სტარმერი ბრიტანეთის პრემიერის პოსტს ტოვებს

შეხვედრა ცენტრალური საარჩევნო კომისიის თავმჯდომარემ გახსნა და არჩევნების მნიშვნელობაზე, საარჩევნო პროცესებში ახალგაზრდების აქტიური ჩართულობისა და ინფორმირების აუცილებლობაზე ისაუბრა. გიორგი კალანდარიშვილმა ასევე დეტალურად ისაუბრა არჩევნების ისტორიაზე, ამომრჩევლის როლზე და საარჩევნო უფლებაზე, საარჩევნო ელექტრონული ტექნოლოგიების უპირატესობებზე, ასევე დეზინფორმაციის გავლენებზე და შედეგებზე საარჩევნო პროცესში.„როგორც მოსალოდნელი იყო შეხვედრა განსაკუთრებული ჩართულობით გამოირჩეოდა. განვიხილეთ ყველა ის მნიშვნელოვანი საარჩევნო საკითხი, რომელიც უკავშირდება ტექნოლოგიების ინტერვენციას, ვისაუბრეთ ისეთ გამოწვევებზე, როგორიცაა დეზინფორმაცია და მასთან გამკლავების გზები, ვისაუბრეთ ახალგაზრდების ჩართულობაზე იმ საარჩევნო პროექტებში რომელსაც საარჩევნო ადმინისტრაცია პერიოდულად ახორციელებს. რა თქმა უნდა, ასეთი ტიპის შეხვედრები მომავალშიც გაგრძელდება, როგორც ახალგაზრდობის სააგენტოსთან თანამშრომლობით, ასევე სხვადასხვა პროექტების ფარგლებში, რომელიც უპასუხებს იმ სტრატეგიულ მიზნებს, რომელსაც ადმინისტრაცია ახალგაზრდების საარჩევნო პროცესში ჩართულობის მიმართულებით ახორციელებს", - განაცხადა გიორგი კალანდარიშვილმა შეხვედრის დასრულების შემდეგ.დეზინფორმაციის გავლენაზე საარჩევნო პროცესში და მის შედეგებზე, ასევე ამ საკითხთან დაკავშირებით საარჩევნო ადმინისტრაციის სტრატეგიაზე შეხვედრის მონაწილეებს ცესკოს პრეს-სპიკერი ესაუბრა. ნათია იოსელიანმა დეტალურად განმარტა, თუ რა საშუალებებს იყენებს საარჩევნო ადმინისტრაცია ამომრჩევლებისთვის სანდო ინფორმაციის მისაწოდებლად.ხელვაჩაურში გამართულ შეხვედრას ასევე ესწრებოდა ხელვაჩაურის საოლქო საარჩევნო კომისიის თავმჯდომარე ომარ ვარშანიძე.შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში გაიმართა.(R)

1782121064

კერძოდ, Lion Finance Group-ის (BGEO LN) აქციები დაიხურა 114.40 ბრიტანულ ფუნტ სტერლინგში (GBP), +3.53% წინა კვირასთან შედარებით და +5.44% გასულ თვესთან შედარებით. ვაჭრობის მოცულობამ 331 ათას აქციაზე მეტი შეადგინა, GBP 110.50 - 115.90 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 55 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 45.30 ბრიტანულ ფუნტ სტერლინგში (GBP), -0.04% წინა კვირასთან შედარებით და +1.34% გასულ თვესთან შედარებით. ვაჭრობის მოცულობამ 418 ათას აქციაზე მეტი შეადგინა, GBP 44.50 - 46.80 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 68 ათასი აქცია შეადგინა.Georgia Capital-ის (CGEO LN) აქციები დაიხურა 41.70 ბრიტანულ ფუნტ სტერლინგში (GBP), -1.53% წინა კვირასთან შედარებით და +2.96% გასულ თვესთან შედარებით. ვაჭრობის მოცულობამ 285 ათას აქციაზე მეტი შეადგინა, GBP 40.10 - 43.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 53 ათასი აქცია შეადგინა.

1782119892

სასოფლო-სამეურნეო აღწერის მიხედვით, 2024 წლის 1 ოქტომბრის მდგომარეობით, მრავალწლოვანი ნარგავებით დაკავებული მიწის ფართობი 176 ათას ჰექტარს შეადგენს, რაც 60.6%-ით აღემატება 2014 წლის სასოფლო-სამეურნეო აღწერის შესაბამის მაჩვენებელს.2024 წლის სასოფლო-სამეურნეო აღწერის შედეგების მიხედვით, 2024 წლის 1 ოქტომბრის მდგომარეობით, სასოფლო-სამეურნეო მიწის ფართობმა 809.1 ათასი ჰექტარი შეადგინა, რაც 2014 წლის შესაბამის მაჩვენებელს 2.7%-ით აღემატება. მეურნეობების სარგებლობაში არსებული სახნავის ფართობი 325.2 ათასი ჰექტარით განისაზღვრა, რაც 2014 წელთან შედარებით 13.8%-ით ნაკლებია, ხოლო სათიბებისა და საძოვრების ფართობმა 305.6 ათასი ჰექტარი შეადგინა, რაც 2014 წლის მაჩვენებელს (300 ათასი ჰექტარი) 1.9%-ით აღემატება. რაც შეეხება მიწის დამატებით ცალკეულ კატეგორიებს, 2024 წლის 1 ოქტომბრის მდგომარეობით, სასოფლო მეურნეობების სარგებლობაში არსებული დაუმუშავებელი მიწის ფართობმა 116.9 ათასი ჰექტარი, შენობა-ნაგებობებით და ეზოებით დაკავებული მიწის ფართობმა 46.3 ათასი ჰექტარი, ხოლო სათბურების ფართობმა 2.3 ათასი ჰექტარი შეადგინა.2024 წლის სასოფლო-სამეურნეო აღწერის შედეგების მიხედვით, საქართველოში სასოფლო მეურნეობათა სარგებლობაში არსებული ვაზის ძირთა რაოდენობამ 164.7 მლნ. შეადგინა, საიდანაც 96.4% ნაყოფის მომცემი იყო.2024 წლის სასოფლო-სამეურნეო აღწერის მიხედვით, სასოფლო მეურნეობების სარგებლობაში არსებული მსხვილფეხა რქოსანი პირუტყვის რაოდენობა 841 ათასი სულით განისაზღვრა, რაც 2014 წელთან შედარებით 15%-ით ნაკლებია. ფურის რაოდენობამ 2024 წელს 412.5 ათასი სული შეადგინა, რაც 2014 წელთან შედარებით 18.3%-ითაა შემცირებული. 2014 წელთან შედარებით 25.4%-ით შემცირდა ცხვრის რაოდენობაც - 944 ათასი სულიდან 704.4 ათას სულამდე. შემცირებულია ასევე კამეჩის სულადობა 22.8%-ით, ხოლო ღორის სულადობა 12%-ითაა გაზრდილი.ამასთან, აღწერის შედეგების მიხედვით ფრინველის რაოდენობა 18.9%-ით გაიზარდა.საქსტატის მონაცემებით, 2024 წელს სასოფლო მეურნეობათა სარგებლობაში იყო 191.5 ათასი ფუტკრის ოჯახი (სკა), რაც 27.6 ათასით (16.9%) აღემატება 2014 წლის შესაბამის მაჩვენებელს.

1782116040

საქალაქო დასახლებებში მოსახლეობის ზრდამ 15.7% (332 821 კაცი), ხოლო სოფლის მოსახლეობის კლებამ 7.4% (117 044 კაცი) შეადგინა. შედეგად, 2014 წლის აღწერასთან შედარებით, მნიშვნელოვნად შეიცვალა ქალაქი/სოფლის სტრუქტურა - ქალაქის მოსახლეობის წილი მთლიან მოსახლეობაში 5.3 პ.პ.-ით გაიზარდა და 62.5%-ს გაუტოლდა.2024 წლის აღწერის შედეგების მიხედვით, თბილისში მოსახლეობის რიცხოვნობა 1 331 485 კაცით განისაზღვრა, რაც 2014 წლის აღწერის შედეგად მიღებულ მონაცემებს 20.1%-ით (222 768 კაცი) აღემატება.2014 წლის აღწერასთან შედარებით, მოსახლეობის ყველაზე მნიშვნელოვანი მატება, თბილისის გარდა, დაფიქსირდა აჭარის ა.რ.-ში (20.7%) და ქვემო ქართლის რეგიონში (4.2%).საქსტატის მონაცემებით, დანარჩენ რეგიონებში მოსახლეობის რიცხოვნობის მაჩვენებელი შემცირდა, კერძოდ: ყველაზე მეტი კლება დაფიქსირდა გურიის რეგიონში - 9.7% და სამეგრელო-ზემო სვანეთში - 7.6%. მნიშვნელოვანი შემცირება შეინიშნება ასევე რაჭა-ლეჩხუმსა და ქვემო სვანეთში (6.8%), კახეთში (4.6%) და იმერეთში (4.3%).2014 წლის აღწერასთან შედარებით, ყველაზე მაღალი ზრდა ბათუმში დაფიქსირდა, სადაც მოსახლეობის რიცხოვნობა 54.2%-ით გაიზარდა და 235 668 კაცი შეადგინა. მნიშვნელოვანი ზრდა ასევე გამოვლინდა ყაზბეგის (28.8%), ლენტეხისა (17.5%) და მარნეულის მუნიციპალიტეტებში (11%). დადებითი დინამიკა შეინიშნებოდა ასევე ქუთაისსა (9%) და რუსთავში (5.6%).2014 წელთან შედარებით მნიშვნელოვანი კლება დაფიქსირდა ხულოს (29.9%) და შუახევის (26.2%) მუნიციპალიტეტებში. მოსახლეობის რიცხოვნობის შემცირების ტენდენცია შეინიშნებოდა ასევე ცაგერის (18.2%), წყალტუბოს (15.1%) და ტყიბულის (14.9%) მუნიციპალიტეტებში. მოსახლეობის სქესობრივ-ასაკობრივი შემადგენლობასაქსტატის მონაცემებით, 2024 წლის აღწერის შედეგების მიხედვით, საქართველოს მოსახლეობის 47.9%-ს კაცები შეადგენენ (1 881 004), ხოლო 52.1%-ს - ქალები (2 048 577).2014 წელთან შედარებით 65 წლისა და უფროსი ასაკის მოსახლეობის წილი 3.3 პ.პ.-ით გაიზარდა და 17.6% შეადგინა (692 700 კაცი). 0–14 წლის ასაკობრივი ჯგუფის წილი 1 პ.პ.-ით გაიზარდა და 19.6% შეადგინა (770 823 კაცი). 15–64 წლის ასაკობრივი ჯგუფის წილი 4.3 პუნქტით შემცირდა და 62.8% შეადგინა (2 466 058 კაცი).მოქალაქეობა2024 წლის აღწერის შედეგების მიხედვით, საქართველოს მოქალაქეთა რიცხოვნობა 2014 წელთან შედარებით 2.5%-ით გაიზარდა და 3 775 415 კაცი შეადგინა, თუმცა მათი წილი მთლიან მოსახლეობაში, აღწერათაშორის პერიოდში 99.2%-დან 96.1%-მდე შემცირდა. საქართველოში მუდმივად მცხოვრებ უცხო ქვეყნის მოქალაქეთა რიცხოვნობამ 133 857 კაცი შეადგინა.უცხო ქვეყნის მოქალაქეებს შორის პირველ ხუთეულს წარმოადგენენ რუსეთის ფედერაციის (37 715 კაცი), ინდოეთის (23 925 კაცი), უკრაინის (11 542 კაცი), აზერბაიჯანის (8 309 კაცი) და სომხეთის (5 381 კაცი) მოქალაქეები.2024 წლის აღწერის შედეგების მიხედვით, ეროვნებით ქართველი მოსახლეობის რიცხოვნობა 2014 წელთან შედარებით 2.5%-ით გაიზარდა და 3 304 075 კაცი შეადგინა. თუმცა, მთლიან მოსახლეობაში ეროვნებით ქართველი მოსახლეობის წილი 86.8%-დან 84.1%-მდე შემცირდა. მეორე უმსხვილეს ეთნიკურ ჯგუფს 268 832 კაცით (6.8%) აზერბაიჯანელები წარმოადგენენ, რომელთა რიცხოვნობა 15.4%-ით გაიზარდა, ხოლო მესამე ჯგუფს 169 296 კაცით (4.3%) ეროვნებით სომეხი მოსახლეობა წარმოადგენს, რომელთა რიცხოვნობა 2014 წლის აღწერასთან შედარებით 0.7%-ითაა გაზრდილი.ეროვნებით რუსი მოსახლეობის რაოდენობა აღწერათაშორის პერიოდში 60.8%-ით გაიზარდა და 42 545 კაცი შეადგინა. ინდოელი ეროვნების მოსახლეობა 446 კაციდან 23 996 კაცამდე გაიზარდა. უკრაინელთა რიცხოვნობა 139.4%-ით გაიზარდა და 14 443 კაცი შეადგინა. არაბი ეროვნების მოსახლეობა 609 კაციდან 12 533 კაცამდე, ბელარუსელთა რიცხოვნობა 431 კაციდან 4 558 კაცამდე, ხოლო ირანელთა რიცხოვნობა 217 კაციდან 4 304 კაცამდე გაიზარდა.აფხაზი ეროვნების მოსახლეობა 5%-ით გაიზარდა და 907 კაცი შეადგინა. ამავე პერიოდში ოსი ეროვნების მოსახლეობა 12.3%-ით შემცირდა და 12 611 შეადგინა, ხოლო იეზიდთა რაოდენობა 7%-ითაა შემცირებული და 11 324 კაცი შეადგინა.აღმსარებლობა2024 წლის აღწერის შედეგების მიხედვით, საქართველოს მოსახლეობის 82%-ს (3 223 206 კაცი) მართლმადიდებლები შეადგენენ, რაც 2014 წელთან შედარებით 4.1%-ით მეტია. თუმცა, აღწერათაშორის პერიოდში, მთლიან მოსახლეობაში მათი წილი 83.4%-დან 82%-მდე შემცირდა.მუსლიმური სარწმუნოების მიმდევართა რიცხვმა 437 458 შეადგინა (მთლიანი მოსახლეობის 11.1%), რაც 2014 წლის შესაბამის მაჩვენებელს 9.7%-ით აღემატება. სომხური სამოციქულო ეკლესიის მიმდევართა რაოდენობა 6.7%-ით შემცირდა და 101 736 კაცი შეადგინა. კათოლიკური სარწმუნოების მიმდევართა რიცხვი თითქმის უცვლელია, ხოლო იეჰოვას მოწმეთა რაოდენობა 13%-ით შემცირდა და 10 787 კაცი შეადგინა.მშობლიური ენასაქსტატის მონაცემებით, 2024 წლის მოსახლეობის აღწერის შედეგების მიხედვით, საქართველოს მოსახლეობის 85.1 პროცენტისთვის (3 343 987 კაცი) მშობლიური ენა ქართულია. 2014 წელთან შედარებით, ქართულენოვანი მოსახლეობის რაოდენობა 2.7%-ით გაიზარდა, თუმცა მათი წილი მთლიან მოსახლეობაში 87.6%-დან 85.1%-მდე შემცირდა.მშობლიური ენის მიხედვით, მეორე ადგილზეა აზერბაიჯანული ენა - მას მშობლიურ ენად 265 534 ადამიანი (6.8%) მიიჩნევს. 2014 წელთან შედარებით, აზერბაიჯანულენოვანი მოსახლეობის რაოდენობა 14.7%-ით გაიზარდა. სომხური ენა მშობლიურად 139 438 ადამიანს (3.5%) აქვს მითითებული, რაც წინა აღწერით მიღებულ მონაცემებს 3.7%-ით ჩამორჩება.ამავე პერიოდში, რუსულენოვანი მოსახლეობის რაოდენობა 18.6%-ით გაიზარდა და 54 460 კაცი შეადგინა. ოსური ენა მშობლიურ ენად მიუთითა 3 839 კაცმა, რაც წინა, 2014 წლის აღწერის შესაბამის მონაცემებზე 32.6%-ით ნაკლებია. 370 კაცისთვის მშობლიურ ენას წარმოადგენს აფხაზური, რაც 2014 წლის ანალოგიურ მაჩვენებელთან (272 კაცი) შედარებით 36%-ით მეტია.საქართველოს 2024 წლის მოსახლეობის და სასოფლო-სამეურნეო აღწერა ჩატარდა 2024 წლის 14 ნოემბრიდან 31 დეკემბრის პერიოდში. აღწერამ მოიცვა ქვეყნის მთელი ტერიტორია ოკუპირებული ტერიტორიების გარდა. საქსტატის მტკიცებით, საერთაშორისო მეთოდოლოგიის მიხედვით, აღწერას დაექვემდებარა ქვეყანაში მუდმივად მცხოვრები საქართველოს ყველა მოქალაქე, ასევე ქვეყნის ტერიტორიაზე მყოფი უცხო ქვეყნის მოქალაქეები და მოქალაქეობის არმქონე პირები.მოსახლეობის გამოთვლის მომენტად (აღწერის კრიტიკული მომენტი) განისაზღვრა 13-14 ნოემბრის შუაღამის 12 საათი, რომლის მიხედვითაც განხორციელდა ფაქტების რეგისტრაცია, ხოლო სასოფლო-სამეურნეო აღწერას დაექვემდებარა ყველა ის შინამეურნეობა და იურიდიული პირი, რომელსაც 2024 წლის 1 ოქტომბრის მდგომარეობით, საკუთრებაში ან დროებით სარგებლობაში ჰქონდა სასოფლო-სამეურნეო მიწა, ან ჰყავდა პირუტყვი, ფრინველი ან ფუტკრის ოჯახი, მიუხედავად იმისა, საანგარიშო წელს აწარმოა თუ არა რაიმე სახის სასოფლო-სამეურნეო პროდუქცია. აღწერის ფარგლებში, მონაცემები შეგროვდა ელექტრონულად, თანამედროვე ტექნოლოგიების გამოყენებით. პროცესი ორ ეტაპად განხორციელდა: პირველ ეტაპზე (2024 წლის 14-23 ნოემბერი) გამოყენებული იქნა თვითრეგისტრაციის მეთოდი (CAWI), ხოლო მეორე ეტაპზე (29 ნოემბრიდან - 31 დეკემბერი) - კომპიუტერის დახმარებით პერსონალური ინტერვიუს მეთოდი (CAPI). ამასთან, იმის გათვალისწინებით, რომ ნოემბერ-დეკემბრის პერიოდში ზოგიერთ მაღალმთიან და ძნელად მისადგომ დასახლებაში ამინდის შესაძლო გაუარესების გამო გართულდებოდა საველე სამუშაოების ჩატარება, მესტიის, ყაზბეგის, ლენტეხის, ნაწილობრივ ახმეტისა (ომალოს ადმინისტრაციული ერთეული) და დუშეთის (გუდამაყრის, მაღაროსკარის, უკანაფშავის, ქვეშეთის, შატილისა და ხევსურეთის ადმინისტრაციული ერთეულები და ფასანაურის ადმინისტრაციულ ერთეულში შემავალი სოფლები) მუნიციპალიტეტებში აღწერა ჩატარდა 2024 წლის სექტემბერში.

1782115867

სტარმერის ავტორიტეტი პარტიის შიგნით პრაქტიკულად ამოიწურა. მიუხედავად იმისა, რომ იგი ჯერ კიდევ პარასკევს აცხადებდა, რომ ნებისმიერ გამოწვევას შეებრძოლებოდა, შაბათ-კვირას თავის რეზიდენციაში (ჩეკერსში) გატარებული კონსულტაციების შემდეგ, მისი პოზიციები მკვეთრად შესუსტდა.დაუნინგ-სტრიტზე ადასტურებენ, რომ პრემიერ-მინისტრი იძულებულია თვალი გაუსწოროს მძიმე პოლიტიკურ რეალობას, ვინაიდან მან საკუთარი მინისტრთა კაბინეტის ნდობა დაკარგა.კაბინეტის ამბოხი და უახლოესი მოკავშირეების დუმილიPOLITICO-ს ინფორმაციით, პარასკევს გამართულ პირად შეხვედრებზე საგარეო საქმეთა მდივანმა ივეტ კუპერმა და ტრანსპორტის მდივანმა ჰაიდი ალექსანდრემ პრემიერს პირდაპირ მოუწოდეს, წასვლის გეგმა შეემუშავებინა, რათა თავიდან აეცილებინა „საჯარო შერცხვენა“. მანამდე მის გადადგომას მხარს უჭერდნენ ენერგეტიკის მდივანი ედ მილიბენდი და შინაგან საქმეთა მდივანი შაბანა მაჰმუდი.სიტუაციის სიმწვავეზე მიუთითებს ისიც, რომ აქამდე სტარმერის თავგამოდებული დამცველი თანაშემწეები ახლა თვალში საცემ დუმილს ინარჩუნებენ, ხოლო კულუარებში უკვე განიხილება ძალაუფლების გადაბარების სცენარები.პარალელურად, პროცესებს სოციალურ ქსელში გამოეხმაურა აშშ-ის პრეზიდენტი დონალდ ტრამპიც, რომელმაც Truth Social-ზე დაწერა, რომ სტარმერი „გადადგება“ და ტრადიციულად გააკრიტიკა ლეიბორისტების მიგრაციის და ენერგეტიკული პოლიტიკა.კორონაცია თუ ახალი პოლიტიკური ექსპერიმენტი?ვესტმინსტერში ახლა მთავარი კითხვაა: ჩატარდება თუ არა პარტიაში შიდა არჩევნები, თუ მოხდება ენდი ბერნემის ე.წ. „კორონაცია“ უალტერნატივო ლიდერად.ბერნემის ბანაკი აცხადებს, რომ მას ლეიბორისტების 403 დეპუტატიდან 200-ზე მეტის გარანტირებული მხარდაჭერა აქვს (ბრძოლის დასაწყებად 81 ხმაა საჭირო).ჯანდაცვის ყოფილი მდივანი უეს სტრიტინგი აცხადებდა, რომ დაუპირისპირდებოდა ბერნემს, თუმცა ანალიტიკოსები მიიჩნევენ, რომ მას საკმარისი ხმები არ აქვს და ახალ კაბინეტში თანამდებობის სანაცვლოდ გარიგებაზე წავა.თუმცა, ბერნემის შესაძლო პრემიერობა ლეიბორისტების ნაწილში შიშს იწვევს. მისი მემარცხენე ფრთისადმი მიდრეკილება და ეკონომიკური ხედვები ბევრისთვის სარისკო ექსპერიმენტად აღიქმება. კერძოდ, მისმა ეკონომიკურმა მრჩეველმა ჯიმ ო’ნილმა (Goldman Sachs-ის ყოფილმა ეკონომისტმა) უკვე განაცხადა, რომ მხარს უჭერს ინფრასტრუქტურული პროექტებისთვის სახელმწიფო სესხების ზრდაზე მკაცრი ფისკალური შეზღუდვების გადახედვას. თავად ბერნემს კი საკუთარ წიგნში ღიად აქვს დაწერილი: „მე უფრო მფლანგველი ვარ, ვიდრე დამზოგველი. გაცილებით მირჩევნია ვთქვა "კი“.POLITICO–ს თანახმად, პოლიტიკური რეალობა აჩვენებს, რომ თუ სტარმერი დღეს გადადგომას ოფიციალურად დაადასტურებს, ბრიტანეთს ბოლო ათწლეულში რიგით მეშვიდე ლიდერი ეყოლება, რაც ქვეყნის ეკონომიკური და ფინანსური სტაბილურობისთვის მორიგი სერიოზული გამოწვევა იქნება.

1782111965

საქსტატის მონაცემებით, მაისში სომხეთიდან ყვავილების იმპორტი წლიურ ჭრილში 2,9-ჯერ გაიზარდა.აპრილთან შედარებით იმპორტის მოცულობა 89%-ით გაიზარდა და ახალ რეკორდულ მაჩვენებელს მიაღწია. წინა რეკორდი მიმდინარე წლის მარტში დაფიქსირდა, როდესაც საქართველომ სომხეთიდან 128,9 ტონა ყვავილი შემოიტანა.მონაცემების მიხედვით, სომხეთიდან იმპორტირებული ყვავილები რეექსპორტზე არ გადის. გასულ თვეში საქართველოდან მსოფლიო ბაზარზე ამ კატეგორიის პროდუქციის ექსპორტი არ განხორციელებულა.საერთო ჯამში, მაისში საქართველომ 341,7 ტონა ყვავილი შემოიტანა. სომხეთის გარდა, ყვავილების მომწოდებლები იყვნენ ეკვადორი, ნიდერლანდები, კენია, თურქეთი, ჩინეთი, სამხრეთ აფრიკა და იტალია.სომხეთიდან საქართველოში ყვავილების იმპორტი მას შემდეგ გაიზარდა, რაც რუსეთმა სომხური პროდუქციის შეტანა აკრძალა. სომხეთსა და რუსეთს შორის ურთიერთობები ბოლო წლებში მნიშვნელოვნად გაუარესდა. ერევნის ევროკავშირთან დაახლოებისა და ევროპული ინტეგრაციის კურსის გაძლიერების ფონზე, მოსკოვმა არაერთხელ გამოიყენა ეკონომიკური ბერკეტები, მათ შორის სომხური პროდუქციის იმპორტზე დაწესებული შეზღუდვები.ევროკავშირი, თავის მხრივ, ცდილობს სომხეთისთვის ახალი სავაჭრო შესაძლებლობების შექმნას და ქვეყნის ეკონომიკური დამოკიდებულების შემცირებას რუსულ ბაზარზე.

1782111030

არსებული ინფორმაციით, ბიზნესმენი ბოლო პერიოდის განმავლობაში ფილტვის სიმსივნის მძიმე ფორმას ებრძოდა და მკურნალობის კურსს ამერიკის შეერთებულ შტატებში გადიოდა.თემურ უგულავას სახელს უკავშირდება ქვეყნის ეკონომიკისა და ტურიზმის სექტორისთვის უმნიშვნელოვანესი ჰოლდინგის, „აჭარა ჯგუფის“ (Adjara Group) დაფუძნება, რომელმაც სრულიად ახალი სტანდარტი დაამკვიდრა ქართულ სტუმარმასპინძლობაში. მან შექმნა საერთაშორისოდ აღიარებული ავთენტიკური ქართული ბრენდები: Rooms Hotels (თბილისში, სტეფანწმინდაში, ბაკურიანსა და ბათუმში) და სასტუმრო „სტამბა“. მის სახელს უკავშირდება ასევე თბილისის „ჰოლიდეი ინის“, პოპულარული მულტიფუნქციური ჰოსტელ „ფაბრიკისა“ და კულტურული სივრცე „რადიო ქალაქის“ პროექტები.გარდა ტურიზმისა, თემურ უგულავას ბიზნესსაქმიანობა არაერთ სექტორს მოიცავდა: ტექნოლოგიები და ონლაინ პლატფორმები: მისი დაფუძნებულია ონლაინ ვაჭრობის პლატფორმა „ველი სთორი“ (Veli.store), სკუტერების გაქირავების ინოვაციური აპლიკაცია „სქროლი“ (Scroll) და ქოვორქინგ სივრცე D Block. გემბლინგი და ავიაცია: ის ფლობდა საქართველოს ონლაინ აზარტული თამაშების სექტორის უმსხვილეს კომპანია „აჭარაბეთსა“ და კაზინო „აჭარას“, რომელიც 2019 წელს გლობალურმა გიგანტმა Flutter Entertainment-მა შეიძინა, რაც საქართველოს ბიზნესის ისტორიაში ერთ-ერთ უმსხვილეს გარიგებად ითვლება. მის სახელს უკავშირდება ასევე „ავიატორის“ ბრენდი. მედია და სპორტი: ბიზნესმენის მიერ განხორციელებულ პროექტებს შორის არის საერთაშორისო სპორტული ტელევიზია და პლატფორმა „სეტანტა“ (Setanta Sports), რომელიც არაერთ ქვეყანაში მაუწყებლობს. „აჭარა ჯგუფი“ ასევე მართავს თბილისის სპორტის სასახლეს. სოფლის მეურნეობა: ჰოლდინგი ფლობს კომპანია „უდაბნოს“, რომელიც ქვეყანაში ნუშის ბაღების ერთ-ერთი უმსხვილესი მმართველია.

1782110040

მობაილბანკის ახალი ფუნქციონალის დახმარებით, მეგობრის მოწვევა მარტივად შეგიძლია - იპოვე მოსაწვევი ბმული მობაილბანკის პროფილის განყოფილებაში, გაუზიარე მეგობარს და ერთად მიიღეთ საჩუქარი ერთგულ ყულაბაში.საჩუქრის მისაღებად, მოწვეულმა მეგობარმა უნდა გაიაროს მობაილბანკის რეგისტრაცია, მიიღოს უფასო თიბისი ბარათი და შემდეგ, შეასრულოს მინიმუმ 5 ლარის ღირებულების ერთი გადახდა. გადახდა შესაძლებელია როგორც ფიზიკურ, ისე ონლაინ ტერმინალზე; ასევე, უშუალოდ მობაილბანკიდან - გადახდების გვერდზე განთავსებული სერვისებით, მაგალითად, კომუნალური გადასახადების გადახდით ან მობილურის ბალანსის შევსებით.პირობის შესრულების შემდეგ, როგორც მოწვევის გამომგზავნი, ისე ახალი მომხმარებელი მიიღებთ 8 ლარს ერთგულ ყულაბაში.შეგიძლია მოიწვიო საქართველოს ნებისმიერი სრულწლოვანი მოქალაქე, რომელსაც აქამდე თიბისის მობაილბანკით არ უსარგებლია. მოწვეულ მეგობართა რაოდენობა შეზღუდული არ არის - რაც უფრო მეტ ადამიანს გააცნობ მობაილბანკის შესაძლებლობებს, მით მეტ საჩუქარს მიიღებ.როგორც თიბისის მობაილბანკის სხვა განახლებული ფუნქციონალები, მეგობრების მოწვევის ფუნქციონალიც იმ მთავარ მიზანს ემსახურება, რომ ჩვენს მომხმარებლებს ყოველდღიურობა გავუმარტივოთ. მობაილბანკის განვითარებით, ვქმნით გამოცდილებას, რომელიც მომხმარებლებს საშუალებას აძლევს, ფინანსური სერვისები კიდევ უფრო მარტივად მიიღონ და შესაძლებლობები ერთმანეთს გაუზიარონ.თვითონ სცადე - მოიწვიე მეგობარი. (R)

1782109792