რას მოიცავს ანტირუსული სანქციების 21-ე პაკეტი როგორ ეხება ის საქართველოს

თბილისი (GBC) – საქართველოს ბანკი,  მიკრო და მცირე ბიზნესის მხარდაჭერას აგრძელებს და მათ სალარო აპარატის ფუნქციით ახალ  პოს-ტერმინალს სთავაზობს. ტერმინალი ბიზნესს შესაძლებლობას აძლევს, სტანდარტული ტერმინალები და სალარო აპარატები ერთი მოწყობილობით ჩაანაცვლოს, რაც მათ ბიზნეს პროცესებს  გაუმარტივებს და  ხარჯებსაც მნიშვნელოვნად დაუზოგავს.შეთავაზების ფარგლებში, მიკრო და მცირე ბიზნესები, რომლებიც პირველად მოითხოვენ ტერმინალს 2026 წლის 31 დეკემბრამდე,  სამი თვით ტერმინალის მომსახურებით საკომისიოს გარეშე ისარგებლებენ.  ამასთანავე, საქართველოს ბანკისა და სხვა ქართული ბანკების ბარათებით განხორციელებულ ტრანზაქციებზე მათთვის 0%-იანი საკომისიო იმოქმედებს.კერძოდ: მიკრო ბიზნესისთვის (თვიური ბრუნვა 2,000 ლარამდე): პოს-ტერმინალით სარგებლობა პირველი 3 თვის განმავლობაში შესაძლებელია საკომისიოს გარეშე, შემდგომში კი ფიქსირებული ყოველთვიური გადასახადი 60 ლარს შეადგენს. საკომისიო საქართველოს ბანკისა და სხვა ქართული ბანკების ბარათებზე – 0%. (საკრედიტო AMEX ბარათის გარდა) მცირე ბიზნესისთვის (თვიური ბრუნვა 7,500 ლარამდე): პოს-ტერმინალით სარგებლობა პირველი 3 თვის განმავლობაში შესაძლებელია საკომისიოს გარეშე, შემდეგ კი ფიქსირებული ყოველთვიური გადასახადი 80 ლარია. საკომისიო საქართველოს ბანკისა და სხვა ქართული ბანკების ბარათებზე – 0%. (საკრედიტო AmEx ბარათის გარდა) „საქართველოს ბანკში მუდმივად ვმუშაობთ იმაზე, რომ მეწარმეებს ინოვაციური და მათ საჭიროებებზე მორგებული ისეთი ფინანსური გადაწყვეტილებები შევთავაზოთ,  რომლებიც ბიზნესის ზრდასა და განვითარებას შეუწყობს ხელს. სწორედ ამ მიზანს ემსახურება ჩვენი პოს-ტერმინალი სალარო აპარატის ფუნქციით, რომელიც ორ აუცილებელ მოწყობილობას აერთიანებს და მეწარმეებს ოპერაციების უფრო ეფექტიანად მართვის შესაძლებლობას აძლევს.ახალი შეთავაზებით, ბიზნესებს დამატებით ვაძლევთ შესაძლებლობას, პირველი სამი თვის განმავლობაში ტერმინალით უფასოდ ისარგებლონ,  საქართველოს ბანკისა და სხვა ქართული ბანკების ბარათებზე გადახდები კი 0%-იანი საკომისიოთი მიიღონ (საკრედიტო AMEX ბარათის გარდა). ჩვენ უკვე ვემსახურებით 32 ათასზე მეტ მერჩანტს, რაც კიდევ ერთხელ ადასტურებს იმას, რომ საქართველოს ბანკი ბიზნესის მთავარი პარტნიორია”, - აცხადებს ლევან კობახიძე, საქართველოს ბანკის გადახდების ბიზნესის მიმართულების ხელმძღვანელი.ინფორმაციისთვის, შეთავაზების პირობებით სარგებლობისთვის აუცილებელია ბიზნესს ანგარიში ჰქონდეს საქართველოს ბანკში. 3 თვიანი საშეღავათო პერიოდი იმოქმედებს 2026 წლის 31 დეკემბრამდე რეგისტრაციის შემთხვევაში.აქციის პირობების შესახებ დეტალური ინფორმაციის მისაღებად ეწვიეთ საქართველოს ბანკის ვებგვერდს.

1784889828

სესხის მოთხოვნის შემდეგ თვითდასაქმებული მომხმარებელი მობაილბანკში უთითებს საქმიანობასა და შემოსავალს, ხოლო სისტემა ავტომატურად ამოწმებს ანგარიშზე არსებულ ჩარიცხვებს, რის საფუძველზეც უმტკიცდება ან არ უმტკიცდება სესხი. თუ შემოსავალი საბანკო ანგარიშზე არ ფიქსირდება, მომხმარებელს შეუძლია მარტივი პროცედურით დაადასტუროს საკუთარი საქმიანობა.სწორედ საქმიანობის დადასტურების პროცესი გახდა კიდევ უფრო მარტივი. თუ აქამდე ამისთვის ბანკის წარმომადგენლის სამუშაო ადგილზე ფიზიკური ვიზიტი იყო საჭირო, რაც დამატებით დროს მოითხოვდა, ახლა საქმიანობის დადასტურება ონლაინ, ვიდეოვიზიტითაც არის შესაძლებელი.ვიდეოვიზიტის დასაჯავშნად მომხმარებელი:უნდა შევიდეს მობაილბანკში და მოითხოვოს სესხის ლიმიტი;აირჩიოს მისთვის სასურველი დღე და დრო ვიდეოვიზიტისთვის;ვიდეოზარის დროს იმყოფებოდეს სამუშაო ადგილზე და უპასუხოს რამდენიმე მარტივ კითხვას საკუთარი საქმიანობის შესახებ.პროცედურის დასრულების შემდეგ მომხმარებელი ტელეფონზე მიიღებს შეტყობინებას, ხოლო სესხის დამტკიცების შემთხვევაში თანხა ანგარიშზე მომენტალურად ჩაერიცხება.თვითდასაქმებულებს შორის არიან ფრილანსერები, ხელოსნები, მკერავები, ავტომექანიკოსები, სტილისტები და სხვა პროფესიის ადამიანები, ვისთვისაც საქმიანობის დადასტურება აქამდე დამატებით დროსა და ძალისხმევას მოითხოვდა. ვიდეოვიზიტის დანერგვით ეს პროცესიც სრულად ციფრული, უფრო სწრაფი და მოსახერხებელი გახდა.თიბისი აგრძელებს ციფრული სერვისების განვითარებას, რათა სხვადასხვა პროფესიის ადამიანებისთვის ფინანსურ პროდუქტებზე წვდომა კიდევ უფრო მარტივი და მოქნილი გახდეს. (R)

1784888727

მებაჟე ოფიცრების მიერ, უცხო ქვეყნის მოქალაქეების როგორც ფიზიკური, ასევე მათი კუთვნილი ბარგის დეტალური დათვალიერების შედეგად, ოქროსა და ვერცხლის ნაკეთობები აღმოაჩინეს. სავალდებულო დეკლარირებას დაქვემდებარებული ოქროსა (წონა: 304 გრამი) და ვერცხლის (წონა: 551 გრამი) ნაკეთობების საერთო საბაჟო ღირებულებამ ჯამში 139 694 ლარი შეადგინა.კანონდამრღვევი ორი მოქალაქის მიმართ საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა, ხოლო ერთი კანონდამრღვევი მოქალაქე საბაჟო კოდექსის 168-ე მუხლის პირველი ნაწილის შესაბამისად სანქციის სახით - 5389 ლარით დაჯარიმდა.

1784886027

ღვინის ეროვნული სააგენტოს ცნობით, სტუმრები ქართული ღვინის მწარმოებელ მარნებსა და კომპანიებს კახეთში, იმერეთსა და ქართლში სტუმრობდნენ. რეგიონული ტურის გარდა, ღვინის პროფესიონალებისთვის თბილისში გაიმართა სპეციალური დეგუსტაცია „Walk-around Tasting“, რომლის ფარგლებში წარმოდგენილი იყო ქართული ღვინის მწარმოებელი 15 კომპანიის სხვადასხვა დასახელების ღვინო.„ეს ჩემი მეორე მოგზაურობაა საქართველოში. იგი კვლავაც არაჩვეულებრივ შთაბეჭდილებას ახდენს ჩემზე და თანდათან ვეცნობი, როგორი მაღალი ხარისხისაა აქაური ღვინოები. მიმაჩნია, რომ უაღრესად მნიშვნელოვანია საქართველომ გააგრძელოს ხარისხზე ზრუნვა. საქმე მხოლოდ ქვევრში და ღვინის დაყენების მეთოდში კი არ არის, არამედ იმაშიც, თუ როგორ გამოიყენება უამრავი ძალიან უნიკალური ქართული ვიტის ვინიფერას ვაზის ჯიში, რომლებიც კერძებთან საოცრად თავსებადი ჯიშებია და რომელთა შეხამებაც ძალიან ადვილია, როგორც მასპინძლობისა და სერვისის, ისე კულინარიული თვალსაზრისით. ჩვენ შეგვიძლია ბევრი რამ გავაკეთოთ საქართველოსთან ერთად. საქართველოს შეუძლია ძალიან წარმატებული იყოს საერთაშორისო ბაზრებზე“, - აღნიშნა ჯოზეფ მილერმა.ISG მსოფლიოში ერთ-ერთი წამყვანი და აღიარებული საგანმანათლებლო ორგანიზაციაა ღვინისა და სომელიეს პროფესიის სფეროში. ორგანიზაცია ინდუსტრიის პროფესიონალებს სთავაზობს აკრედიტებულ სასწავლო პროგრამებს, როგორც დამწყები, ისე პროფესიონალი სომელიეებისთვის. ორგანიზაციის მიერ გაცემული სერტიფიკატები ძალიან ფასეულია გლობალურ სარესტორნო, სასტუმრო და მეღვინეობის ბიზნესში. პროგრამა მოიცავს არა მხოლოდ ღვინის დეგუსტაციას, არამედ მენეჯმენტს, მომსახურების სერვისს, მეღვინეობის ტექნოლოგიასა და კერძისა და ღვინის შეხამების ხელოვნებას. ორგანიზაცია ამჟამად მუშაობს 40-ზე მეტ ქვეყანაში და სტუდენტებს სასწავლო პროგრამებს 14-ზე მეტ ენაზე სთავაზობს. ISG-ს სასწავლო პროგრამა ასევე მოიცავს ქართული ღვინის 8000-წლიანი ისტორიისა და კულტურის შესახებ კურსს.

1784884692

· ფიზიკური პირებს შესაძლებლობა აქვთ, დარეგისტრირდნენ ინდ.მეწარმეებად· ფიზიკურ პირებს ან ინდ.მეწარმეებს შესაძლებლობა აქვთ, დაარეგისტრირონ საკუთარი ბიზნესი.თიბისის ფილიალებში მისული მომხმარებლები, ერთი ვიზიტით, ბიზნესის რეგისტრაციასთან ერთად, ანგარიშის გახსნას და ბიზნესისთვის საჭირო სხვადასხვა პროდუქტისა თუ მომსახურების აქტივაციასაც შეძლებენ. ეს კი, მომხმარებლებს მნიშვნელოვნად დაუზოგავს დროს და  ბანკთან ურთიერთობას კიდევ უფრო გაუმარტივებს.სიახლით სარგებლობა ნებისმიერ პირს შეუძლია იმის მიუხედავად, არის თუ არა ის თიბისის მომხმარებელი. თუ პირი თიბისის მომხმარებელი ჯერ არ არის, შესაძლებლობა აქვს, ფილიალშივე გახსნას ანგარიში და იმავე ვიზიტის ფარგლებში, დაარეგისტრიროს ბიზნესი.სერვისი ამ ეტაპზე, თბილისში, თიბისის 20-მდე ფილიალშია ხელმისაწვდომი. უახლოეს მომავალში კი,  ბიზნესის რეგისტრაცია უკვე რეგიონებშიც იქნება შესაძლებელი.ბიზნესის დარეგისტრირების სერვისის შესახებ დეტალური ინფორმაციისთვის, ასევე იმ ფილიალების სრული ჩამონათვალის სანახავად, სადაც აღნიშნული სერვისით სარგებლობაა შესაძლებელი, ეწვიეთ ბმულს: https://tbcbank.ge/ka/business/registration-at-tbc-branches 

1784882297

2026 წლის საზაფხულო ბანაკების ფარგლებში შეხვედრა ამჯერად ყვარლის ახალგაზრდული ბანაკის მონაწილეებთან გაიმართა.შეხვედრა ცენტრალური საარჩევნო კომისიის თავმჯდომარე გიორგი კალანდარიშვილმა და ახალგაზრდობის სააგენტოს ხელმძღვანელის მოადგილე ანა ბუხრაშვილმა გახსნეს.შეხვედრის ფარგლებში გიორგი კალანდარიშვილმა ახალგაზრდებთან საარჩევნო პროცესში მათი აქტიური ჩართულობის მნიშვნელობაზე, არჩევნების შესახებ სანდო და ობიექტური ინფორმაციის ფლობის აუცილებლობასა და ამომრჩევლის როლის შესახებ ისაუბრა.ცესკოს თავმჯდომარემ მიმოიხილა 2024 - 2025 წლების საერთო არჩევნები, განსაკუთრებული ყურადღება დაუთმო საარჩევნო ელექტრონული ტექნოლოგიების დანერგვის პროცესს, მათ უპირატესობებსა და იმ გამოცდილებას, რომელიც საარჩევნო ადმინისტრაციამ აღნიშნული სისტემის წარმატებით დანერგვამდე და დანერგვის პროცესში დააგროვა. მან ასევე ისაუბრა საარჩევნო პროცესთან დაკავშირებით გავრცელებული დეზინფორმაციის გავლენასა და იმ გამოწვევებზე, რომელთა საპასუხოდაც საარჩევნო ადმინისტრაცია შესაბამის ღონისძიებებს ახორციელებს.შეხვედრის ფარგლებში ცესკოს თავმჯდომარემ ახალგაზრდებს ასევე გააცნო საარჩევნო ადმინისტრაციის საგანმანათლებლო პროექტები, რომლებიც ახალგაზრდებში საარჩევნო კულტურის, სამოქალაქო პასუხისმგებლობისა და დემოკრატიული პროცესების მიმართ ცნობიერების ამაღლებას ემსახურება.შეხვედრის მიმდინარეობისას გიორგი კალანდარიშვილმა მონაწილეებს საარჩევნო ადმინისტრაციის ჟურნალი „არჩევნები 360˚“ წარუდგინა და აღნიშნა, რომ გამოცემა მკითხველს აქტუალურ საარჩევნო თემებზე მრავალმხრივ და ამომწურავ ინფორმაციას სთავაზობს.შეხვედრის დასკვნით ნაწილში ახალგაზრდებს საშუალება ჰქონდათ პრაქტიკაში თავად გამოეცადათ საარჩევნო ელექტრონული ტექნოლოგიები.  ამასთან, ახალგაზრდებმა მათთვის მნიშვნელოვან და საინტერესო თემებთან დაკავშირებით არაერთი კითხვა დასვეს, რაზეც ამომწურავი პასუხები მიიღეს.აღსანიშნავია, რომ საზაფხულო ბანაკების პროექტის ფარგლებში საარჩევნო ადმინისტრაციის ხელმძღვანელი პირები და წარმომადგენლები საინფორმაციო შეხვედრებს ქვეყნის სხვადასხვა რეგიონში კვლავ გამართავენ, რაც ხელს შეუწყობს ახალგაზრდების საარჩევნო განათლების, ინფორმირებულობისა და დემოკრატიულ პროცესებში მათი აქტიური ჩართულობის გაძლიერებას.

1784880604

სატესტო ფრენა იპოდრომ „ყაზანათის“ ტერიტორიაზე „მომავლის თამაშების“ პროგრამის ფარგლებში გაიმართა. დემონსტრაციისთვის გამოიყენეს ელექტრო საფრენი აპარატი AutoFlight Prosperity, რომელიც ერთ პილოტსა და ხუთ მგზავრზეა გათვლილი. მას საათში 200 კმ-მდე სიჩქარის განვითარება და ერთი დამუხტვით 200 კმ-მდე მანძილის დაფარვა შეუძლია.ღონისძიების ორგანიზატორები იყვნენ ყაზახური კომპანია Alatau Advance Air Group Ltd. (AAAG) და ჩინური AutoFlight.AAAG-ის ხელმძღვანელმა სერგეი ხეგაიმ განაცხადა, რომ პროექტმა ბოლო წელიწად-ნახევარში მსოფლიო გამოცდილების შესწავლიდან ინფრასტრუქტურის შექმნასა და სადემონსტრაციო ფრენების ჩატარებამდე გაიარა გზა. მისი თქმით, ურბანული საჰაერო მობილობის განვითარებისთვის საჭიროა ციფრული ინფრასტრუქტურის, საჰაერო მოძრაობის მართვის სისტემის, ვერტიპორტების, შესაბამისი საკანონმდებლო ბაზისა და სპეციალისტების მომზადების სისტემის შექმნა.მისივე განცხადებით, პროექტის მთავარი მიზანი მომავალი თაობებისთვის ახალი მაღალტექნოლოგიური ინდუსტრიის შექმნაა.ყაზახეთში აეროტაქსის, eVTOL-ისა და უპილოტო ავიაციის განვითარების მარეგულირებელი კანონი ივნისში ამოქმედდა. ქვეყანაში აეროტაქსის პირველი გამოცდა 19 მაისს, ქალაქ ალატაუში, ქვეყნის პირველ ვერტიპორტში ჩატარდა.

1784877403

მადრიდის რეგიონში სამი ტყის ხანძრის გამო 10 ათასზე მეტი ადამიანის ევაკუაცია გახდა საჭირო. ხანძრები ვილია-დელ-პრადოში, სან-მარტინ-დე-ვალდეიგლესიასსა და ტოლედოს პროვინციის ალმოროქსში გაჩნდა.ავილაში, ქალაქ ბურგოჰონდოში, ოთხშაბათს გაჩენილი ხანძრის გამო ელ-ტიემბლოს მუნიციპალიტეტში ტურისტული კომპლექსიდან და საცხოვრებელი რაიონიდან 1 500 ადამიანის ევაკუაცია განხორციელდა.ესპანეთი ამჟამად ბოლო პერიოდის ყველაზე მასშტაბურ ტყის ხანძრებს ებრძვის. გვადალახარის პროვინციაში ხანძარმა „ლა-მიერლამ“ 32 ათასი ჰექტარი მოიცვა. ხანძარი კვლავ აქტიურია, თუმცა ვითარება გაუმჯობესებისკენ მიდის და ევაკუირებული 34 მუნიციპალიტეტიდან ზოგიერთში მოსახლეობის დაბრუნება უკვე შესაძლებელი გახდა.

1784876304