TBC 1Q26-ის დივიდენდს ₾1.75-ს გადაიხდის

თიბისისა და „მაღარო კაპიტალის“ პარტნიორობა 2021 წელს დაიწყო; სწორედ ამ დროს გადაწყდა თანამედროვე აგროპროექტზე მუშაობა საერთო მიზნით - ევროპული სტანდარტის ნუშის წარმოება საქართველოში, რომელიც კონკურენტუნარიანი იქნება როგორც ადგილობრივ, ისე საერთაშორისო ბაზრებზე. თიბისის დაფინანსებით, პირველი ბაღი 2023 წელს გაშენდა, სატესტო მოსავალი კომპანიამ 2025 წელს აიღო, მიმდინარე სეზონზე კი 550 ტონა გაუტეხავ ნუშს ელოდებიან.ბაღი თავიდანვე ევროპული სტანდარტებით დაიგეგმა. პროექტში გამოყენებულია ესპანური, იტალიური, გერმანული და ისრაელური კომპანიების ტექნოლოგია და მასალები. პროცესში, ყველა ეტაპზე გამოცდილი ევროპული კომპანიები ჩაერთვნენ - მიწის შერჩევიდან დაწყებული, სარწყავი და ფერტიგაციის სისტემის დანერგვით დასრულებული. ბაღის გასაშენებლად ესპანური ნუშის ჯიშები შეირჩა, რაც მაღალი ხარისხის მოსავალს უზრუნველყოფს. თიბისის დაფინანსებით, კომპანიამ თანამედროვე ინფრასტრუქტურაც მოაწყო, მათ შორის: აშენდა საქართველოში ერთ-ერთი ყველაზე მასშტაბური, 130,000 მ³ მოცულობის წყლის რეზერვუარი. ასევე, მოეწყო ავტომატიზებული სარწყავი სისტემა და მეტეოროლოგიური სადგური, რომლებიც ინტეგრირებული ჭკვიანი სისტემების დახმარებით ბაღის მორწყვისა და ფერტიგაციის პროცესის დისტანციურ მართვას უზრუნველყოფენ. ეს მიდგომა წარმოების ეფექტიანობასა და სტაბილურ ხარისხს განაპირობებს.პროექტი ადგილობრივ დასაქმებასაც უწყობს ხელს. “მაღარო კაპიტალში” მუდმივად 24 ადამიანია დასაქმებული, სეზონურად მომუშავეთა რიცხვი კი 60-ს უტოლდება.კომპანიის სტრატეგიაში მნიშვნელოვანი ადგილი ექსპორტს უჭირავს. სამიზნე ბაზრებად განიხილება ევროპა, ცენტრალური და შუა აზია - რეგიონები, სადაც მოთხოვნა მაღალია, ხოლო წარმოება შედარებით შეზღუდული. საქართველოს გეოგრაფიული მდებარეობა კი დამატებით ლოგისტიკურ უპირატესობას ქმნის, რაც ბოლო წლების სტატისტიკითაც დასტურდება. ბოლო ხუთ წელში საქართველოდან ექსპორტირებული ნუშის მოცულობა წლიურად საშუალოდ 17%-ით, ხოლო მიღებული შემოსავლები 35%-ით იზრდება.საექსპორტო გეგმების მიღმა, „მაღარო კაპიტალი“ გაფართოებასაც აპირებს - კომპანია დამატებით 200 ჰა-ზე ახალი ბაღის გაშენებასა და გადამამუშავებელი საწარმოს შექმნას განიხილავს.ნუშის ბაღის პროექტი თიბისის გრძელვადიანი პარტნიორების - “ჯიდი ჯგუფისა“ და „ფერის“ - ერთობლივი ინიციატივაა. კომპანიები მრავალი წელია სხვადასხვა სფეროში წარმატებით საქმიანობენ, აგროსფეროთი კი რამდენიმე წლის წინ დაინტერესდნენ. ამ მიმართულებაშიც პარტნიორად თიბისი აირჩიეს, რომელიც 1.2-მილიარდიანი პორტფელისა და მრავალწლიანი გამოცდილების გარდა კლიენტებს მათზე მორგებულ მომსახურებასა და პროდუქტებს სთავაზობს.მაღარო კაპიტალის საქმიანობას შეგიძლიათ გაეცნოთ: www.mcapital.ge(R)

1778160022

სებ-ის ინფორმაციით, აპრილში 154 მილიონიანი ზრდაა. რეგულატორი Q1/2026-ში $500 მლნ-მდე წმინდა სავალუტო შესყიდვებზე აცხადებს, რაც  ხელსაყრელი მაკროეკონომიკური გარემოს ფონზე გახდა შესაძლებელი.სებ-ის აპრილის აქტივობა და ვაჭრობის მოცულობა 25 მაისს გახდება ცნობილი. მარტში $16.2 მლნ-ის წმინდა გაყიდვები აღინიშნა. თებერვალ - იანვრის წმინდა შესყიდვები ნახევარ მილიარდ დოლარს აღემატება. 

1778150364

მისივე განცხადებით, საკვანძო სეგმენტებში სესხებზე არსებული ძლიერი მოთხოვნა აძლევს ჯგუფს შესაძლებლობას, მაქსიმალურად გამოიყენოს ეს ხელსაყრელი საპროცენტო გარემო, რაც ხელს შეუწყობს ჯგუფის წმინდა საპროცენტო შემოსავლის ზრდას.ამავე დროს, მისი თქმით, ვალუტის კურსის შედარებით დაბალი მერყეობა სავალუტო ოპერაციებიდან მიღებული შემოსავლების შემცირებას იწვევს. გაჩეჩილაძის თქმით, საქართველოსა და სომხეთში მაკროეკონომიკური პირობები 2026 წლის დასაწყისში კვლავ ძლიერი იყო, რასაც მხარს უჭერდა მყარი შიდა მოთხოვნა და გარე შემოდინებების მდგრადობა. “ორივე ეკონომიკის სტაბილურობისა და წლის დასაწყისში დაფიქსირებული ძლიერი შედეგების გათვალისწინებით, ჩვენ 2026 წლის რეალური ეკონომიკური ზრდის პროგნოზები გავზარდეთ საქართველოსთვის 7%-მდე, ხოლო სომხეთისთვის 6%-მდე”, - აცხადებს ის.მიუხედავად იმისა, რომ ახლო აღმოსავლეთში კონფლიქტის ესკალაციამ შესაძლოა მოკლევადიან პერსპექტივაზე გავლენა იქონიოს, ძირითადად ენერგეტიკული ბაზრების მერყეობისა და ინფლაციის ზრდის გზით, ორივე ეკონომიკა კვლავაც მყარ მდგომარეობაში რჩება, რასაც ხელს უწყობს მნიშვნელოვანი რეზერვები, გონივრული ფისკალური პოლიტიკა და სანდო მონეტარული მართვა, - აღნიშნავს ჯგუფის CEO და კონფლიქტის დადებით მხარესაც უსვამს ხაზს „ხანგრძლივმა კონფლიქტმა შესაძლოა დამატებითი დადებითი ეფექტიც გამოიწვიოს შუა დერეფნის მიმართულებით, ასევე კაპიტალისა და ტურისტული ნაკადების გადანაწილების კუთხით”.შეგახსენებთ, რომ მონეტარული პოლიტიკა 2024 წლის მაისში 8%-ზე განისაზღვრა და გუშინდელ დღემდე უცვლელი იყო. მონეტარული პოლიტიკის კომიტეტმა 2026 წლის 6 მაისის სხდომაზე განაკვეთი 0.25 პ.პ.-ით, 8.25%-მდე ზრდის გადაწყვეტილება მიიღო. სების განმარტებით, აღნიშნული გადაწყვეტილება მიმართულია ინფლაციური მოლოდინების მიზნობრივ მაჩვენებელთან სტაბილურად შენარჩუნებისკენ. აპრილში, ინფლაციამ 5.9% შეადგინა, მ.შ საბაზო ინფლაციამ კი (სურსათის, ენერგომატარებლებისა და თამბაქოს გამორიცხვით) აპრილში 3.2%, ხოლო მომსახურების ინფლაციამ 3.7% შეადგინა. სების თქმით, იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები კიდევ უფრო გახანგრძლივდება და/ან მათი მასშტაბი მეორე რაუნდის ეფექტების რისკებს გააძლიერებს, მპკ მონეტარული პოლიტიკის განაკვეთის ზომიერ ზრდას გააგრძელებს, ხოლო მას შემდგომ, რაც ინფლაციური შოკი ამოიწურება, სებ ეტაპობრივად დაიწყებს პოლიტიკის ნორმალიზებას.მპკ-ის შემდეგი სხდომა 2026 წლის 17 ივნისს ჩატარდება.

1778145397

ჯგუფი დივიდენდს 2026 წლის 10 ივლისს ბრიტანულ ფუნტ სტერლინგში გადაიხდის იმ ჩვეულებრივი აქციების მფლობელებისთვის, რომლებიც კომპანიის წევრთა რეესტრში 2026 წლის 26 ივნისის სამუშაო დღის დასრულების მდგომარეობით იქნებიან დაფიქსირებულნი.გადახდა შემდეგი გრაფიკის შესაბამისად მოხდება: Ex-Dividend თარიღი: 25 ივნისია, ჩანაწერის (Record) თარიღი: 26 ივნისი, ვალუტის კონვერტაციის თარიღიც 26 ივნისი, ხოლო გადახდის თარიღი კი 10 ივლისია.ვალუტის კონვერტაციისთვის გამოყენებული იქნება საქართველოს ეროვნული ბანკის (სებ) ლარის/ბრიტანული ფუნტ სტერლინგის საშუალო გაცვლითი კურსი 2026 წლის 22 ივნისიდან 26 ივნისის ჩათვლით პერიოდისთვის.შეგახსენებთ, 4Q25-ის პერიოდისთვის ჯგუფმა თითო აქციაზე აქციონერებს ₾2.75-ის დივიდენდი გაუნაწილა, რომელიც 14 აპრილს ანაზღაურდა. 

1778145076

პროგრამა შეესაბამება ჯგუფის კაპიტალის დაბრუნების პოლიტიკას, რომელიც მიზნად ისახავს დივიდენდის/აქციების გამოსყიდვის გადახდის კოეფიციენტის შენარჩუნებას წლიური მოგების 30-50%-ის ფარგლებში.ჯგუფის განცხადებით პროგრამა უახლოეს პერიოდში დაიწყება და დასრულდება არაუგვიანეს კომპანიის 2026 წლის წლიური საერთო კრებისა (2026 წლის 22 მაისი). აქციების გამოსყიდვისთვის აქციონერთა უფლებამოსილების განახლება მოთხოვნილი იქნება 2026 წლის წლიურ საერთო კრებაზე. ჯგუფი აქციებს ღია ბაზარზე გამოისყიდის. გამოსყიდვის მიზანია ჯგუფის სააქციო კაპიტალის შემცირება, ხოლო გამოსყიდული ჩვეულებრივი აქციები ყოველთვიურად გაუქმდება.პროგრამა განხორციელდება წინასწარ განსაზღვრული პარამეტრების ფარგლებში და 2025 წლის წლიურ საერთო კრებაზე მინიჭებული აქციების გამოსყიდვის ზოგადი უფლებამოსილების შესაბამისად. პროგრამის ფარგლებში გამოსასყიდი აქციების მაქსიმალური რაოდენობა 3,698,973 ერთეულს შეადგენს. კომპანიამ პროგრამის მმართველად Cavendish Capital Markets Limited დანიშნა. დახურული პერიოდების განმავლობაში კომპანიასა და მის დირექტორებს არ ექნებათ პროგრამაში ცვლილებების განხორციელების უფლებამოსილება და პროგრამა შესრულდება მხოლოდ Cavendish-ის დამოუკიდებელი გადაწყვეტილებით.შეგახსენებთ, რომ წინა, პროგრამა LFG-მ მიმდინარე წლის 25 მარტს დახურა. კომპანიამ ბოლოს გააუქმა 141,978 სახაზინო აქცია, რომელიც გამოისყიდა 2026 წლის 25 თებერვალს გამოცხადებული ₾53.5 მლნ ლარის ღირებულების აქციების გამოსყიდვისა და გაუქმების პროგრამის ფარგლებში, რაც წარმოადგენდა 2025 წლის 20 აგვისტოსა და 20 ნოემბერს გამოცხადებული ₾98მლნ-იანი ღირებულების და ₾51.5 მლნ-ის ღირებულების აქციების გამოსყიდვისა და გაუქმების პროგრამების გაგრძელებას.2025 წლის აგვისტოში კაპიტალის შემცირების პროგრამის დაწყებიდან გაუქმებული აქციების საერთო რაოდენობამ 639,647 ჩვეულებრივი აქცია შეადგინა. გამოსყიდული ყველა სახაზინო აქცია ამჟამად გაუქმებულია და 1 აპრილის მდგომარეობით, ჯგუფის ჩვეულებრივი, ხმის უფლების მქონე აქციების რაოდენობამ 43,223,929 შეადგინა (ხაზინაში 0). 

1778143954

ეკოსისტემის საერთო აუდიტორიამ, რომელიც აერთიანებს TBC Bank-ს უბეკეთში, გადახდის სერვის payme-ს, განვადების სერვის TBC BNPL-ს, ციფრულ სადაზღვევო პლატფორმა TBC Sug'urta-სა და საცალო ვაჭრობისთვის განკუთვნილ SaaS-გადაწყვეტილება BILLZ-ს, 2026 წლის 31 მარტის მდგომარეობით, 24.2 მილიონ რეგისტრირებულ მომხმარებელს მიაღწია - 23%-ით მეტს, ვიდრე ერთი წლის წინ. ყოველთვიურმა აქტიურმა აუდიტორიამ 5.8 მლნ ადამიანი შეადგინა.ეკოსისტემის პლატფორმების მეშვეობით განხორციელებული გადახდების მოცულობა წლიურ ჭრილში 31.1%-ით გაიზარდა და 31.8 ტრლნ სუმს (≈ $2.62 მლრდ) მიაღწია. სადეპოზიტო პორტფელი 24.3%-ით  7.1 ტრლნ სუმამდე (≈ $585 მლნ) გაიზარდა, ხოლო საკრედიტო პორტფელი 3.4%-ით გაიზარდა და 10.4 ტრლნ სუმს (≈ $857 მლნ) მიაღწია.საცალო პროდუქტებს შორის განსაკუთრებულ ყურადღებას იმსახურებს ფლაგმანური სადებეტო ბარათის TBC Salom-ის დინამიკა: კვარტალის განმავლობაში გამოშვებული სადებეტო ბარათის TBC Salom-ის რაოდენობამ 1 მილიონს გადააჭარბა, რაც ხუთჯერ მეტია გასული წლის ანალოგიური პერიოდის 230 ათას მაჩვენებელთან შედარებით. ამ ბარათებზე არსებული ნაშთები საერთო სადეპოზიტო პორტფელის დაახლოებით 4%-ს ქმნის. საკრედიტო ბარათი TBC Osmon-ის ემისიამ 183 ათას ერთეულს მიაღწია, ხოლო მასზე არსებული ნაშთები მთლიანი საკრედიტო პორტფელის 9%-ს შეადგენს. კომპანია საკუთარ თავს უზბეკეთის ჩამოყალიბებადი საკრედიტო ბარათების ბაზრის ლიდერებს შორის ასახელებს, რომელიც, მისი შეფასებით, სწრაფ ზრდას აჩვენებს მომხმარებლებში პროდუქტის გავრცელებასთან ერთად.TBC ბანკსა და გადახდის აპლიკაცია Payme-ში ხელმისაწვდომმა სააბონენტო პაკეტებმა 1.1 მილიონი მომხმარებელი მიიზიდა, რაც წინა წელთან შედარებით შვიდჯერ მეტია. განვადების სერვისმა TBC BNPL 190 ათას აქტიურ მომხმარებელს მიაღწია; გადავადებული გადახდის ფუნქცია ინტეგრირდა payme-ის აპლიკაციასა და payme travel-ის განყოფილებაში, რამაც ამ არხით ჯავშნებისა და ბილეთების გაყიდვები 2025 წლის პირველ კვარტალთან შედარებით ორჯერ გაზარდა. TBC პარალელურ რეჟიმში მიმდინარე წელს უზბეკეთში ავტოსესხების გაშვებისსთვის ემზადება მყისიერი დამტკიცებით, ერთ წუთზე ნაკლებ დროში. წინასწარი პარტნიორული შეთანხმებები უკვე გაფორმებულია რიგ მწარმოებლებთან, დილერებთან და დისტრიბუტორებთან.ბიზნესმიმართულება TBC Biznes 67 ათას რეგისტრირებულ კლიენტს ითვლის, რომელთაგან 21 ათასი აქტიურია. მცირე და საშუალო ბიზნესის სუბიექტებზე, მათ შორის თვითდასაქმებულებზე, გაცემული სესხების საერთო რაოდენობამ 185 ათასს გადააჭარბა, რაც მთლიანი საკრედიტო პორტფელის 18%-ს შეადგენს. კვარტალის განმავლობაში გაეშვა ახალი აპლიკაცია TBC Biznes, ბაზარზე წარდგენილი იქნა მრავალდონიანი სააბონენტო სერვისი, ხოლო მეწარმეებისთვის სესხის მაქსიმალური მოცულობა 600 მილიონ სუმამდე (≈ $49.4 ათასი) გაიზარდა.SaaS-პლატფორმამ BILLZ პირველ კვარტალში 11 მილიონზე მეტი ტრანზაქცია დაამუშავა, საერთო მოცულობით 5.8 ტრლნ სუმი (≈ $478 მლნ). მარტის ბოლოსთვის მისი მომხმარებელთა რაოდენობა 4 ათასზე მეტ რეგისტრირებულ ბიზნესკლიენტს შეადგენდა, ხოლო აქტიური სავაჭრო ობიექტების ქსელმა 6 ათასს გადააჭარბა. მიკრო და მცირე ბიზნესის დასაფარად გამოუშვა BILLZ lite, პლატფორმის გამარტივებული მობილური ვერსია.ტექნოლოგიურ სფეროში კომპანიამ დაასრულა AI-ასისტენტ Lola-ს დანერგვა მთელი მომხმარებლების ბაზისთვის, 2025 წლის ბოლოს Friends & Family რეჟიმში წარმატებული ტესტირების შემდეგ. 2026 წლის აპრილში ასისტენტი დაჯილდოვდა Global Finance-ის მიერ, როგორც აზია-წყნარი ოკეანის რეგიონში საუკეთესო ფინტექ-ინოვაცია. კვარტლის სხვა ტექნოლოგიურ სიახლეებს შორის იყო QR-გადახდების დაკავშირება TBC Bank-ში MSQR და CSQR ფორმატების გამოყენებით, ასევე payme-ის ინტეგრაცია ბანკის პარტნიორულ ქსელში, რამაც TBC Bank-ის მომხმარებლებს 20 ათასზე მეტ სავაჭრო ობიექტზე წვდომა გაუხსნა.„გასული კვარტალი მნიშვნელოვანი მიღწევებით აღინიშნა, რომლებიც საფუძველს უყრის ჩვენი ეკოსისტემის, როგორც რეგიონის წამყვანი ერთიანი პლატფორმის, შემდგომ ზრდასა და განვითარების ახალ ეტაპს მომხმარებლებისა და მეწარმეებისთვის“, - განაცხადა ნიკა ქურდიანმა, TBC Uzbekistan-ის CEO-მ. მისი თქმით, ფლაგმანური საბარათე პროდუქტები სწრაფად ზრდიან აუდიტორიას, ბიზნესმიმართულება უკვე თვალსაჩინო შედეგებს იძლევა, ხოლო AI-ასისტენტი Lola მომავალში სრულფასოვან პერსონალურ დამხმარედ გადაიქცევა, რომელიც კორპორატიულ და საცალო კლიენტებს ერთიან ეკოსისტემაში დააკავშირებს.

1778142381

თბილისის 221-ე საჯარო სკოლაში პროექტის მონაწილეებს კურსის დასრულება ცესკოს თავმჯდომარე გიორგი კალანდარიშვილმა და სწავლების ცენტრის დირექტორმა ნათია ზაალიშვილმა მიულოცეს და სერტიფიკატები გადასცეს. მოსწავლეებს „სკოლის საარჩევნო ამბასადორის“ სტატუსი მიენიჭათ. როგორც გიორგი კალანდარიშვილმა აღნიშნა, პროექტი ხელს უწყობს საარჩევნო საკითხებზე ცნობიერების ამაღლებას სკოლის ასაკიდან და ახალგაზრდების აქტიურ მოქალაქეებად ჩამოყალიბებას.  მისი თქმით, პროექტი წარმოადგენს მნიშვნელოვან პლატფორმას, რომელიც მოზარდებს აძლევს შესაძლებლობას უკეთ გაიაზრონ საკუთარი როლი ქვეყნის განვითარებაში და ქმნის საფუძველს გრძელვადიან პერსპექტივაში საარჩევნო კულტურის განვითარებისთვის.სწავლების ცენტრის დირექტორმა ნათია ზაალიშვილმა ყურადღება გაამახვილა პროექტის მნიშვნელობაზე და აღნიშნა, რომ პროგრამა აერთიანებს როგორც თეორიული ცოდნის, ისე პრაქტიკული უნარ-ჩვევების განვითარების კომპონენტებს, რაც მოსწავლეებს დაეხმარება, მიღებული ცოდნა ეფექტიანად გამოიყენონ ყოველდღიურ ცხოვრებაში.ღონისძიებას ასევე დაესწრო სკოლის დირექტორი ინგა სააკაშვილი, რომელმაც თავის მისასალმებელ სიტყვაში ასევე ისაუბრა პროექტის მნიშვნელობაზე.საპილოტე პროექტი „ვარ ჩემი სკოლის საარჩევნო ამბასადორი“ ერთი თვის განმავლობაში 6 აპრილიდან 6 მაისის ჩათვლით მიმდინარეობდა. პროექტში დედაქალაქის მასშტაბით 50 საჯარო სკოლის, VII-X კლასების, 900-ზე მეტი  მოსწავლე მონაწილეობდა. ახალგაზრდებმა სამდღიანი ინტერაქციული კურსის განმავლობაში შეისწავლეს დემოკრატიული არჩევნების არსი, მედიაწიგნიერების საფუძვლები, ინფორმირებული არჩევანის მნიშვნელობა და გაიღრმავეს ცოდნა სასკოლო თვითმმართველობის არჩევნების პროცესის შესახებ. კურსის დასრულების შემდეგ მოსწავლეებმა პროექტი დადებითად შეაფასეს.პროექტი, რომლის მიზანია ახალგაზრდებში საარჩევნო კულტურის ამაღლება, არჩევნების პოპულარიზაცია, არჩევნების მნიშვნელობის გააზრება, ცესკოსა და სწავლების ცენტრის ინიციატივით, საქართველოს განათლების, მეცნიერებისა და ახალგაზრდობის სამინისტროსთან პარტნიორობით განხორციელდა. მიღებული დადებითი გამოცდილებისა და მაღალი ინტერესის გათვალისწინებით, პროექტის განხორციელების ეტაპებისა და შედეგების შეფასების შემდეგ, სამომავლოდ, პროექტის საქართველოს მასშტაბით ყველა სკოლაში ეტაპობრივი დანერგვა იგეგმება. (R)

1778140788

საქართველოს სახელით საერთაშორისო ასპარეზზე ოთხი მოსწავლე გოგო იასპარეზებს - გვანცა ხვედელიძე, ლიზი პავლიაშვილი, ნატალია პაპაშვილი და თაკო შანავა. ოლიმპიადა 12-18 მაისს, იტალიის ქალაქ ჩესენატიკოში გაიმართება, სადაც ქართველი მონაწილეები 50-ზე მეტ ქვეყნის მონაწილესთან ერთად, საერთაშორისო კონკურენციაში საკუთარ შესაძლებლობებს წარმოაჩენენ რთულ ალგორითმულ ამოცანებში, პროგრამირებასა და ანალიტიკურს აზროვნებაში.ევროპის გოგოების ინფორმატიკის ოლიმპიადა (EGOI) საერთაშორისო მასშტაბის შეჯიბრია, რომლის მთავარი მიზანია ინფორმატიკისა და ტექნოლოგიების სფეროში გოგოების ჩართულობის გაზრდა და STEM მიმართულებებში გენდერული თანასწორობის ხელშეწყობა.„EGOI ოლიმპიადაში მონაწილეობა  ჩემთვის ძალიან დიდი პასუხისმგებლობაა. ერთი მხრივ, ძალიან მიხარია და მეამაყება, რომ ნაკრების წევრი ვარ, მაგრამ მეორე მხრივ, საკმაოდ ვნერვიულობ კიდეც, რადგან ქვეყნის სახელით გამოვდივარ. მჯერა რომ ჩვენი შესაძლებლობების მაქსიმუმს გავაკეთებთ რაც შედეგს გამოიღებს”, - გვანცა ხვედელიძე ვლადიმირ კომაროვის თბილისის ფიზიკა-მათემატიკის N199 საჯარო სკოლის მე-12 კლასის მოსწავლე, 2023 და 2025 წლებში ევროპის გოგოების ოლიმპიადის 2 ბრინჯაოს მედლის მფლობელი.საქართველოს ტექ ოლიმპიადების ჰაბი, თიბისის გენერალური მხარდაჭერით, ბიზნესისა და ტექნოლოგიების უნივერსიტეტის (BTU) ორგანიზებით დაფუძნდა და მისი მიზანია ნიჭიერი მოსწავლეების აღმოჩენა, განვითარება და საერთაშორისო ოლიმპიადებისთვის მომზადება. სწორედ BTU-ში გადიან ეროვნული ნაკრების წევრები საერთაშორისო სტანდარტების მომზადებას.„ჩემთვის საკმაოდ დიდი გამოწვევა იყო არსებულ სტერეოტიპებთან გამკლავება. ბევრი ადამიანი მეუბნებოდა, რომ პროგრამირება არ გამომივიდოდა, იმის გამო რომ გოგო ვარ. ამ ყველაფრის მიუხედავად მე არ შევწყვიტე მუშაობა, ჩემს შესაძლებლობებში დაჯერება და სათანადო მომზადებით შედეგსაც მივაღწიე”, - ლიზი პავლიაშვილი, ვლადიმირ კომაროვის თბილისის ფიზიკა-მათემატიკის N199 საჯარო სკოლის მე-9 კლასის მოსწავლე, EGOI  2025-ის მონაწილე.საქართველოს ნაკრები EGOI-ში წელს უკვე მეექვსედ მიიღებს მონაწილეობას. გასული წლების განმავლობაში ქართველმა მონაწილეებმა საერთაშორისო ასპარეზზე მნიშვნელოვანი შედეგები აჩვენეს და ჯამში 2 ოქროს, 4 ვერცხლისა და 3 ბრინჯაოს მედალი მოიპოვეს.თიბისი აგრძელებს ტექნოლოგიური განათლების მხარდაჭერას  და ახალი თაობისთვის შესაძლებლობების შექმნას - მთავარია გჯეროდეს საკუთარი მიზნების, იდეების და განათლების ძალის.(R)

1778140564