23%-ით გაზრდილი დაფარვა დასავლეთში და 50%-მდე მეტი სიჩქარე თბილისში

ამის შესახებ თბილისის პროკურორმა გიორგი მიქაიამ სამშაბათს გამართულ სპეციალურ ბრიფინგზე განაცხადა.გამოძიებით დადგინდა, რომ აშშ-ში საემიგრაციო პოლიტიკის გამკაცრებისა და საზღვრის გადაკვეთის გაძნელების ფონზე, საქართველოს ოთხმა მოქალაქემ ორგანიზებული ჯგუფი ჩამოაყალიბა. ისინი ამერიკაში თავშესაფრის მსურველ საქართველოს მოქალაქეებს ე.წ. „ქეისების“ შექმნას, მტკიცებულებების შეგროვებასა და სასამართლოში მხარდაჭერას ჰპირდებოდნენ. დანაშაულებრივი ჯგუფის წევრები თავშესაფრის მაძიებელთათვის არარსებულ ისტორიებს იგონებდნენ, თითქოს მათ საქართველოში პოლიტიკური შეხედულებებისა თუ სექსუალური ორიენტაციის გამო დევნიდნენ.ამ ყალბი ისტორიების დამზადებისა და „გამყარებისთვის“ ჯგუფი მოქალაქეებისგან სოლიდურ თანხებს იღებდა, კერძოდ: ყალბი „ქეისის“ შედგენა - 1 000-დან 1 500 აშშ დოლარამდე ყალბი ოფიციალური დოკუმენტების დამზადება - 3 000 აშშ დოლარი საქმის წარმოება და წარმატებით დასრულება - დამატებით 6 000-დან 8 000 აშშ დოლარამდე თითოეული პირისგან გარდა ამისა, ჯგუფის წევრები აშშ-ის საემიგრაციო პატიმრობაში მყოფ ქართველებსაც ჰპირდებოდნენ დახმარებას, რა გზითაც 4 მოქალაქის კუთვნილ 10 000 აშშ დოლარს დაეუფლნენ, თუმცა პირობა არ შეასრულეს. დაჯგუფება მოქალაქეებს კანადის ვიზების ყალბი დოკუმენტებით უზრუნველყოფასაც სთავაზობდა.ერთობლივი გამოძიების ფარგლებში გამოვლინდა მეორე ორგანიზებული ჯგუფიც, რომელიც სოციალური ქსელებით აშშ-ის ვიზის მიღების მსურველებს ეძებდა. მათ 65 მოქალაქეს საელჩოში წარსადგენად ყალბი დოკუმენტები დაუმზადეს, რის სანაცვლოდაც ვიზის მიღების შემდეგ ხელზე 112 000 აშშ დოლარი აიღეს.მას შემდეგ, რაც აშშ-ის საელჩომ დოკუმენტების ნაწილი გადაამოწმა და სიყალბე აღმოაჩინა, ყველა იმ მოქალაქეს, ვისაც დანაშაულებრივი ჯგუფი ეხმარებოდა, ვიზა გაუუქმდა. მიუხედავად ამისა, 2025 წლის იანვრიდან 2026 წლის თებერვლის ჩათვლით, ამ ჯგუფმა მოქალაქეებისგან ფინანსური სარგებლის სახით მაინც მოასწრო 142 786 აშშ დოლარის, 15 095 ლარისა და 1 560 ევროს მიღება.ბრალდებულებს ბრალი ედებათ თაღლითობაში (დიდი ოდენობით, ჯგუფურად), ყალბი დოკუმენტების დამზადება-გასაღებასა და უცხო ქვეყანაში მცდარი ინფორმაციით თავშესაფრის მიღების ორგანიზებაში. აღნიშნული მუხლები სასჯელის სახედ და ზომად 9 წლამდე ვადით თავისუფლების აღკვეთას ითვალისწინებს. პროკურატურა ცხრავე ბრალდებულის მიმართ პატიმრობის შეფარდების შუამდგომლობით სასამართლოს უახლოეს ხანში მიმართავს. გამოძიება გრძელდება სხვა ეპიზოდებში მონაწილე პირთა გამოვლენის მიზნით.

1780390104

სტატისტიკის მიხედვით, 2025 წელს მოლდოვამ საქართველოში 9.55 მილიონი ლიტრი ღვინის ექსპორტი განახორციელა, რითაც მოცულობის თვალსაზრისით მხოლოდ ბელარუსსა და რუმინეთს ჩამორჩება. თუმცა, საქართველო რეიტინგის პირველ ოცეულში გამოირჩევა ლიტრზე ყველაზე დაბალი ფასით - $0.57-ით 1 ლიტრზე, რაც მოლდოვის მსოფლიო საექსპორტო საშუალო ფასზე ($1.51) თითქმის სამჯერ ნაკლებია.საქართველოში ექსპორტირებული 9.55 მილიონი ლიტრი ღვინის საერთო ღირებულებამ $5.49 მლნ შეადგინა. ღირებულების მიხედვით, საქართველო რეიტინგში მე-6 ადგილზეა, თუმცა ლიტრზე $0.57-იანი ნიშნულით რეიტინგში ყველაზე იაფ ბაზარს წარმოადგენს.შედარებისთვის, რუმინეთი მოლდოვისთვის ყველაზე შემოსავლიანი პარტნიორია – 15.64 მილიონ ლიტრ მოლდოვურ ღვინოში $43.4 მლნ გადაიხადა და 1 ლიტრის საშუალო ფასი $2.78-ს შეადგენს. მოცულობით პირველ ადგილზე მყოფ ბელარუსზე კი მოლდოვის მთლიანი საექსპორტო რაოდენობის თითქმის მესამედი - 31.97 მილიონი ლიტრი მოდის, თუმცა იქ ლიტრის ფასი დაბალია და $0.78-ს შეადგენს (ჯამური ღირებულება $25.05 მლნ).მოცულობითა და ღირებულებით სხვა მოწინავე პოზიციებზე არიან პოლონეთი (3.99 მლნ ლიტრი, $1.91/1ლ) და ჩეხეთი (4.49 მლნ ლიტრი, $1.67/1ლ). კვლევის მიხედვით, მოლდოვურ ღვინოში ლიტრზე ყველაზე მაღალ ფასს იაპონია ($3.17), ჩინეთი ($2.98), ნიგერია ($2.8) და რუმინეთი ($2.78) იხდიან.საერთო ჯამში, 2025 წელს მოლდოვამ მსოფლიო ბაზარზე $148.73 მლნ-ის ღირებულების 98.38 მილიონი ლიტრი ღვინის ექსპორტი განახორციელა, რაც გლობალურად ლიტრზე საშუალოდ $1.51-ს უდრის. მონაცემები აჩვენებს, რომ საქართველო მოლდოვისთვის მნიშვნელოვანი რაოდენობრივი ბაზარია, თუმცა დაბალფასიან სეგმენტს მიეკუთვნება.

1780388878

მისი თქმით, პროცესი მხარეებს შორის არსებული სახელშეკრულებო ვალდებულებების ფარგლებში მიმდინარეობს.„ჩვენ წარმატებით მივიწევთ 1 ივლისისთვის განსაზღვრული სახელშეკრულებო ვალდებულებების შესრულებისკენ და ამ მიმართულებით ვაგრძელებთ მუშაობას“, – განაცხადა კრისტოფოლიმ.BP-ის წარმომადგენელმა ხაზგასმით აღნიშნა, რომ ეს გადაწყვეტილება კომპანიის მიერ პროექტის დატოვებას არ ნიშნავს.„ეს მხოლოდ კონტრაქტით გათვალისწინებული ვალდებულების შესრულებაა. SOCAR-ს აქვს საკმარისი გამოცდილება და შესაძლებლობები, რათა მილსადენი წარმატებით მართოს. გარდამავალი პროცესის მიმართ ძალიან ოპტიმისტურად ვართ განწყობილი“, – თქვა მან.ბაქო–თბილისი–ჯეიჰანის ნავთობსადენი 2006 წელს ამოქმედდა და კასპიის ზღვის აზერბაიჯანული საბადოებიდან მოპოვებული ნავთობის თურქეთის ხმელთაშუა ზღვის პორტ ჯეიჰანამდე ტრანსპორტირების მთავარი მარშრუტია. მილსადენის სიგრძე დაახლოებით 1 768 კილომეტრია და ის აზერბაიჯანის, საქართველოსა და თურქეთის ტერიტორიებზე გადის.BP პროექტის ოპერატორია მისი ამოქმედების დღიდან. BTC საერთაშორისო ენერგეტიკული ინფრასტრუქტურის ერთ-ერთ უმნიშვნელოვანეს პროექტად ითვლება, რადგან კასპიის რეგიონის ნავთობის მსოფლიო ბაზრებზე გატანის შესაძლებლობას იძლევა რუსეთისა და ირანის ტერიტორიების გვერდის ავლით. SOCAR კი პროექტის ერთ-ერთი უმსხვილესი აქციონერია და ბოლო წლებში ქვეყნის ენერგეტიკულ ინფრასტრუქტურაში თავისი როლის გაძლიერებას ცდილობს.

1780387271

საქართველოსა და რუსეთის ფედერაციის მოქალაქეების ბარგისა და ხელბარგის შემოწმების შედეგად, საერთო ჯამში აღმოჩენილი იქნა, 94 აბი ფსიქოტროპული მედიკამენტი, რომელიც ერთ-ერთ მგზავრს პირადი მოხმარების საგნებში მალულად ჰქონდა განთავსებული.ორივე კანონდამრღვევი მოქალაქის მიმართ, გამოძიებას აწარმოებს შინაგან საქმეთა სამინისტროს ცენტრალური კრიმინალური პოლიციის დეპარტამენტი. 

1780384514

საანგარიშო პერიოდში, GCCA-ის გადაწყვეტილებით, მომხმარებელთა ჯგუფის უფლების 122 დარღვევის ფაქტი დადასტურდა - 299 საქმეზე.GCCA-ის მიერ დაკისრებული ვალდებულების შეუსრულებლობის გამო 53 მოვაჭრეს - 82 საქმეზე დაეკისრა ჯარიმა, ჯამში - 69 176 ლარის ოდენობით. ამასთან, მომხმარებლის სასარგებლოდ, პირობითი ვალდებულების აღების შესახებ 109 საქმეზე - 93 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულებები - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, წარსულში არსებული სავაჭრო პოლიტიკის შედეგად ზიანი მიადგათ.ამასთან, საანგარიშო პერიოდში, მომხმარებლის მიერ შემოსული განაცხადების 70% ონლაინ ვაჭრობის ფაქტს ეხებოდა, ხოლო 30% ნივთის ადგილზე შეძენის შემთხვევას. ადგილმდებარეობის მიხედვით, სააგენტოსთვის მომართვიანობისას, დიდი წილი - 80% თბილისს უჭირავს, შემდეგ კი მოდის რეგიონები - აჭარა 6%, იმერეთი 4%, ქვემო ქართლი 3%, კახეთი 2%, სამეგრელო ზემო-სვანეთი 1% და სხვ.მიმდინარე წლის 5 თვის მონაცემებით, თანხის უკან დაბრუნების მოთხოვნაზე დაფიქსირდა 422 განაცხადი, ნაკლიანი ნივთის შეკეთებასა ან შეცვლაზე 251, ნაკლოვანი მომსახურებისას უფლების აღდგენაზე 224, დადგენილ ვადაში საქონლის მიწოდებაზე 54, ხოლო სხვა დანარჩენზე - 85. სექტორების მიმართულებით, სტატისტიკის თანახმად, 71%-ს საბითუმო და საცალო ვაჭრობის სექტორი იკავებდა, ტრანსპორტი და დასაწყობება 11%, განთავსება და საკვების მიწოდება 2%, ხელოვნება, გართობა და დასვენება - 3%, ხოლო სხვა სახის საქმიანობები 13%.

1780383668

ნატო ვაჩნაძის ფონდის ორგანიზებით კინოდაჯილდოება „ელისო“ წელს მესამედ გაიმართება და მიზნად ისახავს ქართული კინემატოგრაფის განვითარების ხელშეწყობასა და თანამედროვე კინემატოგრაფისტების მხარდაჭერას.კინოპრემია „ელისოს“ 2026 წლის გამარჯვებული კინემატოგრაფისტები ტრადიციულად 14 ივნისს გურჯაანში, ნატო ვაჩნაძის სახლ-მუზეუმში გამოვლინდებიან.ქართველი და საერთაშორისო კინოპროფესიონალებისგან შემდგარმა ჟიურიმ, რომლის შემადგენლობაშიც არიან - ანგელა შანელეკი, თეო ხატიაშვილი, მალგორჟატა შუმოვსკა,გიორგი შველიძე, ლეა გლობი - გამოავლინა 2026 წლის ნომინანტები:საუკეთესო ფილმი:· მილი· არავინ არ ჩანს· ხმელი ფოთოლი· თემორე· ქართლის ცხოვრებასაუკეთესო რეჟისორი:· არავინ არ ჩანს - კოტე კალანდაძე· ქართლის ცხოვრება - თამარ კალანდაძე, ჟულიენ პებრელი· ცხრათვიანი კონტრაქტი - ქეთევან ვაშაგაშვილი· ხმელი ფოთოლი - ალექსანდრე კობერიძესაუკეთესო ოპერატორი:· მილი - შალვა სოყურაშვილი· ქალაქის ხმაური - შალვა სოყურაშვილი· ხმელი ფოთოლი - ალექსანდრე კობერიძე· ქართლის ცხოვრება - თამარ კალანდაძე, ჟულიენ პებრელისაუკეთესო მონტაჟი:· ხმელი ფოთოლი - ალექსანდრე კობერიძე· თემორე - ანკა გუჯაბიძე, ლევან ბუთხუზი· არავინ არ ჩანს - კოტე კალანდაძე· ცხრათვიანი კონტრაქტი - ვერონიკა სკოტი, ბერნადეტ ტუზა-რიტერსაუკეთესო კინომუსიკა:· არავინ არ ჩანს - კოტე კალანდაძე· ხმელი ფოთოლი - გიორგი კობერიძე· ქართლის ცხოვრება - ნიკა ფასური· მილი - ლაშა ცქვიტინიძესაუკეთესო მსახიობი:· თაკი მუმლაძე - არაფერი ბრუნდება, არაფერი მეორდება, ყველაფერი რეალურია· ნინი იაშვილი - ქალაქის ხმაური· ტატო ოქრიაშვილი, საბა წიკლაური, რატი აბრამიშვილი - მილი· ლაშა გომელაური - ქალაქის ხმაურიდაჯილდოების ცერემონიაზე „ნატო ვაჩნაძის ფონდი“, ასევე დაასახელებს 2026 წლის ნატო ვაჩნაძის სახელობის პრემიის ლაურეატს.შეგახსენებთ, რომ წლევანდელ კონკურსში განიხილებოდა 2025 წელს გამოსული სრულმეტრაჟიანი მხატვრული და სრულმეტრაჟიანი დოკუმენტური ქართული პროდუქციის ან კო-პროდუქციის ფილმები და ნატო ვაჩნაძის ფონდის გადაწყვეტილებით წელს დაემატა საუკეთესო კინომუსიკის (ორიგინალური მუსიკა) ნომინაცია.თიბისი, მრავალწლიანი გამოცდილებით, აქტიურად უჭერს მხარს კულტურულ პროექტებს, რომლებიც ემსახურება ეროვნული ღირებულებების შენარჩუნებას, ქართული ხელოვნების განვითარებასა და კულტურული მემკვიდრეობის პოპულარიზაციას. თიბისი მხარდამჭერია თბილისის, ბათუმისა და ქუთაისის კინოფესტივალების, ასევე გასულ წელს ქართველ დამოუკიდებელ კინემატოგრაფისტებთან თანამშრომლობით, საქართველოს 10 ქალაქში უმასპინძლა პროექტს „კინო გზაზე“, რომელიც რეგიონებში ღია კინოჩვენებების სერიას აერთიანებდა.

1780382689

Kyiv International Advertising Festival, აღმოსავლეთ ევროპის რეგიონში კრეატიული ინდუსტრიის ერთ-ერთ მთავარ პლატფორმა, წელს 27-ედ ჩატარდა. ფესტივალზე სხვადასხვა ქვეყნის წამყვანი სააგენტოების ასობით ნამუშევარი იყო წარდგენილი.PSP-ს საკომუნიკაციო კამპანიაზე "ჩიტებს ფრენა არ ავიწყდებათ" სააგენტო Playmakers-მა იმუშავა. ეს წარმატებული თანამშრომლობა 2025-2026 წწ. მსოფლიოს თითქმის ყველა კრეატიულ ფესტივალზე უამრავი ჯილდოთი, მათ შორის არაერთი გრან პრით შეფასდა. კამპანია ერთნაირად ღირებული აღმოჩნდა ყველა კრეატიული ფესტივალის ჟიურის ასობით წევრისთვის, რის დასტურიცაა არაერთი გრან-პრი, სპეციალური და უმაღლესი ჯილდო რეგიონულ თუ საერთაშორისო ფესტივალებზე: Ad Black Sea, Baku Flames, KIAF, ADCE, Clio Awards, EPICA, The One Show და სხვა.ამაღელვებელია KIAF-ის ჯილდოები: გრანპრის გარდა, „ჩიტებს ფრენა არ ავიწყდებათ“ კონკურსის საუკეთესო ნამუშევრად შეფასდა 3 კატეგორიაში - Creative Communications / Film - Brave Idea (მამაცი იდეა), Film Craft / Direction (რეჟისურა) და Social Goals Contests / Human Rights, Justice & Strong Institutions (ადამიანის უფლებები, სამართლიანობა და ძლიერი ინსტიტუტები), ასევე დაჯილდოვდა 3 ოქროს - Creative Communications / Culture Influence (კულტურული გავლენა), Film Craft / Script (სცენარი) და Film Craft / Best Overall Production (საუკეთესო წარმოება), 2 ვერცხლისა და ბრინჯაოს პრიზებით.„განსაკუთრებით სასიამოვნოა, რომ KIAF-ზე ჩვენი 2025 წლის ზაფხულის კამპანია „მეშეზლონგემ უკეთ იცის“ ფესტივალის ჟიურის ყურადღება და ბრინჯაოს პრიზი დაიმსახურა, ორმაგად სასიამოვნოა, რომ ეს პრიზი ჯანდაცვის კატეგორიას განეკუთვნება: Client's View / Healthcare.KIAF-ს წინ უძღოდა Baku Flames - მნიშვნელოვანი რეგიონული კრეატიული ფესტივალი, რომელიც ბაქოში ყოველწლიურად ტარდება. 3 ოქრო, 2 ვერცხლი და ბრინჯაო მოიპოვა 2025 წლის დამოუკიდებლობის დღისადმი მიძღნილმა კამპანიამ, რაც კიდევ ერთხელ ხაზს უსვამს, რომ თავისუფლება, როგორც უმთავრესი ფასეულობა, ყველასთვის ერთნაირად მნიშვნელოვანი და ღირებულია და რომ ჩიტებს ფრენა არასდროს ავიწყდებათ", - აცხადებენ PSP-ში. (R)

1780382548

კიევის მერის ვიტალი კლიჩკოს განცხადებით, ერთ-ერთი რაკეტა მრავალსართულიან საცხოვრებელ კორპუსს მოხვდა, რამაც შენობის ნაწილი ჩამოანგრია. მისი თქმით, ნანგრევების ქვეშ შესაძლოა ადამიანები იყვნენ მოყოლილი.„დედაქალაქში 58 დაშავებულია. მათგან 40, მათ შორის ორი ბავშვი, საავადმყოფოში გადაიყვანეს. ოთხი ადამიანი დაიღუპა“, – განაცხადა კლიჩკომ.მერის ინფორმაციით, ხანძრები გაჩნდა პოდოლისა და ობოლონის რაიონებში. დაზიანდა მრავალსართულიანი საცხოვრებელი სახლები, დაიწვა ავტომობილები, ხოლო რაკეტების ნამსხვრევები საბავშვო ბაღის მიმდებარე ტერიტორიაზეც ჩამოვარდა.თვითმხილველების ცნობით, ქალაქის თავზე ღამით ძლიერი აფეთქებების ხმა ისმოდა და ცაში კვამლის დიდი სვეტი ჩანდა. საჰაერო განგაშის გამოცხადების შემდეგ ათასობით მცხოვრებმა თავი მეტროს სადგურებსა და თავშესაფრებს შეაფარა.უკრაინის პრეზიდენტმა ვოლოდიმირ ზელენსკიმ შეტევამდე რამდენიმე საათით ადრე განაცხადა, რომ დაზვერვას ჰქონდა ინფორმაცია რუსეთის მიერ ფართომასშტაბიანი იერიშის შესაძლო მომზადების შესახებ და მოსახლეობას სიფრთხილისკენ მოუწოდა.Reuters-ის ცნობით, ეს იყო ერთ-ერთი ყველაზე მძიმე შეტევა ბოლო პერიოდში და მას წინ უძღოდა მოსკოვის გაფრთხილებები „სისტემური დარტყმების“ შესახებ უკრაინის სამხედრო და სამეთაურო ობიექტებზე.კრემლმა გასულ კვირას განაცხადა, რომ გააძლიერებდა დარტყმებს კიევზე მას შემდეგ, რაც უკრაინული დრონებით განხორციელებულ თავდასხმაში რუსეთის მიერ ოკუპირებულ ლუგანსკში 21 ადამიანი დაიღუპა. კიევი ამ თავდასხმაში მონაწილეობას უარყოფს.

1780380544