ქართული ღვინის პერსპექტივები ღვინის ეროვნულ სააგენტოში Messe Dusseldorf-ის წარმომადგენელს გააცნეს

„როგორც საზოგადოებისთვის ცნობილია, 2025 წლის 1 აპრილს, ,,ქართულმა ოცნებამ” მიიღო „უცხოეთის აგენტების რეგისტრაციის აქტი“, ე.წ. FARA, რომელიც არღვევს საქართველოს კონსტიტუციას და მიზნად ისახავს დამოუკიდებელი სამოქალაქო საზოგადოების ორგანიზაციების და მედიების გაჩუმებას, დისკრედიტაცია და დევნას, მათ შორის, სისხლისსამართლებრივი პასუხისმგებლობის დაკისრების ფორმით.„ქართული ოცნება“ ამ კანონს ამერიკული FARA-ს („Foreign Agents Registration Act“) ანალოგად მიიჩნევს, თუმცა, სინამდვილეში ამერიკული FARA 1938 წელს მიღებული კანონია, რომელიც, ისტორიული კონტექსტის გათვალისწინებით, ამერიკის შეერთებული შტატების იუსტიციის დეპარტამენტისა და დამოუკიდებელი სასამართლოების განმარტებების შესაბამისად, მიზნად ისახავს არა დამოუკიდებელი საზოგადოებრივი და მედია ორგანიზაციების შეზღუდვას, არამედ მტრულად განწყობილი უცხო ქვეყნის ძალების აგენტების საქმიანობის გამოაშკარავებას. ამასთან, აღნიშნული რეგულირება მიემართება ისეთ შემთხვევებს, როდესაც უცხოეთიდან დაფინანსებული პირები ავტონომიურად არ მოქმედებენ და სრულად ექვემდებარებიან პრინციპალის მითითებებს.მნიშვნელოვანია, ქართულმა საზოგადოებამ იცოდეს, რომ კანონმდებლობის რეალური შინაარსი არ განისაზღვრება მხოლოდ მისი ტექსტით, ხოლო სხვა ქვეყნებში მოქმედი კანონმდებლობის პირდაპირ გადმოტანა ვერ უზრუნველყოფს მის იდენტურ ფუნქციონირებას. სამართლებრივი ნორმა, რომელსაც შეიძლება ჰქონდეს ერთი და იგივე ფორმულირება, სხვადასხვა იურისდიქციასა და სხვადასხვა დროში, შესაძლოა, სრულიად განსხვავებულ შედეგებს იწვევდეს, რაც განპირობებულია სამართლებრივი სისტემის სტრუქტურით, პოლიტიკური გარემოთი და ინსტიტუციური მექანიზმებით.ამერიკის შეერთებული შტატები საქართველოსაგან განსხვავებით წარმოადგენს საერთო სამართლის ქვეყანას. საერთო სამართლის ქვეყნებს ახასიათებს ფართოდ ფორმულირებული ტერმინები, ვინაიდან ამ სამართლებრივ სისტემაში სამართალია ის, რასაც სასამართლო დაადგენს (Marbury v. Madison, 5 U.S. 137 (1803). კონტინენტური სამართლის ქვეყნებში, როგორიც საქართველოა, თავად კანონის ტექსტი უნდა იძლეოდეს სამართლებრივი ვალდებულების დადგენის შესაძლებლობას. ჩვენი სისტემა ფუნდამენტურად გამორიცხავს იმგვარი ზოგადი ნორმის მიღების შესაძლებლობას, სადაც კანონმდებლის ფუნქციას მოსამართლე კისრულობს. ეს განსაკუთრებით ეხება იმ ნორმებს, რომლითაც სისხლისსამართლებრივი პასუხისმგებლობის დადგენა ხდება. შესაბამისად, როდესაც ჩვენს სისტემაში ხდება საერთო-სამართლის ინსტიტუტების გადმოღება, არ არის საკმარისი საერთო სამართლის ქვეყნის კანონის თარგმნა. აუცილებელია მხედველობაში იქნეს მიღებული საერთო სამართლის ქვეყნის სასამართლო პრაქტიკა. აშშ-ს სასამართლო პრაქტიკის თანახმად, დონორისაგან დაფინანსების მიღების ფაქტი, თავისთავად, არ აქცევს მის მიმღებს დონორის მითითების ან კონტროლის ქვეშ მყოფ სუბიექტად. ასეთ შემთხვევაში სუბსიდიის მიმღებს არ მოეთხოვება დონორის აგენტად რეგისტრაცია. კორპორაციები, რომლებიც იღებენ უცხოელი პრინციპალებისაგან ფინანსურ დახმარებას, ისე რომ არ ექვემდებარებიან უცხოური პრინციპალის კონტროლს, არ არიან აგენტები FARA-ს მიზნებისათვის.საკონსტიტუციო სარჩელში დასაბუთებულია, რომ ბუნდოვანი ნორმების პარალელურად, კანონის აღმსარულებელ სუბიექტებს (ანტიკორუფციული ბიურო, პროკურატურა, სასამართლო) მინიჭებული აქვთ დაუბალანსებელი უფლებამოსიულებები, რაც ზრდის კანონის თვითნებური გამოყენების რისკებს. ასეთ რეალობაში, განსაკუთრებით მაშინ, როდესაც ,,ქართული ოცნება” სრულად აკონტროლებს ანტიკორუფციულ ბიუროს, სასამართლოსა და პროკურატურას, არსებობს რეალური საფრთხე, რომ FARA-ს ყოველგვარი ფაქტობრივი და სამართლებრივი წინაპირობების არარსებობის მიუხედავად, გამოიყენებს დამოუკიდებელი სამოქალაქო ორგანიზაციებისა და მედიების წინააღმდეგ, რომლებიც ეხმარებიან საზოგადოების სხვადასხვა დაჩაგრულ ჯგუფს, ეწინააღმდეგენიან სისტემურ წამებას, ამხელენ ,,ქართული ოცნების” ანტი-ევროპულ კურსს, კორუფციულ გარიგებებს, აშუქებენ მიმდინარე პოლიტიკურ მოვლენებს, ადამიანის უფლებათა დამაზიანებელ პრაქტიკებს და სხვა.„ქართული ოცნების” ფარას დებულებები იმდენად ბუნდოვანია, რომ ქმნის რეალურ საფრთხეს, მოხდეს მისი გამოყენება დამოუკიდებელი ორგანიზაციების და ფიზიკური პირების გასაჩუმებლად და დასასჯელად. ამას ადასტურებს ის ფართო ინტერპრეტაციებიც, რომლებიც ამ კანონთან მიმართებით ბოლო ორი დღის განმავლობაში ანტიკორუფციული ბიუროს ხელმძღვანელმა გააკეთა. იმისათვის, რომ თავიდან იქნეს აცილებული კანონის ამოქმედებიდან წარმოშობილი მყისიერი და გამოუსწორებელი ზიანი, საკონსტიტუციო სასამართლო ვალდებულია შეაჩეროს გასაჩივრებული ნორმები. არ გვაქვს მოლოდინი, რომ საკონსტიტუციო სასამართლო სწრაფად და კონსტიტუციის შესაბამისად იმოქმედებს, თუმცა, მიგვაჩნია, რომ უნდა გამოვიყენოთ სამართლებრივი ბრძოლის ყველა ფორმა, კონსტიტუციით მონიჭებული უფლებების დასაცავად“, - ნათქვამია განცხადებაში.

1747904951

ოთხშაბათს, 21 მაისს, თბილისის დროით 18:45 საათზე ამერიკის შეერთებული შტატების სახელმწიფო მდივანმა მარკო რუბიო ტრამპის მეორე ვადით არჩევისა და ახალი ადმინისტრაციის მოსვლის შემდეგ საქართველოსთან დაკავშირებით პირველ განცხადება გააკეთა. მან "ქართულ ოცნებას" „ანტიამერიკული“ უწოდა.რუბიო აშშ-ის კონგრესის ქვედა პალატის, წარმომადგენელთა პალატის საგარეო საქმეთა კომიტეტის წინაშე სიტყვით გამოდიოდა, როდესაც მას ჯო უილსონმა (MEGOBARI აქტის თანაავტორმა), საქართველოსთან დაკავშირებით ჰკითხა: „თქვენი ხელმძღვანელობით სახელმწიფო დეპარტამენტში რა გაკეთდება ისეთი, რაც სახელმწიფო დეპარტამენტს, ქართველი ხალხის სახელით, ანტიამერიკული “ქართული ოცნებისთვის” რეალური ფასის დაწესებაში დაეხმარება?”ამ კითხვის დასმამდე, კონგრესმენმა უილსონმა ჯერ ისაუბრა საქართველოს 2024 წლის საპარლამენტო არჩევნების "გაყალბებაზე“, ჩინეთის ინტერესების სანაცვლოდ ამერიკულ მხარესთან ორგანიზაციების ასოცირების „კრიმინალიზაციაზე“ და მიმდინარე საპროტესტო დემონსტრაციებზე.რუბიომ პასუხი არ დააყოვნა, "ვარიანტები და დამატებით ვარიანტები განიხილება".რუბიოს თქმით, დღეს მას არ აქვს განცხადება იმის თაობაზე, კონკრეტულად რის გაკეთებას გეგმავს აშშ.ასევე რუბიომ თქვა, რომ შტატებმა რეგიონულ ბიუროებს და ლოკალურ ოფისს უნდა მიმართოს, რომ სახელმძღვანელო მიიღონ - "ანტიამერიკული მთავრობისთვის ყველაზე საგრძნობი ზომები რა შეიძლება იყოს”.“ჩემს შესავალ სიტყვაში რაც ვთქვი, იმას რომ დავუბრუნდეთ, შეერთებული შტატების მიზანი ჩვენი ეროვნული ინტერესებია. ასე რომ, ამას შევხედავთ და საკუთარ თავს ვკითხავთ: “ჩვენი ეროვნული ინტერესია, რომ მსოფლიოს მნიშვნელოვან ნაწილში ანტიამერიკული მთავრობა მმართველობდეს?” და თუ არა, შესაბამის ქმედებებს განვახორციელებთ, რათა ფასის გადახდა მოუწიოს ამ მთავრობას.ეს ამჟამად განიხილება, ვარიანტებს და დამატებით ვარიანტებს განვიხილავთ. კონკრეტულად დღეს განცხადება არ მაქვს, თუ კონკრეტულად რის გაკეთებას ვგეგმავთ, მაგრამ შემიძლია გითხრათ, რომ ეს ისეთი რამეა, რაც განიხილება.და, კიდევ ერთხელ, ეს შესანიშნავი მაგალითია იმის, თუ რატომ უნდა მივმართოთ ჩვენს რეგიონულ ბიუროებს და ადგილზე ჩვენს ლოკალურ ოფისს, რომ სახელმძღვანელო მოგვცენ - ანტიამერიკული მთავრობისთვის ყველაზე საგრძნობი ზომები რა შეიძლება იყოს”, - განაცხადა გუშინ რუბიომ უილსონის კითხვის პასუხად.უპასუხოდ დარჩენილი კობახიძის წერილიმაშინ, როდესაც აშშ-ის კონგრესის ქვედა პალატაში “MEGOBARI აქტის” დამტკიცების შემდეგ, კანონპროექტი კონგრესის ზედა პალატას - სენატს გადაეცა, "ქართული ოცნების" თავმჯდომარედ არჩეულმა ირაკლი კობახიძემ 13 მაისს დონალდ ტრამპსა და ჯეი დი ვენსს ღია წერილით მიმართა, სადაც იგი წერდა: "თუ დააკვირდებით, ჩვენი ხელისუფლებისა და თქვენს რიტორიკას, სრული ღირებულებითი და იდეოლოგიური თანხვედრა აქვს".ამ წერილზე აშშ-ის არცერთ ოფიციალურ წარმომადგენელს საჯარო კომენტარი არ გაუკეთებია და ამ დრომდე არც არაფერი თქმულა.6 მაისს, აშშ-ის კონგრესის ქვედა პალატაში “MEGOBARI აქტის” დამტკიცების შემდეგ, კანონპროექტი კონგრესის ზედა პალატას - სენატს გადაეცა. კანონპროექტი სენატის ოფიციალური კალენდრის “ზოგადი საკითხების” სექციაში იმავე დღეს იქნა დამატებული სათაურით: “აქტი, რომ საქართველოში წინააღმდეგობა გაეწიოს ჩინეთის კომუნისტური პარტიის, ირანული რეჟიმისა და რუსეთის ფედერაციის გავლენას”.თუკი ახლა “MEGOBARI აქტი” სენატშიც დამტკიცდება, კანონად ქცევისთვის მას პრეზიდენტი ტრამპის ხელმოწერა დასჭირდება.ირაკლი კობახიძემ 7 მაისს ჟურნალისტებს უთხრა, რომ "MEGOBARI აქტის" მხარდამჭერი რესპუბლიკელი კონგრესმენები არა პრეზიდენტ ტრამპის მოკავშირეები, არამედ "დიფ სთეითის" დავალებების შემსრულებლები არიან. კობახიძის აზრით, მაგალითად "ჯო უილსონი არის თავიდან ბოლომდე დიფ სთეითი“.„ქართული ოცნების“ თავმჯდომარის მოადგილის, ლევან მაჭავარიანის აზრით კი "ჯო უილსონი ჩვეულებრივი ლობისტია, რომელიც ასეთი ტიპის სამუშაოთი საზრდოობს".“ქართული ოცნება” “MEGOBARI აქტს” პრეზიდენტ ტრამპის „გამოცდად“ განიხილავს და თუკი აშშ-ის პრეზიდენტი საბოლოო ვარიანტს ხელს მოაწერს,  ეს "ქართული ოცნების" აზრით, ნიშანი იქნება იმისა, რომ აშშ-ის პრეზიდენტმა ე.წ. დიფ სთეითი ვერ დაამარცხა.დონალდ ტრამპისა და ჯეი დი ვენსისთვის მიწერილ ღია წერილში კობახიძე აცხადებს, რომ „გასაკვირია”, რატომ არ ასწორებს დონალდ ტრამპი ჯო ბაიდენის „დანაშაულებრივ გადაწყვეტილებებს” – მისვე თქმით, გაკვირვებას იწვევს აშშ-ის ამჟამინდელი ადმინისტრაციის „დუმილი” იმის გათვალისწინებით, რომ ისინი „ღიად არადემოკრატიულ და ავტორიტარულ სახელმწიფოსთანაც” აწარმოებენ დიალოგს.ვის ემუქრება სანქციები MEGOBARI აქტის მიღების შემთხვევაში?ჯო ვილსონის თქმით, "MEGOBARI აქტის" მიღების შემთხვევაში დასანქცირება ემუქრება: ირაკლი კობახიძეს - პრემიერ-მინისტრის, კახა კალაძეს - თბილისის მერს, ირაკლი ღარიბაშვილს - პარტიის ყოფილი თავმჯდომარეს, მაკა ბოჭორიშვილს - საგარეო საქმეთა მინისტრს, შალვა პაპუაშვილს - პარლამენტის სპიკერს, ნინო წილოსანს - ვიცე-სპიკერს, მამუკა მდინარაძეს - საპარლამენტო უმრავლესობის ლიდერს, გიორგი კალანდარიშვილს - ცესკოს თავმჯდომარეს.დასასანქცირებელთა სიაში ასევე არიან: ვახტანგ გომელაური, ანრი ოხანაშვილი, პაატა სალია, სულხან თამაზაშვილი, ვიქტორ ჯაფარიძე, დიმიტრი სამხარაძე, თეა წულუკიანი, მიხეილ ჩინჩალაძე, ლევან მურუსიძე, დიმიტრი გვრიტიშვილი, გიორგი მიქაუტაძე, ლევან თევზაძე, ირაკლი შენგელია, რევაზ ნადარაია, შალვა თადუმაძე, გიორგი გაბიტაშვილი – გენპროკურორი, კარლო კაციტაძე – სპეციალური საგამოძიებო სამსახური, გიორგი ჯავახიშვილი – ცესკოს მდივანი, რაჟდენ კუპრაშვილი – ანტიკორუფციული ბიუროს ხელმძღვანელი, ნათია თურნავა – სების პრეზიდენტი. ბიზნესმენები: უჩა მამაცაშვილი, ივანე ჩხარტიშვილი, ალექსანდრე ივანიშვილი, ოთარ რომანოვ-ფარცხალაძე, ნოშრევან ნამორაძე. ჯო ვილსონის თქმით, სანქციები ემუქრებათ "პროპაგანდისტებსაც" სადაც მოიაზრება: ირაკლი რუხაძე, ლაშა ნაცვლიშვილი, ვასილ მაღლაფერიძე, თინათინ ბერძენიშვილი და კახა ბექაური.

1747902928

„ისე უნდა გაკეთდეს, რომ ფრაზა „სომხურ–ქართული მეგობრობა“ გამოითქმოდეს არა ბრჭყალებში, არამედ ეს იყოს რეალობა, რადგან ქართულ მხარეს რაც კეთდება, აბსოლუტურ წინააღმდეგობაშია მსოფლიო სავაჭრო ორგანიზაციის წესებთან. საქართველოს ტერიტორიაზე ტრანზიტული ტვირთები თავისუფლად უნდა გადაადგილდებოდეს, თბილისი ტვირთების თავისუფალ გადაადგილებას არღვევს. გასაკვირია, რომ სომხეთის შესაბამისი უწყებები და წარმომადგენელი ვაჭრობის მსოფლიო ორგანიზაციაში დღემდე არ ავრცელებენ განცხადებას, რომელშიც უკმაყოფილება იქნება გამოთქმული. სომხური კონიაკის წარმოებას მრავალსაუკუნოვანი ისტორია აქვს და ქვეყნის ერთ–ერთი წამყვანი სამრეწველო დარგია“, – თქვა მაქარიანმა.მანვე აღნიშნა, რომ საქართველოს ეკონომიკა თურქეთ–აზერბაიჯანის ტანდემის ზეგავლენის ქვეშაა.მარკარიანი ირწმუნება, რომ საქართველო სუსტი ეკონომიკის მქონე ქვეყანა ხდება და ამის დასამტკიცებლად სტატისტიკურ მონაცემებს მოიხმობს: „საქართველოს იმპორტი 11 მილიარდია, ექსპორტი კი მხოლოდ 3–3,5 მილიარდი. დეფიციტი 70%–ს შეადგენს“ {ეს მონაცემები აცდენილია საქსტატის ოფიციალურ მონაცემებს. რედ.}.მისივე თქმით, მთავარი პარტნიორები საქართველოსთვის თურქეთი და აზერბაიჯანი არიან.

1747901495

გამოცემა Delfi წერს, რომ ლიეტუვის მთავრობამ სამინისტროს დაავალა მიღებული გადაწყვეტილება ხუთი სამუშაო დღის ვადაში აცნობოს ევროკომისიას და ევროპის კავშირის წევრ სხვა სახელმწიფოებს.ევროკავშირის საბჭოს მიერ 2025 წლის 27 იანვარს მიღებული გადაწყვეტილებით, საქართველოს ხელისუფლების მიერ ადამიანის უფლებებისა და დემოკრატიული ღირებულებების ხელყოფის გამო, დიპლომატიური და სამსახურებრივი პასპორტების მფლობელები ვეღარ ისარგებლებენ ევროპის კავშირთან უვიზო მიმოსვლით.ეს გადაწყვეტილება შეეხებათ: საქართველოს ოფიციალური დელეგაციის წევრებს, რომლებიც მონაწილეობენ ოფიციალურ შეხვედრებსა და სხვა ღონისძიებებში, რომლებიც იმართება ევროკავშირის რომელიმე ქვეყნის ტერიტორიაზე სამთავრობათაშორისო ორგანიზაციების მიერ. საქართველოს ეროვნული და რეგიონული მთავრობებისა და პარლამენტების, საქართველოს საკონსტიტუციო სასამართლოსა და უზენაესი სასამართლოს წევრებს. დიპლომატიური პასპორტების მფლობელებს. ევროპის კავშირის წევრმა არაერთმა სახელმწიფომ, მათ შორის ბალტიის ქვეყნებმა „ქართული ოცნების“ დამფუძნებელ ბიძინა ივანიშვილს, პარტიის ლიდერებს და მათი პოლიტიკის მხარდამჭერებს სანქციები დაუწესეს ანტიდემოკრატიული კანონების, მათ შორის ე.წ. აგენტების კანონის და ლგბტქ თემის უფლებების შემზღუდავი კანონის და მშვიდობიანი დემონსტრანტების წინააღმდეგ ძალადობის გამო.სანქციები აამოქმედა ამერიკის შეერთებულმა შტატებმაც. კერძოდ, 2024 წლის 27 დეკემბერს აშშ-მა ბიძინა ივანიშვილი "რუსეთის სასარგებლოდ საქართველოს დემოკრატიული და ევროატლანტიკური მომავლისთვის ძირის გამოთხრისთვის" დაასანქცირა.

1747900987

ნათია ჯანაშია და დავით ცეცხლაძე ირაკლი გილაურისა და სს „საქართველოს კაპიტალის“ მიერ სკოლებისა და დამფუძნებლების მიმართ განხორციელებულ უკანონო ქმედებებს, ნათია ჯანაშიასა და დავით ცეცხლაძის წილის მითვისების მცდელობას, მათთვის ზიანის მიყენებას, სკოლების „ბრუტალური ოკუპაციას“, დამფუძნებლის არასრულწლოვანი შვილების დისკრიმინაციას, დამფუძნებლების საკუთრების უფლების ხელყოფას, თვითნებობასა და სხვა შესაძლო დანაშაულებრივი ქმედებების გამო ედავებიან.ნათია ჯანაშია და დავით ცეცხლაძე მანამდე გამოქვეყნებულ არაერთ პუბლიკაციაშიც აცხადებდნენ, რომ სს „საქართველოს კაპიტალი“ გაერთიანებულ სამეფოში რეგისტრირებული კომპანიის, Georgia Capital PLC შვილობილი კომპანიაა და ორივე ორგანიზაციას ერთი და იგივე გუნდი მართავს ირაკლი გილაურის ხელმძღვანელობით. მათი თქმით, ეს კომპანია, ფაქტობრივად, საქართველოში ოპერირებისთვის გამოიყენება, საქართველოში განხორციელებული უკანონო ქმედებებთან დაკავშირებული, Georgia Capital PLC-სთვის შესაძლო სამართლებრივი პასუხისმგებლობის თავიდან აცილების მიზნით. სწორედ Georgia Capital PLC-სა და მისი შვილობილი კომპანიების მიმართ წამოიწყეს სამართლებრივი დავა ნათია ჯანაშიამ და დავით ცეცხლაძემ გაერთიანებული სამეფოს მართლმსაჯულების უმაღლეს სასამართლოში (High Court of Justice, Business and Property Courts of England and Wales). ნათია ჯანაშიას და დავით ცეცხლაძის ადვოკატების თქმით, აღნიშნული დავის ფარგლებში, გამოყენებული იქნება ყველა სამართლებრივი მექანიზმი, მათ შორის ისეთიც, რომელიც საქმის არსებითად გადაწყვეტამდე ნათია ჯანაშიასა და დავით ცეცხლაძისათვის Georgia Capital PLC-სა და მისი შვილობილი კომპანიების მხრიდან შემდგომი ზიანის მიყენების შესაძლებლობას შეზღუდავს.აღნიშნული საინვესტიციო კომპანიების შესაძლო დანაშაულებრივი ქმედებების შესწავლის მიზნით მიმართეს სკოლების დამფუძნებლებმა გაერთიანებულ სამეფოში არსებულ მარეგულირებელ ორგანოებსაც, კერძოდ, ისეთ ორგანიზაციებს, როგორიცაა: The Financial Conduct Authority (FCA); The Financial Reporting Council (FRC); The UK’s National Crime Agency (NCA); Foreign, Commonwealth & Development Office (FCDO) და Office of Financial Sanctions Implementation (OFSI). ნათია ჯანაშია და დავით ცეცხლაძე ითხოვენ ირაკლის გილაურის სანქცირებასა და Georgia Capital PLC-ს გარიცხვას ლონდონის საფონდო ბირჟიდან.სკოლების დამფუძნებლების თქმით, „საქართველოს კაპიტალისა“ და მისი შვილობილი კომპანიის „საქართველოს განათლების ჯგუფის“ უკანონო ქმედებებთან დაკავშირებით ფაქტების შესწავლა დაწყებულია საქართველოში არსებულ მარეგულირებელ ორგანიზაციებშიც - საქართველოს ეროვნულ ბანკსა და განათლების ხარისხის განვითარების ეროვნულ ცენტრში. ნათია ჯანაშიასა და დავით ცეცხლაძის შვილების მიმართ განხორციელებული დისკრიმინაციული ქმედებებიდან გამომდინარე, უფლების სავარაუდო დარღვევის ფაქტების შესწავლა მიმდინარეობს საქართველოს სახალხო დამცველთანაც.ამასთან, სკოლების დამფუძნებლების ადვოკატების თქმით, დაწყებულია გამოძიება სისხლისსამართლებრივი ქმედების - თვითნებობის ფაქტებზეც, რომელშიც ფიგურირებს „საქართველოს კაპიტალის“ მმართველი დირექტორი და სკოლების თვითმარქვია დირექტორი გიორგი კეთილაძე, რომელიც, ადვოკატების მტკიცებით, ირაკლი გილაურის დავალებით მოქმედებს.ადვოკატების თქმით, სკოლის დამფუძნებლების მიმართვის საფუძველზე, „საქართველოს კაპიტალის“ შვილობილი კომპანიის - შპს „საქართველოს განათლების ჯგუფის“ იმ უძრავი ქონების მიმართ, რომლითაც „ინვესტორს“ ინვესტიციის ნაწილი უნდა განეხორციელებინა, მაგრამ ეს ვალდებულება არ შეასრულა და პირიქით, თავისი კერძო საკუთრების გასაუმჯობესებლად მიითვისა სკოლის კუთვნილი სამ მილიონ ლარზე მეტი, სასამართლოს მიერ გამოყენებულია აკრძალვა სარჩელის უზრუნველყოფის ღონისძიების სახით. ამასთან, ნათია ჯანაშიასა და დავით ცეცხლაძისთვის ცნობილი გახდა, რომ ირაკლი გილაური სკოლების დამფუძნებლების მიმართ უკანონო ქმედებების განსახორციელებლად აქტიურად იყენებს დაკავშირებული კომპანიის - სს „საქართველოს ბანკის“ ადამიანურ რესურსს, რასაც, მათი თქმით, შესაბამისი სამართლებრივი შეფასება მიეცემა და მარეგულირებელი ორგანოს შესწავლის საგანი გახდება.შპს „ბრიტანულ–ქართული აკადემიისა“ და შპს „თბილისის ბრიტანული საერთაშორისო სკოლის“ დამფუძნებლების ბრძოლა ირაკლი გილაურისა და Georgia Capital PLC-ის შვილობილი კომპანიების მიმართ გრძელდება როგორც საქართველოში, ისე გაერთიანებულ სამეფოში.ნათია ჯანაშია და დავით ცეცხლაძე ირწმუნებიან, რომ სიმართლე გაირკვევა და გილაურსა და მასთან დაკავშირებულ პირებს არ მიეცემათ დამფუძნებელი პარტნიორის წილისა და სკოლების საბოლოო მიტაცების შესაძლებლობა და ყველა მათგანი უმკაცრესად აგებს პასუხს კანონის წინაშე.  (R)

1747896832

კამპანიის ფარგლებში, შეღავათიანი პირობებით სარგებლობა შეუძლია სხვადასხვა მიმართულების აგრობიზნესს, რომლის მიზანი საქმიანობის გაფართოებაა, ან დამწყებ მეწარმეს, რომელსაც სასოფლო-სამეურნეო საქმიანობაში ჩართვა სურს. დაფინანსების მოპოვება მომხმარებლებს სხვადასხვა მიზნობრიობით შეუძლიათ. მათ შორის:მრავალწლიანი კულტურების გასაშენებლადლურჯი მოცვის, თხილის, დაფნის, ვაშლის, გოგრა ბალისა და მსხლის ბაღების გაშენებისა თუ მოვლა-პატრონობისთვის. 3-4 წლის განმავლობაში მომხმარებლებს ყველა ხარჯის დაფინანსება შეღავათიანი პირობებითა და მოქნილი გრაფიკით შეუძლიათ. საგულისხმოა, რომ აგროდაფინანსების მოპოვების შემთხვევაში, მომხმარებელი გადახდას მოსავლის აღების შემდეგ დაიწყებს. პროდუქტის ეფექტური საპროცენტო განაკვეთია ლარში 15.08%, სუბსიდია კი საპროცენტო განაკვეთის 11%-მდე თანადაფინანსებას გულისხმობს.ერთწლოვანი კულტურების მოსაყვანადბოსტნეულის, მარცვლეულის ან სხვა ერთწლოვანი კულტურების დასათესად, მოსაყვანად და მოსავლელად, მომხმარებლებს შესაძლებლობა აქვთ შეღავათიანი აგროკრედიტით ისარგებლონ და მიიღონ სპეციალური, მათ საჭიროებებზე მორგებული პირობები.პროდუქტის ეფექტური საპროცენტო განაკვეთია 15.08%, რომელზეც  12 თვის განმავლობაში 11%-მდე სუბსიდია მოქმედებს.სასოფლო-სამეურნეო ტექნიკის შესაძენადსასოფლო-სამეურნეო ტექნიკის, აგრეგატების და მისაბმელი საშუალებების შესაძენად, საქართველოს ბანკი მომხმარებლებს შეღავათიან აგროკრედიტს სთავაზობს. აგროკრედიტის ფარგლებში მომხმარებლებს აქვთ შესაძლებლობა, ისარგებლონ თანადაფინანსებით, წლიური 11%-მდე ოდენობით. ეფექტური საპროცენტო განაკვეთია ლარში 15.08% .გარდა ამისა, ხელმისაწვდომია აგროკრედიტები მარნების მოსაწყობად და აგროტურიზმის განვითარებისთვის, ატმის ან ვაშლატამის ბაღების გაშენებისთვის, ან იონჯის მოსაყვანად. ყველა ტიპის აგროკრედიტზე სრული ინფორმაციის მისაღებად ეწვიეთ ბმულს.“კამპანიით „გაამრავლე ერთი ასად“ გვინდა კიდევ ერთხელ შევახსენოთ აგრობიზნესსა და სოფლის მეურნეობაში ჩართულ მეწარმეებს, რომ ბანკი მათ საქმიანობაში აქტიურად უჭერს მხარს. ჩვენ მუდმივად ვაკვირდებით სხვადასხვა სეგმენტის საჭიროებებს და ვეძებთ თანამშრომლობის გზებს შეღავათიანი დაფინანსების წყაროების შეთავაზებისთვის, რაც, საბოლოო ჯამში, ეკონომიკის გაძლიერებითა და რეგიონებში მეწარმეობის წახალისებით გამოიხატება. რაც მთავარია, ჩვენ არ ვჩერდებით და გავაგრძელებთ მომხმარებლების საქმიანობის სპეციფიკაზე მორგებული პროდუქტების შემუშავებას“, — აცხადებს თორნიკე კუპრაშვილი.

1747896156

თელავიდან 3 წუთის სავალ გზაზე დაშორებული სოფელი სეროდანი საუკუნის წინ დაიცალა. სწორედ ადგილმდებარეობიდან გამომდინარე დაერქვა სასტუმროს ეს სახელი.რამდენიმე წლის წინ, ძმებმა - ზურაბ და ზაქარია მოდებაძეებმა ამ ადგილს ფაქტობრივად მეორე სიცოცხლე აჩუქეს. ჯერ მშობლებისეულ ხის სახლს მყარი ღობე შემოარტყეს, მარანი გამართეს, შემდეგ კი, შვილებთან ერთად, სასტუმრო კომპლექსის მშენებლობას შეუდგნენ. მიზანი მარტივი, მაგრამ არცთუ მარტივად შესასრულებელი იყო -  სტუმრებს, კახეთის შუაგულში, ის სიმშვიდე და სიმყუდროვე ეპოვათ, რომელიც დიდ ქალაქებში უკვე ძნელად მოსაპოვებელია.სასტუმრო 6 ხის კოტეჯს, ორ ღია ტიპის აუზს და ქართულ ტრადიციულ რესტორანს აერთიანებს. სტუმრებს „სეროდანში“ რამდენიმე სახეობის  ღვინოს საკუთარი მარნიდან სთავაზობენ.  სასტუმრო ჯამში 32 სტუმარზეა გათვლილი. ყველაფერი მაღალი ხარისხის,  ადგილობრივი ხის მასალითაა დამზადებული. კოტეჯში შესვლისთანავე ხვდები, რომ აქ თითოეულ დეტალზე საგულდაგულოდ იზრუნეს.„ამ ბიზნესში  უმნიშვნელო დეტალი არ არსებობს. როდესაც სტუმართან გაქვს ურთიერთობა, ყველა წვრილმანი მნიშვნელობას იძენს. ეს სფერო შენგან მუდმივ ჩართულობას, ყურადღებას და ზრუნვას მოითხოვს.  აქ, ყველა ერთნაირად ვზრუნავთ იმაზე, რომ თითოეული ჩვენი სტუმარი კმაყოფილი და კიდევ მოუნდეს უკან დაბრუნება. წელიწადნახევარია, სასტუმრო ფუნქციონირებს და თამამად შემიძლია ვთქვა, რომ ჩვენგან უკმაყოფილო სტუმარი არ წასულა. უფრო მეტიც, თითქმის ყველა მათგანი უწევს რეკომენდაციას სხვას, რომ ჩვენთან დაისვენოს, რასაც booking-ის პლატფორმაზე, სტუმრების შეფასებებიც ადასტურებს“, - გვიხსნის ზურაბ მოდებაძე.სტუმარმასპინძლობის ბიზნესი მუდმივი, ცოცხალი პროცესია, სადაც ყოველდღე გიწევს ადამიანების მოლოდინის გამართლება და  დეტალებზე ზრუნვაა. ამ პროცესში ზურაბ მოდებაძისთვის მთავარი ფინანსური მხარდამჭერი თიბისია.“20 წელზე მეტია, თიბისის ერთგული მომხმარებელი ვარ. ამ ბიზნესსაც ხელს ვერ მოვკიდებდი შეღავათიანი აგროკრედიტის გარეშე. სამომავლო გეგმებშიც თიბისის იმედი მაქვს”, - ამბობს ზურაბი.“სეროდანი” მუდმივად ფართოვდება. სულ მალე, სტუმრებს თონეში, კახური შოთის ჩაკვრა, მაყალზე მწვადის შეწვა, ჩურჩხელების ამოვლება და არყის გამოხდაც შეეძლებათ. თუმცა,მთავარი ემოცია, რომელსაც “სეროდანი” გიჩენს, დროის გატარება კი არა, უკან მალევე დაბრუნების სურვილია.

1747895189

ნათია თურნავამ მისიის წევრებს, ალეხანდრო ჰაჟდენბერგის ხელმძღვანელობით, ქვეყნის მონეტარული პოლიტიკის საკითხები და მაკროეკონომიკური და ფინანსური სტაბილურობის მიმართულებით ქვეყანაში არსებული მდგომარეობა გააცნო.სებ-ის პრეზიდენტის თქმით, ეროვნული ბანკი რჩება არსებული მონეტარული პოლიტიკის ჩარჩოს ერთგული, რომლის ფარგლებშიც ცენტრალური ბანკი წარმატებით უზრუნველყოფს ფასების სტაბილურობას.საერთაშორისო სავალუტო ფონდის მისიამ, რომელიც სსფ-ის წესდების IV მუხლის დებულებით („მეოთხე მუხლის კონსულტაციები“) გათვალისწინებული კონსულტაციების ფარგლებში ხორციელდება, საქართველოში მუშაობა ოთხშაბათს დაიწყო.მისიის მიზანია, საერთაშორისო სავალუტო ფონდის მიერ საქართველოში არსებული მაკროეკონომიკური მდგომარეობის, ქვეყნის ფისკალური და მონეტარული პოლიტიკის განხილვა.ეროვნულ ბანკში გამართულ შეხვედრას ასევე ესწრებოდნენ საქართველოს ეროვნული ბანკის ვიცე-პრეზიდენტები ეკატერინე მიქაბაძე, ეკატერინე გალდავა და ნინო ჯელაძე. სსფ-ის მუდმივი წარმომადგენელი საქართველოში ენდრიუ ჯუველი და სებ-ის მიმართულებების ხელმძღვანელები.მომდევნო დღეებში სსფ-ს მისია სამუშაო შეხვედრებს გამართავს ეროვნული ბანკის მაკროეკონომიკისა და სტატისტიკის, ფინანსური სტაბილურობის, ფინანსური ბაზრების, სპეციალიზებული რისკების და სხვა დეპარტამენტებთან.ვიზიტის დასასრულს მისია შემაჯამებელ შეხვედრას ეროვნული ბანკის პრეზიდენტთან ნათია თურნავასთან და ეკონომიკური პროფილის სამინისტროების წარმომადგენლებთან გამართავს.სებ-ის პრეზიდენტმა სსფ-სთან შეუთანხმებელი საკითხების არარსებობაზე გასულ კვირას, პარლამენტში წლიური ანგარიშის წარდგენისას განაცხადა. ჩათვალა, რომ ღია საკითხები ამოწურულია და არაფერი უშლის ხელს შემდგომ თანამშრომლობაზე საუბარს.როგორც გახსოვთ IMF-ის შეჩერებული $280–მილიონიანი პროგრამა, 36 თვის ვადაში შესასრულებელ ვალდებულებებზე იყო მიბმული.ფონდს კითხვები ჰქონდა სებ-ის I ვიცე-პრეზიდენტის პოსტის შემოღებაზე, რომლის კანონპროექტს პრეზიდენტმა ზურაბიშვილმა ვეტო დაადოეს იყო 2023-ის თებერვალში, ივნისში კი პარლამენტი საკითხს მიუბრუნდა (რუსული კანონის  მსგავსად, თუმცა განსხვავება იყო დროის ინტერვალში 1 წლიანი და ნახევარწლიანი) ვეტო დაძლია და თურნავა I ვიცე-პრეზიდენტი გახდა.ამას დაერთო, თურნავას მიერ საერთაშორისო სანქციების აღსრულებაზე საგამონაკლისო წესის მიღება, რომელიც ხელისუფლების ოპონენტებმა ფარცხალაძის დასანქცირებას დაუკავშირეს.მე-3, სახელმწიფო საწარმოების რეფორმის საკითხი იყო.

1747842033