აშშ-ის ჰელსინკის კომისია საქართველოს წინააღმდეგ სანქციების დაწესებისკენ მოუწოდებს

„არსებობს ალტერნატივები, თუმცა ვნახოთ, როგორ განვითარდება მოვლენები. ამას ასევე დასჭირდება პოლიტიკური ნება თითოეული ჩვენგანისგან“, – განუცხადა კალასმა ჟურნალისტებს ბრიუსელში ევროპული საბჭოს სამიტის დაწყებამდე.Reuters წერს, უნგრეთი ევროკავშირის წევრი ქვეყნების მხრიდან ზეწოლის ქვეშ იმყოფება, რათა მოხსნას ვეტო, რომელსაც პრემიერ-მინისტრი ვიქტორ ორბანი ომის შედეგად დაზიანებული ნავთობსადენის გამო კიევთან არსებული დავის ფონზე იცავს.კალასმა აღნიშნა, რომ ხორვატიიდან ნავთობის მიწოდება შესაძლოა გამოსავალი იყოს უნგრეთისთვის. მან ასევე დასძინა, რომ უნგრეთი „კეთილსინდისიერად“ არ მოქმედებს, როდესაც წინააღმდეგობას უწევს უკვე შეთანხმებულ სესხს.

1773917612

რეგულატორის გადაწყვეტილებით, სანქციები შპს „ენესენ გრუპსა“ და შპს „მიკროსაფინანსო ორგანიზაცია MJC“-ს დაეკისრათ.ყველაზე მსხვილი სანქცია, 153 600 ლარის ოდენობით, შპს „ენესენ გრუპს“ დაეკისრა. ეროვნული ბანკის შემოწმების შედეგად გამოვლინდა შემდეგი ძირითადი ხარვეზები: ოპერაციების აღურიცხაობა: გამოვლინდა კლიენტებისა და გარიგებების შესახებ ინფორმაციის ელექტრონულ სისტემაში აღურიცხაობის 19 ფაქტი (ჯარიმა 133 000 ლარი). პროგრამული ხარვეზები: ორგანიზაციის სისტემა ვერ უზრუნველყოფდა საეჭვო და დანაწევრებული გარიგებების გამოვლენას, ასევე სანქცირებული და პოლიტიკურად აქტიური პირების (PEP) იდენტიფიცირებას. წყაროების შეუსწავლელობა: ორ კლიენტთან მიმართებით არ განხორციელებულა ფულადი სახსრების წარმომავლობის შესწავლა. სამეწარმეო რეესტრის მონაცემებით, კომპანიის მფლობელი და დირექტორი ზურაბ ნიკოლაძეა.შპს „მიკროსაფინანსო ორგანიზაცია MJC“ ეროვნულმა ბანკმა 81 500 ლარით დააჯარიმა. ინსპექტირებისას გამოვლენილი დარღვევების ნუსხა ასე გამოიყურება: ინფორმაციის წარუდგენლობა: ფინანსური მონიტორინგის სამსახურისთვის გარიგებების შესახებ ინფორმაციის წარუდგენლობის 25 ფაქტი (ჯარიმა 50 000 ლარი). მონიტორინგის ხარვეზები: სამ კლიენტთან მიმართებით დაირღვა საქმიანი ურთიერთობის მონიტორინგის წესი და არ იქნა შესწავლილი სახსრების წარმომავლობა. სანქციების რეჟიმის დარღვევა: ორგანიზაციის პროგრამული სისტემა მნიშვნელოვანი ხარვეზებით ფუნქციონირებდა სანქციათა რეჟიმების შესრულების კუთხით. საჯარო რეესტრის თანახმად, აღნიშნული კომპანიის მფლობელი და დირექტორი მახარე ჯამრიშვილია.

1773915617

საგარეო უწყებაში აღნიშნავენ, რომ ვაშინგტონის გადაწყვეტილება პრეზიდენტ დონალდ ტრამპის ადმინისტრაციის საერთო მკაცრი საემიგრაციო პოლიტიკის ნაწილია, რაც კონკრეტულ შეზღუდვებში აისახება.სამინისტრო მოუწოდებს საქართველოს მოქალაქეებს, მკაცრად დაიცვან აშშ-ის სავიზო რეგულაციები და არ დაარღვიონ მოქმედი რეჟიმი. უწყების განცხადებით, წესების დაცვა ქვეყანას საშუალებას მისცემს, მომავალში გააგრძელოს მუშაობა ამერიკულ მხარესთან აღნიშნული შეზღუდვების გადახედვის საკითხზე.„ეს გადაწყვეტილება გამკაცრებული საემიგრაციო პოლიტიკის ნაწილია. შესაბამისად, მოვუწოდებთ საქართველოს მოქალაქეებს, მკაცრად დაიცვან აშშ-ის სავიზო რეგულაციები, რაც საქართველოს მისცემს შესაძლებლობას, გააგრძელოს მუშაობა ამერიკულ მხარესთან აღნიშნულ საკითხზე“, - ნათქვამია სამინისტროს განცხადებაში.აშშ-ის სახელმწიფო დეპარტამენტის მიერ ინიციირებული სავიზო გირაოს პროგრამა წარმოადგენს მექანიზმს, რომლის მიზანია არალეგალური მიგრაციის პრევენცია და იმ პირთა რაოდენობის შემცირება, რომლებიც აშშ-ში ყოფნის კანონიერ ვადებს (Overstay) აჭარბებენ.პროგრამა ფოკუსირებულია ე.წ. „მაღალი რისკის“ ქვეყნებზე, სადაც ვიზის მოთხოვნებსა და რეალურ დარჩენის ვადებს შორის მნიშვნელოვანი დისბალანსი ფიქსირდება. ვის ეხება: ძირითადად არასაემიგრაციო, მოკლევადიან ვიზებს - B1 (ბიზნესი) და B2 (ტურიზმი/მკურნალობა). ფინანსური ვალდებულება: გირაოს თანხა მერყეობს $5 000-დან $15 000-მდე და ინიშნება ინდივიდუალურად, საკონსულო ოფიცრის გადაწყვეტილებით. დაბრუნების პირობა: თანხა ჩვეულებრივ ბრუნდება მას შემდეგ, რაც ვიზის მფლობელი დადგენილ ვადებში დატოვებს აშშ-ის ტერიტორიას. 2026 წლის 18 მარტის გადაწყვეტილებით, პროგრამაში ჩართული ქვეყნების რაოდენობა 50-მდე გაიზარდა. საქართველო იმ 12 ახალ ქვეყანას შორის მოხვდა, რომლებზეც რეგულაცია 2 აპრილიდან გავრცელდება.

1773910492

თავდასხმებმა გაამძაფრა მოლოდინები, რომ ჰორმუზის სრუტის ჩაკეტვით გამოწვეული გლობალური ენერგეტიკული კრიზისი იმაზე ხანგრძლივი და მასშტაბური იქნება, ვიდრე ვარაუდობდნენ.საერთაშორისო ეტალონური Brent-ის მარკის ნავთობის ფასი ბარელზე თითქმის 114 დოლარამდე გაიზარდა (ომის დაწყების წინა დღეს მისი ფასი 73 დოლარზე ნაკლები იყო).ევროპაში ბუნებრივი აირის ფასები ხუთშაბათს 24%-ით გაიზარდა.

1773910101

სამხედრო ძალების განლაგებამ შესაძლოა ტრამპს დამატებითი არჩევანი მისცეს იმ ფონზე, როდესაც იგი აშშ-ის ოპერაციების გაფართოებას განიხილავს. ირანის ომი უკვე მესამე კვირაა მიმდინარეობს. Reuters-ის წყაროების თქმით, ეს ვარიანტები მოიცავს ჰორმუზის სრუტის გავლით ნავთობის ტანკერების უსაფრთხო გადაადგილების უზრუნველყოფას, რაც ძირითადად საჰაერო და საზღვაო ძალების მეშვეობით უნდა განხორციელდეს. თუმცა, სრუტის უსაფრთხოების დაცვა შესაძლოა ირანის სანაპირო ზოლზე ამერიკული ჯარების გადასხმასაც ნიშნავდეს - აცხადებს ოთხი წყარო, მათ შორის აშშ-ის ორი ოფიციალური პირი.Reuters-მა წყაროებს ანონიმურობის უფლება სამხედრო დაგეგმარებაზე საუბრის გამო მიანიჭა.ტრამპის ადმინისტრაციამ ასევე განიხილა სახმელეთო ძალების გაგზავნა ირანის კუნძულ ხარგზე, სადაც ირანის ნავთობის ექსპორტის 90% იყრის თავს - აცხადებს სამი ინფორმირებული პირი და აშშ-ის სამი ოფიციალური პირი. ერთ-ერთი ჩინოვნიკის თქმით, მსგავსი ოპერაცია ძალიან სარისკო იქნებოდა, რადგან ირანს აქვს შესაძლებლობა კუნძულს რაკეტებითა და დრონებით მისწვდეს.ამერიკის შეერთებულმა შტატებმა კუნძულზე მდებარე სამხედრო ობიექტებზე იერიში 13 მარტს მიიტანა, ტრამპი კი კრიტიკულ ნავთობის ინფრასტრუქტურაზე დარტყმითაც დაიმუქრა. თუმცა, ირანის ეკონომიკაში კუნძულის სასიცოცხლო როლის გათვალისწინებით, სამხედრო ექსპერტების აზრით, მისი გაკონტროლება უფრო გონივრული ვარიანტია, ვიდრე მისი განადგურება.Reuters წერს, ნებისმიერი ტიპის სახმელეთო ჯარების გამოყენება, თუნდაც შეზღუდული მისიით - ტრამპისთვის დიდ პოლიტიკურ რისკებს შეიცავს, რადგან ამერიკულ საზოგადოებაში ირანის კამპანიას დაბალი მხარდაჭერა აქვს. გარდა ამისა, თავად ტრამპის საარჩევნო დაპირება იყო, რომ აშშ-ს ახლო აღმოსავლეთის ახალ კონფლიქტებში არ გახვევდა.ერთ-ერთი ინფორმირებული პირის თქმით, ადმინისტრაციის მაღალჩინოსნებმა ასევე განიხილეს ირანის მაღალგამდიდრებული ურანის მარაგების უსაფრთხოების მიზნით ამერიკული ძალების განლაგების შესაძლებლობა.წყაროებს არ სჯერათ, რომ ირანის ტერიტორიაზე სახმელეთო ჯარების გადასხმა გარდაუვალია, თუმცა უარი თქვეს აშშ-ის ოპერატიული დაგეგმარების დეტალების განხილვაზე. ექსპერტების აზრით, ურანის მარაგების დაცვა უკიდურესად რთული და სარისკო ამოცანაა აშშ-ის სპეცდანიშნულების რაზმებისთვისაც კი. თეთრი სახლის ოფიციალურმა პირმა, რომელმაც Reuters-თან ანონიმურობა ისურვა, განაცხადა: „ამ დროისთვის სახმელეთო ჯარების გაგზავნის გადაწყვეტილება მიღებული არ არის, თუმცა პრეზიდენტი ტრამპი გონივრულად ინარჩუნებს ყველა შესაძლო ვარიანტს“.„პრეზიდენტი ფოკუსირებულია ოპერაცია „Epic Fury“-ის (ეპიკური რისხვა) ყველა განსაზღვრული მიზნის მიღწევაზე: ირანის ბალისტიკური რაკეტების შესაძლებლობების განადგურებაზე, მათი ფლოტის მოსპობაზე, რეგიონში მათი ტერორისტული მარიონეტების დესტაბილიზაციის აღკვეთასა და იმის გარანტიაზე, რომ ირანი ვერასდროს დაეუფლება ბირთვულ იარაღს“.პენტაგონმა Reuters-თან კომენტარზე უარი განაცხადა.ეს დისკუსიები მიმდინარეობს იმ ფონზე, როდესაც აშშ-ის სამხედრო ძალები აგრძელებენ შეტევებს ირანის ფლოტზე, რაკეტებისა და დრონების მარაგებსა და თავდაცვის ინდუსტრიაზე. აშშ-ის ცენტრალური სარდლობის (CENTCOM) მიერ ოთხშაბათს გამოქვეყნებული მონაცემებით, 28 თებერვალს ომის დაწყებიდან დღემდე, ამერიკამ 7 800-ზე მეტი დარტყმა განახორციელა და 120-ზე მეტი ირანული ხომალდი დააზიანა ან გაანადგურა.დანაკარგები აშშ-ის მხარესტრამპმა განაცხადა, რომ მისი მიზნები ირანის სამხედრო პოტენციალის შესუსტებაზე მეტია და მოიცავს სრუტეში უსაფრთხო ნავიგაციის უზრუნველყოფასა და ბირთვული იარაღის შექმნის პრევენციას. სახმელეთო ძალებს შეუძლიათ მისი არჩევანი გააფართოონ, თუმცა მათ დიდი რისკი ახლავს. სამხედროების განცხადებით, ირანში პირდაპირი კონფლიქტის გარეშეც, ომის განმავლობაში უკვე დაიღუპა 13 ამერიკელი სამხედრო, ხოლო 200-მდე დაიჭრა (მათი უმეტესობის დაზიანებები მსუბუქია).Reuters წერს, წლების განმავლობაში ტრამპი აკრიტიკებდა თავის წინამორბედებს კონფლიქტებში ჩართვის გამო და პირობას დებდა, რომ აშშ-ს საგარეო ომებისგან შორს დაიჭერდა. თუმცა, ბოლო დროს მან უარი თქვა გამოერიცხა ირანში „ჩექმის მიწაზე“ (boots on the ground) - ანუ სახმელეთო ოპერაციის შესაძლებლობა.თეთრი სახლის მაღალჩინოსანმა Reuters-ს განუცხადა, რომ ტრამპს ირანის ბირთვული მასალების ხელში ჩასაგდებად სხვადასხვა გზა აქვს, თუმცა ჯერ არ გადაუწყვეტია, როგორ იმოქმედოს. „რა თქმა უნდა, არსებობს გზები, რომლითაც ამის მოპოვება შესაძლებელია“, - აღნიშნა მან.ოთხშაბათს, კონგრესმენების წინაშე წერილობითი მოხსენებისას, ეროვნული დაზვერვის დირექტორმა ტულსი გაბარდმა განაცხადა, რომ ირანის ბირთვული გამდიდრების პროგრამა ივნისის დარტყმების შედეგად განადგურდა, ხოლო მიწისქვეშა ობიექტების შესასვლელები „ცემენტით ამოივსო და დაიკეტა“.წყაროების თქმით, დისკუსიები ძალების გაძლიერებაზე სცდება მომავალ კვირას ახლო აღმოსავლეთში ამფიბიური მზადყოფნის ჯგუფის (Amphibious Ready Group) ჩასვლას, რომელსაც 2 000-ზე მეტი საზღვაო ქვეითი ახლავს. თუმცა, ერთ-ერთი წყაროს თქმით, აშშ-ის არმიამ მნიშვნელოვანი ძალა დაკარგა მას შემდეგ, რაც ავიამზიდ USS Gerald R. Ford-ზე გაჩენილი ხანძრის გამო მისი საბერძნეთში ტექნიკური მომსახურებისთვის გაგზავნა გადაწყდა.Reuters წყაროებზე დაყრდნობით წერს, ტრამპი მერყეობს იმაზე, უნდა დაიცვას თუ არა აშშ-მა ჰორმუზის სრუტე. მას შემდეგ, რაც თავდაპირველად თქვა, რომ აშშ-ის ფლოტს შეეძლო გემების გაცილება, მან სხვა ქვეყნებს მოუწოდა ამ საკვანძო წყლის გზის გახსნაში დახმარება. მოკავშირეების მხრიდან დაბალი ინტერესის გამო, ტრამპმა ოთხშაბათს უბრალოდ წასვლაზეც კი ისაუბრა.„მაინტერესებს რა მოხდებოდა, უბრალოდ რომ „ბოლო მოვუღოთ“ იმას, რაც დარჩა ირანის ტერორისტული სახელმწიფოსგან და დავუტოვოთ პასუხისმგებლობა ე.წ. „სრუტეზე“ იმ ქვეყნებს, რომლებიც მას იყენებენ? ჩვენ მას არ ვიყენებთ“, - დაწერა ტრამპმა Truth Social-ზე.

1773907893

ავიაგადამზიდავების შეფასებით, მთავარი პრობლემა უკავშირდება საჰაერო სივრცის უსაფრთხოებას, რის გამოც კომპანიები იძულებულნი ხდებიან შეცვალონ ტრადიციული მარშრუტები და აირიდონ მაღალი რისკის ზონები. ეს კი ფრენების გახანგრძლივებას და საწვავის ხარჯების ზრდას იწვევს.დარგის წარმომადგენლები აღნიშნავენ, რომ ალტერნატიული მარშრუტების გამოყენება ზრდის ოპერაციულ ხარჯებს, რაც საბოლოოდ აისახება მგზავრებზე — ბილეთების ფასის ზრდის სახით. ამასთან, გარკვეული მიმართულებებით ფრენების სიხშირე შესაძლოა შემცირდეს, ხოლო ზოგიერთი რეისი დროებით შეჩერდეს კიდეც.ექსპერტების თქმით, განსაკუთრებით მგრძნობიარეა ის მიმართულებები, რომლებიც ახლო აღმოსავლეთსა და მის მიმდებარე რეგიონებს უკავშირდება. სწორედ ამ ზონებში ხდება ყველაზე ხშირად საჰაერო სივრცის გადაკეტვა ან შეზღუდვა, რაც ავიაკომპანიებს გეგმების გადახედვას აიძულებს.ანალიტიკოსები მიიჩნევენ, რომ თუ უსაფრთხოების გარემო არ დასტაბილურდება, მიმდინარე ტენდენცია გაგრძელდება და გავლენას მოახდენს როგორც მგზავრთა ნაკადზე, ისე მთლიანად საავიაციო სექტორის ფინანსურ მდგომარეობაზე.

1773907526

გამოცემის მიხედვით, აშშ და ისრაელი ბაქოს განიხილავენ, როგორც შესაძლო პარტნიორს ირანის წინააღმდეგ მიმართულ სცენარში, მათ შორის, სახმელეთო ოპერაციებში მონაწილეობის კუთხით.სტატიაში აღნიშნულია, რომ აზერბაიჯანის არჩევა დაკავშირებულია მის მჭიდრო სამხედრო-ტექნიკურ თანამშრომლობასთან ისრაელთან, სტრატეგიულ ურთიერთობებთან დასავლეთთან და ენერგეტიკულ როლთან ევროპისთვის.გამოცემა ასევე მიუთითებს, რომ მსგავსი სცენარი შეიცავს შიდა რისკებსაც, მათ შორის, ერთიანობის ნაკლებობას უსაფრთხოების სტრუქტურებში და შესაძლო დესტაბილიზაციას კონფლიქტის დაწყების შემთხვევაში.სტატიაში ყურადღება გამახვილებულია იმაზეც, რომ კონფლიქტის შემთხვევაში შესაძლოა გააქტიურდეს „ზანგეზურის დერეფნის“ საკითხი, რაც რეგიონში დამატებით დაძაბულობას გამოიწვევს.გამოცემის შეფასებით, მოვლენების ასეთი განვითარება საფრთხეს შეუქმნის არა მხოლოდ აზერბაიჯანს, არამედ მთლიანად სამხრეთ კავკასიის სტაბილურობას.

1773906117

დამატებითი რეისების განრიგი შემდეგია:✔️ თბილისი-ბათუმი-თბილისი (#888/887)თბილისიდან გასვლა: 21:00ბათუმში ჩასვლა: 02:22ბათუმიდან გამოსვლა: 08:45თბილისში ჩამოსვლა: 13:44✔️ თბილისი-ფოთი-თბილისი (#872/871)თბილისიდან გასვლა: 09:10ფოთში ჩასვლა: 14:45ფოთიდან გამოსვლა: 17:20თბილისში ჩამოსვლა: 22:54✔️ თბილისი-ზუგდიდი-თბილისი (#878/877)თბილისიდან გასვლა: 18:30ზუგდიდში ჩასვლა: 00:40ზუგდიდიდან გამოსვლა: 08:35თბილისში ჩამოსვლა: 14:44რაც შეეხება სამგზავრო მატარებლების რეგულარულ განრიგს:✔️ თბილისი-ბათუმი-თბილისი (#802/801)თბილისიდან გასვლა: 08:00ბათუმში ჩასვლა: 13:12ბათუმიდან გამოსვლა: 16:50თბილისში ჩამოსვლა: 21:49✔️ თბილისი-ბათუმი-თბილისი (#804/803)თბილისიდან გასვლა: 17:10ბათუმში ჩასვლა: 22:22ბათუმიდან გამოსვლა: 08:00თბილისში ჩამოსვლა: 12:59✔️ თბილისი-ფოთი-თბილისი (#874/873)თბილისიდან გასვლა: 17:30ფოთში ჩასვლა: 23:00ფოთიდან გამოსვლა: 07:10თბილისში ჩამოსვლა: 12:39✔️ თბილისი-ზუგდიდი-თბილისი (#870/869)თბილისიდან გასვლა: 08:15ზუგდიდში ჩასვლა: 14:25ზუგდიდიდან გამოსვლა: 17:10თბილისში ჩამოსვლა: 23:19✔️ თბილისი-ოზურგეთი-თბილისი (#854/953)თბილისიდან გასვლა: 08:25ოზურგეთში ჩასვლა: 15:37ოზურგეთიდან გამოსვლა: 08:35თბილისში ჩამოსვლა: 14:44✔️ თბილისი-ბორჯომი-თბილისი (#618/617)თბილისიდან გასვლა: 06:35ბორჯომში ჩასვლა: 10:48ბორჯომიდან გამოსვლა: 16:30თბილისში ჩამოსვლა: 20:50✔️ თბილისი-ბორჯომი-თბილისი (#686/685)თბილისიდან გასვლა: 18:45ბორჯომში ჩასვლა: 22:58ბორჯომიდან გამოსვლა: 5:50თბილისში ჩამოსვლა: 10:10✔️ თბილისი-გარდაბანი-თბილისი (#6413/6414)თბილისიდან გასვლა: 07:10გარდაბანში ჩასვლა: 08:16გარდაბნიდან გამოსვლა: 08:30თბილისში ჩამოსვლა: 09:39✔️ თბილისი-გარდაბანი-თბილისი (#6415/6416)თბილისიდან გასვლა: 19:00გარდაბანში ჩასვლა: 20:06გარდაბნიდან გამოსვლა: 20:20თბილისში ჩამოსვლა: 21:29ბილეთების აღება შესაძლებელია საქართველოს რკინიგზის სალაროებში პირადობის დამადასტურებელი მოწმობის საფუძველზე. სამგზავრო რეისებზე ბილეთების გაცემა დღეს 17:00 საათიდან დაიწყება. დამატებითი შეკითხვების შემთხვევაში, შეგიძლიათ, დაუკავშირდეთ საქართველოს რკინიგზის ცხელ ხაზს: 1331 ან 2199010(R)

1773905853