საქსტატი: ივლისში მშპ 8%–ით გაიზარდა

Reuters-ის ინფორმაციით, აშშ-ის სამხედროებმა 30 აგვისტოს ლარაკის კუნძულზე ორ ირანულ სარაკეტო გამშვებ დანადგარს დაარტყეს. ამერიკელი ოფიციალური პირის განცხადებით, დანადგარებს ირანის ისლამური რევოლუციის გუშაგთა კორპუსი მართავდა და ისინი ჰორმუზის სრუტისკენ რაკეტებისა და საზღვაო ნაღმების გასაშვებად ემზადებოდნენ.აშშ-ის მხარის განცხადებით, დარტყმები მიზანმიმართული და შეზღუდული იყო და მიზნად საზღვაო მიმოსვლისთვის არსებული საფრთხის განეიტრალება ისახავდა. ლარაკის კუნძული ჰორმუზის სრუტესთან მდებარეობს, რომელიც მსოფლიოს ენერგომომარაგებისთვის ერთ-ერთი უმნიშვნელოვანესი საზღვაო მარშრუტია.ირანის ისლამური რევოლუციის გუშაგთა კორპუსმა განაცხადა, რომ აშშ-ის დარტყმას საპასუხო მოქმედება მოჰყვა. ირანული მხარის ინფორმაციით, ბალისტიკური რაკეტებით ორი ამერიკული სამხედრო ბაზა, „მუვაფაქ სალტი“ აზრაქში და „მეფე ჰუსეინი“ მუფრაქში, დაიბომბა. ირანმა განაცხადა, რომ დარტყმების შედეგად ბაზების ტექნიკურ და სარემონტო ინფრასტრუქტურას, ასევე საბრძოლო თვითმფრინავების განთავსების ტერიტორიებს მიადგა ზიანი.ამერიკელი ოფიციალური პირების მხრიდან ირანის განცხადებაზე ზიანის შესახებ დეტალური კომენტარი თავდაპირველად არ გაკეთებულა. Reuters-ის ცნობით, იორდანიაში გაშვებული რაკეტების უმეტესობის გადაჭერა მოხერხდა და მნიშვნელოვანი ზიანის შესახებ ინფორმაცია არ გავრცელებულა.ირანულმა სახელმწიფო მედიამ ასევე გაავრცელა ინფორმაცია ჰორმუზის სრუტეში ამერიკული გემების მიმართულებით რაკეტების გაშვების შესახებ. ამ ცნობას აშშ-ის ოფიციალური პირები ჯერჯერობით არ ადასტურებენ.ლარაკზე მსხვერპლიაირანის სახელმწიფო სააგენტო Tasnim-ის ინფორმაციით, ლარაკის კუნძულზე აშშ-ის დრონების მიერ განხორციელებულ დარტყმას მინიმუმ ორი ადამიანი ემსხვერპლა და ორი დაიჭრა. ირანის რევოლუციის გუშაგთა კორპუსმა კი განაცხადა, რომ თავდასხმას ირანელი სამხედროებისა და მშვიდობიანი მოქალაქეების დაღუპვა და დაშავება მოჰყვა, თუმცა ზუსტი რაოდენობა არ დაუსახელებია.Reuters-ის ინფორმაციით, ეს იყო პირველი ცნობილი ამერიკული სამხედრო დარტყმა ირანზე რამდენიმე კვირის განმავლობაში. მხარეებს შორის კონფლიქტი უკვე მეექვსე თვეა გრძელდება.ჰორმუზის სრუტე – დაპირისპირების მთავარი წერტილიდაპირისპირების ახალი ეტაპი პირდაპირ აისახა ნავთობის ბაზარზეც. Reuters-ის ცნობით, ორშაბათს Brent-ის ფასი 2,85%-ით, 90,61 დოლარამდე გაიზარდა, ხოლო WTI 2,55%-ით, 85,53 დოლარამდე გაძვირდა.სრუტეში საზღვაო მოძრაობა მნიშვნელოვნად შემცირდა – შაბათ-კვირას ხილული კომერციული გემების რაოდენობა დღეში ხუთამდე დაეცა. ბრიტანეთის საზღვაო სავაჭრო ოპერაციების სამსახურის ინფორმაციით, შაბათს სრუტეში მიმავალ ტანკერს ჭურვი მოხვდა.აშშ-ის ცენტრალური სარდლობის ინფორმაციით, 30 აგვისტოს მდგომარეობით, ამერიკელმა სამხედროებმა 83 კომერციულ გემს კურსის შეცვლა აიძულეს, სამი გემი მწყობრიდან გამოიყვანეს და კიდევ ორ გემზე სამხედროები გადასხდნენ.აშშ-ისა და ირანის დაპირისპირების ერთ-ერთ მთავარ საკითხად კვლავ ჰორმუზის სრუტეზე კონტროლი რჩება. ომამდე ამ სრუტეზე მსოფლიოს ნავთობის მიწოდების დაახლოებით მეხუთედი გადიოდა.Reuters-ის შეფასებით, ახალი ესკალაცია ზრდის რისკს, რომ რეგიონში საბრძოლო მოქმედებები კიდევ უფრო გაფართოვდეს, მაშინ როდესაც აშშ-სა და ირანს შორის მოლაპარაკებები ჩიხშია შესული.

1788151553

დადგინდა, რომ ბელარუსში რეგისტრირებულმა საერთაშორისო გადაზიდვების განმახორციელებელმა სატვირთო ავტომობილის მძღოლმა საქართველოს სახელმწიფო საზღვარი ,,წითელი ხიდის" საბაჟო გამშვები პუნქტის გავლით გადმოკვეთა.ავტომობილი დატვირთული იყო ორი სახეობის სპორტული მოედნების ზედაპირებისთვის განკუთვნილი კაუჩუკის საფარი ფილებით და საბოლოო დანიშნულების ქვეყანას ჩეხეთის რესპუბლიკა წარმოადგენდა.აღმოჩენილია მალულად განთავსებული  სხვადასხვა დასახელების 202  176 კოლოფი არადეკლარირებული, უაქციზო სიგარეტი, მათ შორის -  ,,NZ“,  ,,MINSK" და ,,Queen Menthol“.აქციზური მარკით სავალდებულო ნიშანდებას დაქვემდებარებული სიგარეტის საერთო საბაზრო ღირებულებამ 1 132 185 ლარი შეადგინა.საქმის მასალები შემდგომი რეაგირების მიზნით ფინანსთა სამინისტროს საგამოძიებო სამსახურს გადაეგზავნა.

1787828649

საინფორმაციო-ანალიტიკურმა განყოფილებამ საანგარიშო პერიოდში რაოდენობრივი კვლევის წარმოებისას გამოკვეთა 21 დეზინფორმაცია, 1 მანიპულაცია და 1 იმიჯის შელახვა. მონიტორინგის  შედეგად გამოიკვეთა, რომ ცენტრალური საარჩევნო კომისიის წინააღმდეგ გავრცელებული დეზინფორმაცია რიგ შემთხვევებში კამპანიურ ხასიათს ატარებდა. გავრცელებული დეზინფორმაციები ძირითადად ეხებოდა საარჩევნო ადმინისტრაციის საქმიანობას, 2024 წლის საპარლამენტო არჩევნებსა და საარჩევნო ელექტრონულ ტექნოლოგიებს.აქტიურად ვრცელდებოდა ნარატივები არჩევნების გაყალბების, ცესკოს პოლიტიკური მიკერძოების, ელექტრონული არჩევნების, ხმის ფარულობისა და სხვა საკითხების შესახებ. აღსანიშნავია, რომ  ანგარიშში განხილულ შემთხვევებთან დაკავშირებით  ბრალდებების დამადასტურებელი სათანადო მტკიცებულებები წარმოდგენილი არ ყოფილა.აღნიშნული ნარატივების გავრცელებამ, თავის მხრივ, შესაძლოა ხელი შეუწყო საარჩევნო ადმინისტრაციის, საარჩევნო პროცესისა და არჩევნების შედეგების მიმართ საზოგადოებაში კითხვებისა და უნდობლობის გაჩენას. ამასთან, მონიტორინგის ფარგლებში გამოვლინდა ცალკეულ ქართულ და საერთაშორისო საინფორმაციო წყაროებში მსგავსი ან ერთმანეთთან შინაარსობრივად თანხვედრილი გზავნილების გავრცელების შემთხვევებიც.საანგარიშო პერიოდის ანალიზმა აჩვენა, რომ სხვადასხვა თემაზე გავრცელებული განცხადებები დაკავშირებული იყო ერთმანეთთან და ერთიან საინფორმაციო კამპანიას ემსახურებოდა, მათი ერთობლივი გავრცელება ქმნიდა რისკს, რომ საზოგადოებაში შემცირებულიყო ნდობა ცესკოს საქმიანობის, საარჩევნო პროცესისა და არჩევნების შედეგების მიმართ და გაჩენილიყო დამატებითი კითხვები საარჩევნო პროცესის სანდოობასთან დაკავშირებითზემოაღნიშნული კიდევ ერთხელ ადასტურებს, რომ დეზინფორმაციის გავრცელება საარჩევნო ადმინისტრაციისთვის ერთ-ერთი მნიშვნელოვან გამოწვევად რჩება. შესაბამისად, ცესკოს სტრატეგიული კომუნიკაციების დეპარტამენტის საინფორმაციო-ანალიტიკური განყოფილება მუდმივ რეჟიმში ახორციელებს საინფორმაციო სივრცის მონიტორინგს, რათა საარჩევნო საკითხებთან დაკავშირებით მცდარი ან გადაუმოწმებელი ინფორმაციის გამოვლენის შემთხვევაში, საზოგადოებას დროულად მიეწოდოს გადამოწმებული,  ზუსტი და ფაქტებზე დაფუძნებული ინფორმაცია.

1787827912

სებ-ის ინფორმაციით, ლარის პორტფელი 44 მლნ, სავალუტო 31 მილიონი ლარის ეკვივალენტია.ბანკების საცალო პორტფელი წლიურად 17.3%-ით გაზრდილია, მ.შ. ლარში 20%-მდე, უცხოურ ვალუტაში+7%Y.Y.რეზიდენტი შინამეურნეობების სექტორის დაკრედიტების მოცულობა 40.63 მილიარდი ლარს შეადგენს.7m/2026-ის მდგომარეობით, მთლიანი სესხების ლარიზაციის კოეფიციენტი 58.7% -ია (7m/2025 - 58.06%).

1787827136

22-ე ნაკადის ამჯერად თელავში გაიმართება, სადაც მონაწილეები ინტენსიურ ვორკშოპებს 30 სექტემბერს, 1 და 2 ოქტომბერს გაივლიან.ინიციატივა ევროპის რეკონსტრუქციისა და განვითარების ბანკის (EBRD), გაეროს განვითარების პროგრამის (UNDP) და შვედეთის მთავრობის ხელშეწყობით ხორციელდება. პროგრამა ქალ მეწარმეებს შესაძლებლობას აძლევს, ბიზნესის განვითარებისთვის საჭირო ცოდნა, პრაქტიკული გამოცდილება და პროფესიული კონტაქტები საკუთარ რეგიონშივე მიიღონ.პროგრამა ოთხ ძირითად მიმართულებას აერთიანებს: ცოდნას, მხარდაჭერას, გამოცდილებასა და თანამშრომლობას. მონაწილეები ჩაერთვებიან პირისპირ სწავლების პროცესში, სადაც წამყვანი ექსპერტები ბიზნესის მართვასთან დაკავშირებულ ცოდნას გაუზიარებენ.პროგრამა მონაწილეებს ასევე აძლევს შესაძლებლობას, პროფესიული ქსელი გაიფართოონ, ახალი საქმიანი კონტაქტები შეიძინონ და საგრანტო კონკურსში მიიღონ მონაწილეობა.მეწარმე ქალთა განვითარების პროგრამა 2022 წლიდან ხორციელდება და მასში მონაწილეობა უკვე 400-მდე მეწარმე ქალმა მიიღო.22-ე ნაკადში მონაწილეობის მისაღებად რეგისტრაციისთვის ეწვიეთ პროგრამის ვებგვერდს.(R)

1787820400

მერცმა, რომელიც ეწინააღმდეგება ევროკომისიის მიერ წარმოდგენილ თითქმის €2-ტრილიონიან საბიუჯეტო პროექტს, შეხვედრაზე ნიდერლანდების, ფინეთის, ავსტრიის, დანიისა და შვედეთის ლიდერები მიიწვია.„მთლიანი ბიუჯეტი არსებითად უნდა შემცირდეს, ასობით მილიარდი ევროთი. მიუღებელია, რომ ბრიუსელი ისტორიაში ყველაზე დიდ ბიუჯეტს განიხილავს, როდესაც ჩვენ სახლში ქამრების შემოჭერა გვიწევს“, - განუცხადა ავსტრიის კანცლერმა კრისტიან შტოკერმა გამოცემას.ბერლინში შეკრებული „ნეტ-კონტრიბუტორი“ ქვეყნების ჯგუფი ითხოვს არა მხოლოდ ბიუჯეტის საერთო მოცულობის შემცირებას, არამედ პრიორიტეტების შეცვლასაც, დაფინანსების გადანაცვლებას სოფლის მეურნეობიდან თავდაცვის, უსაფრთხოებისა და ინოვაციების სექტორებზე.პარალელურად, ევროპული საბჭოს პრეზიდენტი ანტონიუ კოშტა ევროპულ დედაქალაქებში ტურნეს აგრძელებს და კომპრომისული ვარიანტის გამონახვას ცდილობს. კოშტას თქმით, ბიუჯეტის შეკვეცის თავიდან ასაცილებლად და თავდაცვის ხარჯების გაზრდისთვის აუცილებელია ევროკავშირის „საკუთარი რესურსების“ (ახალი ევროპული გადასახადების) შემოღება, რაც მოიცავს მოსაკრებლებს ემისიებზე, ნახშირბადის იმპორტზე, ციფრულ სერვისებსა და მსხვილი კორპორაციების შენატანებზე.ევროკავშირის ბიუჯეტზე საბოლოო შეთანხმების მიღწევა წლის ბოლომდე იგეგმება, თუმცა პროცესს ევროპის წამყვან ქვეყნებში მოსალოდნელი არჩევნები და შიდაპოლიტიკური უთანხმოებები ართულებს.

1787812800

უფლებამოსილი პირების მიერ, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად ჯამში - 106 გრამი ოქროს ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ 40 112 ლარი შეადგინა. საბაჟო კოდექსის 168-ე მუხლის I ნაწილის შესაბამისად, საქართველოს მოქალაქეს სანქციის სახით ჯარიმა - 5 372 ლარის ოდენობით შეეფარდა, ხოლო უცხო ქვეყნის მოქალაქის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეგზავნა.

1787760055

ამჯერად, ერთობლივი პროექტის ფარგლებში, მიუსაფარ ძაღლებზე ქუთაისში იზრუნეს - „თეგეტა მოტორსის“ ქუთაისის ფილიალის ტერიტორიაზე ცხოველებისთვის სახლები დაიდგა.მარიამ ჯაფარიძე, „თეგეტა ჰოლდინგის“ CSR კოორდინატორი: „ჩვენი კორპორაციული პასუხისმგებლობა საზოგადოების სხვადასხვა ჯგუფზე ზრუნვასა და მათ გაძლიერებას ითვალისწინებს. ოთხფეხა მეგობრები, რომლებიც ქუჩაში ცხოვრობენ, ასევე ჩვენი საზოგადოებისა და გარემოს ნაწილია. ზაქარიას საქმიანობა ჩვენთვის ახალი არ არის - „თეგეტამ“ ის ჯერ კიდევ მაშინ გაიცნო, როდესაც ჩვენი ზრუნვის პლატფორმის, Tegeta Care-ის პარტნიორი გახდა. სისტემური თანამშრომლობა დაახლოებით სამი წლის წინ დავიწყეთ, როცა მას უფრო დიდი ავტომობილი დასჭირდა, რათა მიუსაფარი ცხოველების დასახმარებლად ისეთ ადგილებამდეც მიეღწია, სადაც მისი ძველი მანქანით მისვლა შეუძლებელი იყო. ზაქარიას ფინანსურად დავუჭირეთ მხარი, თუმცა მარტო ჩვენ არ ვყოფილვართ - ძალიან ბევრი ადამიანი იდგა მის გვერდით. ამასთანავე, ავტომობილის ტექნიკური გამართვა და შემდგომი სერვისიც ავიღეთ საკუთარ თავზე. გვინდა, ზაქარიამ იცოდეს, რომ ამ გზაზე მარტო არ არის.ამჯერად ქუთაისში ჩავიტანეთ სახლები ერთად. ქალაქი შემთხვევით არ შეგვირჩევია -  ვიცოდით, რომ „თეგეტა მოტორსის" ქუთაისის ფილიალის ტერიტორიაზე მიუსაფარ ცხოველებზე ჩვენი თანამშრომლები დიდი ხანია საკუთარი კეთილი ნებით ზრუნავენ. ახლა კი ცხოველები დაბინავებულები არიან და მოვლაც გაცილებით ორგანიზებულია. ვფიქრობთ, ბიზნესს აქვს რესურსი, ერთი ადამიანის კეთილი ნება ხელშესახებ და მდგრად შედეგად აქციოს. ვიმედოვნებთ, რომ ამ გზაზე სხვებიც შემოგვიერთდებიან“.ზაქარია დოლიძე მიუსაფარ ცხოველებზე 2018 წლიდან ზრუნავს. ყველაფერი მაშინ დაიწყო, როცა მისი ძაღლი ვალიკო ავად გახდა. ლეკვის გადარჩენის ძიებაში ზაქარია სოციალურ ქსელში არსებულ ერთ-ერთ ჯგუფში გაწევრიანდა და სწორედ იქ დაინახა, რამდენად მასშტაბური იყო მიუსაფარი ცხოველების პრობლემა. ასე გადაწყვიტა, კეთილი საქმის კეთება დაეწყო. მას შემდეგ, რაც 3 000-ზე მეტი სახლი საკუთარი ხელებით ააშენა, თვლა შეწყვიტა და საქმე ისე გააგრძელა. მოგვიანებით ქვეყნის მასშტაბით მოგზაურობაც დაიწყო - ახალგაზრდებთან შეხვედრები, საგანმანათლებლო საღამოები და ცნობიერების ასამაღლებელი საუბრები. მისი საქმეების კვალი კარგა ხანია სახლების მიღმაც ჩანს. ზაქარიას ეკუთვნის ინოვაციური ეტლის იდეა, რომელიც შეზღუდული შესაძლებლობის მქონე ცხოველებისთვის გამოიყენება და რომელმაც ასობით ცხოველს ფაქტობრივად ახალი სიცოცხლე აჩუქა.ზაქარია დოლიძე, „ზაქარას კეთილი მანქანის“ შემქმნელი: „რვა წლის წინ ალბათ ვერც წარმოვიდგენდი, რომ ეს იდეა ამხელა განვითარებას იპოვიდა და ერთ დღეს სიკეთით დამუხტული მანქანით მთელ საქართველოს შემოვივლიდი. დღეს ჩემი ყოველდღიურობა ამ გზაზე გადის - სადაც გავიგებ, რომ საჭმლის, წამლების ან სახლის საჭიროებაა, მეც იქ მივდივარ. ამ გზაზე „თეგეტაც" გამოჩნდა. დამეხმარნენ, რომ უკეთესი ავტომობილი მეყიდა და ახლა ზრუნავენ, ყოველთვის მზად ვიყო შემდეგი კეთილი თავგადასავლისთვის.ხშირად ვხვდები ახალგაზრდებს და ყოველთვის ერთ კითხვას ვუსვამ: როგორც, მაგალითად, რომელიმე შენი საყვარელი ნივთი, ეს ქვეყანა შენია? შენს კუთვნილებად მიიჩნევ? როცა მეუბნებიან: „კი“, შემდეგ ვამბობ: თუ შენია, მაშინ შენი მოსავლელიცაა, შენი პასუხისმგებლობაა და არა სხვისი. როცა შენ თვითონ არ აფასებ, სხვაც არ დააფასებს. ამიტომ მნიშვნელოვანია, რომ ზოგჯერ პატარა, მაგრამ სტაბილური ნაბიჯები გადავდგათ წინ, გავერთიანდეთ და საკუთარი წვლილიც შევიტანოთ ასეთ საქმეებში“.ზაქარია ფიქრობს, რომ ამ რვა წლის განმავლობაში საზოგადოების დამოკიდებულება შესამჩნევად შეიცვალა - ადამიანები ინიციატივას იჩენენ და თავადაც ხდებიან მზრუნველები. მისი მთავარი ამოცანაც სწორედ ეს არის - სიკეთის მუხტი დამკვიდრდეს და ზრუნვა დღის წესრიგად იქცეს.„ზაქარას კეთილი მანქანის“ მხარდაჭერა Tegeta Care-ის პლატფორმის მეშვეობითაა შესაძლებელი. ეს „თეგეტას“ დონაციის პლატფორმაა, რომელიც სხვადასხვა მიმართულების ორგანიზაციებს, პროექტებსა თუ სოციალურ საწარმოებს აერთიანებს. ნებისმიერ მოქალაქეს შეუძლია აირჩიოს კონკრეტული ინიციატივა და პირდაპირ დაუჭიროს მხარი, დონაცია კი მთლიანად იმ კონკრეტულ პროექტს მიემართება.სწორედ მსგავსი ჩართულობით შეძლებს ზაქარია, რომ მისი მანქანა არ გაჩერდეს და წინ იაროს კიდევ უფრო მეტი კეთილი საქმისთვის. როგორც თავად ამბობს, ერთი რამ სულ ახსოვს - მანქანა თავისით ვერაფერს აკეთებს, მას ძალას ადამიანები აძლევენ.„თეგეტა ჰოლდინგის“ შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას“ 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი“, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1787759748