ორგანიზაციის ანალიზში აღნიშნულია, რომ არააქტიური მოსახლეობის ზრდა ძირითადად პენსიონერებისა და 15 წლამდე ასაკის პირების ჯგუფების ხარჯზე ხდება. კვლევა დეტალურად მიმოიხილავს დასაქმებისა და უმუშევრობის კუთხით ქვეყანაში არსებულ სტრუქტურულ გამოწვევებსა და დემოგრაფიული ცვლილებების გავლენას შრომის ბაზარზე."2024 წლის აღწერამ 15 წლისა და მეტი ასაკის 3 158 758 ადამიანი დააიდენტიფიცირა. მათი ნაწილი ეკონომიკურად აქტიურია (დასაქმებული და ის უმუშევარი ადამიანები, რომლებიც აქტიურად ეძებდნენ სამუშაოს გასული 4 კვირის განმავლობაში და მზად არიან, დაიწყონ მუშაობა უახლოეს 2 კვირაში), ნაწილი კი - ეკონომიკურად არააქტიური. ეს უკანასკნელი, ერთი მხრივ, მოიცავს პოტენციურ სამუშაო ძალასა (ადამიანები, რომლებიც გასული 4 კვირის განმავლობაში აქტიურად ეძებდნენ სამუშაოს, თუმცა მზად არ არიან, მუშაობის დასაწყებად უახლოეს 2 კვირაში, ან არ ეძებდნენ სამუშაოს გასული 4 კვირის განმავლობაში, თუმცა მზად არიან, დაიწყონ მუშაობა უახლოეს 2 კვირაში) და სამუშაო ძალის გარეთ მყოფ მოსახლეობას (ადამიანები, რომლებიც გასული 4 კვირის განმავლობაში არ ეძებდნენ სამუშაოს და არ იყვნენ მზად მუშაობის დასაწყებად უახლოესი 2 კვირის განმავლობაში; მაგ., პენსიონერები, მოსწავლეები, და სხვა).როგორც მონაცემების ანალიზიდან იკვეთება, 2014 წელთან შედარებით, 2024 წელს 15 წელს ზემოთ მოსახლეობაში ეკონომიკურად აქტიური მოსახლეობის წილი 63.7%-დან 55.6%-მდე შემცირდა.2014 წლის შემდგომ, უმუშევართა წილმა 16.1%-დან 13%-მდე დაიკლო, თუმცა, 53.4%-დან 48.3%-მდე შემცირდა დასაქმების დონეც, ანუ დასაქმებულთა წილი 15 წლის ზემოთ ასაკის მოსახლეობაში. ეს იმას ნიშნავს, რომ ეკონომიკურად არააქტიური მოსახლეობის წილი გაიზარდა, რაც, თავის მხრივ, უარყოფით ეკონომიკურ ან/და დემოგრაფიულ ტენდენციად შეიძლება მივიჩნიოთ.ამასთან, სტატისტიკის მიზნებისთვის, დასაქმებულად ითვლება 15 წლისა და უფროსი ასაკის პირი, რომელიც ბოლო 1 კვირის განმავლობაში, ანაზღაურების ან მოგების მიღების მიზნით, სულ მცირე 1 საათს მაინც მუშაობდა. ამიტომ, დასაქმებული მოსახლეობის მაჩვენებელი - 48.3%, იმ ადამიანებსაც მოიცავს, რომლებმაც თუნდაც 1 ან 2 საათის განმავლობაში იმუშავეს. ეს მაჩვენებელი ავტომატურად არ აჩვენებს, თუ რა განაკვეთზეა ადამიანი დასაქმებული და რამდენად ადეკვატურია მისი დასაქმება.ამ სფეროში თვალშისაცემია გენდერული სხვაობაც. როგორც საქართველოს მასშტაბით, ისე ყველა რეგიონში, კაცებთან (53.2%) შედარებით, ქალების (44.1%) დასაქმების დონე უფრო დაბალია. ქალთა დანარჩენი ნაწილი უმუშევართა ან ეკონომიკურად არააქტიური მოსახლეობის კატეგორიაში გვხვდება.დასაქმებისა და უმუშევრობის მიმართულებით, არაერთ მუნიციპალიტეტში ვითარება კიდევ უფრო მძიმეა. 16 მუნიციპალიტეტში დასაქმების დონე 39-43%-ს შორის მერყეობს, ხოლო 13 მუნიციპალიტეტში უმუშევრობის დონე 17%-ზე მეტია.საქართველოსა და ევროკავშირის მონაცემების შედარება საინტერესო დასკვნების გაკეთების შესაძლებლობას იძლევა. მაშინ, როდესაც 20-64 წლის ასაკის მოსახლეობის დასაქმების საშუალო დონე ევროკავშირში 75.7% იყო, იგივე მაჩვენებელი საქართველოში მხოლოდ 59.6%-ს შეადგენდა. ეს იმის მიმანიშნებელია, რომ საქართველოს მოსახლეობაზე ორიენტირებული და ეფექტიანი პოლიტიკა სჭირდება, რათა ევროკავშირის საშუალო მაჩვენებელს მიაღწიოს", - წერს სოციალური სამართლიანობის ცენტრი.

1786362386

სამართალდამრღვევ პირებს ჩამოერთვათ სამეწარმეო საქმიანობისათვის განკუთვნილი საქონელი და მოხდა მისი მოქცევა სახელმწიფო საკუთრებაში.

1786354949

დოკუმენტის მიხედვით, გადაწყვეტილება „სახელმწიფო ქონების შესახებ“ საქართველოს კანონის შესაბამისად მიიღეს. ეკონომიკისა და მდგრადი განვითარების სამინისტროს სისტემაში შემავალ სსიპ სახელმწიფო ქონების ეროვნულ სააგენტოსა და ინფრასტრუქტურის სამინისტროს განკარგულების შესასრულებლად საჭირო ღონისძიებების გატარება დაევალათ.სამეწარმეო რეესტრის მონაცემებით, აღნიშნული საიდენტიფიკაციო კოდით სახელმწიფო საწარმო 2012 წელს დაფუძნდა და ის შპს „ქუთაისის დავით აღმაშენებლის სახელობის საერთაშორისო აეროპორტი“ იყო, რომლის 100%-იან წილს „საქართველოს აეროპორტების გაერთიანება“ ფლობდა.წილების ცვლილება 2026 წლის 21 ივლისს განხორციელდა, როდესაც მისი მესაკუთრე სრულად სახელმწიფო გახდა, ხოლო 22 ივლისს კომპანიას სახელი შეეცვალა და „საქართველოს გზების ოპერატორი“ ეწოდა. ბიზნესრეესტრის 6 აგვისტოს ამონაწერით, საწარმოს დირექტორი ალექსანდრე ზაბახიძეა.საერთაშორისო და შიდასახელმწიფოებრივი მნიშვნელობის გზების მოვლა-შენახვის მიზნით ახალი სახელმწიფო კომპანიის დაფუძნების შესახებ ცნობილი 2026 წლის ივნისში გახდა.საკანონმდებლო ცვლილებების მიხედვით, კომპანიისთვის დაახლოებით ₾63 მლნ-ის საწყისი კაპიტალური ინვესტიციაა გათვალისწინებული, რაც ტექნიკური ბაზის ფორმირებას, სპეციალიზებული ტექნიკის შეძენას, ინფრასტრუქტურის მოწყობასა და თანამედროვე ტექნოლოგიური სისტემების დანერგვას მოხმარდება. აღნიშნული თანხა 2026 წლის მოქმედ ბიუჯეტში ჯერჯერობით გათვალისწინებული არ არის.სახელმწიფო კომპანია პირველ ეტაპზე გორი-არგვეთას 105-კილომეტრიანი საერთაშორისო მნიშვნელობის ავტომაგისტრალის მოვლა-შენახვისა და მართვის სამუშაოებს განახორციელებს.

1786354034

ჩიკაგოს ბირჟაზე ხორბლის ყველაზე აქტიური ფიუჩერსები ორშაბათს 1.8%-ით გაძვირდა და 30 ივლისის შემდეგ მაქსიმალურ დონეს მიაღწია. მყარი წითელმარცვლოვანი საშემოდგომო ხორბლის წამყვანი კონტრაქტის ფასი კი 2.4%-ით გაიზარდა.უქმეებზე თურქეთმა რუსეთ-უკრაინის ომით გამოწვეული უსაფრთხოების მაღალი რისკების გამო შავ ზღვაში საკუთარი გემების გადაადგილება დროებით შეაჩერა. ქვეყნის საგარეო საქმეთა მინისტრმა ხაკან ფიდანმა მხარეებს რეგიონში თავდასხმებზე მორატორიუმის დაწესებისკენ მოუწოდა.Futures International-ის ნედლეულით ვაჭრობის დირექტორის, ჯო დევისის განმარტებით, შეფერხებებმა ყველაზე მეტად ამერიკული მყარი წითელმარცვლოვანი ხორბლის ფასები დააფიქსირა, რადგან ის პირდაპირ კონკურენციას უწევს შავი ზღვის რეგიონისა და ევროპის მაღალპროტეინულ სასურსათო ხორბალს.„მიუხედავად იმისა, რომ ეს შეფერხებები აშშ-ისთვის ექსპორტის შეკვეთების დაუყოვნებლივ ზრდას არ ნიშნავს, ის აუარესებს გლობალური საექსპორტო მიწოდების პერსპექტივას და იმპორტიორებს აიძულებს, მომარაგების წყაროების დივერსიფიკაცია მოახდინონ“, - აღნიშნა დევისმა.ფასების ზრდას ასევე წინ უძღოდა უკრაინის განცხადება იმის შესახებ, რომ რუსული თავდასხმების გამო 2026-2027 მარკეტინგულ წელს სოფლის მეურნეობის პროდუქციის ექსპორტი შესაძლოა ორჯერ და მეტად შემცირდეს ადრეულ პროგნოზებთან შედარებით.შავ ზღვაში გემებზე, პორტებსა და საექსპორტო ტერმინალებზე თავდასხმების ინტენსივობამ მარცვლეულისა და ნავთობის მიწოდება უკვე შეაფერხა. უსაფრთხოების რისკების ზრდის გამო გემთმფლობელები პორტებში შესვლას ამცირებენ, ხოლო ფრახტისა და სამხედრო დაზღვევის ღირებულება იზრდება.

1786351810

გემების გადაადგილების მონაცემების მიხედვით, ნავთობის ტანკერი Aegean Dream დარდანელის სრუტეში კვირას, 9 აგვისტოს შევიდა. გემი სრუტეში შესვლას ხუთშაბათიდან ელოდებოდა. მისი საბოლოო დანიშნულების ადგილი ნოვოროსიისკში კასპიის მილსადენის კონსორციუმის (CPC) ტერმინალია.კვირა დილით სრუტე გაიარა ასევე კონტეინერმზიდმა Mehmet Kahveci A-მ, რომელიც ასევე ნოვოროსიისკისკენ მიემართებოდა.მანამდე თურქეთის სანაპირო უსაფრთხოების გენერალური სამმართველო უკრაინისა და რუსეთის პორტებისკენ მიმავალ გემებს ატყობინებდა, რომ სატრანზიტო ნებართვების გაცემა დროებით შეჩერებული იყო.სრუტეებით მოძრაობის აღდგენა მნიშვნელოვანია შავი ზღვის სავაჭრო და ენერგეტიკული ლოგისტიკისთვის, მათ შორის ნოვოროსიისკის მიმართულებით, სადაც კასპიის მილსადენის კონსორციუმის ტერმინალი მდებარეობს. სწორედ ამ მილსადენით ხორციელდება ყაზახური ნავთობის დიდი ნაწილის ექსპორტი საერთაშორისო ბაზრებზე.

1786340777

კომპანიის ეს გეგმები წარმოდგენილია Samruk-Kazyna-ს საზოგადოებრივი საბჭოს სხდომაზე წარდგენილ პრეზენტაციაში, რომელსაც რუსული სააგენტო „ინტერფაქსი“ ავრცელებს.2025 წლის განმავლობაში „ყაზმუნაიგაზმა“ ბაქო-თბილისი-ჯეიჰანის მილსადენით 1,3 მლნ ტონა ნავთობი გადაზიდა. შესაბამისად, 2026 წელს ზრდა დაახლოებით 31%-ს შეადგენს.დაახლოებით 1,7 ათასი კილომეტრის სიგრძის ბაქო-თბილისი-ჯეიჰანის მილსადენი აკავშირებს კასპიის ზღვის ნავთობის საბადოებს თურქეთის ხმელთაშუა ზღვის სანაპიროზე მდებარე ჯეიჰანის პორტთან. მარშრუტი გადის აზერბაიჯანის, საქართველოსა და თურქეთის ტერიტორიებზე და წარმოადგენს ერთ-ერთ მთავარ ალტერნატიულ საექსპორტო მიმართულებას კასპიის რეგიონისთვის.ყაზახეთისთვის ბაქო-თბილისი-ჯეიჰანის მიმართულების მნიშვნელობა ბოლო წლებში გაიზარდა, რადგან ქვეყანა ცდილობს ნავთობის ექსპორტის დივერსიფიცირებას და რუსეთის გავლით არსებულ მარშრუტებზე დამოკიდებულების შემცირებას.საქართველოსთვის ყაზახური ნავთობის მოცულობების ზრდა ბაქო-თბილისი-ჯეიჰანის სისტემაში ნიშნავს სატრანზიტო როლის გაძლიერებას ენერგეტიკულ დერეფანში, რომელიც აკავშირებს ცენტრალურ აზიას შავი ზღვის რეგიონისა და ხმელთაშუა ზღვის ბაზრებთან.ბაქო-თბილისი-ჯეიჰანის მილსადენი, რომელიც 2006 წელს ამოქმედდა, კვლავ რჩება სამხრეთ კავკასიის ერთ-ერთ უმნიშვნელოვანეს ენერგეტიკულ ინფრასტრუქტურულ პროექტად და საქართველოსთვის სტრატეგიულ სატრანზიტო აქტივად.

1786121497

საქართველოს ადმინისტრაციულ სამართალდარღვევათა კოდექსის 192-ე მუხლის მე-5 ნაწილის შესაბამისად, კანონდამრღვევ მოქალაქეებს ჩამოერთვათ უაქციზო საქონელი.176 ფაქტზე, სამართალდამრღვევი პირების მიმართ საქართველოს ადმინისტრაციულ სამართალდარღვევათა კოდექსის 1552  მუხლის შესაბამისად, შედგა ადმინისტრაციული სამართალდარღვევის ოქმები და საქმის მასალები  ქვემდებარეობის მიხედვით სასამართლოს გადაეგზავნა.9 ფაქტზე საქართველოს საგადასახადო კოდექსის 271-ე მუხლის მე-7 ნაწილის შესაბამისად, საქმის მასალები საქართველოს ფინანსთა სამინისტროს საგამოძიებო სამსახურს გადაეგზავნა, ხოლო დანარჩენი 141 ფაქტი ჩაითვალა არაიდენტიფიცირებულ შემთხვევად და შედგა ამოღების ოქმები.

1786091455

თქვა, რომ GR-ისმ მოდერნიზაცია უნდა განაგრძონ.„ბათუმამდე ვიმგზავრეთ მატარებლით, რომელიც ახალი სიჩქარით მოძრაობს. მგზავრობის დრო იყო 5,5 სთ შემცირებულია 4 სთ-მდე. ერთ წელში  ფუნდამენტური ცვლილებები განხორციელდა.  კიდევ ძალიან ბევრი რამ არის დაგეგმილი,  რაზეც საზოგადოებას პერიოდულად ვაწვდიდით ინფორმაციას. ყველა რეფორმა სათანადო ვადებში განხორციელდება“, - განაცხადა ირაკლი კობახიძემ.მთავრობის ადმინისტრაციის ინფორმაციით, გაუმჯობესდა GR-ის ინფრასტრუქტურა, სრულად რეაბილიტირებულია ლიანდაგი, ცენტრალურ მაგისტრალზე მოძრავი შემადგენლობებისთვის შეზღუდვები მოიხსნა.რეაბილიტირებულია სამგზავრო სადგურებიც. მატარებლები კაპიტალურად რემონტდება. დაწყებულია 10 ახალი სამგზავრო მატარებლის შესყიდვის პროცედურები.

1786026649

აზერბაიჯანის საელჩოში აცხადებენ, რომ პრობლემა კონტროლზეა აყვანილი და საკითხი საქართველოს უფლებამოსილ სახელმწიფო უწყებებთან ერთად შესწავლის პროცესშია.აზერბაიჯანული საინფორმაციო სააგენტო Report-ის ინფორმაციით, მძღოლები კვირებია ელოდებიან საბაჟო პროცედურების დასრულებას „სარფისა“ და „წითელი ხიდის“ სასაზღვრო-გამშვებ პუნქტებზე, ასევე თბილისის გაფორმების ეკონომიკურ ზონაში (გეზ).გადამზიდავების განცხადებით, მებაჟეები შეჩერების კონკრეტულ მიზეზებს, ეხება ეს ტვირთს, წონას თუ დოკუმენტაციას - არ განუმარტავენ.დაზარალებული მძღოლები აცხადებენ, რომ პროცესი საგრძნობლად გაჭიანურდა და ზოგ შემთხვევაში შეყოვნება თვეზე მეტს შეადგენს: თეიმურ სულთანოვი: აცხადებს, რომ „სარფის“ გამშვებ პუნქტზე 15 დღეა იმყოფება. მას ჩამოართვეს პასპორტი, მართვის მოწმობა და მანქანის საბუთები, პასუხად კი მხოლოდ „დაელოდეთ“-ს ეუბნებიან. ელდენიზ მამედლიევი: საქართველოში უკვე 45 დღეა ყოვნდება. მას ქუთაისში წარმოებული და მეტალურგიისთვის განკუთვნილი ქიმიური ნივთიერება გადაჰქონდა აზერბაიჯანში. მისი თქმით, ავტომობილი საბაჟოზე სრულად დაშალეს, ჩამოართვეს ტელეფონი და დოკუმენტები, პასპორტი კი მხოლოდ 20 დღის შემდეგ დაუბრუნეს. მძღოლის თქმით, ამ ხნის განმავლობაში ავტომობილი დაშლილი იყო, ხოლო თავად ქუჩაში ღამის გათევა უწევდა. ბაჰადურ და იმან ალიევები: უკვე რამდენიმე დღეა ბათუმში საბაჟო გაფორმებას ელოდებიან, თუმცა ოფიციალურ განმარტებებს ვერც ისინი იღებენ. ტვირთის მფლობელ საჰიბ ალიევის განმარტებით, შექმნილი ვითარება, სავარაუდოდ, საბაჟოზე დოკუმენტების არადროული შემოწმებისა და ბიუროკრატიული გაურკვევლობის შედეგია. მისი თქმით, საბაჟოზე მოითხოვეს საქართველოს გარემოს დაცვისა და სოფლის მეურნეობის სამინისტროს სპეციალური ნებართვა და მისი ქართულენოვანი თარგმანი. ალიევი აღნიშნავს, რომ ეს ნებართვა ჯერ კიდევ 2023 წელს არის გაცემული და იგივე დოკუმენტაციით ტვირთი საქართველოს ტერიტორიაზე შარშან ოქტომბერ-დეკემბერში და მიმდინარე წლის მარტ-აპრილში სრულიად შეუფერხებლად გადადიოდა.გარდა პროცედურული შეფერხებებისა, მძღოლები ქართველი მებაჟეების მხრიდან არასათანადო და უხეშ მოპყრობაზეც მიუთითებენ.როგორც აზერბაიჯანული მედია აღნიშნავს, ეს არ არის პირველი შემთხვევა, როდესაც აზერბაიჯანული სატვირთოები საქართველოს საზღვარზე ყოვნდებიან, თუმცა ამჯერად გაურკვევლობა და ლოდინის ხანგრძლივი ვადები გადამზიდავების უკმაყოფილებას განსაკუთრებით ზრდის.ფოტო: Report.az

1786014528

მისი განმარტებით, აქამდე აღნიშნულ მარშრუტზე მგზავრობას 5 საათი და 30 წუთი სჭირდებოდა, დროის შემცირება კი ლიანდაგსა და ინფრასტრუქტურაზე ჩატარებულმა კაპიტალურმა სამუშაოებმა გახადა შესაძლებელი.„ეს საკმაოდ მნიშვნელოვანი გაუმჯობესებაა. ბოლო პერიოდის განმავლობაში, ლიანდაგსა და ინფრასტრუქტურაზე მნიშვნელოვანი კაპიტალური სამუშაოები ჩავატარეთ, რომელმაც საშუალება მოგვცა, გარკვეულ მონაკვეთებზე სიჩქარეები გაგვეზარდა, მოგვეხსნა შეზღუდვები და თბილისიდან ბათუმში უსაფრთხოდ, 4 საათში ვიმგზავროთ“, - აღნიშნა ლაშა აბაშიძემ.„საქართველოს რკინიგზის“ ხელმძღვანელის თქმით, პარალელურად აქტიურად მიმდინარეობს სადგურების ინფრასტრუქტურის განახლებაც. კომპანიის მიზანია, სრულად მოაწესრიგოს როგორც მაგისტრალური, ისე საგარეუბნო სადგურები.„ფაქტობრივად უკვე მიმდინარეობს 5-7 სადგურის რეაბილიტაცია, წელს კიდევ 5 სადგურის დამატებას ვგეგმავთ, ხოლო მომავალ წელს სადგურების რეაბილიტაციის პროცესი სრულად უნდა დავასრულოთ“, - განაცხადა აბაშიძემ.

1786006393