5*-იან სასტუმროში დასვენება ყველაზე ძვირი გურიაში დაჯდა

შეთავაზების ფარგლებში, მომხმარებლები შეძლებენ, 5X MR შეთავაზებით ისარგებლონ და მაქსიმუმ 10,000 MR ქულა დააგროვონ. შეთავაზება ვრცელდება მხოლოდ შოპინგისა და აქსესუარების კატეგორიებზე. აქციით სარგებლობისთვის აუცილებელია კონკრეტული მოლის შეთავაზების გააქტიურება მობილბანკში და საქართველოს ბანკის ტერმინალზე გადახდა.საკრედიტო Amex ბარათის მიღების პროცესი მარტივია - მომხმარებლებს მისი ციფრული ვერსიის აღება და გამოყენების დაწყება დაუყოვნებლივ, მობილბანკში შეუძლიათ.შეთავაზების პირობების სანახავად და გასააქტიურებლად, ეწვიეთ საქართველოს ბანკის მობილბანკს. (R)

1789998244

J.P. Morgan-მა სახელმწიფო ობლიგაციების ინდექსებში, ახალი ინსტრუმენტი - GBI-EM Edge დაამატა, რომლის საბაზრო ღირებულება 328 მილიარდ აშშ დოლარს შეადგენს და მოიცავს 26 ქვეყნის 24 ეროვნულ ვალუტასა და 425 ინსტრუმენტს. ახალ ინდექსში ჩართულია საქართველოს სახელმწიფო ობლიგაციები და ინდექსის 1.79%-იან წილს შეადგენს.„J.P. Morgan-მა გამოაქვეყნა სრულიად ახალი ინდექსი განვითარებადი ბაზრებისათვის, რომლებიც ახლახან გაფართოვდნენ. საქართველოსთვის ეს ნიშნავს იმას, რომ საერთაშორისო ინვესტორები, რომლებსაც სურთ ახალ ინდექსში ინვესტირება, დამატებით დაინტერესდებიან საქართველოს ფასიანი ქაღალდების ბაზრით. საქართველოს ფინანსთა სამინისტრო აქტიურად განაგრძობს საშინაო ფასიანი ქაღალდების ბაზრის შემდგომ განვითარებასა და ლიკვიდობის შემდგომ ზრდას. აღნიშნულ ინდექსში მოხვედრა ამ გზაზე მნიშვნელოვანი ნაბიჯია. შესაბამისად, სამომავლოდ უკვე შესაძლებელი გახდება J.P. Morgan-ის GBI-EM ინდექსში საქართველოს ფასიანი ქაღალდების მოხვედრა", - აღნიშნა ფინანსთა მინისტრის მოადგილემ, ეკატერინე გუნცაძემ.

1789994337

Euromoney-მ თიბისი გამორჩეული შედეგების, ინოვაციების, ციფრული ტრანსფორმაციისა და მომხმარებელზე ორიენტირებული მიდგომისთვის დააჯილდოვა. თანამედროვე ტექნოლოგიების დანერგვით ბანკი ამარტივებს ბიზნეს პროცესებს პარტნიორებისთვის; კომპანიებს სწრაფ და შეუფერხებელ სერვისებს აწვდის და მათი ბიზნესის უწყვეტობას უზრუნველყოფს.2025 წელს თიბისიმ კორპორატიული ბანკინგის საოპერაციო მოდელში ხელოვნური ინტელექტის ინსტრუმენტები, მათ შორის AI Analyst Copilot, დანერგა, რომელმაც საკრედიტო დოკუმენტაციის მომზადების პროცესი ავტომატიზებული გახადა. ხელოვნური ინტელექტისა და პროცესების გაუმჯობესების შედეგად, დაფინანსების გაცემის დრო წლიურად 11%-ით შემცირდა.ბანკმა ასევე დანერგა უცხოურ ვალუტაში ვაჭრობის ონლაინ მოდული, რომელიც მომხმარებლებს ინტერნეტ - და მობაილბანკში რეალურ დროში კურსის შეთანხმებისა და ტრანზაქციების შესრულების შესაძლებლობას აძლევს. ამ განახლებებმა გაზარდა ოპერაციული ეფექტიანობა და კიდევ უფრო გააუმჯობესა მომხმარებლის გამოცდილება. კორპორატიულ მომხმარებლებთან ურთიერთობის მართვის (CRM) სისტემის განვითარებამ კი ბანკს შესაძლებლობა მისცა, ბიზნესების საჭიროებებზე კიდევ უფრო მეტად მორგებული შეთავაზებები შეექმნა. შედეგად, ბიზნესწინადადებების 70% ახალ თანამშრომლობაში გადაიზარდა.„ვამაყობთ, რომ Euromoney-ს ნომინაციაში - საუკეთესო კორპორატიული ბანკი - ყოველ ჯერზე თიბისი იმარჯვებს. ეს კიდევ ერთი დადასტურებაა, რომ კორპორატიული ბანკინგის ბაზრის ლიდერები ვართ - თიბისი პირველია კორპორატიულ დეპოზიტებში, სესხებსა და ვაჭრობის დაფინანსების მიმართულებაში. 6 700-ზე მეტი კორპორატიული მომხმარებელი გვყავს და ეს ნიშნავს, რომ საქართველოში უმსხვილესი ბიზნესები სწორედ ჩვენ გვენდობიან. Euromoney-ს ჯილდო ჩვენი გუნდის ყოველდღიური მუშაობის, ინოვაციებისა და მომხმარებლებთან გრძელვადიანი პარტნიორობის შედეგია. ბიზნესის საჭიროებებზე მორგებული გადაწყვეტილებებითა და საუკეთესო გამოცდილების შექმნით ვაგრძელებთ კერძო სექტორთან პარტნიორობას და ქვეყნის ეკონომიკის განვითარებას“, - მერი ჩაჩანიძე, თიბისის კორპორატიული საბანკო ბიზნესის მართვის დირექტორი.(R)

1789990312

კონფერენციაზე განხილულ იქნა საერთაშორისო კაპიტალის ბაზრებზე არსებული ტენდენციები, განვითარებად ფინანსურ ბაზრებზე შექმნილი მდგომარეობა და ინვესტორთა ინტერესები.კონფერენციის ფარგლებში, ფინანსთა მინისტრის მოადგილემ შეხვედრები გამართა საერთაშორისო ინვესტორებთან. ინსტიტუციურ ინვესტორებსა და საინვესტიციო ბანკების წარმომადგენლებს მან გააცნო ქვეყნის მაკროეკონომიკური და ფისკალური პარამეტრები და ადგილობრივი ფასიანი ქაღალდების ბაზრის სამომავლო განვითარების პერსპექტივა. საუბარი, ასევე, შეეხო იმ ღონისძიებებს, რომლებიც საქართველომ ადგილობრივ და საერთაშორისო კაპიტალის ბაზრებზე დაფინანსების წყაროების დივერსიფიკაციისა და ინვესტორთა ბაზის გაფართოების მიზნით განახორციელა.„ჩვენ საქართველოს შესახებ პრეზენტაციაზე ინვესტორებს წარვუდგინეთ ქვეყნის მაკროეკონომიკური მიმოხილვა და განახლებული პარამეტრები. მნიშვნელოვანია, რომ აღნიშნულ პრეზენტაციას დაესწრო 50-ზე მეტი საერთაშორისო ინვესტორი. როგორც მოგეხსენებათ, მიმდინარე წლის იანვარში, საქართველომ წარმატებით განახორციელა ევრობონდის რეფინანსირება, ასევე, მიმდინარე წლის მაისში, გამოვუშვით 400 მლნ ლარის საშინაო ფასიანი ქაღალდები სინდიკაციის გზით. პრეზენტაციის პარალელურად გამართულ ორმხრივ შეხვედრებს დაესწრნენ ის ინვესტორები, რომლებიც ფლობენ ჩვენს საგარეო და საშინაო ფასიან ქაღალდებს. კიდევ ერთხელ დადასტურდა საერთაშორისო ინვესტორების მხრიდან საქართველოს, როგორც საშინაო, ისე საგარეო ფასიანი ქაღალდების მიმართ ინტერესი. J.P. Morgan-ის ახალ GBI-EM Edge-ის ინდექსში მონაწილეობა ამ ინტერესს კიდევ უფრო გააფართოებს", - განაცხადა ფინანსთა მინისტრის მოადგილემ, ეკატერინე გუნცაძემ.კონფერენციასა და ინვესტორთა შეხვედრებს, ასევე, ესწრებოდა ფინანსთა სამინისტროს სახელმწიფო ვალის მართვის დეპარტამენტის ხელმძღვანელი ირაკლი კაჭარავა.

1789989206

თიბისი კონცეპტის მულტიფუნქციურ სივრცეში გამართულ ღონისძიებას 100-ზე მეტი სტუმარი ესწრებოდა. მათ შორის იყვნენ პარტნიორი ორგანიზაციების, საერთაშორისო ინსტიტუტების, ბიზნესისა და მედიის წარმომადგენლები, ასევე თიბისის თანამშრომლები და მომხმარებლები.ღონისძიება ნინო მასურაშვილმა, თიბისის გენერალური დირექტორის მოადგილემ და რისკების მართვის დირექტორმა, გახსნა. მან ისაუბრა ბანკის ტექნოლოგიურ მიღწევებსა და იმ დადებით ზეგავლენაზე, რომელსაც დღეს ინოვაციები ბიზნესზე, თანამშრომლებსა და საზოგადოებაზე ახდენს.თიბისის ESG კოორდინატორმა მაკა ბოჭორიშვილმა წარადგინა კომპანიის საქმიანობა მდგრადი განვითარების მიმართულებით. მათ შორის, ყურადღება გამახვილდა მდგრადი პორტფელის, მწვანე დაფინანსების, განახლებადი ენერგიის, ქალთა გაძლიერების, მრავალფეროვნებისა და მდგრადი განათლების მხარდაჭერის მნიშვნელობაზე. შეხვედრის ცენტრალურ ნაწილს წარმოადგენდა ბრიტანეთის ინჟინერიის სამეფო აკადემიის საწარმოთა და სივრცითი განვითარების დირექტორის, ანა ავალიანის მოხსენება მდგრადი ტრანსფორმაციის მნიშვნელობაზე. მან ისაუბრა საერთაშორისო პრაქტიკაზე, დამკვიდრებულ მოსაზრებებსა და რეალურ პოტენციალზე.ღონისძიების ფარგლებში გამართულ პანელურ დისკუსიაში მონაწილეობა მიიღეს თიბისის ტექნოლოგიური მიმართულების წამყვანმა სპეციალისტებმა - კონსტანტინე ხოფერიამ და ნუცა აბაზაძემ, ასევე პარტნიორი კომპანიების - GAIA-ს წარმომადგენელმა შოთა ელყანიშვილმა და Databricks-ის წარმომადგენელმა გრაცია ფრონტოზომ. მათ ყურადღება გაამახვილეს ერთობლივად განხორციელებულ პროექტებზე, AI-სა და ინკლუზიურობის ურთიერთკავშირსა და იმ სამომავლო პერსპექტივებზე, რომლებიც მნიშვნელოვან ზეგავლენას ახდენს ადამიანებზე, ბიზნესსა და მთლიანად საზოგადოებაზე.ღონისძიება ნათელა გრიგალაშვილის პრეზენტაციითა და გამოფენის ტურით დასრულდა. მან აუდიტორიას მდგრადობისა და ხელოვნების ურთიერთკავშირი, ფერეიდანში მცხოვრები ქართველების ისტორია და დოკუმენტური ფოტოგრაფიის მნიშვნელობა გააცნო - როგორც მეხსიერების, ისტორიისა და კულტურული მემკვიდრეობის შენარჩუნების საშუალება.თიბისი უკვე წლებია ქმნის მნიშვნელოვან პლატფორმას მდგრადი განვითარების საკითხების განსახილველად, რათა საზოგადოებას გაუზიაროს არსებული ცოდნა, შესაძლებლობები და ახალი პერსპექტივები. კომპანია მომავალშიც გააგრძელებს ამ ტრადიციას და ყოველწლიურად ახალ აქტუალურ თემებს შემოგვთავაზებს.(R)

1789987534

„მედიას აქვს განსაკუთრებული როლი საარჩევნო პროცესში - დაწყებული ამომრჩეველთა ინფორმირებით, გაგრძელებული საარჩევნო კულტურის ხელშეწყობითა და საარჩევნო პროცესის გამჭვირვალობის უზრუნველყოფით. სწორედ ამ მიზნით, პერმანენტულად ვმართავთ შეხვედრებს მედიის წარმომადგენლებთან და გვაქვს შესაძლებლობა არამხოლოდ მივაწოდოთ აქტუალურ საარჩევნო საკითხებზე ინფორმაცია, არამედ მოვისმინოთ მათი უკუკავშირი - მათი კითხვები და რეკომენდაციები, სხვა რაკურსით დანახული პროცესი. აღნიშნული კი გვაძლევს საშუალებას, სხვადასხვა საკითხს კიდევ უფრო მეტი ყურადღებით მოვეკიდოთ, ისევე, როგორც ვიფიქროთ  პროცესის შემდგომ განვითარებაზე და გაუმჯობესებაზე. რა თქმა უნდა, ასეთი შეხვედრები გაგრძელდება როგორც მედიასთან, ისე სხვა ჩართულ მხარეებთან“, - აღნიშნა გიორგი კალანდარიშვილმა.საკრებულოს შუალედური არჩევნები, მედიის როლი და უფლებები საარჩევნო პროცესის გაშუქებისას, სამართლებრივი ჩარჩო და სიახლეები, დეზინფორმაცია საარჩევნო პროცესში: მიმდინარე გამოწვევები და პრაქტიკული მაგალითები - ამ და სხვა მნიშვნელოვან საკითხებზე გიორგი კალანდარიშვილთან ერთად თავმჯდომარის მოადგილე გიორგი შარაბიძემ, ცესკოს აპარატის/იურიდიული დეპარტამენტის უფროსმა გიორგი სანტურიანმა და პრესსპიკერმა ნათია იოსელიანმა ისაუბრეს. შეხვედრას ესწრებოდნენ აჭარის უმაღლესი საარჩევნო კომისიის თავმჯდომარე პაატა კეშელავა და წევრი ციალა შავაძე.შეხვედრის ფარგლებში მედის წარმომადგენლებმა ასევე მიიღეს ინფორმაცია ცესკოს ახალი პლატფორმის დეზინფორმაციის რეესტრის და ახალი საარჩევნო ჟურნალის „არჩევნები 360°“-ის შესახებ. აღნიშნული გამოცემა მკითხველს სთავაზობს ობიექტურ, მიუკერძოებელ და პროფესიონალურად მომზადებულ კონტენტს ქართულ და ინგლისურ ენებზე, რომელიც ხელმისაწვდომია როგორც ბეჭდურ, ისე ციფრულ ფორმატში. ჟურნალი უკვე ითარგმნა ეთნიკური უმცირესობების ენებზე და უახლოეს მომავალში გამოიცემა. ხოლო დეზინფორმაციის რეესტრის საშუალებით ცესკო დაინტერესებულ პირებს აწვდის გადამოწმებულ და ზუსტ ინფორმაციას საარჩევნო პროცესებისა და საარჩევნო ადმინისტრაციის შესახებ გავრცელებულ დეზინფორმაციასთან დაკავშირებით. პლატფორმა ყველა დაინტერესებულ პირს შესაძლებლობას აძლევს რეესტრში განთავსებულ ინფორმაციას გაეცნონ დინამიკაში და გაფილტრონ ვებგვერდზე გამოქვეყნებული მასალა თემების, წლებისა თუ არჩევნების მიხედვით.გაიმართა აქტიური დისკუსია და საარჩევნო ადმინისტრაციის წარმომადგენლებმა ამომწურავად უპასუხეს შეხვედრის მონაწილეთა კითხვებს.სამუშაო შეხვედრა 18-20 სექტემბერს გაიმართა და მასში მონაწილეობა მედიის 30-მა წარმომადგენელმა მიიღო.(R)

1789987222

2026 წლის იანვარ-აგვისტოში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 65% შეადგინა. ამ მხრივ, უმსხვილესი საექსპორტო პარტნიორებია: ჩინეთი - $529.1 მლნ რუსეთი - $468.3 მლნ თურქეთი - $297.3 მლნ 2026 წლის იანვარ-აგვისტოში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი $649.1 მლნ-ით, აღნიშნული სასაქონლო ჯგუფის წილი მთლიანი ადგილობრივი ექსპორტის 19.8%-ს შეადგენს. მეორე ადგილზეა ძვირფასი ლითონის მადნები და კონცენტრატები, $403.1 მლნ-ით (მთლიანი ადგილობრივი ექსპორტის 12.3%), ხოლო მესამე ადგილს იკავებს ფეროშენადნობები $219 მლნ-ით (მთლიანი ადგილობრივი ექსპორტის 6.7%).

1789979754

2026 წლის ივლისთან შედარებით ფასები 4.6%-ით გაიზარდა სამთო-მოპოვებითი მრეწველობისა და კარიერების დამუშავების ჯგუფზე, რამაც 0.34 პ.პ.-ით იქონია ზეგავლენა ჯამური ინდექსის ცვლილებაზე. ამავე პერიოდში ფასები შემცირდა დამამუშავებელი მრეწველობის პროდუქციის ჯგუფზე (-0.2%), რამაც -0.15 პ.პ. შეიტანა მთლიანი ინდექსის ცვლილებაში. გარდა ამისა, ფასების 6.8%-იანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.67 პ.პ.- შეადგინა.საქსტატის მონაცემებით, 12–თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 20.1%-ით, რაც მთლიანი ინდექსის ცვლილებაზე 1.34 პ.პ.-ით აისახა. ჯგუფში აღსანიშნავია ფასების მატება ლითონის მადნებზე (22.9%); დამამუშავებელი მრეწველობის პროდუქცია: ფასები გაიზარდა 5.1%-ით, რამაც მთლიანი ინდექსის ზრდაზე 4.02 პ.პ.-ით მოახდინა გავლენა. ფასები გაიზარდა კვების პროდუქტებზე (5.7%) და ძირითად ლითონებზე (10.1%); ელექტროენერგია, აირი, ორთქლი და კონდიცირებული ჰაერი: ფასები გაიზარდა 2.6%-ით, რამაც მთლიანი ინდექსის წლიურ ცვლილებაზე 0.28 პ.პ.-ით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 6.3%-ით, რამაც მთლიან ინდექსზე 0.2 პ.პ.-ით იქონია გავლენა.

1789978764