რუსეთიდან ტრანსფერები ზრდას უბრუნდება

G&T-ის მიმოხილვით, ამ დროისთვის ახლადგანთავსებული ფასიანი ქაღალდების Z-სპრედი 209.8 bps-ია (საბაზისო პუნქტი – %პX100).ინვესტორების განწყობები და შესაბამისახდ მაღალი მოთხოვნა შენარჩუნებულია. დაბალი ვალით, საკმარისი რეზერვებით და სხვა მაკროპარამეტრებით საქართველოს ეკონომიკა ნდობას იმსახურებს.5-წლიანი ბონდები იანვარში განთავსდა, 5.125%-ად. ახალი ემისიით  წინა რეფინანსირდა, 

1771251000

ორგანიზაცია Action on Armed Violence (AOAV) აცხადებს, რომ ინგლისურენოვანი წყაროების მიხედვით, უკრაინაში ფეთქებადი იარაღის გამოყენების შედეგად 2,248 მშვიდობიანი მოქალაქე დაიღუპა და 12,493 დაიჭრა; ამასთან, მნიშვნელოვნად გაიზარდა მსხვერპლის რაოდენობა ცალკეულ ინციდენტზე.თითოეული დარტყმისას საშუალოდ 4.8 მშვიდობიანი მოქალაქე იღუპებოდა ან შავდებოდა, რაც 33%-ით მეტია 2024 წლის მაჩვენებელზე. ყველაზე მძიმე თავდასხმა 24 ივნისს დნიპროში მოხდა, რუსული რაკეტები სამგზავრო მატარებელს, საცხოვრებელ კორპუსებსა და სკოლებს მოხვდა, რის შედეგადაც 21 ადამიანი დაიღუპა, ხოლო 314 დაშავდა, მათ შორის 38 ბავშვი.AOAV-ის აღმასრულებელი დირექტორის იენ ოვერტონის თქმით, ეს ციფრები მოწმობს, რომ „უკრაინა ჯდება თავშეკავების იმ საერთო კოლაფსში, რომელიც ახლა მრავალ ომშია თვალსაჩინო“, ხოლო ომში პროპორციულობისა და დიფერენციაციის პრინციპების პატივისცემა „დაირღვა“.მშვიდობიან მოსახლეობაზე ან სამოქალაქო ინფრასტრუქტურაზე განზრახ თავდასხმა, რომელიც აჭარბებს პირდაპირ სამხედრო უპირატესობას, ომის დანაშაულია. თუმცა, ექსპერტების თქმით, პროპორციულობის პრინციპი კრიტიკულ ზღვარზეა მრავალ კონფლიქტში, მათ შორის ღაზაში, სუდანში, კონგოსა და უკრაინაში.„ჩვენ წლების განმავლობაში ვუყურებდით ამ ეროზიას - ჰომსიდან ალეპომდე, მარიუპოლიდან ღაზამდე. ახლა განსხვავება ისაა, რომ აღარ არსებობს საერთაშორისო წესებზე დაფუძნებული მოქმედი წესრიგი, რომელსაც პასუხისმგებელი პირების დასჯა შეუძლია“, - ამტკიცებს ოვერტონი.2025 წლის განმავლობაში სარაკეტო და დრონებით თავდასხმები უკრაინაში თითქმის ყოველ ღამით ხდებოდა და 2026 წელსაც გაგრძელდა, რის გამოც მილიონობით ადამიანი ელექტროენერგიის, გათბობისა და წყლის გარეშე დარჩა.2025 წლის 9 სექტემბრის ღამეს უკრაინას 805 დრონით და 13 რაკეტით დაესხნენ თავს, რაც ამ ომის განმავლობაში დაფიქსირებული ყველაზე მასშტაბური საჰაერო იერიში იყო.AOAV მშვიდობიანი მოსახლეობის მსხვერპლს მსოფლიო მასშტაბით ფეთქებადი იარაღის გამოყენების ინციდენტების შესახებ ინგლისურენოვანი ცნობების საფუძველზე აკონტროლებს. მიუხედავად იმისა, რომ ეს მეთოდი თანმიმდევრულია, ის მაინც ვერ ასახავს დაღუპულთა და დაჭრილთა ზუსტ რაოდენობას, ნაწილობრივ იმის გამო, რომ მხოლოდ ერთ ენაზე არსებული მედიაგამოცემები აუცილებლად არასრულია.გლობალურად, მშვიდობიან მოსახლეობაში მსხვერპლი 26%-ით შემცირდა 2024 წელს დაფიქსირებული 10-წლიანი მაქსიმუმიდან, რაც ძირითადად ღაზაში ოქტომბრის ცეცხლის შეწყვეტის შეთანხმებით იყო განპირობებული. AOAV-ის მონაცემებით, 2025 წელს ღაზაში მსხვერპლმა 14,024 შეადგინა, რაც წინა წელთან შედარებით 40%-ით ნაკლებია.გასული თვის ბოლოს ისრაელის სამხედრო უწყებამ მიანიშნა, რომ ღაზას ხელისუფლების მიერ გამოქვეყნებული მონაცემები დაღუპულთა შესახებ მეტწილად ზუსტი იყო. უსაფრთხოების სამსახურის წარმომადგენელმა დაადასტურა, რომ 2023 წლის ოქტომბრის შემდეგ 70,000 პალესტინელი დაიღუპა, რაც თანხვედრაშია ღაზას ჯანდაცვის სამინისტროს მონაცემებთან (72,061 დაღუპული და 171,715 დაშავებული).2025 წლის განმავლობაში ჯანდაცვის სამინისტრომ 25,718 დაღუპული და 62,854 დაშავებული პალესტინელი აღრიცხა, რაც ადასტურებს, რომ ინგლისურენოვანი პრესის მონაცემები რეალობაზე ნაკლებია.AOAV-ის თანახმად, 2025 წელს მსოფლიოში სულ 45,358 მშვიდობიანი მოქალაქე დაზარალდა, რაც წინა წლის მაჩვენებელზე (61,353) ნაკლებია. ეს ციფრები მოიცავს 17,589 დაღუპულს და 27,769 დაჭრილს ყველა სახის ფეთქებადი იარაღის გამოყენების შედეგად.ფეთქებადი იარაღით ყველაზე მეტი დაღუპულისა და დაჭრილისთვის პასუხისმგებელი ქვეყანა ისრაელი იყო, რომელიც მცირედით უსწრებდა რუსეთს.2025 წელს ისრაელის მონაწილეობამ მრავალ კონფლიქტში განაპირობა ის, რომ მასზე მოდის ყველა აღრიცხული მსხვერპლის 35%, ხოლო რუსეთზე - 32%. ყველაზე სისხლისმღვრელი შემდეგი ომები იყო სუდანსა (5,438 მსხვერპლი) და მიანმარში (3,178 მსხვერპლი).„უკრაინაში, მიანმარში, ღაზასა და სუდანში გზავნილი ერთია“, - თქვა ოვერტონმა. „როდესაც დაუსჯელობა ნორმად იქცევა, ომის დანაშაულები წყვეტენ შოკის მომგვრელ გამონაკლისად ყოფნას და ომის წარმოების მეთოდად ყალიბდებიან“, - დასძინა მან. 

1771244431

სწორედ ამ მიზნით, საქართველოს ბანკის, ICT ასოციაციის და საქართველოს ინოვაციების და ტექნოლოგიების სააგენტოს (GITA) თანამშრომლობით შეიქმნა პროექტი Code IT, რომელიც პროგრამირებით დაინტერესებულ 14-დან 18 წლამდე ახალგაზრდებს შესაძლებლობას აძლევს, საქართველოს 9 ტექნოპარკსა (თბილისი, ბათუმი, ზუგდიდი, სენაკი, ოზურგეთი, კასპი, გურჯაანი, ახმეტა, თელავი) და 6 დამატებით ლოკაციაზე (მესტია, გორი, საგარეჯო, პანკისი, რუსთავი, ფოთი) შეისწავლოს კოდირების საფუძვლები.Code IT-ის პროგრამაზე სწავლის მსურველებმა, 22 თებერვლამდე უნდა გაიარონ რეგისტრაცია ბმულზე. სწავლა 10 მარტს დაიწყება. მონაწილეების შერჩევა მათ მიერ შესრულებული დავალებისა და გასაუბრების შედეგად მოხდება.ინფორმაციისთვის, პროგრამა ინტერაქციული სწავლების მეთოდით მიმდინარეობს, რომლის ფარგლებშიც, მოსწავლეები მუშაობენ პრაქტიკულ დავალებებზე, კურსის დასრულების შემდეგ კი ქმნიან ფინალურ პროექტს, რომელიც საშუალებას აძლევს მათ, შეადგინონ პროფესიული პორტფოლიო.ამასთან, Code IT-ის ფარგლებში, მონაწილეები ესწრებიან ვებინარებს, სადაც აქვთ შესაძლებლობა, მიიღონ რჩევები და გაიარონ კონსულტაციები კარიერული განვითარების მიმართულებით.სატრენინგო მოდული 3 მიმართულებას აერთიანებს: HTML & Css JavaScript & Responsive Page React პროექტის წარმატებით დასრულების შემდეგ, ახალგაზრდები მიიღებენ სერტიფიკატს და შესაძლებლობას, გააგრძელონ სწავლა მომდევნო მოდულებზე. აღსანიშნავია, რომ პროგრამა სრულად არის დაფინანსებული.საქართველოს ბანკის საგანმანათლებლო პროგრამების შესახებ დეტალური ინფორმაციის მისაღებად, ეწვიეთ ვებგვერდს: ganatleba.bog.ge(R)

1771242360

ახალი რეგულაციის თანახმად, პასუხისმგებლობა დაეკისრება როგორც იურიდიულ პირს, ისე კონკრეტულ ფიზიკურ პირს, რომელიც დარღვევაზეა პასუხისმგებელი. კანონპროექტი იურიდიული პირებისთვის სანქციების მკაცრ იერარქიას აწესებს: პირველი შემთხვევა: ადმინისტრაციული ჯარიმა 20 000 ლარის ოდენობით. განმეორებითი შემთხვევა: სისხლის სამართლებრივი პასუხისმგებლობა — ფიზიკური პირებისთვის 3 წლამდე პატიმრობა, ჯარიმა ან საზოგადოებრივი შრომა, ხოლო იურიდიული პირებისთვის — ჯარიმა ან ლიკვიდაცია. არაერთგზისი დარღვევა: თავისუფლების აღკვეთა 4 წლამდე ვადით. „პოლიტიკით - პარტიები, ხოლო მეწარმე სუბიექტები - სამეწარმეო საქმიანობითა და ბიზნესით უნდა დაკავდნენ“, - განაცხადა არჩილ გორდულაძემ კომიტეტის სხდომაზე.მისი თქმით, ეს ცვლილებები ბიზნესისა და პოლიტიკის მკვეთრ გამიჯვნას ემსახურება.

1771239333

„ჟენევისკენ მიმავალ გზაზე. წინ მოლაპარაკებების შემდეგი რაუნდია. გზაში კოლეგებთან ერთად ჩვენი ისტორიის გაკვეთილებს განვიხილავთ და სწორ დასკვნებს მოვძებნით. უკრაინის ინტერესები დაცული უნდა იყოს“, - წერს სოციალურ ქსელში კირილ ბუდანოვი. გარდა ამისა, ბუდანოვმა გამოაქვეყნა ფოტო მატარებელთან კოლეგებთან ერთად, რომლებთან ერთადაც ჟენევაში, აშშ-ისა და რუსეთის წარმომადგენლებთან მოლაპარაკებების შემდეგ რაუნდზე მიემგზავრება.ზელენსკიმ 12 თებერვლის საღამოს მიმართვაში განაცხადა, რომ უკრაინული მხარე მზად არის რუსულ დელეგაციასთან ახალი შეხვედრისთვის უკრაინაში ომის დარეგულირების მიზნით.4-5 თებერვალს აბუ-დაბიში გამართული სამმხრივი მოლაპარაკებების შედეგად მიღებული კომუნიკეს თანახმად, აშშ-ის, უკრაინისა და რუსეთის დელეგაციებმა განიხილეს ზავის დანერგვის მეთოდები და საბრძოლო მოქმედებების შეწყვეტის მონიტორინგი.აბუ-დაბის მოლაპარაკებების შედეგად აშშ და რუსეთი შეთანხმდნენ მაღალ დონეზე სამხედრო დიალოგის განახლებაზე.პრეზიდენტის მრჩეველმა დიმიტრი ლიტვინმა დაადასტურა უკრაინას, რუსეთსა და აშშ-ს შორის მოლაპარაკებების რაუნდის გამართვა 17-18 თებერვალს ჟენევაში.ეროვნული უსაფრთხოებისა და თავდაცვის საბჭოს მდივანმა რუსტემ უმეროვმა განაცხადა, რომ უკრაინულმა დელეგაციამ ამ შეხვედრისთვის მზადება დაიწყო.დელეგაციის შემადგენლობაში იქნებიან: რუსტემ უმეროვი, კირილ ბუდანოვი, ანდრეი გნატოვი, დავით არახამია, სერგი კისლიცა და ვადიმ სკიბიცკი.

1771236347

ახალი მუხლი სისხლის სამართლის პასუხისმგებლობას შემდეგ შემთხვევაში გაითვალისწინებს: საქართველოს მოქალაქის ან საქართველოს მოქალაქის სტატუსის არმქონე პირის მიერ კანონმდებლობის მასობრივად დარღვევისკენ, საქართველოს ხელისუფლების ორგანოების მასობრივად დაუმორჩილებლობისკენ ან ალტერნატიული ორგანოების შექმნისკენ სისტემატურად, საჯაროდ მოწოდება, ასევე ამავე პირის მიერ საქართველოს ხელისუფლების წარმომადგენლად სხვისი ან საკუთარი თავის თვითნებურად ან საჯაროდ სისტემატურად წარმოჩენა ან ამ პირის მიერ სხვა სახის სისტემატური მოქმედება, რაც მიმართულია საქართველოს კონსტიტუციური წყობილების ან კონსტიტუციური ორგანოების არალეგიტიმურობის შესახებ აღქმის დამკვიდრებისკენ და აზიანებს საქართველოს ინტერესებს ან ქმნის საქართველოს ინტერესების დაზიანების რეალურ საფრთხეს.ცვლილებების თანახმად, პასუხისმგებლობის დამამძიმებელი გარემოება იქნება საქართველოს კონსტიტუციური წყობილების და კონსტიტუციური ორგანოების წინააღმდეგ მოტივით ჩადენილი დანაშაული. ამ დროს თავისუფლების აღკვეთის დანიშვნისას სასჯელის მოსახდელი ვადა სულ მცირე ერთი წლით უნდა აღემატებოდეს ჩადენილი დანაშაულის მინიმალურ ვადას.ასეთი ტიპის ცვლილებები “სისხლის სამართლის კოდექსში“ აისახება, რომელიც პარლამენტში წარდგენილი საკანონმდებლო პაკეტის ნაწილია და მას იურიდიულ საკითხთა კომიტეტი მეორე მოსმენით მუხლობრივად იხილავს.ცვლილებები კომიტეტის წევრებს კომიტეტის თავმჯდომარემ არჩილ გორდულაძემ გააცნო: “ეს არის ექსტრემიზმთან დაკავშირებული საკითხი, რაც პროექტის პირველი მოსმენით განხილვის დროს დაისვა. მოიყვანეს გერმანიის მაგალითი, როცა პირები კონსტიტუციურ ორგანოებს და კონსტიტუციურ წყობილებას არ აღიარებდნენ. მათი გაერთიანება 20 ათასს ადამიანს მოიცავდა. ისინი სხვებსაც მოუწოდებდნენ, რომ კონსტიტუციურ ორგანოებს და კანონმდებლობას არ დამორჩილებოდნენ, რაც კონსტიტუციურ წყობილებას საფრთხეს უქმნიდა. ამიტომაც დადგა კონკრეტული ორგანიზაციის საქმიანობის შეწყვეტის საკითხი, ხოლო მათი ხელმძღვანელის შემთხვევაში, რომელიც თავს მეფედ წარმოაჩენდა, სისხლის სამართლებრივი პასუხისმგებლობის საკითხი დადგა“.გორდულაძემ კომიტეტის სხდომაზე განმარტა, რომ პერფორმანსი სისხლის სამართლის დანაშაულად არ ჩაითვლება. მისი თქმით, “გაივლება ზღვარი, ერთი მხრივ, სიტყვისა და გამოხატვის თავისუფლებას და, მეორე მხრივ, დანაშაულებრივ ქმედებას შორის“.

1771235652

"განწყობილი ვართ, განვავითაროთ ორმხრივად სასარგებლო ურთიერთობები საქართველოსთან, ჩვენი კავშირები ბუნებრივია და არა რუსეთის მიერ ხელოვნურად თავსმოხვეული, როგორც ამის წარმოჩენას დასავლეთი ცდილობს", - განაცხადა გალუზინმა რუსულ მედიასთან საუბარში, როდესაც მას დაუსვეს შეკითხვა, როგორ შეაფასებდა მოსკოვსა და თბილისს შორის ურთიერთობების ნორმალიზების ამჟამინდელ პერსპექტივებს და დიპლომატიური ურთიერთობების აღდგენის შესაძლებლობას.გალუზინის მტკიცებით, სასიხარულოა ის, რომ საქართველოს სულ უფრო მეტი მოქალაქე აცნობიერებს მიხეილ სააკაშვილის პრეზიდენტობის დროინდელი მიდგომით გამოწვეულ ზიანს, როდესაც „ყველა ძალისხმევა მიმართული იყო საქართველოს დასავლეთისკენ გადამისამართებისკენ რუსეთთან თანამშრომლობის ხარჯზე“.„როგორც დრომ აჩვენა, ევროკავშირსა და აშშ-ში არავინ ელოდა ქართულ პროდუქციას, რამაც გამოიწვია მრავალი ეკონომიკური სექტორის, მათ შორის სტრატეგიული სექტორის, დაცემა. გარდა ამისა, რესპუბლიკის NATO-სა და ევროკავშირში მიღების დაპირებები აშკარა მანიპულირებაა. ვხედავთ, რომ საქართველოს ამჟამინდელი ხელისუფლება ქვეყნის სუვერენიტეტის აღდგენისკენ ისწრაფვის. ისინი უკმაყოფილონი არიან იმ სიტუაციით, როდესაც საქართველოს შიდა პოლიტიკა ევროკავშირის საგარეო პოლიტიკისგან გარჩევა ძნელია. ჩვენ გვესმის თბილისის მცდელობები, დაასრულოს გარე დიქტატები, ასევე მისი ნაბიჯები ქართული იდენტობის დასაცავად“, - აღნიშნა გალუზინმა.მისი თქმით, რუსეთი მზად არის რუსეთ-საქართველოს კავშირების გასაღრმავებლად.„ჩვენ მზად ვართ რუსეთ-საქართველოს კავშირების გასაღრმავებლად. ეკონომიკური თანამშრომლობა ამჟამად ამ პროცესის მამოძრავებელი ძალაა. 2025 წელს სავაჭრო ბრუნვამ რეკორდულ 2.7 მილიარდ დოლარს მიაღწია. ჩვენს ბაზარზე ქართული ღვინის ორი მესამედი, ალკოჰოლური სასმელების ნახევარზე მეტი, მინერალური წყლის 40% და ხილის 90% მოდის. რუსეთი, თავის მხრივ, საქართველოს ხორბლისა და ზეთის წამყვანი მიმწოდებელია. მსგავსი სიტუაციაა საქართველოს ძირითად ტურიზმის ინდუსტრიაში. თითქმის ყოველი მეოთხე ტურისტი ჩვენი ქვეყნიდანაა. მე მჯერა, რომ რუსეთთან თანამშრომლობა საქართველოს უპრეცედენტო ეკონომიკური აღდგენის ერთ-ერთი მთავარი ფაქტორია“, - აღნიშნა გალუზინმა.მისი თქმით, პოლიტიკური დიალოგის არ არსებობა მკვეთრად ეწინააღმდეგება ამ ეკონომიკურ წარმატებებს.„თუმცა, პოლიტიკური დიალოგის არ არსებობა მკვეთრად ეწინააღმდეგება ამ ეკონომიკურ წარმატებებს. ალბათ, ღირს, საქართველოს ხელისუფლება დაუფიქრდეს, თუ რამდენად დიდი შედეგების მიღწევა იქნებოდა შესაძლებელი რუსეთთან დიპლომატიური ურთიერთობების არსებობის შემთხვევაში. თუმცა, ეს მათი საქმეა. ჩვენ უბრალოდ გვინდა, თბილისმა იცოდეს, რომ მოსკოვი ღიაა თანამშრომლობის გაფართოებისთვის იქ, სადაც ეს ორმხრივ სარგებელს მოიტანს“, - აღნიშნა გალუზინმა.საქართველოსა და რუსეთს შორის დიპლომატიური ურთიერთობები 2008 წლის 3 სექტემბერს ოფიციალურად გაწყდა.ეს გადაწყვეტილება საქართველოს ხელისუფლებამ 2008 წლის აგვისტოს ომის შემდეგ მიიღო, მას შემდეგ, რაც რუსეთმა ოფიციალურად აღიარა საქართველოს ოკუპირებული ტერიტორიების — აფხაზეთისა და ცხინვალის რეგიონის - „დამოუკიდებლობა“.მას შემდეგ ქვეყნებს შორის პირდაპირი დიპლომატიური კავშირი არ არსებობს. ურთიერთობები მხოლოდ შვეიცარიის საელჩოს ეგიდით მოქმედი რუსეთის ინტერესების სექციით (თბილისში) და საქართველოს ინტერესების სექციით (მოსკოვში) შემოიფარგლება.

1771232763

დოკუმენტში მიმოხილულია ცენტრალური აზიისა და კავკასიის რეგიონის საბანკო სექტორის საერთო ტენდენციები, ძლიერი და სუსტი მხარეები, მთავარი გამოწვევები და მაკროეკონომიკური რისკები.ანგარიშში გავლენიანი სარეიტინგო კომპანია განსაკუთრებით მაღალ შეფასებას აძლევს ინსტიტუციურ ჩარჩოს საქართველოში და აღნიშნავს, რომ საბანკო სექტორის რეგულირება და ზედამხედველობა მოწინავეა რეგიონში.პუბლიკაციის მიხედვით, პორტფელში IFRS Stage 3 სესხების წილის მხრივ ქართული ბანკების აქტივების ხარისხი საუკეთესოა რეგიონში, ამასთან საკრედიტო რისკის ხარჯიც მინიმალურია, რასაც პოზიტიურ მაკროეკონომიკურ გარემოსთან ერთად სების, როგორც მარეგულირებლის, ეფექტიანი მუშაობაც განაპირობებს.ასევე, ანალიტიკოსები მიმოხილვაში აღნიშნავენ, რომ ეროვნული ბანკის მმართველობა გაძლიერებას განაგრძობს.სარეიტინგო სააგენტო S&P მოელის, რომ საქართველო როგორც ნოვატორი რეგიონში, ევროდირექტივასთან კიდევ უფრო დააახლოებს ბანკების რეზოლუციის ჩარჩოს, რომელიც არსებითად ევროკავშირში მოქმედ დირექტივას (BRRD) ეფუძნება.

1771231451