ბრიტანეთი უკრაინის საჰაერო თავდაცვისთვის 500 მლნ ფუნტს გამოყოფს

„უპრეცედენტო ისტორიული გადაწყვეტილება მიიღო მმართველმა გუნდმა, მისმა პოლიტსაბჭომ და პრემიერმა იმასთან დაკავშირებით, რომ შემდეგი სასწავლო წლიდან ყველა სახელმწიფო უმაღლეს სასწავლებელში ჩარიცხული სტუდენტი უფასოდ ისწავლის. ჩვენ გვაქვს ბიუჯეტში გადანაწილებული თანხები პირველ სემესტრთან მიმართებით. იმიტომ, რომ ეს არის დაახლოებით ოქტომბრიდან დეკემბრის ჩათვლით და უფრო ცალსახად ეს გამოჩნდება, როდესაც 2027 წლის ბიუჯეტი იქნება წარმოდგენილი განსახილველად.პირველ სემესტრთან დაკავშირებით, რაც დავთვალეთ, დაახლოებით 20 მლნ ლარის ფარგლებში ვართ, რომელიც უზრუნველყოფს 19 უმაღლეს სასწავლებელში უფასო სწავლების მხარდაჭერას“, - განაცხადა მიქანაძემ.

1770896890

მინისტრის განმარტებით, რეფორმის მთავარი მიზანი საქართველოში თანამედროვე სტანდარტების განათლების უზრუნველყოფაა. ამ მიზნით, წელს სახელმწიფო უნივერსიტეტებში მისაღები კონტინგენტი დაახლოებით 2 000 სტუდენტით გაიზრდება და ჯამში 21 300-ით განისაზღვრება. გარდა ამისა, 10 000-მდე სტუდენტს ექნება შესაძლებლობა, სრულიად უფასოდ დაეუფლოს პროფესიულ პროგრამებს.„ერთი ქალაქი, ერთი ფაკულტეტი“ – სპეციალობების ახალი განაწილებასახელმწიფო უნივერსიტეტებზე კვოტები ახალი კონცეფციით - „ერთი ქალაქი, ერთი ფაკულტეტის“ პრინციპით განაწილდება, რაც სასწავლებლების ტრადიციული პროფილის აღდგენას გულისხმობს: თბილისის სახელმწიფო უნივერსიტეტი (თსუ): ზუსტი და საბუნებისმეტყველო, ჰუმანიტარული (პედაგოგიკის გარდა), სოციალური და პოლიტიკური მეცნიერებები, სამართალი, ეკონომიკა, ბიზნესის ადმინისტრირება და მედიცინა. საქართველოს ტექნიკური უნივერსიტეტი: საინჟინრო-ტექნიკური დისციპლინები. ილიას სახელმწიფო უნივერსიტეტი: პედაგოგიკის პროგრამები და ABET აკრედიტაციის მქონე STEM სპეციალობები. სოხუმის სახელმწიფო უნივერსიტეტი: ქართულ-აფხაზური ენა და ლიტერატურა, პედაგოგიკა და აგრარული სპეციალობები (ეს უკანასკნელი ტექნიკური უნივერსიტეტიდან რეორგანიზაციის შედეგად გადაინაცვლებს). რეგიონული უნივერსიტეტები: ბათუმისა და ქუთაისის უნივერსიტეტები მრავალფუნქციურობას შეინარჩუნებენ, ხოლო ზუგდიდის, გორის, ახალციხისა და თელავის სასწავლებლებში აქცენტი აგრარულ მიმართულებაზე, ტურიზმსა და პედაგოგიკაზე გაკეთდება. გამონაკლისები და ოკუპირებულ ტერიტორიებზე მცხოვრები პირებიდადგენილ კვოტებზე მეტი სტუდენტის მიღება მხოლოდ გამონაკლის შემთხვევებში იქნება შესაძლებელი: თუ ეროვნული გამოცდების შედეგად ბოლო ადგილზე თანაბარქულიანი აპლიკანტები აღმოჩნდებიან, ან თუ სწავლის სურვილს ოკუპირებულ ტერიტორიებზე მცხოვრები პირები გამოთქვამენ, რომლებიც სახელმწიფო უნივერსიტეტებში გამოცდების გარეშე ჩაირიცხებიან.გივი მიქანაძის განცხადებით, კვოტების სწორი პრინციპებით განსაზღვრა აუცილებელ ნიადაგს შექმნის იმისთვის, რომ ქართველმა ახალგაზრდებმა საკუთარ ქვეყანაში საერთაშორისო დონის განათლების მიღება შეძლონ.განახლებაილიას სახელმწიფო უნივერსიტეტის რექტორი ნინო დობორჯგინიძე უნივერსიტეტებში ფაკულტეტების განაწილებას სოციალურ ქსელში ეხმაურება და წერს, „უმაღლესი განათლების დანგრევას, საერთაშორისო რეიტინგებით ყველაზე წარმატებული დარგების მოსპობას, ცოდნის ეკონიმიკის ნაცვლად ბიზნესის მომარაგებას იაფფასიანი მომსახურე პერსონალით და გამოთავისუფლებული შენობების გაყიდვას არ დასჭირდა განათლების ექსპერტების ჩართვა პროცესში, ისე მოაგვარეს. გადაწყვეტილების მიმღებებს აუცილებლად მოგიწევთ პასუხის გაცემა საუნივერსიტეტო საზოგადოებისთვის - არა მხოლოდ ახლა!“.რა არის STEM სპეციალობები?STEM ლათინური აბრევიატურაა, რომელიც აერთიანებს ოთხ ძირითად მიმართულებას: მეცნიერებას (Science), ტექნოლოგიას (Technology), ინჟინერიას (Engineering), მათემატიკას (Mathematics).რას ნიშნავს ABET აკრედიტაცია?ABET აკრედიტაცია არის ხარისხის ერთგვარი „ოქროს სტანდარტი“ საინჟინრო, კომპიუტერულ და ტექნოლოგიურ საგანმანათლებლო პროგრამებში. როდესაც STEM (მეცნიერება, ტექნოლოგია, ინჟინერია, მათემატიკა) სპეციალობას აქვს ეს სტატუსი, ეს ნიშნავს, რომ პროგრამა აკმაყოფილებს გლობალურ პროფესიულ მოთხოვნებს.

1770896815

ხორვატიის პრეზიდენტმა ხაზგასმით აღნიშნა, რომ მისთვის მიუღებელია დასავლელი პოლიტიკოსების ჩარევა ქვეყნის შიდა საქმეებში.„ვნახე ევროკავშირის წევრი ქვეყნების მინისტრები, რომლებიც ჩამოვიდნენ საქართველოში მიტინგებში მონაწილეობისთვის და ოპოზიციას შეუერთდნენ. ვფიქრობდი, მე როგორ ვიგრძნობდი თავს, ეს პოლიტიკოსები ჩემს დედაქალაქში, ცენტრალურ მოედანზე რომ ჩამოსულიყვნენ. არ მაინტერესებს პოლიტიკური მხარეები საქართველოში, არცერთ მხარეზე არ უნდა დადგე. ჩემთვის მიუღებელია წნეხი მცირე ქვეყნის წინააღმდეგ – ეს არის ხელების გადაგრეხა და შანტაჟი“, – განაცხადა მილანოვიჩმა.აბსურდული ბრალდებები და ეკონომიკური წარმატებამილანოვიჩის თქმით, გაუგებარია ბრალდებები საქართველოს პრორუსულობის შესახებ, როდესაც ქვეყანას მოსკოვთან დიპლომატიური ურთიერთობაც კი არ აქვს. მან აღნიშნა, რომ საქართველო შეუძლებელი დილემების წინაშე დააყენეს.პრეზიდენტმა ყურადღება გაამახვილა საქართველოს ეკონომიკურ მიღწევებზეც. მილანოვიჩმა აღნიშნა, რომ საქართველო ეკონომიკურად წარმატებულად ვითარდება და მაღალი ზრდის მაჩვენებელი აქვს.მისი თქმით, ევროპამ მხარი უნდა დაუჭიროს ამ პროგრესს და არა ბარიერები შექმნას.„ბრიუსელის ბიუროკრატია ჩემი სახელით ვერ ილაპარაკებს“ხორვატიის ლიდერმა კიდევ ერთხელ დააფიქსირა, რომ ბრიუსელის ბიუროკრატიას არ მისცემს უფლებას, ხორვატიის სახელით ისაუბროს. მან 2025 წელს ევროკავშირიდან ვიზიტების სიმცირეს „სიგიჟეა“ უწოდა და დასძინა, რომ მისი ვიზიტი არის სოლიდარობის ჟესტი საქართველოს ტერიტორიული მთლიანობისა და მისი დამოუკიდებელი ძალისხმევის მიმართ.შეგახსენებთ, რომ ხორვატიის პრეზიდენტი საქართველოში 11-13 თებერვალს, მეუღლესთან და ოფიციალურ დელეგაციასთან ერთად იმყოფება.მასალა მომზადებულია სინქრონული თარგმანის მიხედვით.

1770890523

ფიზიკური პირი ფ. ტ. (მის: ხელვაჩაური, სოფელი მახო) - ფრინველთა სასაკლაოზე გამოვლინდა კრიტიკული შეუსაბამობები, ფრინველი იკვლებოდა ვეტერინარული ზედამხედველობის გარეშე, დაილუქა საეჭვო წარმომავლობის ფრინველის ხორცი ფიზიკური პირი დ. ა. (მის: ხელვაჩაური, ფანასკერტელ-ციციშვილის N 29 ) - ფრინველთა სასაკლაოში გამოვლინდა კრიტიკული შეუსაბამობები ფიზიკური პირი დ. მ. (მის: ბათუმი, დაუდ ასამბაძის 3 ა) - ცხოველთა სასაკლაოზე გამოვლინდა კრიტიკული შეუსაბამობები, აგრეთვე ხორცი ჯანმრთელობის ნიშანდების გარეშე, რომელიც დაილუქა შპს ,,ბაკური“ (მის: ბათუმი სევერიან აჭარელის ქ.N 4-აგრარული ბაზარი) - ქათმის სარეალიზაციო სივრცეში გამოვლინდა კრიტიკული შეუსაბამობები; ბიზნესოპერატორი, სანიტარიულ-ჰიგიენური ნორმების სრული დარღვევით, დაკვლის ადგილზევე უწევდა რეალიზაციას ფრინველის ხორცს ფიზიკური პირი ნ. ს. (მის: ქობულეთი თავისუფლების ქ. N 17 ) - ობიექტზე გამოვლინდა კრიტიკული შეუსაბამობები, დაილუქა საეჭვო წარმომავლობის ხორცი ჯანმრთელობის ნიშანდების გარეშე ინდმეწარმე ი. კ. - (მის: ქობულეთი რუსთაველის ქ. 168) - საქმიანობდა ეკონომიკური საქმიანობის რეგისტრაციისა და აღიარების გარეშე, ხორცპროდუქტების საწარმოში გამოვლინდა კრიტიკული შეუსაბამობები ფიზიკური პირი მ. გ.- მის: (ქ. ბათუმში, ბარცხანის დასახლება, ცაბაძის ქუჩა N 5) ცხოველთა არალეგალური სასაკლაოზე გამოვლინდა სხვადასხვა შეუსაბამობები, დაილუქა ხორცი ვეტერინარული ზედამხედველობის გარეშე სახელმწიფო კონტროლის შედეგად გამოვლენილ დარღვევებზე გატარდა კანონით დადგენილი ღონისძიებები, ბიზნესოპერატორები დაჯარიმდნენ და შეუსაბამობების აღმოფხვრამდე შეუჩერდათ საწარმოო პროცესი.

1770889611

უწყების განმარტებით, ახალი რეგულაცია „საავტომობილო გზების შესახებ“ კანონში შეტანილი ცვლილებების საფუძველზე მომზადდა. მისი მიზანი ინფრასტრუქტურის გამართული ფუნქციონირება, საგზაო უსაფრთხოების დაცვა და ქაოსური მშენებლობების პრევენციაა, რამაც შესაძლოა ხელი შეუშალოს მაგისტრალების მოდერნიზაციას.რომელ მონაკვეთებს შეეხება რეგულაცია?შეზღუდვა გავრცელდება როგორც ექსპლუატაციაში არსებულ, ისე მშენებარე ან დაგეგმილ მაგისტრალურ მონაკვეთებზე, მათ შორის: თბილისი–სენაკი–ლესელიძე სენაკი–ფოთი–სარფი თბილისი–წითელი ხიდი და მარნეული–სადახლო თბილისი–ბაკურციხე–ლაგოდეხი თბილისის შემოსავლელი გზა სამტრედია–ლანჩხუთი–გრიგოლეთი სამინისტროს პრესრელიზში აღნიშნულია, რომ საქართველო აქტიურად ახორციელებს მაგისტრალური გზების მშენებლობას ქვეყნის სატრანზიტო ფუნქციის გასაძლიერებლად. შესაბამისად, გზისპირა ზონებში საქმიანობის კონტროლი სისტემური ნაბიჯია თანამედროვე ინფრასტრუქტურული მართვის სტანდარტების დასანერგად.ახალი რეგულაცია უზრუნველყოფს, რომ გზების მიმდებარე ტერიტორიებზე განხორციელებულმა პროექტებმა არ შექმნას დამატებითი რისკები და არ დააზიანოს ქვეყნის გრძელვადიანი განვითარების სტრატეგია.

1770889154

მთავრობის მეთაურის განმარტებით, აღნიშნული გადაწყვეტილება ეკოლოგიური მდგომარეობის გაუმჯობესებას, მოქალაქეების ჯანმრთელობის დაცვასა და საგზაო მოძრაობის განტვირთვას ემსახურება. პრემიერმა ხაზი გაუსვა, რომ ბოლო წლებში ქვეყანაში ავტომობილების რაოდენობა მკვეთრად გაიზარდა: თუ 2012 წელს საქართველოში 864 000 ავტომობილი იყო რეგისტრირებული, წელს ამ მაჩვენებელმა 2 მილიონს გადააჭარბა.„ვფიქრობთ, რომ არსებითად მნიშვნელოვანია, 6 წელზე მეტი წლოვანების ავტომობილები არ იყოს შემოყვანილი ქვეყანაში. ეს მნიშვნელოვანია ეკოლოგიისთვის, ადამიანების ჯანმრთელობისთვის და ადამიანების კომფორტული გადაადგილების უზრუნველსაყოფად“, – განაცხადა ირაკლი კობახიძემ.პრემიერმა მადლობა გადაუხადა შინაგან საქმეთა მინისტრს მომზადებული კანონპროექტისთვის და აღნიშნა, რომ რეგულაციაში გათვალისწინებული იქნება მცირე გამონაკლისებიც. მისი თქმით, ავტოპარკის ასეთი მასშტაბური ზრდა მოითხოვს ქმედითი ნაბიჯების გადადგმას ეკოლოგიისა და სატრანსპორტო გამოწვევების საპასუხოდ.

1770888396

საინვესტიციო კომპანიის კვლევის მიხედვით, 2025 წელს ბაზრის უდიდეს ნაწილს თბილისი და ბათუმი ინაწილებდა. კერძოდ, დედაქალაქის წილი 68%-ს, ხოლო ზღვისპირა ბათუმის - 21%-ს შეადგენდა.რაც შეეხება მიზნობრიობას, საქართველოს მასშტაბით საცხოვრებელი მიზნით გაყიდული უძრავი ქონების წილი ყველაზე მაღალი თბილისში იყო და 80%-ს შეადგენდა. ამის საპირისპიროდ ბათუმი ლიდერობდა საინვესტიციო მიზნით (85%) გაყიდული უძრავი ქონების კატეგორიაში.„2022 წელს მოთხოვნის მკვეთრი ზრდის შემდგომ, 2024-2025 წლებში საქართველოს საცხოვრებელი უძრავი ქონების ბაზარი სტაბილურ ფაზაში გადავიდა“, - ვკითხულობთ „თიბისი კაპიტალის“ მიმოხილვაში.უფრო კონკრეტულად, ამ მონაცემების მიხედვით, 2025 წელს ქვეყანაში 78.5 ათასი საცხოვრებელი გაიყიდა, საიდანაც 49.2 ათასი მეორად ბაზარზე, 29.3 ათასი კი პირველად ბაზარზე გაიყიდა. აღსანიშნავია, რომ ტრანზაქციები 2024 წელთან შედარებით 6%-ით გაიზარდა.ფასები2025 წელს 1 კვ.მ-ის საშუალო ფასი თბილისში წლიურად 8%-ით გაიზარდა და 1 312 დოლარი შეადგინა. ცნობისთვის, 2024 წელს საშუალო ფასი 1 260 დოლარის ფარგლებში იყო.ამასთანავე, კვლევაში აღნიშნულია, რომ პრემიუმ სეგმენტში ფასები, საშუალო ფასთან შედარებით, ორჯერ მაღალია.უფრო კონკრეტულად, კატეგორიების მიხედვით, თბილისის საცხოვრებელი უძრავი ქონების ფასები ასეთია: ეკონომი - $786 ეკონომ + - $1 067 კომფორტი - $1 439 პრემიუმი - $2 087 პრემიუმ + - $2 821 Luxury - $4 088

1770887915

პერსპექტიული პროექტების ეროვნულმა სააგენტომ (NAPP) ემისია ოფიციალურად 2026 წლის 9 თებერვალს დაარეგისტრირა.ბანკის აქციონერების 2026 წლის 16 იანვრის გადაწყვეტილებით (კვორუმი 100%), ახალი ემისია განთავსდება შვილობილ კომპანია TBC Digital-ში, ერთ აქციაზე 1000 სუმის საბაზრო ნომინალური ღირებულებით.გადახდა განხორციელდება ნაღდი ფულით ეროვნულ ვალუტაში.ემისია მოიცავს 240 მილიონ აქციას, რაც შეესაბამება 240,000,000,000 სუმის საერთო ემისიის რაოდენობას.ცნობისთვის, TBC Digital მართავს TBC Bank Group PLC-ის უზბეკეთის ციფრულ ბიზნესს, რომლებშიც შედიან TBC Uzbekistan ძირითადი ციფრული ბანკი უზბეკეთში, Payme პოპულარული ციფრული გადახდების აპლიკაცია, BILLZ, TBC Insurance ციფრული დაზღვევა, TBC Nasiya - განვადების ბიზნესი და სხვა სწრაფად მზარდი ციფრული სერვისები.უზბეკეთის ცენტრალური ბანკის დღევანდელი კურსით, $1 ≈ 12 287 UZS -ის ტოლია.გასულ წელს TBC Uzbekistan-მა სუმში დენომინირებული ფასიანი ქაღალდები ორჯერ გამოუშვა. გასული წლის თებერვალში TBC-მ 128 მლრდ სუმის ოდენობის ფასიანი ქაღალდები გამოუშვა, 2 წლიანი ვადიანობითა და 24%-იანი განაკვეთით. დეკემბრის ბოლოს კი, 49.6 მლრდ სუმის ($4.1 მლნ-ის) ობლიგაციები განათავსა.

1770887588