ინფორმაციისა და კომუნიკაციის სექტორმა (ICT), რომელიც გასულ წელს ეკონომიკური ზრდის მთავარი კომპონენტი იყო, დომინანტური როლი მიმდინარე წლის პირველ ნახევარშიც შეინარჩუნა - ამ სექტორზე საბაზისო ფასებში გამოსახული რეალური მშპ-ის ზრდის თითქმის 29% მოდის; ორჯერ მეტი, ვიდრე სიდიდით მომდევნო სექტორის წილი.აღსანიშნავია, რომ ზრდის კომპონენტები საანალიზო მაჩვენებლის მიხედვით საკმაოდ განსხვავდება. შედარებისთვის, ეკონომიკის მთლიანი გამოშვება დაახლოებით 12%-ით, ხოლო ნომინალური მშპ დაახლოებით 11%-ით გაიზარდა, სხვადასხვა სექტორის ხარჯზე. კერძოდ, თუკი, სასაქონლო ექსპორტის მკვეთრი ზრდის ფონზე, სამთომოპოვებითმა და დამამუშავებელმა მრეწველობამ გამოშვების ზრდის 30% უზრუნველყო, მათი წილი ნომინალური მშპ-ის ზრდაში მხოლოდ 10%, ხოლო რეალური მშპ-ის ზრდაში 6%-ზე ნაკლები იყო. საპირისპიროდ, ჯამურად მომსახურების სექტორებზე რეალური ეკონომიკური ზრდის დაახლოებით 96% მოდის, მიუხედავად იმისა, რომ მთლიანი გამოშვების ზრდაში მათი წილი 66%-ს შეადგენდა. ამასთან, სოფლის მეურნეობამ და მშენებლობამ ეკონომიკურ ზრდაში უარყოფითი წვლილი შეიტანა.ამრიგად, ეროვნული ანგარიშების მონაცემები თანხვედრაშია ბიზნესსექტორის მონაცემებზე დაყრდნობით ჩვენს წინა პუბლიკაციაში გაკეთებულ დასკვნებთან: სასაქონლო პროდუქციის ექსპორტთან დაკავშირებულმა საქმიანობამ ეკონომიკის გამოშვება მნიშვნელოვნად გაზარდა, თუმცა შუალედური მოხმარების მაღალი წილის გამო ამ ზრდის მხოლოდ მცირე ნაწილი აისახა ადგილობრივ დამატებულ ღირებულებაში. ამასთან, თავად დამატებული ღირებულების ზრდის საგრძნობი ნაწილი ფასების ზრდას უკავშირდებოდა.საგარეო ვაჭრობის მონაცემები დამატებით ნიუანსზეც მიუთითებს: მართალია, ექსპორტის ზრდაში წამყვან როლს კვლავ სასაქონლო პროდუქცია ასრულებს, მაგრამ უფრო ზოგადი დინამიკაც საკმაოდ მძლავრია. აგვისტოში ექსპორტი წლიურად 24.7%-ით, ხოლო იანვარ-აგვისტოში 22.1%-ით გაიზარდა. ამ ზრდიდან 14.2 პპ, ანუ მთლიანი ზრდის 64%-ზე მეტი, ნავთობპროდუქტებზე მოდიოდა. ოქროს, ფეროშენადნობების, სპილენძის მადნებისა და აზოტოვანი სასუქების დამატებით კი, სასაქონლო ჯგუფების ერთობლივმა წვლილმა ექსპორტის მთლიან ზრდასაც გადააჭარბა და მისი 106%, ანუ დაახლოებით 1 მილიარდი აშშ დოლარი შეადგინა.ამავდროულად, ექსპორტის დარჩენილი ნაწილის სუსტი დინამიკა მთლიანად ავტომობილების რეექსპორტის 22%-იან წლიურ კლებას უკავშირდება - აღნიშნული ხუთი სასაქონლო ჯგუფისა და ავტომობილების გამოკლებით, ექსპორტი წლიურად 15.5%-ით გაიზარდა, ძირითადად საკვებისა და სასმელების ხარჯზე.რაც შეეხება იმპორტს, 2026 წლის იანვარ-აგვისტოში ჯამური მაჩვენებელი წლიურად 8.0%-ით გაიზარდა (2025 წლის იანვრის ერთჯერადი ფაქტორის გამორიცხვის შემდეგ), საიდანაც ნედლ და გადამუშავებულ ნავთობზე 5.2 პპ, ანუ მთლიანი ზრდის თითქმის 65% მოდის. ნავთობის იმპორტის ზრდა და ავტომობილების იმპორტის 12.5%-იანი კლება ზრდის ჯამურ ტემპზე ერთმანეთის გავლენას თითქმის სრულად აბალანსებს: ნავთობისა და ავტომობილების გამოკლებით, იმპორტი 8.3%-ითაა გაზრდილი, რაც მცირედით აღემატება კიდეც მთლიან მაჩვენებელს, თუმცა ექსპორტის ზემოაღნიშნულ ზრდასთან შედარებით მაინც მნიშვნელოვნად დაბალია.საყურადღებოა, რომ აგვისტოში ავტომობილების იმპორტში 2026 წლის განმავლობაში ყველაზე მკვეთრი კლება დაფიქსირდა - წლიურად თითქმის 35%. მოკლევადიან პერიოდში ეს სავაჭრო ბალანსს აუმჯობესებს, თუმცა მომდევნო თვეებში ავტომობილების რე-ექსპორტის დინამიკის კიდევ უფრო შესუსტების შესაძლებლობაზეც მიუთითებს. ავტომობილების წმინდა ექსპორტის თვალსაზრისით განსაკუთრებით ძლიერი 2025 წლის შემდეგ, მსგავს განვითარებას თიბისი კაპიტალი მიმდინარე წლის დასაწყისში პროგნოზირებდა, თუმცა მასშტაბზე, სავარაუდოდ, 6 წელზე ძველი ავტომობილებისთვის აქციზის გადასახადის ზრდაც აისახა.ამ ფონზე, ჩვენი შეფასებით, 2026 წლის იანვარ-აგვისტოში სავაჭრო დეფიციტი მშპ-ის 26.4%-მდე შემცირდა, რაც წინა წლებთან შედარებით მნიშვნელოვნად დაბალი მაჩვენებელია.სხვა წყაროების მხრივ, სწრაფი ფულადი გზავნილები აგვისტოში წლიურად 8.2%-ით შემცირდა, რაც, ევროკავშირის მიერ გადახდების რუსულ სისტემა Zolotaya Korona-ზე დაწესებული სანქციების შემდეგ, რუსეთიდან გზავნილების თვიურად 88%-ით, 5.1 მლნ აშშ დოლარამდე შემცირებამ გამოიწვია. ივლისში რუსეთიდან გზავნილების 97%-ზე მეტი სწორედ ამ სისტემით განხორციელდა. მსგავსი ეფექტი დაფიქსირდა გზავნილებზე ყირგიზეთიდანაც, საიდანაც გზავნილები თვიურად 73%-ით შემცირდა და 2.2 მლნ აშშ დოლარი შეადგინა, იმ ფონზე, რომ ივლისში ნაკადების 66% სწორედ ამ სისტემის გამოყენებით გადმოირიცხა. აღსანიშნავია, რომ 2023 წლის ივლისში რუსეთიდან გზავნილების მსგავსი, 42%-იანი თვიური კლება გამოიწვია Unistream-ის წინააღმდეგ დაწესებულმა სანქციებმაც, თუმცა მომდევნო რამდენიმე თვის განმავლობაში ნაკადების დიდი ნაწილის სხვა სისტემებზე მიგრაცია დაფიქსირდა. მოსალოდნელია, რომ მოვლენები ამჯერადაც მსგავსი სცენარით განვითარდება, თუმცა რთულია ითქვას რამდენად სწრაფად ან სრულად მოხდება გზავნილების ჩანაცვლება.რაც შეეხება ტურიზმის სექტორს, წინასწარი ინდიკატორები საკმაოდ მძლავრ დინამიკაზე მიუთითებს. ივლისსა და აგვისტოში მნიშვნელოვანი გაუმჯობესების შემდეგ, არარეზიდენტების რეალურმა უნაღდო დანახარჯებმა ზრდა სექტემბერშიც განაგრძო. ამ ფონზე, ბოლო დღეებში მცირე შენელების მიუხედავად, გასულ წელთან შედარებით მომატებული რჩება საქართველოს აეროპორტებში აღრიცხული ფრენების რაოდენობაც. ექსპორტის სტაბილურად მაღალ დონეზე შენარჩუნებისა და ტურიზმიდან მიღებული შემოსავლების გაუმჯობესების შედეგად, აგვისტოში საგარეო შემოდინებების ამ ორი მთავარი წყაროდან მიღებული სავალუტო ნაკადები კვლავ გაიზარდა. შესაბამისად, თუკი ახლო აღმოსავლეთში კონფლიქტის პიკზე ტურიზმის დანაკლისს ექსპორტის ზრდა აბალანსებდა, ამჯერად ორივე წყარო მძლავრი დინამიკით ხასიათდება.საერთო ჯამში, წმინდა სავალუტო შემოდინებების თიბისი კაპიტალის მოკლევადიანი შეფასება, რომელიც საქონლით ვაჭრობას, ტურიზმიდან შემოსავლებსა და ფულად გზავნილებს აერთიანებს, აგვისტოში დამატებით გაიზარდა. თავის მხრივ, ეს დინამიკა თანხვედრაშია ჩვენს მოლოდინთან, რომ 2026 წლის მესამე კვარტალში საქართველოს მიმდინარე ანგარიშში, რეინვესტიციების გამორიცხვით, დადებითი ბალანსი გაიზრდება, ხოლო მეორე კვარტალის მონაცემები უკვე სექტემბრის ბოლოს იქნება ხელმისაწვდომი.

1790246453

შეხვედრაში მონაწილეობა მიიღო ბანკის რეგიონულმა დირექტორმა კავკასიაში, თომას კაირისმა, რომელმაც აღნიშნული თანამდებობა მიმდინარე წლის პირველ სექტემბერს დაიკავა.ფინანსთა სამინისტროში გამართულ შეხვედრას დაესწრნენ ფინანსთა მინისტრის მოადგილე ეკატერინე გუნცაძე და EBRD-ის დელეგაციის წევრები.ლაშა ხუციშვილმა სტუმრებს მადლობა გადაუხადა საქართველოში მხარდაჭერილი პროექტებისთვის, განსაკუთრებით, კერძო სექტორში.მხარეებმა მიმოიხილეს საქართველოს ეკონომიკური განვითარების მიმდინარე ტენდენციები და ორმხრივი თანამშრომლობის საკითხები სუვერენული და კერძო სექტორის პროექტების მიმართულებით.

1790082540

საერთო ჯამში, აგვისტოში თბილისში 3 388 საცხოვრებელი ბინა გაიყიდა, რაც გასული წლის ანალოგიურ პერიოდთან შედარებით 18.9%-ით მეტია. ბაზრის ზომა კი 35.2%-ით გაიზარდა და 297 მილიონ აშშ დოლარს მიაღწია.გაყიდვების ზრდა განსაკუთრებით ახალ პროექტებში დაფიქსირდა (+23.7%), რაც ბაზარზე გაზრდილ მიწოდებას ასახავს. Colliers-ის შეფასებით, ზრდის ძირითადი წილი სამგორისა და დიდი დიღმის რაიონებზე მოდის.პარალელურად, გაზრდილია ბინების ფასებიც. წინა წლის აგვისტოსთან შედარებით, ახალაშენებული ბინების საშუალო შეწონილი გასაყიდი ფასი: ქალაქის ცენტრში - 16.7%-ით გაიზარდა; ფართო ცენტრში - 16%-ით; გარეუბნებში - 10.4%-ით. განსხვავებული ტენდენცია ბათუმშითბილისისგან განსხვავებით, სადაც ადგილობრივი მყიდველები ჭარბობენ, ბათუმში საპირისპირო ვითარებაა. Colliers-ის მონაცემებით, აგვისტოში ბათუმში უცხოელი მყიდველების წილმა ძველ და ახალ პროექტებში ქართველების წილს გადაუსწრო და 52% შეადგინა (ივლისში უცხოელების წილი 48% იყო, ხოლო ქართველების - 50%).აგვისტოში ბათუმში სულ 1 235 საცხოვრებელი ბინის ტრანზაქცია დარეგისტრირდა, რაც გასული წლის აგვისტოსთან შედარებით 4.3%-ით ნაკლებია, თუმცა ბაზრის საერთო ზომა 2.9%-ით გაიზარდა და 81 მილიონ აშშ დოლარს მიაღწია.

1790072116

2026 წლის იანვარ-აგვისტოში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 68.8% შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი - $577.6 მლნ ჩინეთი - $543.7 მლნ რუსეთი - $500.7 მლნ საქსტატის მონაცემებით, 2026 წლის იანვარ-აგვისტოში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.2% შეადგინა. პირველ სამეულში შედის: თურქეთი - $1.9 მლრდ რუსეთი - $1.5 მლრდ აშშ - $1.5 მლრდ 2026 წლის იანვარ-აგვისტოში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 65.7% შეადგინა. ქვეყნის უმსხვილესი სავაჭრო პარტნიორები არიან: თურქეთი - $2.24 მლრდ ჩინეთი - $2 მლრდ რუსეთი - $2 მლრდ საქსტატის მონაცემებით, 2026 წლის იანვარ-აგვისტოში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $1.34 მლრდ-ით, რაც მთელი ექსპორტის 24.9%-ს შეადგენს. მეორე ადგილს იკავებს ნავთობი და ნავთობპროდუქტები $688.9 მლნ-ით (მთლიანი ექსპორტის 12.7%), ხოლო მესამე ადგილზეა ძვირფასი ლითონების მადნები და კონცენტრატები $403.1 მლნ-ით (7.4%).უმსხვილესი საიმპორტო სასაქონლო ჯგუფი 2026 წლის იანვარ-აგვისტოში წარმოდგენილი იყო მსუბუქი ავტომობილების სახით, რომლის იმპორტმა $2.36 მლრდ და მთელი იმპორტის 18.9% შეადგინა. მეორე ადგილს იკავებს ნავთობი და ნავთობპროდუქტები $1.16 მლრდ-ით (იმპორტის 9.3%), ხოლო მესამე ადგილზეა სამკურნალო საშუალებები $468.4 მლნ-ით (იმპორტის 3.7%).

1789978179

მისი თქმით, ცვლილებები შესყიდვების თანამედროვე მიდგომებს პასუხობს და მცირე და საშუალო ბიზნესს მსხვილ კომპანიებთან კონკურენციის შესაძლებლობას აძლევს.დუმბაძის განმარტებით, ელექტრონული კატალოგი წინადადების წარდგენის ელექტრონული ფორმაა, რომლის გამოყენებაც, მათ შორის, პრეისკურანტით შესყიდვებისას იქნება შესაძლებელი.ჩარჩო შეთანხმების ფარგლებში კი, მისი თქმით, შესყიდვის გამოცხადება შესაძლებელია 3-4 წლით ან უფრო ხანგრძლივი პერიოდით და გამარჯვებულად ერთზე მეტი კომპანიის გამოვლენაც იქნება შესაძლებელი.განსაკუთრებით მნიშვნელოვან ცვლილებად დუმბაძე ქვეკონტრაქტორის გამოცდილების დაჯამების შესაძლებლობას მიიჩნევს. მისი განმარტებით, 1-ელი სექტემბრიდან კომპანიას შეუძლია, შესყიდვის მოთხოვნის დასაკმაყოფილებლად საკუთარი და ქვეკონტრაქტორი კომპანიის გამოცდილება გააერთიანოს.„თუ შემსყიდველი ორგანიზაცია ითხოვდა გამოცდილებას, ვთქვათ, 5 მლნ ლარის, ეს ყველაფერი უნდა დაეკმაყოფილებინა ინდივიდუალურად ერთ კომპანიას. დღეს უკვე კომპანიას შეუძლია, მოიყვანოს პარტნიორი ქვეკონტრაქტორი კომპანია და თქვას, რომ 2 მლნ ლარს აკმაყოფილებს თვითონ და 3 მლნ ლარს მისი ქვეკონტრაქტორი“, – განაცხადა დუმბაძემ.მისი თქმით, ეს შესაძლებლობა განსაკუთრებით მნიშვნელოვანია სამშენებლო სექტორისთვის და იმ მცირე და საშუალო კომპანიებისთვის, რომლებსაც დამოუკიდებლად არ აქვთ შესყიდვის პირობებით მოთხოვნილი გამოცდილება.

1789643594

მთავრობის მეთაურის განმარტებით, „ნამოხვანჰესის“ პროექტის შეჩერება რამდენიმე წლის წინ განვითარებული „პირდაპირი საბოტაჟის“ შედეგი იყო, რომელშიც კონკრეტული წყაროებიდან დაფინანსებული არასამთავრობო ორგანიზაციები და ელექტროენერგიის იმპორტიორი კომპანიები მონაწილეობდნენ. კობახიძის თქმით, მაშინ სახელმწიფო უფრო სუსტი იყო, ხოლო უცხოური აგენტურა, ძლიერი, თუმცა დღეს ვითარება რადიკალურად განსხვავებულია და მსგავსი პროცესები ვეღარ განმეორდება.დავა აშშ-ის კოლუმბიის ოლქის სასამართლოს (მოსამართლე ამიტ პ. მეჰტა) 2026 წლის 11 სექტემბრის გადაწყვეტილებით გააქტიურდა. ვაშინგტონის ფედერალურმა სასამართლომ დაუშვა საერთაშორისო საარბიტრაჟო გადაწყვეტილების აღსრულება, რომლითაც საქართველოს კომპანია Enka Renewables LLC-სთვის $297 მლნ ძირითადი კომპენსაციის, $52.4 მლნ-მდე საგადასახადო კომპენსაციისა და დამატებითი პროცენტების (SOFR + 4%) გადახდა დაევალა. 2026 წლის მდგომარეობით, დარიცხული პროცენტის ჩათვლით, თანხა $400 მილიონს მნიშვნელოვნად აღემატება. იუსტიციის სამინისტროს ცნობით, სახელმწიფო აღნიშნული განაჩენის გასაჩივრებას გეგმავს.„ნამოხვანჰესის“ პროექტისა და საარბიტრაჟო დავის ქრონოლოგია: 2021 წლის 9 ივნისი - მაშინდელმა პრემიერ-მინისტრმა ირაკლი ღარიბაშვილმა განაცხადა, რომ 433 მეგავატის სიმძლავრისა და $800-მილიონიანი ინვესტიციის „ნამოხვანჰესის“ პროექტი არსებული სახით აღარ განხორციელდებოდა. 2021 წლის ოქტომბერი - თურქული ENKA-ს შვილობილმა Enka Renewables-მა, რომელსაც მოსამზადებელ სამუშაოებში $100 მილიონამდე უკვე ინვესტირებული ჰქონდა, სახელმწიფოსთან საინვესტიციო შეთანხმება ფორსმაჟორის მიზეზით შეწყვიტა და პირობების დარღვევის გამო საერთაშორისო არბიტრაჟს მიმართა. 2025-2026 წლები - პერიოდი, როდესაც პირველადი გეგმის მიხედვით ჰიდროელექტროსადგურის კასკადი ექსპლოატაციაში უნდა შესულიყო. 2026 წლის 11 სექტემბერი - აშშ-ის კოლუმბიის ოლქის სასამართლომ უარყო საქართველოს მცდელობა საარბიტრაჟო გადაწყვეტილების აღსრულების შეჩერებაზე და ცნო ტრიბუნალის გადაწყვეტილება ENKA-ს სასარგებლოდ $400 მლნ-ზე მეტი კომპენსაციის დაკისრების შესახებ. პრემიერ-მინისტრის თქმით, მიუხედავად შექმნილი ვითარებისა, ქვეყანას აქვს ამბიციური გეგმები, რაც 3 დიდი ჰესის, საშუალო და მცირე ჰესების, ასევე ქარისა და მზის სადგურების მშენებლობას ითვალისწინებს.

1789635519

მისი თქმით, გასულ წელსაც მაღალი მოსავალი დაფიქსირდა, თუმცა წელს მაჩვენებელი რეკორდული იქნება.„წინასწარი პროგნოზით, წელს გვექნება რეკორდული მოსავალი, შარშანდელიც იყო ძალიან მაღალი მაჩვენებლით დასრულებული, თუმცა წელს იქნება აბსოლუტურად რეკორდული მაჩვენებელი. ამისთვის წინასწარ ვართ მომზადებული, მათ შორის სუბსიდირების ნაწილში“, – განაცხადა კობახიძემ.პრემიერის განცხადებით, რთველის ორგანიზებაზე გარემოს დაცვისა და სოფლის მეურნეობის სამინისტრო მუშაობს და შესაბამისი მოსამზადებელი სამუშაოები უკვე ჩატარებულია.

1789632052

სააგენტო haqqin.az-ის ცნობით, ამის შესახებ აშშ-ის კოლუმბიის ოლქის რაიონული სასამართლოს საქმის მასალებიდან (ENKA Renewables LLC v. Georgia) ირკვევა.საარბიტრაჟო გადაწყვეტილება საერთაშორისო სავაჭრო პალატამ 2024 წლის დეკემბერში გამოიტანა. თანხაზე პროცენტები ყოველკვარტალურად ირიცხება.საარბიტრაჟო დავა 2021 წლის ოქტომბერში დაიწყო, მას შემდეგ, რაც მაშინდელმა პრემიერ-მინისტრმა ირაკლი ღარიბაშვილმა განაცხადა, რომ ნამოხვანის ჰესის პროექტი არსებული ფორმით აღარ განხორციელდებოდა.იმ დროისთვის ENKA-ს პროექტის მოსამზადებელ სამუშაოებში დაახლოებით $100 მილიონი ჰქონდა ინვესტირებული. პროექტის ჯამური ღირებულება $800 მილიონად იყო შეფასებული.

1789545473

წინასწარი მონაცემებით, საქართველოს საზღვაო ნავსადგურებსა და ტერმინალებში 8 თვის განმავლობაში 13.7 მილიონი ტონა ტვირთი გადამუშავდა, რაც გასული წლის ანალოგიურ პერიოდზე 24%-ით მეტია.ამავე პერიოდში ნავსადგურებში გადამუშავებული კონტეინერების რაოდენობამ 554 174 TEU შეადგინა, რაც წლიურად 9%-იანი ზრდაა. ორივე მაჩვენებელი ბოლო 10 წლის განმავლობაში იანვარ-აგვისტოს პერიოდისთვის რეკორდულია.სარკინიგზო ტრანსპორტით გადაზიდული ტვირთების მოცულობამ 9.7 მილიონ ტონას მიაღწია, რაც 2025 წლის იმავე პერიოდთან შედარებით 11%-იანი ზრდაა. უშუალოდ ტრანზიტის რეჟიმში გადაზიდული ტვირთების მოცულობა 14%-ით გაიზარდა.საჰაერო გადაზიდვების მიმართულებით, საქართველოს აეროპორტებში 8 თვის განმავლობაში 29.3 ათასი ტონა ტვირთი გადამუშავდა, რაც წლიურად 30%-ით მეტია და ასევე ბოლო ათწლეულის რეკორდულ მაჩვენებელს წარმოადგენს.ზრდა დაფიქსირდა მგზავრთნაკადშიც. საქართველოს საერთაშორისო აეროპორტები იანვარ-აგვისტოში 5.7 მილიონ მგზავრს მოემსახურა, რაც გასული წლის ანალოგიურ პერიოდზე 1%-ით მეტია და ბოლო ათი წლის განმავლობაში პირველი რვა თვის ყველაზე მაღალი მაჩვენებელია.ამასთან, მხოლოდ აგვისტოში საქართველოს საერთაშორისო აეროპორტების მიერ მომსახურებული მგზავრების რაოდენობამ თვიური რეკორდი განაახლა.

1789375904

2026 წლის პირველ ნახევარში ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) - 4 715 კაცით განისაზღვრა. ბუნებრივი მატების დადებითი მაჩვენებელი დაფიქსირდა თბილისსა (424) და აჭარის ავტონომიურ რესპუბლიკაში (330).2026 წლის პირველ 6 თვეში რეგისტრირებულია ქორწინების 10 006 და განქორწინების 6 095 შემთხვევა.2026 წლის დაზუსტებული მონაცემები ხელმისაწვდომი იქნება 2027 წლის მარტის ბოლოს.

1789114862