ხარაბაძემ რეგიონული სამმართველოების ხელმძღვანელებთან სამომავლო გეგმები განიხილა

TRACECA-ს გენერალურ მდივნად არჩეულია უზბეკეთის ტრანსპორტის მინისტრის მოადგილე ჟასურბეკ ჩორიევი. გადაწყვეტილება ასტანაში გამართულ XVIII სხდომაზე მიიღეს. შეხვედრის შედეგად ყაზახეთმა, ყირგიზეთმა, უზბეკეთმა, აზერბაიჯანმა და უკრაინამ ხელი მოაწერეს ერთიანი სატრანზიტო ნებართვის შესახებ შეთანხმებას, რომელიც საერთაშორისო საავტომობილო გადაზიდვების გამარტივებას ისახავს მიზნად ევროპა–კავკასია–აზიის დერეფანში.TRACECA, ევროპა–კავკასია–აზიის სატრანსპორტო კორიდორი — 1990-იან წლებში ევროპული კომისიის ინიციატივით შეიქმნა და 14 ქვეყანას აერთიანებს. პროექტმა ახალი იმპულსი 2025 წლიდან მიიღო, როდესაც ევროკავშირმა Global Gateway-ის სტრატეგიის ფარგლებში 10 მილიარდი ევრო გამოყო ინფრასტრუქტურისა და ლოგისტიკის განვითარებისთვის. პრიორიტეტებს შორისაა თანამედროვე ინფრასტრუქტურის შექმნა, ტრანსევროპული ქსელებთან ინტეგრაცია, ენერგორესურსებისა და მიწაიშვიათი ლითონების ტრანსპორტირება. უკვე განხორციელდა საინვესტიციო პროექტები შავი და კასპიის ზღვების პორტებში, გაერთიანდა ათასობით კილომეტრი რკინიგზა.ყაზახეთის ტრანსპორტის მინისტრის ნურლან საურანბაევის განცხადებით, ბოლო ხუთ წელიწადში დერეფანში სატრანზიტო გადაზიდვები გასამმაგდა, ხოლო 2030 წლისთვის მიზნად 300 ათასი კონტეინერის გადაზიდვაა დასახული.ერთიანი ელექტრონული სატრანზიტო ნებართვის ამოქმედება გადამზიდავებს მისცემს შესაძლებლობას, მონაწილე ქვეყნების ტერიტორიაზე ცალკეული ეროვნული ნებართვების გარეშე იმოძრაონ. დოკუმენტი მხოლოდ ელექტრონულ ფორმატში გაიცემა ერთიანი ვებპორტალის საშუალებით, რაც ადმინისტრაციული პროცედურების გამარტივებას და საზღვრების სწრაფ გადაკვეთას შეუწყობს ხელს.ამ ეტაპზე შეთანხმებას საქართველო და თურქმენეთი არ შეუერთდნენ. ექსპერტების შეფასებით, ორივე ქვეყანა საკუთარი გეოგრაფიული ფაქტორის გამოყენებით მოლაპარაკებებს აწარმოებს, მათ შორის ევროკავშირთან, რათა სატრანსპორტო და ენერგეტიკულ პროექტებში უფრო ძლიერი პოზიციები დაიკავონ.პარალელურად, თურქმენეთში გაზის უმსხვილესი საბადოს „გალკინიშის“ მესამე ფაზის განვითარებით დაინტერესდნენ არაბეთის გაერთიანებული საამიროების ADNOC და მალაიზიური Petronas. ანალიტიკოსების აზრით, აშხაბადი ცდილობს, ევროპაში გაზის მიწოდების პროცესში საკუთრებისა და ტრანზიტის კონტროლი შეინარჩუნოს და რეგიონულ ენერგეტიკულ თამაშში საკუთარი როლი გააძლიეროს.

1779089051

27 მაისს, თიბისი კონცეპტი წარმოგიდგენთ მომღერლის, კომპოზიტორისა და პოეტის - ინოლა გურგულიასადმი მიძღვნილ კონცერტს, რომლის შემოქმედებაც დღემდე ინარჩუნებს ემოციურ სიღრმესა და განსაკუთრებულ ესთეტიკას.სხვადასხვა თაობის მუსიკოსები, რომელთა რეპერტუარში ინოლას შემოქმედება ყოველთვის მნიშვნელოვან როლს ასრულებდა, საღამოზე ინოლას სიმღერებს გააჟღერებენ: ია შუღლიაშვილი, დათო შუღლიაშვილი, თამარ თოლორდავა, თემურ მაისაშვილი, ნინი ნუცუბიძე, კატო კვარაცხელია, ნოდარიკო ხუციშვილი, სოფო ბათილაშვილიმაია ჯაბუა, ეკა კახიანი, თამრიკო ჭოხონელიძე, რეზო კიკნაძე, ლუკა თოფურია და ნიკალა ზუბიაშვილი.თიბისი კონცეპტის მხარდაჭერით, ინოლა გურგულიას ოჯახთან ერთად, ინოლას უნიკალური 100 საარქივო აუდიოჩანაწერი, ლიმიტირებული რაოდენობის ვინილების ნაკრებად გაერთიანდა. აუდიო ჩანაწერების ნაწილი აქამდე უცნობი იყო ფართო აუდიტორიისთვის. კოლექციის საფუძველი ოჯახში დაცული იშვიათი მაგნიტოფირის ჩანაწერები აღმოჩნდა, სადაც ინოლა გურგულია საკუთარ სიმღერებს ასრულებს. სწორედ აღნიშნული ალბომებიდან მოისმენენ სტუმრები სიმღერებს ინოლა გურგულიას შემოქმედებისადმი მიძღვნილ კონცერტზე.კონცერტი გაიმართება 27 მაისს, 20:00 საათზე.მისამართი: კონსტიტუციის 6/52თიბისი კონცეპტის ბარათის მფლობელები, ბილეთის შეძენას 20%-იანი ფასდაკლებით შეძლებთ.*კონცერტის სტუმრებისთვის, ვინილების ნაკრების შეძენა ადგილზე შესაძლებელი იქნება 15%-იანი ფასდაკლებით თიბისი კონცეპტის ბარათით გადახდისას.(R)

1779085512

როგორც Fitch-ის მიერ გავრცელებულ ანგარიშშია აღნიშნული, საქართველოს საერთაშორისო რეზერვებმა ზრდა კვლავ განაგრძო და 2026 წლის აპრილში $6.5 მლრდ-ს მიაღწია. მათივე განმარტებით, ბოლო თვეებში ლარის გამყარებამ საქართველოს ეროვნულ ბანკს შესაძლებლობა მისცა სავალუტო ბაზარზე უცხოური ვალუტის შესყიდვები განეხორციელებინა.,,საქართველოს ეკონომიკაში არსებული ძლიერი შიდა ეკონომიკური გარემო კვლავ უწყობს ხელს საბანკო სექტორის ფინანსური მაჩვენებლების სიმყარეს - სექტორი მომგებიანია (მარტის მდგომარეობით ROE 22.8%), ხასიათდება მაღალი კაპიტალიზაციით (პირველადი კაპიტალის კოეფიციენტი 17%) და აქტივების მაღალი ხარისხით (უმოქმედო სესხების წილი 2.5%)", - ნათქვამია Fitch-ის ანგარიშში.სარეიტინგო კომპანია აღნიშნავს, რომ მოსალოდნელია, სესხების დოლარიზაციის კიდევ უფრო შემცირება მკაცრი სარეზერვო მოთხოვნებისა და მაკროპრუდენციული ზომების ფონზე.Fitch-ის პროგნოზით, ინფლაცია ეტაპობრივად შემცირდება და 3%-იან მიზნობრივ მაჩვენებელს დაუახლოვდება.

1779082620

ეს უმნიშვნელოვანესი ჯილდო გადაეცა PSP-ს კამპანიისთვის „ჩიტებს ფრენა არ ავიწყდებათ“, რომელიც სააგენტო Playmakers-თან თანამშრომლობით შეიქმნა და საქართველოს ისტორიაში ერთ-ერთ ყველაზე წარმატებულ და საერთაშორისო მასშტაბით აღიარებულ კამპანიად იქცა.CMO Pencil - წლის შემოქმედებითი მარკეტერის სპეციალური ჯილდო, განსაკუთრებულ მნიშვნელობას ატარებს, რადგან იგი გადაეცემა ბრენდის მარკეტინგული მიმართულების ხელმძღვანელს, რომელმაც წლის განმავლობაში მსოფლიოს მასშტაბით ყველაზე კრეატიული და გაბედული იდეის განხორციელებას შეუწყო ხელი. ჯილდო არა მხოლოდ PSP-ს, არამედ ქვეყნის შემოქმედებითი პოტენციალის საერთაშორისო აღიარებაცაა, რამდენადაც ეს მიღწევა საქართველოს, მსოფლიოს კრეატიული ინდუსტრიის რუკაზე კიდევ ერთხელ უმკვიდრებს საპატიო ადგილს. გასულ წლებში ამ ჯილდოს მფლობელები გახდნენ ისეთი ბრენდები, როგორიცაა: „გუგლი“, „მასტერქარდი“, „მაიკროსოფტი“, „ნიუ იორკ თაიმსი“ და სხვა. 2026 წელს კი ჯილდო საქართველოში PSP-ს მოაქვს. The One Club for Creativity-ის მიერ ორგანიზებული ფესტივალი, The One Show, უკვე 50 წელზე მეტია, ნიუ-იორკში ყოველწლიურად იმართება და მსოფლიოში ერთ-ერთ ყველაზე გავლენიან შემოქმედებით ღონისძიებად ითვლება. ფესტივალი აერთიანებს შემოქმედებითი ინდუსტრიის წამყვან პროფესიონალებს, სააგენტოებს, ბრენდებს და წარმოადგენს სივრცეს, სადაც აღინიშნება წლის ყველაზე გამორჩეული იდეები და ინოვაციური მიდგომები.„ჩიტებს ფრენა არ ავიწყდებათ“ საერთაშორისო ყურადღების ცენტრში თავისი ემოციური და ადამიანური მნიშვნელობით მოექცა. ის ფაქტი, რომ ამ კამპანიამ ამხელა საერთაშორისო გამოხმაურება მოიპოვა, კიდევ ერთხელ ადასტურებს, რომ გულწრფელი და ფასეულობებით კომუნიკაცია ბრენდებისთვის მნიშვნელოვანია და აძლიერებს მათ ადამიანურს ხმას. ამ შედეგის მიღწევა კი შეუძლებელი იქნებოდა PSP-ს მარკეტინგის გუნდისა და სააგენტო Playmakers-ის უდიდესი ძალისხმევის გარეშე. სწორედ ერთობლივმა ხედვამ და კრეატიულმა გამბედაობამ აქცია აღნიშნული კამპანია გლობალურ ფენომენად“, - აცხადებს ანო გოგიჩაძე. „ჩვენი სააგენტო სამი წელია რაც არსებობს და ამ მოკლე დროში მიღწეული ეს წარმატება მტკიცებულებაა, რომ სამი წლის წინ სწორი გადაწყვეტილება მივიღეთ, როდესაც უარი ვთქვით სტაბილურ კორპორაციულ კარიერაზე და შემოქმედებითი სააგენტო შევქმენით. ამ მრავალ ჯილდოში გრან-პრი იქნება ეს თუ ოქრო, მაინც განსაკუთრებით მნიშვნელოვანი არის ჩვენთვის PSP-ს და კონკრეტულად ანო გოგიჩაძის წლის მარკეტერად დასახელება. რადგან ეს არის მაგალითი ყველა ბრენდისთვის და მარკეტერისთვის, რომ გამბედაობა და შემოქმედების წინ დაყენება, ურთიერთნდობა და პარტნიორობა ყოველთვის ფასდება. ჩვენ უკვე ოფიციალურად შეგვიძლია ვიამაყოთ, რომ ჩვენი კლიენტი მსოფლიოში ყველაზე მაგარი კლიენტია“, - აცხადებს Playmakers-ის მმართველი პარტნიორი კოკა ქამუშაძე.PSP-ს საკომუნიკაციო კამპანიებს „ჩიტებს ფრენა არ ავიწყდებათ“ და „მე ვარ გოგო“ უკვე მოპოვებული აქვს არაერთი გრანპრი და მნიშვნელოვანი ჯილდო ისეთ ფესტივალებზე, როგორებიცაა ADCE, Ad Black Sea, Clio Awards, EPICA და ახლა უკვე The One Show, სადაც ამ სპეციალური ჯილდოს გარდა, კამპანიამ „ჩიტებს ფრენა არ ავიწყდებათ“ ორი ბრინჯაო და ოთხი საპატიო აღიარება (Merit Award) დაიმსახურა. ამ წარმატებების შედეგად, The One Club-ის 2025 წლის საერთაშორისო შემოქმედებით რეიტინგში PSP მე-18, ხოლო სააგენტო Playmakers მე-2 ადგილს იკავებს.(R)

1778928420

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტომობილების დეტალური დათვალიერების შედეგად, არადეკლარირებული ოქროს (საერთო წონით 364 გრამი) ნაკეთობები და 48 ცალი ბრილიანტის ძვირფასი თვალი აღმოაჩინეს.არადეკლარირებული საქონლის საერთო საბაჟო ღირებულებამ ჯამში 122 368 ლარი შეადგინა.3 სამართალდამრღვევი პირის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო ორი კანონდამრღვევი მოქალაქე საბაჟო კოდექსის 168-ე მუხლის I ნაწილის შესაბამისად, საერთო ჯამში 17 157 ლარით დაჯარიმდა.

1778928180

შეხვედრების ფარგლებში ცესკოს თავმჯდომარის მოადგილე გიორგი შარაბიძე ახალგაზრდებს საარჩევნო პროცესში მათი ჩართულობის მნიშვნელობაზე, ასევე ამ პროცესის შესახებ სწორი ინფორმაციის ფლობის აუცილებლობაზე და ზოგადად ამომრჩევლის როლსა და უფლებებზე ესაუბრა. ყურადღება გაამახვილა საარჩევნო ელექტრონული ტექნოლოგიების უპირატესობებზე და ისაუბრა იმ გამოცდილებასა და გზაზე, რომელიც საარჩევნო ადმინისტრაციამ ელექტრონული ტექნოლოგიების დანერგვამდე გაიარა.ცესკოს პრესსპიკერმა ნათია იოსელიანი მონაწილეებს ისეთ მნიშვნელოვან საკითხზე ესაუბრა როგორიცაა დეზინფორმაცია და მისი გავლენა საარჩევნო პროცესზე. მან დეტალური ინფორმაცია მიაწოდა მონაწილეებს იმ აქტივობებზე, რასაც საარჩევნო ადმინისტრაცია ამომრჩევლებისთვის სწორი ინფორმაციის მიწოდების მიზნით ახორციელებს. მათ შორის ყურადღება გაამახვილა ახალ ვებგვერდზე disinfo.cec.gov.ge.ზესტაფონის საოლქო საარჩევნო კომისიის თავმჯდომარე გიორგი კახნიაშვილმა და ქუთაისის საოლქო საარჩევნო კომისიის თავმჯდომარე ლარინა ლალიაშვილმა ახალგაზრდებს ინფორმაცია საარჩევნო ადმინისტრაციის ინსტიტუციური მოწყობის, არჩევნების ორგანიზებისა და ტექნოლოგიების დანერგვის ისტორიის შესახებ მიაწოდეს.ქუთაისსა და ზესტაფონში საინფორმაციო შეხვედრები 14-15 მაისს გაიმართა.ქვეყნის მასშტაბით ახალგაზრდებთან შეხვედრები ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში იმართება.(R)

1778924100

სალომბარდე მომსახურების ბაზარზე გამჭვირვალობის გაზრდის მიზნით, „ექსპრეს ლომბარდი“ მომხმარებლის ინფორმირებული გადაწყვეტილების მხარდაჭერას განაგრძობს.კომპანია განმარტავს სამ ძირითად ფინანსურ მაჩვენებელს, რომელთა ცოდნა მომხმარებელს ინფორმირებული და სწორი გადაწყვეტილების მიღებაში ეხმარება.„ექსპრეს ლომბარდის“ მიზანია, თითოეული მომხმარებლისთვის ფინანსური ვალდებულებები იყოს პროგნოზირებადი, ე.წ ფარული ხარჯებისა და გაურკვეველი პირობების გარეშე.3 მთავარი ფინანსური მაჩვენებელი, რომელიც სესხის ღირებულებას განსაზღვრავს

1778857500

ჩვენი ქვეყნიდან ყველაზე მეტი $6 მილიონამდე გადაირიცხა თურქეთში და აზერბაიჯანში. გაზრდილია ტრანსფერები რუსეთში, უზნეკეთსა და ყაზახეთში.

1778853060