პეტერ სიიარტო: „აბსოლუტურად ვგმობთ ევროკავშირის გადაწყვეტილებას, ჩვენ ქართველების მხარეს ვართ“

ალიანსი მომდევნო ერთი თვის განმავლობაში ოთხი ძირითადი მიმართულებით აპირებს მუშაობას: გაეროს ჩართულობა: ოპოზიცია კოორდინაციას იწყებს გაეროს ადამიანის უფლებათა უმაღლეს წარმომადგენელთან, რათა მან თავისი მანდატის ფარგლებში საქართველოში ვითარების ადგილზე ინსპექტირება განახორციელოს. ქიმიური იარაღის აკრძალვის ორგანიზაცია (OPCW): ალიანსი მიმართავს საერთაშორისო პარტნიორებს, რათა ორგანიზაციამ დაიწყოს გამოძიება საქართველოში ქიმიური იარაღის შესაძლო გამოყენების ფაქტებზე, რაზეც „მოსკოვის მექანიზმის“ ანგარიშშია მითითებული. უნივერსალური იურისდიქცია და საფრანგეთის მიმართულება: ვინაიდან ბიძინა ივანიშვილი საფრანგეთის მოქალაქეა, ოპოზიცია გეგმავს აქტიურ კომუნიკაციას საფრანგეთის პროკურატურასთან, რათა მის წინააღმდეგ სისტემური წამებისა და სხვა დანაშაულების მუხლით გამოძიება ეროვნულ დონეზე დაიწყოს. ჰააგის ტრიბუნალი: ოპოზიცია მუშაობს პარტნიორებთან, რომ საერთაშორისო სისხლის სამართლის სასამართლოს (ICC) პროკურორის ოფისმა, ბელარუსის პრეცედენტის მსგავსად, დაიწყოს გამოძიება საქართველოში ჩადენილ დანაშაულებთან დაკავშირებით. ეუთოს „მოსკოვის მექანიზმის“ თითქმის 200-გვერდიანი ანგარიში 12 მარტს გამოქვეყნდა. მასში დეტალურად არის აღწერილი 2024 წლიდან საქართველოში არსებული დემოკრატიული უკუსვლა, რეპრესიული კანონმდებლობა და ადამიანის უფლებების დარღვევები. მექანიზმი ეუთოს წევრმა 24-მა ქვეყანამ იანვარში აამოქმედა.შეგახსენებთ, რომ „ოპოზიციის ალიანსი — ერთობა ერთად გამარჯვებისთვის!“ 2 მარტს 9 პროდასავლურმა პარტიამ დააფუძნა, რომელთა მიზანი ქვეყნის ევროატლანტიკური კურსის აღდგენაა.

1773665948

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად, საერთო ჯამში 242 გრამი არადეკლარირებული ოქროს ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ 78 332 ლარი შეადგინა. კანონდამრღვევი საქართველოს მოქალაქის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო უცხო ქვეყნის მოქალაქე საბაჟო კოდექსის 168 მუხლის პირველი ნაწილით გათვალისწინებული სამართალდარღვევისათვის 8 215 ლარით დაჯარიმდა. 

1773658117

კერძოდ, Lion Finance Group-ის (BGEO LN) აქციები დაიხურა 98.10 ბრიტანულ ფუნტ სტერლინგში (GBP), -7.54% წინა კვირასთან შედარებით და +1.13% გასულ თვესთან შედარებით. ვაჭრობის მოცულობამ 308 ათას აქციაზე მეტი შეადგინა, GBP 97.25 - 107.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 64 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 42.10 ბრიტანულ ფუნტ სტერლინგში (GBP), -2.43% წინა კვირასთან შედარებით და -0.94% გასულ თვესთან შედარებით. ვაჭრობის მოცულობამ 241 ათას აქციაზე მეტი შეადგინა, GBP 41.45 - 45.15 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 65 ათასი აქცია შეადგინა.Georgia Capital-ის (CGEO LN) აქციები დაიხურა 34.90 ბრიტანულ ფუნტ სტერლინგში (GBP), -2.38% წინა კვირასთან შედარებით და +5.28% გასულ თვესთან შედარებით. ვაჭრობის მოცულობამ 243 ათას აქციაზე მეტი შეადგინა, GBP 34.25 - 37.25 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 59 ათასი აქცია შეადგინა.

1773656539

ესტონეთის საგარეო საქმეთა მინისტრის მარგუს ცაჰკნას განცხადებით, ამ ეტაპზე საქართველოს ევროკავშირში გაწევრიანებაზე საუბარი აღარ მიმდინარეობს და აქცენტი დემოკრატიის გადარჩენაზეა გადატანილი.„ჩვენ ვსაუბრობთ დემოკრატიაზე, ვსაუბრობთ გადარჩენის გზებზე. ღრმად ვართ შეშფოთებულნი იმით, რაც საქართველოში ხდება“, - აღნიშნა მან.ლატვიის საგარეო უწყების ხელმძღვანელმა, ბაიბა ბრაჟემ ხაზგასმით აღნიშნა, რომ საქართველოში სიტუაცია არ გაუმჯობესებულა.„ვიცით, რა სურს ქართველ ხალხს და რას იმსახურებენ, მაგრამ მათი მთავრობა ნამდვილად არ არის დაინტერესებული ევროპული გზით“, - განაცხადა ბრაჟემ. მან ასევე იმედი გამოთქვა, რომ ქართველი ხალხი სწორ გადაწყვეტილებებს მიიღებს ქვეყნის წინსვლისთვის.ლიეტუვის საგარეო საქმეთა მინისტრი კესტუტის ბუდრისი და რუმინელი კოლეგა ოანა-სილვია ტოიუ ასევე გამოეხმაურნენ ე.წ. „უცხოური აგენტების შესახებ კანონის“ ბოროტად გამოყენებას და დემოკრატიული ინსტიტუტების დაცვის აუცილებლობას. რუმინეთის წარმომადგენელმა განსაკუთრებული ყურადღება გაამახვილა შავი ზღვის რეგიონის სტრატეგიულ მნიშვნელობაზე ენერგოუსაფრთხოებისა და ინფრასტრუქტურის კუთხით.

1773656274

ცვლილების შედეგად, „უცხოური ძალის ინტერესების გამტარებელ ორგანიზაციათა რეესტრი“ სახელმწიფო აუდიტის სამსახურში იფუნქციონირებს. შესაბამისად, ორგანიზაციებმა, რომლებიც უცხოურ დაფინანსებას იღებენ, რეგისტრაციის მიზნით სწორედ აუდიტის სამსახურს უნდა მიმართონ.კომიტეტის სხდომაზე აღინიშნა, რომ 2025 წლის 17 დეკემბრის საკანონმდებლო ცვლილებებით, სახელმწიფო აუდიტის სამსახური უკვე ახორციელებს გრანტის გაცემა-მიღების მონიტორინგს და „უცხოეთის აგენტების რეგისტრაციის აქტით“ გათვალისწინებულ უფლებამოსილებებს. ამ დროისთვის „უცხოური ძალის ინტერესების გამტარებელ ორგანიზაციათა რეესტრში“ 400-მდე სუბიექტია რეგისტრირებული.შეგახსენებთ, რომ „უცხოური გავლენის გამჭვირვალობის შესახებ“ კანონი პარლამენტმა 2024 წლის მაისში მიიღო. ის ავალდებულებს არასამთავრობო და მედიაორგანიზაციებს, რომელთა შემოსავლის 20%-ზე მეტი უცხოეთიდან მოდის, დარეგისტრირდნენ სპეციალურ რეესტრში. რეგისტრაციაზე უარის თქმის შემთხვევაში, კანონი 25 ათასი ლარის ოდენობით დაჯარიმებას ითვალისწინებს.

1773654764

პროკურატურა მიქაუტაძეს 9 სხვადასხვა ეპიზოდში ედავებოდა, რაც მოიცავდა სამსახურებრივი უფლებამოსილების გადამეტებასა და ბოროტად გამოყენებას, სამეწარმეო საქმიანობაში უკანონო მონაწილეობასა და ფულის გათეთრებას.საქმის პროკურორის, ირაკლი მარშანიას განმარტებით, მსჯავრდებულს ჩამოერთვა მნიშვნელოვანი აქტივები: ესპანეთში მდებარე საცხოვრებელი ბინა 3 ავტომანქანა ძვირადღირებული საათები, ოქროს ზოდები და მონეტები 15%-იანი წილი „ნახიდურჰესში“ მიუხედავად იმისა, რომ რომეო მიქაუტაძემ საპროცესო შეთანხმების მოთხოვნით პროკურატურას მიმართა, მან სასამართლო სხდომაზე ბრალი არ აღიარა. საბოლოო სიტყვისას მან განაცხადა, რომ მზად იყო ეღიარებინა „არარსებული დანაშაული“, რათა საქმე სწრაფად დასრულებულიყო. პროკურორის თქმით, რადგან ბრალდებული დანაშაულს არ აღიარებს, საპროცესო შეთანხმების გაფორმება შეუძლებელია.მსჯავრდებულის ადვოკატი ბექა ნემსიწვერიძე გადაწყვეტილებას სააპელაციო სასამართლოში გაასაჩივრებს. მან მართლმსაჯულების სისტემა გააკრიტიკა და აღნიშნა, რომ სასამართლომ მხოლოდ ბრალდების მხარის არგუმენტები გაითვალისწინა.რომეო მიქაუტაძე სამართალდამცველებმა გასული წლის 20 ივნისს დააკავეს. მას ბრალდება 4 მუხლით ჰქონდა წარდგენილი: სისხლის სამართლის კოდექსის 333-ე მუხლით, 332-ე მუხლის მე-2 ნაწილით, 337-ე მუხლით, 194-ე მუხლის მე-3 ნაწილის “გ“ ქვეპუნქტით.

1773654295

ლაგარდის თქმით, ევროპა დიდწილად ეყრდნობა ექსპორტზე დაფუძნებულ ზრდას, რაც ახალ გეოპოლიტიკურ და სავაჭრო გარემოში უფრო დაუცველს ხდის ევროკავშირის ეკონომიკას.ლაგარდის შეფასებით, ბოლო წლებში ევროკავშირმა ვერ გამოიყენა შესაძლებლობა, გაეძლიერებინა შიდა ბაზარი, ტექნოლოგიური სექტორი და ინოვაციები, რის გამოც ევროპა კონკურენციაში ჩამორჩება როგორც შეერთებულ შტატებს, ისე ჩინეთს.მისი განცხადებით, ევროკავშირმა უნდა გააძლიეროს შიდა ეკონომიკური ინტეგრაცია, შეამციროს წევრ ქვეყნებს შორის სავაჭრო ბარიერები და გაამარტივოს გადაწყვეტილებების მიღების პროცესი. მისი თქმით, შიდა ბაზარზე არსებული რეგულაციური ბარიერები ეკონომიკური ეფექტით დაახლოებით 100%-იან ტარიფს ჰგავს მომსახურებაზე და 65%-იანს საქონელზე.ლაგარდმა ასევე აღნიშნა, რომ ევროკავშირი მნიშვნელოვნად არის დამოკიდებული სხვა ქვეყნებზე ენერგეტიკის, უსაფრთხოებისა და კრიტიკული ნედლეულის მიწოდებაში, რაც გლობალური დაძაბულობის პირობებში დამატებით რისკებს ქმნის.მისი თქმით, თუ ევროკავშირი სწრაფად არ გაატარებს ეკონომიკურ რეფორმებს, რეგიონი შეიძლება აღმოჩნდეს დაბალი ზრდის ხანგრძლივი პერიოდის წინაშე.

1773653382

შეხვედრისას ყურადღება გამახვილდა ორმხრივი პარტნიორობის აქტუალურ საკითხებზე, განსაკუთრებით სავაჭრო-ეკონომიკურ სფეროში. ხაზი გაესვა საქართველოს, როგორც უსაფრთხო ქვეყნის როლს სტაბილური, პროგნოზირებადი და ინვესტორებისთვის ხელსაყრელი გარემოს შექმნის თვალსაზრისით.მხარეებმა განსაკუთრებით აღნიშნეს საქართველოსა და ბელარუსის მთავრობათაშორისი ეკონომიკური კომისიის მეშვიდე სხდომის გამართვის მნიშვნელობა. აღინიშნა, რომ აღნიშნული პლატფორმა ქვეყნებს შორის აქტუალური ეკონომიკური საკითხების განხილვის მნიშვნელოვანი მექანიზმია.საუბარი ასევე შეეხო ტურიზმის სფეროში არსებულ დადებით დინამიკას. ხაზი გაესვა საქართველოში ბელარუსი ტურისტების მზარდ რაოდენობას და ამ მიმართულებით თანამშრომლობის შემდგომ გაღრმავებას.

1773653270