თიბისი 22 ივნისს დივიდენდს ₾/£3.59 კურსით გადაიხდის

წამყვანის კითხვაზე - "რეგიონალური ციფრული საგადახდო ჰაბის ფუნქციის შეთავსება საქართველოსთვის რამდენად რეალური იქნება?" - ნატალია ჭყოიძემ უპასუხა, რომ არ არის გამორიცხული. მანვე აღნიშნა, რომ სხვა ქვეყნების ინფრასტრუქტურებთან ინტეგრაცია ხელს შეუწყობს ტრანსსასაზღვრო გადარიცხვების განხორციელებას, მათი ხელმისაწვდომობის ზრდას და შესრულების დაჩქარებას.რაც შეეხება სამომავლო გეგმებს - ნატალია ჭყოიძის ცნობით, რეფორმების განხორციელება რამდენიმე მიმართულებით არის დაგეგმილი. "მოკლე პერიოდში ჩვენ კიდევ ერთ სასიამოვნო სიახლეს გაგაცნობთ, რომელიც ეხება საგადახდო მომსახურების პირობების და ტარიფების შესახებ ინფორმაციის ხელმისაწვდომობის გაზრდას. აღნიშნული მომხმარებელს საშუალებას მისცემს ერთ სივრცეში გაეცნოს ყველა კომერციული ბანკის ტარიფებს და გააკეთოს მისთვის სასურველი არჩევანი", - აღნიშნა მან.ცნობისთვის, სებ-მა წარმატებით დაასრულა დროის რეალურ რეჟიმში ანგარიშსწორებისა (RTGS) და კლირინგის სისტემების განახლება. RTGS-ის განახლებული სისტემის დანერგვა მიზნად ისახავს ფინანსური სექტორისა და მომხმარებლებისთვის - ფიზიკური და იურიდიული პირებისთვის - უფრო სწრაფი, უსაფრთხო და საიმედო მომსახურების უზრუნველყოფას, ასევე საერთაშორისო სტანდარტებთან კიდევ უფრო მეტად დაახლოებას. გარდა ამისა, ახალი ინფრასტრუქტურა ქმნის კარგ საფუძველს მომავალი ინოვაციური სერვისების, მათ შორის, მყისიერი გადახდების სისტემისა(IPS) და დამატებითი ციფრული მომსახურებების განვითარებისთვის.

1780919797

ანალიტიკოსებისა და ყოფილი კოლეგების შეფასებით, მასკის ამბიციური იდეების რეალურ კორპორაციულ მიზნებად ქცევასა და შესრულებაში საკვანძო როლს კომპანიის პრეზიდენტი, 62 წლის გვინ შოტუელი თამაშობს, რომელსაც ინდუსტრიაში SpaceX-ის „დუღაბად“ მოიხსენიებენ.ინჟინერული განათლების მქონე შოტუელი, რომელიც გუნდს დაარსების დღიდან, 2002 წლიდან შეუერთდა, უმსხვილესი სამთავრობო და კომერციული კონტრაქტების მოზიდვას უზრუნველყოფდა, მათ შორის 2008 წელს NASA-სთან გაფორმებულ $1.6-მილიარდიან ხელშეკრულებას, რამაც კომპანია ფინანსური კრიზისისგან იხსნა.კომპანიის მიერ IPO-სთვის მომზადებული დოკუმენტაციის მიხედვით, წარმატებების პარალელურად გაიზარდა თავად შოტუელის წლიური ანაზღაურებაც, რომელმაც გასულ წელს, ძირითადად აქციების სახით, $85 მილიონი შეადგინა.ბირჟაზე გასვლის შემდეგ, შოტუელის მთავარი გამოწვევა SpaceX-ის საოპერაციო დისციპლინის შენარჩუნება იქნება, რადგან თანამგზავრული ქსელი Starlink-იდან მიღებული მოგებით კომპანიამ ისეთი გრანდიოზული პროექტები უნდა დააფინანსოს, როგორიცაა ორბიტალური მონაცემთა ცენტრები, ხელოვნური ინტელექტი და მთვარის ქალაქების მშენებლობა.

1780915879

ვიზიტის ფარგლებში დელეგაციების წევრები საარჩევნო უბნების გახსნას, პროცესის მიმდინარეობას და უბნების დახურვის ეტაპს დააკვირდნენ. ასევე შეხვდნენ სომხეთის ცენტრალური საარჩევნო კომისიის თავმჯდომარეს და წევრებს, სადაც ყველა იმ საქმიანობის შესახებ მიიღეს ინფორმაცია, რომელიც საარჩევნო ადმინისტრაციამ საპარლამენტო არჩევნების ჩასატარებლად განახორციელა. როგორც ცესკოს თავმჯდომარე გიორგი კალანდარიშვილმა აღნიშნა, არჩევნებისთვის მზადების პროცესში ძალიან დიდი სამუშაოები განხორციელდა.ვიზიტის ფარგლებში საქართველოს საარჩევნო ადმინისტრაციის დელეგაციას შესაძლებლობა ჰქონდა შეხვედრები გაემართა სხვადასხვა ქვეყნის საარჩევნო ადმინისტრაციების წარმომადგენლებთან და მათთან სამომავლო ურთიერთობების პერსპექტივებზე ემსჯელა. ასევე გაიმართა შეხვედრები საერთაშორისო სადამკვირვებლო ორგანიზაციებთან.საპარლამენტო არჩევნები სომხეთში 7 ივნისს გაიმართა.(R)

1780914357

კერძოდ, Lion Finance Group-ის (BGEO LN) აქციები დაიხურა 105.50 ბრიტანულ ფუნტ სტერლინგში (GBP), -5.04% წინა კვირასთან შედარებით და -2.85% გასულ თვესთან შედარებით. ვაჭრობის მოცულობამ 258 ათას აქციაზე მეტი შეადგინა, GBP 105.50 - 111.10 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 59 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 43.78 ბრიტანულ ფუნტ სტერლინგში (GBP), -2.75% წინა კვირასთან შედარებით და -6.89% გასულ თვესთან შედარებით. ვაჭრობის მოცულობამ 393 ათას აქციაზე მეტი შეადგინა, GBP 43.00 - 45.34 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 72 ათასი აქცია შეადგინა.Georgia Capital-ის (CGEO LN) აქციები დაიხურა 39.70 ბრიტანულ ფუნტ სტერლინგში (GBP), -5.59% წინა კვირასთან შედარებით და +3.66% გასულ თვესთან შედარებით. ვაჭრობის მოცულობამ 176 ათას აქციაზე მეტი შეადგინა, GBP 39.30 - 42.40 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 67 ათასი აქცია შეადგინა.

1780913869

უწყების ხელმძღვანელის, ფერენც პალ ბიროს განცხადებით, გამოვლენილია კორუფციული სქემები, რომელთა საშუალებითაც ორბანის 16-წლიანი მმართველობისას სახელმწიფო შესყიდვების ფასები ხელოვნურად იზრდებოდა. მისი თქმით, ბოლო 4 წელში სამ კომპანიასთან გაფორმებული 10-მილიარდიანი კონტრაქტებიდან მინიმუმ 3.5 მილიარდი ევრო კორუფციულ რისკებს შეიცავს, მითვისებული თანხების დიდმა ნაწილმა კი ქვეყანა უკვე დატოვა.ეს მოთხოვნა უნგრეთის ახალი პრემიერ-მინისტრის, პიტერ მადიარისთვის მნიშვნელოვანი გამოწვევაა, რომელიც ამჟამად ბრიუსელთან მოლაპარაკებებს აწარმოებს კანონის უზენაესობის დარღვევის გამო გაყინული 16.4 მილიარდი ევროს მოცულობის ფონდების „განბლოკვაზე“.ევროკავშირის დაფინანსების მისაღებად მადიარის მთავრობამ აგვისტოს ბოლომდე კორუფციასთან ბრძოლის ეფექტური გეგმა უნდა წარადგინოს. ამ მიზნით, ახალმა ადმინისტრაციამ უკვე მიიღო გადაწყვეტილება ევროპის პროკურატურასთან (EPPO) შეერთებისა და აქტივების აღდგენის სპეციალური სააგენტოს შექმნის შესახებ.

1780913264

უწყების ინფორმაციით, ცვლილებები ძირითადად შეეხება უცხოელი სტუდენტების მიღებისა და მათი ბინადრობის ნებართვების რეგულაციებს, ასევე საქართველოს მოქალაქეებსა და უცხოელებს შორის ქორწინების საფუძველზე ქვეყანაში ლეგალურად ყოფნის წესებს.საკანონმდებლო პაკეტის მიხედვით, უმაღლეს და პროფესიულ საგანმანათლებლო დაწესებულებებში უცხოელი სტუდენტების ჩარიცხვისთვის სავალდებულო ხდება ენის საერთაშორისო სერტიფიკატის წარდგენა ან შეფასებისა და გამოცდების ეროვნული ცენტრის (NAEC) მიერ ორგანიზებული გამოცდის ჩაბარება. აღნიშნული რეგულაციით სახელმწიფო მიზნად ისახავს გამორიცხოს იმ პირთა ჩარიცხვა, რომლებიც რეალურად არ ფლობენ შესაბამის ენობრივ კომპეტენციას.ამასთანავე, მთავრობის დადგენილებით საგანმანათლებლო დაწესებულებებისთვის უცხოელი სტუდენტების მიღების მაქსიმალური კვოტა დაწესდება. უნივერსიტეტები ვალდებულნი იქნებიან, სტუდენტების სტატუსთან დაკავშირებული ნებისმიერი ინფორმაცია ასახონ ერთიან საინფორმაციო სისტემაში, რომელზეც წვდომა სახელმწიფო უწყებებს ექნებათ. წესების დარღვევისთვის სასწავლებლებს დაეკისრებათ ადმინისტრაციული პასუხისმგებლობა, რაც ჯარიმასთან ერთად, უცხოელების მიღების შეზღუდვას ან ავტორიზაციის გაუქმებასაც ითვალისწინებს.სასწავლო ბინადრობის ნებართვა სრულწლოვან პირებზე მხოლოდ ავტორიზებულ დაწესებულებებში სწავლის შემთხვევაში გაიცემა, ხოლო აკადემიური მოთხოვნების შეუსრულებლობის, შრომითი პირობების დარღვევის ან ქვეყნის ტერიტორიაზე არყოფნის შემთხვევაში, ბინადრობის ნებართვა გაუქმდება.საკანონმდებლო პაკეტით მკაცრდება ქორწინების საფუძველზე ბინადრობის უფლების მოპოვების წესი. მკვიდრდება ახალი სამართლებრივი სტატუსი - „საქართველოს მოქალაქის მეუღლის ბინადრობის ნებართვა“, რომელიც მუდმივი ბინადრობის უფლებამდე გაიცემა. ნებართვის გაცემამდე სპეციალური კომისია შეამოწმებს ქორწინების ნამდვილობას.კანონპროექტით სისხლის სამართლის წესით დასჯადი ხდება ფიქციური ქორწინება ბინადრობის ან მოქალაქეობის მოპოვების მიზნით. სანქციის სახით განისაზღვრება უცხოელის საქართველოდან გაძევება და ქვეყანაში შემოსვლის აკრძალვა 2-დან 10 წლამდე ვადით, ან ჯარიმა, ან შინაპატიმრობა 1-დან 2 წლამდე, ანდა თავისუფლების აღკვეთა 2 წლამდე ვადით.უკანონო მიგრაციასთან ბრძოლის მიზნით, შინაგან საქმეთა სამინისტროს მიგრაციის დეპარტამენტს ოპერატიულ-სამძებრო ღონისძიებების განხორციელების უფლებამოსილება ენიჭება. გარდა ამისა, უცხოელ მსჯავრდებულებს შესაძლოა სასჯელის მოუხდელი ნაწილი შეეცვალოთ საქართველოდან გაძევებით.ცვლილებები შედის სასამართლო სამართალწარმოებაშიც: საგრძნობლად მცირდება საიმიგრაციო გადაწყვეტილებების გასაჩივრებისა და საქმის განხილვის ვადები, ხოლო რიგ შემთხვევებში სასამართლოს შეეძლება საქმეები ზეპირი მოსმენის გარეშე, შემჭიდროებულ ვადებში განიხილოს.

1780908212

ჩააბაროთ ძველი აკუმულატორი შეიძინოთ „ენერჯაიზერის“ ახალი აკუმულატორი, რომლის ამპერაჟი ძველის ტოლი ან მასზე მეტია მარიამ ჩხეიძე, „თეგეტა მოტორსის“ აკუმულატორების მიმართულების პროდუქტის უფროსი ოფიცერი: „ეს არის შეთავაზება, რომელსაც დღეს ქართულ ბაზარზე ანალოგი არ აქვს. „1 ამპერი = 2 ლარი“ - ასეთი პირობით ძველი აკუმულატორის ჩაბარების შესაძლებლობას მომხმარებელი ვერსად მიიღებს. ჩვენთვის მნიშვნელოვანია, რომ მომხმარებელმა „თეგეტა მოტორსში“ არა მხოლოდ უმაღლესი ხარისხის პროდუქტი მიიღოს, არამედ რეალური, ხელშესახები ფინანსური სარგებელიც. „ენერჯაიზერი“ ამერიკული პრემიუმ ბრენდია, რომელიც წლების განმავლობაში საიმედოობითა და გამძლეობით გამოირჩევა. ამიტომაც სწორედ ამ პროდუქტზე ვთავაზობთ ბაზარს უკონკურენტო პირობას. აღნიშნული პირობებიდან გამომდინარე, ეს საუკეთესო დროა მომხმარებლისთვის ახალი აკუმულატორის შესაძენად“.შეთავაზებით მიღებული სარგებელი „ენერჯაიზერის“ ერთ-ერთი ყველაზე გაყიდვადი მოდელის მაგალითზე ასე გამოიყურება: ENERGIZER EP74L3 74 Ah R+ მოდელის საცალო ფასი „თეგეტა მოტორსში“ 399 ლარია, ხოლო ანალოგიური ამპერაჟის ძველი აკუმულატორის ჩაბარების შემთხვევაში მისი ღირებულება 251 ლარამდე მცირდება. შესაბამისად, ერთ შენაძენზე მომხმარებელი 148 ლარს ზოგავს.მომხმარებლისთვის ფინანსური სარგებლის გარდა, „თეგეტა მოტორსის“ შეთავაზება ეკოლოგიურ სარგებელსაც მოიცავს. ძველი აკუმულატორი საფრთხის შემცველი ნარჩენია, რომელიც სათანადო უტილიზაციის გარეშე გარემოს მნიშვნელოვან ზიანს აყენებს. „თეგეტა“ წლების განმავლობაში უზრუნველყოფს ძველი აკუმულატორებისა და საბურავების სტანდარტების შესაბამის უტილიზაციას, ხოლო მიმდინარე შეთავაზება მომხმარებლებს დამატებით სტიმულს აძლევს, გარემოზე ნეგატიური გავლენის ნაცვლად ძველი აკუმულატორი პროფესიულ სერვისცენტრში ჩააბარონ.შეთავაზება „1 ამპერი = 2 ლარი“ შეზღუდული ვადით, მხოლოდ ერთი თვის განმავლობაში იმოქმედებს და მისით სარგებლობა „თეგეტა მოტორსის“ ფილიალებში 1 ივნისიდან არის შესაძლებელი.„თეგეტა მოტორსის“ შესახებ: „თეგეტა ჰოლდინგში“ შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ არაერთი პრემიუმ ბრენდის ოფიციალური წარმომადგენელია საქართველოში, მათ შორის არის Bridgestone, Michelin, Varta, Shell, Motul, Ate და სხვა.(R)

1780906875

ეს მაჩვენებელი საგრძნობლად აღემატება როგორც 2025 წლის (255,944 TEU), ისე 2024 წლის პირველი ხუთი თვის შედეგს (225,630 TEU).ნავსადგურში ზრდის დინამიკა თვიურ ჭრილშიც სტაბილურად ნარჩუნდება. კერძოდ, მიმდინარე წლის მარტში ტერმინალმა 52,959 TEU დაამუშავა, აპრილში ეს მაჩვენებელი 58,665-მდე გაიზარდა, ხოლო მაისში პიკურ ნიშნულს - 64,952 TEU-ს მიაღწია.საკონტეინერო გადაზიდვების პარალელურად, გაზრდილია ფოთის საზღვაო ნავსადგურის მიერ მიღებული გემების რაოდენობაც. 2026 წლის დასაწყისიდან დღემდე პორტმა 172 საკონტეინერო გემს უმასპინძლა, მაშინ როდესაც 2025 წლის შესაბამის პერიოდში ეს მაჩვენებელი 139-ს, ხოლო 2024 წელს 131-ს შეადგენდა.„ეიპიემ ტერმინალს ფოთის“ ინფორმაციით, პოზიტიური დინამიკა ფიქსირდება გენერალური ტვირთების მიმართულებითაც. მიმდინარე წლის ხუთ თვეში დამუშავდა 160,857 ტონა გენერალური ტვირთი, რაც აჭარბებს 2025 წლის (128,828 ტონა) და მნიშვნელოვნად აღემატებს 2024 წლის მაჩვენებელს (90,281 ტონა).რაც შეეხება საბორნე გზით გადაზიდულ ტვირთებს, მიმდინარე წლის ხუთ თვეში მისმა მოცულობამ 80,765 ტონა შეადგინა. შედარებისთვის, ეს მაჩვენებელი 2025 წელს 69,123 ტონა იყო, ხოლო 2024 წლის ანალოგიურ პერიოდში - 80,265 ტონა.საერთო ზრდის ფონზე, კლება ფიქსირდება ავტომობილების გადაზიდვებში. 2026 წლის იანვარ-მაისში ტერმინალმა 6,149 მანქანიანი კონტეინერი დაამუშავა, რაც გასულ წლებთან შედარებით ნაკლებია: 2025 წლის ხუთ თვეში ეს მაჩვენებელი 8,257 ერთეულს შეადგენდა, ხოლო 2024 წელს - 8,134-ს.

1780904877