Airbus 320 ტიპის საჰაერო ხომალდით, მოლდოვის დედაქალაქიდან  ბათუმში ავიაკომპანიამ პირველი რეისით, 182 მგზავრი ჩამოიყვანა, ბათუმი-კიშინაუს რეისზე კი 161 მგზავრი იყო, რაც აღნიშნულ მიმართულებაზე მაღალი მოთხოვნის არსებობაზე მიუთითებს. ზაფხულის სანავიგაციო სეზონზე, ავიაკომპანია Flyone კიშინაუ-ბათუმი-კიშინაუს საჰაერო ხაზზე რეისებს კვირაში სამჯერ შეასრულებს. ამ ეტაპზე ფრენები ორშაბათსა და ხუთშაბათს სრულდება, 14  ივლისიდან კი ემატება ოთხშაბათიც. Flyone მოლდოვური ავიაკომპანიაა, რომლის მთავარი ბაზაც კიშინაუს საერთაშორისო აეროპორტში მდებარეობს. კომპანია ახორციელებს რეგულარულ და ჩარტერულ რეისებს ევროპისა და ახლო აღმოსავლეთის მიმართულებით. აღსანიშნავია, რომ ბათუმის საერთაშორისო აეროპორტში აღნიშნული ავიაკომპანიის შვილობილი ბრენდი, Flyone Armenia-ც ოპერირებს და სომხეთის დედაქალაქიდან კვირაში სამჯერ ასრულებს ფრენებს. Flyone-ის ფლოტი (სომხურ შვილობილ კომპანიასთან ერთად) ჯამში 10-ზე მეტ საჰაერო ხომალდს მოიცავს და ძირითადად Airbus A320 და A321 ტიპის თვითმფრინავებისგან შედგება.

1782726510

7.2 კმ სიგრძის გვირაბი "ჩრდილოეთ-სამხრეთის" საერთაშორისო მარშრუტის ნაწილი გახდება. პროექტის ჯამური ღირებულება თითქმის 400 მილიონ აშშ დოლარს შეადგენს. მშენებლობა ფინანსდება ევრაზიის სტაბილიზაციისა და განვითარების ფონდის 200 მილიონი დოლარის კრედიტითა და სომხეთის მთავრობის სახსრებით.სამშენებლო სამუშაოებს ირანული კომპანიები Tunnel Sadd Ariana და Abad Rahan Pars International Group შეასრულებენ.სომხეთის გზების დეპარტამენტის ინფორმაციით, ახალი გვირაბი არსებულ მარშრუტს 14 კილომეტრით შეამოკლებს, ირანის საზღვრიდან კაჯარანამდე მგზავრობის დროს კი თითქმის 40 წუთით შეამცირებს. პროექტი ასევე უზრუნველყოფს მთელი წლის განმავლობაში უსაფრთხო მოძრაობას 2 535 მეტრზე მდებარე მაღალმთიანი მეღრის უღელტეხილის გვერდის ავლით.გვირაბის მშენებლობა დაახლოებით 6 წელი გაგრძელდება. პარალელურად, სომხეთმა და ირანმა სავაჭრო-ეკონომიკური თანამშრომლობის საკითხები განიხილეს.

1782715144

2025 წლის 31 დეკემბრის მდგომარეობით, წყალმომარაგების სისტემაზე მიერთებული იყო 2.87 მილიონი ადამიანი (მთლიანი მოსახლეობის 72.8%), რაც 2.9%-ით აღემატება წინა წლის ანალოგიურ მაჩვენებელს (2.79 მილიონი ადამიანი).2025 წელს წყალარინების (კანალიზაციის) ქსელზე მიერთებული მოსახლეობის რიცხოვნობამ 2.06 მილიონი შეადგინა (მთლიანი მოსახლეობის 52.3%), რაც წინა წლის ანალოგიურ მაჩვენებელს (2 მილიონი) აღემატება 3%-ით.2025 წელს ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობამ შეადგინა 1.64 მილიონი (მთლიანი მოსახლეობის 41.6%), რაც წინა წლის ანალოგიურ მაჩვენებელს (1.59 მილიონი) აღემატება 3.1%-ით.

1782460919

პრემიერ-მინისტრის შეფასებით, ბოლო წლებში შუა დერეფანი ევროპასა და აზიას შორის ერთ-ერთ ყველაზე საიმედო მარშრუტად ჩამოყალიბდა, საქართველო კი მძლავრ ეკონომიკურ და ლოგისტიკურ ჰაბად იქცა, რომელიც დამატებით ღირებულებას ქმნის საერთაშორისო სავაჭრო ბრუნვისთვის.„მიმდინარე წლის პირველ ხუთ თვეში საქართველოს პორტებში ტვირთბრუნვა 21%-ით გაიზარდა. რაც შეეხება ფოთის ახალ საზღვაო ნავსადგურს - ბოლო სამ წელიწადში აქ ტვირთბრუნვა 78%-ით არის გაზრდილი. ეს ციფრები ნათლად მიუთითებს იმაზე, რომ მოთხოვნა ჩვენს სატრანსპორტო დერეფანზე ძალიან სწრაფად იზრდება. ჩვენი ამოცანაა, ამ მოთხოვნას თანამედროვე ინფრასტრუქტურით ვუპასუხოთ. სწორედ ამიტომ, ვაგრძელებთ ქვეყნის სატრანსპორტო ქსელის სრულ მოდერნიზაციას: ვაფართოებთ პორტებს, ვაშენებთ ანაკლიის ღრმაწყლოვან ნავსადგურს, ვაახლებთ სარკინიგზო და საგზაო მაგისტრალებს“, - განაცხადა ირაკლი კობახიძემ.მან განსაკუთრებული მადლობა გადაუხადა აშშ-ის საერთაშორისო განვითარების საფინანსო კორპორაციას (DFC) და აღნიშნა, რომ პროექტი საერთო მიზნის გარშემო აერთიანებს სახელმწიფოს, ქართულ ბიზნესსა და ამერიკულ ფინანსურ ინსტიტუტებს. პრემიერმა ასევე ხაზი გაუსვა პროექტის განმავითარებელი ქართული კომპანია PACE Group-ის წარმატებას, რაც აჩვენებს, რომ ადგილობრივ ბიზნესს შესაბამისი კომპეტენცია და რესურსი გააჩნია.$25-მილიონიანი ამერიკული ინვესტიცია ფოთის პორტშისაქართველოში აშშ-ის საელჩოს ინფორმაციით, აშშ-ის საერთაშორისო განვითარების საფინანსო კორპორაციამ (DFC) ქართულ კომპანია PACE Group-თან $25 მილიონის ოდენობის მეორე სასესხო შეთანხმება ოფიციალურად გააფორმა.აღნიშნული ფინანსური რესურსი ფოთის ახალი საზღვაო პორტის მეორე ნავმისადგომის მშენებლობის დასრულებას მოხმარდება. პროექტის ეკონომიკური ეფექტი რამდენიმე ძირითად პუნქტს მოიცავს: გამტარუნარიანობის ზრდა: პორტის გამტარუნარიანობა წელიწადში დამატებით 1 მილიონ ტონაზე მეტით გაიზრდება. ტვირთების დივერსიფიკაცია: მნიშვნელოვნად გაიზრდება ნაყარი ტვირთების გადამუშავების შესაძლებლობა.რეგიონული კონკურენტუნარიანობა: გაძლიერდება კრიტიკული ინფრასტრუქტურა, რაც ვაჭრობას ტრანსკასპიური დერეფნის გასწვრივ კიდევ უფრო უსაფრთხოსა და ეფექტიანს გახდის.

1782383608

როგორ იცვლება ჯარიმები სიჩქარის გადაჭარბებაზე?მიღებული ცვლილებებით, სიჩქარის გადაჭარბების სანქციების სისტემა უფრო დიფერენცირებული ხდება. აღსანიშნავია, რომ ჯარიმების დიდი ნაწილი, რომელიც ახლა მცირდება, მიმდინარე წლის 1-ელი მაისიდან იყო გაზრდილი.ახალი ტარიფები შემდეგნაირად განაწილდა: 15-დან 30 კმ/სთ-მდე გადაჭარბება: 50 ლარი (100 ლარის ნაცვლად); 30-დან 50 კმ/სთ-მდე გადაჭარბება: 100 ლარი (ნაცვლად ძველი სისტემისა, სადაც 40 კმ/სთ-მდე ჯარიმა 100 ლარი იყო, ხოლო 40 კმ/სთ-ზე მეტზე - 300 ლარი); 50 კმ/სთ-ზე მეტით გადაჭარბება: ჯარიმა უცვლელი რჩება და კვლავ 300 ლარს შეადგენს. მწვანე ნარგავების დაზიანებაზე სანქციები რამდენჯერმე მცირდებასაკანონმდებლო ცვლილების კიდევ ერთი ნაწილი ეხება საგზაო-სატრანსპორტო შემთხვევის შედეგად მუნიციპალიტეტის საზღვრებში მწვანე ნარგავების დაზიანებას ან თვითნებურ განადგურებას. ამ მიმართულებით სანქციები რამდენჯერმე შემსუბუქდა, განსაკუთრებით კი დედაქალაქში: თბილისის საზღვრებში: ნარგავების დაზიანება პირველ ჯერზე 500 ლარით დაჯარიმდება (5 000 ლარის ნაცვლად), ხოლო განმეორებით ჩადენა - 1 000 ლარით (10 000 ლარის ნაცვლად). სხვა მუნიციპალიტეტებში: ჯარიმა პირველ ჯერზე განისაზღვრა 500 ლარით (2 000 ლარის ნაცვლად), ხოლო განმეორებით - 1 000 ლარით (5 000 ლარის ნაცვლად). შეღავათები დისტრიბუციისთვის: მოძრაობა ავტობუსის ზოლებშიცვლილებების თანახმად, სადისტრიბუციო მანქანებს ღამის საათებში, კერძოდ 01:00 საათიდან 06:00 საათამდე, ოფიციალურად ეძლევათ უფლება, იმოძრაონ ან გაჩერდნენ ავტობუსის ზოლში (Bus Lane) ტვირთის გადმოზიდვის მიზნით.კონკრეტულ წესებსა და კრიტერიუმებს, თუ რომელ სტანდარტებს უნდა აკმაყოფილებდეს სადისტრიბუციო ტრანსპორტი ამ უფლებით სარგებლობისთვის, შინაგან საქმეთა მინისტრი სპეციალური ბრძანებით დაადგენს.

1782382318

საელჩოს განცხადებით, აღნიშნული ინფრასტრუქტურული პროექტის დასრულება მნიშვნელოვნად გაზრდის ნაყარი ტვირთების გადამუშავების შესაძლებლობას. კერძოდ, პორტის გამტარუნარიანობა წელიწადში დამატებით ერთი მილიონი ტონით გაიზრდება, რაც ხელს შეუწყობს კრიტიკული ინფრასტრუქტურის გაძლიერებას და ტრანსკასპიური დერეფნის გასწვრივ ვაჭრობას უფრო უსაფრთხოსა და ეფექტიანს გახდის.მიმდინარე პროექტი DFC-ისა და PACE Group-ის წარმატებული პარტნიორობის გაგრძელებაა.აღნიშნული თანამშრომლობის ფარგლებში, კორპორაციამ ჯერ კიდევ 2020 წელს, ფოთის ახალი საზღვაო პორტის ტერმინალის განვითარებისა და მშენებლობისთვის $50 მლნ-ის ოდენობის სესხი გამოყო.ცნობისთვის, DFC აშშ-ის მთავრობის საერთაშორისო საინვესტიციო სააგენტოა. მისი საქმიანობა მიმართულია ამერიკელი გადასახადის გადამხდელებისთვის მყარი ეკონომიკური შედეგების უზრუნველყოფაზე, პარალელურად კი, იგი ხელს უწყობს აშშ-ის მოკავშირეებისა და პარტნიორი ქვეყნების მდგრად ეკონომიკურ განვითარებას.

1782371552

შეხვედრას ქართული მხრიდან დაესწრო ფინანსთა მინისტრის მოადგილე ეკატერინე გუნცაძე.გაცნობითი ხასიათის შეხვედრაზე მხარეებმა მიმოიხილეს სავაჭრო-ეკონომიკური კავშირების კუთხით არსებული პოტენციალი. ფინანსთა მინისტრმა დიპლომატს გააცნო ქვეყნის მიმდინარე მაკროეკონომიკური მაჩვენებლები და საშუალოვადიანი პროგნოზები.ხაზი გაესვა საქართველოს სტრატეგიულ როლს შუა დერეფნის განვითარებაში. ამ კონტექსტში, საუბარი შეეხო საპორტო და სააეროპორტო ინფრასტრუქტურის მშენებლობის საკითხებს. შეხვედრის დასასრულს მხარეებმა თანამშრომლობის გაძლიერების მზაობა გამოხატეს.

1782310380

ყაზახეთის პრეზიდენტის ადმინისტრაციის ინფორმაციით, თოყაევმა ეს განცხადება ბრიუსელში ვიზიტის ფარგლებში, კომპანია Mediterranean Shipping Company-ის (MSC) უფროს ვიცე-პრეზიდენტთან ედუარდ სიეგრისტთან შეხვედრისას გააკეთა.თოყაევის თქმით, ტრანსკასპიური საერთაშორისო სატრანსპორტო დერეფნის პოტენციალის გასაძლიერებლად მიმდინარეობს რამდენიმე მნიშვნელოვანი ინფრასტრუქტურული პროექტის განხორციელება, მათ შორის, კასპიის ზღვაზე სატვირთო ფლოტის გაფართოება, აზერბაიჯანთან ერთად ფსკერის გაღრმავების სამუშაოები და კურიკის პორტის მოდერნიზაცია.შეხვედრაზე მხარეებმა ტრანსპორტისა და ლოგისტიკის სფეროში თანამშრომლობის პერსპექტივებიც განიხილეს.განსაკუთრებული ყურადღება კონტეინერიზაციის დონის ზრდას დაეთმო, რაც ტვირთბრუნვის მნიშვნელოვან ზრდას უნდა შეუწყოს ხელი.თოყაევმა აღნიშნა, რომ შუა დერეფნის განვითარება ყაზახეთისთვის სტრატეგიულ პრიორიტეტს წარმოადგენს და მიესალმა MSC-ის ინტერესს კასპიის სანაპიროზე საპორტო ინფრასტრუქტურაში ინვესტიციების განხორციელების მიმართ.თავის მხრივ, MSC-ის წარმომადგენელმა კომპანიის გრძელვადიანი საინვესტიციო გეგმები წარადგინა, რომლებიც ყაზახეთში ლოგისტიკურ ტერმინალებში, სარკინიგზო აქტივებში, საპორტო ინფრასტრუქტურაში, საზღვაო მომსახურებებსა და სატვირთო ავიაგადაზიდვებში ინვესტიციებს მოიცავს.

1782299755

ბათუმში, 2026 წლის მაისში ახალაშენებული ბინების ტრანზაქციების რაოდენობა 2025 წლის მაისთან შედარებით 3.3%-ით გაიზარდა, ძველი ბინების ტრანზაქციებმა კი 7.3%-ით იკლო.ტრანზაქციების რაოდენობა 13.4%-ით გაიზარდა მეორეულ ბაზარზე, ხოლო პირველად ბაზარზე 8.5%-იანი კლება დაფიქსირდა.უცხოელი მყიდველების წილი ძველი და ახალი პროექტების ტრანზაქციებში გასული წლის მაისთან შედარებით გაიზარდა და 49% შეადგინა. ახალ და ძველ პროექტებში ტრანზაქციების რაოდენობის ზრდის 59% უცხოელ მყიდველებზე მოდის.ამასთან, 2026 წლის მაისში ბათუმში საცხოვრებელი ბინების ტრანზაქციების რაოდენობა გასული წლის მაისთან შედარებით 2.5%-ით გაიზარდა და 1,324 ერთეული შეადგინა, ბაზრის ზომა კი 22.2%-ით $87 მლნ-მდე გაიზარდა.

1782294785

2026 წლის მაისში თბილისში ძველი ბინების საშუალო შეწონილი გასაყიდი ფასი 2025 წლის მაისთან შედარებით ქალაქის ცენტრში 23.5%-ით, ფართო ცენტრში 3%-ით, ხოლო გარეუბანში 11.6%-ით გაიზარდა. ქალაქის მასშტაბით ძველ პროექტებში ფასმა 16%-ით მოიმატა.აღსანიშნავია, რომ ქალაქის ცენტრში ფასების მნიშვნელოვანი ზრდაზე გავლენას ახდენს დარეგისტრირებული ტრანზაქციების მცირე რაოდენობა.2026 წლის მაისში თბილისში ახალაშენებული ბინების საშუალო შეწონილი გასაყიდი ფასი 2025 წლის მაისთან შედარებით 7.2%-ით გაიზარდა გარეუბნებში, 10.6%-ით - ფართო ცენტრში, ხოლო, ქალაქის ცენტრში 29.6%-იანი ზრდა დაფიქსირდა.recov.ge-ის მონაცემებით, ქალაქის ცენტრში ფასებმა ძირითადად პირველადი ბაზრის ხარჯზე მოიმატა, რადგან ერთდროულად დარეგისტრირდა რამდენიმე ძვირად ღირებული პროექტის ტრანზაქციები. ხოლო, მეორეულ ბაზარზე ქალაქის ცენტრში 11.5%-იანი ზრდა ფიქსირდება.ქალაქის მასშტაბით პირველადი ტრანზაქციების საშუალო შეწონილი ფასის ზრდამ 14.9% შეადგინა. მეორეულ ბაზარზე კი საშუალო შეწონილი ფასი ქალაქის მასშტაბით 5.5%-ით გაიზარდა.2026 წლის მაისში თბილისში ახალ პროექტებში ტრანზაქციების რაოდენობა გასული წლის მაისთან შედარებით 15.3%-ით გაიზარდა. ზრდა დაფიქსირდა ახალაშენებული ბინების როგორც პირველად (11.4%), ისე მეორეულ ბაზრებზე (20.7%).ამასთან, მეორეულ ბაზარზე ზრდის 40% მოდის სამგორის უბანზე. ტრანზაქციების რაოდენობა 5.1%-ით გაიზარდა ძველ პროექტებშიც. თბილისში, როგორც ძველ ისე ახალ პროექტებში ტრანზაქციების უმეტესობა საქართველოს მოქალაქეებზე მოდის, უცხოეთის მოქალაქეების წილი კი 2026 წლის მაისში მხოლოდ 11.4% იყო.

1782294499