მშპ 8.8%-ით გაიზარდა - საქსტატი

გამოძიების ვერსიით, საქართველოს მოქალაქე საკუთარ საცხოვრებელ სახლში, ფულადი ანაზღაურების სანაცვლოდ, სისტემატურად ამზადებდა საქართველოსა და უცხო ქვეყნების ყალბ პირადობის მოწმობებსა და მართვის მოწმობებს. დადგინდა, რომ ბრალდებული აღნიშნულ დოკუმენტებს საზღვარგარეთ მყოფ დამკვეთებსა და შუამავლებს საფოსტო გზავნილების მეშვეობით აწვდიდა.დაკავებულის საცხოვრებელი სახლის ჩხრეკისას სამართალდამცველებმა ამოიღეს ყალბი დოკუმენტების დასამზადებელი სპეციალური აპარატურა, კომპიუტერული ტექნიკა, ათეულობით ცარიელი პლასტიკური ბარათი და გასაგზავნად გამზადებული ყალბი მართვის მოწმობები. ამასთან, „საქართველოს ფოსტის“ განყოფილებიდან ამოღებულია საზღვარგარეთ დაჩქარებული წესით გასაგზავნი ამანათები, რომლებიც ყალბ დოკუმენტაციას შეიცავდა.საქმეზე გამოძიება საქართველოს სისხლის სამართლის კოდექსის 362-ე მუხლით მიმდინარეობს, რაც ყალბი დოკუმენტის დამზადებას, გასაღებას ან გამოყენებას გულისხმობს. დანაშაული სასჯელის სახით 3 წლამდე ვადით თავისუფლების აღკვეთას ითვალისწინებს. სუსის კონტრტერორისტული ცენტრი აგრძელებს საგამოძიებო მოქმედებებს სხვა შესაძლო თანამონაწილეების გამოსავლენად.

1774949243

გამოძიებით დადგინდა, რომ ერთ-ერთმა დაკავებულმა 2025-2026 წლებში, თერჯოლის მუნიციპალიტეტის სოფელ ნახშირღელეში, სახელმწიფო ტყის ტერიტორიაზე, შესაბამისი ნებართვის გარეშე უკანონოდ მოჭრა 34 ძირი ცაცხვის და 13 ძირი წიწვოვანი ჯიშის ხე. მოპოვებული მასალა კი, საკუთარი საცხოვრებელი სახლის მიმდებარე ტერიტორიაზე გადაიტანა.  2026 წლის 28 მარტს, მეორე ბრალდებული არარეგისტრირებული, მოძრავი სახერხი დანადგარის გამოყენებით ახდენდა უკანონოდ მოჭრილი ხე-ტყის დამუშავებასა და ფიცრების დამზადებას, რა დროსაც საგამოძიებო სამსახურის თანამშრომლებმა ორივე პირი ბრალდებულის სახით დააკავეს. გამოძიება მიმდინარეობს საქართველოს სისხლის სამართლის კოდექსის 192-ე მუხლის პირველი ნაწილით, 287¹ მუხლის პირველი ნაწილითა და 303-ე მუხლის მეხუთე ნაწილით, რაც სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.საგამოძიებო სამსახური აგრძელებს აქტიურ საგამოძიებო მოქმედებებს დანაშაულის მონაწილე სხვა შესაძლო პირთა გამოსავლენად და დანაშაულებრივი სქემის სრულად დასადგენად.

1774947964

მოთხოვნა2026 წლის თებერვალში, საჯარო რეესტრის მონაცემებით, გაყიდული ბინების რაოდენობამ 3,822 შეადგინა, აქედან: მეორად ბაზარზე გაყიდვები წლიურად 19.2%-ით გაიზარდა და 1,864 შეადგინა (2 თვეში +8.6% წ/წ). პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, წლიურად 11.2%-ით გაიზარდა და 1,958 შეადგინა (2 თვეში +7.8% წ/წ). გალტ & თაგარტის მიერ ჩატარებული დეველოპერების გამოკითხვის მიხედვით, რომელიც პირველადი ბაზრის ტენდენციებს რეალურ დროში ასახავს, 2026 წლის თებერვალში გაყიდვები მნიშვნელოვნად, წლიურად 26.6%-ით გაიზარდა (ჯამურად 2026 წლის 2 თვეში +24.1% წ/წ). ზრდა მეტწილად გასული წლის დაბალ ბაზას ასახავს, რაც ქვეყნის შიდა პოლიტიკური არასტაბილურობით იყო განპირობებული.2026 წლის 2 თვეში თბილისში სულ 6,786 ტრანზაქცია დარეგისტრირდა და გაყიდული ბინების ჯამურმა ღირებულებამ 595 მლნ აშშ დოლარი შეადგინა (+16.7% წ/წ).მიწოდება2026 წლის თებერვალში ნებართვა გაიცა 10 საცხოვრებელ პროექტზე, რომელთა ჯამურმა საცხოვრებელმა ფართმა 60,283 კვ.მ შეადგინა (-44.7% წ/წ). აღსანიშნავია, რომ გაცემული ნებართვების საცხოვრებელი ფართი ზედიზედ მეხუთე თვეა წლიურად მცირდება, რაც წინა პერიოდებში მკვეთრად გაზრდილი მიწოდების დასტაბილურების ნიშანია. ჯამურად, 2026 წლის 2 თვეში გაცემული ნებართვების მოცულობა წლიურად 50.7%-ით შემცირდა.ფასები2026 წლის თებერვალში, უძრავი ქონების ფასის ზრდის ტემპი პირველად ბაზარზე მაღალ დონეზე შენარჩუნდა და თვიურად 0.9%-ით გაიზარდა 1,398 აშშ დოლარამდე. ამასთან, მეორადი ბაზრის ახალ პროექტებში (რაც 2013 წლიდან გაცემული ნებართვებით აშენდა) ფასი გასულ თვესთან შედარებით 0.6%-ით გაიზარდა და 1,304 აშშ დოლარი შეადგინა.ქირა2026 წლის თებერვალში, თბილისში საშუალო ზომის ბინის (50-60 კვ.მ) ქირის ფასი თვიურად მაღალ დონეზე შენარჩუნდა და კვადრატულზე 10.1 აშშ დოლარი შეადგინა (-1.8% თ/თ), ქირის ამონაგებმა კი - 8.6%.

1774947268

ალიანსის განცხადებით, კამპანია ზუსტად ორი თვე გაგრძელდება და მისი კულმინაცია 26 მაისს - საქართველოს დამოუკიდებლობის დღეს - თბილისში დაგეგმილი მასშტაბური საპროტესტო აქცია იქნება. ბრიფინგზე გამოსვლისას ერთ-ერთმა ლიდერმა ზურაბ ჯაფარიძემ განმარტა, რომ პროცესის ძირითადი ამოცანებია მოქალაქეებთან პირდაპირი კომუნიკაციის გაზრდა, მმართველი რეჟიმის პროპაგანდის ნეიტრალიზება და საზოგადოებაში არსებული უკმაყოფილების რეალურ პოლიტიკურ ქმედებად გარდასახვა.მისივე თქმით, კამპანია არ არის ექსკლუზიურად პოლიტიკური ჯგუფების საკუთრება და მასში ჩართვისკენ მოუწოდებენ სხვადასხვა სამოქალაქო გაერთიანებებსა და აქტიურ მოქალაქეებს.ოპოზიციურმა ჯგუფმა განსაკუთრებული მადლობა გადაუხადა იმ ადამიანებს, რომლებიც პოლიტიკური ნიშნით პატიმრობაში იმყოფებიან, ფიზიკურ ანგარიშსწორებას დაექვემდებარნენ ან პროტესტის გამო სამსახური დაკარგეს. განცხადებაში ხაზგასმულია, რომ ბრძოლა არ იქნება მარტივი, თუმცა აქტიური ქმედების პირობებში ხელისუფლების ცვლილება მხოლოდ დროსა და ფასის საკითხს წარმოადგენს.ალიანსი გეგმავს, მომდევნო ორი თვის განმავლობაში მაქსიმალურად გაზარდოს პროტესტში ჩართული ადამიანების რაოდენობა, რათა 26 მაისისთვის ქვეყანაში შეიქმნას მყარი საფუძველი პოლიტიკური ცვლილებებისთვის.

1774943188

ამასთან, GCCA-ის დასკვნით, მომხმარებლებს არათუ სრულყოფილი, არამედ მოვაჭრის სავაჭრო პოლიტიკაში ასახული ინფორმაციის საპირისპირო ინფორმაცია მიეწოდებოდათ, მაგალითად, თითქოს,  გარკვეულ აქსესუარებზე გარანტია არ ვრცელდებოდა.კანონმდებლობის თანახმად, საქონლის/მომსახურების შეძენამდე, მომხმარებლის უფლებაა - შესყიდვის შესახებ მიიღოს სრული, უტყუარი და ამომწურავი ინფორმაცია, სახელმწიფო ენაზე, მკაფიოდ და გასაგებად. სააგენტოს შეფასებით, მოვაჭრის მიერ ჩამოყალიბებული სავაჭრო პოლიტიკა რიგ შემთხვევებში ატარებდა ე.წ. „ილუზორულ" ხასიათს, რაც ეწინააღმდეგებოდა კეთილსინდისიერების პრინციპებს და არსებითად აზიანებდა მომხმარებელთა ჯგუფის ინტერესებს.საქმის გარემოებების შესწავლისა და შეფასების შედეგად, დადასტურდა მოვაჭრის მხრიდან მომხმარებლის ინფორმირებულობის ვალდებულების დარღვევა, ხელშეკრულებაში უსამართლო სტანდარტული პირობების არსებობის და უსამართლო კომერციული საქმიანობის ფაქტი. სააგენტოს გადაწყვეტილებით, მოვაჭრეს დაევალა - 1 თვის ვადაში მომხმარებელთა დარღვეული უფლებები აღადგინოს და  სავაჭრო პოლიტიკა კანონის მოთხოვნებს შეუსაბამოს.სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს დაეკისრება ჯარიმა, რომლის ოდენობა არ უნდა აღემატებოდეს მოვაჭრის წინა ფინანსური წლის წლიური ბრუნვის 2%-ს. ჯარიმის დაკისრება მოვაჭრეს სააგენტოს გადაწყვეტილების შესრულების ვალდებულებისგან არ ათავისუფლებს.

1774941902

ოფიციალური სტატისტიკით, 15 იანვრიდან 27 თებერვლის ჩათვლით პერიოდში „ქართულ ოცნებას“ სულ 28 შემომწირველი ჰყავდა. მათ შორის არის თბილისის მერი კახა კალაძე, რომელმაც პარტიულ ანგარიშზე 12 000 ლარი ჩარიცხა.საანგარიშო პერიოდში ოპოზიციურ სპექტრში ფინანსური აქტივობა შემდეგნაირად განაწილდა: „ლელო - ძლიერი საქართველო“: 8 იანვრიდან 19 თებერვლამდე პარტიამ 146 000 ლარი მიიღო. შემომწირველებს შორის არიან ლიდერები: მამუკა ხაზარაძე, ბადრი ჯაფარიძე, მამუკა კაციტაძე და მანანა ნაჭყებია. „თავისუფლების მოედანი“: 1-ელი იანვრიდან 16 თებერვლამდე 44-მა პირმა პარტიას ჯამში 46 745 ლარი შესწირა. თანხის გამღებთა შორის არიან ლევან ცუცქირიძე, ბაკურ კვაშილავა და სიმონ ჯანაშია. „კოალიცია ცვლილებებისთვის“: 14 იანვრიდან 23 თებერვლამდე მიღებულმა შემოწირულებამ 3 460 ლარი შეადგინა. „გახარია საქართველოსთვის“: წლის დასაწყისში პარტიას 2 371 ლარი ჩაერიცხა, მათ შორის ერთ-ერთი შემომწირველი დეპუტატი თამარ ხვედელიანია. სახელმწიფო აუდიტის სამსახურის ინფორმაციით, „ერთიან ნაციონალურ მოძრაობას“ 2026 წლის აღნიშნულ პერიოდში შემოწირულება არ მიუღია.მონაცემები ასახავს პოლიტიკური პარტიების მიერ დეკლარირებულ შემოსავლებს წლის პირველი ორი თვის განმავლობაში.

1774941118

სახელმწიფო დეპარტამენტის განცხადებაში აღნიშნულია, რომ საუბრის ერთ-ერთი მთავარი თემა კავკასიისა და შავი ზღვის რეგიონში არსებული უსაფრთხოების გარემო იყო.„სახელმწიფო მდივანი მარკო რუბიო დღეს საქართველოს პრემიერ-მინისტრ ირაკლი კობახიძეს ესაუბრა. მათ ორმხრივი ინტერესის სფეროები განიხილეს, მათ შორის კავკასიისა და შავი ზღვის რეგიონში უსაფრთხოება“, - ნათქვამია უწყების ოფიციალურ განცხადებაში.აღნიშნულ საუბარს X-ზე გამოეხმაურა საქართველოს პრემიერ-მინისტრიც. ირაკლი კობახიძის შეფასებით, მხარეებმა ხაზი გაუსვეს პარტნიორობის განახლების აუცილებლობას.„ნაყოფიერი სატელეფონო საუბარი მქონდა აშშ-ის სახელმწიფო მდივან მარკო რუბიოსთან. ხაზი გავუსვით პარტნიორობის განახლებისა და საქართველოს, როგორც სამხრეთ კავკასიაში ძლიერი პარტნიორის როლის გაძლიერების მნიშვნელობას. ვადასტურებთ ჩვენს ერთგულებას საქართველო–აშშ-ის კავშირების განმტკიცებისა და რეგიონული სტაბილურობისა და დაკავშირებადობის ხელშეწყობის მიმართ“, - აღნიშნავს ირაკლი კობახიძე. Had a productive phone conversation with @SecRubio. We empathized the importance of resetting our partnership and reinforcing Georgia’s role as a strong partner in the South Caucasus. Committed to strengthening Georgia–U.S. ties and advancing regional stability and connectivity. — Irakli Kobakhidze (@PM_Kobakhidze) March 30, 2026

1774889222

საგამოძიებო სამსახურის უფროსმა კოლეგებს პროფესიული დღე მიულოცა და მადლობა გადაუხადა თავდაუზოგავი შრომისთვის, პროფესიონალიზმისა და ერთგულებისათვის.„ეს სამსახური არის ძლიერი ინსტიტუტი, თუმცა მისი მთავარი საყრდენი ადამიანები არიან - პროფესიონალები, რომლებიც ყოველდღიურად უკომპრომისოდ იცავენ სახელმწიფოს ფინანსურ ინტერესებს. თქვენ მოქმედებთ მაღალი პასუხისმგებლობით, კანონის უზენაესობისა და სამართლიანობის პრინციპებზე დაყრდნობით. სწორედ ეს პრინციპები ქმნის იმ მყარ საფუძველს, რომელზეც დგას სახელმწიფოს ფინანსური უსაფრთხოება.  დღევანდელი დაჯილდოება არ არის მხოლოდ სიმბოლური აქტი. ეს არის ჩვენი გულწრფელი მადლიერება თქვენი თავდადებისთვის, შეუპოვრობისათვის და ღირსეული სამსახურისთვის. თითოეული ჯილდო ასახავს კონკრეტულ ისტორიას - პროფესიულ სიმტკიცეს, რთულ ვითარებაში მიღებულ სწორ გადაწყვეტილებას, გუნდურ მხარდაჭერას და მაღალ სტანდარტებს, რომელსაც ყოველდღიურად ამკვიდრებთ“, - განაცხადა მიხეილ მაღლაკელიძემ.დაჯილდოების ფარგლებში გაიცა  სამკერდე მედლები 10, 15, 20 წლიანი ღირსეული სამსახურისთვის, განსაკუთრებული დამსახურებისთვის, ასევე სამსახურის ხელმძღვანელობამ ფინანსთა სამინისტროს საგამოძიებო სამსახურის თანამშრომლები სამსახურებრივი მოვალეობის კეთილსინდისიერად შესრულებისთვის მადლობის სიგელებით დააჯილდოვა.საგამოძიებო სამსახური მომავალშიც გააგრძელებს მაღალი პროფესიული სტანდარტების დაცვასა და თანამშრომელთა წახალისებას.(R)

1774888768