რუსეთის პატრიარქის ავტომობილი ავარიაში მოჰყვა

სილქ ბანკის სესხების  წლიური ზრდა 104%-ია. მ.შ. საცალო დაკრედიტება, იანვარ-აპრილის სტატისტიკით,  2.3 -ჯერ არის მომატებული, 44 მლნ ლარამდე (L/Y – 19.5 მლნ. + 126%Y.Y).მთლიანი პორტფელი, 1 მაისისთვის, 131 მლნ ლარს აღემატება (L/ Y 64.4 მლნ. +104%Y.Y).ამასთან, ლარში დაკრედიტება სავალუტოზე მზარდია.  სასესხო პორტფელის დოლარიზაციის კოეფიციენტი 33.6%-ია (01.05.2024 – 40.6%). რაც ბანკს სარეზერვო მოთხოვნასაც უმცირებს. როგორც იცით, 40%-ზე ნაკლებ დოლარიზებული პორტფელისთვის სარეზერვო ნორმა მინიმალურია.წლიურად გაზრდილია ბანკის ზარალი. სილქმა  იანვარ-აპრილი 7 მლნ ლარზე მეტი ზარალით დასრულა (L:/Y – 2.5 მლნ).

1748450894

BOG, კაპიტალზე 32.4% უკუგებით, 1 მაისისთვის (01.05.2025) ბაზარზე №1-ია.იანვარ-აპრილის ანგარიშით, ბანკი ლიდერია  ფიზიკური პირების ანაბრებით (15.1 მლრდ). საცალო დეპოზიტების პორტფელი წლიური ზრდა 50%-ს აღემატება (01.05.2024 – 9.5 მლრდ. + 52%Y.Y)სისტემურმა ბანკმა 2025-ის 4 თვე 520 მლნ ლარის მოგებით დაასრულა და 50%-იანი წილით მომგებიან ბანკებში (11) №1-ია (01.05.2024  - (13) 50.5%/₾475.4 მლრდ)

1748448354

სების ცნობით, კონფერენციაზე, სახელწოდებით „ნდობიდან მჭიდრო თანამშრომლობამდე“ მსოფლიოს 30-მდე ქვეყნის 300-ზე მეტი სტუმარი მიიღებს მონაწილეობას. მათ შორის, ბელგიის, ისლანდიის, რუმინეთის, ბულგარეთის, უნგრეთის, მონტენეგროს, აზერბაიჯანის, თურქეთის, სომხეთის, ისრაელის, ინდოეთის, საუდის არაბეთისა და სხვა ქვეყნების ცენტრალური ბანკების ხელმძღვანელი პირები, საქართველოს მთავრობისა და პარლამენტის წევრები. მოწვეულ სტუმრებს შორის ასევე არიან საერთაშორისო საფინანსო ინსტიტუტების - შავი ზღვის ვაჭრობისა და განვითარების ბანკის, აზიის განვითარების ბანკის, მსოფლიო ბანკის და საერთაშორისო სავალუტო ფონდის, ასევე მსხვილი საერთაშორისო კომპანიების - Gojo & Company, Ant International-ის, The Global Finance & Technology Network-ის, ასევე საქართველოს საფინანსო სექტორისა და ბიზნესასოციაციების წარმომადგენლები.კონფერენციაზე შეკრებილ სტუმრებს სიტყვით მიმართავენ სორბონის უნივერსიტეტისა და კოლუმბიის უნივერსიტეტის პროფესორები, ბრეტონ ვუდსის ახალი კომიტეტისა და სხვა ცნობილი ორგანიზაციების წარმომადგენლები და ასევე ფინანსური სექტორის მაღალი რანგის ექსპერტები.კონფერენციას გახსნის საქართველოს ეროვნული ბანკის პრეზიდენტი ნათია თურნავა. მონაწილეებს სიტყვით მიმართავს კოლუმბიის უნივერსიტეტის პროფესორი ჯეფრი საქსი.პანელური დისკუსიების ფარგლებში მონაწილეები იმსჯელებენ ისეთ თემებზე, როგორებიცაა გლობალური ფინანსური სისტემა და მონეტარული პოლიტიკა, რეგიონული თანამშრომლობის ინიციატივები ფინანსური სექტორის განსავითარებლად, ახალი გამოწვევები და ცენტრალური ბანკების როლი რეგიონული თანამშრომლობის განვითარებასა და სხვა.აღსანიშნავია, რომ ლარის საიუბილეო წლის განმავლობაში ეროვნული ბანკი სხვადასხვა აქტივობებს გამართავს. დაგეგმილია ლარი 30-ის საკოლექციო ოქროს, ვერცხლისა და სპილენძ-ნიკელის მონეტების პრეზენტაცია და რეალიზაცია, საკოლექციო დანიშნულების ბანკნოტისა და მარკის გამოშვება. გარდა ამისა, გამოიცემა სებ-ის განახლებული სამეცნიერო-ანალიტიკური ჟურნალი, ქართული ფულისა და ლარის კატალოგები. მთელი წლის განმავლობაში ქვეყნის მასშტაბით ასევე ჩატარდება სხვადასხვა საგანმანათლებლო და სამეცნიერო აქტივობები.ლარი ქვეყნის ეროვნულ ვალუტად 1995 წლის 25 სექტემბრიდან შემოიღეს, ხოლო ამავე წლის 2 ოქტომბრიდან ქვეყნის მთელ ტერიტორიაზე ერთადერთ კანონიერ საგადამხდელო საშუალებად გამოცხადდა. სიტყვა „ლარი“ ძველი ქართული სიტყვაა და ნიშნავს განძს, ქონებას, ხოლო, „თეთრი“ XIII საუკუნიდან დამკვიდრებული ქართული სამონეტო ტერმინია.

1748438646

პროგრამის მიზანია, კაპიტალის ბაზარზე კორპორატიული ემიტენტების აქტივობის ზრდის ხელშეწყობა, საჭირო ხარჯების თანადაფინანსებისა და კაპიტალის ბაზრებთან დაკავშირებული ცოდნის გაზიარების გზით.პროექტის სტრატეგიულ მიზნებს შორისაა: საგანმანათლებლო მექანიზმის შემუშავება, რომელიც ხელს შეუწყობს კაპიტალის ბაზრების შესახებ ცნობიერების ამაღლებას; წამახალისებელი მექანიზმის შემუშავება, რომელიც შერჩეულ კომპანიებს კაპიტალის ბაზარზე წვდომაში დაეხმარება; თანადაფინანსების მექანიზმის დანერგვა: შერჩეული კომპანიებისთვის კაპიტალის ბაზარზე გასვლასთან დაკავშირებული ხარჯების თანადაფინანსება. “გალტ & თაგარტისთვის საამაყოა, რომ გვაქვს შესაძლებლობა, რეგიონის მასშტაბით კაპიტალის ბაზრების განვითარებაში ჩვენი წვლილი შევიტანოთ. მსგავსი ინიციატივა უკვე წარმატებით დავნერგეთ საქართველოში და მოხარული ვართ, რომ ამჯერად გამოცდილებას სომხეთის ბაზარს ვუზიარებთ. ეს პროგრამა მნიშვნელოვანი წინგადადგმული ნაბიჯია სომხური კომპანიებისთვის, რათა გაზარდონ  საჭირო კაპიტალზე ხელმისაწვდომობა. გვჯერა, რომ მნიშვნელოვან წვლილს შევიტანთ სომხეთში კაპიტალის ბაზრის ეკოსისტემის გაძლიერებაში, რაც საბოლოოდ ქვეყანაში მდგრად ეკონომიკურ ზრდას შეუწყობს ხელს", - აცხადებს თამთა გორგაძე, გალტ & თაგარტის საკონსულტაციო სამსახურის უფროსი.

1748438170

“რუსეთის მიერ უკრაინის წინააღმდეგ წარმოებული აგრესიის ფონზე, სტრატეგია ასევე გააძლიერებს ევროკავშირის, როგორც შავი ზღვის რეგიონში საიმედო აქტორის, გეოპოლიტიკურ როლს. ევროკავშირი უფრო მჭიდრო თანამშრომლობას დაამყარებს უკრაინასთან, მოლდოვას რესპუბლიკასთან, საქართველოსთან, თურქეთთან, სომხეთთან და აზერბაიჯანთან და წინ წაწევს რეგიონულ თანამშრომლობას დაკავშირებულობის სფეროში”, - აღნიშნულია ინფორმაციაში.პრესრელიზში ხაზგასმულია, რომ ამ ქვეყნებიდან რამდენიმემ აირჩია ევროკავშირში გაწევრიანების ან ევროკავშირთან უფრო მჭიდრო დაახლოების გზა.„დღევანდელი სტრატეგია მიზნად ისახავს შავი ზღვის პარტნიორებისა და ევროკავშირისთვის ხელშესახები სარგებლის მოტანას ურთიერთსასარგებლო პარტნიორობის გაღრმავებისა და მასში ინვესტირების გზით“, - აღნიშნულია ინფორმაციაში.ევროკომისიაში განმარტავენ, რომ შავი ზღვის რეგიონთან მომავალი თანამშრომლობა სამ საკითხს ეყრდნობა: უსაფრთხოების, სტაბილურობისა და მდგრადობის გაძლიერებას; მდგრადი ზრდისა და კეთილდღეობის ხელშეწყობას; გარემოს დაცვის, კლიმატის ცვლილებისადმი მდგრადობისა და მზადყოფნის ხელშეწყობას და სამოქალაქო დაცვას. თითოეული საყრდენის ფარგლებში კი ევროკავშირი სამ ინიციატივას განახორციელებს, რათა გამოავლინოს რეგიონის ზრდის პოტენციალი და ამავდროულად, გაუმკლავდეს კონფლიქტისა და უსაფრთხოების დაუყოვნებლივ გამოწვევებს.„შავი ზღვის საზღვაო უსაფრთხოება და შავი ზღვის საზღვაო უსაფრთხოების ცენტრის შექმნა გააძლიერებს საზღვაო უსაფრთხოებას, დაიცავს კრიტიკულ საზღვაო ინფრასტრუქტურას და საზღვაო გარემოს. ის ასევე გააძლიერებს რეგიონულ თანამშრომლობას განაღმვის საკითხებში და გაუმკლავდება გარემოსა და საზღვაო უსაფრთხოების რისკებს. გაფართოებულ ტრანსევროპულ ქსელებთან შესაბამისობაში მყოფი სპეციალური დაკავშირებულობის დღის წესრიგი განავითარებს სატრანსპორტო, ენერგეტიკულ და ციფრულ ქსელებს, რათა გამოიყენოს შავი ზღვის რეგიონის, როგორც სასიცოცხლოდ მნიშვნელოვანი დერეფნის პოტენციალი, რომელიც სამხრეთ კავკასიის გავლით ევროპას ცენტრალურ აზიასთან აკავშირებს, რაც ხელს შეუწყობს ეკონომიკურ ზრდას და კონკურენტუნარიანობას; გაძლიერდება სანაპირო თემებისა და ლურჯი ეკონომიკის სექტორების მზადყოფნა, რათა შავი ზღვის ქვეყნებმა შეძლონ ომთან დაკავშირებული გარემოსდაცვითი ზიანის დაძლევა, კლიმატის ცვლილებასთან დაკავშირებული რისკების მოგვარება და მდგრადი ზრდის შესაძლებლობების გამოყენება“, - აღნიშნულია ინფორმაციაში.IPN

1748435415

29 მაისს, 19:00 საათზე, ჭავჭავაძის SOLO ლაუნჯში SOLO მომხმარებლებისთვის გაიმართება შეხვედრა თამთა ჯიჯავაძესა და ნათია მშვიდობაძესთან, სადაც სპიკერები ბავშვებისთვის საჭირო ფინანსური ჩვევების მნიშვნელობასა და მათ განვითარებაზე ისაუბრებენ.შეხვედრაზე დასწრება SOLO მომხმარებლებს შეუძლიათ. ამისათვის, მათ უნდა გაიარონ რეგისტრაცია ბმულზე.ტრენინგი მიზნად ისახავს, მშობლებს გაუზიაროს საჭირო ცოდნა და უნარები, რომლებიც მათ შვილებისთვის ფინანსური განათლების მიცემაში დაეხმარებათ. მათ შორის, ხელს შეუწყობს მშობლებს,  გაიგონ: როგორ აუხსნან ბავშვებს ფინანსური კონცეფციები, ესაუბრონ მარტივად, წაახალისონ მათში პასუხისმგებლობიანი ქცევა და ჩამოუყალიბონ მომავლისთვის გამოსადეგი ჩვევები.სპიკერები შეეხებიან ისეთ თემებს, როგორებიცაა: ბიუჯეტირება, დანაზოგების დაგეგმვა, გონივრული ხარჯვა, იმპულსური შენაძენების თავიდან აცილება და სხვა მნიშვნელოვანი ფინანსური პრინციპები.ინფორმაციისთვის, თამთა ჯიჯავაძე ბიზნესგამოცემა bm.ge-ის რედაქტორი, ჟურნალისტი და ტრენერია. მას აქვს მრავალწლიანი გამოცდილება სასკოლო და არაფორმალური განათლების მიმართულებით. ხოლო, ნათია მშვიდობაძე სტრატეგიული მენეჯერი და ანალიტიკოსია, რომელიც ატარებს ტრენინგებს ეკონომიკის მასწავლებლებისთვის და არის არასამეწარმეო ფინანსების მოწვეული ლექტორი უნივერსიტეტში.ღონისძიების შესახებ დეტალური ინფორმაციის მისაღებად ეწვიეთ ვებგვერდს. 

1748432848

GBC ბიძინა ივანიშვილის განცხადებას სრულად გთავაზობთ: "დღეს გავრცელდა საქართველოში აშშ-ს საელჩოს განცხადება იმასთან დაკავშირებით, რომ მე 22 მაისს უარი განვაცხადე ამერიკის ელჩთან შეხვედრაზე, სადაც „ტრამპის ადმინისტრაციის" გზავნილი უნდა მომესმინა. ეს განცხადება ჩემთვის გაუგებარია, რადგან საელჩომ ძალზე კარგად იცის ყველა დეტალი, რომელიც ამ საკითხთან არის დაკავშირებული.ვადასტურებ, რომ რამდენიმე დღის წინ საქართველოს პრემიერ-მინისტრთან და ხელისუფლების სხვა თანამდებობის პირებთან ნამდვილად შედგა საელჩოს კომუნიკაცია შეხვედრასთან დაკავშირებით. ამერიკის ელჩმა საქართველოს პრემიერ-მინისტრს შეატყობინა, რომ მას სურდა ჩემთან შეხვედრა და „მდივან რუბიოს გზავნილის გადაცემა", რასთან დაკავშირებითაც მე ღრმა პატივისცემა გამოვხატე, თუმცა, შეხვედრაზე უარი განვაცხადე.ამერიკულ მხარესთან შეხვედრებზე უარის მიზეზი ადრეც საჯაროდ განვმარტე და ის კვლავაც უცვლელია. გავიხსენებ, რომ პირადი შანტაჟის პირობებში, შარშან ბატონ ო'ბრაიენსაც ვუთხარი უარი შეხვედრაზე, როდესაც ჩემს მიმართ ჯერ მხოლოდ არაფორმალური სანქციები მოქმედებდა. შეხვედრის შეთავაზება მანამდეც რამდენჯერმე მივიღე და მაშინაც იგივე მიზეზით ვთქვი უარი, რაც წინა ადმინისტრაციას არაერთხელ წერილობითაც განვუმარტე.წინა ადმინისტრაციის დროიდან მოყოლებული, ამერიკულმა მხარემ დამიწესა ჯერ არაფორმალური და შემდეგ, ფორმალური სანქციები. (ჩემს მიმართ არაფორმალური სანქციები ძალზე უხეში ფორმით მოქმედებს. მაგალითად, შვეიცარიული ბანკი „იულიუს ბერი" ჩემს მიერ სასამართლოს გზით მოგებულ თანხას, რომელიც არავითარ ფორმალურ სანქციას არ ექვემდებარება, სრულიად თავხედურად არ მიბრუნებს, რაშიც ამერიკელი ადვოკატებიც არიან ჩართული.)ამგვარი პირადი შანტაჟის ფონზე, ჩემთვის ელჩთან შეხვედრა და სახელმწიფო საქმეებზე საუბარი არასწორად მიმაჩნია. ასეთ დროს, აუცილებლად მექნება კომპლექსი, რომ გადაწყვეტილებას სახელმწიფო საკითხებთან დაკავშირებით ჩემი პირადი ინტერესების საპირწონედ ვიღებ, რაც ჩემთვის პრინციპულად მიუღებელია. ეს კომპლექსი მაშინაც კი დამრჩება, როდესაც მექნება, თუნდაც, განცდა, რომ შეთანხმება ორივე მხარისთვის სასარგებლო შეიძლება იყოს. ამასთან, ეს კომპლექსი აუცილებლად დამრჩება არა მხოლოდ ჩემს თავთან, არამედ გუნდთანაც და საზოგადოებასთანაც.ხაზგასმით მინდა აღვნიშნო, რომ ჩემი პირადი ინტერესი სახელმწიფო ინტერესებზე მაღლა არ დამიყენებია არც 2012 წელს და არც 10 წლის შემდეგ - 2022 წელს, როდესაც, სწორედ სახელმწიფო ინტერესების სასარგებლოდ, ჩემი პირადი ინტერესები უდიდესი რისკის ქვეშ დავაყენე.გავიხსენებ იმასაც, რომ როდესაც გასული წლის შემოდგომაზე, არაფორმალური სანქციების მოქმედება მცირე დროით შეჩერდა და გარკვეული თანხები გათავისუფლდა, მე თავადვე შევთავაზე ამერიკის ელჩს შეხვედრა, რაზეც ის თავდაპირველად დამთანხმდა, თუმცა, შეხვედრა ჯერ რამდენჯერმე გადადო, ხოლო შემდეგ მასზე საერთოდ უარი განაცხადა.იმდენად ვარ დაინტერესებული ქართულ-ამერიკული ურთიერთობების გადატვირთვით, ამერიკულ მხარეს ისიც კი ვაცნობე, რომ მზად ვიყავი, დაბლოკილი თანხა არა პირადი მიზნებით, არამედ მათ მიერ ნაკარნახევი ნებისმიერი დანიშნულებით დამეხარჯა, რამეთუ ფული არც მანამდე და არც ახლა არ არის ჩემი ინტერესი. მკაფიოდ განვმარტე, რომ დაბლოკილი თანხა მიქმნის ერთი მხრივ კომპლექსს, მეორე მხრივ კი განცდას, რომ შანტაჟის ქვეშ რაიმე გადაწყვეტილება არ მივიღო. თუმცა, ამაზე არავითარი პასუხი არ მიმიღია. შესაბამისად, ჩემთვის ცხადი გახდა, რომ ბაიდენის ადმინისტრაციას არა ჩემი თანხა, არამედ მხოლოდ ამ თანხით შანტაჟი აინტერესებდა.აქვე მინდა დავაზუსტო, რომ უართან ერთად, ელჩს საქართველოს პრემიერ-მინისტრთან შეხვედრა შევთავაზეთ. პრემიერ-მინისტრი არ არის არც ფორმალური და არც არაფორმალური სანქციების ქვეშ და შესაბამისად, მას პირად შანტაჟთან დაკავშირებული ვერავითარი კომპლექსი ვერ ექნება. თუმცა, ელჩმა ამაზე უარი განაცხადა, რაც გვიმყარებს რწმენას, რომ ისინი სწორედ პერსონალურ შანტაჟს განიხილავენ წამყვან ფაქტორად ქართული მხარის მიერ სახელმწიფო ინტერესებთან დაკავშირებული პოტენციური გადაწყვეტილების მიღებისას.შეიძლება მათ თქვან, რომ მე, როგორც მმართველი პარტიის დამფუძნებელს და საპატიო თავმჯდომარეს, მაქვს განსაკუთრებული გავლენა გადაწყვეტილებების მიღებაზე. თუმცა, ამასთან დაკავშირებით, მინდა დაგარწმუნოთ, რომ მმართველ პარტიაში არცერთი პრინციპული გადაწყვეტილება არ მიიღება გუნდის და მით უმეტეს, პრემიერ-მინისტრის ჩართულობის გარეშე. აქედან გამომდინარე, მხოლოდ ჩემთან შეხვედრის მოთხოვნას აქვს ერთადერთი ახსნა, რომ ამგვარ შეხვედრას მხოლოდ პირადი შანტაჟის ფონზე აქვს ფასი.იმედი მაქვს, ამერიკის საელჩო დადებითად უპასუხებს საქართველოს მთავრობის შეთავაზებას ქართულ-ამერიკული სტრატეგიული პარტნიორობის სუფთა ფურცლიდან და კონკრეტული გზამკვლევით განახლების შესახებ. საქართველოს ხელისუფლების თითოეული ლიდერი გამოთქვამს სრულ მზადყოფნას, ამერიკული მხარის რეალური დაინტერესების შემთხვევაში, აქტიურად ჩაერთოს ქართულ-ამერიკული ურთიერთობების გადატვირთვის პროცესში".ინფორმაციისთვის, აშშ–ის საელჩომ საქართველოში ოთხშაბათს გაავრცელა განცხადება „ქართული ოცნების“ საპატიო თავმჯდომარესთან ბიძინა ივანიშვილთან კომუნიკაციის უშედეგო მცდელობის შესახებ. საელჩოში იმედს გამოთქვამენ, რომ საქართველოს მთავრობას „გულწრფელად სურს ამერიკასთან და ამერიკელ ხალხთან 33 წლიან პარტნიორობასა და მეგობრობას დაუბრუნდეს“.

1748432148

საქართველოში ეს იქნება რიგით მეორე ლაუნჯი, რომელშიც თიბისი კონცეპტის მომხმარებლებს კომფორტული მგზავრობისთვის საჭირო ყველა შესაძლებლობა დახვდებათ: სასიამოვნო გარემო, საკვებისა და სასმლის მრავალფეროვანი არჩევანი, მცირე ბიბლიოთეკა, ჟურნალ-გაზეთები, სწრაფი ინტერნეტი, ფრენების შესახებ ინფორმაციაზე წვდომა და სხვა.„თიბისი კონცეპტის მომხმარებლებისთვის ერთ-ერთი საყვარელი აქტივობა მოგზაურობაა, ამიტომ მუდმივად ვცდილობთ ეს პროცესი მათთვის უფრო მარტივი და სასიამოვნო გავხადოთ. პირველი კონცეპტ ლაუნჯი 3 წლის წინ, თბილისის აეროპორტში გავხსენით, სადაც ამ დროისათვის, 100 000-ზე მეტმა მომხმარებელმა მიიღო გამორჩეული გამოცდილება. გვიხარია, რომ თიბისი კონცეპტის მომხმარებლები იგივე შესაძლებლობებით სარგებლობას  მალე ქუთაისის აეროპორტშიც შეძლებენ“, - ნატა ხურციძე, თიბისის პერსონალური საბანკო მომსახურების ხელმძღვანელი.ქუთაისის საერთაშორისო აეროპორტის მგზავრებს, რომლებიც Visa-ს პრემიული კატეგორიის ბარათების მფლობელები არიან, ლაუნჯით სარგებლობა წინასწარ განსაზღვრული რაოდენობით უფასოდ შეეძლებათ.ქვეყნის ტერიტორიაზე ახალი სამოგზაურო სივრცის გახსნა თიბისის კიდევ ერთი ნაბიჯით დააახლოებს საკუთარ მისიასთან — გაუმარტივოს ადამიანებს ცხოვრება; უფრო მეტი ადამიანისთვის შექმნას მაღალი ხარისხის გამოცდილება, რომელიც მათ სურვილებთან, საჭიროებებთან და ცხოვრების წესთან იქნება თანხვედრაში.ამ ეტაპზე, თბილისის გარდა, თიბისი კონცეპტის მომხმარებლებს სამოგზაურო ლაუნჯებით სარგებლობის შესაძლებლობა, მსოფლიო მასშტაბით, 1200-ზე მეტ აეროპორტში აქვთ.

1748431248