კობახიძე: ჩვენი მთავარი ამოცანა 2028 წლისთვის კოლექტიური „ნაცმოძრაობის“ სრული განეიტრალებაა

თიბისიმ აღიარება ვაჭრობის ხელშეწყობის პროგრამის - TFP-ის - ფარგლებში განხორციელებული ტრანზაქციების რაოდენობის მიხედვით მოიპოვა.  პროგრამის ფარგლებში, EBRD პარტნიორ ბანკებთან ერთად საერთაშორისო ვაჭრობას უჭერს მხარს და ბიზნესებს გლობალურ ბაზრებზე საქმიანობის გაფართოებაში ეხმარება. პროგრამა ყოველწლიურად აჯილდოებს იმ ბანკებს, რომლებიც ამ მიმართულებით ყველაზე აქტიურად მუშაობენ და მნიშვნელოვანი წვლილი შეაქვთ საერთაშორისო ვაჭრობის განვითარებაში. წელს EBRD-მა ყველაზე აქტიური ბანკის ნომინაციაში 22 ქვეყნის ფინანსური ინსტიტუტი დააჯილდოვა.„EBRD-ის ჯილდო თიბისისთვის მნიშვნელოვანი საერთაშორისო აღიარებაა, რომელიც კიდევ ერთხელ ადასტურებს ჩვენს ლიდერულ პოზიციას ბაზარზე. 45%-ზე მეტი წილით ვაჭრობის დაფინანსებაში პირველები ვართ, რაც ჩვენი მომხმარებლებისა და საერთაშორისო პარტნიორების ნდობის შედეგია. 1000-ზე მეტ კლიენტს ვთავაზობთ თანამედროვე და მოქნილ ფინანსურ სერვისებს, რომლებიც მათ საერთაშორისო ბაზრებზე საქმიანობის განვითარებასა და გაფართოებაში ეხმარება. ამ გზით, ხელს ვუწყობთ საერთაშორისო ვაჭრობის ზრდას და საქართველოს ეკონომიკის განვითარებას“, - თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.(R)

1782205968

საიას ცნობით, დეტალურ ინფორმაციას ორგანიზაცია საზოგადოებას 15:00 საათზე მიაწვდის.

1782205342

საკანონმდებლო ინიციატივის ავტორები პარლამენტის წევრები: შოთა ბერეკაშვილი, გიორგი ბარვენაშვილი, თორნიკე ბერეკაშვილი, ანტონ ობოლაშვილი და მარიამ ლაშხი არიან.ცვლილებების თანახმად, ახალი კატეგორიის ნებართვები შემოღებული იქნება სისტემურ-ელექტრონული ფორმით სამორინის, სათამაშო აპარატებისა და ტოტალიზატორის თამაშობების საერთაშორისო ორგანიზებისთვის. ამ ჩარჩოს დანერგვა სხვა ქვეყნებში რეგისტრირებული აზარტული თამაშების ოპერატორების საქართველოში ლეგალურ შემოსვლას წაახალისებს. თუმცა, კანონპროექტის მიხედვით, ამ პლატფორმებზე თამაშის უფლება მხოლოდ უცხო ქვეყნის მოქალაქეებსა და მოქალაქეობის არმქონე პირებს ექნებათ, ხოლო საქართველოს მოქალაქეებს აღნიშნულ ინტერნეტ ვებგვერდებზე წვდომა ავტომატურად აეკრძალებათ.ინიციატორების განმარტებით, მხოლოდ უცხოელებისთვის განკუთვნილ ონლაინ-კაზინოებს სახელმწიფო საგადასახადო შეღავათს სთავაზობს - ისინი დაიბეგრებიან უფრო დაბალი, 5%-იანი მოგების გადასახადის (GGR) განაკვეთით, ნაცვლად 20%-ისა, რომლითაც სტანდარტული, საქართველოს მოქალაქეებისთვის ხელმისაწვდომი ონლაინ-კაზინოები იბეგრებიან. ყოველთვიური 5%-იანი საგადასახადო განაკვეთი მიღებულ ფსონებსა და გაცემულ მოგებას შორის სხვაობაზე დაირიცხება.ამასთან, თითოეული სახის საერთაშორისო ნებართვა 5 წლის ვადით გაიცემა და მისი ყოველწლიური მოსაკრებელი 100 000 ლარით განისაზღვრება. სანებართვო პირობების ან მოსაკრებლის გადახდის ვადის დარღვევისთვის კი 20 000 ლარის ოდენობის ჯარიმა წესდება. პროექტით ასევე მკაცრდება ინტერნეტდომენების შეზღუდვა: თუ მოქმედი წესით 1 ნებართვით მაქსიმუმ 2 ვებგვერდის ოპერირება იყო შესაძლებელი, ახალი კანონით ლიმიტი 1 ნებართვაზე 1 ვებგვერდამდე მცირდება, ხოლო უკვე არსებულ ნებართვებზე მათი მოქმედების დარჩენილი ვადით გარდამავალი პერიოდი იმოქმედებს.კანონპროექტის განმარტებით ბარათში ხაზგასმულია, რომ რეფორმა ერთი მხრივ უზრუნველყოფს საქართველოს მოქალაქეთა დაცვას მავნე ზეგავლენისგან, ხოლო მეორე მხრივ, ხელს შეუწყობს პირდაპირი უცხოური ინვესტიციების ზრდას, მომსახურების სფეროს განვითარებას, ქვეყანაში მაღალკვალიფიციური ტექნოლოგიური და მარკეტინგული კადრების შემოსვლას და სახელმწიფო ბიუჯეტში დამატებითი შემოსავლების აკუმულირებას.

1782204618

საკანონმდებლო ცვლილებების ავტორები და ინიციატორები პარლამენტის წევრები: პაატა კვიჟინაძე, ირაკლი ხელაძე, ბეჟან წაქაძე, ზურაბ რურუა, გიორგი ბარვენაშვილი და ლევან მაჭავარიანი არიან.ახალი რეგულაციების თანახმად, გარდამავალი პერიოდი 2027 წლიდან დაიწყება, როდესაც საგადასახადო ორგანოში რეგისტრაციას მხოლოდ ახალი სტანრდარტის საკონტროლო-სალარო ტექნიკა დაექვემდებარება. ამასთან, ბიზნესს მიეცემა შესაძლებლობა, 2028 წლის 1-ელ მაისამდე შეუფერხებლად გამოიყენოს უკვე რეგისტრირებული ძველი სალარო აპარატები და ტერმინალები.კანონის მიხედვით, გადასახადის გადამხდელების ახალი ტექნიკით უზრუნველყოფას, ისევე როგორც მათ შემდგომ ტექნიკურ მომსახურებას, ბაზარზე მხოლოდ საქართველოს მთავრობის მიერ შერჩეული ერთი ოპერატორი განახორციელებს. აღნიშნული სერვისის საფასურის ოდენობასა და გადახდის კონკრეტულ წესს მთავრობა დამატებით განსაზღვრავს.საკანონმდებლო ცვლილებების ძირითადი ნაწილი უკვე ამოქმედდა, თუმცა ახალი სისტემის სავალდებულო მოთხოვნები ძალაში ეტაპობრივად, 2027 და 2028 წლებში შევა.ამასთან, მკაცრდება სანქციებიც - მომხმარებელთან ანგარიშსწორებისას სალარო აპარატის გარეშე მუშაობა ან მისი გამოუყენებლობა ბიზნესსუბიექტების 200-ლარიან დაჯარიმებას გამოიწვევს.

1782203297

500 Global in Eurasia საქართველოში საქართველოს ბანკისა და საქართველოს ინოვაციებისა და ტექნოლოგიების სააგენტოს (GITA) მხარდაჭერით ხორციელდება და მიზნად ისახავს რეგიონში ტექნოლოგიური სტარტაპების განვითარებას, მათთვის საერთაშორისო ექსპერტიზის გაზიარებასა და გლობალურ ბაზრებზე ზრდის შესაძლებლობების შექმნას.დემო დღის ფარგლებში, 12-კვირიანი აქსელერაციის პროგრამის მონაწილეები აუდიტორიას საკუთარ პროდუქტებს, მიღწეულ პროგრესსა და სამომავლო ხედვას წარუდგენენ. ღონისძიება სტარტაპებისთვის უნიკალური შესაძლებლობაა, შეხვდნენ პოტენციურ ინვესტორებს, დაამყარონ ახალი პარტნიორობები და საერთაშორისო ეკოსისტემის წარმომადგენლებისგან პროფესიონალური უკუკავშირი მიიღონ.თუ გაინტერესებთ ტექნოლოგიური ინოვაციები, სტარტაპები, ვენჩურული ინვესტიციები და რეგიონში განვითარებადი სამეწარმეო ეკოსისტემა, დაესწარით 500 Global in Eurasia-ს მეათე ნაკადის დემო დღეს. ღონისძიებაზე დასასწრებად გაიარეთ რეგისტრაცია: https://events.500.co/500eurasiabatch10demoday/BOGინფორმაციისთვის, 2022 წელს 500 Global-მა, საქართველოს ბანკთან და GITA-სთან ოთხწლიანი პარტნიორობის ხელშეკრულება გააფორმა, რომლის ფარგლებშიც, 500 Global in Eurasia-ს აქსელერაციის პროგრამა საქართველოში, თბილისში წელიწადში ორჯერ იმართება.500 Global-ის შესახებ:500 Global არის გლობალური ვენჩურული საინვესტიციო კომპანია, რომელიც, 2023 წლის 31 დეკემბრის მონაცემებით, 2.4 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 20-ზე მეტ ქვეყანაშია განთავსებული, რომლებსაც ანტეპრენერობის, ინვესტორობის და წამყვან ტექნოლოგიურ კომპანიებში მუშაობის გამოცდილება აქვთ.(R)

1782201674

ამ მიზნით, 2025 წელს მთავრობის ადმინისტრაციაში შეიქმნა სპეციალური სტრუქტურა - მთავრობის ეფექტიანობის დეპარტამენტი. აღნიშნული უწყების ძირითად ამოცანას სახელმწიფო პროგრამების, მსხვილი ინფრასტრუქტურული პროექტებისა და შესყიდვების შედეგიანობის შეფასება, ასევე შესრულების მონიტორინგი წარმოადგენს. პრემიერ-მინისტრმა ხაზგასმით აღნიშნა, რომ თითოეულმა საჯარო რესურსმა მაქსიმალური სარგებელი უნდა მოუტანოს მოქალაქეებს, რის გამოც განსაკუთრებული ყურადღება სახელმწიფო შესყიდვების სისტემის შემდგომ განვითარებას ეთმობა.მმართველობითი და ადმინისტრაციული ხარჯების ოპტიმიზაციის მიმართულებით ყველაზე მსხვილი მაჩვენებლები ეკონომიკისა და მდგრადი განვითარების სამინისტროში დაფიქსირდა.კობახიძის მტკიცებით, 2025 წლიდან გატარებული რეფორმების შედეგად, უწყებაში მიღებულმა ჯამურმა დანაზოგმა ₾845 მლნ-ს მიაღწია. აღნიშნული მოცულობიდან ₾60 მლნ უშუალოდ 2,422 საშტატო ერთეულის შემცირებით მიღებული წლიური ეკონომიაა, ხოლო დარჩენილი ₾785 მლნ სამინისტრომ მიმდინარე პროექტების, სახელმწიფო შესყიდვებისა და არსებული სახელშეკრულებო პირობების გადახედვა-გაუმჯობესების გზით დაზოგა."პრაქტიკული რეფორმების პარალელურად, მთავრობამ მნიშვნელოვანი საკანონმდებლო ცვლილებებიც განახორციელა, რამაც სახელმწიფო შესყიდვების სისტემის გამჭვირვალობა და კონკურენტუნარიანობა გაზარდა", - თქვა კობახიძემ.ახალი სამართლებრივი მექანიზმები, ერთი მხრივ, ხელს უწყობს მცირე და საშუალო ბიზნესის (SME) უფრო აქტიურ ჩართულობას სახელმწიფო ტენდერებში, ხოლო, მეორე მხრივ, უზრუნველყოფს საბიუჯეტო სახსრების უფრო პასუხისმგებლიან და შედეგზე ორიენტირებულ მართვას. პრემიერმა ასევე აღნიშნა, რომ მიმდინარეობს საჯარო სამსახურის ინსტიტუციური მოდერნიზაცია, სადაც ამჟამად 45 000-მდე ადამიანია დასაქმებული. საკადრო პოლიტიკის ღიაობის უზრუნველსაყოფად, მხოლოდ გასულ წელს დასაქმების ერთიან ელექტრონულ პლატფორმაზე 3 500-მდე ვაკანსია გამოქვეყნდა, ხოლო ანაზღაურებადი სტაჟირების პროგრამით პირველი პროფესიული გამოცდილება 1 400-ზე მეტმა ახალგაზრდამ მიიღო.ირაკლი კობახიძემ გამოსვლისას ყურადღება გაამახვილა ინსტიტუციურ რეფორმებსა და მაკროეკონომიკურ დინამიკას შორის არსებულ მჭიდრო კავშირზე. მისი თქმით, 2021-2025 წლებში საქართველოს ეკონომიკური ზრდის საშუალო წლიურმა მაჩვენებელმა მაღალი ნიშნული - 9.3% შეადგინა, ხოლო 2026 წლის პირველი ოთხი თვის წინასწარი მონაცემებით, რეალური მშპ-ს ზრდა 8.3%-ის ფარგლებშია.ამასთან, მთავრობის მეთაურმა აღნიშნა, რომ საერთაშორისო სავალუტო ფონდის (IMF) პროგნოზების მიხედვით, საქართველო საშუალოვადიან პერიოდში ევროპისა და რეგიონის მასშტაბით ერთ-ერთ ყველაზე სწრაფად მზარდ ეკონომიკად დარჩება, რის ფუნდამენტსაც სწორედ ეფექტიანი სახელმწიფო ინსტიტუტები და თანმიმდევრული ეკონომიკური პოლიტიკა ქმნის.

1782201428

კომპანიამ აღნიშნული გადაწყვეტილება მას შემდეგ მიიღო, რაც გაერთიანებული სამეფოს საგარეო, თანამეგობრობისა და განვითარების ოფისმა (FCDO) ტელეკომპანია „იმედი“ დიდი ბრიტანეთის სანქციების სიაში შეიყვანა იმ მიზეზით, რომ არხი მიზანმიმართულად ავრცელებს დეზინფორმაციას უკრაინაში რუსეთის სრულმასშტაბიანი შეჭრის შესახებ და ხელს უწყობს მის დესტაბილიზაციას.გამოცემის ინფორმაციით, მიუხედავად იმისა, რომ ტელეკომპანია ბრიტანეთის სანქციების სიაში ჯერ კიდევ თებერვალში მოხვდა, P&G მასთან სარეკლამო თანამშრომლობას გარკვეული პერიოდის განმავლობაში აგრძელებდა. თუმცა, კომპანიის ევროპის ეთიკისა და შესაბამისობის ოფისის ხელმძღვანელის, ჯონ ბრენდონის მიერ ჩატარებული შიდა მოკვლევის საფუძველზე, P&G-მ მედიაკომპანიასთან კონტრაქტი გააუქმა.მომხდართან დაკავშირებით P&G-ის სპიკერმა განაცხადა, რომ კომპანიას ბრიტანეთის სანქციების რეჟიმი არ დაურღვევია, თუმცა ნებაყოფლობით შეცვალა მიდგომა და საქართველოში ტელეკომპანია „იმედზე“ რეკლამის განთავსება შეაჩერა.ტელეკომპანია „იმედში“ რეკლამის განთავსების გამო მსგავსი შიდა გამოძიება უკვე დაიწყო კიდევ ერთმა გლობალურმა ბრენდმა, Nestle-მ, რომელსაც კომპანიის გლობალური იურიდიული ხელმძღვანელი ლიან გილი უძღვება. სხვა საერთაშორისო ბრენდებმა, მათ შორის BBC-ის კომერციულმა ფრთამ, „იმედთან“ კავშირი დიდი ბრიტანეთის მიერ სანქციების დაწესებისთანავე გაწყვიტეს.აღსანიშნავია, რომ თავად P&G უკრაინაში ომის დაწყების შემდეგ რუსეთის ბაზარზე საქმიანობის გაგრძელების გამო კრიტიკის წინაშე არაერთხელ დადგა, რის გამოც 2023 წელს უკრაინის კორუფციის პრევენციის ეროვნულმა სააგენტომ კომპანია „ომის საერთაშორისო სპონსორადაც“ გამოაცხადა.ბადრი პატარკაციშვილის მიერ 2003 წელს დაარსებული ტელეკომპანია „იმედი“ და „იმედის ჰოლდინგი“ (რომელშიც GDS-იც შედის), ბრიტანეთის სანქცირების ფონზე, 2026 წლის 6 თებერვალს ბიზნესმენ ირაკლი რუხაძის ჰოლდინგმა კომპანია „პრაიმ მედია გლობალზე“ გაასხვისა. კონკურენციის ეროვნულ სააგენტოში წარდგენილი ოფიციალური დოკუმენტაციის მიხედვით, აღნიშნული მედიააქტივების გარიგების ფასი სიმბოლურ 1 000 ლარს შეადგენდა.

1782200400

პოლიტიკური ანალიტიკოსებისა და ეკონომისტების შეფასებით, მთავრობის მეთაურების ეს „კარუსელი“ პირდაპირ კავშირშია 2016 წლის ბრექსიტის (Brexit) რეფერენდუმის შემდგომ გაჩენილ სტრუქტურულ კრიზისთან და ამომრჩეველთა ელექტორალურ არასტაბილურობასთან.ქვემოთ მოცემულია ქრონოლოგია, თუ როგორ მივიდა გაერთიანებული სამეფო მიმდინარე მმართველობით კრიზისამდე:გაერთიანებული სამეფოს პოლიტიკური ტრანსფორმაციის ქრონოლოგია (2016-2026) დევიდ კემერონის გადადგომა და ბრექსიტის დასაწყისიივნისი, 2016.პრემიერ-მინისტრმა დევიდ კემერონმა, პარტიული ერთიანობის შენარჩუნების მიზნით, შეაჩერა კაბინეტის კოლექტიური პასუხისმგებლობა ბრექსიტის კამპანიისას. რეფერენდუმში ევროკავშირიდან გასვლის მომხრეთა გამარჯვების შემდეგ, კემერონი მყისიერად გადადგა, რამაც საფუძველი ჩაუყარა პოლიტიკური არასტაბილურობის ახალ ტენდენციას. ტერეზა მეის მმართველობა და ვადამდელი არჩევნებიივლისი, 2016 – ივლისი, 2019პოსტი ტერეზა მეიმ დაიკავა. 2017 წლის გაზაფხულზე მის მიერ დანიშნულმა წარუმატებელმა საპარლამენტო არჩევნებმა პარტიას უმრავლესობა დააკარგვინა. ბრექსიტის შეთანხმების გარშემო პარლამენტში შექმნილი ჩიხის გამო, მეი 3 წელში იძულებული გახდა გადამდგარიყო. ბორის ჯონსონის ტრიუმფი და სკანდალური ფინალიივლისი, 2019 – სექტემბერი, 2022ბორის ჯონსონმა 2019 წლის დეკემბერში ლეიბორისტებზე ისტორიული საარჩევნო გამარჯვება მოიპოვა. თუმცა, შიდაპარტიული სკანდალების სერიის შემდეგ, 2022 წლის ზაფხულში მინისტრების მასობრივი პროტესტის (ე.წ. „ჯოგური ინსტინქტის“) გამო მას პოსტის დატოვება მოუწია. ლიზ ტრასის 45-დღიანი ეკონომიკური კოლაფსისექტემბერი – ოქტომბერი, 2022ლიზ ტრასის მიერ დაანონსებულმა რადიკალურმა საგადასახადო რეფორმებმა ფინანსურ ბაზრებზე ქაოსი და ფუნტის გაუფასურება გამოიწვია. საკუთარი დეპუტატების ზეწოლით, იგი ბრიტანეთის ისტორიაში ყველაზე ხანმოკლე ვადით მართვის შემდეგ გადადგა. რიში სუნაკის გარდამავალი პერიოდი და მარცხიოქტომბერი, 2022 – ივლისი, 2024ფინანსური სტაბილურობის აღდგენის მიზნით პრემიერად რიში სუნაკი დაინიშნა. მან კრიზისის მართვა 2 წელი შეძლო, თუმცა 2024 წლის საყოველთაო არჩევნებში კონსერვატორები ლეიბორისტებთან სასტიკად დამარცხდნენ. კირ სტარმერის ლეიბორისტული კაბინეტის კრიზისიივლისი, 2024 – ივნისი, 2026კირ სტარმერმა მთავრობა „ქაოსის დასრულებისა და სტაბილურობის“ დაპირებით ჩაიბარა. თუმცა, ეკონომიკურ და პოლიტიკურ საკითხებზე პოზიციების ხშირმა ცვლილებამ (U-turns) და რეიტინგების ვარდნამ პარტია შიდა კრიზისამდე მიიყვანა. უელსში, შოტლანდიასა და ადგილობრივ არჩევნებში განცდილი მარცხის შემდეგ, 103-მა ლეიბორისტმა დეპუტატმა მისი გადადგომა მოითხოვა.ბრექსიტის თაობა და ახალი პოლიტიკური რეალობაPOLITICO წერს, რომ Cluster17-ისა და Public First-ის ბოლო კვლევების თანახმად, ბრიტანელი ამომრჩეველი სულ უფრო ნაკლებად მიმტევებელი ხდება ეკონომიკური სტაგნაციის მიმართ, რაც იწვევს დეპუტატების მკვეთრ რეაგირებას საკუთარი პოზიციების გადასარჩენად.ანალიტიკოსები მიმდინარე პროცესს „ბრექსიტის თაობის“ (Generation Brexit) ფენომენს უკავშირებენ. სტარმერის გადადგომის მომთხოვნი 103 დეპუტატიდან 63 პარლამენტში პირველად 2024 წელს შევიდა. მათ არ აქვთ 2016 წლამდე არსებული სტაბილური პოლიტიკური სისტემის გამოცდილება (როდესაც 50 წელში ქვეყანას მხოლოდ 8 პრემიერი ჰყავდა) და ლიდერების მიდ-თერმულ (ვადის შუა პერიოდში) დამხობას მუშაობის ჩვეულებრივ პრაქტიკად მიიჩნევენ.

1782199897