საპენსიო ფონდის სამივე პორტფელმა აგვისტოში 1%< ზრდა აჩვენა

ამჯერად მიკრობანკი „კრისტალისა“ და სამედიცინო ბიზნეს საკონსულტაციო კომპანია „Tgrow-ს“ პარტნიორობის ფარგლებში სამედიცინო სფეროს წარმომადგენლების, კლინიკების დამფუძნებლებისა და ტოპ-მენეჯერებისთვის ჩატარდა ტრენინგ-სემინარი თემაზე “კლინიკის მართვის სტრატეგიები: გზა ბაზრის ლიდერობამდე“.საქართველოს სამედიცინო ბაზარზე მზარდი კონკურენცია კლინიკების წინაშე ახალ გამოწვევებს აყენებს. წარმატებისთვის მათ სჭირდებათ არა მხოლოდ მაღალი სამედიცინო ხარისხი, არამედ ეფექტიანი მენეჯმენტი, სწორი ფინანსური დაგეგმვა და მარკეტინგული სტრატეგიები. შეხვედრაც სწორედ ამ აქტუალურ საკითხებს დაეთმო, მათ შორის: პაციენტების მოზიდვის ეფექტური სტრატეგია, კონკურენტული ბრენდის შექმნა, სერვისის ხარისხის გაუმჯობესებას და გრძელვადიანი წარმატების უზრუნველყოფა.მონაწილეებმა, რომელთა შორის იყვნენ სხვადასხვა სიდიდის სტომატოლოგიური ცენტრის ხელმძღვანელები და დამფუძნებლები, პოზიტიურად შეაფასეს შეხვედრის პრაქტიკული ფორმატი, რომელმაც მათ საშუალება მისცა, თეორიული საკითხები რეალური მაგალითების ჭრილში განეხილათ და ერთმანეთთან გამოცდილება გაეზიარებინათ.“ჩვენთვის განსაკუთრებით მნიშვნელოვანია, რომ მეწარმეებს ფინანსურ მხარდაჭერასთან ერთად შევთავაზოთ პროფესიული საკონსულტაციო სერვისებიც, რადგან სწორად დაგეგმილი სტრატეგია და ექსპერტული რჩევები ხშირად ისეთივე გადამწყვეტია, როგორც ფინანსური რესურსი. ეს განსაკუთრებით იგრძნობა სტომატოლოგიურ კლინიკებში, სადაც მაღალი კონკურენცია და მუდმივად განახლებადი ტექნოლოგიები მოითხოვს არა მხოლოდ ფინანსურ, არამედ მენეჯერულ და მარკეტინგულ ცოდნასაც. ამ პროცესში მნიშვნელოვანი  როლი აკისრია საბანკო პროდუქტებსაც. მაგალითად, სამედიცინო აღჭურვილობის ლიზინგი კლინიკებს აძლევს შესაძლებლობას, უახლესი ტექნოლოგიები სწრაფად დანერგონ და მომსახურების ხარისხი კიდევ უფრო მაღალ დონეზე აიყვანონ. სწორედ ასეთი ინტეგრირებული მიდგომა ფინანსური ინსტრუმენტებისა და საკონსულტაციო მხარდაჭერის კომბინაცია ქმნის მყარ საფუძველს ბიზნესის მდგრადი განვითარებისთვის”, - SME ბიზნეს კონსალტინგის განყოფილების ხელმძღვანელი გიორგი ჯანელიძე.“ჩვენი ინტენსიური ვორკშოპი კლინიკების ლიდერებისთვის წარმატებით დასრულდა. ღრმა დისკუსიებმა, რეალურმა ქეისებმა და გამოცდილების გულწრფელმა გაზიარებამ ნათლად აჩვენა, რომ ქართულ სამედიცინო ბიზნესში არსებობს ძლიერი სურვილი და მზაობა სისტემური განვითარების, ახალი ხედვებისა და ეფექტური ლიდერობის გაძლიერებისთვის. ეს შეხვედრა კიდევ ერთხელ ადასტურებს, რომ ერთად შეგვიძლია შევქმნათ უფრო ძლიერი, პაციენტზე ორიენტირებული და წარმატებული სამედიცინო ეკოსისტემა. განსაკუთრებული მადლობა "კრისტალის" გუნდს შეხვედრის ორგანიზებისთვის. მადლობა თითოეულ მონაწილეს, რომელთა ჩართულობა, ინტერესი და ენერგია ქმნის იმ საფუძველს, საიდანაც რეალური ცვლილებები იწყება”, - Tgrow-ს დამფუძნებელი თამარ გეგია.შეხვედრის დასასრულს „კრისტალის“ წარმომადგენლებმა მონაწილეებს გააცნეს ახალი საბანკო პროდუქტები და დაფინანსების შესაძლებლობები, რაც მეწარმეებს აძლევს შანსს, კიდევ უფრო სწრაფად და ეფექტიანად გადაინაცვლონ განვითარების ახალ საფეხურზე. ვინაიდან ფიზიკურ შეხვედრაზე მონაწილეთა რაოდენობა შეზღუდული იყო, მაღალი ინტერესიდან გამომდინარე აღნიშნული ტრენინგი დამატებით ჩატარდება ონლაინ რეჟიმშიც. ეს შესაძლებლობაა იმ მეწარმეებისთვის, რომლებმაც ამ ეტაპზე ფიზიკურად დასწრება ვერ მოახერხეს. 

1758096956

დაკავებულია დანაშაულში თანამონაწილე 7 პირი.გამოძიებით დადგენილია, რომ ბრალდებულებს შიდა ქართლის რეგიონში, წლების განმავლობაში, გააჩნდათ არალეგალურად მოქმედი, ალკოჰოლური სასმელების მწარმოებელი ქარხანა, სადაც კუსტარულად ხდებოდა სხვადასხვა დასახელების, ქართული და უცხოური, ბრენდული ალკოჰოლური სასმელების უკანონო ჩამოსხმა - რეალიზაცია.საგამოძიებო მოქმედებების შედეგად, ამოღებულ იქნა, სარეალიზაციოდ გამზადებული, 75 137 ბოთლი უაქციზო ალკოჰოლური სასმელი, კერძოდ არაყი BELUGA (ბელუგა), BELVEDER (ბელვედერი), GREY GOOSE (გრეი გუსი), ვისკი BORKAN (ბორკან) და CHIVAS REGAL (ჩივას რეგალი).ჩხრეკისას ქარხანაში ასევე აღმოაჩინეს ხსენებული სასმელების წარმოებისთვის განკუთვნილი დიდი რაოდენობით ბოთლები, საცობები, ეტიკეტები, შესაფუთი მასალა, ხოლო ცისტერნებში -  დაახლოებით 24 ტონა ალკოჰოლური სითხე, რომლითაც ხდებოდა ზემოაღნიშნული ფალსიფიცირებული სასმელების დამზადება.ქარხნის მიმდებარე ტერიტორიაზე არსებულ ერთ-ერთი საწყობიდან დამატებით ამოვიღეთ 318 000 კოლოფი უაქციზო სიგარეტი „KARELIA” (კარელია). ასევე ამოღებულია სიგარეტის შეფუთვისათვის და წარმოებისათვის განკუთვნილი ტექნიკური დანადგარები.ამოღებული უაქციზო ალკოჰოლური სასმელების და სიგარეტების საორიენტაციო ღირებულებამ შესაძლოა ათეულობით მილიონი შეადგინოს, რასაც საბოლოოდ საქმეზე ჩატარებული შესაბამისი ექსპერტიზა დაადგენს.ვაგრძელებთ საგამოძიებო და ოპერატიული ღონისძიებების წარმოებას ორგანიზებულ დანაშაულებრივ საქმიანობაში ჩართული სხვა პირების მხილების მიზნით.გამოძიება საქართველოს სისხლის სამართლის კოდექსის 196-ე მუხლის მე-3 ნაწილით და მე-200 მუხლის მე-4 ნაწილით მიმდინარეობს, რაც სასჯელის სახედ და ზომად ითვალისწინებს თავისუფლების აღკვეთას 7-დან 10 წლამდე ვადით.

1758096306

გარემოს დაცვისა და სოფლის მეურნეობის სამინისტროს ცნობით, ეს ბოლო 20 წლის განმავლობაში საქართველოში ამ უნიკალური და ფრთხილი ცხოველის კადრზე აღბეჭდვის მესამე ფაქტია. მსოფლიო წითელ ნუსხაში შეტანილი სახეობა - Panthera pardus, რომელიც შუა საუკუნეებში ფართოდ იყო გავრცელებული საქართველოს ტერიტორიაზე, ბრაკონიერობის შედეგად, მე-20 საუკუნის შუა წლებიდან გადაშენებულად ითვლება.  ძველად ქართველები „ვეფხს“ სწორედ ლეოპარდს ეძახდნენ.„სავარაუდოდ, ეს უნიკალური ცხოველი თრიალეთის ქედზე კარგა ხანია იმყოფება. ჯიქი ისეთი ფრთხილია, რომ ადამიანს გაურბის და არ ენახება.  ჩვენს მიერ ირმის საშენისთვის  აშენებული 4 კილომეტრიანი ღობის გასწვრივ განთავსებული ათეულობით ფოტოხაფანგებიდან ორმა შეძლო მისი დაფიქსირება. ჯიქი ღობის გასწვრივ მოძრაობდა. ჩვენი საშენი ისეა მოწყობილი, რომ მტაცებელმა ვერ შეაღწია; საშენი მეურნეობა 72 ჰექტარ ფართობზეა გადაჭიმული, სრულად შემოღობილია და აღჭურვილია 40 ფოტოხაფანგითა და 30 ვიდეოკამერით. ირმები დაცულები არიან. საშენის გარეთ, დაცულ ტერიტორიაზე ბევრია ჯიქის ბუნებრივი საკვები.  ეს ფაქტი კიდე ერთხელ მიუთითებს დაცული ტერიტორიების მნიშვნელობაზე და მათი  ფუნქციონირების აუცილებლობაზე“, - განაცხადა ველური ბუნების ეროვნული სააგენტოს უფროსმა, რევაზ ბეჟაშვილმა.ზოოლოგის, პროფესორ ზურაბ გურიელიძის განცხადებით,  საქართველო კიდევ უფრო მნიშვნელოვანი ადგილი გახდა ევრაზიის ბიომრავალფეროვნების მთლიან რუკაზე.აღსანიშნავია, რომ საქართველოს დაცული ტერიტორიების შექმნის ერთ-ერთი მთავარი მიზანი ჩვენი ეროვნული, ბუნებრივი მემკვიდრეობის – უნიკალური და იშვიათი ეკოსისტემების, მცენარეთა და ცხოველთა სახეობების დაცვა და შენარჩუნებაა.დღეს, საქართველოში, 6 სხვადასხვა კატეგორიის 100 დაცული ტერიტორიაა, საერთო ფართობით 929 996 ჰა. დაგეგმილია და მიმდინარეობს მუშაობა სამეგრელოს, სვანეთის, კახეთის, გურიის რეგიონებში 4 ახალი დაცული ტერიტორიის შექმნისა და რაჭის დაცული ტერიტორიების გაფართოების მიმართულებით.

1758094853

ბათუმში 2025 წლის აგვისტოში ახალაშენებული ბინების საშუალო შეწონილი ფასი 24.2%-ით გაიზარდა და კვ.მ-ზე 1,358 აშშ დოლარი შეადგინა. ფასი გაიზარდა როგორც პირველად (39.3%), ასევე მეორეულ ბაზარზე (9.5%). აღსანიშნავია, რომ ერთ-ერთ მსხვილ პროექტში მიმდინარე წლის აგვისტოში ერთიანად დარეგისტრირდა 140-მდე ტრანზაქცია, რამაც გამოიწვია საშუალო შეწონილი ფასის მკვეთრი ზრდა. ამ პროექტის გარეშე მაჩვენებელი 11.8%-ით გაიზარდა.უნდა აღინიშნოს, რომ პირველად ბაზარზე ტრანზაქციების ნაწილი გვიან რეგისტრირდება, რის გამოც ფასების ზრდის ტრენდი არ ასახავს რეალობას.recov.ge-ის ინფორმაციით, 2025 წლის აგვისტოში ბათუმში საცხოვრებელი ბინების ტრანზაქციების რაოდენობა გასული წლის აგვისტოსთან შედარებით 13.6%-ით გაიზარდა და 1,298 ერთეული შეადგინა, ბაზრის ზომა კი 36%-ით 80 მილიონ აშშ დოლარამდე გაიზარდა.

1758092899

2025 წლის აგვისტოში თბილისში ძველი ბინების საშუალო შეწონილი გასაყიდი ფასი 2024 წლის აგვისტოსთან შედარებით 11.1%-ით გაიზარდა გარეუბნებში, ფართო ცენტრში 1.2%-ით, ხოლო ქალაქის ცენტრში - 20.2%-იანი ზრდა დაფიქსირდა. უნდა აღინიშნოს, რომ ქალაქის ცენტრში თვის ჭრილში ცოტა რაოდენობის ტრანზაქცია რეგისტრირდება, რის გამოც საშუალო შეწონილი ფასი მნიშვნელოვნად იცვლება.2025 წლის აგვისტოში თბილისში ახალ პროექტებში ტრანზაქციების რაოდენობა გასული წლის აგვისტოსთან შედარებით 6.4%-ით შემცირდა. ახალაშენებული ბინების პირველად ბაზარზე ტრანზაქციების რაოდენობა 11.1%-ით შემცირდა, მეორეულ ბაზარზე კი 0.2%-იანი კლება დაფიქსირდა. ძველ პროექტებში ტრანზაქციების რაოდენობა კი 15.3%-ით შემცირდა.recov.ge-ის ინფორმაციით, 2025 წლის აგვისტოში თბილისში საცხოვრებელი ბინების ტრანზაქციების რაოდენობამ 2,889 ერთეული შეადგინა და წინა წლის აგვისტოსთან შედარებით 8.8%-იანი კლება დაფიქსირდა. ბაზრის ზომა 0.7%-ით, 225 მილიონ აშშ დოლარამდე გაიზარდა.recov.ge აღნიშნავს, რომ ახალ პროექტებში განახლდა ფასის ანალიზის მეთოდოლოგია, რის გამოც შეიცვალა 2022-2025 წლების მაჩვენებლები.

1758092781

კერძოდ, ოთხშაბათს დილით Brent-ის მარკის ნავთობის ფასი0,19%–ით შემცირდა – $68,34–მდე ბარელზე, ხოლო WTI 0,17%–ით გაიაფდა $64,42–მდე ბარელზე.წინა სავაჭრო სესიაზე, სამშაბათს, ორივე მარკის ნავთობი 1%–ზე მეტით გაძვირდა იმის მოლოდინით, რომ რუსეთიდან ნედლეულის მიწოდებები შეიძლება ჩამოიშალოს.რუსეთი, რომლის წილიც მსოფლიო ნავთობმოპოვებაში 9%–ს შეადგენს, შეიძლება იძულებული გახდეს, შეამციროს ნედლეულის მოპოვება უკრაინული დრონების იერიშების გამო ქვეყნის საკვანძო ნავთობგადამამუშავებელ ობიექტებზე. ამის შესახებ სააგენტო REUTERS ნავთობის სექტორიდან სამ დამოუკიდებელ წყაროზე დაყრდნობით წერს. 

1758091802

კერძოდ, კომპანია ნაადრევად გამოისყიდის $98,057,000-ის ნომინალური ღირებულების ობლიგაციებს მისი $148,057,000-ის ჯამური ნომინალური ღირებულების მდგრადობასთან დაკავშირებული ობლიგაციებიდან (ISIN: GE2700604475).ობლიგაციების გამოსასყიდი ფასის გამოთვლა მოხდება შემდეგნაირად: (I) ძირი თანხის 101.70%, დამატებული (II) პროსპექტში აღწერილ “მდგრადობის შესრულების მიზანთან” დაკავშირებული პრემია ძირი თანხის 0.30%-ის სახით, და დამატებული (III) გადახდის თარიღამდე დაგროვილი და გადაუხდელი საპროცენტო სარგებელი.აღნიშნული თანხები $1,943,000-იანი ჯამური ნომინალური ღირებულების (1,943 ერთეული) მდგრადობასთან დაკავშირებული ობლიგაციის გამოკლებითაა, რომლებიც სს “საქართველოს კაპიტალის” სახაზინო ანგარიშზე ინახება და რომელთა გაუქმებაც მოხდება ზემოხსენებულ ანგარიშსწორების თარიღამდე.შესაბამისად, ანგარიშსწორების თარიღის შემდეგ, მდგრადობასთან დაკავშირებული ობლიგაციების დარჩენილი ძირითადი თანხა განისაზღვრება $50 მლნ-ით.ობლიგაციების ვადა 2028 წლის აგვისტომდეა. ობლიგაციების წინასწარ გამოსყიდვის სააღრიცხვო თარიღად 23 სექტემბერი, ხოლო ანგარიშსწორების თარიღად კი 26 სექტემბერი 2025.აღნიშნული ტრანზაქცია შეესაბამება კომპანიის ₾700 მლნ-იანი კაპიტალის დაბრუნების პროგრამას, რომელიც ჯგუფმა 2025 წლის 6 აგვისტოს გამოაცხადა და გაგრძელდება 2027 წლის ბოლომდე. პროგრამა მოიცავს კაპიტალის დაბრუნებას აქციების უკუგებით (buyback), დივიდენდებით და JSC GCAP-ის ობლიგაციების წინასწარი დაფარვით.

1758033319

ობლიგაციები ლარებშია დენომინირებული, აქვთ 5 წლიანი bullet maturity ვადა და ცვლადი კუპონის განაკვეთი, რომელიც განისაზღვრება თბილისის საბანკთაშორისი საპროცენტო განაკვეთის და დამატებით 375 საბაზისო პუნქტის მიხედვით (TIBR+3.75).Bullet maturity ვადა ნიშნავს, რომ ობლიგაციის ძირითადი თანხა მთლიანად გადაიხდება ერთი ჯერზე, ვადის ბოლოს, ხოლო ამ პერიოდში ინვესტორი იღებს მხოლოდ კუპონის განაკვეთს.ობლიგაციები გამოშვებულია ნომინალურ ფასში და შეფასებულია Scope Ratings-ის მიერ BB- რეიტინგით. ტრანზაქციის დარეგისტრირება მოსალოდნელია 2025 წლის 17 სექტემბერს, რასაც მოჰყვება ობლიგაციების დაშვება საქართველოს საფონდო ბირჟაზე.GHG-მ Scope-ის მიერ მომზადებული „Second-Party Opinion“ მიიღო, რომელიც ადასტურებს, რომ მისი სოციალური ობლიგაციების ჩარჩო შეესაბამება ICMA-ს 2023 წლის სოციალური ობლიგაციების პრინციპებს. ობლიგაციების აგენტებ გალტ & თაგარტი და თიბისი კაპიტალი არიან. გამოშვებას მხარი დაუჭირეს საერთაშორისო საფინანსო კორპორაციამ (IFC) და აზიის ინფრასტრუქტურის საინვესტიციო ბანკმა (AIIB), აგრეთვე ადგილობრივმა ბანკებმა და საქართველოს საპენსიო ფონდმა.მიღებული სახსრები სოციალური ობლიგაციების ჩარჩოს შესაბამისად, არსებული გრძელვადიანი სესხების რეფინანსირებისთვის და კაპიტალური დანახარჯების დასაფინანსებლად იქნება გამოყენებული. გარიგების დასრულების შემდეგ, ობლიგაციები კომპანიის ერთადერთი ვალდებულება იქნება.„მიხარია, რომ ჩვენმა სამედიცინო მომსახურების ბიზნესმა წარმატებით დაასრულა საქართველოში ლარებში დენომინირებული უმსხვილესი კორპორატიული ობლიგაციების განთავსება. ტრანზაქციამ ძალიან ძლიერი მხარდაჭერა მიიღო ინვესტორების მხრიდან, რაც კიდევ ერთხელ აჩვენებს, რომ საქართველოს კაპიტალის ბაზრები სწრაფად ვითარდება და ადგილობრივი საინვესტიციო ბანკების  დახმარებით ჩვენი ჯგუფისთვის მნიშვნელოვანი ალტერნატიული კაპიტალის წყარო გახდა. მსურს მადლობა გადავუხადო მენეჯმენტს და ჩვენს მრავალწლიან პარტნიორებს – IFC-ს, AIIB-სა და საქართველოს საპენსიო ფონდს – რომელთა ეფექტურმა თანამშრომლობამ ეს გარიგება წარმატებული გახადა. ობლიგაციები ჩვენს ჯგუფში კიდევ ერთ მნიშვნელოვან ეტაპს წარმოადგენს და კიდევ ერთხელ ადასტურებს ჩვენს განსაკუთრებულ წვდომას კაპიტალზე“, - განაცხადა ირაკლი გილაურმა GCAP-ის თავმჯდომარემ და CEO-მ.

1758031035