემოჭერით რუსეთი ადვილად დაეუფლება რეგიონის მნიშვნელოვან ტვირთნაკადებს, რაც უდავოდ მის სტრატეგიულ ამოცანას წარმოადგენს", - წერს TCRC.როგორც "სატრანსპორტო დერეფნის კვლევის ცენტრი" აღნიშნავს, საქართველოსთვის დროებით ოკუპირებული აფხაზეთის რკინიგზის გახსნა მნიშვნელოვანია იმ თვალსაზრისით, რომ აფხაზეთის დაბრუნების პირობებში საქართველოს „უპირველეს“ ამოცანად უნდა იქნეს მიჩნეული იქ არსებული სატრანსპორტო კომუნიკაციების აღდგენა, რადგან გამართული კომუნიკაციების გარეშე წარმოუდგენელი იქნება აფხაზეთის ეკონომიკის სრულფასოვანი ფუნქციონირება."რაც შეეხება საქართველოსთვის დროებით ოკუპირებული აფხაზეთის რკინიგზის გახსნით რუსეთიდან სომხეთში ან პირიქით დამატებითი ტვირთნაკადების ტრანზიტად გატარების შედეგად მიღებულ ეკონომიკურ სარგებელს, ასეთი ტვირთების მოცულობა მცირეა - დაახლოებით 1.5 - 2 მლნ ტონაა წელიწადში.სომხეთის ტვირთი, სხვა ალტერნატივის არარსებობის გამო, აფხაზეთის რკინიგზის დაკეტვის შემთხვევაშიც ირიბად, როგორც დღეს მაინც იმოძრავებს ჩვენი ნავსადგურებისა და საავტომობილო გზების მეშვეობით. საქართველო ამით ფაქტობრივად, არაფერს არ დაკარგავს.საქართველოსთვის დროებით ოკუპირებული აფხაზეთის გავლით ტრანზიტით მიღებული ეკონომიკური ეფექტი მნიშვნელოვანი იქნებოდა მაშინ, თუ ამ დერეფნით ცენტრალური აზიისა და ჩინეთის ტვირთების გადაზიდვა განხორციელდებოდა, რაც ნაკლებად სავარაუდოა, რადგან ცენტრალური აზიის ქვეყნებს სხვადასხვა დერეფნების გასწვრივ უკვე გააჩნიათ ტვირთების გადაზიდვებისთვის „დამკვიდრებული მარშრუტები“ და ტრანსპორტირებისა / გადატვირთვისთვის საჭირო დამატებითი ინფრასტრუქტურა (ტერმინალები, გადამამუშავებელი საწარმოები, ლოგისტიკური ცენტრები და ა.შ.). შესაბამისად, ცენტრალური აზიის ტვირთების გარეშე საქართველოსთვის აფხაზეთის რკინიგზის ამოქმედებით და სატრანზიტო გადაზიდვებიდან მიღებული ეკონომიკური ეფექტი უმნიშვნელო იქნება.სომხეთის სტრატეგია უფრო გამჭვირვალეა. სატრანსპორტო იზოლაციისგან თავის დასაღწევად მას ესაჭიროება გადაზიდვების მარშრუტების დივერსიფიცირება. სომხეთის საექსპორტო პროდუქციას ევროპულ ბაზარზე ძირითადად ძვირად ღირებული მადნები, ხოლო რუსეთის ბაზარზე მოთხოვნადი ალკოჰოლური სასმელები წარმოადგენენ. რაც შეეხება იმპორტირებულ პროდუქციას - ძირითადად ხორბალია.სომხეთი საქართველოს სატრანსპორტო ინფრასტრუქტურის გამოყენებით ლარსზე გამავალი საავტომობილო გზით სარგებლობს. ლარსზე გამავალი დერეფანი სეზონური პირობების გამო ხშირად იკეტება. ამ გარემოებებიდან გამომდინარე, სომხეთის დაინტერესება მაღალია აფხაზეთის რკინიგზის გახსნით. უფრო მეტიც, სომხეთი მუდმივად გამოხატავდა მზადყოფნას აფხაზეთის რკინიგზის აღდგენის სამშენებლო კონსორციუმში მხარის სახით ჩართვასთან დაკავშირებით.ბოლო პერიოდში, ზანგეზურის დერეფნის გახსნის ალბათობა, მნიშვნელოვნად ამცირებს სომხეთის სწრაფვას დროებით ოკუპირებული აფხაზეთის მონაკვეთის სატრანზიტო მიმართულების დებლოკირებასთან დაკავშირებით.ყველაზე მეტად, შეიძლება ითქვას სასიცოცხლოდ, რკინიგზით სატრანზიტო გადაზიდვების უზრუნველყოფა დროებით ოკუპირებული აფხაზეთის ეკონომიკისთვის არის მნიშვნელოვანი. სადღეისოდ სატრანზიტო გადაზიდვების არარსებობის გამო აფხაზეთის რკინიგზა წამგებიან საწარმოს წარმოადგენს.იმისთვის, რომ თვალნათლივ დავინახოთ, თუ რას წარმოადგენს დროებით ოკუპირებული აფხაზეთის რკინიგზა, აუცილებელია გაანალიზებული იქნეს რკინიგზის ინფრასტრუქტურის არსებული მდგომარეობა და მისი განვითარების პერსპექტივები", - წერს "სატრანსპორტო დერეფნის კვლევის ცენტრი.

1770101470

შპს „რამაზი“ ვერ უზრუნველყოფდა შიდა მონიტორინგს, შესაბამისი ელექტრონული სისტემით. სავალუტო ჯიხური შიდა ინსტრუქციის გარეშე მუშაობდა, რის გამოც სუბიექტი 3 000 ლარით ჯარიმდება.  ერთი 3 000 -იც ჯიხურს ანგარიშგების მოთხოვნის დარღვევისთვის დაეკისრა. ვალუტის გადამცვლელმა პუნქტმა ფინანსური მონიტორინგის სამსახურში პირველადი აღრიცხვის ფორმის წარდგენა დადგენილ ვადაში ვერ მოასწრო.შპს „ლიკუნა“ სებ-ის მიერ ასევე სანქცირებულია ფულის გათეთრების და ტერორიზმის დაფინანსების აღკვეთის ხელშეწყობის მიზნებისათვის მონიტორინგში ხარვეზებისთვის. ჯიხურმა აღრიცხვა დაუგვიანა ფინანსურ მონიტორინგს და ამასთან პროგრამულმა სისტემამ ვერ დააიდენტიფიცირა გარიგებები, საეჭვო იყო, უჩვეულო თუ დანაწევრებული, რაზედაც დაემატა 10 000 ლარიანი ჯარიმა.

1770042425

ღონისძიება ახალგახსნილ SOLO Lounge-ში გაიმართა და ბათუმში მოქმედი საშუალო ბიზნესის წარმომადგენლებისთვის ტურიზმის სფეროში არსებული მიმდინარე ტენდენციების გაცნობას, ამასთანავე მონაწილეებს შორის გამოცდილებისა და პრაქტიკული ხედვების გაზიარებას ისახავდა მიზნად.დისკუსიის ფარგლებში, Galt & Taggart-ის მთავარმა ეკონომისტმა, ლაშა ქავთარაძემ, წარადგინა პრეზენტაცია თემაზე „ეკონომიკის მიმოხილვა“, ხოლო Galt & Taggart-ის კვლევების დეპარტამენტის ტურიზმის მიმართულების ხელმძღვანელმა, თათია მამრიკიშვილმა, მონაწილეებს აჭარაში ტურიზმის განვითარების ძირითადი ტენდენციები და პერსპექტივები გააცნო. ღონისძიებას მოდერაციას უწევდა გიორგი ისაკაძე, BMG-ის გენერალური პროდიუსერი.„SOLO Business-ის დისკუსიების სერია მიზნად ისახავს ბიზნესებისთვის ისეთი სივრცის შექმნას, სადაც მათ ექნებათ შესაძლებლობა, მიიღონ სიღრმისეული ანალიტიკა, გაეცნონ დარგობრივ ტენდენციებს და პრაქტიკული გამოცდილების გაზიარების გზით, უკეთ მოემზადონ ახალი შესაძლებლობებისთვის. გვჯერა, რომ მსგავსი შეხვედრები ხელს შეუწყობს ბიზნესის მდგრად განვითარებას”, - განაცხადა თორნიკე კუპრაშვილმა, საქართველოს ბანკის მცირე და საშუალო ბიზნესის მიმართულების ხელმძღვანელმა.SOLO Business-ის ნეთქვორქინგ სესიები სამ თვეში ერთხელ გაიმართება და Galt & Taggart-ის კვლევებზე დაყრდნობით, ექსპერტებისა და ბიზნესსექტორის წარმომადგენლების ჩართულობით, სხვადასხვა დარგის განვითარების შესაძლებლობების განხილვას დაეთმობა. მომდევნო შეხვედრაზე სამშენებლო მასალების სექტორის საჭიროებები განიხილება.Solo Business-ის შესახებ მეტი ინფორმაციის მისაღებად ეწვიეთ ბმულს. 

1770038414

იურიდიულ საკითხთა კომიტეტის თავმჯდომარე არჩილ გორდულაძის თქმით, ეს უზრუნველყოფს იმას, რომ ბიზნესის ფული პოლიტიკაში არ იყოს დაბანდებული და ბიზნესმა ბიზნესი აკეთოს.„მიზანია ის, რომ მეწარმემ ის საქმე აკეთოს, რისთვისაც კონკრეტული იურიდიული პირია შექმნილი - შესაბამისად, დაკავდეს ბიზნესით და იყოს მოგებაზე ორიენტირებული. ჩვენ ბიზნესის თავისუფლებაში არ ვერევით - პირიქით, ვამაყობთ და ცალსახად ვაცხადებთ, რომ ბიზნესის თავისუფლება ჩვენი გუნდის მონაპოვარია.ამავდროულად, თუკი ვინმეს უნდა, რომ პოლიტიკით დაკავდეს, ამისთვის შესაბამისი წესი და ფორმა არსებობს - დარეგისტრირდეს პოლიტიკურ პარტიად და პოლიტიკური საქმიანობა განახორციელოს.როდესაც იურიდიული პირი პოლიტიკურად საქმიანობს, ეს შესაბამისს პასუხისმგებლობას გამოიწვევს - აქ კონკრეტული ფიზიკურ პირზე საუბარი არ არის.ამავდროულად, გთავაზობთ და შეიძლება ეს იყოს სამსჯელო - რამდენად რელევანტურია დიდი მოცულობის ბიზნესისთვის 20 000 და 40 000 ლარი. ეს თანხა მბოჭავი თანხა არ იყოს, რათა მან სამართალდარღვევაზე ხელი აიღოს. ხომ არ ვიფიქროთ იმასთან დაკავშირებით, რომ ბიზნესსუბიექტის მიერ პოლიტიკური აქტივობის განხორციელება პირველ ჯერზე ადმინისტრაციულ პასუხისმგებლობას იწვევდეს, ხოლო მეორე და შემდეგ ჯერზე სისხლის სამართლის პასუხისმგებლობას, რათა კიდევ უფრო მეტად იყოს უზრუნველყოფილი, რომ ბიზნესის ფული პოლიტიკაში არ იყოს დაბანდებული და ბიზნესმა ბიზნესი აკეთოს და პოლიტიკა - პოლიტიკურ საქმიანობასთან დაკავშირებულმა პირმა.ჩემი შეთავაზებაა, რომ მეორე მოსმენის ფარგლებში შესაბამისი ჩანაწერი გაჩნდეს როგორ “ადმინისტრაციულ სამართალდარღვევათა კოდექსში“, ასევე “სისხლის სამართლის კოდექსში“, - განაცხადა არჩილ გორდულაძემ.„ადმინისტრაციულ სამართალდარღვევათა კოდექსში“ დაგეგმილი ცვლილებების მიხედვით, კოდექსს ემატება ახალი მუხლი - “მეწარმე იურიდიული პირის პოლიტიკური აქტივობის“ შესახებ.აღნიშნული მუხლის თანახმად, მეწარმე იურიდიული პირის მიერ საჯაროდ ისეთი პოლიტიკური აქტივობის განხორციელება, რომელიც არ არის დაკავშირებული მის ძირითად სამეწარმეო საქმიანობასთან, გამოიწვევს პირის დაჯარიმებას − 20 000 ლარის ოდენობით. აღნიშნული ქმედების განმეორების შემთხვევაში კი ჯარიმის ოდენობა 40 000 ლარი იქნება.

1770034410