პაპუაშვილი „მოსკოვის მექანიზმზე“: ეს არის წინასწარ დაწერილი ტექსტი და საქმის შეკერვის მცდელობა

საქართველოს ტექ ოლიმპიადების ჰაბი უზრუნველყოფს საერთაშორისო ოლიმპიადებისთვის ეროვნული ნაკრების შერჩევას. შესარჩევი ეტაპის შედეგად დაკომპლექტდება ეროვნული ნაკრები, რომლის წევრებიც სპეციალურ გადამზადებას გაივლიან და შემდეგ საერთაშორისო EGOI ოლიმპიადაში, იტალიაში მიიღებენ მონაწილეობას.EGOI საერთაშორისო ოლიმპიადაა, რომელიც ინფორმატიკისა და ტექნოლოგიების სფეროში გოგოების ჩართულობის გაზრდას ისახავს მიზნად. ოლიმპიადა აერთიანებს 50-ზე მეტ ქვეყანას და ხელს უწყობს გენდერულ თანასწორობას STEM მიმართულებებში. მონაწილეები რთულ ალგორითმულ ამოცანებს ამოხსნიან, რაც მათ პროგრამირების, ლოგიკური და ანალიტიკური აზროვნების განვითარებაში ეხმარება.საქართველოს ნაკრები აღნიშნულ ოლიმპიადაში 2026 წელს უკვე მეექვსედ იასპარეზებს. გასულ წლებში ქართველმა მონაწილეებმა მნიშვნელოვანი შედეგები აჩვენეს და ჯამში 2 ოქროს, 4 ვერცხლისა და 3 ბრინჯაოს მედალი მოიპოვეს.საქართველოს ტექ ოლიმპიადების ჰაბი ბიზნესისა და ტექნოლოგიების უნივერსიტეტში (BTU) თიბისის გენერალური მხარდაჭერით დაფუძნდა. ჰაბის მიზანია ნიჭიერი მოსწავლეების აღმოჩენა, მათი განვითარება და საერთაშორისო ასპარეზისთვის მომზადება.ევროპის გოგოების ოლიმპიადის შესარჩევ ტურზე რეგისტრაცია ღიაა 21 მარტამდე.მთავარია გჯეროდეს საკუთარი მიზნების, ინტერესების და შესაძლებლობების - სწორედ ეს რწმენა ხდება პირველი ნაბიჯი წარმატებისკენ. თიბისის უფასო საგანმანათლებლო პროგრამებზე მიღებული ცოდნით, იქნება ეს - თიბისი ტექსკოლა, კამპუსი, IT აკადემია, ტექ ოლიმპიადების ჰაბი, AI სტუდენტური კლუბი თუ განათლების სხვა შესაძლებლობები - შექმნი პირველ ციფრული პროექტებს, აღმოაჩენ საკუთარ ძლიერ მხარეებს და ტექნოლოგიურ სამყაროში საკუთარ ისტორია თავად დაწერ.(R)

1773315432

ამის შესახებ სომხური მედია წერს.პროექტი ითვალისწინებს 400 კვ ძაბვის ელექტროგადამცემი ხაზის მშენებლობას სომხეთის ცენტრალური ნაწილიდან – გეღარქუნიქის მხარის სოფელ დდმაშენიდან – საქართველოს საზღვრამდე.იგივე ძაბვის კიდევ ერთი ხაზის მშენებლობა იგეგმება ირანის საზღვრიდან დდმაშენამდე. შედეგად, იქმნება ენერგეტიკული დერეფანი ირანი–სომხეთი–საქართველო ელექტროენერგიით ვაჭრობისა და ტრანზიტისთვის.ვინაიდან სომხეთისა და საქართველოს ენერგოსისტემები სხვადასხვა რეჟიმში მუშაობს, მათი შეერთებისთვის იგეგმება ე.წ. მუდმივი დენის ჩანართით სადგურის მშენებლობა. ამ სადგურიდან გაყვანილი იქნება 500 კვ ძაბვის ხაზის მონაკვეთი, რომელიც საქართველოს მაღალი ძაბვის ქსელს დაუკავშირდება.ამჟამად სამი გათვალისწინებული ობიექტიდან მშენებლობა დაიწყო მხოლოდ დდმაშენი–აირუმის მონაკვეთზე. ამ მონაკვეთის მშენებლობის კონტრაქტი, რომლის ღირებულება დაახლოებით 70 მილიონი ევროა, ინდურ კომპანია KEC International Limited-მა მოიგო, რომელმაც უკვე დაიწყო სამუშაოები.

1773313812

რეორგანიზაცია განხორციელდება გამოყოფის (spin-off) ფორმით, უზბეკეთის რესპუბლიკის მოქმედი კანონმდებლობის შესაბამისად.Payme-ის გენერალურ დირექტორს დაევალა ყველა აუცილებელი იურიდიული და ორგანიზაციული მოქმედების განხორციელება, მათ შორის ახალი იურიდიული პირის - TBC Tech-ის წესდების მომზადება, მართვის ორგანოების სტრუქტურის შემუშავება და სხვა თანამდევი დოკუმენტების შექმნა.რეორგანიზაციის ინიციატორი TBC Digital-ია, რომელიც წარმოადგენს TBC Uzbekistan-ის ეკოსისტემის დედა კომპანიას.პროცესი გულისხმობს ახალი იურიდიული პირის - შპს TBC Tech-ის შექმნას, რომელიც გადაიბარებს Payme-ის ტექნოლოგიური აქტივების და გუნდის ნაწილს.TBC Uzbekistan-ის განცხადებით, ეს გადაწყვეტილება ეკოსისტემის სტრატეგიული განვითარების გეგმის ნაწილია, რომელიც მიზნად ისახავს ბიზნესის ეფექტიანობისა და მასშტაბურობის გაზრდას.კომპანიაში აღნიშნავენ, რომ რეორგანიზაციის მიმდინარე ეტაპი ფოკუსირებულია ეკოსისტემის IT ფუნქციების ცენტრალიზაციაზე.2025 წლის შემოდგომაზე, ამავე სტრატეგიის ფარგლებში შეიქმნა კომპანია TBC Operations, რომელმაც ეკოსისტემის ოპერაციული ფუნქციები გააერთიანა.„TBC Tech-ის გამოყოფა კომპანიას საშუალებას მისცემს, ყურადღება გაამახვილოს ტექნოლოგიური ინფრასტრუქტურის განვითარებაზე, დააჩქაროს ახალი სერვისების დანერგვა და გააუმჯობესოს ციფრული ფინანსური მომსახურების ხარისხი,“ -  აღნიშნეს UzDaily -სთან TBC Uzbekistan-ში.კომპანიაში ასევე განმარტეს, რომ რეორგანიზაცია მხოლოდ ორგანიზაციული ხასიათისაა და Payme-ის მიმდინარე საქმიანობაზე გავლენას არ ახდენს. ყველა სერვისი სრულად აგრძელებს ფუნქციონირებას, ხოლო კლიენტებისა და პარტნიორების წინაშე აღებული ვალდებულებები უცვლელი რჩება.შეგახსენებთ, რომ TBC Bank Group-მა 2023 წელს სრულად დაასრულა საგადახდო სისტემის Payme-ის შეძენა და გახდა მისი ერთადერთი მფლობელი. თავდაპირველად, 2019 წლის აპრილში, TBC Bank Group-მა შეიძინა კომპანიის 51%-იანი წილი. მოგვიანებით, 2023 წლის მაისში, ჯგუფმა გამოისყიდა დარჩენილი 49%, რითაც მისი წილი 100%-მდე გაიზარდა.

1773311584

ცვლილების თანახმად, 6 წელზე მეტი ხნის წინ გამოშვებული ავტომობილების იმპორტისას, ძრავის თითოეული კუბური სანტიმეტრი 0.8 ლარის ნაცვლად 4.5 ლარით დაიბეგრება. ეს ნიშნავს, რომ აქციზის გადასახადი 5.6-ჯერ იზრდება.ახალი რეგულაცია მნიშვნელოვნად აძვირებს პოპულარული მოდელების განბაჟებას: 1.5-ლიტრიანი ძრავის მქონე ავტომობილი: განბაჟების ღირებულება 1,200 ლარიდან 6,750 ლარამდე იზრდება. 2.0-ლიტრიანი ძრავის მქონე ავტომობილი: მოსაკრებელი 1,600 ლარიდან 9,000 ლარამდე იზრდება. ირაკლი კობახიძის განმარტებით, აღნიშნული კორექტირება აკრძალვის ალტერნატივაა. „შემოყვანის აკრძალვის ნაცვლად, შესაბამის ავტომობილებზე დაწესდება განბაჟების 4.5-ლარიანი ტარიფი კუბზე. შესაბამისად, შემოყვანის აკრძალვა გაზრდილი აქციზით ჩანაცვლდება“, - აღნიშნა პრემიერმა.თავდაპირველი ინიციატივა, რომელიც პარლამენტში 12 თებერვალს წარადგინეს, 6 წელზე უფროსი ავტომობილების იმპორტის სრულ აკრძალვას ითვალისწინებდა. მთავრობის განმარტებით, გადაწყვეტილების მიზანი ეკოლოგიური მდგომარეობის გაუმჯობესება, მოქალაქეების ჯანმრთელობის დაცვა და საგზაო მოძრაობის განტვირთვაა. პრემიერის მონაცემებით, 2012 წლიდან დღემდე საქართველოში რეგისტრირებული ავტომობილების რაოდენობა 864 ათასიდან 2 მილიონამდე გაიზარდა.

1773311445

"ჩვენ შემოვიღეთ ახალი რეგულაციები 6 წელზე მეტი წლოვანების ავტომობილების შემოყვანასთან დაკავშირებით,. გარკვეული კორექტირებები გვინდა შემოვიღოთ. შემოყვანის აკრძალვის ნაცვლად, შესაბამის ავტომობილებზე დაწესდება განბაჟების 4.5 ლარიანი ტარიფი კუბზე, შესაბამისად შემოყვანის აკრძალვა გაზრდილი აქციზით ჩანაცვლდება", - განაცხადა კობახიძემ.12 თებერვალს "ოცნებამ" პარლამენტში შსს–ს მიერ მომზადებული კანონპროექტი წარადგინა, რომელიც ქვეყანაში 6 წელზე მეტი წლოვანების მქონე ავტომობილების იმპორტზე აკრძალვის დაწესებას ითვალისწინებდა. მთავრობის მეთაურის განმარტებით, აღნიშნული გადაწყვეტილება ეკოლოგიური მდგომარეობის გაუმჯობესებას, მოქალაქეების ჯანმრთელობის დაცვასა და საგზაო მოძრაობის განტვირთვას ემსახურებოდა.მაშინ პრემიერმა ხაზი გაუსვა, რომ ბოლო წლებში ქვეყანაში ავტომობილების რაოდენობა მკვეთრად გაიზარდა: თუ 2012 წელს საქართველოში 864 000 ავტომობილი იყო რეგისტრირებული, წელს ამ მაჩვენებელმა 2 მილიონს გადააჭარბა.„ვფიქრობთ, რომ არსებითად მნიშვნელოვანია, 6 წელზე მეტი წლოვანების ავტომობილები არ იყოს შემოყვანილი ქვეყანაში. ეს მნიშვნელოვანია ეკოლოგიისთვის, ადამიანების ჯანმრთელობისთვის და ადამიანების კომფორტული გადაადგილების უზრუნველსაყოფად“, – ამბობდა ირაკლი კობახიძე.

1773310456

შეხვედრაზე საუბარი შეეხო Bybit-ის ქართულ ბაზარზე საქმიანობის ოფიციალურად დაწყებას. როგორც ნათია თურნავამ აღნიშნა ეროვნული ბანკისთვის პრიორიტეტია ფინანსურ სტაბილურობასთან ერთად ხელი შეუწყოს ბაზარზე ახალი მოთამაშეების შემოსვლას  და კონკურენციის ზრდას.„ჩვენთვის ძალიან სასიხარულოა მსგავსი კომპანიების შემოსვლა საქართველოს ბაზარზე. ეს კიდევ ერთხელ ადასტურებს, რომ ჩვენი ბიზნეს გარემო საკმაოდ მიმზიდველია, ხოლო რეგულაციები ხელს უწყობს ფინანსური ტექნოლოგიების განვითარებას. მნიშვნელოვანია ისიც, რომ ტრადიციულ საბანკო სექტორთან ერთად სულ უფრო მეტად ვითარდება არასაბანკო საფინანსო სექტორიც, რომელიც ვირტუალური აქტივების სერვისების მიმწოდებლებითაც არის წარმოდგენილი. ერთ-ერთი მათგანი არის კრიპტო აქტივების ბაზარზე ლიდერი კომპანია  Bybit, რომელსაც მილიონობით მომხმარებელი ჰყავს. ასეთი კომპანიის შემოსვლა ნიშნავს მეტ კონკურენციას და უფრო ხელმისაწვდომ პროდუქტებს გადახდების სფეროში“, - განაცხადა ნათია თურნავამ.როგორც შეხვედრაზე Bybit-ის თანადამფუძნებელმა და აღმასრულებელმა დირექტორმა აღნიშნა, საქართველოში ლიცენზიის მიღების პროცესი მკაცრი და დეტალურია, თუმცა ამავდროულად გამჭვირვალე და პროგნოზირებადი, რაც საერთაშორისო კომპანიებისთვის განსაკუთრებით მნიშვნელოვანია.„საქართველოს ეროვნული ბანკი რეგიონში ერთ-ერთი ყველაზე პროგრესული და ინოვაციაზე ორიენტირებული რეგულატორია. მათ მიერ შექმნილი გამჭვირვალე და პროგნოზირებადი რეგულაციური გარემო საერთაშორისო კომპანიებს, მათ შორის Bybit-ს, ქვეყანაში ოპერირების და ინვესტირების მოტივაციას აძლევს”, - განაცხადა ბენ ჟოუმ.როგორც Bybit-ის თანადამფუძნებელმა და აღმასრულებელმა დირექტორმა აღნიშნა, კომპანიას დაგეგმილი აქვს არაერთი ინიციატივა, რომელიც მოიცავს საგანმანათლებლო პარტნიორობას, ტრენინგებსა და სამუშაო შეხვედრებს, სტაჟირებისა და პროფესიული განვითარების პროგრამებს. ასევე ინიციატივებს, რომლებიც მიზნად ისახავს რეგულირებულ ჩარჩოში ციფრული აქტივების სერვისების შესახებ ცნობიერების ამაღლებას, პასუხისმგებლიანი მონაწილეობის წახალისებასა და ახალი სამუშაო ადგილების შექმნას.შეხვედრას ეროვნული ბანკის ვიცე-პრეზიდენტი ნინო ჯელაძე, აღმასრულებელი დირექტორი ბექა დოჭვირი, სებ-ის მიმართულებების ხელმძღვანელები, ასევე,  Bybit Georgia-ს თანადამფუძნებელი და აღმასრულებელი დირექტორი შოთა ლომთაძე ესწრებოდნენ.

1773305844

დოკუმენტში „ელენე ხოშტარიას საქმე და პოლიტიკური პატიმრები „ქართული ოცნების“ რეჟიმის ქვეშ“, აღნიშნულია, რომ ევროპარლამენტი „მკაცრად გმობს ელენე ხოშტარიასა და ყველა სხვა პირის პოლიტიკურად მოტივირებულ დაკავებას, რომლებიც სამიზნეები გახდნენ სიტყვისა და შეკრების თავისუფლების ან მშვიდობიანი პროტესტის გამოხატვის გამო. ასევე, გმობს „ქართული ოცნების“ რეჟიმის მიერ პოლიტიკური ოპონენტების, ჟურნალისტებისა და აქტივისტების სისტემატურ სისხლის სამართლებრივ დევნას“.ევროპარლამენტი „გმობს, მიღებული ცნობების თანახმად, დაკავების დროს ხოშტარიას წინააღმდეგ გამოყენებულ დამამცირებელ და არაადამიანურ მოპყრობას. მოითხოვს მისი და ყველა სხვა პირის დაუყოვნებლივ და უპირობო გათავისუფლებას, რომლებიც დაკავებულები არიან პოლიტიკურად მოტივირებული მიზეზებით. მოითხოვს მათ წინააღმდეგ პოლიტიკურად მოტივირებული ბრალდებების დაუყოვნებლივ გაუქმებას“.ევროპარლამენტი „დაკავებული პირების მიმართ არასათანადო მოპყრობისა და ეროვნული კანონმდებლობის ბოროტად გამოყენების ბრალდებების დამოუკიდებელ და გამჭვირვალე გამოძიებას მოითხოვს“.ასევე, ევროპარლამენტი „დემონსტრანტების წინააღმდეგ ქიმიური იარაღის გამოყენების შესახებ სანდო ცნობების დამოუკიდებელ და გამჭვირვალე გამოძიებას მოითხოვს“.რეზოლუციის პროექტი „მკაცრად გმობს ფუნდამენტური თავისუფლებების, პოლიტიკური აქტივობის, სამოქალაქო პროტესტისა და განსხვავებული აზრის ჩახშობის შემზღუდველი კანონმდებლობის განგრძობად მიღებას. მოუწოდებს საქართველოს ხელისუფლებას გააუქმოს ეს შემზღუდველი კანონები, შეწყვიტოს წინასწარი პატიმრობის პოლიტიკური რეპრესიების მიზნით გამოყენება და უზრუნველყოს სასამართლო დამოუკიდებლობა და სათანადო სასამართლო პროცესი“.დოკუმენტი „ხაზს უსვამს, რომ პოლიტიკური პატიმრების არსებობა საქართველოს მიერ ასოცირების შეთანხმებით ნაკისრ ვალდებულებებთან შეუთავსებელია“.ევროპარლამენტი „კიდევ ერთხელ ადასტურებს თავის ურყევ მხარდაჭერას ქართველი ხალხისა და მათი დემოკრატიული ევროპული მომავლის მიმართ. მოუწოდებს კომისიასა და წევრ სახელმწიფოებს, რომ საფრთხის ქვეშ მყოფ ქართველ აქტივისტებს, ჟურნალისტებსა და ოპოზიციის წარმომადგენლებს მხარდაჭერა გაუწიონ და დაცვა აღმოუჩინონ“.ევროპარლამენტი „მოუწოდებს ევროკავშირსა და წევრ სახელმწიფოებს, რომ დააწესონ მიზნობრივი სანქციები, ასევე, ევროკავშირის ფარგლებში სავიზო აკრძალვა რეჟიმის წარმომადგენლებისა და ხელშემწყობი პირების მიმართ, რომლებიც პასუხისმგებელნი არიან დემოკრატიული ოპოზიციის, დისიდენტების, დემონსტრანტებისა და ჟურნალისტების წინააღმდეგ პოლიტიკურად მოტივირებულ დაკავებებზე, დევნასა და ძალადობაზე“.გუშინ, 11 მარტს, ევროპარლამენტში საქართველოს შესახებ დებატები გაიმართა.აღნიშნულ საკითხზე მიღებულ რეზოლუციას ევროპარლამენტარები დღეს უყრიან კენჭს.

1773295020

ევროკომისარმა ვოპკე ჰუკსტრამ, რომელიც ევროკავშირის უმაღლესი წარმომადგენლის, კაია კალასის სახელით გამოდიოდა, პირდაპირ დააყენა კითხვის ნიშნის ქვეშ საქართველოს ევროპული პერსპექტივა და განაცხადა, რომ ქვეყანა ავტოკრატიისკენ განზრახ მიჰყავთ.მისი თქმით, ბოლო დროინდელი კანონები, რომლებიც ზღუდავენ პოლიტიკურ აქტიურობას და სამოქალაქო საზოგადოებას, სრულიად უგულებელყოფს კანონის უზენაესობას.ჰუკსტრამ ხაზგასმით აღნიშნა: „ჩემი პირველი მესიჯია საქართველოს მთავრობისადმი: მსგავსი ქმედებებითა და მსგავსი კანონებით საქართველოს ნამდვილად არ აქვს სიცოცხლისუნარიანი გზა ევროკავშირის წევრობისადმი. არც 2030 წლისთვის, როგორც მთავრობა იბრალებს, და არც არასდროს, თუ ეს კურსი გაგრძელდება. ევროკავშირი მზად არის პასუხი აგებინოს მათ, ვინც პასუხისმგებლები არიან მნიშვნელოვან დემოკრატიულ უკუსვლასა და ადამიანის უფლებების დარღვევებზე საქართველოში. მსგავსი რეპრესიული ტაქტიკები ავტორიტარული ქვეყნების ტაქტიკებს ჰგავს, რათა განსხვავებული ხმები და პოლიტიკური ოპონენტები გააჩუმონ“.დებატების ერთ-ერთი მთავარი ეპიზოდი ევროპარლამენტარ რასა იუკნევიჩიენეს გამოსვლა იყო, რომელმაც ელენე ხოშტარიას მიერ საპატიმროდან გამოგზავნილი ვრცელი წერილი გაასაჯაროვა. წერილში ხოშტარია ხაზს უსვამს, რომ მისი ბრძოლა პირადი თავისუფლებისთვის კი არა, ქართველი ხალხის ევროპული არჩევანის დაცვისთვისაა.„სიტყვებით ვერ გამოვხატავ, თუ როგორი მადლიერი ვარ, როდესაც თქვენს ურყევ, უწყვეტ მხარდაჭერას და ერთგულებას ვხედავ საქართველოს მიმართ, ჩვენი ევროპული ღირებულებებისთვის ბრძოლის მიმართ. ფასდაუდებელია თქვენნაირი მეგობრების ყოლა ამ რთულ დროს. ჩემთვის უდიდესი პატივია, რომ ჩემი სახელი საქართველოს საკითხზე გამართული მოსმენის დღის წესრიგის ნაწილია. თუმცა ცხადია, რომ მთავარი მე კი არა, ქართველი ხალხია, რომელმაც წარმოუდგენელი გამძლეობა გამოავლინა რუსეთთან ბრძოლაში. ეს არ არის ბრძოლა ერთი ადამიანის თავისუფლებისთვის; ეს არის ბრძოლა ერის ღირსებისა და მისი ევროპული არჩევანის დასაცავად. მინდა იცოდეთ, რომ მზად ვარ, ციხეში იმდენ ხანს ვიყო, რამდენიც საჭირო იქნება და პირადად ჩემი დაპატიმრების გამო არ ვწუხვარ. გაცილებით მნიშვნელოვანია, საკმარისი ყურადღება მიექცეს იმ სტრატეგიულ გამოწვევებს, რომელთა წინაშეც დღეს ევროპა დგას საქართველოში. შესაძლოა, ბიძინა ივანიშვილმა ჩვენი გამოყენება სავაჭროდ მოინდომოს, როგორც მძევლების. ეს არ უნდა დავუშვათ. ჩემი მიზანი ჩემი პირადი თავისუფლება არ არის; ჩემი მიზანია თავისუფლება ქართველი ხალხისთვის“, - ნათქვამია ხოშტარიას წერილში, რომელმაც ევროპარლამენტის დარბაზში დიდი რეზონანსი გამოიწვია.ევროპარლამენტარი მირიამ ლექსმანი კიდევ უფრო შორს წავიდა და პირდაპირ ბიძინა ივანიშვილის პერსონალური პასუხისმგებლობის საკითხი დააყენა. მან აღნიშნა, რომ „ქართული ოცნების“ ერთპარტიულ მმართველობას, პუტინის სახელმძღვანელოს გამოყენებით, ქვეყანა საპირისპირო მიმართულებით მიჰყავს.ლექსმანმა კოლეგებს მოუწოდა, არ დარჩნენ უმოქმედოდ: „როგორც ქართველი ხალხის მეგობრებმა, არ შეგვიძლია უმოქმედოდ ვიყოთ მაშინ, როდესაც ფუნდამენტური თავისუფლებები იშლება. ყველა პოლიტპატიმრის დაუყოვნებლივ გათავისუფლების მოწოდებით გამოვდივარ და მსურს კიდევ ერთხელ ვახსენო ბიძინა ივანიშვილის წინააღმდეგ გამიზნული სანქციების შემოღების საჭიროება, მისი გამანადგურებელი როლისთვის პოლიტიკაზე, საზოგადოებაზე, ეკონომიკაზე და ყველა ქართველზე“.ამ პოზიციას დაეთანხმა ევროპარლამენტარი დაინიუს ჟალიმასიც, რომელმაც ყურადღება გაამახვილა საქართველოს როლზე რუსეთის წინააღმდეგ დაწესებული სანქციების გვერდის ავლაში. მან განაცხადა, რომ საქართველო „სანქციების ავლის ჰაბი გახდა“ და მოითხოვა მკაცრი რეაგირება: „ევროკავშირმა მკაცრად უნდა დაასანქციროს როგორც საქართველოში მოქმედი კომპანიები, რომლებიც რუსეთის ომის მანქანას ეხმარებიან, ასევე რეჟიმის ოფიციალური პირები, რომლებიც აგრძელებენ სამოქალაქო საზოგადოების ტერორს“.კრიტიკის პარალელურად, დებატებზე გამოჩნდა წინააღმდეგობრივი პოზიციებიც, კერძოდ ტიერი მარიანის მხრიდან, რომელმაც ევროპარლამენტის პოლიტბიურო „ნეოკოლონიალისტურ მეთოდებში“ დაადანაშაულა.მარიანის თქმით, ბრიუსელი ახორციელებს პოლიტიკურ ზეწოლას და შანტაჟს იმ პარტიის წინააღმდეგ, რომელსაც მოსახლეობის უმრავლესობამ დაუჭირა მხარი. თუმცა, ევროპარლამენტართა უმრავლესობა, მათ შორის ნატალი ლუაზო და მარკეტა გრეგოროვა, მიიჩნევს, რომ ევროკავშირის მხრიდან სიჩუმე მხოლოდ აძლიერებს ანტიდემოკრატიულ ძალებს.გრეგოროვამ კითხვით მიმართა საბჭოს წევრებს: „ევროკავშირმა საბოლოოდ უნდა უპასუხოს გამიზნული სანქციებით პასუხისმგებელ პირებს, არ მადარდებს თუ წევრი ორი ქვეყანა ბლოკავს ამას, დანარჩენი 25 წევრი ქვეყანა? რა უშლის მათ ხელს? წინააღმდეგ შემთხვევაში სიჩუმე და უმოქმედობა მხოლოდ აძლიერებს ანტიდემოკრატიულ ძალებს და სახიფათო სიგნალს აგზავნის, რომ კანდიდატ ქვეყანაში მოქალაქეების რეპრესირება პასუხის გარეშე შეიძლება“.საბოლოოდ, დებატების მონაწილეებმა ხაზი გაუსვეს, რომ საქართველოს მომავალი საფრთხეშია და ევროკავშირი ვალდებულია გამოიყენოს ყველა ბერკეტი პოლიტპატიმრების გასათავისუფლებლად და დემოკრატიული პროცესების აღსადგენად.

1773292800