საქართველომ უკრაინას საზღვრის უკანონოდ გადაკვეთის ორგანიზებაში ეჭვმიტანილი გადასცა

ღონისძიების ფარგლებში ეკატერინე გალდავამ მომხსენებლის  სტატუსით მონაწილეობა მიიღო პანელურ დისკუსიაში  -  „Building Trust in Cross-Border Payments“ (ტრანსსასაზღვრო გადახდებში ნდობის გაძლიერება). საუბარი შეეხო უსაფრთხო, სანდო და ეფექტიანი ტრანსსასაზღვრო გადახდების განვითარებას, მათ შორის, საგადახდო სისტემების ურთიერთთავსებადობას, გადახდების სისწრაფისა და გამჭვირვალობის გაუმჯობესებას. ასევე,  სხვადასხვა იურისდიქციის საგადახდო ინფრასტრუქტურებს შორის კავშირების გაძლიერებას.ეკატერინე გალდავამ მონაწილეებს საქართველოს გამოცდილება და საგადახდო ინფრასტრუქტურის მოდერნიზაციის მიმართულებით განხორციელებული და მიმდინარე რეფორმები გააცნო. ყურადღება გამახვილდა თანამედროვე RTGS სისტემის დანერგვაზე, ISO 20022 სტანდარტზე გადასვლაზე, მყისიერი გადახდების სისტემის განვითარებასა და საქართველოს საგადახდო ინფრასტრუქტურის საერთაშორისო სისტემებთან სამომავლო დაკავშირებისა და ურთიერთთავსებადობის შესაძლებლობებზე.Global Fintech Fest-ში ასევე მონაწილეობდნენ ეროვნული ბანკის საგადახდო სისტემების დეპარტამენტის უფროსი ნატალია ჭყოიძე და მომხმარებელთა უფლებების დაცვის დეპარტამენტის უფროსის მოადგილე ნათია ჭყონია.ღონისძიების ფარგლებში ეროვნული ბანკის წარმომადგენლებმა მაღალი დონის შეხვედრები გამართეს ინდოეთის სარეზერვო ბანკის (RBI), NPCI International Payments Limited-ის (NIPL) და ინდოეთის ერთ-ერთი წამყვანი ფინტექ კომპანიის - PhonePe-ის ხელმძღვანელ პირებთან. შეხვედრებზე განიხილეს საგადახდო სისტემების განვითარების აქტუალური საკითხები, სამომავლო თანამშრომლობისა და გამოცდილების გაზიარების შესაძლებლობები, მათ შორის, მყისიერი და ტრანსსასაზღვრო გადახდების, თანამედროვე საგადახდო ინფრასტრუქტურისა და ინოვაციური საგადახდო სერვისების განვითარების მიმართულებით.

1790153972

ბიენალეს ტრადიციული მხარდამჭერია თიბისი კონცეპტი, რომელიც წლებია თანმიმდევრულად უწყობს ხელს საქართველოში კულტურის განვითარებას და თანამედროვე ხელოვნების, არქიტექტურისა და შემოქმედებითი სფეროების გაძლიერებას.ბიენალეს პროგრამა აერთიანებს გამოფენებს, საჯარო საუბრებს, ვორქშოფებსა და კონკრეტულ ადგილებთან დაკავშირებულ შემოქმედებით პროექტებს. მონაწილეები გაეცნობიან დაცარიელებული სოფლებისა და რეგიონების, მიგრაციის, ომითა და ეკოლოგიური კატასტროფებით დაზარალებული სივრცეების, ასევე თანამედროვე ურბანული განვითარების შედეგად წარმოქმნილი ახალი „სიცარიელეების“ ისტორიებს.წლევანდელი გამოცემა განსაკუთრებულ ყურადღებას უთმობს არქიტექტურას, როგორც სოციალური ცვლილებების მატერიალურ კვალს. სიცარიელის გეოგრაფიის ფარგლებში ადგილობრივი ტრადიციული არქიტექტურა წარმოდგენილია როგორც სივრცითი ცოდნის სისტემა, რომელიც კლიმატის, მასალებისა და სოციალური ურთიერთობების შესახებ დაგროვილ გამოცდილებას ეფუძნება და სცდება მის მხოლოდ ნოსტალგიურ აღქმას. ამ პერსპექტივიდან ჩნდება კითხვა: როგორ შეიძლება ეს ცოდნა იქცეს თანამედროვე, კონტექსტისგან დაცლილი და კაპიტალზე ორიენტირებული არქიტექტურის ალტერნატიულ რესურსად?თბილისის არქიტექტურის ბიენალე 2017 წელს დაარსდა და წლებია, თანამედროვე არქიტექტურისა და ურბანული საკითხების შესახებ საერთაშორისო და ადგილობრივ პროფესიულ დიალოგს ქმნის. 2023 წელს ბიენალემ ვენეციის არქიტექტურის ბიენალეზე საქართველოს ეროვნული პავილიონიც წარადგინა.„სიცარიელის გეოგრაფია“ თბილისში, ღია სივრცეში, ვიზუალური და საშემსრულებლო ხელოვნების ცენტრში გაიმართება. ბიენალეს სრული პროგრამა და დამატებითი ინფორმაცია ხელმისაწვდომია თბილისის არქიტექტურის ბიენალეს ვებგვერდზე.

1790153816

შეხვედრას საქართველოს ოთხი მუნიციპალიტეტიდან: თბილისიდან, რუსთავიდან, მცხეთიდან და გორიდან 100-მდე ახალგაზრდა დაესწრო.ცესკოს პრესსპიკერმა ახალგაზრდებს ინფორმაცია მიაწოდა საარჩევნო პროცესში ამომრჩევლის როლისა და უფლებების შესახებ და ყურადღება გაამახვილა ახალგაზრდების აქტიური და ინფორმირებული ჩართულობის მნიშვნელობაზე.შეხვედრის ფარგლებში განსაკუთრებული ყურადღება დაეთმო საარჩევნო ელექტრონული ტექნოლოგიების უპირატესობებს, მათი დანერგვის პროცესსა და ამ მიმართულებით საარჩევნო ადმინისტრაციის მიერ დაგროვილ გამოცდილებას.შეხვედრის ერთ-ერთი მთავარი თემა იყო დეზინფორმაცია და მისი გავლენა საარჩევნო პროცესზე. ნათია იოსელიანმა ახალგაზრდებთან კონკრეტული დეზინფორმაციული შინაარსის მაგალითები განიხილა და მათ ამ მიმართულებით საარჩევნო ადმინისტრაციის მიერ განხორციელებული საქმიანობა და სტრატეგიული მიდგომები გააცნო.შეხვედრა ინტერაქტიულ ფორმატში წარიმართა. ახალგაზრდებმა მათთვის საინტერესო საკითხებზე არაერთი კითხვა დასვეს და ამომწურავი პასუხები მიიღეს.გომბორის მოხალისეთა მომზადების ცენტრში საარჩევნო ადმინისტრაციის საინფორმაციო შეხვედრები მომავალშიც აქტიურად გაგრძელდება.(R)

1790151490

ბირჟის ინფორმაციით, ცვლილებები 1 ოქტომბრიდან ამოქმედდება. ეს ინდექსის შემადგენლობის ყველაზე მასშტაბური გადახედვა იქნება მას შემდეგ, რაც ბირჟამ, ექვსი წლის წინ, საფონდო ბაზრისთვის ახალი წესები შემოიღო.გასულ კვირას თურქეთის ხელისუფლებამ ბაზრის სტაბილურობის შესანარჩუნებლად ზომები მიიღო მას შემდეგ, რაც საინვესტიციო ფონდებში ლიკვიდობის დეფიციტმა ძირითადი საფონდო ინდექსის მკვეთრი ვარდნა გამოიწვია.კერძოდ, ხელისუფლებამ რამდენიმე საინვესტიციო ფონდის ლიკვიდაცია მოითხოვა. გარდა ამისა, გამოძიების ფარგლებში რამდენიმე პირი დააკავეს. გამოძიება მას შემდეგ დაიწყო, რაც ზოგიერთმა ფონდმა ინვესტორების მიერ თანხების დაბრუნების მოთხოვნების დაკმაყოფილება ვერ შეძლო.BIST 100-ის ინდექსი გასულ კვირაში 8%-ით დაეცა, სამშაბათს კი მისი ვარდნა 0.9%-ს შეადგენდა.ამ თვის დასაწყისში თურქეთის მარეგულირებლებმა ასევე შეცვალეს თავისუფალ მიმოქცევაში არსებული აქციების წილის (free float) გამოთვლის მეთოდოლოგია.ბირჟის ინფორმაციით, ძირითად ინდექსს, მათ შორის, დატოვებენ ფინანსური კომპანიები Destek Finans და Katilimevim. ამასთან, ინდექსში დაბრუნდებიან კონგლომერატი Anadolu Grubu Holding და სწრაფი კვების რესტორნების ქსელის ოპერატორი TAB Gida.ჯამში, BIST 100-ის ინდექსის შემადგენლობაში 27 კომპანია შეიცვლება.

1790148900

პროგრამაზე განაცხადების მიღება უკვე აქტიურ ფაზაშია და 30 სექტემბრამდე გაგრძელდება.ონლაინ შეხვედრა 25 სექტემბერს, 18:00 საათზე გაიმართებავებინარს  გაუძღვებიან მოწვეული სპიკერები:  UWC-ის საერთაშორისო საბჭოს თავმჯდომარის მოადგილე, სესილია იგანი (Cecilia Egan)  UWC Georgia-ს პროგრამის მენეჯერი, რუზანა სარგსიანი (Ruzanna Sargsyan). ვებინარი ონლაინ, ინგლისურ ენაზე ჩატარდება და ის დაინტერესებულ მოსწავლეებსა და მათ მშობლებს დაეხმარება, უშუალოდ პროგრამის წარმომადგენლებისგან მიიღონ ამომწურავი პასუხები ყველა კითხვაზე.ვებინარზე გაიგებთ: რა არის UWC, როგორია მისი ისტორია, ღირებულებები და პრინციპები; როგორ შეგიძლიათ სტიპენდიის მოპოვება და სრული დაფინანსებით სწავლა; როგორ მიმდინარეობს განაცხადის შევსების პროცესი საქართველოდან, რა ეტაპები და ვადებია განსაზღვრული. გაითვალისწინეთ, ვებინარზე დასასწრებად აუცილებელია წინასწარი რეგისტრაცია ბმულზე: https://go.bog.ge/4hCDr2iრეგისტრაციის შემდეგ, შეხვედრის ბმულს ვებინარის დაწყებამდე მითითებულ ელექტრონულ ფოსტაზე მიიღებთ.(R)

1790148486

შეხვედრა თბილისში გამართული რეგიონის ცენტრალური ბანკების მმართველთა ღონისძიების ფარგლებში შედგა.მხარეებმა ორ ცენტრალურ ბანკს შორის არსებული თანამშრომლობის გაღრმავების პერსპექტივებზე ისაუბრეს. შეხვედრაზე ხელი მოეწერა ურთიერთთანამშრომლობის მემორანდუმს, რომელიც გამოცდილებისა და საუკეთესო პრაქტიკის გაცვლის ახალ ჩარჩოს განსაზღვრავს.მემორანდუმი ითვალისწინებს თანამშრომლობასა და გამოცდილების გაზიარებას მონეტარული პოლიტიკის, საერთაშორისო რეზერვების მართვის, საგადახდო სისტემების, ფინანსური სერვისების განვითარების, ფინანსური ინსტიტუტების რეგულირებისა და ზედამხედველობის საკითხებზე.

1790148006

Politico-ს ცნობით, ამის შესახებ განცხადება კარნიმ ნიუ-იორკში, გაეროს გენერალური ასამბლეის კულუარებში გააკეთა. კანადის პრემიერმა ხაზი გაუსვა იმ მძიმე ვითარებას, რომელშიც ჰამასის ქმედებების გამო ისრაელის მოსახლეობაც იმყოფება.„ღაზაში უზარმაზარი ადამიანური ტანჯვა გრძელდება. პარალელურად, ისრაელელები კვლავ ეგზისტენციალური საფრთხის პირობებში ცხოვრობენ. ჰამასის, ირანისა და მისი მარიონეტული ჯგუფების მხრიდან“, - განაცხადა კარნიმ და დასძინა, რომ „ორი სახელმწიფოს პრინციპის“ (Two-state solution) საერთაშორისო მხარდაჭერა ეფექტიანობას დაკარგავს, თუ ეს პირობები შენარჩუნდება.აღნიშნული განცხადება დიდი ბრიტანეთის პრემიერ-მინისტრ ენდი ბერნჰემთან, საფრანგეთის პრეზიდენტ ემანუელ მაკრონსა და საუდის არაბეთის საგარეო საქმეთა მინისტრ პრინც ფაისალ ბინ ფარჰანთან შეხვედრამდე გაკეთდა. შეხვედრის მთავარი თემა „ორი სახელმწიფოს პრინციპის“ განხილვა და გაეროს უშიშროების საბჭოს 2803-ე რეზოლუციის განხორციელება იყო, რომელიც რეგიონული კონფლიქტის დასრულების აშშ-ის მიერ მხარდაჭერილ გეგმას ითვალისწინებს.ორი კვირის წინ კანადა, საფრანგეთი და დიდი ბრიტანეთი სხვა ქვეყნებთან ერთად შეთანხმდნენ, რომ გადადგამენ ნაბიჯებს მდინარე იორდანეს დასავლეთ სანაპიროზე მდებარე ისრაელის დასახლებებიდან საქონლის იმპორტის აკრძალვის მიმართულებით.კარნიმ აღნიშნა, რომ ეს არის „პრაგმატული და პრაქტიკული ნაბიჯები“ ორი სახელმწიფოს პრინციპის პერსპექტივის შესანარჩუნებლად.კანადამ გასულ წელს ოფიციალურად ცნო პალესტინის სახელმწიფოებრიობა. მიმდინარე წლის ივნისში კი ოტავამ დამატებით $100 მლნ-ის დახმარება გამოყო იმ ორგანიზაციებისთვის, რომლებიც დასავლეთ სანაპიროსა და ღაზაში გადაუდებელ სასურსათო და სამედიცინო მომსახურებას უზრუნველყოფენ.

1790147727

საგამოძიებო უწყების ცნობით, ბრალდებულმა, უკანონო მატერიალური სარგებლის მიღების მიზნით, საკუთარ საცხოვრებელ სახლში, კუსტარულ პირობებში, სპირტისა და სხვადასხვა დანამატის გამოყენებით „SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიცირებული ალკოჰოლური სასმელი დაამზადა.ჩატარებული საგამოძიებო მოქმედებების შედეგად, ამოღებულია უკანონოდ დამზადებული სულ 97 ბოთლი პროდუქცია.საქმეზე გამოძიება საქართველოს სისხლის სამართლის კოდექსის 197-ე მუხლის პირველი ნაწილით (პროდუქციის ფალსიფიკაცია) მიმდინარეობს, რაც სასჯელის სახით 1-დან 3 წლამდე ვადით თავისუფლების აღკვეთას ითვალისწინებს.

1790146494