თბილისის მერიის შიდა აუდიტის სამსახურს ლევან მესხია უხელმძღვანელებს

რეგულაციის თანახმად, ფარმაცევტულ პროდუქტებზე GMP-ის (კარგი საწარმოო პრაქტიკის) სტანდარტის დამადასტურებელი დოკუმენტის წარდგენა გასული წლის ოქტომბრიდან გახდა სავალდებულო. რეალიზატორებს ნაშთების ამოსაყიდად ვადა 2026 წლის 1 აპრილამდე ჰქონდათ მიცემული, თუმცა ბიზნეს სექტორმა დადგენილ ვადებში მარაგების სრულად რეალიზება ვერ შეძლო.ბიზნესის არგუმენტები და ახალი ვადები ფარმაცევტთა ასოციაციის განცხადებით, დარგობრივ სამინისტროსთან კონსულტაციების საფუძველზე, მთავრობამ გაითვალისწინა სექტორის წინაშე არსებული გამოწვევა. ახალი დადგენილებით, იმ პროდუქტების საცალო და საბითუმო რეალიზაცია (გარდა იმპორტისა), რომელთაც რეგისტრაცია GMP სტანდარტის არქონის გამო შეუჩერდათ, დასაშვებია მათი ვარგისობის ვადის ამოწურვამდე.„ბიზნესმა ამ პერიოდში ნაშთების რეალიზაცია ვერ მოასწრო, რის გამოც მივმართეთ სამინისტროს და მთავრობამ გადაწყვეტილება შეცვალა“, - აცხადებენ ფარმაცევტთა ასოციაციაში.GMP სტანდარტის გამკაცრებამიუხედავად ნაშთების რეალიზაციაზე დაწესებული შეღავათისა, საქართველოში ფარმაცევტული პროდუქციის რეგისტრაციის წესები მკაცრდება: 2025 წლის 1 ოქტომბრიდან: ნებისმიერ მედიკამენტს, რომელიც გადის რეგისტრაციას ან ხელახალ რეგისტრაციას, უნდა გააჩნდეს ევროპული GMP სტანდარტის შესაბამისობის დოკუმენტი. მოთხოვნის მასშტაბი: სტანდარტი ვრცელდება როგორც საბოლოო პროდუქტზე, ისე იმ სუბსტანციებზე, რომლებიც მის დასამზადებლად გამოიყენება. ვალდებულება: აღნიშნული წესის დაცვა სავალდებულოა როგორც ადგილობრივი მწარმოებლებისთვის, ისე დისტრიბუტორებისთვის. ექსპერტების შეფასებით, აღნიშნული რეფორმა მიზნად ისახავს ბაზარზე მედიკამენტების ხარისხის კონტროლის ევროპულ სტანდარტებთან დაახლოებას, თუმცა გარდამავალ ეტაპზე ნაშთების რეალიზაციის დაშვება ბიზნესს მნიშვნელოვანი ფინანსური ზარალისგან დაიცავს.

1774428593

ახლო აღმოსავლეთში გამწვავებული გეოპოლიტიკური ვითარებისა და ჰორმუზის სრუტის გავლით ტრანსპორტირების მნიშვნელოვანი შეფერხებების შედეგად, ტრადიციული მიწოდების ჯაჭვები დროებით დაირღვა. აღნიშნულმა პროცესებმა, ერთი მხრივ, საერთაშორისო ბაზრებზე უკვე მნიშვნელოვნად გაზარდა ენერგომატარებლებისა და ტრანსპორტირების ფასები. მეორე მხრივ, ამ ტენდენციის ხანგრძლივად შენარჩუნების შემთხვევაში, იზრდება რისკი, რომ გლობალურად ინფლაციური პროცესები უფრო ყოვლისმომცველი გახდეს. საყურადღებოა, რომ გეოპოლიტიკური ვითარების გამწვავებამდე ინფლაციის დინამიკა საქართველოს ეროვნული ბანკის ცენტრალურ სცენარს შეესაბამებოდა, რომლის მიხედვითაც, 2026 წლის მეორე კვარტალიდან, დროებითი ფაქტორების ზემოქმედების მილევის ფონზე, ინფლაცია მიზნობრივ 3 პროცენტიან მაჩვენებელს უნდა დაახლოებოდა. 2026 წლის თებერვალში, მოლოდინების შესაბამისად, მთლიანმა ინფლაციამ 4.6 პროცენტი შეადგინა. მნიშვნელოვანია, რომ სურსათის ფასების წვლილმა ინფლაციაში კლება დაიწყო, ხოლო ხისტი ფასების ინდიკატორები და ინფლაციური მოლოდინების საზომები  კვლავ მიზნობრივ მაჩვენებელთან ახლოს იყო. თუმცა, მიმდინარე გეოპოლიტიკური პროცესების ფონზე გაზრდილი ნავთობის ფასები, საქართველოს ბაზარს ნაწილობრივ უკვე გადმოეცა, რაც მარტში მთლიან ინფლაციაზე ზრდის მიმართულებით იმოქმედებს. შესაბამისად, ეროვნული ბანკის განახლებული შეფასებით, მოკლევადიან პერიოდში ინფლაცია ცენტრალურ სცენართან შედარებით უფრო მაღალი იქნება. საშუალოვადიან პერიოდში კი ინფლაციის მოსალოდნელ ტრაექტორიას უმთავრესად განსაზღვრავს გლობალური ინფლაციური პროცესების სიმწვავე და ხანგრძლივობა, რის გარშემოც მაღალი გაურკვევლობა ნარჩუნდება.მონეტარული პოლიტიკის კომიტეტის შეფასებით, მიმდინარე მდგომარეობა ბოლო გამოქვეყნებული ცენტრალური სცენარიდან  მაღალინფლაციური სცენარისკენ გადაიხარა, რომელიც ერთ-ერთ რისკად სწორედ გამწვავებული გეოპოლიტიკური ვითარების  ფონზე გაზრდილ ნავთობის ფასებს მოიაზრებდა. საყურადღებოა, რომ გეოპოლიტიკური მდგომარეობიდან მომდინარე ინფლაციური ზეწოლის საქართველოს ეკონომიკაზე გადმოცემის სიმწვავე და ხანგრძლივობა მნიშვნელოვნად არის დამოკიდებული პროცესების შემდგომ განვითარებაზე. ასევე აღსანიშნავია, რომ მიუხედავად ამ ტენდენციებისა, საქართველოს სუვერენული რისკის პრემიის მაჩვენებელი სტაბილურად დაბალ დონეზე ნარჩუნდება. აღნიშნული კი საგარეო შოკის სიმწვავეს გარკვეულწილად ანეიტრალებს.მიმდინარე სხდომაზე მონეტარული პოლიტიკის კომიტეტმა დამატებით იმსჯელა არსებული ვითარებისთვის რელევანტურ მაღალინფლაციურ და დაბალინფლაციურ რისკებზე.კერძოდ, ენერგომატარებლების მაღალი ფასების ხანგრძლივად შენარჩუნება გლობალურ დონეზე გაზრდის ტრანსპორტირებისა და წარმოების ხარჯებს, რაც დამატებითი მიწოდების შოკს გამოიწვევს. ერთმანეთის მიყოლებით წარმოქმნილი შოკების პირობებში, ასევე იზრდება მეორე რაუნდის ეფექტების გამწვავების რისკი. ამ პროცესებზე საპასუხოდ, განვითარებული ქვეყნების ცენტრალურ ბანკებს შესაძლოა მონეტარული პოლიტიკის გამკაცრებაც კი მოუწიოთ, რაც, თავის მხრივ, განვითარებადი ეკონომიკებიდან კაპიტალის გადინების რისკს შექმნის. აღნიშნული ფაქტორების გათვალისწინებით, საქართველოში იმპორტირებული ინფლაციის ზრდის რისკები გაძლიერდება. აღნიშნული რისკების რეალიზების შემთხვევაში, ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს.მეორე მხრივ, იკვეთება დაბალინფლაციური რისკების რეალიზების ნიშნებიც. კერძოდ, გეოპოლიტიკური ფაქტორებიდან მომდინარე ინფლაციური წნეხი შესაძლოა დროებითი აღმოჩნდეს. ჰორმუზის სრუტეში არსებული შეფერხებების შედარებით სწრაფი აღმოფხვრისა ან ნავთობის სხვა მწარმოებელი ქვეყნების მხრიდან მიწოდების ზრდის შემთხვევაში, ენერგომატარებლების ფასები შესაძლოა პიკურ ფასთან შედარებით სწრაფად შემცირდეს. ამასთან, საქართველოს სუვერენული რისკის პრემიის დაბალ დონეზე ხანგრძლივად შენარჩუნების შემთხვევაში, შესაძლოა საგარეო ბალანსი უფრო მეტად გაუმჯობესდეს, რაც ინფლაციაზე შემცირების მიმართულებით იმოქმედებს. დაბალინფლაციური რისკების რეალიზაცია მონეტარული პოლიტიკის პოზიციის შერბილების შესაძლებლობას მოიაზრებს.მიმდინარე მაკროეკონომიკური ანალიზისა და არსებული რისკების განხილვის შედეგად, მპკ-მ ოპტიმალურად მიიჩნია ამ ეტაპზე მონეტარული პოლიტიკის განაკვეთის, უცვლელად, 8 პროცენტზე დატოვება. მაღალი გაურკვევლობის პირობებში, სებ განაგრძობს აქტიურად დაკვირვებას მიმდინარე მოვლენებსა და მათი ადგილობრივ ბაზარზე გადმოცემის ინტენსივობაზე. იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები ხანგრძლივი იქნება და/ან მათი მასშტაბი ე.წ „მეორე რაუნდის“ ეფექტების რისკებს გააძლიერებს, მპკ გამოთქვამს მზაობას, არსებული მკაცრი პოზიცია მოსალოდნელზე ხანგრძლივად შეინარჩუნოს და საჭიროების შემთხვევაში დამატებით  გაამკაცროს.მონეტარული პოლიტიკის კომიტეტის შემდეგი სხდომა 2026 წლის 6 მაისს ჩატარდება.

1774426095

სამინისტროს განმარტებით, რეფორმა ზოგადი განათლების საფეხურის ხანგრძლივობას ცვლის. საშუალო საფეხური მე-10 და მე-11 კლასებით განისაზღვრება, ხოლო მე-12 კლასი არჩევითი გახდება. მოსწავლეებს, რომლებიც ამჟამად მეცხრე კლასში სწავლობენ, სკოლა მე-11 კლასის ბოლოს შეეძლებათ დაასრულონ.კვოტების ზრდა ასევე შეეხება მაგისტრატურის საფეხურს. ვინაიდან საბაკალავრო პროგრამების უმეტესობა სამწლიან სწავლებაზე გადავიდა, 2027-2028 სასწავლო წელს უნივერსიტეტებს ერთდროულად დაასრულებს ორი სხვადასხვა ნაკადის სტუდენტთა უდიდესი ნაწილი.„2028-2029 სასწავლო წლისთვის სახელმწიფო უნივერსიტეტებში სამაგისტრო პროგრამებზე მისაღები სტუდენტების ოდენობაც გაიზრდება“, - ნათქვამია უწყების განცხადებაში.სამინისტროს გეგმით, მე-11 კლასელებისთვის სკოლებში დაინერგება „ორგანიზებული რეპეტიტორიუმი“. აღნიშნული მექანიზმი მოსწავლეებს საშუალებას მისცემს, ერთიანი ეროვნული გამოცდებისთვის სკოლის გარემოშივე მოემზადონ.მათთვის, ვისაც სწავლის გაგრძელება მე-12 კლასში სურს, წინასწარი რეგისტრაცია სავალდებულო იქნება. მთავრობის განცხადებით, ეს ცვლილებები მიზნად ისახავს განათლების სისტემის ადაპტირებას ახალ აკადემიურ სტანდარტებთან და სტუდენტთა გაზრდილი ნაკადის შეფერხების გარეშე მიღებას.

1774422577

ნინო პირადაშვილი არის საბანკო სფეროს გამოცდილი პროფესიონალი, რომელსაც ფინანსურ სექტორში მრავალწლიანი გამოცდილება აქვს. ლიბერთის გუნდში შემოერთებამდე იგი იკავებდა მენეჯერულ პოზიციებს და პასუხისმგებელი იყო მომხმარებელთა გამოცდილების გაუმჯობესებაზე, გაყიდვების მართვაზე, საოპერაციო პროცესების ეფექტიანობის ზრდასა და ბიზნეს პროცესების განვითარებაზე.მისი პროფესიული კარიერა უკავშირდება „ბანკი რესპუბლიკა" ჯგუფი სოსიეტე ჟენერალეს და „თიბისი ბანკს", სადაც პერსონალური საბანკო მომსახურების მიმართულებით მრავალწლიანი ლიდერული გამოცდილება დააგროვა და მნიშვნელოვანი როლი შეასრულა აღნიშნული ბიზნესის განვითარებაში.„მოხარული ვარ, რომ ვუერთდები ლიბერთის გუნდს. ჩემთვის განსაკუთრებით მნიშვნელოვანია ადამიანზე ორიენტირებული კულტურა, რადგან სწორედ ეს ქმნის ძლიერი გუნდისა და მდგრადი შედეგების საფუძველს.ლიბერთი ჩემთვის საინტერესოა თავისი მასშტაბით, ბაზარზე მნიშვნელოვანი როლითა და განვითარების პოტენციალით.განსაკუთრებით მიმზიდველია ის  რომ ჩემი ახალი პოზიცია აერთიანებს როგორც საოპერაციო პროდუქტებისა და სერვისების განვითარებას, ისე დისტანციური არხების მართვას - მიმართულებებს, სადაც შესაძლებელია რეალური გავლენის მოხდენა მომხმარებლის გამოცდილებასა და ბიზნესის შედეგებზე.მჯერა, ლიბერთის გუნდთან ერთად შევძლებ ისეთი გარემოსა და მიდგომების დანერგვას, რომელიც გრძელვადიან ღირებულებას შექმნის როგორც მომხმარებლებისთვის, ისე ბანკისთვის", - ნინო პირადაშვილი, ლიბერთის საოპერაციო პროდუქტებისა და დისტანციური მომსახურების დეპარტამენტის უფროსი.„მოხარულები ვართ, რომ  ლიბერთის გუნდს შემოუერთდა ნინო პირადაშვილი. მას აქვს მრავალწლიანი გამოცდილება საბანკო სექტორში. გვჯერა, რომ მისი ცოდნა და გამოცდილება მნიშვნელოვან წვლილს შეიტანს ლიბერთის საოპერაციო პროდუქტებისა და დისტანციური მომსახურების შემდგომ განვითარებაში. ჩვენი მიზანია, მომხმარებლებს შევთავაზოთ კიდევ უფრო ეფექტური, სწრაფი და ხელმისაწვდომი სერვისები. დარწმუნებული ვართ, რომ ნინო, ლიბერთის გუნდთან ერთად, მნიშვნელოვნად გააძლიერებს როგორც საოპერაციო, ისე დისტანციური არხების მიმართულებას", - ნინო ჩადუნელი, ლიბერთის საცალო საბანკო მიმართულების დირექტორი.ლიბერთის შესახებ:ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირსა და 60 000-ზე მეტ მცირე და საშუალო ბიზნესს ემსახურება.ბანკის აქტივები  6.2  მლრდ ლარს შეადგენს, ხოლო დასაქმებულ თანამშრომელთა რაოდენობა 5500-ს აღემატება. ლიბერთი ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 663 ბანკომატით, თვითმომსახურებისა და 10000 POS ტერმინალoთ საქართველოს ყველა რეგიონსა და მუნიციპალიტეტში.განვითარებული ინფრასტრუქტურის გარდა, როგორც ფიზიკური, ისე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.ლიბერთის მისიაა გააუმჯობესოს თითოეული ადამიანის, მათი ოჯახის ცხოვრება და ბიზნესი საქართველოში.(R)

1774421421

„რეფორმები, რომლებიც კაპიტალის ბაზრის განვითარების მიზნით ქვეყანაში საქართველოს მთავრობისა და ეროვნული ბანკის მიერ განხორციელდა, დაეფუძნა პრინციპს, რომლის თანახმადაც ბაზრის ზრდა და ინვესტორთა დაცვა პარალელური და თანაბრად ღირებული მიზნებია. შესაბამისად, ბოლო წლებში განხორციელებული რეფორმების მიზანი არა მხოლოდ ემისიების ზრდა, არამედ ბაზრის სანდოობის, გამჭვირვალობისა და მდგრადობის გაძლიერება იყო“, - აღნიშნა ეკატერინე მიქაბაძემ.სების პირველმა ვიცე-პრეზიდენტმა ყურადღება გაამახვილა კაპიტალის ბაზრის ინკლუზიურობის ზრდის ჭრილში ფინანსური შუამავლების ჩართულობის მნიშვნელობაზეც. როგორც მან აღნიშნა, საჯარო ფასიანი ქაღალდების ბაზარზე საცალო ინვესტორთა (ფიზიკური პირების) მონაწილეობის გასაზრდელად, განსაკუთრებით იმ სეგმენტებზე, სადაც ისინი დღეს ნაკლებად არიან წარმოდგენილნი - სხვა ფაქტორებთან ერთად, მნიშვნელოვანი როლი ენიჭება  საბროკერო კომპანიებისა და კომერციული ბანკების პროაქტიურ ჩართულობას, მათ შორის, მიწოდების არხების გაიოლებასა და ტრანზაქციული დანახარჯების შემცირებას.ეკატერინე მიქაბაძესთან ერთად პანელურ დისკუსიაში მონაწილეობდნენ აზიის განვითარების ბანკის კერძო სექტორის ინფრასტრუქტურის დაფინანსების ჯგუფის ხელმძღვანელი კავკასიაში დავიდ ურბანეჯა-ფუერლოსი, ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, „ვისოლ ჯგუფის“ მთავარი საინვესტიციო ოფიცერი გიორგი დანელია და „თეგეტა ჰოლდინგის“ დირექტორი ეკატერინე ქავთარაძე.კაპიტალის ბაზრების რიგით მეორე საერთაშორისო კონფერენცია საქართველოს ეროვნული ბანკის მხარდაჭერით გაიმართა, რომელსაც 450-ზე მეტი მონაწილე ესწრებოდა, მათ შორის, საერთაშორისო ფინანსური ინსტიტუტები, საინვესტიციო ბანკები, ინვესტორები, ემიტენტები და მარეგულირებელი სტრუქტურები. (R)

1774366020

მხარეებმა ორმხრივი თანამშრომლობის მიმდინარე საკითხები მიმოიხილეს. ლაშა ხუციშვილმა JP Morgan-ის გუნდს მადლობა გადაუხადა ევროობლიგაციების რეფინანსირების პროცესში გაწეული მნიშვნელოვანი მხარდაჭერისთვის.შეხვედრის ერთ-ერთი მთავარი თემა სახაზინო ფასიანი ქაღალდების ადგილობრივი ბაზრის განვითარება იყო. მხარეებმა იმსჯელეს იმ სტრატეგიულ ნაბიჯებზე, რომლებიც ამ მიმართულებით სამომავლო გეგმების დასახვასა და ბაზრის ლიკვიდურობის გაზრდას ემსახურება.მოლაპარაკებებში ქართული მხრიდან ასევე მონაწილეობდნენ: გიორგი კაკაურიძე – ფინანსთა მინისტრის პირველი მოადგილე ეკატერინე გუნცაძე – ფინანსთა მინისტრის მოადგილე ირაკლი კაჭარავა – სახელმწიფო ვალის მართვის დეპარტამენტის ხელმძღვანელი JP Morgan-თან მჭიდრო კავშირი საქართველოსთვის სტრატეგიულად მნიშვნელოვანია, რადგან ის ხელს უწყობს ქვეყნის ფინანსური სისტემის მდგრადობასა და საერთაშორისო საინვესტიციო წრეებში ნდობის განმტკიცებას.

1774362792

24 მარტს ალბანეთის საარჩევნო ადმინისტრაციის წარმომადგენლებს ცენტრალური საარჩევნო კომისიის თავმჯდომარის მოადგილე გიორგი შარაბიძე შეხვდა. გიორგი შარაბიძემ საარჩევნო ადმინისტრაციებს შორის თანამშრომლობის გაძლიერებისა და გამოცდილების გაზიარების მნიშვნელობაზე ისაუბრა. მან დელეგაციის წევრებს ასევე გააცნო ელექტრონული არჩევნების დანერგვის მიმართულებით საქართველოს გამოცდილება.„დღეს საქართველოს ცენტრალური საარჩევნო კომისია მასპინძლობს კოლეგებს ალბანეთის საარჩევნო ადმინისტრაციიდან, რათა გავუზიაროთ ის გამოცდილება რაც ადმინისტრაციამ დააგროვა ბოლო ორი არჩევნების დროს ტექნოლოგიების იმპლემენტაციის თვალსაზრისით. ვიზიტის მიმდინარეობისას საქართველოს საარჩევნო ადმინისტრაცია კოლეგებს გაუზიარებს ყველა იმ ინფორმაციას, რომელიც ტექნოლოგიების დანერგვას და მასთან დაკავშირებულ ჯაჭვს უკავშირდება. მსგავსი ტიპის ვიზიტები პერმანენტულად ხორციელდება, რათა გაზიარდეს შესაბამისი ინფორმაცია საარჩევნო პროცედურებთან დაკავშირებით. ცესკო აგრძელებს ურთიერთობებს საერთაშორისო პარტნიორებთან, რომ უკეთესად უზრუნველყოს მათი ინფორმირება საქართველოში მიმდინარე საარჩევნო პროცესებთან დაკავშირებით“, - განაცხადა გიორგი შარაბიძემ შეხვედრის დასრულების შემდეგ.დღესვე, დელეგაციის წევრები ასევე შეხვდნენ საქართველოს ცენტრალური საარჩევნო კომისიის საარჩევნო პროცესების მართვის დეპარტამენტის უფროსს ეკა ცაბაშვილს, ელექტრონული ტექნოლოგიების მენეჯერ გიორგი სტურუასა, საარჩევნო ტექნოლოგიების უზრუნველყოფის განყოფილების უფროსს ნიკოლოზ იოვაძეს და ლოგისტიკის განყოფილების უფროსს ლევან დევიძეს. ორი დღის განმავლობაში, ცენტრალური საარჩევნო კომისიის წარმომადგენლები დელეგაციის წევრებს გაუზიარებენ ინფორმაციას საარჩევნო პროცესის დაგეგმარების, საარჩევნო აპარატურის ჩაწერის, საარჩევნო აპარატურის ლოგისტიკისა და სხვა მნიშვნელოვან საკითხებზე.ალბანეთის საარჩევნო ადმინისტრაციის წარმომადგენლებს საშუალება აქვთ ადგილზე გაეცნონ ამომრჩევლის ვერიფიკაციის, ხმის მიცემისა და დათვლის აპარატებს და მათი მუშაობის სპეციფიკას.„ჩვენთვის დიდი პატივია საქართველოს ვიზიტი, რომ გავიგოთ უფრო მეტი თქვენი ყოველდღიური საქმიანობის შესახებ. ჩვენი წარმომადგენლობა ალბანეთის საარჩევნო ადმინისტრაციაში საარჩევნო პროცესის ადმინისტრირებას უზრუნველყოფს და აქ იმისთვის ვართ, რომ უკეთ გავიგოთ საარჩევნო ლოგისტიკა როგორ არის ორგანიზებული ორივე მიმართულებით, როგორც საარჩევნო ტექნოლოგიების კუთხით ისე საარჩევნო პროცესის წარმართვისას“, - აღნიშნა ალბანეთის საარჩევნო ადმინისტრაციის ლოგისტიკის დეპარტამენტის ხელმძღვანელმა დანიელა ალიმეჰმეტიმ შეხვედრის მიმდინარეობისას.ალბანეთის საარჩევნო ადმინისტრაციის დელეგაციაში ლოგისტიკის დეპარტამენტის ხელმძღვანელი - დანიელა ალიმეჰმეტი, ამომრჩეველთა ელექტრონული რეგისტრაციისა და იდენტიფიკაციის სექტორის უფროსი - გერიონ ვეზული და საარჩევნო ლოგისტიკის კოორდინაციის სექტორის უფროსი - ენკელეჯდა ჩეჩო შედიან.სასწავლო ვიზიტი ალბანეთის საარჩევნო ადმინისტრაციასა და საქართველოს ცენტრალურ საარჩევნო კომისიასთან დადებული მემორანდუმის ფარგლებში ხორციელდება, რომელიც სხვა მნიშვნელოვან საკითხებთან ერთად საარჩევნო ტექნოლოგიების მიმართულებით გამოცდილების გაზიარებას ემსახურება.(R)

1774360107

Oppenheimer უკვე აქტიურად უჭერს მხარს ქართულ კერძო სექტორს საერთაშორისო ასპარეზზე — ბანკი ჩართულია კაპიტალის ბაზრებზე ქართული კომპანიების მიერ ობლიგაციების განთავსების პროცესში. შეხვედრაზე აღინიშნა, რომ მსგავსი პარტნიორობა გადამწყვეტია ქვეყნის საინვესტიციო მიმზიდველობის ზრდისა და დაფინანსების წყაროების დივერსიფიკაციისთვის.მინისტრთან გამართულ მოლაპარაკებებში ასევე მონაწილეობდნენ ფინანსთა მინისტრის მოადგილეები, გიორგი კაკაურიძე და ეკატერინე გუნცაძე, ასევე სახელმწიფო ვალის მართვის დეპარტამენტის ხელმძღვანელი ირაკლი კაჭარავა. მხარეებმა განიხილეს კონკრეტული მექანიზმები, რომლებითაც საინვესტიციო გიგანტი საქართველოს ფინანსური სისტემის შემდგომ განვითარებაში შეიტანს წვლილს.

1774357889