OpenAI-მ „შემაშფოთებელი“ AI ქცევის 6 ახალი შემთხვევა გამოავლინა

მისი თქმით, ცვლილებები შესყიდვების თანამედროვე მიდგომებს პასუხობს და მცირე და საშუალო ბიზნესს მსხვილ კომპანიებთან კონკურენციის შესაძლებლობას აძლევს.დუმბაძის განმარტებით, ელექტრონული კატალოგი წინადადების წარდგენის ელექტრონული ფორმაა, რომლის გამოყენებაც, მათ შორის, პრეისკურანტით შესყიდვებისას იქნება შესაძლებელი.ჩარჩო შეთანხმების ფარგლებში კი, მისი თქმით, შესყიდვის გამოცხადება შესაძლებელია 3-4 წლით ან უფრო ხანგრძლივი პერიოდით და გამარჯვებულად ერთზე მეტი კომპანიის გამოვლენაც იქნება შესაძლებელი.განსაკუთრებით მნიშვნელოვან ცვლილებად დუმბაძე ქვეკონტრაქტორის გამოცდილების დაჯამების შესაძლებლობას მიიჩნევს. მისი განმარტებით, 1-ელი სექტემბრიდან კომპანიას შეუძლია, შესყიდვის მოთხოვნის დასაკმაყოფილებლად საკუთარი და ქვეკონტრაქტორი კომპანიის გამოცდილება გააერთიანოს.„თუ შემსყიდველი ორგანიზაცია ითხოვდა გამოცდილებას, ვთქვათ, 5 მლნ ლარის, ეს ყველაფერი უნდა დაეკმაყოფილებინა ინდივიდუალურად ერთ კომპანიას. დღეს უკვე კომპანიას შეუძლია, მოიყვანოს პარტნიორი ქვეკონტრაქტორი კომპანია და თქვას, რომ 2 მლნ ლარს აკმაყოფილებს თვითონ და 3 მლნ ლარს მისი ქვეკონტრაქტორი“, – განაცხადა დუმბაძემ.მისი თქმით, ეს შესაძლებლობა განსაკუთრებით მნიშვნელოვანია სამშენებლო სექტორისთვის და იმ მცირე და საშუალო კომპანიებისთვის, რომლებსაც დამოუკიდებლად არ აქვთ შესყიდვის პირობებით მოთხოვნილი გამოცდილება.

1789643594

საქართველოს ეროვნული ბანკის ვიცე-პრეზიდენტმა, ეკატერინე გალდავამ ფორუმზე გამოსვლისას საქართველოს საგადამხდელო სისტემების განვითარების მოკლე, საშუალო და გრძელვადიან პრიორიტეტებზე ისაუბრა და ხაზი გაუსვა, რომ ეროვნული ბანკის მიდგომა თანმიმდევრულია - ჯერ ძლიერი შიდა ინფრასტრუქტურის შექმნა, შემდეგ კი ტრანსსასაზღვრო დაკავშირებადობისთვის საჭირო პირობების უზრუნველყოფა.მისი თქმით, ამ მიმართულებით სამი ძირითადი ნაბიჯი გამოიკვეთა. პირველი შიდა საგადამხდელო ინფრასტრუქტურის მოდერნიზაციაა - მიმდინარე წლის მაისში ეროვნულმა ბანკმა წარმატებით აამოქმედა დროის რეალურ რეჟიმში ანგარიშსწორებისა (RTGS) და ქლირინგის ახალი სისტემები, რომლებიც ISO 20022 საერთაშორისო სტანდარტს ეფუძნება და საქართველოში გადახდებისთვის თანამედროვე და მდგრად საფუძველს ქმნის. მეორე ნაბიჯი მყისიერი გადახდების სისტემის (IPS) დანერგვაა, რომელიც უკვე მოწინავე ეტაპზეა და რომელიც 24/7 რეჟიმში მყისიერ გადახდებს უზრუნველყოფს. მესამე მიმართულება კი რეგიონული თანამშრომლობაა - მიმდინარეობს დიალოგი რეგიონის ცენტრალურ ბანკებთან და პარტნიორებთან სტანდარტებისა და საგადამხდელო ინფრასტრუქტურების დაახლოების შესახებ.„როგორც RTGS და ქლირინგის ახალი სისტემები, ისე მყისიერი გადახდების სისტემა ISO 20022 სტანდარტს ეფუძნება. ეს ნიშნავს, რომ ჩვენ ვქმნით ინფრასტრუქტურას არა მხოლოდ შიდა საჭიროებებისთვის, არამედ სამომავლო ურთიერთთავსებადობის გათვალისწინებით. საბოლოო მიზანი მარტივია - ტრანსსასაზღვრო გადახდები უფრო გამჭვირვალე, პროგნოზირებადი და სწრაფი უნდა გახდეს, რაც ხელს შეუწყობს სავაჭრო პარტნიორ ქვეყნებთან მზარდ ეკონომიკურ კავშირებს“, - აღნიშნა ეკატერინე გალდავამ.სებ-ის ვიცე-პრეზიდენტმა ხაზი გაუსვა, რომ ურთიერთთავსებადობა მხოლოდ ტექნიკური საკითხი არაა და ამ პროცესში ცენტრალურ ბანკებთან ერთად კომერციული ბანკები, საგადახდო მომსახურების პროვაიდერები, ფინტექ კომპანიები და ინფრასტრუქტურის მიმწოდებლები უნდა იყვნენ ჩართული.ეკატერინე გალდავამ ასევე ისაუბრა შუა დერეფნის განვითარების ფონზე საქართველოს, როგორც რეგიონული ჰაბის, როლზე და აღნიშნა, რომ ფინანსური ინფრასტრუქტურა სატრანსპორტო, სავაჭრო და ლოგისტიკურ ინფრასტრუქტურასთან ერთად უნდა ვითარდებოდეს.ღონისძიებას, სახელწოდებით „კავკასიასა და თურქეთში საგადამხდელო სფეროს მომავლის ფორმირება“, დაესწრნენ პოლიტიკის შემქმნელები, ცენტრალური ბანკების, ფინანსური სექტორისა და საერთაშორისო საგადამხდელო ინდუსტრიის წარმომადგენლები.მონაწილეებმა განიხილეს გლობალური ფინანსური სისტემის ფრაგმენტაციის გამოწვევები, საგადამხდელო ინფრასტრუქტურის განახლების მიმდინარე პროცესები და რეგიონული პარტნიორობის გაღრმავების შესაძლებლობები.(R)

1789641000

მებაჟე ოფიცრების მიერ, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტოსატრანსპორტო საშუალებების დეტალური დათვალიერების შედეგად ჯამში - 594 გრამი ოქროს ნაკეთობები მათ შორის, ოქროს მონეტები და ზოდები აღმოაჩინეს.არადეკლარირებული საქონლის საერთო საბაჟო ღირებულებამ ჯამში 164 995 ლარი შეადგინა.4 კანონდამრღვევი მოქალაქის მიმართ საქმის მასალები ფინანსთა სამინისტროს საგამოძიებო სამსახურს გადაეცა ხოლო, 2 კანონდამრღვევ მოქალაქეს საქართველოს საბაჟო კოდექსის 168-ე მუხლის I ნაწილის შესაბამისად სანქციის სახით, ჯარიმა ჯამში - 16 250 ლარის ოდენობით შეეფარდა.

1789638528

ღონისძიება, სახელწოდებით „კავკასიასა და თურქეთში საგადამხდელო სფეროს მომავლის ფორმირება“ პოლიტიკის შემქმნელებს, ცენტრალური ბანკების, ფინანსური სექტორისა და საერთაშორისო საგადამხდელო ინდუსტრიის წარმომადგენლებს აერთიანებდა.ფორუმის ფარგლებში მონაწილეებმა გლობალური ფინანსური სისტემის მიმდინარე გამოწვევები, საგადამხდელო ინფრასტრუქტურის მოდერნიზაცია და რეგიონული თანამშრომლობის გაღრმავების შესაძლებლობები განიხილეს.საქართველოს ეროვნული ბანკის პრეზიდენტმა, ნათია თურნავამ ფორუმზე სიტყვით გამოსვლისას ყურადღება გაამახვილა გლობალური ეკონომიკის ფრაგმენტაციის პირობებში რეგიონული თანამშრომლობის მნიშვნელობაზე და აღნიშნა, რომ ფინანსური კავშირების გაძლიერება ეკონომიკური მდგრადობის ერთ-ერთი მნიშვნელოვანი წინაპირობაა.მისი თქმით, ცენტრალურ ბანკებს მნიშვნელოვანი როლი აქვთ ფინანსური სერვისების ინფრასტრუქტურის მოდერნიზებასა და რეგიონულ და საერთაშორისო პარტნიორებთან ურთიერთთავსებადობის გაძლიერებაში.„შუა დერეფანში მდებარე საქართველოსთვის რეგიონული თანამშრომლობის გაძლიერებას განსაკუთრებული მნიშვნელობა აქვს. ამ მარშრუტზე ვაჭრობის ზრდასთან ერთად, ბიზნესს სჭირდება ისეთი ფინანსური სერვისები, რომლებიც ტრანსსასაზღვრო გადახდების ეფექტიანად და საიმედოდ განხორციელების საშუალებას მისცემს“, - აღნიშნა ეროვნული ბანკის პრეზიდენტმა.ნათია თურნავამ ასევე ისაუბრა საქართველოს საგადამხდელო ინფრასტრუქტურის განვითარების მიმართულებით განხორციელებულ პროექტებზე. მისი განცხადებით, 2026 წელს საქართველოს ეროვნულმა ბანკმა დროის რეალურ რეჟიმში ანგარიშსწორებისა (RTGS) და ქლირინგის სისტემების სრულყოფილი მოდერნიზაცია დაასრულა.განახლებული ინფრასტრუქტურა სრულად შეესაბამება ISO 20022 საერთაშორისო სტანდარტს, რაც ხელს უწყობს უფრო სწრაფ, უსაფრთხო და საიმედო გადახდებს, მონაცემთა ხარისხის გაუმჯობესებასა და საერთაშორისო ურთიერთთავსებადობის გაძლიერებას.„ეს განახლება გზას უხსნის ინოვაციურ ციფრულ სერვისებს და მყისიერი გადახდების სისტემის (IPS) დანერგვას, რომლის ამოქმედებაც 2026 წლის ბოლოს იგეგმება. ჩვენი მიზანია, შევქმნათ უსაფრთხო, ეფექტიანი და ინოვაციური საგადამხდელო ინფრასტრუქტურა, რომელიც არა მხოლოდ ქვეყნის შიდა ეკონომიკის განვითარებას, არამედ უფრო ღრმა რეგიონულ ფინანსურ თანამშრომლობასაც შეუწყობს ხელს“, – განაცხადა ნათია თურნავამ.ფორუმში ასევე მონაწილეობდა საქართველოს ეროვნული ბანკის ვიცე-პრეზიდენტი ეკატერინე გალდავა, რომელმაც საქართველოს საგადამხდელო სისტემების განვითარების მოკლე, საშუალო და გრძელვადიან პრიორიტეტებზე ისაუბრა.პანელურ დისკუსიაზე „გადახდების მომავლის უზრუნველყოფა: მდგრადი და ურთიერთთავსებადი სისტემების შექმნა“ სებ-ის სპეციალიზებული რისკების დეპარტამენტის უფროსი ალექსანდრე ერგეშიძე წარსდგა.ეროვნული ბანკის ფინანსური და საზედამხედველო ტექნოლოგიების დეპარტამენტის უფროსმა ვარლამ ებანოიძემ კი მონაწილეობა მიიღო პანელურ დისკუსიაში - „მომავლის ინფრასტრუქტურა - 24/7 ციფრული გადახდები რეალურ დროში“, რომელიც შეეხებოდა ახალი ტექნოლოგიების, ციფრული აქტივების, ბლოკჩეინისა და თანამედროვე საგადახდო სისტემების ურთიერთთავსებადობის როლს მომავლის გადახდებში.(R)

1789637772

მთავრობის მეთაურის განმარტებით, „ნამოხვანჰესის“ პროექტის შეჩერება რამდენიმე წლის წინ განვითარებული „პირდაპირი საბოტაჟის“ შედეგი იყო, რომელშიც კონკრეტული წყაროებიდან დაფინანსებული არასამთავრობო ორგანიზაციები და ელექტროენერგიის იმპორტიორი კომპანიები მონაწილეობდნენ. კობახიძის თქმით, მაშინ სახელმწიფო უფრო სუსტი იყო, ხოლო უცხოური აგენტურა, ძლიერი, თუმცა დღეს ვითარება რადიკალურად განსხვავებულია და მსგავსი პროცესები ვეღარ განმეორდება.დავა აშშ-ის კოლუმბიის ოლქის სასამართლოს (მოსამართლე ამიტ პ. მეჰტა) 2026 წლის 11 სექტემბრის გადაწყვეტილებით გააქტიურდა. ვაშინგტონის ფედერალურმა სასამართლომ დაუშვა საერთაშორისო საარბიტრაჟო გადაწყვეტილების აღსრულება, რომლითაც საქართველოს კომპანია Enka Renewables LLC-სთვის $297 მლნ ძირითადი კომპენსაციის, $52.4 მლნ-მდე საგადასახადო კომპენსაციისა და დამატებითი პროცენტების (SOFR + 4%) გადახდა დაევალა. 2026 წლის მდგომარეობით, დარიცხული პროცენტის ჩათვლით, თანხა $400 მილიონს მნიშვნელოვნად აღემატება. იუსტიციის სამინისტროს ცნობით, სახელმწიფო აღნიშნული განაჩენის გასაჩივრებას გეგმავს.„ნამოხვანჰესის“ პროექტისა და საარბიტრაჟო დავის ქრონოლოგია: 2021 წლის 9 ივნისი - მაშინდელმა პრემიერ-მინისტრმა ირაკლი ღარიბაშვილმა განაცხადა, რომ 433 მეგავატის სიმძლავრისა და $800-მილიონიანი ინვესტიციის „ნამოხვანჰესის“ პროექტი არსებული სახით აღარ განხორციელდებოდა. 2021 წლის ოქტომბერი - თურქული ENKA-ს შვილობილმა Enka Renewables-მა, რომელსაც მოსამზადებელ სამუშაოებში $100 მილიონამდე უკვე ინვესტირებული ჰქონდა, სახელმწიფოსთან საინვესტიციო შეთანხმება ფორსმაჟორის მიზეზით შეწყვიტა და პირობების დარღვევის გამო საერთაშორისო არბიტრაჟს მიმართა. 2025-2026 წლები - პერიოდი, როდესაც პირველადი გეგმის მიხედვით ჰიდროელექტროსადგურის კასკადი ექსპლოატაციაში უნდა შესულიყო. 2026 წლის 11 სექტემბერი - აშშ-ის კოლუმბიის ოლქის სასამართლომ უარყო საქართველოს მცდელობა საარბიტრაჟო გადაწყვეტილების აღსრულების შეჩერებაზე და ცნო ტრიბუნალის გადაწყვეტილება ENKA-ს სასარგებლოდ $400 მლნ-ზე მეტი კომპენსაციის დაკისრების შესახებ. პრემიერ-მინისტრის თქმით, მიუხედავად შექმნილი ვითარებისა, ქვეყანას აქვს ამბიციური გეგმები, რაც 3 დიდი ჰესის, საშუალო და მცირე ჰესების, ასევე ქარისა და მზის სადგურების მშენებლობას ითვალისწინებს.

1789635519

რთველის საკოორდინაციო შტაბში ამ ეტაპზე 400-მდე ღვინის კომპანიაა დარეგისტრირებული, რომლებიც ყურძნის მიღების პროცესში ეტაპობრივად ჩაერთვებიან. მიმდინარე წელს კახეთში მოსავლის საპროგნოზო მაჩვენებელი 320 ათასი ტონის ფარგლებშია.რთველის ორგანიზებულად ჩატარებისა და მოსავლის სრულად რეალიზაციის მიზნით, საქართველოს მთავრობის გადაწყვეტილებით, ჭარბი მოსავლის შემთხვევაში, შპს „მოსავლის მართვის კომპანია“ ფიზიკური პირებისგან ყურძენს დადგენილი პირობებით ჩაიბარებს: საფერავი: კონდიციური და დაუზიანებელი (შაქრიანობა არანაკლებ 21%) - 1.50 ლარი; არაკონდიციური/ნაწილობრივ დაზიანებული (შაქრიანობა 17%-21%) - 0.90 ლარი; დაზიანებული ან 17%-ზე ნაკლები შაქრიანობის - 0.30 ლარი. სხვა ჯიშები: დაუზიანებელი (შაქრიანობა არანაკლებ 20%) 0 1.30 ლარი; შაქრიანობა 17%-20% - 0.80 ლარი; 17%-ზე ნაკლები შაქრიანობის - 0.30 ლარი. ყურძნის ჩაბარების პროცესს ქალაქ გურჯაანში განთავსებული რთველის საკოორდინაციო შტაბი უწევს კოორდინაციას. დაინტერესებულ პირებს ინფორმაციის მიღება ცხელი ხაზის ნომრებზე (1501 ან 032 2 19 37 18) შეუძლიათ.

1789634622

მისი თქმით, გასულ წელსაც მაღალი მოსავალი დაფიქსირდა, თუმცა წელს მაჩვენებელი რეკორდული იქნება.„წინასწარი პროგნოზით, წელს გვექნება რეკორდული მოსავალი, შარშანდელიც იყო ძალიან მაღალი მაჩვენებლით დასრულებული, თუმცა წელს იქნება აბსოლუტურად რეკორდული მაჩვენებელი. ამისთვის წინასწარ ვართ მომზადებული, მათ შორის სუბსიდირების ნაწილში“, – განაცხადა კობახიძემ.პრემიერის განცხადებით, რთველის ორგანიზებაზე გარემოს დაცვისა და სოფლის მეურნეობის სამინისტრო მუშაობს და შესაბამისი მოსამზადებელი სამუშაოები უკვე ჩატარებულია.

1789632052

· რაგბის მსოფლიო ჩემპიონატი ავსტრალიაში, კაცებს შორის 2027, ქალებს შორის კი 2029 წელს გაიმართება. Visa ჩემპიონატების მთავარი და საგადახდო ტექნოლოგიის სფეროში ოფიციალური პარტნიორი იქნება.· ბილეთების შესაძენად 48-საათიანი პრიორიტეტული ფანჯარა 2026 წლის 28 სექტემბრის 12:00-დან (თბილისის დროით 06:00) 30 სექტემბრამდე იქნება ღია. დარჩენილი ბილეთების გაყიდვა გახსნით მატჩამდე ერთი წლით ადრე, 2026 წლის 1-ელ ოქტომბერს დაიწყება.· ორივე ტურნირის მიმდინარეობისას, Visa გულშემატკივრებს საუკეთესო გამოცდილების მიღებაში დაეხმარება როგორც სტადიონებზე, ისე მათ მიღმა.„მსოფლიო რაგბის“ განცხადების მიხედვით, ავსტრალიაში გასამართ 2027 და 2029 წლის რაგბის მსოფლიო ჩემპიონატების მთავარი პარტნიორი და საგადახდო ტექნოლოგიების სფეროში ოფიციალური პარტნიორი Visa იქნება.ამ ტიპის გლობალური თანამშრომლობა ცხადყოფს, რომ რაგბის მსოფლიო ჩემპიონატი ამბიციური, მზარდი პროექტია, Visa კი მსოფლიოში პოპულარული სპორტისა და გულშემატკივრების მხარდამჭერად რჩება.თანამშრომლობის აღსანიშნავად, „მსოფლიო რაგბი“ და Visa, გულშემატკივრებს მსოფლიოს მასშტაბით 48-საათიან პრიორიტეტულ ფანჯარას გაუხსნიან. 2026 წლის 28 სექტემბრის 12:00-დან (თბილისის დროით 06:00) 30 სექტემბრის 12:00-მდე (თბილისის დროით 06:00) Visa-ს შესაბამისი ბარათის მფლობელებს 52 მატჩის ბილეთების შეძენა და სასურველი ადგილების არჩევა ინტერაქციული რუკის მეშვეობით შეეძლებათ[1]. პრიორიტეტული ფანჯრის დახურვის შემდეგ, დარჩენილი ბილეთები ხელმისაწვდომი გახდება 2027 წლის რაგბის მსოფლიო კაცთა ჩემპიონატის გახსნით მატჩამდე ზუსტად ერთი წლით ადრე, 2026 წლის 1 ოქტომბრიდან.Visa, როგორც მთავარი პარტნიორი, მნიშვნელოვან წვლილს შეიტანს გულშემატკივართა გამოცდილების გაუმჯობესებაში. 2027 წელს ავსტრალიაში ჩატარდება რაგბის მსოფლიო ჩემპიონატი კაცებს შორის, 2029 წელს კი ქვეყანა ქალთა რაგბის მსოფლიო ჩემპიონატს უმასპინძლებს. Visa, რომლისთვისაც როგორც კაცთა, ისე ქალთა სპორტის განვითარება თანაბრად მნიშვნელოვანია, გულშემატკივრებს უსაფრთხო საგადახდო სისტემასა და სხვადასხვა ექსკლუზიურ, პრემიუმ გამოცდილებას შესთავაზებს.თითოეული მატჩის საუკეთესო მოთამაშეს Visa-ს პრიზი გადაეცემა. ამით მსოფლიო ჩემპიონატის განსაკუთრებული მონაწილეები წარმოჩინდებიან და გულშემატკივრების გამოცდილება გაუმჯობესდება.„გვიხარია, რომ Visa რაგბის მსოფლიო ჩემპიონატის ოჯახს დაუბრუნდა და მომდევნო ორი ტურნირის განმავლობაში მთავარი პარტნიორი იქნება. Visa-სთან თანამშრომლობა ხაზს უსვამს ამ ღონისძიებების მნიშვნელობას, ასევე აჩვენებს საერთო სურვილს, შევქმნათ ინოვაციური, გამორჩეული, დაუვიწყარი და ყველასთვის ხელმისაწვდომი გამოცდილება.ორივე ტურნირის მხარდაჭერა ნათლად მიუთითებს რომ არსებობს რწმენა როგორც ზოგადად რაგბის მომავლის, ისე კაცებისა და ქალთა სპორტის მიმართ. ჩვენი თანამშრომლობის ფარგლებში, Visa-ს შესაბამისი ბარათის მფლობელები ექსკლუზიურ შეთავაზებებს მიიღებენ; Visa-ს ტექნოლოგია და გამოცდილება კი გულშემატკივართა თავგადასავალს კიდევ უფრო გააუმჯობესებს“. - „მსოფლიო რაგბის“ კომერციული დირექტორი, მიშელ პუსო.„რაგბის მსოფლიო ჩემპიონატი არის მოვლენა, რომელიც ყველას იზიდავს. გულშემატკივრები მხოლოდ მატჩების ყურებით კი არ კმაყოფილდებიან, მათზე დასასწრებად მოგზაურობენ ისეთი გამოცდილების მისაღებად, რაც სტადიონის ფარგლებს ცდება.უახლესი მონაცემების მიხედვით, იმ ქალაქებში, სადაც მნიშვნელოვანი სპორტული ღონისძიებები გაიმართა, Visa-ს საერთაშორისო ტრანზაქციების რაოდენობა, წინა წლის მაჩვენებელთან შედარებით თითქმის 20%-ით გაიზარდა. 2027 და 2029 წლის მსოფლიო ჩემპიონატების მიმდინარეობისას გულშემატკივრებს შევთავაზებთ შეუფერხებელ საგადახდო გამოცდილებას, რათა მთელი ყურადღება მნიშვნელოვანი მომენტებისადმი მიმართონ. ამგვარად შევქმნით ახალ შესაძლებლობებს, ხელს შევუწყობთ ადამიანებსა და ბიზნესს“. — Visa-ს რეგიონული პრეზიდენტი აზია-წყნარი ოკეანის რეგიონში, სტივენ კარპინი.ეს პარტნიორობა კიდევ უფრო გააძლიერებს 2027 და 2029 წლების რაგბის მსოფლიო ჩემპიონატების კომერციულ პლატფორმას. პლანეტის საუკეთესო კაცი და ქალი მოთამაშეები ავსტრალიას ეწვევიან, ახალ აუდიტორიას მოიზიდავენ და სპორტის, მათ შორის ქალთა რაგბის განვითარებაში შეიტანენ წვლილს. 2027 წლის რაგბის მსოფლიო კაცთა ჩემპიონატირაგბის მსოფლიო კაცთა ჩემპიონატი არის რაგბის მთავარი მოვლენა, რომელში მონაწილეობაც საუკეთესო გუნდებს ყოველ ოთხ წელიწადში შეუძლიათ. 2027 წლის 1 ოქტომბრიდან 13 ნოემბრამდე, ექვსი კვირის განმავლობაში, ავსტრალია რაგბის საერთაშორისო ფესტივალის მასპინძელი იქნება. რაგბის ახალი ერა ნაყოფიერი იქნება ავსტრალიისთვის, ოკეანეთისთვისა და სპორტის ამ სახეობის განვითარებისთვის.ავსტრალიაში გასამართ ტურნირში 24 საუკეთესო ნაკრები მიიღებს მონაწილეობას. ეს ღონისძიება ხელს შეუწყობს რაგბის, როგორც უფრო ხელმისაწვდომი, ინკლუზიური, საინტერესო სახეობის გავრცელებას, რითაც მისი გულშემატკივართა რიცხვი და საერთაშორისო პოპულარობა გაიზრდება. ტურნირის მთლიანი შემოსავალი რეინვესტიციის სახით სპორტის განვითარებისთვის დაიხარჯება და მოხმარდება „მსოფლიო რაგბის“ მზარდ ამბიციებს, 135-ზე მეტ წევრ ქვეყანასა და ექვს რეგიონულ ასოციაციას.2029 წლის რაგბის მსოფლიო ქალთა ჩემპიონატი2029 წელს რაგბის მსოფლიო ქალთა ჩემპიონატი მეთერთმეტედ ჩატარდება. ავსტრალია ამ ღონისძიებას პირველად უმასპინძლებს. 16 საუკეთესო ნაკრები ექვსი კვირის განმავლობაში ქალთა რაგბისა და ავსტრალიური კულტურის ზეიმში იქნება ჩართული.წარმატებული 2025 წლის ტურნირის კვალდაკვალ, ჩემპიონატის მიზანია სპორტის განვითარება, ადამიანების გაერთიანება და მოთამაშეებისა და გულშემატკივრების ახალი თაობის დაინტერესება. პარალელურად კი ავსტრალიისა და წყნარი ოკეანის რეგიონისთვის გრძელვადიანი სოციალური, სპორტული და ეკონომიკური სარგებლის მოტანა.Visa-ს შესახებVisa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე Visa.com.ge.

1789631683