თბილისის აეროპორტში ფსიქოტროპული საშუალებების კონტრაბანდისტი დააკავეს

გამოძიებით დადგინდა, რომ საქართველოს მოქალაქემ, საბაჟო-გამშვები პუნქტი „სარფის“ გავლით, მის მართვაში არსებული ავტომობილის სალონში მოწყობილი სპეციალური სამალავების გამოყენებით, მალულად შემოიტანა 1851 გრამი ოქროს საიუველირო ნაკეთობა. ამოღებული ძვირფასეულობის საბაჟო ღირებულება 411 962 ლარს შეადგენს.საქმეზე გამოძიება საქართველოს სისხლის სამართლის კოდექსის 214-ე მუხლის მე-2 ნაწილით მიმდინარეობს, რაც სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.

1788334230

ინტერნეტით უზრუნველყოფილი შინამეურნეობების წილი საქალაქო დასახლებებში 1.6 პ.პ.-ით გაიზარდა, ხოლო სასოფლო დასახლებებში - 1.5 პ.პ.-ით და შესაბამისად, 96.8 და 89% შეადგინა. რეგიონების მიხედვით ყველაზე მაღალი მაჩვენებელი თბილისსა და აჭარის ა.რ.-ში დაფიქსირდა და შესაბამისად, 98.2 და 96.3% შეადგინა.საქსტატის გამოკვლევის შედეგების მიხედვით, ბოლო 3 თვის განმავლობაში ინტერნეტით ისარგებლა 6 წლის და უფროსი ასაკის მოსახლეობის 89.6%-მა, რაც 1.7 პ.პ.-ით აღემატება წინა წლის ანალოგიურ მაჩვენებელს. საქალაქო დასახლებებში აღნიშნული მაჩვენებელი 92.9%-ით, ხოლო სასოფლო დასახლებებში 83.9%-ით განისაზღვრა. ეს მაჩვენებელი ქალების შემთხვევაში 89.7%, ხოლო კაცების შემთხვევაში 89.5%-ია.ასაკობრივი ჯგუფების მიხედვით, ამ მაჩვენებლის მნიშვნელობა ყველაზე მაღალია 15-29 წლის მოსახლეობაში და 99.6%-ს შეადგენს.15 წლის და უფროსი ასაკის მოსახლეობიდან, რომლებიც ბოლო 3 თვის განმავლობაში სარგებლობდნენ ინტერნეტით, 96.4% ინტერნეტს ყოველდღე ან თითქმის ყოველდღე იყენებდა, 3.4% - კვირაში ერთხელ მაინც, 0.2% კი - უფრო იშვიათად, ვიდრე კვირაში ერთხელ.საქსტატის გამოკვლევის შედეგების მიხედვით, 15 წლის და უფროსი ასაკის მოსახლეობაში, ძირითადად ინტერნეტის გამოყენების მიზნებს წარმოადგენდა: სოციალური ქსელების გამოყენება (97.5%), ინტერნეტ (აუდიო/ვიდეო) კავშირი (97.0%), ინტერნეტ ბანკინგით სარგებლობა (61%), ჯანმრთელობის საკითხებზე ინფორმაციის მოძიება (54.5%), საქონლისა და მომსახურების შესახებ ინფორმაციის მოძიება (50.2%), ონლაინ ახალი ამბების/გაზეთების/ჟურნალების წაკითხვა (49%), ელ. ფოსტის მიღება/გაგზავნა (41.7%), პროგრამული უზრუნველყოფის პროდუქტის ჩამოტვირთვა (15.8%) და სამუშაოს ძიება ან სამუშაოსთვის აპლიკაციების გაგზავნა (11.5%).15 წლის და უფროსი ასაკის, ბოლო 12 თვეში ინტერნეტის მომხმარებელი მოსახლეობის 38.6%-მა ინტერნეტის მეშვეობით შეიძინა ან შეუკვეთა საქონელი ან მომსახურება. აღნიშნული მაჩვენებლის მნიშვნელობები განსხვავდება დასახლების ტიპის მიხედვით: საქალაქო დასახლებებში - 42.7%-ს, ხოლო სასოფლო დასახლებებში 31%-ს შეადგენს. სქესის მიხედვით მაჩვენებლის მნიშვნელობები ქალებისათვის 42.5%, კაცებისათვის კი 34.2%-ია. ასაკობრივი ჯგუფების მიხედვით მაჩვენებლის მნიშვნელობებია: 15-29 წლის ასაკის მოსახლეობაში - 63%, 30-59 წლის ასაკის მოსახლეობაში - 39.9%, ხოლო 60 წლის და უფროსი ასაკის მოსახლეობაში - 17.5%.15 წლის და უფროსი ასაკის, ბოლო 3 თვეში ინტერნეტის მომხმარებელთა 99.8%-მა გამოიყენა მობილური მოწყობილობა (მობილური ტელეფონი, ლეპტოპი, პლანშეტი და ა.შ.) უსადენო ინტერნეტთან დასაკავშირებლად. აღნიშნული მაჩვენებელი ქალებისათვის 99.7%-ს, ხოლო კაცებისათვის - 99%-ს შეადგენს.საქსტატის გამოკვლევის შედეგების მიხედვით, კომპიუტერით უზრუნველყოფილია შინამეურნეობების 57.9%. აღნიშნული მაჩვენებლის მნიშვნელობამ საქალაქო დასახლებებში 69% შეადგინა, ხოლო სასოფლო დასახლებებში - 42.8%. რეგიონების მიხედვით ეს მაჩვენებელი ყველაზე მაღალი თბილისსა და აჭარის ა.რ.-ში დაფიქსირდა და შესაბამისად - 74.1 და 62.1% შეადგინა.6 წლის და უფროსი ასაკის მოსახლეობის 49.9%-მა ისარგებლა კომპიუტერით ბოლო 3 თვის განმავლობაში. აღნიშნული მაჩვენებელი განსხვავებულია დასახლების ტიპის მიხედვით: საქალაქო დასახლებებში 57.9%-ია, ხოლო სასოფლო დასახლებებში - 36.2%. ეს მაჩვენებელი ქალების შემთხვევაში 49%-ს შეადგენს, ხოლო კაცების შემთხვევაში - 50.8%-ს. ასაკობრივი ჯგუფების მიხედვით, კომპიუტერის მომხმარებელთა ყველაზე მაღალი წილი 6-14 წლის მოსახლეობაში დაფიქსირდა და 89.3% შეადგინა.15 წლის და უფროსი ასაკის, ბოლო 3 თვეში კომპიუტერის მომხმარებელთა 70% კომპიუტერით ყოველდღე ან თითქმის ყოველდღე სარგებლობდა, 19% - კვირაში ერთხელ მაინც, 11% კი - უფრო იშვიათად, ვიდრე კვირაში ერთხელ.საქსტატის გამოკვლევის შედეგების მიხედვით, 6 წლის და უფროსი ასაკის მოსახლეობის 93.3% ფლობს მობილურ ტელეფონს, რაც წინა წლის ანალოგიურ მაჩვენებელთან შედარებით 0.7 პ.პ.-ით მეტია.ამასთან, აღნიშნული მაჩვენებელი ქალაქის ტიპის დასახლებებში 0.4 პ.პ.-ით, ხოლო სოფლის ტიპის დასახლებებში 1.1 პ.პ.-ით გაიზარდა და შესაბამისად 95.2 და 90.1% შეადგინა.

1788333288

საანგარიშო პერიოდში, GCCA-ის გადაწყვეტილებით, მომხმარებელთა ჯგუფის უფლების 227 დარღვევის ფაქტი დადასტურდა - 516 საქმეზე. GCCA-ის მიერ დაკისრებული ვალდებულების შეუსრულებლობის გამო 114 მოვაჭრეს - 268 საქმეზე დაეკისრა ჯარიმა, ჯამში - 289 663 ლარის ოდენობით. ამასთან, მომხმარებლის სასარგებლოდ, პირობითი ვალდებულების აღების შესახებ 151 საქმეზე - 134 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულებები - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, წარსულში არსებული სავაჭრო პოლიტიკის შედეგად ზიანი მიადგათ.ამასთან, საანგარიშო პერიოდში, მომხმარებლის მიერ შემოსული განაცხადების 69% ონლაინ ვაჭრობის ფაქტს ეხებოდა, ხოლო 31 % ნივთის ადგილზე შეძენის შემთხვევას. ადგილმდებარეობის მიხედვით, სააგენტოსთვის მომართვიანობისას, დიდი წილი - 81% თბილისს უჭირავს, შემდეგ კი მოდის რეგიონები - აჭარა 6%, იმერეთი 3%, ქვემო ქართლი 2%, კახეთი 2%, სამეგრელო ზემო-სვანეთი 2% და სხვ.მიმდინარე წლის 8 თვის მონაცემებით, თანხის უკან დაბრუნების მოთხოვნაზე დაფიქსირდა 707 განაცხადი, ნაკლიანი ნივთის შეკეთებასა ან შეცვლაზე 393, ნაკლოვანი მომსახურებისას უფლების აღდგენაზე 431, ხოლო სხვა დანარჩენზე - 227. სექტორების მიმართულებით, სტატისტიკის თანახმად, 67%-ს საბითუმო და საცალო ვაჭრობის სექტორი იკავებდა, ტრანსპორტი და დასაწყობება 11%, ხელოვნება, გართობა და დასვენება - 3%, ხოლო სხვა სახის საქმიანობები 19%.

1788332074

ევროკავშირს საუკუნის შუა წლებისთვის ატომური ენერგიის წარმოების 50%-ით გაზრდა სურს, დიდი ბრიტანეთი სიმძლავრეების გაოთხმაგებას გეგმავს, ხოლო აშშ-ის ადმინისტრაცია 2050 წლისთვის ოთხჯერ მეტი ატომური ენერგიის მიღებას აპირებს, მათ შორის მონაცემთა ცენტრების მზარდი მოთხოვნის დასაკმაყოფილებლად. თუმცა, კონტინენტზე არსებული ინფრასტრუქტურა ახალ კლიმატურ პირობებს ვერ უძლებს.ექსტრემალურმა სიცხემ და გვალვამ ევროპის მდინარეებში წყლის დონე სარეკორდო მინიმუმამდე დაიყვანა, რის გამოც ატომურ ელექტროსადგურებს რეაქტორების გასაგრილებლად წყლის დეფიციტი შეექმნათ: ბულგარეთში ერთადერთმა ატომურმა სადგურმა ენერგიის მიწოდება შეამცირა. რუმინეთმა წყლის ნაკადის შესანარჩუნებლად კლდე ააფეთქა, თუმცა საბოლოოდ ორივე რეაქტორის გაჩერება მოუწია. უნგრეთმა ძლივს აირიდა ერთადერთი ატომური სადგურის სრული გაჩერება, თუმცა წარმოება 75%-ით შეამცირა. საფრანგეთში სარეკორდო რაოდენობის რეაქტორმა შეამცირა ან შეაჩერა მუშაობა. შვეიცარიაში რეაქტორი გაჩერდა მდინარის წყლის გადახურების გამო, გარემოსდაცვითი სტანდარტები ველური ბუნების დასაცავად ცხელი წყლის მდინარეში ჩაშვებას კრძალავს. ატომური ენერგიის საერთაშორისო სააგენტოს (IAEA) ცნობით, მსოფლიო რეაქტორების უმეტესობა გასული საუკუნის 70-80-იან წლებში სრულიად განსხვავებული კლიმატისთვის დაპროექტდა. თუ 2022 წელს რეაქტორების 15% იყო დამოკიდებული მტკნარი წყლის სტრესულ წყაროებზე, 20 წელში ეს მაჩვენებელი 25%-მდე გაიზრდება.გარდა გვალვებისა, საფრთხეს ქმნის შტორმები, წყალდიდობები, ოკეანის დონის მატება და მედუზების მასობრივი გამრავლებაც, რაც სანაპირო სადგურების სატუმბ სისტემებს ჭედავს.მზარდი კლიმატური რისკების გამო ენერგოსექტორი იძულებულია დაგეგმარება შეცვალოს. ფრანგული სახელმწიფო გიგანტი EDF 2040 წლისთვის 4.3 მილიარდი ევროს დახარჯვას გეგმავს სადგურების კლიმატურ ცვლილებებთან მოსარგებად.ამასთან, უნგრეთის პრემიერ-მინისტრი პეტერ მადიარი გაგრილების სისტემის ხარვეზების გამო სადგურის გაფართოების გეგმებზე მუშაობს.ენერგეტიკის საერთაშორისო სააგენტოს (IEA) ცნობით, ახალი ატომური ენერგოპროექტების უმრავლესობის მშენებლობა შიდა მდინარეების ნაცვლად უკვე სანაპირო ზოლებზე იგეგმება, რათა წყლის დეფიციტის რისკები მაქსიმალურად აირიდონ თავიდან.

1788330368

ერთ-ერთი წყაროს ცნობით, აშშ-ის პრეზიდენტმა დონალდ ტრამპმა ირანის შეკავების მიზნით ახალი მიდგომა – „ტანკერი ტანკერის წილ“ დაამტკიცა. მისი მიზანია, ხელი შეუშალოს ირანს ჰორმუზის სრუტეში ნაოსნობისთვის დაბრკოლებების შექმნაში. აქამდე აშშ-ის სამხედროები მხოლოდ იმ გემებს ესხმოდნენ თავს, რომლებიც ირანის საზღვაო ბლოკადის გარღვევას ცდილობდნენ.1 სექტემბერს განხორციელებული მასშტაბური ოპერაციის ფარგლებში, რომლის სამიზნე დაახლოებით 100 ობიექტი იყო, დრონებით ორი ირანული ტანკერი დაზიანდა. Axios-ის ცნობით, გემები ირანის სანაპიროსთან, საზღვაო ბლოკადის ხაზის ჩრდილოეთით, ღუზაზე იდგნენ.დარტყმების სამიზნე ასევე გახდა ისლამური რევოლუციის გუშაგთა კორპუსის (IRGC) საჰაერო თავდაცვის ობიექტები, რადარები, ხომალდსაწინააღმდეგო ფრთოსანი რაკეტებისა და დამრტყმელი დრონების გამშვები დანადგარები, ნაღმების განთავსებისთვის განკუთვნილი საშუალებები და საკომუნიკაციო პუნქტები.აშშ-ის ცენტრალური სარდლობის (CENTCOM) განცხადებით, ოპერაცია IRGC-ის მიერ ჰორმუზის სრუტეში კომერციულ გემებსა და ახლო აღმოსავლეთში ამერიკულ სამხედრო ბაზებზე თავდასხმის ბოლო მცდელობებზე პასუხი იყო.თუმცა, Axios-ის ცნობით, ოპერაცია ასევე წარმოადგენს იმ გეგმის ნაწილს, რომელსაც ტრამპი და მისი მრჩევლები ბოლო დღეებში განიხილავდნენ. გეგმის მიზანია, ირანს ხელი შეუშალოს გემებზე თავდასხმის შესაძლებლობების აღდგენაში.ერთ-ერთი წყაროს შეფასებით, მასშტაბური დარტყმების შედეგად აშშ-ის სამხედროებმა ჰორმუზის სრუტეში კომერციული გემებისთვის საფრთხე, სულ მცირე, ერთი თვით შეამცირეს.მისივე თქმით, ამის ფონზე აშშ-ის სამხედროებმა ერთ დღეში ჰორმუზის სრუტეში დაახლოებით 40 ტანკერი გაატარეს, რომლებსაც მილიონობით ბარელი ნავთობი გადაჰქონდათ. IRGC-მა გემების მიმართულებით რამდენიმე ხომალდსაწინააღმდეგო ფრთოსანი რაკეტა და დრონი გაუშვა, თუმცა ყველა მათგანი ჩამოაგდეს.აშშ-ის მასშტაბური დარტყმების საპასუხოდ ირანმა ბალისტიკური რაკეტები და დამრტყმელი დრონები გაუშვა ამერიკულ სამხედრო ბაზებზე იორდანიაში, ბაჰრეინში, ქუვეითსა და ერაყში.იორდანიის არმიის განცხადებით, ქვეყნის საჰაერო თავდაცვის სისტემებმა 10 ირანული რაკეტა ჩამოაგდეს. საჰაერო თავდაცვის სისტემების გამოყენების შესახებ განაცხადეს ბაჰრეინისა და ქუვეითის ხელისუფლებებმაც.ჰორმუზის სრუტეში დაპირისპირების გამწვავება განსაკუთრებით მნიშვნელოვანია გლობალური ენერგეტიკული ბაზრებისთვის, რადგან სრუტე ნავთობის საერთაშორისო ტრანსპორტირების ერთ-ერთი მთავარი საზღვაო მარშრუტია. აშშ-ის სამხედროები ბოლო კვირების განმავლობაში ცდილობენ სრუტეში ნაოსნობის აღდგენასა და ნავთობის ექსპორტის გაზრდას.

1788329338

მონტენეგროსთან საშინაო არენაზე სოლიდური სხვაობით გამარჯვების შემდეგ, ჩვენმა კალათბურთელებმა, გასვლით შეხვედრაში, პორტუგალიასაც სძლიეს და მსოფლიო ჩემპიონატზე ასპარეზობის რეალური შანსი მოიპოვეს.

1788272761

ირლანდიაში, ევროკავშირის თავდაცვის მინისტრების არაფორმალური შეხვედრის დაწყებამდე კალასმა ხაზგასმით აღნიშნა, რომ ნაოსნობის თავისუფლება დაცული უნდა იყოს და მიუღებელია საერთაშორისო მარშრუტებზე რაიმე სახის გადასახადის თუ მოსაკრებლის დაწესება.განცხადებას წინ უძღოდა აშშ-ის მიერ კუნძულ ლარაკის მახლობლად ირანულ პოზიციებზე განხორციელებული სამხედრო დარტყმები. ვაშინგტონის ცნობით, ირანის „ისლამური რევოლუციის გუშაგთა კორპუსი“ სრუტეში საზღვაო ნაღმების ჩაშვებას გეგმავდა.მიუხედავად იმისა, რომ აშშ-ის პრეზიდენტი დონალდ ტრამპი სრუტის გახსნასა და ნაოსნობის აღდგენაზე აცხადებს, კომერციული გადაზიდვები მკვეთრად შემცირებულია. ომამდე არსებული 130 გემის ნაცვლად, გასულ კვირას სრუტე მხოლოდ 24-მა გემმა გადაკვეთა.ამასთან, ირანი და ომანი დროებითი საზღვაო დერეფნის შექმნას განიხილავენ, რაც უსაფრთხოების სპეციალური მოსაკრებლის დაწესებას ითვალისწინებს. აღნიშნული ინიციატივა პირდაპირ ეწინააღმდეგება ევროკავშირის მოთხოვნას უპირობო და უფასო გადაადგილების შესახებ.ჰორმუზის სრუტის კრიზისი ევროპისთვის სერიოზულ ეკონომიკურ საფრთხეს წარმოადგენს. ვინაიდან აღნიშნულ მარშრუტზე გლობალური ნავთობის მეხუთედი და თხევადი ბუნებრივი აირის (LNG) 20%-ზე მეტი გადის, მიწოდების შეფერხება ენერგომატარებლების ფასების ზრდისა და ინფლაციის რისკებს ზრდის.

1788269132

სწორედ ასეთი ახალგაზრდების აღმოჩენასა და მხარდაჭერას ემსახურება Forbes Georgia Under 30, რომლის მთავარი წარმდგენი წელს საქართველოს ბანკია.ახალგაზრდა თაობის მხარდაჭერა მხოლოდ კონკრეტული პროექტის ან ინიციატივის ხელშეწყობას არ ნიშნავს — ეს არის ინვესტიცია იმ ადამიანებში, რომლებიც არ ჩერდებიან, მუდმივად ვითარდებიან და მომავალს ქმნიან.საქართველოს ბანკისთვის ახალგაზრდების ხელშეწყობა და მათთვის საკუთარი პოტენციალის სრულად გამოვლენის შესაძლებლობების გაჩენა სწორედ ამ ხედვის ნაწილია. ბანკი უკვე მრავალი წელია, რაც ქმნის და მხარს უჭერს ისეთ ინიციატივებს, რომლებიც ახალგაზრდებს საკუთარი იდეების განხორციელებაში, ცოდნის გაღრმავებასა და პროფესიულ განვითარებაში ეხმარება.არ გაჩერდე: იდეებიდან შესაძლებლობებამდეახალგაზრდობის ძალა მოძრაობაშია – სურვილში, რომ სცადო მაშინაც, როცა პასუხები ჯერ არ არსებობს; შექმნა მაშინაც, როცა გზა ჯერ არავის გაუვლია; შეცვალო მაშინაც, როცა ცვლილება რთულად იწყება. სწორედ ეს მოძრაობა იქცევა იდეად, იდეა – შესაძლებლობად, შესაძლებლობა კი ცვლილებად. ამ გზაზე საქართველოს ბანკი ახალგაზრდების მთავარი მხარდამჭერია, რადგან მათი ხელშეწყობა ამ უწყვეტი მოძრაობის ნაწილია.ეს არის პროცესი, რომელიც განათლებითა და ცოდნით იწყება, შესაძლებლობებით გრძელდება და ადამიანების გაძლიერებით იძენს მნიშვნელობას – საკუთარი გზის აღმოჩენის, ნაცნობს მიღმა გასვლისა და იმის შექმნისთვის, რაც ჯერ არ არსებობს.ამიტომ „არ გაჩერდე“ საქართველოს ბანკისთვის მხოლოდ მოწოდება არ არის. ეს არის იდეა, რომელიც ადამიანებს ახალი შესაძლებლობების აღმოჩენისკენ უბიძგებს.,,არ გაჩერდე“, რადგან მომავალს ერთი ნაბიჯი არ განსაზღვრავს. მას ქმნის ყოველი მცდელობა, მოქმედება და წინსვლასწორედ ასეთი ადამიანების აღმოჩენას, მხარდაჭერასა და გაძლიერებას ემსახურება Forbes Under 30 – ოცდაათწლამდელთა გლობალური პლატფორმა.უკვე მერვე წელია, Forbes Georgia მხარს უჭერს ახალგაზრდებს, რომლებიც საკუთარი  გამბედაობით, ინოვაციური ხედვითა და შეუპოვრობით ქვეყნის მომავალს ქმნიან.წლევანდელი ღონისძიების თემა – Future is Under 30 – იგივე სულისკვეთებას იზიარებს, ხოლო მისი მთავარი წარმდგენი საქართველოს ბანკია.პროექტის ფარგლებში ახალგაზრდა ლიდერები შვიდ კატეგორიაში შეფასდებიან:· ანტრეპრენერები და მეწარმეები;· ტექნოლოგიები და ელექტრონული კომერცია;· ფინანსები;· განათლება და მეცნიერება;· ხელოვნება და სტილი;· სპორტი;· სოციალური გავლენა.გამარჯვებულების გამოვლენაში სხვადასხვა სფეროს პროფესიონალებთან ერთად საქართველოს ბანკის წარმომადგენლებიც იღებენ მონაწილეობას. ფინანსების კატეგორიის ჟიურის წევრია საქართველოს ბანკის გენერალური დირექტორის მოადგილე გიორგი გურეშიძე; ანტრეპრენერებისა და მეწარმეების კატეგორიის ჟიურის წევრია საქართველოს ბანკის გენერალური დირექტორის მოადგილე, ლევან გომშიაშვილი; განათლებისა და მეცნიერების, ასევე სოციალური გავლენის კატეგორიებში გამარჯვებულებს საქართველოს ბანკის CSR მიმართულების ხელმძღვანელი, ანი ლომთაძე წარადგენს. მათი მონაწილეობა პროექტში კიდევ ერთხელ აჩვენებს, რომ ახალგაზრდა თაობის მხარდაჭერა საქართველოს ბანკისთვის მხოლოდ პარტნიორის როლით არ შემოიფარგლება — ბანკის გუნდი უშუალოდ ერთვება იმ ადამიანების აღმოჩენასა და შეფასებაში, რომლებიც არ ჩერდებიან და საკუთარი წვლილი შეაქვთ უკეთესი მომავლის შექმნაში.“ოცდაათწლამდელთა სიაში მოხვედრა მხოლოდ ფორმალური აღიარება არ არის. ხშირად, ეს ხდება მნიშვნელოვანი ბიძგი მეტი წარმატებისთვის. გვსურს, საუკუნოვანი მედიაბრენდის ძალა მომავლის შემოქმედთა სამსახურში ჩავაყენოთ“ – ამბობენ Forbes Georgia-ში.„გვჯერა, რომ მომავალი სწორედ იმ ადამიანების ხელშია, რომლებიც დღეს გაბედულად ფიქრობენ, ქმნიან, მოქმედებენ და არ ჩერდებიან. საკუთარი იდეების რეალობად ქცევის, პოტენციალის გამოვლენისა და სრულად ათვისების პროცესში კი საქართველოს ბანკი მათი მთავარი მხარდამჭერია“, - აღნიშნავენ საქართველოს ბანკში.ინფორმაცია ღონისძიების შესახებ: 18 სექტემბერს, ცისკარი გარდენსში Forbes Georgia 30 Under 30 დაჯილდოების ცერემონია გაიმართება, რომელსაც უკვე მერვე წელია Forbes Georgia ახორციელებს. ღონისძიება აერთიანებს ლიდერებს, ინოვატორებსა და გამორჩეულ ნიჭიერ ახალგაზრდებს. 25 აგვისტოდან 18 სექტემბრამდე, "Forbes Georgia 30 Under 30"-ის დაჯილდოების ცერემონიის ბილეთების TKT-სა და biletebi.ge-ზე შეძენისას საქართველოს ბანკის ფიზიკური პირის ნებისმიერი ბარათის მფლობელები 20%-იანი ფასდაკლებით ისარგებლებენ. აქცია თითოეული კალათიდან პირველ 80 ბილეთზე  ვრცელდება. შეთავაზებით სარგებლობისთვის აუცილებელია საქართველოს ბანკის გადახდის მეთოდის გამოყენება.

1788261855