ტრამპის ადმინისტრაცია AI ინფრასტრუქტურის დასაცავად ჩინურ ტექნოლოგიებს ბლოკავს - Reuters

H1/2026-ის სტატისტიკით, ბანკებით (მ.შ. მიკრობანკებით) უკმაყოფილო კლიენტების 15 600 (H1/2025 - 13 700, +14%Y.Y) პრეტენზიაა.პრეტენზიების რაოდენობა პროდუქტების მიხედვით: H1/2026/

1785846963

დოკუმენტს ხელი საქართველოს ფინანსთა მინისტრმა ლაშა ხუციშვილმა და ADB-ის საქართველოს მუდმივი წარმომადგენლობის დირექტორმა ლესლი ბეარმან ლაჰმმა მოაწერეს.პროექტი თბილისის შემოვლითი გზის დაახლოებით 18.9-კმ ოთხზოლიანი საავტომობილო მონაკვეთის მშენებლობას ითვალისწინებს. გამოყოფილი დაფინანსება ორ მონაკვეთზე გადანაწილდება: ლოტი 4: თბილისის აეროპორტი – ლოჭინი ლოტი 5: ლოჭინი – რუსთავი ახალი მაგისტრალის მშენებლობა დედაქალაქში სატრანსპორტო ნაკადებს მნიშვნელოვნად განტვირთავს, გააუმჯობესებს უსაფრთხოებასა და გაზრდის ქვეყნის სატრანზიტო დერეფნების გამტარუნარიანობას.პროექტს ინფრასტრუქტურის სამინისტრო საავტომობილო გზების დეპარტამენტის მეშვეობით განახორციელებს. ხელმოწერის ცერემონიას ასევე ესწრებოდნენ ინფრასტრუქტურის მინისტრი რევაზ სოხაძე, ფინანსთა მინისტრის მოადგილე ეკატერინე გუნცაძე და საავტომობილო გზების დეპარტამენტის ხელმძღვანელი ლევან დარახველიძე.

1785843234

დიდი მანჩესტერის ყოფილმა მერმა პრემიერის სავარძელი იმ ფონზე დაიკავა, როდესაც ბრიტანულ პოლიტიკაში ბოლო ათწლეულის განმავლობაში ლიდერების ხშირმა ცვლამ, კირ სტარმერის, რიში სუნაკისა და ლიზ ტრასის ხანმოკლე მმართველობის ჩათვლით - ამომრჩევლის ნდობა საგრძნობლად შეარყია.შექმნილი კრიზისის საპასუხოდ, ბერნემმა აგრესიული ინიციატივების ტალღა წამოიწყო: გამოაცხადა პაბებისთვის საგადასახადო შეღავათები, მოიძია სახსრები ელექტროენერგიის გადასახადების დასაწევად, საქალაქო ავტობუსების მგზავრობის ტარიფი 2 ფუნტამდე შეზღუდა და შეზღუდული შესაძლებლობის მქონე პირთა თუ ხანდაზმულთა სოციალური მოვლის სისტემის ფუნდამენტური გარდაქმნა დააანონსა. ამასთან, ახალი პრემიერის ერთ-ერთი მთავარი დაპირება ლონდონიდან რეგიონულ მუნიციპალიტეტებსა და მერებზე ფინანსური თუ ადმინისტრაციული ძალაუფლების გადანაწილებას უკავშირდება, რის ხაზგასასმელადაც ის კვირაში ერთ დღეს მანჩესტერის ოფისიდან მუშაობს.მთავრობის მეთაურის ტაქტიკა მკვეთრად განსხვავდება მისი წინამორბედებისგან. ბერნემი ცდილობს, გვერდი აუაროს ტრადიციულ, ხშირად მემარჯვენე პოლიტიკურ მედიას და პირდაპირი კომუნიკაცია დაამყაროს მოსახლეობასთან. ამისთვის ის აქტიურად იყენებს სოციალურ ქსელებს (TikTok, X, Instagram) და პოპულარულ პოდკასტებს, სადაც არ ერიდება ისეთ ყოველდღიურ და არაფორმალურ თემებზე მსჯელობასაც კი, როგორებიცაა ადგილობრივ პაბში ლუდის ჩამოასხმა, მშენებლის ჟილეტით ახალგაზრდების უმუშევრობაზე საუბარი თუ ჩაის მომზადების ბრიტანული წესები.მიუხედავად იმისა, რომ პირველადმა გამოკითხვებმა ბერნემის პერსონალური რეიტინგის ზრდა და მისი პარტიის პოზიციების გამყარება აჩვენა, ეკონომისტები და პოლიტიკური ოპონენტები მის ამბიციურ გეგმებს ეჭვის თვალით უყურებენ. მთავარი კითხვა დაფინანსების წყაროებს უკავშირდება.ექსპერტთა შეფასებით, დაპირებული სოციალური პროგრამების რეალიზება მთავრობას საგადასახადო განაკვეთების გაზრდას ან სახელმწიფო ვალის დამძიმებას აიძულებს. გარდა ამისა, კონსერვატიული მედიასაშუალებები უკვე ახსენებენ პრემიერს 2010 წელს მის მიერ მხარდაჭერილ ინიციატივას ქონების გადასახადზე, რომელსაც ოპონენტები „სიკვდილის გადასახადს“ უწოდებდნენ.ახალ ადმინისტრაციას წინ სერიოზული გამოწვევები ელის: ირანში მიმდინარე კონფლიქტის ფონზე ენერგომატარებლების შესაძლო გაძვირება ზამთრის სეზონზე ცხოვრების ღირებულებას გაზრდის, ხოლო საიმიგრაციო პოლიტიკის გამკაცრების გეგმები უკვე იწვევს აზრთა სხვადასხვაობას როგორც მემარჯვენე ოპოზიციაში, ისე მმართველი პარტიის შიგნით. ამ ფონზე, ბერნემის მიერ არჩეული სწრაფი და პრაგმატული სტრატეგიის მდგრადობას უახლოესი თვეები აჩვენებს.

1785837835

მინისტრის ინფორმაციით, ალმათიში შენდება დაახლოებით 160 ათასი კვადრატული მეტრის ლოგისტიკური კომპლექსი, ხოლო ასტანაში – დაახლოებით 100 ათასი კვადრატული მეტრის. ობიექტების ექსპლუატაციაში გაშვება 2027 წლის პირველ კვარტალში იგეგმება.ამჟამად Wildberries ყაზახეთში დაახლოებით 46 ათას კვადრატულ მეტრ სასაწყობე ფართს ქირაობს.კომპანიის გაფართოება ყაზახეთში ხდება იმ ფონზე, როდესაც რუსეთში Wildberries-ის ლოგისტიკურ ობიექტებზე დრონებით თავდასხმების სერია დაფიქსირდა. 18 ივლისიდან დღემდე დაზიანდა კომპანიის საწყობები და სადისტრიბუციო ცენტრები რუსეთის რამდენიმე რეგიონში, მათ შორის მოსკოვის, ლენინგრადის, რიაზანის, პენზის, სამარისა და სხვა ოლქებში.რუსული მხარისა და კომპანიის ინფორმაციით, რამდენიმე ობიექტზე ხანძარი გაჩნდა, დაზიანდა ინფრასტრუქტურა და განადგურდა პროდუქციის ნაწილი, რის გამოც კომპანიას მიწოდების ჯაჭვების გადამისამართება სხვა სადისტრიბუციო ცენტრებზე მოუწია.Wildberries-ის ყაზახეთში გაფართოება ასევე უკავშირდება ცენტრალურ აზიის ბაზარზე ელექტრონული კომერციის ზრდას. კომპანია ბოლო წლებში აქტიურად ავითარებს რეგიონულ ინფრასტრუქტურას და ყაზახეთს განიხილავს როგორც მნიშვნელოვან ლოგისტიკურ ჰაბს.

1785837653

სწორედ ამ მიზნით, უკვე 10 წელზე მეტია, ბანკი საერთაშორისო სასტიპენდიო პროგრამებს ახორციელებს და ახალგაზრდა პროფესიონალებსა თუ მოსწავლეებს მსოფლიოს წამყვან უნივერსიტეტებსა და სასწავლებლებში სრული დაფინანსებით სწავლის შესაძლებლობას აძლევს.გაეცანით საქართველოს ბანკის მიერ ახალგაზრდებისთვის შექმნილ საერთაშორისო სასტიპენდიო პროგრამებს, შეავსეთ განაცხადი და განათლების გზაზე არ გაჩერდეთ.მოიპოვეთ საქართველოს ბანკის სტიპენდია CHEVENING-ს პროგრამაში და ისწავლეთ ბრიტანეთის წამყვან უნივერსიტეტებშისაქართველოს ბანკი უკვე ათ წელზე მეტია, CHEVENING-ის სასტიპენდიო პროგრამის პარტნიორია. თანამშრომლობის ფარგლებში, ფინანსური ინსტიტუტი ყოველწლიურად საკუთარ სტიპენდიატს ავლენს და დიდ ბრიტანეთში, სამაგისტრო საფეხურზე სწავლას და მასთან დაკავშირებულ ხარჯებს სრულად უფინანსებს.პარტნიორობის ფარგლებში უკვე გამოვლინდა საქართველოს ბანკის 30-ზე მეტი სტიპენდიატი და მათი რაოდენობა ყოველწლიურად იზრდება.2027–2028 სასწავლო წლის პროგრამაზე განაცხადების მიღება 4 აგვისტოს დაიწყო და 6 ოქტომბერს დასრულდება. დეტალური ინფორმაციის მისაღებად ეწვიეთ ვებგვერდს.მოიპოვეთ საქართველოს ბანკის სტიპენდია UWC-ის საერთაშორისო განათლების პროგრამაში და ისწავლეთ სასურველ სკოლაშიხარისხიან საერთაშორისო განათლებაზე ხელმისაწვდომობის გაზრდის მიზნით, საქართველოს ბანკი UWC Georgia-ს პარტნიორია.პარტნიორობის ფარგლებში ბანკი 15–17 წლის მოსწავლეებს შესაძლებლობას აძლევს, სრული დაფინანსებით სწავლა მსოფლიოს 17 ქვეყანაში მოქმედ 18 UWC სკოლაში გააგრძელონ. პროგრამა ხელს უწყობს სხვადასხვა კულტურის, ერისა და საზოგადოების დაახლოებას განათლების გზით და ახალგაზრდებს უნიკალურ საერთაშორისო გამოცდილებას სთავაზობს.საქართველოს ბანკისა და UWC Georgia-ს თანამშრომლობის ფარგლებში უკვე ორი სტიპენდიატია გამოვლენილი.საერთაშორისო განათლების პროგრამაზე მიღება დაიწყო და 30 სექტემბერს დასრულდება. განაცხადის შესავსებად და დეტალური ინფორმაციის მისაღებად ეწვიეთ ვებგვერდს.საქართველოს ბანკის მიერ განხორციელებული საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.(R)

1785835379

საქართველოს ეროვნულმა AI ნაკრებმა, თიბისის მხარდაჭერით, საქართველოს ხელოვნური ინტელექტის ასოციაციის ორგანიზებითა და ბიზნესისა და ტექნოლოგიების უნივერსიტეტის (BTU) ბაზაზე შექმნილ ტექ ოლიმპიადების ჰაბში, საერთაშორისო ოლიმპიადისთვის მრავალთვიანი, ინტენსიური მომზადება გაიარა. მონაწილეებმა GAIA-ს სპეციალური საოლიმპიადო პროგრამის ფარგლებში ხელოვნური ინტელექტის, მანქანური სწავლებისა და მონაცემთა მეცნიერების პრაქტიკული მიმართულებები შეისწავლეს.ნაკრების მთავარი მწვრთნელი შოთა ელყანიშვილია, თანახელმძღვანელები კი ლუკა დარსალია და ნიკა მიქაბერიძე ირიან.შოთა ელყანიშვილი: „ცენტრალური ევროპის AI ოლიმპიადაზე მიღებულმა წარმატებამ კიდევ უფრო გაგვიმყარა რწმენა, რომ საერთაშორისო დონეზეც კონკურენტუნარიანები ვართ. წლიდან წლამდე ვაუმჯობესებთ მომზადების მეთოდებს, რათა თითოეულმა მოსწავლემ საკუთარი შესაძლებლობები სრულად გამოავლინოს. გვჯერა, რომ ეს შრომა საერთაშორისო ოლიმპიადაზეც შედეგს მოიტანს“.ლუკა დარსალია: „ჩვენ ვიცით, რომ ასტანაში მსოფლიოს უძლიერესი ნაკრებები დაგვხვდებიან, თუმცა ჩვენი გუნდი ამისთვის მზად არის. ინტენსიურმა მომზადებამ თავდაჯერებულობა მოგვცა, ხოლო ასეთ გამორჩეულ მოსწავლეებთან მუშაობა ჩვენთვისაც მუდმივი განვითარების პროცესია“.ნიკა მიქაბერიძე: „ჩვენი მიზანი მაღალი შედეგი და მედლებია. მოსამზადებელ პროცესში უზარმაზარი შრომა ჩავდეთ, შევქმენით საერთაშორისო სტანდარტების შესაბამისი პროგრამა და გვჯერა, რომ ეს ყველაფერი საქართველოს ნაკრების წარმატებაში აისახება“.IOAI მსოფლიოს ერთ-ერთი ყველაზე პრესტიჟული სასკოლო ტექნოლოგიური შეჯიბრებაა, რომელიც 100-ზე მეტი ქვეყნის საუკეთესო ახალგაზრდებს აერთიანებს. საქართველო მასში წელს უკვე მეორედ მონაწილეობს, რაც ქვეყნის AI განათლების განვითარების მნიშვნელოვანი ეტაპია.თიბისისთვის განათლებისა და ტექნოლოგიური ეკოსისტემის გაძლიერება სტრატეგიული მიმართულებაა. სწორედ ამიტომ კომპანია სისტემურად უჭერს მხარს ინიციატივებს, რომლებიც ახალგაზრდებს თანამედროვე ცოდნას, საერთაშორისო გამოცდილებასა და საკუთარი შესაძლებლობების რეალიზების სივრცეს აძლევს.(R)

1785831809

გამოცემის ინფორმაციით, აპრილი-ივნისის პერიოდში საუდის არაბეთის სახელმწიფო გიგანტის დაზუსტებულმა წმინდა შემოსავალმა $33.4 მლრდ შეადგინა (გასული წლის შესაბამის პერიოდში $25.2 მლრდ). ეს Aramco-სთვის ყველაზე მაღალი კვარტალური მაჩვენებელია 2022 წლის შემდეგ.მოგების მკვეთრი ზრდა გლობალურ ბაზარზე ენერგომატარებლების ომით გამოწვეულმა გაძვირებამ განაპირობა.28 თებერვალს აშშ-ისა და ისრაელის მიერ ირანზე განხორციელებული სამხედრო დარტყმების შემდეგ, თეირანმა ფაქტობრივად პარალიზებული გახადა გემების მიმოსვლა ჰორმუზის სრუტეში.საპასუხოდ, საუდის არაბეთმა ოპერატიულად მოახდინა რეაგირება და თავისი ნავთობის 70%-ზე მეტი მილსადენით წითელი ზღვის დასავლეთ პორტებისკენ გადაამისამართა, რამაც კომპანიას საშუალება მისცა, მიწოდების კრიზისი აეცილებინა და ექსპორტი გაეგრძელებინა. თუმცა, ამჟამად საფრთხე ამ ალტერნატიულ მარშრუტსაც ემუქრება იემენელი ჰუსიტების მიერ გამოცხადებული ბლოკადისა და თავდასხმების გამო.Saudi Aramco-ს აღმასრულებელი დირექტორის ამინ ჰ. ნასერის შეფასებით, გასული თვეები კომპანიის ისტორიაში ერთ-ერთი ყველაზე რთული გამოწვევა იყო. მან ასევე აღნიშნა, რომ ჰორმუზისა და ბაბ-ელ-მანდების სრუტეებში შეფერხებების გაგრძელება გლობალური ეკონომიკისთვის სერიოზულ რისკს წარმოადგენს.The New York Times-ის ინფორმაციით, ენერგორესურსებზე ფასების მატებით ისარგებლეს სხვა გლობალურმა მოთამაშეებმაც: ამერიკულ Exxon Mobil-ის მოგება გაორმაგდა და $14.5 მლრდ-ს მიაღწია, Chevron-ის შემოსავალი $12.1 მლრდ-მდე გაიზარდა, ხოლო ბრიტანულმა BP-მ მოგება $5.7 მლრდ-მდე გააორმაგა.Aramco-ს სარეკორდო შემოსავლების მიუხედავად, ომმა საუდის არაბეთის საერთო ეკონომიკა მაინც დააზარალა - ქვეყნის მშპ II კვარტალში 4.8%-ით შემცირდა.

1785831037

2Q26-ში აღნიშნული სასაქონლო ჯგუფის ექსპორტმა $4.7 მლნ-ზე მეტი შეადგინა, მაშინ როდესაც 2025 წლის ანალოგიურ პერიოდში ეს მაჩვენებელი $659.9 ათასს შეადგენდა.ექსპორტის ნახტომისებური ზრდის ფონზე, შემცირებულია იმპორტის მაჩვენებელი. კერძოდ, 2Q26-ში  საქართველოში $33.8 ათასის ღირებულების ცოცხალი ცხვარი და თხა შემოვიდა, რაც გასული წლის შესაბამისი პერიოდის მაჩვენებელზე ($74 ათასი) 54.3%-ით ნაკლებია.

1785829823