მიმართულებაში - „ხელოვნური ინტელექტის გამოყენება ფინანსურ სექტორში“ გუნდმა Goni-მ გაიმარჯვა. გუნდის წევრებმა მოიპოვეს GITA-ს 20 000-ლარიანი პრიზი შექმნილი პროტოტიპის შემდგომი განვითარებისთვის. გარდა ამისა, Tether-ისა და Pave Bank-ის მხარდაჭერით, Goni გაემგზავრება დუბაიში და დაესწრება გლობალურ ტექნოლოგიურ გამოფენას GITEX Global 2026.გუნდი Faeda AI საუკეთესოდ დასახელდა მიმართულებაში „ღია ბანკინგის API-ების დიაგნოსტიკა და ბენჩმარკინგი“. გუნდის წევრებმა, მოიპოვეს საგზური აზიის წამყვან ფინტექ ღონისძიებაზე  Singapore FinTech Festival 2026-ზე დასასწრებად, სადაც საკუთარ პროექტს საერთაშორისო ასპარეზზე წარადგენენ.ფინტექ ჰაკათონი ხელოვნური ინტელექტისა და ღია ბანკინგის მიმართულებებს აერთიანებდა. მონაწილეები მუშაობდნენ ფინანსური სექტორისთვის აქტუალური საკითხების გადაჭრაზე, მათ შორის API-ების დიაგნოსტიკისა და ბენჩმარკინგის, საკრედიტო რისკების შეფასების, თაღლითობის გამოვლენისა და საოპერაციო პროცესების გაუმჯობესების მიმართულებით.ნათია თურნავამ სიტყვით გამოსვლისას აღნიშნა, რომ ინოვაციის განვითარებისთვის მნიშვნელოვანია ისეთი გარემოს შექმნა, რომელიც ახალი იდეების გამოცდასა და რეალური პრობლემების ტექნოლოგიური გადაწყვეტების შემუშავებას უწყობს ხელს.„ინოვაცია აზრს იძენს მაშინ, როდესაც ის სცდება იდეის ფარგლებს და იწყებს რეალური პრობლემის გადაჭრას. ღია ბანკინგი და ხელოვნური ინტელექტი ფინანსური მომსახურების ტრანსფორმაციის მნიშვნელოვანი მიმართულებებია. ღია ბანკინგი, მომხმარებლის თანხმობით ფინანსურ მონაცემებზე უსაფრთხო წვდომის შესაძლებლობით, ქმნის საფუძველს კონკურენციის გაძლიერებისთვის, ინოვაციური პროდუქტების განვითარებისა და მომხმარებლებისთვის უკეთესი მომსახურების შეთავაზებისთვის. ხელოვნური ინტელექტი კი ფინანსურ ინსტიტუტებს ინფორმაციის უფრო ეფექტიანად დამუშავებაში, რისკების შეფასებასა და თაღლითობის გამოვლენაში ეხმარება. ამასთან, ტექნოლოგიური პროგრესი პასუხისმგებლიან მიდგომას, უსაფრთხოებასა და გამჭვირვალობას უნდა ეფუძნებოდეს“, - განაცხადა ნათია თურნავამ.ეროვნული ბანკის პრეზიდენტმა ყურადღება გაამახვილა ფინანსურ სექტორში ინოვაციების განვითარების პროცესში მარეგულირებლის როლზეც. მისი თქმით, მნიშვნელოვანია, მარეგულირებელი მხოლოდ ტექნოლოგიური ცვლილებების დამკვირვებელი არ იყოს და თავადაც ავითარებდეს შესაბამის ცოდნასა და პრაქტიკულ გამოცდილებას.„თბილისის ფინანსური სამიტის“ ფარგლებში გამართული ფინტექ ჰაკათონი, მიზნად ისახავდა ფინანსურ ტექნოლოგიებში ინოვაციური და მასშტაბირებადი პროდუქტების შექმნის ხელშეწყობას, ადგილობრივი და საერთაშორისო ტექნოლოგიური ტალანტების გაძლიერებასა და ფინანსურ სექტორში ხელოვნური ინტელექტისა და ღია ბანკინგის განვითარებას.

1793263774

დისკუსიის მთავარი თემა ქვეყნებს შორის გადახდების განვითარება, ფინანსური ინფრასტრუქტურის ურთიერთთავსებადობა და რეგიონული ფინანსური კავშირების გაძლიერება იყო.პანელის მონაწილეებმა, რომლებსაც ქვეყნებს შორის გადახდების განვითარებისა და საგადახდო ინფრასტრუქტურების ურთიერთდაკავშირების მიმართულებით მნიშვნელოვანი საერთაშორისო გამოცდილება აქვთ, სხვადასხვა ქვეყნის პრაქტიკაზე დაყრდნობით გააზიარეს საკუთარი გამოცდილება და ხედვები სწრაფი, უსაფრთხო და ეფექტიანი გადახდების განვითარების შესაძლებლობებსა და გამოწვევებზე.საუბარი ასევე შეეხო როგორც ტრადიციულ საგადახდო ტექნოლოგიებზე დაფუძნებული პროდუქტებისა და სერვისების, ისე სტაბილკოინების გამოყენების პოტენციალს საერთაშორისო გადახდებში, ასევე მათთან დაკავშირებულ მარეგულირებელ გამოწვევებს.ეკატერინე გალდავამ მონაწილეებს საქართველოს ეროვნული ბანკის, როგორც რეგულატორის, ხედვა და გამოცდილება გაუზიარა, მათ შორის, საგადახდო ინფრასტრუქტურის განვითარების, ინოვაციების ხელშეწყობისა და შესაბამისი რისკების მართვის მიმართულებით.„ქვეყნებს შორის გადახდების განვითარებისთვის მნიშვნელოვანია არა მხოლოდ თანამედროვე ტექნოლოგიების დანერგვა, არამედ საგადახდო ინფრასტრუქტურების ურთიერთთავსებადობა, საერთო სტანდარტების არსებობა და მარეგულირებლებს შორის თანამშრომლობა. საქართველოს ეროვნული ბანკი აქტიურად მუშაობს როგორც არსებული საგადახდო ინფრასტრუქტურის მოდერნიზაციაზე, ისე ახალი სისტემებისა და სერვისების დანერგვაზე. ამასთან, ჩვენ ღია ვართ ინოვაციური ტექნოლოგიების მიმართ, ვსწავლობთ მათ შესაძლებლობებსა და გამოწვევებს და ვცდილობთ, ისეთი მარეგულირებელი გარემო შევქმნათ, რომელიც ხელს შეუწყობს ინოვაციების განვითარებას და ამავდროულად უზრუნველყოფს შესაბამისი რისკების ეფექტიან მართვას“, - განაცხადა ეკატერინე გალდავამ.პანელურ დისკუსიაში ეკატერინე გალდავასთან ერთად მონაწილეობდნენ SWIFT-ის, UnionPay International-ისა და ინდოეთის ეროვნული გადახდების კორპორაციის (NPCI) წარმომადგენლები. დისკუსიას ჩეხეთის ეროვნული ბანკის ყოფილი პრეზიდენტი ზდენეკ ტუმა უძღვებოდა.„თბილისის ფინანსური სამიტი“ საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და Global Finance & Technology Network-ის (GFTN) თანამშრომლობით გაიმართა და ფინანსური ტექნოლოგიების, ინოვაციებისა და რეგიონული თანამშრომლობის საკითხებზე საერთაშორისო დიალოგის მნიშვნელოვან პლატფორმას წარმოადგენს.

1793262778

ამჯერად, თიბისიმ, უძრავი ქონების შეძენით დაინტერესებულ ემიგრანტებს, სამშენებლო კომპანია - ,,მეტროპოლთან’’ ერთად, სპეციალური შეთავაზება მოუმზადა.კერძოდ, „მეტროპოლი ქავთარაძის“ პროექტში ბინის შეძენისას, თიბისის მომხმარებელი ემიგრანტები 19%-იანი ფასდაკლებით ისარგებლებენ, ბინასთან ერთად, საპარკინგე სივრცის შეძენისას კი - 7%-იანი ფასდაკლებით. ამასთან, ქვეყნის ფარგლებს გარეთ მცხოვრებ მოქალაქეებს შესაძლებლობა ექნებათ, ისარგებლონ თიბისის იპოთეკური სესხით.შეთავაზება 2026 წლის 20 ნოემბრის ჩათვლით იმოქმედებს.დეტალური ინფორმაციისთვის, ეწვიეთ ბმულს: თიბისის და მეტროპოლის სპეციალური შეთავაზება ემიგრანტებისთვის(R)

1793255520

სტიპენდია სწავლის ერთი წლის განმავლობაში სრულ ან ნაწილობრივ დაფინანსებას ითვალისწინებს, კანდიდატების შერჩევა კი აკადემიური მოსწრების, სამოტივაციო წერილისა და გასაუბრების საფუძველზე ხდება.ვის შეუძლია საქართველოს ბანკის სტიპენდიის მიღება?პროგრამაში მონაწილეობა შეუძლიათ როგორც პირველკურსელებს, ისე საბაკალავრო საფეხურის სხვა კურსების სტუდენტებს.შერჩევისას ყურადღება ექცევა სტუდენტების აკადემიურ მოსწრებას (GPA), სამოტივაციო წერილსა და ლიდერობის პოტენციალს. ამასთან, თითოეული პარტნიორი უნივერსიტეტი სტიპენდიის მოპოვების დამატებით კრიტერიუმებს ინდივიდუალურად განსაზღვრავს.როგორია შერჩევის პროცესი?საქართველოს ბანკის სასტიპენდიო პროგრამაში მონაწილეობის მისაღებად სტუდენტებმა უნდა შეავსონ განაცხადი ვებგვერდზე. შერჩევა რამდენიმე ეტაპად მიმდინარეობს: განაცხადების შერჩევა: უნივერსიტეტები განიხილავენ კანდიდატების აკადემიურ მოსწრებასა და სამოტივაციო წერილებს; გასაუბრება: შერჩეული კანდიდატები გაივლიან გასაუბრებას, რის შემდეგაც გამოვლინდებიან სტიპენდიატები. რომელ უნივერსიტეტებში შეგიძლია სტიპენდიის მოპოვება?საქართველოს ბანკის სასტიპენდიო პროგრამის პარტნიორი 23 უნივერსიტეტია: თბილისის სახელმწიფო უნივერსიტეტი (თსუ) ილიას სახელმწიფო უნივერსიტეტი თავისუფალი უნივერსიტეტი აგრარული უნივერსიტეტი თბილისის სახელმწიფო სამხატვრო აკადემია ქართულ-ამერიკული უნივერსიტეტი (GAU) საქართველოს ტექნიკური უნივერსიტეტი (სტუ) თბილისის სახელმწიფო სამედიცინო უნივერსიტეტი საქართველოს ეროვნული უნივერსიტეტი (SEU) სოხუმის სახელმწიფო უნივერსიტეტი თელავის სახელმწიფო უნივერსიტეტი ბათუმის სახელმწიფო საზღვაო აკადემია ბათუმის შოთა რუსთაველის უნივერსიტეტი ქუთაისის საერთაშორისო უნივერსიტეტი (KIU) საქართველოს საერთაშორისო უნივერსიტეტი (GIU) ზუგდიდის სახელმწიფო სასწავლო უნივერსიტეტი სპორტის უნივერსიტეტი თეატრისა და კინოს უნივერსიტეტი კონსერვატორია სამცხე-ჯავახეთის სახელმწიფო უნივერსიტეტი საქართველოს უნივერსიტეტი პეტრე შოთაძის სახელობის თბილისის სამედიცინო აკადემია ბათუმის სახელმწიფო საზღვაო აკადემიის ფილიალი ფოთში საქართველოს ბანკის საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს: ganatleba.bog.geშესაძლებლობები ღიაა, რომ განათლების გზაზე არ გაჩერდე.

1793196307

პატრიკ ტანის შეფასებით, საქართველო ევროპისა და აზიის დამაკავშირებელი სტრატეგიული დერეფნის ნაწილია, რაც ქვეყანას კაპიტალის, ადამიანური რესურსებისა და ინვესტიციების მოზიდვის, ასევე ფინანსური და ციფრული ინფრასტრუქტურის განვითარების მნიშვნელოვან პოტენციალს უქმნის.„საქართველოს სტრატეგიული გეოგრაფიული მდებარეობა, მდგრადი საბანკო სექტორი და ციფრული აქტივების რეგულირების მიმართულებით გააზრებული მიდგომა ქვეყანას საერთაშორისო ფინანსურ სივრცეში მნიშვნელოვანი შესაძლებლობების გამოყენების საშუალებას აძლევს,“ “, – აღნიშნა მან.ChainArgos-ის გენერალურმა მრჩეველმა ასევე ხაზი გაუსვა საქართველოს მიდგომას ვირტუალური აქტივების მომსახურების პროვაიდერების რეგულირების საკანონმდებლო ჩარჩოს შემუშავების პროცესში. მისი შეფასებით, ქვეყანამ შეძლო სხვა სახელმწიფოების გამოცდილების გათვალისწინება და ციფრული აქტივების რეგულირების მიმართულებით თანმიმდევრული და გააზრებული მიდგომის არჩევა.„ხშირად ვხედავთ ქვეყნებს, რომლებიც ჩქარობენ ციფრული აქტივების, ვირტუალური აქტივებისა და სტეიბლკოინების რეგულირებას, თუმცა ამ პროცესში ყოველთვის სწორ გადაწყვეტილებებს არ იღებენ. საქართველოს შემთხვევაში დავინახეთ მტკიცე და გააზრებული ინიციატივა, რომ პროცესი თავიდანვე სწორად წარმართულიყო, ვიდრე მის მასშტაბურ დანერგვას დაიწყებდნენ“, – განაცხადა მან.პატრიკ ტანის შეფასებით, აღნიშნული მიდგომა საქართველოს ხელსაყრელ პოზიციაში აყენებს ხელოვნური ინტელექტისა და ავტონომიური გადახდების განვითარების მიმართულებითაც. მისი თქმით, გლობალურ ქსელში გადახდების სულ უფრო მეტად გაციფრულებისა და ავტონომიურობის ზრდასთან ერთად, საქართველოს შეუძლია ამ პროცესების აქტიური მონაწილე გახდეს.ChainArgos არის სინგაპურში დაფუძნებული კერძო კომპანიაა, რომლის პლატფორმა მომხმარებლებს საშუალებას აძლევს, გამოიკვლიონ და აკონტროლონ კრიპტოაქტივების მოძრაობა ბლოკჩეინქსელებში, გააანალიზონ ტრანზაქციები და გამოავლინონ საეჭვო ფინანსური ნაკადები.

1793196079

მნიშვნელოვანია, რომ ასეთი მასშტაბის საერთაშორისო შეხვედრა საქართველოში იმართება. ჩვენ გვაქვს ბევრი რამ, რაც საერთაშორისო პარტნიორებსა და კოლეგებს შეგვიძლია გავუზიაროთ. პირველ რიგში, ეს არის მაკროეკონომიკური სტაბილურობა და ეკონომიკური ზრდა, რაც საქართველოს საინვესტიციო მიმზიდველობას აძლიერებს“, - ამის შესახებ სებ-ის პრეზიდენტმა ნათია თურნავამ „თბილისის ფინანსური სამიტის“  შეჯამებისას განაცხადა.„საქართველო ზრდის მაღალ მაჩვენებლებს ინარჩუნებს, ეს კი ჩვენს ქვეყანას ინვესტორებისთვის მიმზიდველს ხდის“, - აღნიშნა ნათია თურნავამ.სებ-ის პრეზიდენტის თქმით, სამიტში საერთაშორისო ინვესტორებისა და საინვესტიციო ფონდების მონაწილეობა მნიშვნელოვანია არა მხოლოდ გლობალური ფინანსური ტენდენციების განხილვის, არამედ საქართველოში არსებული კონკრეტული საინვესტიციო შესაძლებლობების გაცნობისა და არსებული ინვესტიციების გაფართოების თვალსაზრისით.„სამიტს ესწრებოდნენ არაერთი საერთაშორისო ინვესტორი და საინვესტიციო ფონდის წარმომადგენლები, რომელთა ინტერესიც მხოლოდ გლობალური გამოწვევების განხილვით არ შემოიფარგლება. მათ ასევე აინტერესებთ კონკრეტული საინვესტიციო შესაძლებლობები - სად შეუძლიათ ინვესტირება და როგორ გააფართოონ უკვე არსებული ინვესტიციები საქართველოში“- განაცხადა ნათია თურნავამ.მან ასევე ხაზი გაუსვა, რომ სამიტის ფარგლებში განსაკუთრებული ყურადღება დაეთმო Bank of China-სა და ჩინეთის ცენტრალური ბანკის წარმომადგენლებთან თანამშრომლობის საკითხებს. შეხვედრების მიზანი საქართველოს ფინანსურ სექტორთან საერთაშორისო კავშირების გაღრმავება და თანამშრომლობის ახალი შესაძლებლობების განვითარება იყო.ნათია თურნავამ ყურადღება გაამახვილა მეზობელი ქვეყნების ცენტრალურ ბანკებთან თანამშრომლობის მნიშვნელობაზეც და აღნიშნა, რომ გაფორმებული თანამშრომლობის მემორანდუმები პრაქტიკულად მუშაობს და რეგიონული კავშირების გაძლიერებას უწყობს ხელს.როგორც საქართველოს ეროვნული ბანკის პრეზიდენტმა ნათია თურნავამ აღნიშნა, სამიტმა საერთაშორისო პარტნიორებსა და ფინანსური ინდუსტრიის წარმომადგენლებს აქტუალურ საკითხებზე მსჯელობის, გამოცდილების გაზიარებისა და თანამშრომლობის ახალი შესაძლებლობების განხილვის პლატფორმა შეუქმნა. ღონისძიებაში მონაწილეობა მიიღო დაახლოებით 1 000-მა მონაწილემ 60-მდე ქვეყნიდან, მათ შორის ცენტრალური ბანკების ხელმძღვანელებმა და წარმომადგენლებმა, ფინანსური სექტორის ლიდერებმა, საერთაშორისო ინვესტორებმა ამერიკის შეერთებული შტატებიდან და ევროპიდან და საინვესტიციო ფონდების წარმომადგენლებმა.სამიტის ფარგლებში განსაკუთრებული ყურადღება დაეთმო ფინანსურ ტექნოლოგიებს, ციფრულ ვალუტებს, ხელოვნურ ინტელექტს, გადახდების სისტემების განვითარებასა და გეოპოლიტიკური გამოწვევების ფონზე ფინანსური სტაბილურობის შენარჩუნების საკითხებს. მონაწილეებმა იმსჯელეს, თუ როგორ შეიძლება ინოვაციური ტექნოლოგიების გამოყენებამ ფინანსური მომსახურება უფრო ეფექტიანი და ხელმისაწვდომი გახადოს და ამავდროულად, როგორ უნდა იმართოს მათთან დაკავშირებული რისკები.ნათია თურნავას განცხადებით სამიტი ყოველწლიურ ტრადიციად ჩამოყალიბდება და მომავალშიც გააგრძელებს საერთაშორისო დიალოგისა და ფინანსურ სექტორში თანამშრომლობის გაღრმავების ხელშეწყობას.

1793193972

მისი შეფასებით, „თბილისის ფინანსური სამიტი", რომელიც მსოფლიოს სხვადასხვა ქვეყნიდან ჩამოსულ მონაწილეებსა და მაღალი დონის რეგულატორებს აერთიანებს, საქართველოსთვის მნიშვნელოვანი შესაძლებლობაა საერთაშორისო ფინანსურ სივრცეში საკუთარი როლის გასაძლიერებლად.„საქართველოს რეგულატორები ძალიან პროგრესულად აზროვნებენ და ციფრული აქტივების მიმართულებას სიღრმისეულად უდგებიან. ეს არ არის მხოლოდ ციფრული აქტივების ფორმალური დაშვება - საუბარია ციფრული ეკონომიკის რეალურ ათვისებასა და ფინანსური ინფრასტრუქტურის განვითარებაში მათ ინტეგრაციაზე", - განაცხადა სანდიპ ნაილვალმა.მისი თქმით, საქართველოს ამ მიმართულებით განვითარებისათვის ყველა მნიშვნელოვანი წინაპირობა აქვს, მათ შორის - სათანადო ინფრასტრუქტურა, ნიჭიერი კადრები, მეწარმეობის პოტენციალი და ხელსაყრელი გეოგრაფიული მდებარეობა, რაც ქვეყანას მნიშვნელოვან საერთაშორისო დერეფანში აქცევს.Polygon-ის დამფუძნებლის შეფასებით, ციფრული აქტივების ფინანსური ინფრასტრუქტურის ბირთვში ინტეგრაცია საქართველოს შესაძლებლობას მისცემს, რეგიონში ციფრული ფინანსების ერთ-ერთი წამყვანი ცენტრი გახდეს. მან განსაკუთრებული ყურადღება გაამახვილა საქართველოს ეროვნული ბანკის, სხვა რეგულატორებისა და ადგილობრივი მეწარმეების პროგრესულ ხედვებზე და აღნიშნა, რომ მათთან შეხვედრებმა მასზე დადებითი შთაბეჭდილება მოახდინა.„არ გამიკვირდება, თუ ხუთი წლის შემდეგ საქართველო ციფრული ეკონომიკის ერთ-ერთი წამყვანი ცენტრი გახდება", - აღნიშნა სანდიპ ნაილვალმა.მან ასევე იმედი გამოთქვა, რომ „თბილისის ფინანსური სამიტი" მომავალ წლებში კიდევ უფრო გაფართოვდება და საერთაშორისო ფინანსურ სივრცეში ერთ-ერთ მნიშვნელოვან ღონისძიებად ჩამოყალიბდება.Polygon არის ბლოკჩეინტექნოლოგიებზე დაფუძნებული პლატფორმა. მისი მთავარი მიზანია ბლოკჩეინქსელების მასშტაბურობის გაუმჯობესება და ციფრული ტრანზაქციების უფრო სწრაფად და დაბალი დანახარჯით განხორციელების ხელშეწყობა. კომპანია მუშაობს ტექნოლოგიებზე, რომლებიც ხელს უწყობს სტაბილკოინების გამოყენებას, აქტივების ბლოკჩეინზე გადატანასა და ფინანსური ოპერაციების განხორციელებას გლობალურ მასშტაბზე.(R)

1793190486

30 ოქტომბრიდან 1 ნოემბრის ჩათვლით, ფესტივალზე PLUS და სუპერ PLUS ბარათებით გადახდისას  მომხმარებლები 10-ჯერ მეტ PLUS ქულას დააგროვებენ. (მაქსიმუმ 20 000 PLUS ქულას.)შეთავაზებით სარგებლობისთვის საჭიროა მისი წინასწარ გააქტიურება მობილბანკში და საქართველოს ბანკის ტერმინალზე გადახდა.„თბილისის წიგნის დღეები“ Expo Georgia-ს მე-11 პავილიონში გაიმართება, სადაც სტუმრებს წიგნების მრავალფეროვანი არჩევანი დახვდებათ.ფესტივალზე წარმოდგენილი იქნებიან სულაკაურის გამომცემლობა, გამომცემლობა Palitra L, „დიოგენე“, „ბიბლუსი“, გამომცემლობა „ინტელექტი“, შაქრო ბაბუას წიგნის მაღაზია და სხვა პარტნიორი კომპანიები.შეთავაზების გასააქტიურებლად ეწვიეთ ბმულს.(R)

1793190189

პატრიკ ტანის შეფასებით, საქართველო ევროპისა და აზიის დამაკავშირებელი სტრატეგიული დერეფნის ნაწილია, რაც ქვეყანას კაპიტალის, ადამიანური რესურსებისა და ინვესტიციების მოზიდვის, ასევე ფინანსური და ციფრული ინფრასტრუქტურის განვითარების მნიშვნელოვან პოტენციალს უქმნის.„საქართველოს სტრატეგიული გეოგრაფიული მდებარეობა, მდგრადი საბანკო სექტორი და ციფრული აქტივების რეგულირების მიმართულებით გააზრებული მიდგომა ქვეყანას საერთაშორისო ფინანსურ სივრცეში მნიშვნელოვანი შესაძლებლობების გამოყენების საშუალებას აძლევს", - აღნიშნა მან. ChainArgos-ის გენერალურმა მრჩეველმა ასევე ხაზი გაუსვა საქართველოს მიდგომას ვირტუალური აქტივების მომსახურების პროვაიდერების რეგულირების საკანონმდებლო ჩარჩოს შემუშავების პროცესში. მისი შეფასებით, ქვეყანამ შეძლო სხვა სახელმწიფოების გამოცდილების გათვალისწინება და ციფრული აქტივების რეგულირების მიმართულებით თანმიმდევრული და გააზრებული მიდგომის არჩევა.„ხშირად ვხედავთ ქვეყნებს, რომლებიც ჩქარობენ ციფრული აქტივების, ვირტუალური აქტივებისა და სტეიბლკოინების რეგულირებას, თუმცა ამ პროცესში ყოველთვის სწორ გადაწყვეტილებებს არ იღებენ. საქართველოს შემთხვევაში დავინახეთ მტკიცე და გააზრებული ინიციატივა, რომ პროცესი თავიდანვე სწორად წარმართულიყო, ვიდრე მის მასშტაბურ დანერგვას დაიწყებდნენ", – განაცხადა მან.პატრიკ ტანის შეფასებით, აღნიშნული მიდგომა საქართველოს ხელსაყრელ პოზიციაში აყენებს ხელოვნური ინტელექტისა და ავტონომიური გადახდების განვითარების მიმართულებითაც. მისი თქმით, გლობალურ ქსელში გადახდების სულ უფრო მეტად გაციფრულებისა და ავტონომიურობის ზრდასთან ერთად, საქართველოს შეუძლია ამ პროცესების აქტიური მონაწილე გახდეს.ChainArgos არის სინგაპურში დაფუძნებული კერძო კომპანიაა, რომლის პლატფორმა მომხმარებლებს საშუალებას აძლევს, გამოიკვლიონ და აკონტროლონ კრიპტოაქტივების მოძრაობა ბლოკჩეინქსელებში, გააანალიზონ ტრანზაქციები და გამოავლინონ საეჭვო ფინანსური ნაკადები.

1793189893

პროფესიის არჩევა ახალგაზრდებისთვის ერთ-ერთი უმნიშვნელოვანესი გადაწყვეტილებაა, ხელოვნური ინტელექტის ეპოქაში კი კითხვები კიდევ უფრო მრავლდება: როგორ იცვლება პროფესიები და რას ნიშნავს დღეს ხარისხიანი განათლება?სწორედ ამ საკითხების შესახებ საქართველოს ბანკი 10 ნოემბერს, 18:00 საათზე მშობლებისთვის ონლაინ ვებინარს გამართავს. შეხვედრაზე სპიკერები ისაუბრებენ იმაზე, თუ როგორ შეუძლიათ მშობლებს, დაეხმარონ შვილებს განათლებისა და კარიერის არჩევაში ისე, რომ გადაწყვეტილების პასუხისმგებლობა თავად ახალგაზრდებს დარჩეთ. დასწრების მსურველებმა უნდა გაიარონ რეგისტრაცია ბმულზე.ვებინარის ფარგლებში მონაწილეები გაეცნობიან შემდეგ საკითხებს: როგორ დავეხმაროთ მოზარდს საკუთარი ინტერესების აღმოჩენაში, მაშინაც კი, როცა ჯერ არ იცის, რა სურს; როგორ გავმიჯნოთ შვილის სურვილები და მშობლის მოლოდინები; როგორ ცვლის ხელოვნური ინტელექტი განათლებასა და პროფესიებს და რა ახალი შესაძლებლობები ჩნდება; როგორ დავეხმაროთ შვილს პროფესიის რეალურ გაცნობასა და სწორი სასწავლო გზის არჩევაში. შეხვედრას მოდერატორობას სოფო მუსერიძე გაუწევს. სპიკერები იქნებიან ფსიქოლოგი ნინო მარგველაშვილი და აგრუპის AI ტრანსფორმაციისა და ავტომატიზაციის დეპარტამენტის ხელმძღვანელი სანდრო ასათიანი, რომლებიც დამსწრეებს ფსიქოლოგიურ და ტექნოლოგიურ პერსპექტივას გაუზიარებენ და მათ კითხვებს უპასუხებენ.შეხვედრის ბმული მონაწილეებს რეგისტრაციისას მითითებულ ელფოსტაზე გაეგზავნებათ. რეგისტრაცია ხელმისაწვდომია ბმულზე.დამატებითი ინფორმაციის მისაღებად ეწვიეთ ვებგვერდს. (R)

1793183153