გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

კერძოდ, Lion Finance Group-ის (BGEO LN) აქციები დაიხურა 110.50 ბრიტანულ ფუნტ სტერლინგში (GBP), +4.74% წინა კვირასთან შედარებით და +3.95% გასულ თვესთან შედარებით. ვაჭრობის მოცულობამ 209 ათას აქციაზე მეტი შეადგინა, GBP 100.90 - 111.00 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 55 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 45.32 ბრიტანულ ფუნტ სტერლინგში (GBP), +3.52% წინა კვირასთან შედარებით და +3.19% გასულ თვესთან შედარებით. ვაჭრობის მოცულობამ 215 ათას აქციაზე მეტი შეადგინა, GBP 42.06 - 45.76 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 65 ათასი აქცია შეადგინა.Georgia Capital-ის (CGEO LN) აქციები დაიხურა 42.35 ბრიტანულ ფუნტ სტერლინგში (GBP), +6.68% წინა კვირასთან შედარებით და +10.43% გასულ თვესთან შედარებით. ვაჭრობის მოცულობამ 171 ათას აქციაზე მეტი შეადგინა, GBP 38.90 - 42.35 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 46 ათასი აქცია შეადგინა.

1781515540

ტექნიკური დახმარება ხორციელდება ADB-ის პროგრამის – „მწვანე ბანკინგის ხელშეწყობა მდგრადი განვითარებისთვის“  ფარგლებში, რომლის მიზანია ფინანსური ინსტიტუტების შესაძლებლობების გაძლიერება, რათა მათ გაზარდონ მწვანე დაფინანსებაზე ხელმისაწვდომობა მიკრო, მცირე და საშუალო ბიზნესებისთვის (MSME). პროგრამა განსაკუთრებულ ყურადღებას უთმობს ქალი მეწარმეების მხარდაჭერასა და მათთვის მდგრად ფინანსებზე ხელმისაწვდომობის გაზრდას.მხარდაჭერა ხორციელდება ADB-ის რეგიონული ტექნიკური დახმარების პროგრამის – „მწვანე დაფინანსების განვითარების ხელშეწყობა მდგრადი განვითარებისათვის“ – ფარგლებში, რომელიც შერჩეულ ფინანსურ ინსტიტუტებს ეხმარება მწვანე ბანკინგის პრაქტიკის გაძლიერებასა და მწვანე დაფინანსების გაფართოებაში მიკრო, მცირე და საშუალო ბიზნესებისთვის, მათ შორის ქალების საკუთრებაში არსებული და ქალების მიერ მართული საწარმოებისთვის.კრისტალის შერჩევა კიდევ ერთხელ ადასტურებს ორგანიზაციის მრავალწლიან გამოცდილებას, განხორციელებულ ძალისხმევასა და მზაობას, მხარი დაუჭიროს მიკრო, მცირე და საშუალო ბიზნესების განვითარებას მთელი საქართველოს მასშტაბით.ტექნიკური დახმარება ხელს შეუწყობს მწვანე დაფინანსების პრაქტიკის ინტეგრირებას კრისტალის საქმიანობაში, მათ შორის შეფასების მეთოდოლოგიების, შესაბამისობის კრიტერიუმებისა და მიკრო, მცირე და საშუალო ბიზნესების დაფინანსების მიდგომების განვითარებას, განსაკუთრებული ყურადღება გამახვილდება ქალების მიერ მართულ ბიზნესებზე. პროექტი ასევე დაეხმარება კრისტალს შიდა ორგანიზაციული შესაძლებლობების გაძლიერებაში, რაც მოიცავს ცოდნის გაზიარებას, თანამშრომელთა ტრენინგებისა და ტექნიკური სამუშაო შეხვედრების მეშვეობით.„აზიის განვითარების ბანკთან მრავალწლიანი და წარმატებული თანამშრომლობის გათვალისწინებით, აღნიშნული პროექტი ჩვენთვის კიდევ ერთი მნიშვნელოვანი შესაძლებლობაა, გავაღრმაოთ პარტნიორობა და ერთობლივად შევუწყოთ ხელი საქართველოს საფინანსო სექტორისთვის ისეთ პრიორიტეტულ მიმართულებებს, როგორიცაა მწვანე დაფინანსების, გარემოსდაცვითი მდგრადობა და ქალი მეწარმეების მხარდაჭერა. ეს საკითხები მნიშვნელოვანია არა მხოლოდ ბიზნეს სექტორების განვითარებისთვის, არამედ ქვეყნის მდგრადი ეკონომიკური ზრდის ხელშეწყობისთვისაც“, – აღნიშნავს კრისტალის გენერალური დირექტორი, ილია რევია.„მოხარული ვართ, რომ ჩვენი პარტნიორი მიკრობანკი კრისტალი პროგრამას შეუერთდა. ეს თანამშრომლობა ხელს შეუწყობს მწვანე დაფინანსების ინტეგრირებას კრისტალის ბიზნესმოდელსა და საკრედიტო საქმიანობაში, მათ შორის არსებული მდგომარეობის სიღრმისეული შეფასების, პრაქტიკული სამოქმედო გეგმის, მიზნობრივი შესაძლებლობების განვითარების პროგრამებისა და მწვანე ინვესტიციების შეფასების ინსტრუმენტების დანერგვის გზით. საპილოტე სასესხო პორტფელზე პრაქტიკული მუშაობა კრისტალს დაეხმარება კლიმატთან შესაბამისი ფინანსირების შეფასების, სტრუქტურირებისა და მასშტაბირების შესაძლებლობების გაძლიერებაში, რაც გააფართოებს ორგანიზაციის მწვანე ფინანსურ საქმიანობას და სექტორისთვის მნიშვნელოვან სტანდარტს შექმნის,“ – განაცხადა ADB-ის ცენტრალური და დასავლეთ აზიის დეპარტამენტის კერძო სექტორის განვითარების რეგიონულმა ხელმძღვანელმა, ენრიკო პინალიმ. კრისტალსა და ADB-ს შორის თანამშრომლობა მრავალ წელს ითვლის. 2023 წელს კრისტალმა გამოუშვა 25 მილიონი ლარის მოცულობის სერტიფიცირებული გენდერული ობლიგაციები, რომლის ძირითადი ინვესტორი ADB იყო. მოზიდული სახსრები ქალების საკუთრებაში არსებული და ქალების მიერ მართული მიკრო, მცირე და საშუალო ბიზნესების მხარდაჭერასა და ქალი მეწარმეებისთვის ფინანსებზე ხელმისაწვდომობის გაფართოებას მოხმარდა. აღნიშნული გარიგება სამხრეთ კავკასიაში გენდერული ობლიგაციების პირველი ემისია იყო და მდგრადი საფინანსო ბაზრის განვითარებაში მნიშვნელოვანი ეტაპი შექმნა.მწვანე დაფინანსება გარემოსდაცვითი მდგრადობა და მეწარმე ქალების მხარდაჭერა კრისტალის სტრატეგიულ პრიორიტეტებსა და კორპორაციული სოციალური პასუხისმგებლობის მნიშვნელოვან ნაწილს წარმოადგენს. ADB-ის ტექნიკური დახმარების პროგრამაში მონაწილეობა კიდევ ერთხელ ადასტურებს ორგანიზაციის ერთგულებასა და მნიშვნელოვან წვლილს ამ მიმართულებების განვითარებაში.მიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. (R)

1781512601

ზელენსკის თქმით, 15 ივნისის ღამეს რუსეთის ფედერაციამ უკრაინის მიმართულებით 70 რაკეტა და 611 დრონი გაუშვა. ამ დროისთვის არსებული მონაცემებით, დედაქალაქში 28 ადამიანი დაშავდა, ხოლო ოთხი დაიღუპა.რუსეთის ფედერაციის მასირებული თავდასხმის კონტექსტში მან ახსენა კიევ-პეჩერის ლავრის მიცვალების (უსპენსკის) საკათედრო ტაძრის დაზიანება, ასევე ხარკოვზე განხორციელებული დარტყმა, რომლის შედეგადაც ხუთი მაშველი დაიღუპა, და თავდასხმა დნიპროზე.„ძალიან მნიშვნელოვანია, რომ არსებობდეს პასუხი „დიდი შვიდეულის“ ქვეყნებისგან, რომლებიც ახლა იკრიბებიან სამიტზე, და ეს პასუხი იყოს გადამწყვეტი და შინაარსიანი: მეტი ზეწოლა აგრესორზე, მეტი დახმარება უკრაინას საჰაერო თავდაცვის სისტემებით, პირველ რიგში კი - ანტიბალისტიკური საშუალებებით. მადლობას ვუხდი ყველას, ვინც გვეხმარება სიცოცხლის დაცვაში“, - აღნიშნა მან.მანამდე გავრცელდა ინფორმაცია, რომ უკრაინა იწყებს ყველა შესაბამის პროცედურას იუნესკოს (UNESCO) ფარგლებში და აამოქმედებს ყველა სხვა საერთაშორისო მექანიზმს, მოითხოვს რა „სწრაფ და ადეკვატურ პასუხს“ ლავრაზე განხორციელებულ რუსულ დარტყმაზე.კიევზე მასირებული თავდასხმის შედეგად, კიევ-პეჩერის ლავრის ტერიტორიაზე ხანძარი გაჩნდა. კიევის საქალაქო სამხედრო ადმინისტრაციაში (КМВА) განაცხადეს, რომ მოხდა პირდაპირი მოხვედრა ლავრაზე, რამაც მნიშვნელოვანი დაზიანებები გამოიწვია.უკრაინის მართლმადიდებელი ეკლესიის წინამძღოლმა, მიტროპოლიტმა ეპიფანემ სოციალურ ქსელში პოსტი გამოაქვეყნა და კიევ-პეჩერის ლავრაზე განხორციელებულ რუსულ დარტყმას „კაცობრიობის წინააღმდეგ ჩადენილი მორიგი დანაშაული“ უწოდა.

1781511935

თიბისი, Tbilisi Open Air-ის დაარსების დღიდან მისი მთავარი მხარდამჭერია და Altervision Group-თან ერთად ქართულ მუსიკალურ სცენას ავითარებს. თიბისისთვის ერთ-ერთი მთავარი მიმართულება ახალი თაობის მრავალმხრივი მიზნების განხორციელებაში ხელშეწყობა, მუსიკალური კულტურის პოპულარიზაცია და ახალგაზრდა არტისტების მხარდაჭერაა.Tbilisi Open Air 2009 წელს Altervision Group-ის ინიციატივით დაარსდა და მას შემდეგ ფესტივალის სცენაზე 1000-ზე მეტი შემსრულებელი წარდგა. სხვადასხვა წლებში Open Air-მა უმასპინძლა მსოფლიო დონის არტისტებსა და ჯგუფებს, მათ შორის: ALT J, Deep Purple, Placebo, DDT, Archive, Tricky, UNKLE, Sevdaliza და Roman Flugel.ფესტივალი განსაკუთრებულ შესაძლებლობას აძლევს ახალგაზრდა ქართველ მუსიკოსებსაც. ამის ერთ-ერთი საუკეთესო მაგალითია Tape Visitors ჯგუფი, რომელიც ფართო საზოგადოებამ სწორედ Open Air-ის სცენიდან გაიცნო. წელს ისინი კიდევ ერთხელ დაუკრავენ ქართველი მსმენელისთვის, რის შემდეგაც მადრიდის საერთაშორისო ფესტივალ Mad Cool-ზე წარდგებიან. ბილეთების შესაძენად გადადი ბმულზე.თიბისისთვის მნიშვნელოვანია ისეთი ინიციატივების მხარდაჭერა, რომლებიც ადამიანებს საკუთარი შესაძლებლობების აღმოჩენასა და შემოქმედებითი პოტენციალის გამოვლენაში ეხმარება. სწორედ ამ ხედვას ეხმიანება Tbilisi Open Air, ერთ-ერთი ყველაზე მნიშვნელოვანი პლატფორმა, რომელიც მუსიკის მოყვარულებსა და არტისტებს ერთმანეთთან აკავშირებს, ხელს უწყობს ქართული და საერთაშორისო მუსიკალური კულტურის განვითარებას და ყოველწლიურად დაუვიწყარ საფესტივალო გამოცდილებას ქმნის.(R)

1781510687

2025 წლის განმავლობაში სასაკლაოებში დაიკლა 511.1 ათასი სული პირუტყვი, მათ შორის 32% – მსხვილფეხა რქოსანი პირუტყვი, ხოლო 68% – წვრილფეხა (ცხვარი, თხა, ღორი და სხვა). გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობა 12 351.6 ათასი ერთეულით განისაზღვრა.სასაკლაოების მიერ 2025 წლის განმავლობაში 65 279.8 ტონა ხორცი იქნა წარმოებული (დაკლული წონა, ფრინველის ხორცის ჩათვლით), საიდანაც 30% მოდის მსხვილფეხა რქოსანი პირუტყვის ხორცზე, 33.4% – ფრინველის, 35.9% – ღორის, 0.6% – ცხვრისა და თხის ხორცზე, ხოლო დანარჩენს უმნიშვნელო წილი უკავია.2025 წლის განმავლობაში სასაკლაოებში წარმოებული ხორცისგან სასაკლაოს მიერ შესყიდული იყო 9 436.9 ტონა, საიდანაც 29.9% მოდის მსხვილფეხა რქოსანი პირუტყვის ხორცზე, 6.9% – ფრინველის ხორცზე, ხოლო 62.6% – ღორის ხორცზე.საქსტატის მონაცემებით, 2025 წლის განმავლობაში მომსახურება გაეწია 29 ათას პირს, საიდანაც 51.3% შინამეურნეობების (ოჯახური მეურნეობები) სახით იყვნენ წარმოდგენილნი. სასაკლაოებში დასაქმებულთა საშუალოთვიურმა რაოდენობამ 1 094 კაცი შეადგინა.ერთეული პირუტყვის დაკვლაზე მომსახურების საშუალო ფასი შემდეგნაირი იყო: მსხვილფეხა რქოსანი პირუტყვის დაკვლის საფასური – 40.2 ლარი, ცხვრის ან თხის – 13.6 ლარი, ღორის – 33.8 ლარი.სასაკლაოების თითქმის ნახევარი (47%) სრულად არის აღჭურვილი თანამედროვე ტექნოლოგიებით, 45.5% აღჭურვილია ნაწილობრივ, 7.6% კი არ არის აღჭურვილი თანამედროვე ტექნოლოგიებით. სასაკლაოების 65.9% არ სარგებლობს სესხით, ხოლო 34.1%-ს აღებული აქვს სესხი სხვადასხვა მიზნით. სესხით მოსარგებლეთა 57.8%-ს სესხი აღებული აქვს ძირითადი კაპიტალის შეძენისთვის, 28.9%-ს – საბრუნავი კაპიტალისათვის, ხოლო 13.3%-ს – როგორც ძირითადი, ასევე საბრუნავი კაპიტალისთვის.2025 წელს საქართველოში 445 ერთეული სამაცივრე მეურნეობა ფუნქციონირებდა, რომელთა უმრავლესობაც შიდა ქართლის რეგიონშია (60.7%) განთავსებული. მოქმედი სამაცივრე მეურნეობები ასევე განთავსებულია: თბილისში (10.1%), კახეთში (7.9%), ქვემო ქართლში (4.9%), სამეგრელო-ზემო სვანეთში (4.5%), იმერეთში (4.5%), აჭარის არ-ში (3.1%), სამცხე-ჯავახეთში (1.8%), გურიაში (1.3%), მცხეთა-მთიანეთში (0.9%) და რაჭა-ლეჩხუმისა და ქვემო სვანეთის (0.2%) რეგიონში.2025 წლის განმავლობაში მომსახურება გაეწია 533 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით, 1 531 ერთეული შეადგინა, ხოლო სამაცივრეებში დასაქმებულთა საშუალოთვიური რაოდენობა 2 168 კაცით განისაზღვრა.2025 წლის განმავლობაში მაცივრებში შენახული (განთავსებული) იყო 381.7 ათასი ტონა პროდუქცია, მათ შორის 34.6% – ქათმის ხორცი (გაყინულის ჩათვლით), 21.2% – პირუტყვის ხორცი და ხორცპროდუქტები (ნახევარფაბრიკატების ჩათვლით), 16.2% – თევზეული, 15.6% – ხილი და ბოსტნეული, 6.9% – რძის პროდუქტები, ხოლო დანარჩენ პროდუქტებს 5.5% ეკავა.სამაცივრე მეურნეობების მიერ შემდგომი რეალიზაციის მიზნით 2025 წლის განმავლობაში შესყიდულია 105.5 ათასი ტონა პროდუქცია. რაც შეეხება მომსახურების სახით მიღებულ შემოსავალს, მისმა სიდიდემ ₾27.3 მლნ შეადგინა.2025 წლის განმავლობაში სამაცივრე მეურნეობების მიერ გაყიდულია ₾901 მლნ-ის ღირებულების (118.8 ათასი ტონა) პროდუქცია, საიდანაც ღირებულებით გამოსახულებაში შედარებით დიდი ნაწილი (46.5%) იყო ადგილობრივი (შესყიდული) წარმოების. ამასთან, სამაცივრეების მიერ გაყიდული ადგილობრივი (საკუთარი წარმოების) პროდუქციის 39.8% მოდიოდა ქათმის ხორცზე. იმპორტირებული პროდუქციის მნიშვნელოვან მოცულობას რძის პროდუქტები (29.1%), პირუტყვის ხორცი და ხორცპროდუქტები (ნახევარფაბრიკატების ჩათვლით) (26.9%), ქათმის ხორცი (გაყინულის ჩათვლით) (14.8%) და თევზეული (11.6%) წარმოადგენდა.სამაცივრეების მიერ გაყიდული პროდუქციისაგან უცხოურ ბაზარზე რეალიზებული იქნა 3% (ღირებულების მხრივ), რომლის მნიშვნელოვან ნაწილს ქათმის ხორცი (52.9%) და ხილ-ბოსტნეული (39.7%) წარმოადგენდა.გამოკვლევის შედეგების მიხედვით, კამერების საშუალო დღიური დატვირთვა (პროცენტულად კამერების ჯამური ტევადობიდან) იანვარში შეადგენდა 55.6%-ს, თებერვალში – 49.2%-ს, მარტში – 43.3%-ს, აპრილში – 46.4%-ს, მაისში – 47.4%-ს, ივნისში – 59%-ს, ივლისში – 55.1%-ს, აგვისტოში – 51.8%-ს, სექტემბერში – 49.8 პროცენტს, ოქტომბერში - 59.7 პროცენტს, ნოემბერში – 57.4%-ს, ხოლო დეკემბერში – 50.4%-ს.სამაცივრე მეურნეობების 66.3% თანამედროვე ტექნოლოგიებით აღჭურვილია სრულად, 30.3% – ნაწილობრივ, ხოლო 3.4% საერთოდ არ არის აღჭურვილი თანამედროვე ტექნოლოგიებით. სესხით სარგებლობს სამაცივრე მეურნეობების 61.3%.სესხით მოსარგებლეთა 39.6%-ს სესხი აღებული აქვს მხოლოდ ძირითადი კაპიტალისთვის (ახლის შეძენის ან არსებულის გაუმჯობესების მიზნით), 56.4%-ს – მხოლოდ საბრუნავი კაპიტალისათვის, ხოლო 4%-ს – როგორც ძირითადი, ისე  საბრუნავი კაპიტალისათვის.2025 წელს საქართველოში 36 ელევატორი ფუნქციონირებდა, რომელთა უმრავლესობაც ქვემო ქართლის (36.1%) და სამეგრელო-ზემო სვანეთის (19.4%) რეგიონებში იყო განთავსებული. ელევატორების 13.9% ფუნქციონირებდა კახეთის რეგიონში, 11.1% – შიდა ქართლის რეგიონში, 8.3% – იმერეთის რეგიონში, 8.3% - თბილისში, 2.8% კი – გურიის რეგიონში.2025 წლის განმავლობაში მომსახურება გაეწია 30 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით, 75 ერთეული შეადგინა, ხოლო ელევატორებში დასაქმებულთა საშუალოთვიური რაოდენობა 425 კაცით განისაზღვრა.2025 წლის განმავლობაში ელევატორებში შენახული (განთავსებული) იყო 500.8 ათასი ტონა პროდუქცია, რომლის 62%-ს წარმოადგენდა ხორბალი, 22%-ს – სოიოს შროტი, 7%-ს – სიმინდი, 5.1%-ს – ხორბლის ფქვილი, დანარჩენ პროდუქციას კი უმნიშვნელო წილი ჰქონდა.2025 წლის განმავლობაში ელევატორების მიერ გაყიდულია ₾293.4 მლნ-ის ღირებულების 275.9 ათასი ტონა პროდუქცია, საიდანაც 54.3% (ღირებულების მიხედვით) იყო ადგილობრივი (საკუთარი) წარმოების.ელევატორების მიერ პროდუქციის გადამუშავებასა და შენახვაზე გაწეულმა დანახარჯებმა ₾4.5 მლნ შეადგინა.ადგილობრივი (საკუთარი წარმოების) წარმოშობის პროდუქციაში როგორც მოცულობის, ისე ღირებულების მიხედვით ჭარბობდა ხორბლის ფქვილი (ელევატორების მიერ გაყიდული ადგილობრივი პროდუქციის ღირებულების 78.1%) და ქატო (13.9%).საქსტატის გამოკვლევის შედეგების მიხედვით, ელევატორების საცავების საშუალო დღიურმა დატვირთვა (პროცენტულად საცავების ჯამური ტევადობიდან) იანვარში შეადგენდა 50.1%-ს, თებერვალში – 51.4%-ს, მარტში – 47.1%-ს, აპრილში – 45.6%-ს, მაისში – 45.2%-ს, ივნისში – 45.8%-ს, ივლისში – 51.8%-ს, აგვისტოში – 51.9%-ს, სექტემბერში – 52.6%-ს, ოქტომბერში – 49.7%-ს, ნოემბერში – 49.5%-ს, ხოლო დეკემბერში – 46.5%-ს.ელევატორების 41.7% თანამედროვე ტექნოლოგიებით აღჭურვილია სრულად, 38.9% აღჭურვილია ნაწილობრივ, ხოლო 19.4% საერთოდ არ არის აღჭურვილი თანამედროვე ტექნოლოგიებით.სესხით სარგებლობს ელევატორების 38.9%. სესხით მოსარგებლეთა 35.7%-ს სესხი აღებული აქვს ძირითადი კაპიტალისთვის (ახლის შეძენის ან არსებული გაუმჯობესების მიზნით), 42.9%-ს – საბრუნავი კაპიტალისათვის, 21.4%-ს – როგორც ძირითადი, ასევე საბრუნავი კაპიტალისათვის.

1781509132

აქედან, ექსპორტი $3.1 მლრდ იყო (გაიზარდა 19.8%-ით), ხოლო იმპორტი $7.3 მლრდ (შემცირდა 1.9%-ით). უარყოფითმა სავაჭრო ბალანსმა 2026 წლის იანვარ-მაისში $4.2 მლრდ შეადგინა, რაც საგარეო სავაჭრო ბრუნვის 40.4%-ია.

1781507219

კრემლის ლიდერის თანაშემწის იური უშაკოვის ინფორმაციით, ტრამპმა პუტინს კიდევ ერთხელ მოუწოდა, რაც შეიძლება მალე შეწყვიტოს ომი უკრაინაში და განაცხადა, რომ ეს აშშ-რუსეთის ურთიერთობების ახალი ეტაპის დაწყების შესაძლებლობას შექმნიდა.უშაკოვის თქმით, ტრამპმა ასევე გამოთქვა მზადყოფნა, გავლენა მოახდინოს ევროპელ პარტნიორებსა და კიევზე, მათ შორის G7-ის სამიტის ფარგლებში დაგეგმილი კონტაქტების დროს.ამის საპასუხოდ პუტინმა განაცხადა, რომ „კიევის რეჟიმის მცდელობები, დაარტყას რუსეთის მშვიდობიან ინფრასტრუქტურას, ვერ შეცვლის უკრაინისთვის ფრონტზე შექმნილ კრიტიკულ ვითარებას“.კრემლის ცნობით, პუტინმა ასევე გამოთქვა მოსაზრება, რომ G7-ის სამიტზე უკრაინის პრეზიდენტი ვოლოდიმირ ზელენსკი და ევროპელი ლიდერები კონფლიქტის გაგრძელების მომხრე ინიციატივებით გამოვლენ.უშაკოვის განცხადებით, მხარეები შეთანხმდნენ, რომ უახლოეს პერიოდში მოსკოვს ამერიკელი წარმომადგენლები სტივ უიტკოფი და ჯარედ კუშნერი ეწვევიან.პუტინის განცხადებები უკრაინისთვის „კრიტიკული ვითარების“ შესახებ ეწინააღმდეგება ბოლო თვეებში გამოქვეყნებულ რიგ დამოუკიდებელ შეფასებებს. მათ შორის, Institute for the Study of War (ISW) მიუთითებდა, რომ 2026 წლის აპრილსა და მაისში რუსეთის არმიამ უკრაინის ტერიტორიაზე წმინდა ტერიტორიული დანაკარგები განიცადა.დასავლელი ანალიტიკოსები ამ ტენდენციას უკრაინული კონტრშეტევებით, დრონების გამოყენების ზრდითა და რუსეთის სამხედრო ლოგისტიკაზე გაძლიერებული ზეწოლით ხსნიან.ამავდროულად, პუტინი საჯაროდ კვლავ ამტკიცებს, რომ რუსული ძალები ფრონტის თითქმის ყველა მიმართულებაზე წინ მიიწევენ. დასავლურ მედიაში გავრცელებული ცნობების თანახმად, კრემლში რჩება მოლოდინი, რომ რუსეთი დონბასის სრულ კონტროლს უახლოეს თვეებში მოიპოვებს, თუმცა ამ პროგნოზების ფაქტობრივი დადასტურება არ არსებობს.უკრაინაში ომის დასრულების პერსპექტივა კვლავ ერთ-ერთ მთავარ საკითხად რჩება ვაშინგტონსა და მოსკოვს შორის მიმდინარე კონტაქტებში, თუმცა მხარეების პოზიციები ამ დრომდე არსებითად განსხვავდება.

1781504928

მისი თქმით, წარსულში არაერთი ამერიკელი პრეზიდენტი ცდილობდა ირანთან შეთანხმების მიღწევას, თუმცა უშედეგოდ.ტრამპმა ასევე განაცხადა, რომ შეთანხმების ხელმოწერის შემდეგ ჰორმუზის სრუტე კვლავ გაიხსნება.ამავდროულად, ირანის ეროვნული უსაფრთხოების უმაღლესმა საბჭომ განაცხადა, რომ თეირანმა და ვაშინგტონმა მრავალთვიანი მოლაპარაკებების შემდეგ ომის დასრულების მემორანდუმზე მუშაობა დაასრულეს.საბჭოს ცნობით, სამხედრო მოქმედებები ყველა ფრონტზე, მათ შორის ლიბანში, „დაუყოვნებლივ და სამუდამოდ“ შეწყდება. მემორანდუმის ოფიციალური ხელმოწერა 19 ივნისისთვისაა დაგეგმილი, ხოლო საბოლოო სამშვიდობო შეთანხმებაზე მოლაპარაკებები მას შემდეგ დაიწყება, რაც მხარეები ჩარჩო-შეთანხმებით გათვალისწინებულ ვალდებულებებს შეასრულებენ.ირანულმა სააგენტო Mehr-მა გაავრცელა ინფორმაცია, რომ შეთანხმების პროექტი 14 პუნქტისგან შედგება, კერძოდ:1. სამხედრო მოქმედებების სრული და მუდმივი შეწყვეტა;2. აშშ-ის ვალდებულება, პატივი სცეს ირანის სუვერენიტეტს და არ ჩაერიოს ქვეყნის შიდა საქმეებში;3. 30 დღის განმავლობაში საზღვაო ბლოკადის სრულად მოხსნა;4. აშშ-ის სამხედრო ძალების გაყვანა ირანის მიმდებარე ტერიტორიებიდან;5. ჰორმუზის სრუტის გახსნა;6. ირანის ნავთობისა და ნავთობპროდუქტების ექსპორტზე დაწესებული სანქციების შეჩერება;7. ირანის ფინანსურ აქტივებზე სრული წვდომის აღდგენა;8. ირანის ეკონომიკური აღდგენისთვის არანაკლებ 300 მილიარდი დოლარის მოცულობის პროგრამების მომზადება;9. ბირთვულ საკითხებზე საბოლოო შეთანხმების მისაღწევად 60-დღიანი მოლაპარაკებების დაწყება;10. ირანის მიერ ბირთვული იარაღის შექმნაზე უარის დადასტურება;11. აშშ-ის ვალდებულება, არ გაზარდოს რეგიონში სამხედრო კონტინგენტი და არ დააწესოს ახალი სანქციები;12. 24 მილიარდი დოლარის მოცულობის გაყინული ირანული აქტივების განბლოკვა.13. საბოლოო შეთანხმებას რეზოლუციით დაადასტურებს გაეროს უშიშროების საბჭო;14. დოკუმენტის თანახმად, საბოლოო შეთანხმება მხოლოდ ბირთვული პროგრამის, ურანის გამდიდრებისა და სანქციების მოხსნის საკითხებს შეეხება, ხოლო ირანის სარაკეტო პროგრამა და რეგიონულ დაჯგუფებებთან ურთიერთობები მოლაპარაკებების დღის წესრიგში არ იქნება შეტანილი.ირანსა და აშშ-ს შორის შესაძლო შეთანხმებამ ენერგეტიკულ ბაზრებზე მყისიერი რეაქცია გამოიწვია. ინვესტორები ვარაუდობენ, რომ ჰორმუზის სრუტის გახსნა და ირანული ნავთობის ექსპორტზე შეზღუდვების შემსუბუქება გლობალურ ბაზარზე ნავთობის დამატებითი მოცულობების გამოჩენას ხელს შეუწყობს.ორმუზის სრუტე მსოფლიოში ნავთობის ერთ-ერთი უმნიშვნელოვანესი სატრანსპორტო მარშრუტია. მისი გავლით ყოველდღიურად მსოფლიო ნავთობის მოხმარების დაახლოებით მეხუთედი გადაადგილდება. რეგიონში სამხედრო დაძაბულობის შემცირება, როგორც წესი, ნავთობის ფასებზე კლების მიმართულებით მოქმედებს, რადგან მიწოდების შეფერხების რისკები მცირდება.ბოლო კვირების განმავლობაში რეგიონში დაძაბულობის გამო ნავთობის ფასები მნიშვნელოვნად გაიზარდა, თუმცა შეთანხმების შესახებ ცნობების გავრცელების შემდეგ ტრეიდერებმა შესაძლო დამატებითი მიწოდების და სატრანსპორტო რისკების შემცირების ფაქტორი გაითვალისწინეს. ანალიტიკოსების შეფასებით, თუ შეთანხმება სრულად ამოქმედდება და ირანული ნავთობი საერთაშორისო ბაზარზე შეუფერხებლად დაბრუნდება, ეს შესაძლოა Brent-ისა და WTI-ის მარკის ნავთობის ფასებზე, სავარაუდოდ, დამატებით დაღმავალ ზეწოლას მოახდენს.

1781502841