ევროდეპუტატი: საქართველოს ადგილი ევროპაშია, „ოცნების“ - არა

მაკალისტერის შეფასებით, საქართველომ ევროკომისიისგან უპრეცედენტოდ მძიმე განაჩენი მიიღო. მისი თქმით, 2025 წლის ანგარიში არის „ყველაზე ცუდი, რაც კი ოდესმე კანდიდატ ქვეყანაზე გაკეთებულა“, რის გამოც საქართველოს სტატუსი ამ ეტაპზე მხოლოდ ფორმალურ ხასიათს ატარებს.„საქართველო კანდიდატ ქვეყნად მხოლოდ „სახელით“ განიხილება. ბევრი მიზეზია ასეთი შეფასებისთვის, მაგრამ საქართველოს უარყოფითი ტრაექტორიისთვის პასუხისმგებლობა მთლიანად მმართველ პარტიაზეა“, - წერს საგარეო საქმეთა კომიტეტის თავმჯდომარე.დევიდ მაკალისტერმა ხაზი გაუსვა ევროპარლამენტის ურყევ პოზიციას ქართველი ხალხის მიმართ და აღნიშნა, რომ ინსტიტუტი აგრძელებს საქართველოს მოქალაქეების სოლიდარობასა და მათი ლეგიტიმური ევროატლანტიკური მისწრაფებების მხარდაჭერას. Today, we began with the presentations of the draft reports on enlargement. The first draft report is on the 2025 Commission report on Georgia. Unfortunately, Georgia continued its dramatic democratic backsliding. In fact, Georgia received a damning verdict from the Commission as — davidmcallister (@davidmcallister) February 25, 2026 ევროპარლამენტის საგარეო საქმეთა კომიტეტში წარდგენილი 2025 წლის ანგარიში საქართველოს შესახებ ერთ-ერთ ყველაზე მძიმე დოკუმენტად ფასდება გაფართოების ისტორიაში. მომხსენებელ რასა იუკნევიჩიენეს განცხადებით, „ქართულმა ოცნებამ“ ქვეყნის ევროპული გზა საპირისპირო მიმართულებით შეცვალა, რის გამოც დღის წესრიგში დგება მიზნობრივი სანქციების დაწესება ბიძინა ივანიშვილისა და სხვა პასუხისმგებელი პირების მიმართ.ევროპარლამენტარები აფრთხილებენ მმართველ გუნდს, რომ ოპოზიციური პარტიების შესაძლო აკრძალვამ და სამოქალაქო საზოგადოებაზე რეპრესიებმა, შესაძლოა, უვიზო მიმოსვლის შეჩერება გამოიწვიოს.პარალელურად, ევროპარლამენტში ხაზს უსვამენ გეოპოლიტიკურ კონტექსტსაც: ბერნარდ გეტას შეფასებით, საქართველოს ევროპული მომავალი პირდაპირ არის დაკავშირებული უკრაინის გამარჯვებასთან, ხოლო ნაჩო სანჩეს ამორი ოპოზიციურ ძალებს საერთო პოლიტიკური ხედვის ჩამოყალიბებისკენ მოუწოდებს. განხილვებისას ასევე განსაკუთრებული ყურადღება დაეთმო სახაროვის პრემიის ლაურეატის, პატიმრობაში მყოფი მზია ამაღლობელის გათავისუფლების საკითხს.

1772016288

GBC სრულად გთავაზობთ „საქართველოს განვითარების ფონდის“ განცხადების ტექსტს:„დაუსაბუთებლად გაჟღერებული მოსაზრებების საპასუხოდ, მიზანშეწონილად მივიჩნევთ, მოგაწოდოთ მცირე, თუმცა მნიშვნელოვანი ინფორმაცია ფონდის ბოლო 2-წლიანი ფინანსური შედეგებისა და დაარსებიდან დღემდე განხორციელებული პროექტების შესახებ.საერთაშორისო აუდიტორული კომპანია „Nexia“-ს ანგარიშის მიხედვით, ფონდის 2024 წლის წმინდა მოგებამ 35.8 მლნ ლარი, საოპერაციო მოგებამ – 23 მლნ ლარი შეადგინა, ხოლო ჯამური აქტივების ღირებულებამ 360 მლნ ლარს გადააჭარბა.2025 წლის წინასწარი მონაცემებით, ფონდმა წელი 27 მლნ ლარის მოგებით დაასრულა და ყველა ფინანსური ინდიკატორი დადებითია. ფონდმა გაზარდა როგორც ლიკვიდურობა, აგრეთვე – აქტივები და კაპიტალი. 2025 წლის აუდიტირებული ფინანსური ანგარიშგება კანონმდებლობით დადგენილ ვადებში გასაჯაროვდება.რაც შეეხება ფონდის საქმიანობას 2011 წლიდან დღემდე, ფონდისა და მისი შვილობილი კომპანიების მეშვეობით, წლების განმავლობაში, სახელმწიფო ბიუჯეტში შეტანილმა თანხამ ასეულობით მილიონი ლარი შეადგინა, ხოლო განხორციელებული პროექტების ფარგლებში, შექმნილია 5000-მდე ახალი სამუშაო ადგილი.მოგახსენებთ, რომ 2025 წლის მონაცემებით, დამტკიცებული პროექტების ჯამური საინვესტიციო მოცულობა დაახლოებით, 2 მილიარდ აშშ დოლარამდეა, საიდანაც ფონდის თანამონაწილეობა 264 მილიონ აშშ დოლარს შეადგენს.ფონდის მაღალი ეფექტიანობა დასტურდება მოზიდული კაპიტალის მულტიპლიკატორით: ფონდის მიერ ინვესტირებულ ყოველ 1 აშშ დოლარზე 7.7 აშშ დოლარზე მეტი ინვესტიცია მოდის.ფონდის მხარდაჭერით, მასშტაბური პროექტები განხორციელდა ენერგეტიკის, მაღალტექნოლოგიური წარმოებისა და ტურისტული ინფრასტრუქტურის განვითარების მიზნით, ასევე ბრენდული სასტუმროების მშენებლობისა და სოფლის მეურნეობის დარგების ხელშეწყობის მიმართულებით. მასშტაბურ პროექტებს შორისაა:● „გარდაბნის თბოელექტროსადგური“ – საინვესტიციო მოცულობა 233 მლნ აშშ დოლარი.● ყულევის ნავთობგადამამუშავებელი ქარხანა – საინვესტიციო მოცულობა 188 მლნ აშშ დოლარი.● თვითმფრინავების კომპოზიტური ნაწილების ქარხანა „ATC“ – საინვესტიციო მოცულობა 93 მლნ აშშ დოლარი.● ულტრათანამედროვე რადიოფარმაცევტული საწარმოს მშენებლობა, შპს „ნოვატეკ ინტერნეიშენალი“ – საინვესტიციო მოცულობა 11.3 მლნ აშშ დოლარი● „პანექსი“ (Panex), სენდვიჩ პანელების საწარმო - საინვესტიციო მოცულობა 6.2 მლნ აშშ დოლარი.● სასტუმროები: „ბორჯომი-ლიკანი“, „Radisson Collection Tsinandali“, „ლოპოტა სპა რეზორტი“ (გაფართოება), „Gino Wellness Rabati“, „როიალ ბატონი“, კურორტი „საირმე“, „Best Western Kutaisi“ და „ჰილტონ აბასთუმანი“ – პროექტების საერთო საინვესტიციო მოცულობა 160 მლნ აშშ დოლარამდეა.● აგრარულ სექტორში განხორციელებული პროექტების საერთო საინვესტიციო მოცულობა – 23 მლნ აშშ დოლარი.ფონდის შვილობილ კომპანია „სტარტაპ საქართველოს“ პროექტის ფარგლებში, ფონდის მიერ 5 მლნ ლარამდე ოდენობის ინვესტირებით 62 პროექტი დაფინანსდა, რომელთა ჯამურმა საინვესტიციო მოცულობამ 11 მილიონ 258 ათასი ლარი შეადგინა და 600-მდე სამუშაო ადგილი შექმნა.საქართველოში პირველად, ფონდის თანადაფინანსებით, ოპერირება დაიწყო საინვესტიციო ფონდებმა (Gazelle Fund და Caucasus Clean Energy Fund), სადაც თანაინვესტორები არიან ნიდერლანდების განვითარების ბანკი (FMO), ჰოლანდიის საგარეო საქმეთა სამინისტროს ფონდი (DGGF), აშშ-ის საერთაშორისო განვითარების საფინანსო კორპორაცია (DFC) და სხვა ფინანსური ინსტიტუტები. აღნიშნულ პროექტებში ფონდის მიერ ინვესტირებულ 1 აშშ დოლარმა 7 აშშ დოლარი მოიზიდა.2011 წლიდან დღემდე, ფონდის კუმულაციური ფინანსური შედეგი დადებითია, რაც დადასტურებულია 178.8 მლნ ლარის გაუნაწილებელი მოგებით.2022 წლის ბოლოს, „საერთაშორისო სავალუტო ფონდის“ (IMF) რეკომენდაციების შესაბამისად, დასრულდა მსხვილი სახელმწიფო საწარმოების (სს „საქართველოს რკინიგზა“, სს „საქართველოს ნავთობისა და გაზის კორპორაცია“, სს “საქართველოს სახელმწიფო ელექტროსისტემა“, სს „საქართველოს ელექტროენერგეტიკული ბაზრის ოპერატორი (ესკო)“) ფონდიდან გატანის პროცესი.აქვე აღვნიშნავთ, რომ ფონდის კონსოლიდირებულ ანგარიშგებებში 2017-2018 წლებში დაფიქსირებული ზარალი სწორედ მის მფლობელობაში არსებული სახელმწიფო კომპანიების ზარალს უკავშირდებოდა. კერძოდ, 2017 წელს ფონდის კონსოლიდირებულ ანგარიშგებაში 632.7 მლნ ლარამდე ასახული ზარალი, ძირითადად, განპირობებული იყო „საქართველოს რკინიგზის“ ბალანსიდან ე.წ. „შემოვლითი რკინიგზის“ დაუმთავრებელი პროექტის აქტივის გაუფასურებით, რაც აისახა დიდი ოთხეულის წევრი აუდიტორული კომპანიის KPMG-ის აუდიტორულ ანგარიშში.მოგეხსენებათ, „საქართველოს განვითარების ფონდი“ (ყოფილი „საპარტნიორო ფონდი“) არასდროს ყოფილა სახელმწიფო ბიუჯეტზე დამოკიდებული, შესაბამისად, ფონდი საკუთარი სახსრებით უზრუნველყოფდა თავის საინვესტიციო პოლიტიკასა და საქმიანობას.ამ დრომდე, ფონდი აქტიურად მუშაობს საინფორმაციო ტექნოლოგიების, მაღალტექნოლოგიური წარმოების, ენერგეტიკისა და სოფლის მეურნეობის პროდუქტის გადამამუშავებელი წარმოების მიმართულებებით. მიმდინარეობს მოლაპარაკებები ევროპისა და აზიის ექსპორტის სააგენტოებთან და ფინანსურ ინსტიტუტებთან, როგორც იაფი ფინანსური რესურსების მოსაზიდად, აგრეთვე – ქვეყნისთვის აუცილებელი ტექნოლოგიური ტრანსფერების მიმართულებით. ამჟამად, განხილვაში არსებული პერსპექტიული პროექტების ჯამური საინვესტიციო ღირებულება 290 მილიონ აშშ დოლარს შეადგენს, საიდანაც ფონდის სავარაუდო თანამონაწილეობა 70 მილიონი აშშ დოლარის ოდენობით განიხილება.„საქართველოს განვითარების ფონდი“, წარსულში – „საპარტნიორო ფონდი“, თავისი საქმიანობის ყველა მნიშვნელოვან და რთულ ეტაპზე გამოირჩეოდა გამჭვირვალობის მაღალი ხარისხით, შესაბამისად, როგორც სხვადასხვა მედიასაშუალებისთვის, ასევე – ფონდის საქმიანობით გულწრფელად დაინტერესებული ნებისმიერი ცალკეული პირისათვის, ორგანიზაციის კარი ყოველთვის ღიაა. ამასთან, ფონდის მენეჯმენტი მზადაა, დაინტერესების შემთხვევაში, ნებისმიერ დროს, როგორც საკომიტეტო, ასევე პლენარული სხდომის ფორმატში, ინფორმაცია მიაწოდოს საქართველოს პარლამენტის წევრებს, მიუხედავად მათი ფრაქციული კუთვნილებისა და შესაბამისად, საქართველოს მოსახლეობას, რათა მათ ჰქონდეთ სრულყოფილი ინფორმაცია ფონდის საქმიანობის შესახებ.მოვუწოდებთ ყველა მედისაშუალებასა და საზოგადოების წევრს, თავი შეიკავონ გადაუმოწმებელი და დაუსაბუთებელი ინფორმაციის გავრცელებისგან, რაც წარმოადგენს მცდელობას, შეცდომაში შეიყვანონ საზოგადოება და მიზნად ისახავს ფონდის რეპუტაციის შელახვას, მის წარმოჩენას წარუმატებელ, წამგებიან ორგანიზაციად.ფონდის მიერ რეგულარულად გავრცელებული ფინანსური დოკუმენტაცია და დამოუკიდებელი აუდიტის ანგარიშები, რომლებიც ასახავს დღემდე ყველა განხორციელებულ ოპერაციას და ადასტურებს საქმიანობის გამჭვირვალობას, გამოქვეყნებულია ორგანიზაციის ოფიციალურ ვებგვერდზე (https://fund.ge/). წარმატებას ვუსურვებთ ორგანიზაციას, რომელიც მთავრობის მიერ დაანონსებული რეფორმების ფარგლებში დაფუძნდება და გააგრძელებს „საქართველოს განვითარების ფონდის“ საქმიანობას. გვჯერა, რომ ფონდის მრავალწლიანი წარმატებული საქმიანობა მნიშვნელოვანი საფუძველი გახდება ახალი საფინანსო ინსტიტუტისთვის“, – ნათქვამია ფონდის განცხადებაში.

1772016021

წესები მარტივია: გამარჯვებულია ის, ვინც Coca-Cola Rewards Georgia-ს აპლიკაციაში ყველაზე მეტ ნაბიჯს დააგროვებს და ლიდერბორდის ტოპ ხუთეულში მოხვდება. აქციები საჩუქრის სახით თიბისის მობაილბანკის საინვესტიციო პლატფორმაზე დაირიცხება.თიბისისა და “კოკა-კოლა ბოთლერს ჯორჯიას” 12-წლიანი პარტნიორობის განმავლობაში არაერთი პროექტი აქვთ ერთობლივად განხორციელებული. ახალი ინიციატივის მიზანია, გაზარდოს ცნობადობა და ხელმისაწვდომობა ალტერნატიულ საინვესტიციო პროდუქტებზე; ასევე, მეტ ადამიანს მისცეს მოტივაცია, დაიწყოს ინვესტირება აშშ-ის საფონდო ბირჟაზე, 1 დოლარიდან.ლიდერბორდში მონაწილეობის მისაღებად, თიბისი მობაილბანკის საინვესტიციო ანგარიში და Coca-Cola Rewards Georgia აპლიკაცია დაგჭირდებათ: Coca-Cola Rewards Georgia-ს აპლიკაციაში უნდა შეიყვანოთ კოკა-კოლას თავსახურზე მოთავსებული კოდი; შემდეგ კი, შეძლებთ, გაააქტიუროთ სიარულის რეჟიმი და გაიაროთ, რაც შეიძლება მეტი ნაბიჯი.გათამაშება 16 თებერვლიდან 13 აპრილის ჩათვლით გაგრძელდება და სულ 20 გამარჯვებულს გამოავლენს. ორ კვირაში ერთხელ, ტოპ 5 კონკურსანტი მიიღებს კოკა-კოლას აქციებს, 200-დან 1000 დოლარამდე.თიბისის მობაილბანკში საინვესტიციო ანგარიშის გახსნა 1 წუთზე ნაკლებ დროშია შესაძლებელი. პლატფორმის მეშვეობით, შეგიძლიათ, გახდეთ აშშ-ის ბირჟაზე წამყვანი კომპანიების აქციების მფლობელი და დააგროვოთ ინვესტიცია.თუ ჯერ არ გაქვთ საინვესტიციო ანგარიში, გახსენით: https://app.tbcbank.ge/YiId/rhkvpcsaთამაშის წესებს დეტალურად, შეგიძლიათ გაეცნოთ ბმულზე.

1772014969

Top|Card მომხმარებლის საჭიროებებზე მორგებით შეიქმნა: მან ერთ პროდუქტში გააერთიანა მოქნილი გადახდები, განვადება და საკრედიტო ლიმიტი. ბაზარზე გამოჩენისთანავე ბარათმა მომხმარებლის ნდობა მოიპოვა, რის შედეგადაც ორი წლის განმავლობაში მფლობელთა რაოდენობა მნიშვნელოვნად გაიზარდა და ქვეყნის მასშტაბით პარტნიორი ობიექტების ქსელიც გაფართოვდა.მომხმარებლები აქტიურად სარგებლობენ 0%-იანი გადანაწილების შეთავაზებებით, რაც მათ ხარჯების მოქნილად დაგეგმვაში ეხმარება. დღეს Top|Card თანაბარი წარმატებით გამოიყენება როგორც ფიზიკურ მაღაზიებში, ისე ონლაინ შოპინგისთვის. მისი მთავარი უპირატესობა ინდივიდუალური საკრედიტო ლიმიტი და თანხის სასურველ პერიოდზე გადანაწილების შესაძლებლობაა. გარდა ამისა, ბარათის მფლობელები სპეციალური აქციების ფარგლებში მაღალი ქეშბექითაც სარგებლობენ.ლიბერთის პრემიუმ სეგმენტის, Studio Liberty-ის წევრებისთვის, ექსკლუზიურად შეიქმნა Top|Card Black Edition. გაუმჯობესებულ ქეშბექთან ერთად, ბარათი მფლობელებს დამატებით სამოგზაურო ბენეფიტებს სთავაზობს: წვდომა 1,200-ზე მეტ აეროპორტის ლაუნჯზე; Fast Track სერვისი; საერთაშორისო სამოგზაურო დაზღვევა; კონსიერჟის მხარდაჭერა მსოფლიოს ნებისმიერ წერტილში — ყოველგვარი სავალდებულო ბრუნვის მოთხოვნის გარეშე. Top|Card-ის აღება შესაძლებელია ლიბერთის ფილიალებში, პარტნიორ ობიექტებში განთავსებულ გაყიდვების წერტილებში ან დისტანციურად, ონლაინ განაცხადის შევსებით. (R)

1772014338

მერცმა ლის განუცხადა, რომ გერმანია დიდ მნიშვნელობას ანიჭებს ჩინეთთან, მის გასული წლის უმსხვილეს სავაჭრო პარტნიორთან, ინტენსიური ეკონომიკური ურთიერთობების შენარჩუნებასა და გაღრმავებას. ამასთან, მან ხაზი გაუსვა სამართლიანი თანამშრომლობისა და ღია კომუნიკაციის უზრუნველყოფის აუცილებლობას. „ჩვენ გვაქვს ძალიან კონკრეტული წუხილები ჩვენს თანამშრომლობასთან დაკავშირებით, რომლის გაუმჯობესება და სამართლიან ჩარჩოებში მოქცევა გვსურს“, - განაცხადა მერცმა, რომელსაც რთული ამოცანა აკისრია: მან ხელახლა უნდა განსაზღვროს ეკონომიკური ურთიერთობა, რომელიც სულ უფრო არახელსაყრელი ხდება გერმანული ინტერესებისთვის.პრემიერმა ლიმ ორივე მხარეს მოუწოდა ერთობლივი მუშაობისკენ მრავალდარგობრივი და თავისუფალი ვაჭრობის დასაცავად. ეს იყო მინიშნება აშშ-ის პრეზიდენტ დონალდ ტრამპის სავაჭრო ომზე, რომელმაც შეცვალა გლობალური სავაჭრო სისტემა.„ჩინეთმა და გერმანიამ, როგორც მსოფლიოს ორმა უმსხვილესმა ეკონომიკამ და მნიშვნელოვანი გავლენის მქონე ქვეყნებმა, უნდა გააძლიერონ ნდობა თანამშრომლობის მიმართ, ერთობლივად დაიცვან მულტილატერალიზმი და თავისუფალი ვაჭრობა და იბრძოლონ უფრო სამართლიანი გლობალური მმართველობის სისტემის შესაქმნელად“, - განაცხადა ლიმ.Reuters წერს, რომ ჩინეთი ცდილობს თავი საიმედო ეკონომიკურ პარტნიორად წარმოაჩინოს აშშ-ის საპირისპიროდ, მაშინ როცა ევროპა ცდილობს მოაგვაროს მიწოდების ჯაჭვების მოწყვლადობის პრობლემა და წუხს ჩინეთზე მზარდი დამოკიდებულების გამო.ევროკომისარმა ვაჭრობის საკითხებში, მაროშ შეფჩოვიჩმა სამშაბათს ევროპარლამენტში გამოსვლისას აღნიშნა, რომ ევროპა ჩინეთში შემაშფოთებელი ტენდენციების აჩქარების მოწმეა. მან დაასახელა ჩინეთის მზარდი დომინირება წარმოების საკვანძო სექტორებში, ორმხრივ ვაჭრობაში არსებული მზარდი დისბალანსი და ჩინეთის ბაზარზე ევროკავშირის კომპანიების წილის შემცირება.მერცი, თავისი პირველი ვიზიტით ჩინეთში, გახდა მორიგი ევროპელი ლიდერი ბრიტანეთის პრემიერ სტარმერისა და კანადის პრემიერ კარნის შემდეგ, რომელიც მიმდინარე წელს პეკინთან ურთიერთობების გადატვირთვას ცდილობს. ამავდროულად, პეკინი აქტიურად უწევს რეკლამას თავის მასშტაბურ სამომხმარებლო ბაზარსა და განვითარებულ საწარმოო ბაზას.Reuters–ის ცნობით, ევროპის უმსხვილეს ეკონომიკასა და ჩინეთს შორის დიალოგმა შესაძლოა განსაზღვროს ევროკავშირი-ჩინეთის ურთიერთობების მიმართულება მიმდინარე წელს. მერცი პეკინში 30-მდე კომპანიისგან შემდგარი დელეგაციით ჩავიდა, მათ შორის არიან ავტოგიგანტები Volkswagen და BMW, რომლებიც მწვავედ გრძნობენ ჩინური კონკურენციის ზეწოლას. სწორედ ეს კონკურენცია უწყობს ხელს სავაჭრო დისბალანსს, რამაც ბერლინში შეშფოთება გამოიწვია და პროტექციონისტული პოლიტიკისკენ მოწოდებები გააჟღერა.Rhodium Group-ის ჩინეთის საკითხების ანალიტიკოსმა, ნოა ბარკინმა აღნიშნა, რომ გერმანიის ეკონომიკა, რომელიც ძლიერ არის დამოკიდებული წარმოებაზე, განსაკუთრებით დააზარალა ჩინელ მწარმოებლებთან კონკურენციამ.ჩინეთის ბაზარი, რომელიც ოდესღაც უცხოური ბიზნესისთვის მიმზიდველი იყო თავისი დიდი სამომხმარებლო ბაზითა და მზარდი მსყიდველობითი უნარით, ბოლო რამდენიმე წელიწადში შეიცვალა. ეკონომიკის შენელებამ შეზღუდა სამომხმარებლო მოთხოვნა, ხოლო წარმოების ჭარბმა სიმძლავრეებმა ჩინური კომპანიები აიძულა, შესაძლებლობები საზღვარგარეთ ეძებნათ.ვიზიტის წინ გამოქვეყნებულ სარედაქციო სტატიებში, ჩინური სახელმწიფო მედია ხაზს უსვამდა ევროკავშირი-ჩინეთის თანამშრომლობის პოტენციალს, რომ ის გახდეს სტაბილიზაციის ძალა, მაშინ როცა აშშ-ის სატარიფო პოლიტიკა გლობალურ ვაჭრობას არყევს. სააგენტო Xinhua-მ ოთხშაბათს დილით გამოქვეყნებულ სტატიაში მოიყვანა გერმანიის სავაჭრო პალატის კვლევა, რომლის მიხედვითაც, ჩინეთში მიღებული ინოვაციური გამოცდილება გერმანულ სათავო ოფისებსაც ეხმარება.სახელმწიფოს მიერ მხარდაჭერილმა გამოცემა Global Times-მა კი დაწერა, რომ ჩინეთთან კონკურენციაზე არსებულ წუხილს გადაწონის ჩინეთის მასშტაბური ბაზრის მიმზიდველობა. „რიტორიკამ, როგორიცაა "სისტემური მეტოქე" და "რისკების შემცირება" (de-risking), ზოგჯერ გაართულა გერმანიის პოლიტიკა ჩინეთის მიმართ. თუმცა, გერმანული ბიზნესსაზოგადოების ენთუზიაზმი და მოქმედებები უფრო ხმამაღლა მეტყველებს, ვიდრე პოლიტიკური სლოგანები“, - ნათქვამია სტატიაში.

1772010689

თითოეული სკოლის გუნდი დაკომპლექტებულია 5 მოსწავლისგან, რომელთაგან სამმა მოსწავლემ წერა მათემატიკის, ორმა კი ფიზიკის ტექსტი.პირველი ტურის შედეგად გამოვლინდება საუკეთესო შედეგის მქონე 10 სკოლა, რომლებიც მონაწილეობას მიიღებენ ფინალურ ეტაპზე. აქ მოსწავლეები ერთმანეთს გუნდურად, პრაქტიკული დავალებების შესრულებაში შეეჯიბრებიან და იმუშავებენ STEM პროექტზე.ამასთან, ფინალურ ეტაპამდე მონაწილე გუნდებს ჩაუტარდებათ 40 საათიანი ციფრული ინჟინერიისა და პროგრამირების კურსი, რომელსაც კომაროვის სკოლის STEM მიმართულების პროფესიონალთა გუნდი გაუძღვება.ოლიმპიადის გამარჯვებულ გუნდს კი საქართველოს ბანკისგან გადაეცემა ფულადი პრიზი.საქართველოს ბანკის და კომაროვის სკოლის STEM ოლიმპიადის შესარჩევ, ონლაინ ტურში მონაწილეობა 160 სკოლის 800-ზე მეტმა მოსწავლემ მიიღო.ინფორმაციისთვის, საქართველოს ბანკისა და კომაროვის სკოლის თანამშრომლობის ფარგლებში, ხორციელდება ერთობლივი პროექტი - STEM სკოლა, რომელიც VII-XI კლასის მოსწავლეებს შესაძლებლობას აძლევს, გაიარონ STEM სკოლის ერთწლიანი სასწავლო კურსი ონლაინ და მიიღონ სერტიფიცირებული, აკადემიური, ხარისხიანი თეორიული და პრაქტიკული ცოდნა. STEM სკოლაში რეგისტრაცია მიმდინარეობს და 2 მარტს დასრულდება.STEM სკოლაში სწავლის მსურველებმა, უნდა გაიარონ რეგისტრაცია ბმულზე.(R)

1772010367

სების მონაცემებით, მიმდინარე წლის იანვარში სესხების წლიურმა ზრდამ, გაცვლითი კურსის ეფექტის გამორიცხვით, 13.4% შეადგინა, რაშიც მნიშვნელოვანი წილი კვლავ ბიზნეს სესხებმა შეიტანა.4Q25-ის მონაცემებით, სესხების მთლიან შიდა პროდუქტთან ფარდობა გრძელვადიანი ტრენდის ქვემოთ ნარჩუნდება, რის შედეგადაც ფარდობის გაპი კვლავ უარყოფითია. 2025 წლის განმავლობაში დაფიქსირებულმა ძლიერმა ეკონომიკურმა ზრდამ სესხების მშპ-თან ფარდობის უარყოფითი გაპის გახანგრძლივებას შეუწყო ხელი, თუმცა სების კომიტეტის შეფასებით, აღნიშნული ფარდობა ეტაპობრივად დაუახლოვდება მის გრძელვადიან დონეს.ამდენად, მიმდინარე ეტაპზე კაპიტალის კონტრციკლური ბუფერის ციკლური კომპონენტის ცვლილების საჭიროება არ იკვეთება. ამასთან, კომერციული ბანკები განაგრძობენ კაპიტალის კონტრციკლური ბუფერის ნეიტრალური კომპონენტის ეტაპობრივ დაგროვებას.

1772007349

რეგულატორის ცნობით, 2025 წლის 31 დეკემბრის მდგომარეობით ეროვნული ბანკის მიერ 11 აქტივების მმართველი კომპანია და 21 საინვესტიციო ფონდი იყო რეგისტრირებული.საინვესტიციო ფონდებისა და აქტივების მმართველი კომპანიების საქმიანობას საქართველოში „საინვესტიციო ფონდების შესახებ“ კანონი და ეროვნული ბანკის მიერ მის საფუძველზე შემუშავებული ჩარჩო არეგულირებს. ახალი ჩარჩო ევროკავშირის შესაბამისი დირექტივებისა და ფასიანი ქაღალდების კომისიათა საერთაშორისო ორგანიზაციის (IOSCO) ძირითად პრინციპებზეა დაფუძნებული.

1772006373