საქართველოს ბანკის კამპანიას „რომელი ბრენდი იმსახურებს ჩემპიონს?“ კომპანია SPAR შეუერთდა

ბულბული აუდიო ზღაპრების პლატფორმაა, რომელიც ბავშვებს 100-მდე ხალხური და კლასიკური ზღაპრის მოსმენის შესაძლებლობას აძლევს. პლატფორმას ყოველკვირეულად ახალი ჩანაწერები ემატება, ზღაპრები კი პროფესიონალი მსახიობების მიერ არის გახმოვანებული.„იავნანა – ქართული ენის პირველი გაკვეთილი“ ბავშვებისთვის ქართული ქართული ენის ყოველდღიურ გარემოში ინტეგრირებაში ეხმარება. ჩანაწერებში მარტივი სიტყვები და ფრაზები თავდაპირველად ბავშვისთვის ნაცნობ ენაზე, შემდეგ კი ქართულად ჟღერს, რაც ახალი სიტყვების ნაცნობ მნიშვნელობებთან დაკავშირებასა და დამახსოვრებას უწყობს ხელს.„ჩვენთვის მნიშვნელოვანია, რომ ბულბულის ვებგვერდზე და აპლიკაციაში ბავშვებს მრავალფეროვან აუდიოკონტენტთან ერთად ისეთი ისტორიებისა და ჩანაწერების მოსმენის შესაძლებლობა ჰქონდეთ, რომლებიც მათთვის საინტერესო საგანმანათლებლო გამოცდილებას ქმნის. სწორედ ამიტომ, განსაკუთრებით გვიხარია, რომ საქართველოს ბანკთან პარტნიორობით, პლატფორმაზე „იავნანას“ სამენოვანი ვერსიებიც დაემატა. გვჯერა, რომ ეს ჩანაწერები კიდევ უფრო მეტ ბავშვს მისცემს შესაძლებლობას, ქართული ენის მოსმენა ყოველდღიურობის ბუნებრივ და სასიამოვნო ნაწილად აქციოს და მასთან კავშირი შეინარჩუნოს“, - განაცხადა ნათია ამირიძემ, “ბულბულის” თანადამფუძნებელმა„იავნანა – ქართული ენის პირველი გაკვეთილი“ ამ ეტაპზე ინგლისურ, იტალიურ და ბერძნულ ენებზეა ხელმისაწვდომი. სამივე ვერსიის მოსმენა შესაძლებელია ბულბულის ვებგვერდზე და აპლიკაციაში, ასევე YouTube-სა SoundCloud-ზე.საქართველოს ბანკი საზღვარგარეთ მცხოვრები ქართველების მხარდაჭერას წლებია აგრძელებს და მათთვის საქართველოსთან, ქართულ ენასა და კულტურასთან კავშირის შენარჩუნებისთვის სხვადასხვა შესაძლებლობას ქმნის.(R)

1787317015

საჯარო სამსახურის ბიუროს მიერ ადმინისტრირებად ვებ-გვერდზე vacancy.hr.gov.ge წარდგენის ვადად განისაზღვრულია 2026 წლის 1 სექტემბრიდან 2026 წლის 10 სექტემბრის ჩათვლით პერიოდი. სტაჟირების ხანგრძლივობა  3 თვეს შეადგენს და სწავლება პირველი ოქტომბრიდან დაიწყება.კონკურსში მონაწილეობა შეუძლია ბაკალავრიატის ბოლო კურსის ან მაგისტრატურის სტუდენტს, ასევე კურსდამთავრებულს, რომელმაც 2025-2026 სასწავლო წლის გაზაფხულის სემესტრში დაასრულა ბაკალავრიატი ან მაგისტრატურა.შერჩევის აუცილებელ კრიტერიუმად განსაზღვრულია სტაჟირების მსურველი პირის აკადემიური მოსწრება (GPA 2.7-4.0 ხოლო ქულათა სისტემის მაჩვენებელი - 71-100 ქულათა). თანაბარი კანდიდატების შემთხვევაში უპირატესობა მიენიჭება უმაღლესი მოსწრების კანდიდატს.აქვე გაცნობებთ, რომ სტაჟირების კანდიდატს - არ ევალება ცნობის ან ქულათა მაჩვენებლის გამოთხოვა და ატვირთვა, მან უნდა  მიუთითოს მხოლოდ საგანმანათლებლო დაწესებულება, პროფესია და მისი GPA ან ქულათა მაჩვენებელი. აღნიშნული ინფორმაციის გამოთხოვას განახორციელებს შემოსავლების სამსახური აპლიკანტის მიერ, მითითებული საგანმანათლებლო დაწესებულებიდან. მხოლოდ უცხოენოვანი დიპლომის შემთხვევაში, მოუწევს აპლიკანტს ნათარგმნი და ნოტარიულად დამოწმებული ასლის ატვირთვა. მსურველმა, ასევე უნდა ატვირთოს პირადობის მოწმობის ასლი და შეავსოს სამოტივაციო წერილი. ამასთან, მნიშვნელოვანი გარემოებაა, ის რომ დავებისა და იურიდიულ დეპარტამენტებში განაწილებისთვის აუცილებელი მოთხოვნაა იურიდიული განათლება (სამართალმცოდნეობის მიმართულება), აუდიტის დეპარტამენტში - ბიზნესის ადმინისტრირება, სამართალი, სოციალური მეცნიერებები (ეკონომიკა), ხოლო ანალიტიკურ დეპარტამენტში მოხვდებიან რაოდენობრივი ანალიზის სპეციალობის მქონე სტუდენტები (ცოდნა - სტატისტიკისა და მათემატიკის მიმართულებით).შესარჩევი კონკურსი ორ ეტაპად ჩატარდება - საბუთების გადარჩევა და საკონკურსო კომისიის წევრებთან გასაუბრება. აღსანიშნავია, რომ სტაჟიორად მიღების შემდეგ, სასწავლო პროცესთან სტაჟირების შეთავსების მიზნით, სტუდენტს შესაძლებლობა ექნება სპეციალური დასწრების გრაფიკით ისარგებლოს.შემოსავლების სამსახური ყველა სტაჟირების მსურველს წარმატებას უსურვებს კარიერულ წინსვლასა და პროფესიული უნარების განვითარებაში.(R)

1787310953

თურქული ტელეკომპანია Sözcü-ის მიერ გამოქვეყნებული სავაჭრო მონაცემებით, 1 აშშ დოლარის ღირებულებამ 48,065 თურქული ლირა შეადგინა, რაც წინა დღესთან შედარებით 0,33%-ით მეტია.ექსპერტები ლირის გაუფასურების მთავარ მიზეზებად მაღალ ინფლაციას, ფასების ზრდას, მათ შორის ენერგორესურსებზე გაძვირებას, ასევე ახლო აღმოსავლეთში არსებულ გეოპოლიტიკურ რისკებს ასახელებენ.თურქეთის ცენტრალური ბანკის მიერ აგვისტოში გამოკითხული ბაზრის მონაწილეების პროგნოზით, წლის ბოლოსთვის დოლარის კურსმა შესაძლოა 51,66 ლირას მიაღწიოს.

1787308619

საქართველოს ბანკის მობილბანკი ყოველთვიურად 1.9 მილიონზე მეტ აქტიურ მომხმარებელს ემსახურება, რომელთა 53% მას ყოველდღიურად იყენებს. აპლიკაციაში ხელმისაწვდომია ყველა ძირითადი საბანკო პროდუქტი, 800-ზე მეტი გადახდის პროვაიდერი, საერთაშორისო და P2P გადარიცხვები. აღსანიშნავია, რომ საბანკო სერვისების გარდა, მობილბანკის დახმარებით, მომხმარებლებს შესაძლებლობა აქვთ, ისარგებლონ სახელმწიფო სერვისებით, დაიწყონ ინვესტირება აშშ-ის საფონდო ბირჟაზე, ივაჭრონ 100-მდე კრიპტოვალუტით, ისარგებლონ ცხოვრების სტილზე მორგებული შეთავაზებებით, ერთ სივრცეში მართონ ავტომობილთან, სახლთან ან მოგზაურობასთან დაკავშირებული საკითხები. ამასთანავე, აპლიკაციაში ინტეგრირებული ხელოვნური ინტელექტზე დაფუძნებული ჩატბოტი მომხმარებელთა მიმართვების 72%-ს ოპერატორის ჩარევის გარეშე აგვარებს.„ჩვენთვის დიდი პატივია, რომ საერთაშორისო გამოცემამ, Global Finance-მა, საქართველოს ბანკის მობილბანკი ცენტრალურ და აღმოსავლეთ ევროპაში საუკეთესოდ დაასახელა.. ეს ჯილდო კიდევ ერთხელ ადასტურებს ჩვენი გუნდის დაუღალავ შრომას, შევქმნათ მომხმარებლის საჭიროებებზე მორგებული, მარტივი და ინოვაციური ციფრული გამოცდილება. ჩვენი მიზანია, მობილბანკი იყოს არა მხოლოდ ფინანსური ოპერაციების შესასრულებელი ინსტრუმენტი, არამედ მომხმარებლის ყოველდღიური ცხოვრების განუყოფელი ნაწილი, რომელიც მას ფინანსების მართვას უმარტივებს“, – განაცხადა გიორგი ვახტანგიშვილმა, საქართველოს ბანკის ციფრული საბანკო მომსახურების დეპარტამენტის დირექტორმა.Global Finance მსოფლიოს საუკეთესო ციფრულ ბანკებს უკვე 27-ე წელია ავლენს. გამარჯვებულები ვლინდებიან ისეთი კრიტერიუმებით, როგორებიცაა: ციფრული მომხმარებლების მოზიდვისა და მომსახურების სტრატეგიის სიძლიერე, მომხმარებლების მიერ ციფრული სერვისების გამოყენების მაჩვენებელი, ციფრული მომხმარებლების ზრდა, პროდუქტების მრავალფეროვნება, ვებ/მობილური პლატფორმების დიზაინი და ფუნქციონალი და სხვა.გამარჯვებულებს ტექნოლოგიური და საკონსულტაციო გლობალური ლიდერი კომპანიის, Infosys-ის ექსპერტებისგან შემდგარი ჟიური აფასებს, საბოლოო გადაწყვეტილებას კი Global Finance-ის რედაქტორები იღებენ. გამოცემა 1987 წელს დაარსდა და 196 ქვეყანაში 50,000-ზე მეტ მკითხველს აერთიანებს. იგი რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.(R)

1787306383

დეტალური პირობები: შეთავაზება ვრცელდება ლიბერთის Mastercard ბარათებით გადახდისას; შეთავაზება ვრცელდება ლიბერთის ტერმინალზე გადახდისას; შეთავაზება ვრცელდება მხოლოდ კონდიციონერებზე; შეთავაზება ვრცელდება მხოლოდ ფიზიკურ მაღაზიებში; ტოპ|ქარდით გადახდისას ისარგებლებთ მხოლოდ გადანაწილებით; ქეშბექით სარგებლობისთვის აუცილებელია შეთავაზების გააქტიურება ქეშბექის აპლიკაციაში ან ვებ-გვერდზე cashback.ge; შეთავაზება არ ვრცელდება სასაჩუქრე ბარათების შეძენაზე; შეთავაზების დროს არ მოქმედებს ნივთის უკან დაბრუნება, შესაძლებელია მხოლოდ გაცვლა; ბანკი იტოვებს უფლებას საეჭვო ტრანზაქციის აღმოჩენის შემთხვევაში, მომხმარებელს არ დაუბრუნოს ქეშბექის თანხა. გადავიმეოროთ ქეშბექის მიღების წესები: გადმოწერე აპლიკაცია ან შედი ვებგვერდზე: cashback.ge გაიაქტიურე სასურველი შეთავაზება წინასწარ გადაიხადე ლიბერთის Mastercard ბარათით, ლიბერთის ტერმინალზე თუ ჯერ კიდევ არ ხარ ლიბერთის მომხმარებელი, გახდი ჩვენიანი ონლაინ: https://onboarding.lb.ge *წესები დეტალურად: შეთავაზების გასააქტიურებლად, გადმოწერეთ CashBack ის აპლიკაცია: iOS | Android ან შედით ვებგვერდზე cashback.ge.თუ უკვე ხართ ლიბერთის ინტერნეტ/მობაილ ბანკის მომხმარებელი, CashBack-ის აპლიკაციაში ავტორიზაციას იგივე მონაცემებით გაივლით. თუ ჯერ არ სარგებლობთ ლიბერთის ინტერნეტ/მობაილ ბანკით, გაიარეთ მარტივი რეგისტრაცია. ავტორიზაციის გავლის შემდეგ, CashBack ის აპლიკაციაში აირჩიეთ სასურველი მეგობარი ობიექტი, დააჭირეთ ღილაკს "აქტივაცია" და ლიბერთის ბარათით ლიბერთის ტერმინალზე გადახდისას, დაიბრუნეთ თანხა მომენტალურად.(R)

1787304642

2024 წელს კომპანია ხუთმა ისრაელელმა ინვესტორმა დააარსა. ჯამური ინვესტიცია 6.6 მილიონ აშშ დოლარს შეადგენს, საიდანაც 2 მილიონი დოლარი თიბისის დაფინანსებაა. პროექტი საქართველოს ეკონომიკის განვითარების კორპორაციის პროგრამის ფარგლებში განხორციელდა.  მიღებული დაფინანსებით კომპანიამ მოაწყო საწარმოო შენობა, შეიძინა საჭირო მანქანა-დანადგარები და საოპერაციო  ხარჯები დააფინანსა.GO-PLAYGROUNDS ისრაელის PSAGOT PLAYGROUNDS-ის პარტნიორია, რომელსაც საერთაშორისო ბაზარზე 30-წლიანი გამოცდილება აქვს, ამ ინდუსტრიაში კი 20 წელია წარმატებით მუშაობს. წარმოებული პროდუქცია თანამედროვე დიზაინით, მაღალი ხარისხის მასალებით, ინჟინრული სიზუსტითა და უსაფრთხოების საერთაშორისო სტანდარტების დაცვით გამოირჩევა. კომპანიის მიერ შექმნილი სათამაშო მოედნები ბავშვების გართობასა და განვითარებაზეა ორიენტირებული, ხელს უწყობს მათ შემოქმედებითობას, ფიზიკურ აქტივობასა და სოციალურ ინტერაქციას. თითოეული პროექტი დამკვეთის მოთხოვნებისა და სივრცის სპეციფიკის გათვალისწინებით იქმნება, რაც GO-PLAYGROUNDS-ს უნიკალური და ფუნქციური სათამაშო გარემოს შექმნის შესაძლებლობას აძლევს.GO-PLAYGROUNDS-ის პროდუქცია უკვე წარმოდგენილია როგორც საქართველოში, ისე ისრაელში. ამ ეტაპზე პროდუქციის მნიშვნელოვანი ნაწილი ექსპორტზე გადის და პარტნიორ კომპანიას მიეწოდება, მომავალში კი საწარმო ექსპორტის გაფართოებასაც გეგმავს. ბიზნესის განვითარების პარალელურად, კომპანია სოციალურ პასუხისმგებლობასაც განსაკუთრებულ მნიშვნელობას ანიჭებს. რუსთავის მერიასთან თანამშრომლობის ფარგლებში GO-PLAYGROUNDS-მა უსასყიდლოდ მოაწყო თანამედროვე საბავშვო სათამაშო სივრცე რუსთავის №34 საბავშვო ბაღში და მსგავსი ინიციატივების გაგრძელებას მომავალშიც აპირებს.ქართული წარმოების განვითარება და ექსპორტის ხელშეწყობა თიბისისთვის მნიშვნელოვანი პრიორიტეტებია. მსგავსი პროექტების მხარდაჭერით, ბანკი ხელს უწყობს, საერთაშორისო ცოდნის, თანამედროვე ტექნოლოგიებისა და მრავალწლიანი საერთაშორისო ექსპერტიზის დანერგვასა და დასაქმების ზრდას ქვეყანაში.(R)

1787304148

უზბეკეთის ტრანსპორტის სამინისტროს ინფორმაციით, ახალი სისტემის დანერგვა საქართველოსთან თანამშრომლობით წარმატებით განხორციელდა. E-Permit-ის საშუალებით სატვირთო გადამზიდავები ნებართვებს ელექტრონული ფორმით მიიღებენ, რაც ქაღალდის დოკუმენტების გამოყენებას და პროცესში ადამიანური ფაქტორის გავლენას შეამცირებს.ციფრულ სისტემაზე გადასვლა შეეხება საქართველოსა და უზბეკეთს შორის ორმხრივ და სატრანზიტო გადაზიდვებს, ასევე მესამე ქვეყნებში და მესამე ქვეყნებიდან განხორციელებულ გადაზიდვებს.უზბეკეთის ტრანსპორტის სამინისტროში აცხადებენ, რომ ახალი მექანიზმი ხელს შეუწყობს ზედმეტი ბიუროკრატიული პროცედურების შემცირებას და ეროვნული გადამზიდავებისთვის უფრო სწრაფი და გამჭვირვალე გარემოს შექმნას.E-Permit-ის დანერგვის შესახებ თანამშრომლობის მემორანდუმს საქართველომ და უზბეკეთმა შავკატ მირზიოევის საქართველოში ვიზიტის დროს, ივლისის დასაწყისში მოაწერეს ხელი. ვიზიტის ფარგლებში ქვეყნებმა საბაჟო საკითხებში ადმინისტრაციული დახმარების შესახებ შეთანხმებაც გააფორმეს.უზბეკეთის ტრანსპორტის მინისტრის ილჰომ მახკამოვის განცხადებით, ქვეყნები სრულად ელექტრონულ გაცვლაზე გადასვლას, მათ შორის მესამე ქვეყნებთან დაკავშირებულ გადაზიდვებში, გეგმავენ. მისი თქმით, ეს დროს დაზოგავს, გაზრდის გამჭვირვალობას და გადამზიდავებისთვის პროცესს გაამარტივებს.საქართველოს სატრანსპორტო ინფრასტრუქტურის მნიშვნელობაზე მიუთითებს ისიც, რომ უზბეკეთის ავტოგადამზიდავების 60%-ზე მეტი ტვირთების ტრანსპორტირებას საქართველოს გავლით ახორციელებს.ამასთან, თბილისსა და ტაშკენტს შორის მიღწეულია შეთანხმება სარკინიგზო გადაზიდვებზე შეღავათების გაფართოებისა და საქართველოს საზღვაო პორტებში ექსპედიტორი კომპანიების კონსორციუმის მიერ ინფრასტრუქტურის შექმნის შესახებ.საქართველოსთვის E-Permit-ის ამოქმედება განსაკუთრებით მნიშვნელოვანია, რადგან ქვეყანა უზბეკეთიდან და ცენტრალური აზიიდან ევროპისკენ მიმავალი სატვირთო ნაკადებისთვის ერთ-ერთ მნიშვნელოვან სატრანზიტო რგოლს წარმოადგენს. ახალი ციფრული სისტემა ამ მიმართულებით გადაზიდვების ადმინისტრირებას და საქართველოს სატრანსპორტო დერეფნის გამოყენებას კიდევ უფრო გაამარტივებს.

1787303046

ახალგაზრდებთან შეხვედრა ცესკოს თავმჯდომარე გიორგი კალანდარიშვილმა და ახალგაზრდობის სააგენტოს ხელმძღვანელის პირველმა მოადგილემ თორნიკე შუბითიძემ გახსნეს.არჩევნები და ახალგაზრდების როლი, საარჩევნო ადმინისტრაციის გამოცდილება- საარჩევნო ელექტრონული ტექნოლოგიების დანერგვის წარმატებული პრაქტიკა, დეზინფორმაცია და მასთან დაკავშირებული გამოწვევები - ეს იმ თემების მცირე ჩამონათვალია რომლებზეც ინფორმაცია ცესკოს თავმჯდომარემ ახალგაზრდებს პირადად მიაწოდა. გიორგი კალანდარიშვილის თქმით ახალგაზრდებთან აქტიური კომუნიკაცია მნიშვნელოვანია იმისთვის, რომ მათ არჩევნებთან დაკავშირებული საკითხების შესახებ სწორი და ამომწურავი ინფორმაცია ადრეული ასაკიდან მიიღონ, რაც ერთის მხრივ ემსახურება დეზინფორმაციასთან მიმართებაში მოწყვლადობის შემცირებას, მეორეს მხრივ კი ხელს უწყობს დამოუკიდებელი და გააზრებული არჩევანის გაკეთებას. „დმანისის ახალგაზრდული ბანაკის მონაწილეებთან საინტერესო შეხვედრა გავმართე, რომელიც ორგანიზებული იყო ჩვენი პარტნიორის ახალგაზრდობის სააგენტოს მიერ. ასეთი ტიპის შეხვედრები როგორც დმანისში, ისე სხვადასხვა რეგიონში გაგრძელდება. შეხვედრის ფარგლებში ჩვენ გვაქვს შესაძლებლობა ახალგაზრდებს არამხოლოდ გადავცეთ ინფორმაცია მნიშვნელოვანი საარჩევნო საკითხების შესახებ, არამედ მოვისმინოთ მათი უკუკავშირი, მოსაზრებები და კითხვები, რაც გვაძლევს ღია კომუნიკაციის ფარგლებში იმის შესაძლებლობას, რომ ინფორმაციის მიმოცვლის გზით ხელი შევუწყოთ ახალგაზრდების ცნობიერების ამაღლებას საარჩევნო საკითხებთან დაკავშირებით, ისევე როგორც ახალგაზრდების მეტად დაინტერესებას საარჩევნო პროცესებით“, - განაცხადა ცესკოს თავმჯდომარემ შეხვედრის დასრულების შემდეგ. შეხვედრის ფარგლებში გიორგი კალანდარიშვილმა მონაწილეებს საარჩევნო ადმინისტრაციის ჟურნალი „არჩევნები 360˚“ წარუდგინა და აღნიშნა, რომ გამოცემა მკითხველს აქტუალურ საარჩევნო თემებზე მრავალმხრივ და ამომწურავ ინფორმაციას სთავაზობს.აღსანიშნავია, რომ საარჩევნო ადმინისტრაცია ახალგაზრდობის სააგენტოსთან თანამშრომლობას აქტიურად აგრძელებს. საზაფხულო ბანაკების პროექტის ფარგლებში საარჩევნო ადმინისტრაციის ხელმძღვანელი პირები და წარმომადგენლები საინფორმაციო შეხვედრებს ქვეყნის სხვადასხვა რეგიონში მართავენ. დმანისში გამართულ შეხვედრას ასევე დაესწრნენ დმანისის საოლქო საარჩევნო კომისიის წევრები და ქვემო ქართლის რეგიონული წარმომადგენელი იაკობ ასანიძე. 

1787298399