აშშ სტუდენტებსა და ჟურნალისტებს ვიზების მოქმედების ვადას უმცირებს

სამოგზაურო ბარათის მფლობელები მუდმივად სარგებლობენ ექსკლუზიური შეთავაზებებით. ამჯერად კი, შესაძლებლობა აქვთ დასაჩუქრდნენ Disneyland Paris-ში ოჯახთან ერთად მოგზაურობით. 10 აგვისტოს ჩათვლით, მომხმარებელი, რომელიც საქართველოში ან/და საზღვარგარეთ Miles&Smiles თიბისი კონცეპტ Visa Signature ბარათით გადაიხდის ჯამურად არანაკლებ 1500 ლარს და შეასრულებს ყველაზე მეტ გადახდას, დასაჩუქრდება Disneyland Paris-ის 4-კაციანი საგზურით.  საგზური მოიცავს:  განთავსებას: პარიზის ცენტრალურ სასტუმროში (3 ღამე და 2 დღე) და Disneyland Paris-ის სასტუმროში (2 ღამე და 3 დღე) დისნეილენდის 3-დღიან აბონემენტს (Disneyland Park და Walt Disney Studios Park) ორმხრივ ტრანსფერს (აეროპორტიდან სასტუმროში და სასტუმროდან აეროპორტში) Disneyland-ის სასაჩუქრე ბარათს Disneyland-ის PhotoPass-ს (ფოტოების ციფრულ საშვს) დისნეილენდის ერთდღიან VIP ტურს პარიზის აქტივობების (მუზეუმების/ატრაქციონების) საშვს და საზოგადოებრივი ტრანსპორტის ბარათს წინასწარ დაჯავშნილ ლანჩსა და ვახშამს პარიზში შეთავაზების დეტალური პირობები იხილეთ ბმულზე. Miles&Smiles თიბისი კონცეპტ Visa Signature სამოგზაურო ბარათის ძირითადი უპირატესობები:  Miles&Smiles მილების დაგროვება - მილები საქართველოში გროვდება სასტუმროებში, თიბისის ტერმინალზე გადახდისას. საზღვარგარეთ კი, სხვადასხვა კატეგორიის გადახდებზე, მათ შორის: შოპინგის, კვების ობიექტების, ტრანსპორტის, სასტუმროების, სურსათის თუ სხვა ყოველდღიური ხარჯების დროს. დაგროვილი მილებით შესაძლებელია Turkish Airlines-ის მომსახურებების მიღება, რაც მოიცავს: ავიაბილეთების შეძენას, თვითმფრინავში სასურველი ადგილის წინასწარ შერჩევას, ბარგის დამატებას, ფრენის კლასის გაუმჯობესებას და სხვა სერვისებს. აეროპორტის პრივილეგიები - მგზავრობის პროცესის გასამარტივებლად, ბარათის მფლობელებსა და მათ თანმხლებ პირებს შეუძლიათ აეროპორტის პრემიუმ სერვისებით სარგებლობა: ლაუნჯები - წელიწადში 30 უფასო ვიზიტი საქართველოში თბილისისა და სხვა ქვეყნების საერთაშორისო აეროპორტების ლაუნჯებში. თითოეული ვიზიტისას ამ სერვისით მაქსიმუმ 4 თანმხლებ პირთან ერთად ისარგებლებთ; Fast Track (სწრაფი გასასვლელი) - წელიწადში 30-ჯერ Fast Track-ის სერვისით სარგებლობა შერჩეულ აეროპორტებში, როგორც თბილისში, ისე საზღვარგარეთ (ჯამში 4 თანმხლებ პირთან ერთად); ქუთაისის საერთაშორისო აეროპორტში ბარათის მფლობელები ბიზნეს ლაუნჯისა და Fast Track-ის სერვისით წელიწადში ჯამში 20-ჯერ ისარგებლებენ; დამატებითი სამოგზაურო უპირატესობები - განსაკუთრებული პირობები და შეთავაზებები ტაქსით მგზავრობისას, ინტერნეტ როუმინგისა და სხვა სამოგზაურო კატეგორიებში.  სამოგზაურო ბარათის შეძენა შესაძლებელია მხოლოდ თიბისი კონცეპტ 360-ის მომხმარებლებისთვის პირადი ბანკირის დახმარებით.(R)

1784288783

ულტრათანამედროვე საავტომობილო კომპლექსი თბილისის შემოვლითი გზის 36-ე კილომეტრზე მდებარე  42 000 მ2 ფართობზეა განლაგებული. მრავალფუნქციური სერვისცენტრი დღეს რეგიონში კომერციული ტრანსპორტის მომსახურების უმსხვილესი ცენტრია, რომლის ჯამური საინვესტიციო მოცულობა 100 მილიონ ლარს აჭარბებს.გეზის ფილიალი გამორჩეულია როგორც თავისი მასშტაბებით, ისე უნიკალური კონცეფციით. ის პირველია რეგიონში, რომელმაც სატვირთო და კომერციულ ავტოტრანსპორტს ორგანიზებულ და კომფორტულ გარემოში სერვისის სრული სპექტრი შესთავაზა. სერვისცენტრი მულტიბრენდულია და მზადაა სხვადასხვა მწარმოებლის ტექნიკის მისაღებად. ფილიალის კიდევ ერთი უპირატესობა მისი სტრატეგიული ადგილმდებარეობაა. ცენტრი განთავსებულია ინდუსტრიულ ზონაში, უმნიშვნელოვანეს სატრანსპორტო გზაჯვარედინზე, რომელიც დატვირთულია სატვირთო ნაკადებით თურქეთის, აზერბაიჯანის, ცენტრალური აზიისა თუ ევროკავშირის ქვეყნების მიმართულებებზე. შედეგად, ეს ტრანზიტული ნაკადი სწორედ ამ ფილიალში იყრის თავს და იქმნება სერვისის მძლავრი რეგიონული ჰაბი.ირაკლი კობახიძე, საქართველოს პრემიერ-მინისტრი: „ეს არის ძალიან მასშტაბური პროექტი, რომელშიც დაახლოებით 100 მილიონი ლარის ინვესტიციაა განხორციელებული და ის ჩვენი ქვეყნის ეკონომიკურ პოტენციალს მნიშვნელოვნად აძლიერებს. თბილისის შემოვლით გზაზე შექმნილი ეს უნიკალური პლატფორმა თავისი სტანდარტებით სცილდება შიდასახელმწიფოებრივ ჩარჩოებს. ეს არის ამიერკავკასიაში პირველი მულტიბრენდული და მრავალფუნქციური სივრცე, რომელიც სერვისის სრულ სპექტრს ერთ ადგილზე აერთიანებს. გვიხარია, რომ ბიზნესი დღეს თავად აწესებს განვითარების ახალ, უმაღლეს თამასას და ამ კუთხით „თეგეტა ჰოლდინგი“ ნამდვილად გამორჩეულია. დასაფასებელია კომპანიის მიდგომა გარემოს დაცვისა და შრომის უსაფრთხოებისადმი. სახიფათო ნარჩენების მართვის თანამედროვე, უსაფრთხო სტანდარტები აჩვენებს, რომ ჩვენი ლოგისტიკური დერეფანი არამხოლოდ სწრაფი და ეფექტური, არამედ ცივილიზებული და მდგრადიც არის. სახელმწიფოსთვის მსგავსი ინიციატივების მხარდაჭერა პრიორიტეტია, რადგან მდგრადი სატრანზიტო დერეფანი წარმოუდგენელია განვითარებული თანამედროვე სერვისების გარეშე“.მთავრობის მეთაურმა აღნიშნა, რომ მსგავსი რეგიონული მასშტაბის პროექტი კიდევ უფრო ამყარებს საქართველოს პოზიციას გლობალურ ეკონომიკურ რუკაზე. მან „თეგეტა ჰოლდინგის“ დამფუძნებელ თემურ კოხოძეს, „თეგეტა ჰოლდინგის“ ხელმძღვანელობასა და თანამშრომლებს პროექტის წარმატებით განხორციელებისთვის მადლობა გადაუხადა.თემურ კოხოძე, „თეგეტა ჰოლდინგის“ დამფუძნებელი: „ოცდაათი წლის წინ ერთი მაღაზიით დაწყებული ისტორია დღეს უკვე რეგიონული მასშტაბის პროექტებით გრძელდება. გეზის ფილიალი ამის ერთ-ერთი ყველაზე ნათელი მაგალითია, 42 000 კვადრატულ მეტრზე განთავსებული, 100 მილიონ ლარზე მეტი ინვესტიციით შექმნილი მაღალტექნოლოგიური ჰაბი, რომელიც თავისი შესაძლებლობებით სცილდება მხოლოდ საქართველოს ბაზარს და კავკასიისა და ცენტრალური აზიის რეგიონს ემსახურება.ჩვენთვის ეს პროექტი მხოლოდ თანამედროვე ინფრასტრუქტურა ან ახალი სერვისცენტრი არ არის. ეს არის ინვესტიცია საქართველოს ეკონომიკის მომავალში,  ცოდნაში, ადამიანებში, ტექნოლოგიებსა და ქვეყნის სატრანზიტო პოტენციალში. გეზის ფილიალი აჩვენებს, რომ ქართულ ბიზნესს შეუძლია არა მხოლოდ საერთაშორისო სტანდარტების დანერგვა, არამედ რეგიონში ახალი ხედვის შექმნაც.დღეს „თეგეტა“ აერთიანებს 300-ზე მეტ საერთაშორისო ბრენდს, 3000-მდე თანამშრომელსა და ინფრასტრუქტურას, რომელსაც უკვე მთელი რეგიონი უყურებს. ჩვენი ხედვა კავკასიას სცდება, ამ ეტაპზე, ჩვენი ფოკუსი ცენტრალური აზიისკენაა მიმართული და გავაგრძელებთ ზრდას, ინვესტირებასა და საქართველოს, როგორც ძლიერი რეგიონული ეკონომიკური და სატრანზიტო ცენტრის, განვითარებაში მონაწილეობას“.ღონისძიების ფარგლებში სტუმრებმა გეზის ფილიალიც დაათვალიერეს. ინფორმაცია „თეგეტა მოტორსის“ გეზის ფილიალის შესახებულტრათანამედროვე საავტომობილო კომპლექსს გერმანული MAN-ის მიერ უმაღლესი „A“ კატეგორია აქვს მინიჭებული და თანამედროვე დანადგარებითა და ინსტრუმენტებით არის აღჭურვილი. ამჟამად ფილიალში 40-მდე სამუშაო სივრცე სრულადაა ამოქმედებული. კომპლექსის პირველ ბლოკში განთავსებულია MAN-ის ოფიციალური შოურუმი და მულტიბრენდული საავტომობილო სერვისი, სადაც მომხმარებელს ერთ სივრცეში შეუძლია მიიღოს სამუხრუჭე სისტემის, გამონაბოლქვისა და მაშუქების დიაგნოსტირება, სავალი ნაწილის შემოწმება-შეკეთება, ძრავის დიაგნოსტიკა და ელექტროსისტემების აღდგენა როგორც მსუბუქი კომერციული, ისე მძიმე სატვირთო ტრანსპორტისთვის.ფილიალის მეორე ბლოკი ეთმობა დიზელის საწვავ სისტემებს, ძალურ გადაცემას, სამაცივრო აგრეგატებს, ვულკანიზაციასა და სამღებრო-სათუნუქე სერვისებს. ამ სივრცეში განთავსებულია სამღებრო-სათუნუქე უბანი, რომლის ანალოგიც რეგიონის არცერთ ქვეყანას არ აქვს. 22-მეტრიან სამღებროში ყველაზე დიდი გაბარიტების ავტომანქანის შეღებვა ერთიანად არის შესაძლებელი. აგრეთვე, მომხმარებელს შესაძლებლობა ეძლევა, ავტომობილის ჩარჩო და ძალური კონსტრუქცია ქარხნული პარამეტრების შესაბამისად აღადგინოს, ფრანგული წამყვანი ბრენდის CELETTE-ს უახლესი, ე.წ. რობოტის, კომპლექტის საშუალებით. პარალელურად, უკვე სრული დატვირთვით მუშაობს სამაცივრე სისტემების სერვისი Thermo King, სადაც სამუშაოებს გადამზადებული და გამოცდილი მექანიკოსები ასრულებენ.თანამედროვე ტექნოლოგიებთან ერთად, „თეგეტასთვის“ უმნიშვნელოვანესია გარემოსდაცვითი კომპონენტი და შრომის უსაფრთხოება. ყველა სამუშაო სივრცე აღჭურვილია იტალიური წარმოების ამწეებითა და გერმანული Balzer-ის სერვისის ორმოებით. სწორედ აქ დაინერგა რეგიონისთვის უნიკალური სერვისი, რომელიც სახიფათო ნარჩენებისგან დასვრილი აგრეგატების უსაფრთხო რეცხვას გულისხმობს სპეციალური ხსნარებით.გეზის ფილიალში დანერგილი ბიზნესპროცესები სრულად მომხმარებელზეა მორგებული. სატრანსპორტო საშუალების მფლობელს პერსონალური სერვისის მრჩეველი ემსახურება, რომელიც ყველა საჭირო საკითხს მართავს, განაცხადის გახსნიდან ანგარიშსწორებამდე. მეტი კომფორტისათვის სერვისის მისაღებად წინასწარ ჩაწერაცაა შესაძლებელი როგორც ონლაინ, ისე სატელეფონო ზარით. ფილიალის ტერიტორიაზე მოქმედებს „თეგეტა ლაუნჯი“ და „საირმე ბეიქერის“ კომფორტული სივრცე.(R)

1784286161

წყაროების ცნობით, უკრაინამ საბერძნეთს Patriot-ის ბატარეებიდან 200-მდე PAC-2 ტიპის რაკეტის გადაცემის თხოვნით მიმართა. კიევში მიიჩნევენ, რომ ამ რაკეტების ნაწილს, რომლებიც ბერძნულ შეიარაღებაში უკვე 23 წელია იმყოფება, ვადა მალე ეწურება.ეს მოთხოვნა მას შემდეგ გააქტიურდა, რაც წინასწარი მოლაპარაკებები საბერძნეთის კუთვნილი 6 ბატარეიდან ნაწილის გადაცემაზე შეთანხმების გარეშე დასრულდა. შესაბამისად, ამ ეტაპზე უკრაინული მხარის ინტერესი არა უშუალოდ სისტემებზე, არამედ რაკეტების მარაგებზეა ფოკუსირებული.უკრაინული მედიის ცნობით, ნებისმიერი მსგავსი გადაცემა მოითხოვს იმის დადასტურებას, რომ რაკეტები გამოსაყენებლად ვარგისია, თუმცა თავად საბერძნეთის თავდაცვისთვის კრიტიკულად აუცილებელ საჭიროებას არ წარმოადგენს.ერთ-ერთი განხილვადი სქემის მიხედვით, საბერძნეთმა რაკეტები შესაძლოა ნორვეგიას მიჰყიდოს, რომელიც შემდეგ მათ უკრაინას მიაწვდის. მიუხედავად ამისა, ათენს ამ დრომდე არანაირი ნიშანი არ მიუცია, რომ მოთხოვნაზე დადებითი პასუხის გაცემას აპირებს.ბერძენი ოფიციალური პირები აცხადებენ, რომ ქვეყანას ისედაც შეაქვს წვლილი მოკავშირეების უსაფრთხოებაში, მათ შორის საუდის არაბეთში Patriot-ის ბატარეის განთავსებით, რომელიც კრიტიკულ ნავთობგადასამუშავებელ ინფრასტრუქტურას იცავს.ამასთან, ათენში აღნიშნავენ, რომ უკრაინას მანამდე Sea Sparrow-სა და Crotale-ის ტიპის რაკეტები მას შემდეგ გადასცეს, რაც ბერძნულ შეიარაღებაში მათი ექსპლუატაციის ვადა ამოიწურა.ცოტა ხნის წინ ნიდერლანდების საგარეო საქმეთა მინისტრმა ტომ ბერენდსენმა განაცხადა, რომ მისმა ქვეყანამ უკრაინას საკუთარი მარაგებიდან Patriot-ის სისტემებისა და რაკეტების მაქსიმუმი უკვე მიაწოდა, რის გამოც საჭიროა ზეწოლის სხვა სახელმწიფოებზე გადატანა. თავის მხრივ, ნორვეგიის მთავრობამ ივლისის დასაწყისში უკრაინის საჰაერო თავდაცვის გასაძლიერებლად 3 მილიარდი კრონის (268 მილიონი ევრო) გამოყოფის შესახებ გამოაცხადა, რაც მათ შორის ამერიკული შეიარაღების შესყიდვის პროგრამას (PURL) მოხმარდება.

1784284504

გამოძიებით დადგინდა, რომ ობიექტები საქართველოს ეროვნული ბანკის ლიცენზიის გარეშე, კანონმდებლობის დარღვევით საქმიანობდნენ. სასამართლოს განჩინების საფუძველზე, ერთდროულად 22 ლოკაციაზე ჩატარებული ჩხრეკის შედეგად, სამართალდამცველებმა განსაკუთრებით დიდი ოდენობით ქართული და უცხოური ვალუტა, კომპიუტერული ტექნიკა და შესაბამისი ინვენტარი ამოიღეს.ამოღებული ფულადი სახსრების საერთო ღირებულება 500 000 ლარს აღემატება.ამ ეტაპზე ინტენსიურად მიმდინარეობს საგამოძიებო მოქმედებები დანაშაულში მონაწილე პირების გამოვლენის მიზნით. გამოძიება სისხლის სამართლის კოდექსის 192-ე მუხლის მეორე ნაწილის „ა“ ქვეპუნქტით (უკანონო სამეწარმეო საქმიანობა ჯგუფურად) მიმდინარეობს, რაც სასჯელის სახით 3-დან 5 წლამდე ვადით თავისუფლების აღკვეთას ითვალისწინებს.

1784281455

გამოკითხული კომპანიები ხელოვნურ ინტელექტს ყველაზე ხშირად მარკეტინგის და კონტენტის შექმნის მიზნით იყენებენ. შემდეგ თანაბარი წილით მოდის ფინანსებისა და რისკების მართვა და მომხმარებელთა მხარდაჭერის სერვისი.სექტორების მიხედვით, მარკეტინგისა და კონტენტის შექმნისთვის ხელოვნური ინტელექტის გამოყენება ყველაზე მეტად ვაჭრობის (26%) და მომსახურების (23%) სექტორებშია გავრცელებული. ფინანსებისა და რისკების მართვის მიმართულებით ხელოვნურ ინტელექტს ყველაზე ხშირად მშენებლობის სექტორი იყენებს (25%), ხოლო მომხმარებელთა მხარდაჭერისთვის - მომსახურების სექტორი (26%).რაც შეეხება ხელოვნური ინტელექტის გადაწყვეტილებებს, გამოკითხული კომპანიების 50% იყენებს მზა, გლობალურ პლატფორმებს, 26% - შიდა რესურსებით დატრენინგებულ საკუთარ AI მოდელებს, ხოლო 24% - სპეციალიზებულ პროგრამულ უზრუნველყოფას.გამოკითხულმა კომპანიებმა ასევე, შეაფასეს ხელოვნური ინტელექტის (AI) გავლენა მათ საქმიანობაზე. რესპონდენტთა უმრავლესობისთვის მთავარ პოზიტიურ შედეგს დროის დაზოგვა და პროცესების დაჩქარებაა წარმოადგენს (79%). გამოკითხულთა 11%-ის აზრით, AI-ს დანერგვამ ადამიანური შეცდომები შეამცირა, ხოლო 5%-ის შეფასებით – მომსახურებისა და/ან პროდუქტის ხარისხი გააუმჯობესა.აღსანიშნავია, რომ საქართველოში ხელოვნური ინტელექტის დანერგვის უმთავრეს შემაფერხებელ ფაქტორად სპეციალისტების დეფიციტი (30%) სახელდება. მას მოჰყვება ქართული ენის მხარდაჭერის ნაკლებობა ტექნოლოგიებში და მონაცემების სიმცირე ან გაუმართავი სტრუქტურა.მიუხედავად ბარიერებისა, სამომავლო პერსპექტივა პოზიტიურია, კომპანიების 65% მომდევნო 1-2 წელიწადში საინვესტიციო ბიუჯეტის გაზრდას გეგმავს, 16% შეინარჩუნებს მას არსებულ ნიშნულზე, ხოლო მხოლოდ 18% არ გეგმავს ბიუჯეტის გამოყოფას.

1784280432

მეწარმე ქალთა განვითარების პროგრამა ხორციელდება გაეროს განვითარების პროგრამასთან (UNDP) და ევროპის რეკონსტრუქციისა და განვითარების ბანკის (EBRD) პარტნიორობით.პროგრამა წარმოადგენს 360°-იან განვითარების პლატფორმას, რომელიც ქალ მეწარმეებს სთავაზობს პრაქტიკულ ცოდნას, პროფესიულ მენტორობას, გამოცდილების გაზიარებასა და ბიზნესქსელის შექმნის შესაძლებლობას.სამდღიანი ინტენსიური პროგრამის ფარგლებში მონაწილეები დაესწრებიან პრაქტიკულ სესიებს შემდეგ თემებზე: ბიზნესის განვითარება სოციალური მედიის მართვა ხელოვნური ინტელექტის გამოყენება ბიზნესში გაყიდვების საწყისები ელექტრონული კომერცია „საქართველოს ბანკისთვის ქალთა მეწარმეობის მხარდაჭერა ერთ-ერთი მნიშვნელოვანი პრიორიტეტია. გვიხარია, რომ პროგრამა უკვე მე-20 ნაკადს მასპინძლობს და სულ უფრო მეტ ქალ მეწარმეს აძლევს შესაძლებლობას, აიმაღლოს ცოდნა, გაიღრმაოს პრაქტიკული უნარები და განავითაროს საკუთარი ბიზნესი. პროგრამის ფარგლებში მონაწილეები ეცნობიან თანამედროვე ბიზნესისთვის მნიშვნელოვან მიმართულებებს, მათ შორის ხელოვნურ ინტელექტს, ციფრულ მარკეტინგსა და ელექტრონულ კომერციას. გვჯერა, რომ ცოდნასა და გამოცდილებაში ინვესტირება მეწარმეების წარმატების ერთ-ერთი მთავარი წინაპირობაა და საქართველოს ბანკი მომავალშიც გააგრძელებს მსგავსი ინიციატივების მხარდაჭერას“, - აცხადებს ეკატერინე ჭურაძე, საქართველოს ბანკის არაფინანსური პროდუქტების განვითარების და სუბსიდირებული პროექტების სამსახურის უფროსი.აღსანიშნავია, რომ პროგრამის ფარგლებში დღემდე 300-ზე მეტი ქალი მეწარმეა გადამზადებული.მე-20  ნაკადზე რეგისტრაციისთვის ეწვიეთ საქართველოს ბანკის ვებგვერდს: https://bankofgeorgia.ge/ka/business/360-entrepreneurs(R)

1784278182

მომხმარებლის განცხადების საფუძველზე ჩატარებული შესწავლის შედეგად გაირკვა, რომ მოვაჭრემ პროდუქცია მომხმარებელს შეთანხმებულ ვადაში არ მიაწოდა, ხოლო შეკვეთის გაუქმების შემდეგ თანხის დაბრუნებაზე უარი განაცხადა.GCCA-ის შეფასებით, აღნიშნული ქმედება არღვევს „მომხმარებლის უფლებების დაცვის შესახებ" საქართველოს კანონის მოთხოვნებს, ეწინააღმდეგება სამართლიანი ვაჭრობის პრინციპებს და არსებითად აზიანებს მომხმარებელთა ჯგუფის ინტერესებს.სააგენტოს გადაწყვეტილებით, კანონდარღვევის აღმოფხვრის მიზნით, მოვაჭრეს დაევალა - 1 თვის ვადაში მომხმარებელთა დარღვეული უფლებები აღადგინოს და სავაჭრო პოლიტიკა კანონის მოთხოვნებთან შესაბამისობაში მოიყვანოს.კანონის თანახმად, სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრე შეიძლება დაჯარიმდეს წინა ფინანსური წლის წლიური ბრუნვის არაუმეტეს 2%-ის ოდენობით.12 თვის განმავლობაში მოვაჭრის მიერ დარღვევის გამეორება დაკისრებული ჯარიმის გაორმაგებას გამოიწვევს.

1784277834

როგორც ჩინეთის საგარეო საქმეთა სამინისტროს სპიკერმა ლინ ჯიანმა პეკინში გამართულ პრესკონფერენციაზე განაცხადა, ჩინეთი ყოველთვის მკაცრად იცავს სხვა ქვეყნების საშინაო საქმეებში ჩაურევლობის პრინციპს და ვაშინგტონს მოუწოდა, შეწყვიტოს ჩინეთის თემის წინასაარჩევნო მიზნებისთვის გამოყენება.„ჩვენ მოვუწოდებთ ამერიკულ მხარეს თვითრეფლექსიისკენ. შეწყვიტონ ჩინეთის წინააღმდეგ უსაფუძვლო ბრალდებების გავრცელება და გააკეთონ ისეთი რამ, რაც ორმხრივ ურთიერთობებს წაადგება“, - განაცხადა ლინ ჯიანმა და იქვე მიანიშნა, რომ სხვების საშინაო საქმეებში ჩარევა რეალურად თავად აშშ-ის ხელწერაა.Reuters-ის ინფორმაციით, ტრამპმა ხუთშაბათს თეთრი სახლიდან "პრაიმტაიმში" გამოსვლისას საარჩევნო უსაფრთხოების თემა კვლავ ცენტრალურ საკითხად აქცია ნოემბრის შუალედური არჩევნების წინ. პრეზიდენტმა განაცხადა, რომ გასაიდუმლოებული მასალები ააშკარავებს ჩინეთის მიერ ამერიკელი ამომრჩევლების 220 მილიონი პირადი ფაილის უკანონო მოპოვებას.თუმცა, აღნიშნული ბრალდებები წინააღმდეგობაში მოდის აშშ-ის სადაზვერვო უწყებების დასკვნებთან. ამერიკის დაზვერვის 2021 წლის განაიდუმლოებული ანგარიშის მიხედვით, არ არსებობს მტკიცებულება, რომ უცხოურ აქტორებს 2020 წლის საპრეზიდენტო არჩევნების რომელიმე ტექნიკური ასპექტი (რეგისტრაცია, ხმების დათვლა ან შედეგები) შეეცვალოთ.საქმეში ჩახედული პირები სააგენტოსთან ადასტურებენ, რომ ჩინეთის მიერ მოპოვებული საარჩევნო მონაცემები არ ყოფილა კონფიდენციალური და მათი მანიპულირება შეუძლებელი იყო.გავლენიანი დემოკრატი სენატორი და სენატის დაზვერვის კომიტეტის თავმჯდომარის მოადგილე მარკ უორნერი ტრამპის „სენსაციურ“ განცხადებებს ყალბს უწოდებს და აღნიშნავს, რომ სადაზვერვო საზოგადოება ჩინეთის მხრიდან ერთი ხმის შეცვლის მცდელობის არარსებობაზეც კი ერთსულოვანია.დამკვირვებლების შეფასებით, ტრამპის მკაცრმა რიტორიკამ შესაძლოა კვლავ დაძაბოს ურთიერთობა ჩინეთთან, რომელიც შარშანდელი მძიმე სავაჭრო ომის შემდეგ ახლახან დასტაბილურდა. ეს ხდება იმ ფონზე, როდესაც ტრამპი სექტემბერში ჩინეთის პრეზიდენტ სი ძინპინთან შეხვედრასა და სავაჭრო კავშირების გაუმჯობესებაზე მოლაპარაკებებს გეგმავს.

1784277015